|
رحبو معي الخاله ناجيه مصطفي (بورداب الدوحه)
|
Quote: 13-03-2008, 10:24 م
ناجية مصطفى
.
تاريخ التسجيل: 07-09-2007 مجموع المشاركات: 23 Re: النسوان ..وناس الهامش...والجمهوريون ...والقوى الجديدة...كرهونا المنبر .... (Re: Abu Eltayeb)
لطفى كيف حالك أنشالله أنت كويس مشتاقي ـــــــــــــــــــــــــــــــــــــــن
أ‘و ع تكون أنت الكرهت الناس المنبر؟ |
الخاله ناجيه بالله انتي مشتركه من 2007 و انا ما جايب خبر مرحب بيك
|
|
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
غايتو أنا العارفو يا أبو الطيب إنو خالتو ناجية دي تعدت الستة أشهر كبوردابية لكن باقي لي ماهي هميمة لأنو مشاركاتها لا تذيد عن العشرين مشاركة. عموماً مرحب بيها كتير وشكراً ليك لأنك سميتا خالة لأنها لي يوم الليلة ما معترفة بي كدة لكن ما دام طلعت خالتك فكان الأحرى إنك تقول جدة أو حبوبة طارق المكي لأنو انا بالجد صغير في سني .
المكي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: مامون أحمد إبراهيم)
|
Quote: غايتو أنا العارفو يا أبو الطيب إنو خالتو ناجية دي تعدت الستة أشهر كبوردابية لكن باقي لي ماهي هميمة لأنو مشاركاتها لا تذيد عن العشرين مشاركة. عموماً مرحب بيها كتير وشكراً ليك لأنك سميتا خالة لأنها لي يوم الليلة ما معترفة بي كدة لكن ما دام طلعت خالتك فكان الأحرى إنك تقول جدة أو حبوبة طارق المكي لأنو انا بالجد صغير في سني .
المكي |
ودالخاله اخوي طارق والله ليكم وحشه وليه يوم الجمعه و اكل الخاله ما لذ و طاب وو جود الشاعر المرهف الاديب النور عثمان ابكر بقفشاته وصراحته التي يحسد عليها, والوالد محمد فضل الله, طبعا الخاله مشاركاتها ما كتيره عشان تظبط ليكم جنس يوم الجمعه ده, تحياتي الكثيره لمازن وود الهند الذي لم ننعم بروياه.
تسلم
اخوك لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: مرحبتين حبابك..
ام طارق المكى وخالة ابوالطيب واختى انا..
اها كدا اتوزنت ولا لا يا طارق...?. |
الخاله الفاضله اميره الشيخ
شكرا علي المرور وترحيبك باختك ام طارق الخاله ناجيه والله انها نعم الخاله لي ونعم الاخت ليك ونعم الام لطارق ونعم الزوجه للعم محمد ونعم الحبوبه لاحفادها الاتنين (الاسامي يا طارق)
لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: يعنى ياطارق إنت ماعارف لطفى وحركاتو !
طبعاً هو قصدو يقول خالة ولدو الطيب , مش خالتو هو !
يازول لطفى دى يلعب بينا كلنا !
بس خليو وألبد ليو .
ياأبواللطف لو سمحت رسل رقم تلفونك . |
البد لي منو يا (عم) مامون اها التسوي بايدك يغلب اجاويدك, وقعت في الشرك براك, يا (عمو) انت بس اطلع منها وسرك في بير, قال قاصد الطيب قال, انا دفعت وشاح بتك وفي قول اخر مهاد وكان كترت مني, اها رايك في الوكرات الدخلت فيها نفسك دي شنو؟
لي قدام (وراء) مع تحياتي لاحمد الصغير ود محمود وبخيته سلامي لهم جميعا و فدوي واحمد الكبير يا عمو مامون (شرك)
تسلم
لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
اللطيف / لطفي مساء الخير
برضو فيك الخير ....ويديك العافية لكن شوف جنس اللخبطة دي :
Quote: لكن يا لطفي الله يكضب الشينة خالتك دي شايفا من ما سمعت بي البوست ده بتتصل بي عيادات التجميل عشان عملية شد الوجه ومشت الليله العصر إسباير تعمل تمارين رياضية وإتصلت بي مصور محترف لأجل صورة تبدو فيها أكثر شاباً للبروفايل |
منو المحتاج لعيادات تجميل يامطوفش انت ..... الظاهر عليك اتعاديت بمرض العيون ونحنا ماعارفين.... الخلقة والاخلاق عند ام طارق .... سيبك من الكلام المابقنع بوبي ده .... جنس حساده ....!
التحايا للعزيزة ناجية تحياتي هارون المكي ولا اقول طارق دياب ولا اقول ليك خليها مفتوحة كل الود
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: الأبن العزيز أبو الطيب الأخ العزيز مامون ألأبن طروقى الأخت العزيزةأميرةالشيخ الأخت رجاء احييكم جميعاوأشكركم على هذه المداخلةالظريفةة ولكم منى الف الف الف سلام |
الأخت ناجيه , والله بالغت ! يازوله الزول ده ما يخمك ساكت , والله كان الإبن أبوالطيب ماعارف ! يازوله ونحن شفع سغار لطفى ده كان مناضل كبير فى الجامعه !
إذا كان أنا دفعة محمد فضل الله تقريباً , معناتا أنا منطقياً أكبر منك. تبقى كيف خالة لطفى ؟! يازوله قولى ليك كلام غير ده !
الزول ده بياكلنا حنك ساكت !
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
كتب ابننا طارق المكي :
Quote: أنا والأمريكي على امى وأنا وأمي على أبو ساندرا ". |
يا طارق ، ما ما ناجية دي ما محتاجة لدعمك براها قادرة أن تجهز على بلد دي مخوفة إستاذ النور وفي رواية أخرى قالو مخوفة محمد المكي بي دبابيرو ودبابير أخرى بمستوى العقيد زي ناس عزالدين محمد خير والفاتح عبدالخالق
دي حكومة ياخ براها بتقضي علينا
هسع انا مفكر أرحل عشان ما تجندر لينا رشود الوديعة
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
ابو الطيب
سلام
جيت بحماس شديد جدا عشان أرحب
لما لقيت الخال ناجية مصطفى اقدم منى في التسجيل تراجعت شوية
تاني لما لقين أنو مشاركاتي أكتر من مشاركاتها قلت خلاس انا سيد بيت أكتر منها .
مرحب بيك يا خالة ناجية مصطفى .
خرمجة :
الناس الكرهوك المنبر ديل انا عملوا لي حموضة والتهاب في المصران .
كل الود
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
لإجقاق الحق البوست ومداخلاته جميعها تقريبآ كان مشاغبة مع أختنا وزميلتنا العزيزة ناجية وهي مشاغبات المحبة والأخت أم طارق جديرة بالمحبة لأنها تتمتع بإحساس مرهف وبروح عظيمة وبإنتماء عميق وأصيل للإنسانية والخير
فناجية شعلة نشاط ، تنشط في العمل الإجتماعي والتطوعي فهي عضو في مركز العمل التطوعي القطري وتفضل دائمآ ان تتطوع للعمل مع المسنين والعجزة ، وتتفانى في تقديم العون برغبة قوية وحب يميز شخصية ناجية
وناجية تعد من { ظرفاء البلاد } معروفة بالتعليق الذكي صاحبة نكتة من الطراز الأول ، وهي تنتجها بتعليقاتها الطريفة
وناجية لاتستقبلك إلا بإبتسامة صافية ، تهش وتبش لضيوفها وهي ست مجالس ، تعرف كيف تدير الحوار ، وتعرف كيف توانس لبقة وذات حضور مدهش وتجيد التعبير المباشر لناجية كل الحب والإحترام
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: لكن يا لطفي الله يكضب الشينة خالتك دي شايفا من ما سمعت بي البوست ده بتتصل بي عيادات التجميل عشان عملية شد الوجه ومشت الليله العصر إسباير تعمل تمارين رياضية وإتصلت بي مصور محترف لأجل صورة تبدو فيها أكثر شاباً للبروفايل وكمان سمعتها بي إضني الإتنين ديل بتتوعد فيك وحالفة تتصل بتنظيم القاعدة" رشيدة" ( دي خالتك جديدة لسه ما قابلتها ) لأجل رد يكون موازي لإفترائك على حسب زعمها لكن ما تخاف أنا معاك وذي ما بقول المثل "أنا والأمريكي على امى وأنا وأمي على أبو ساندرا ". عموماً أنا لو حصل لي أي حاجة ولا حسيت بالخطر حا أمشي السفارة أقول ليهم أنا لطفي كان بيتغدا عندنا يوم الجمعة لكن خايفا تجي هناك تقول أنا الكنت بعمل ليهو الغد .
المكي طارق
التعديل للتحسينات |
عليك نور يا ود الخاله
ايليا ابو ماضي قال في قصيدته موميات ...............
حيكون في ضرب بعد شويه
ود خالتك لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: ابو الطيب
سلام
جيت بحماس شديد جدا عشان أرحب
لما لقيت الخال ناجية مصطفى اقدم منى في التسجيل تراجعت شوية
تاني لما لقين أنو مشاركاتي أكتر من مشاركاتها قلت خلاس انا سيد بيت أكتر منها .
مرحب بيك يا خالة ناجية مصطفى .
خرمجة :
الناس الكرهوك المنبر ديل انا عملوا لي حموضة والتهاب في المصران .
كل الود |
والله خالتك دي يا البشير بتعمل جنس دكوه بالليمون بس انت عليك بالشطه عشان الحموضه
اخوك لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: الأبناء الأعزاء أبو ساندرا البشير دفع الله رأفت ميلاد مرحب بيكم ومرحب بمداخلاتكم الظريفةوالله أنا سعيدة جدابأولادى وأخوانى المهم اسمع منكم كل الألقاب البتريحكم والله انا أمكم، وأختكم ،وخالتكم وصديقتكم، وربنا أخليكم لى وإديكم العافية |
الاعتراف سيد الادله
ود اختك لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: ياأخوانا الزول بتاع المكاواة ده مشا وين ؟!!
والله بعد ده مافاضل ليك إلا تقول خالتو فدوى كمان ! |
انت اطلع منها يا مامون ولا اقول ليك اللهم انصر مامون باحد الفاتحين (الفاتح عبدالخالق و الفاتح النقر) ديل اولاد دفعتك (شاهدين عدلين) حنكلم بكري يعمل ليهم باسورد موقت للشهاده (حالة طواري) قال اقول خالتو فدوي اها براك (اوباما) جبتها لنفسك خالتو وشاح رايك شنو؟
ود اختك لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: لإجقاق الحق البوست ومداخلاته جميعها تقريبآ كان مشاغبة مع أختنا وزميلتنا العزيزة ناجية وهي مشاغبات المحبة والأخت أم طارق جديرة بالمحبة لأنها تتمتع بإحساس مرهف وبروح عظيمة وبإنتماء عميق وأصيل للإنسانية والخير
فناجية شعلة نشاط ، تنشط في العمل الإجتماعي والتطوعي فهي عضو في مركز العمل التطوعي القطري وتفضل دائمآ ان تتطوع للعمل مع المسنين والعجزة ، وتتفانى في تقديم العون برغبة قوية وحب يميز شخصية ناجية
وناجية تعد من { ظرفاء البلاد } معروفة بالتعليق الذكي صاحبة نكتة من الطراز الأول ، وهي تنتجها بتعليقاتها الطريفة
وناجية لاتستقبلك إلا بإبتسامة صافية ، تهش وتبش لضيوفها وهي ست مجالس ، تعرف كيف تدير الحوار ، وتعرف كيف توانس لبقة وذات حضور مدهش وتجيد التعبير المباشر
لناجية كل الحب والإحترام |
الاخ ابوسامدرا
كلامك القلتو فوق ده كلو صاح, لكن يا اخوي الفيك اتعرفت
لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
الاخت الغالية / ام طارق مساء الخير
وحاتك 24 ساعة بس وتلقيها هنا ....بي غناء الزمن الجميل . وقطار الشوق متين ترحل تودينا ****نزور بلدا حنان اهله ترسي هناك ترسيييييييييييييييييييييييييييييييييييييييييييييييييييييييينا
احتراماتي مش تحياتي ..... عشان في واحد حيجي ناطي لي في رقيبتي ؟ هارون دياب
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: التحيةالعطرة للأخت ناجية بنت الخال الأستاذ مصطفي عبد العال ولأهل بيته العامر بكل ما هو جميل (ذكريات جميلة في الحلفاية تلك المدينة دافئة الحنان) |
مرحب بيك مهندس محمد السيد
التاريخ و حلفاية الملوك و بجاه الملوك نلوك والله خالتك ناجيه دي عندها جنس عضه الله يكون في عونك يا شيخ
مودتي
لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
الأبن العزيز لطفى تحية وشوق ألأيام الفاتت كنت مشقولة شوية اليوم بس شوفت الألبوم والله حاجة رائعة جدا وقولى يالطفى :الناس السمحة دى كانت فى السودان سمحة كدا ولا سمحو هناك؟ عشان نفكر فى الهجرةلأمريكا أنا مستمتعة جدا بالصور كمان عمك محمد فضل الله قال عايز أمشى أمريكا أشوف ليه عروس من السمحات ديل وقال لى زمنك دا كلو أنت غاشانى خليتنى أضيع شبابى كله معاك يعنى يالطفى فى داعى للفتن دى ما كان أحسن تخلى الفتنة نايمة زى ما قال أبو ساندرا ولك كل الود وكتر من الهداية الحلوة دى
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: ناجية مصطفى)
|
الأخ العزيز الغالى محمد سيد فضل السلام والشوق الكثير الكثير لشخصك والله مشتاقين وزمن طويل ماشفناك أن شاء ألله تكون بخير وصحة وعافية وأخبار الأهل معاك اتمنى أن يكونو بخير والله أنا بشكرك كتير على هذه المداخلة والسؤال عنى وسعدت جدا بهذا التواصل وشكرا للأبن المشاغب لطفى ولكم كل الود وأحترامى
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
Quote: 22-03-2008, 08:08 م
ناجية مصطفى
.
تاريخ التسجيل: 07-09-2007 مجموع المشاركات: 44 Re: موقع سودانيزاونلاين دوت كم ليست للبيع و سعره اكثر من ذلك (Re: Ahmed Osman)
الأخ بكرى تحياتى واشواقى
كيف حالك والأسرة الكريمة هالة والأولادإنشاء الله بخير ياخوى كلمنى عايزين أشتروا الموقع فاضى ولامفروش يعنى نحن جوة ولا بره؟ |
البيت محروس وستو تكوس
ود اختك لطفي
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Abu Eltayeb)
|
الغالية ناجية ست الكل
و الله فرحتينا بوجودك كاضافة حقيقة
للمنبر و الحمد لله الزول بقدر تواصل معاك هنا
لحد ما ربنا يرد غربتك سالمة غانمة انشا الله
تقبلي تحيات الجميع بدون فرز
و قدر ما احاول اوصف روعتك للناس الما
اسعفهم الحظ بمعرفتك و ملاقاتك ما اظن الكلمات
حتقدر توصف , لكن اخلي وجودك يتحدث عنك و بالجد محظوظين ناس المنبر بالتعرف عليك
| |
|
|
|
|
|
|
Re: رحبو معي الخاله ناجيه مصطفي (بورداب الدوحه) (Re: Nada Jamma)
|
ندوية الحلوة الرقيقة تحياتى لك وللاسرة الكريمة والشوق ماليه حدود وشكرا ندوية على الكلمات الحلوة من زوقك وعشان قلاوتك عندى بهديك هذه الأبيات للشاعر هاشم صديق ياريتنى أقدر أقول فيك الكلام المانكتب وأجلى المقاطع بالدهب عيونك ديل عيون أهلى حنان زى نغمة فى مقطع وطهرك تاج جواهرو العزة وانتى العزة ليك تركع وأكثر ياندى تحياتى للجميع
| |
|
|
|
|
|
|
|