Quote: ما تنسا تفتح الشبابيك و الأير كوندشن...و هاك المروحة دي.
الغنية سمحة والقصيدة جميلة ودخلنا سمعناها من يوم ما نزلت البوست بس المشكلة نادر صوتو كعب عشان كده ما دخلنا قلنا حاجة اصلو بعيد عنك عارفنك انت معتقد في الزول ده وشغال ليهو لمن قربت تسميهو (مطرب الزمن الجميل )..
بالمناسبة بتعرف شملة كنيزة ؟
11-14-2006, 03:44 PM
ahmed saeed ahmed saeed
تاريخ التسجيل: 11-24-2003
مجموع المشاركات: 662
قبل حوالي التلاتة سنين وحينها كنت في رحلة الي الجابون في غرب افريقيا
وكنت مسافر من مدينة اسمها فرانسفيل وهي في الحدود مع الكنغو
الي مدينة اسمها اويم في الحدود مع غينيا اكوادوريا بالاندكروزر وهي وسيلة المواصلات الوحيدة المتوفرة والمسافة حوالي 12 ساعة جبال وغابات ........... تم حجز لي مقعد امامي بحكم اني ضيف بعد ان توسدت مقعدي وادار السايق العربة في الصباح الساعة لسادسة صباحا مشينا شوية ...ادار السايق جهاز المسجل اذ بي افاجا بصوت الفنان سيد خليفة حقيقتا فترة استمعت الي اغنية كاملة لمن بدات الاغنية التالية بدات في سوال السايق هل يعرف اسم هذا الفنان فرد بالنفي وبعدها سالته هل يعرف من اي بلد هو ايضا اجاب بالنفي وسوال اخر هل يفهم الاغاني اجاب ايضا بالنفي ولكن عقب بان الموسيقي وصوت الفنان تعجبه كثيرا لذلك لا يفارقه شريط الكاسيت علي الاطلاق بعدها وريتو اسم الفنان انه من بلدي السودان والسودان يقع وين .... الي اخره وعرفت قصته مع شريط الكاسيت ومن اين اتي به ....
الفن يتسلل الي الاعماق بلا رقيب
11-14-2006, 04:22 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
ترجعني هذه الأغنية لتلك الفترة الواقعة في المدى الزمني 13/02/1989 و 28/02/1989 . رجعت للسودان لأتوج حباً كبيراً بزواجي بمن اختارها القلب والعقل . فرح معي أحباب كثر بين رفاعة والخرطوم بحري . احتفلوا بنا كل على طريقته . العامل المشترك بينهم كان ذلك الفرح الكبير وهذه الأغنية . فحيثما تتم دعوتنا نجد الإستريو يصدح بها . يبدو أنها كانت الـ ( Hit Song ) لتلك الفترة . معك أتفق أن حنية الكلمات ، وحنية اللحن ، وحنية صوت أبو السيد تضافروا ليعطوا الأغنية هذا الألق .
شكراً لك
تشريمة
صديقي الحبيب عبدالوهاب عمرابي كان يعرف محبتي لهذه الأغنية وذكرياتها فكان يسخر بالقول
" يا أخي في زول عاقل يتذكر ( ليلة الخناجر الطويلة ) هذه ؟؟؟ "
11-15-2006, 02:02 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: ترجعني هذه الأغنية لتلك الفترة الواقعة في المدى الزمني 13/02/1989 و 28/02/1989 . رجعت للسودان لأتوج حباً كبيراً بزواجي بمن اختارها القلب والعقل .
اجمل حاجة في الموضوع انك عرست قبل الجماعة يقلبوها وبالتالي حا يكون عرسك من النوع اللي صباح داك والحفلة شغالة وشاي اللبن بي اللقيمات مدور .. ما اجملها من ايام فوضوية ايام الديموقراطية كان للعرس طعم ولون ونكهة ورائحة ..
الاغنية نعم كانت في تلك الفترة قابضة الجو خصوصاً عندما يتغنى بها خالد الصحافة وكان دوماً ما يبدأ بها اي فنان المناسبة والغريبة يختم بها رغم بطء الايقاع ..
تخريمة : الشعب السوداني غريب ومحير ..الواحد تلقاهو لا ماخد شاكوش ولا بيحب حتى ورغماً عن كده تلقاهو بيحب اغاني الخناجر والوجع دي
11-15-2006, 01:58 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: قبل حوالي التلاتة سنين وحينها كنت في رحلة الي الجابون في غرب افريقيا
وكنت مسافر من مدينة اسمها فرانسفيل وهي في الحدود مع الكنغو
الي مدينة اسمها اويم في الحدود مع غينيا اكوادوريا بالاندكروزر وهي وسيلة المواصلات الوحيدة المتوفرة والمسافة حوالي 12 ساعة جبال وغابات ........... تم حجز لي مقعد امامي بحكم اني ضيف بعد ان توسدت مقعدي وادار السايق العربة في الصباح الساعة لسادسة صباحا مشينا شوية ...ادار السايق جهاز المسجل اذ بي افاجا بصوت الفنان سيد خليفة حقيقتا فترة استمعت الي اغنية كاملة لمن بدات الاغنية التالية بدات في سوال السايق هل يعرف اسم هذا الفنان فرد بالنفي وبعدها سالته هل يعرف من اي بلد هو ايضا اجاب بالنفي وسوال اخر هل يفهم الاغاني اجاب ايضا بالنفي ولكن عقب بان الموسيقي وصوت الفنان تعجبه كثيرا لذلك لا يفارقه شريط الكاسيت علي الاطلاق بعدها وريتو اسم الفنان انه من بلدي السودان والسودان يقع وين .... الي اخره وعرفت قصته مع شريط الكاسيت ومن اين اتي به ....
ياخ والله قصة اقرب للخيال والواحد لو ما خايف تفهموا غلط كان قال ليك : زننننننننننننننننننننننننننننننننننننننن اسعدتني جدا هذه المداخلة وطمأنتني على فننا الذيلا ابدله بفن اخر ومهما استمعت لاغاني اجد ان اجمل ما سمعت هو غنانا ..
تخريمة : الشمار كتلني ياخ ما تتم لي حكاية الشريط وجابو كيف !!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
ASAAD IBRAHIM
Kostawi
عاطف عمر
فيس بوك
تويتر
انستقرام
يوتيوب
بنتيريست