المصيبة يا عمر البشير حالة ما اهبل وعوير تشيل وتكضب باسم الله متخيل انو الله تعالي ( استغفر الله) زيو وزي ديل بنغش ليك زي المغشوشين البصفقوا ليك ديل ومعاهم المنافقين والكضابين الحولك ديل و متخيل ربنا ( استغفر الله) بنخم ليك بكضبك ده زي المخمومين الخاميهم ديل باسم نصرة الرسول.... وانت كتال الكتلة وشيخ الحراميةكاتل الاف من شعبك ومعذب الالاف ومشرد الملايين والله شايف والله عارف وانت غافل.. متخيل حتغش ربنا بكواريكك دي وكضبك ده...يا زول اطرى الموت قريب بكرة بتروح فيها في جغمة موية وبتقابل ربك وبتضرب الحي ووب والله ما تلقي الببكي عليك!
وهاهو الفاشي موسليني يعلق علي حبل المشنقة وانت لست بافضل منه ورغم ظلمه فقد ظل كثير من الايطاليين يعتبرونه رمزا وطنيا وما قالوا عنه خائنا فاسدا فانت خائن وفاسد ومجرم وكاذب وجبان!
والان اين هذا الطاغية الفوهرر النازي هتلر وهو اكثر وطنية وشرعية منك لانه قد اتي السلطة عبر حزبه النازي بواسطة الديموقراطيةبرغم كل جبروته وبطشه وفظائعه وقد كان يطمح ان يحكم كل العالم وقد اقنع غالبية اهله بذلك... ولكنه انتهي نهاية تناسب ظلمه وقهره وانت لست باشرف منه!
يعني كضبك بقي معروف للدنيا كلها كيفن يفوت علي ربنا( استغفر الله) الخلقك وعجنك وعارفك جوه وبره ينغش ليك...استحي يا زول الحق روحك قبل الموت...الزبير رااح... وابراهيم شمش الدين راااح... ومجذوب راااااااح وكتيرين راااااحوا بموتات شنيعة حرق وغرق وحوادث اعمل حسابك الدور ماشي عليكم واحد واحد.. ودعوة المظلوم ما بتقع واطة..يا غافل حق مساكين دارفور المشتتين في الخلا وميتين بالجوع والفقر والرصاص حقهم ما برووووح ساكت يا غافل...الانبياء ماتوا والصالحين ماتوا وكمان الاباطرة والملوك والطواغيت..حتين انت يا الرمة قال روحك مخلد فيها....التوبة قبل الطوبة!
ما لنا بقينا شعب خايب ومعولق ومخولق ومجوبك..حاجة تافهة بين الشعوب بعد ما كنا قبلة ليها وقدوة ومنارة...شعب ثورات وانتفاضات وبطولات في مواجهة محتلين اجانب وطواغيت محليين نثور علي اقل حاجة...ايه الحاصل والظلم تضاعف علينا ملايين المرات! ايه يعني نميري العرة التافه داك حكمنا ستاشر سنة وفات ويا هو جا راجع كانو ما حصل حاجة اهو قاعد متندل في نص البلد ما فينا واحد ود مره ان شاء الله اضربوا كف بس اياخذ تار ابوهو ولا اخوهو من الكتلن نميري واهو اجي اخر الزمن الرمة ده اسع تمنتاشر سنة وماشة بالزايد.... ليهو الحق احكمنا جعزمية سنة مادام من حولو كمية من القوادين والحرامية والمنافقين واهللوا ليهو صباح مساء سير سير يا بشيروهو مصدق انو عمر بن الخطاب! ليهو الحق اقعد جعزمية سنة مادام معظم القادة السياسيين بتاعننا بقوا حقيرين وتافهين وخونه ما عندهم كلمة ولا اخلاق ولا مباديء مكنكشين بس في الدنيا دي من المهد الي اللحد وافتشوا في مصالحن!
ليهو الحق اقعد جعزمية سنة ما دام معظم رجال الدين عندنا ما شفنا ليهم دين اديهم الشجاعة والرجالة والصدقية شان اقدر فيهم واحد ود مره اقدر اقول ليهو( لا) للظلم لا للفساد لا للقتل لا للنهب...لانهم بخافوا قولة الحق وبخافوا الحاكم وده معناهو ما بخافوا الله,,,يخسي عليهم....بس فالحين لينا في الفتاوي الهايفة والخطب الضعيفة!
ليهو الحق اقعد جعزمية السنة اذا كان اهو نحن العاملين مثقفين اهو انانيين وكل واحد عايش لروحو وشايل ليهو قرايه وشهادات في الفاضي ولا قلما ولا فهما بزيل البلم ولا بجيب البغم! مجرد مجموعات من المواهيم والجبناء والتافهين...! ما اشرف مننا الا الشهداء اللي ماتوا شان قضية البلد اللي نحن خناها!
03-06-2008, 08:40 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
و(اعملوا حسابكم) يا ايها المنافقون الجبناء يا من تؤيدون العصابة اما بصمتكم البئيس او بتاييدكم الصريح وانتم تكابرون وتتعامون عن حقيقة هامة انكم تؤيدون قتلة ولصوصا ومجرمين واضحين لا لبس ولا غموض في اثامهم اي تناصرون القتل والتعذيب والنهب وحينها لافرق بين المجرم ومن يؤيده..وعذاب الله ات وقد اتاكم الله العقول لتميزوا الحق من الباطل وكي تعتصموا بالحكمة لان في الحكمة يكمن الصدق والصدق منجاة الانسان الصالح السوي!
03-06-2008, 02:39 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
وهؤلاء المظاليم سيمثلون امام الله يوم الحشروسيشهدون علي ظلمكم وظلم من ايدوكم من المنافقين من جبنوا وحادوا عن قولة الحق امامكم مناصحين واولهم علماء الدين المنافقون الذين لا يخشون الله بل يخشونكم ولذلك صمتوا عن قولة الحق والساكت عن الحق شيطان اخرس!
خبارك يا أخوي الليلة :غبينتك" زااايدة كدة،،، و الله لكن ليك ألف حق ،، و أنا بقرأ في كلامك كنت مرات بضحك من تعبيراتك المعبرة "المضحك المبكي""
الله ما غز فيهم بركة السجمونا و بشتنو بلدنا و طيروا عقول الناس و طفشونا من أهلنا "كان قصداً أو غيرو"
كان بلدنا بلداً بينقعد، مالنا و مال الغربة و العواليق دة؟؟ موش كان إنعصرنا على أهلنا في الحلوة و المرة؟؟ بدلاً الأخبار السمحة و الشينة البتجينا من جاي و جاي؟؟
الله يبعد الظلم و الظالمين
و يرد غربتنا و يجمع شتاتنا
03-06-2008, 06:58 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
حيدر حسن ميرغني
Adam Omer
نوسة
فيس بوك
تويتر
انستقرام
يوتيوب
بنتيريست