انه فرعون السودان العاري من الصدق والايمان الكاذب الطنان عمر الهراط والجبان والذي اقسم برب السماء والارض والانسان والحيوان ان لا تدخل دارفور (القبعات الزرق) وان لا يطا الامريكان ارض السودان وان المعلمة البريطانية التي سبت (نبينا)ستاخذ حقها من العذاب والقصاص والهوان اصنافا والوان وان حلايب ارضناستعود الي السودان طال ام قصر الزمان وكانت النتيجة( ظراطا وفساءوصياحا) هز الجبال والاكوان واهتزت الارض من صيحة هذا الكاذب الطنان والذي وراءه الرجرجة والدهماء من سائر بشر منقادون كالسائمات من ملة الحيوان وبلا عقل وبلا ضمير لا تعقل انه المجرم الاول الذي شوه الاسلام والايمان وقدم اسوا انموذج لدولة الاسلام بظلمه وجرائمه في حق الانسان والنبات والحيوان!
فانتم ايها الكذبة والمنافقون اخر من يتحدث عن الغيرة عليالاسلام وعن طهرية الاسلام وقيم محمد رسول الله لانكم انتم من اساء الي نبينا الكريم بدولة الظلم والفساد والقتل والتعذيب والنهب باسم الاسلام وقدم المبررات للاخرين من المتربصين لسب الاسلام!
يا ليت هذه الملايين التي خرجت لنصرة النبي (ص) ان يفك الله اسرها من غيبوبتها ويعيد اليها رشدها وصوابها وعقلها للثار لكرامتها وشرفها من ظالميها الحقيقيين وهم الذين يقودونها اليوم بلا استحياء لنصرة رسول الله... حيث افعالهم وجرائمهم كانت اشنع في الاساءة لرسول الله (ص) والاسلام من تلكم الرسوم الورقية... وهذه قمة الغيبوبة ان يقود المجرم الاول والمسيء الاول لرسول الله ودين الله مثل هذه الجموع لنصرة نبيها وهي لا تدري انها كما السائمات من الدواب يقودها المجرم الحقيقي وهو اخر من يتحدث عن الاسلام ونصرة نبي الاسلام وفاقد الشيء لا يعطيه!
اين انتم يا علماء السلطان علماء الغفلة الجبناء لماذا صمتم وايدتم هذا النظام المجرم المسيء الي دين الله واسم رسول الله.. اين ضمائركم وتقاكم وورعكم وتدينكم واين خشية العلماء من الله عندما يعلمون بالباطل وهو يؤرقهم لانهم يعلمون العقاب والجزاء لان الساكت عن الحق شيطان اخرس!
تعظيم سلام واجمل كلام ليك يمّة يا حاجة الهدية رمضان كريم والله اكرم ومقبولة صومتك يا رضيّة ومني ليك أبرك تحية اديك صحة واديك عافية و حجة لمكة العليّة
وهناك تطوفي بالكعبة الشريفة وتدعي لينا يا شريفة ويا عفيفة الله افكنا من ولدك عمرهذا التليفة دلدول الخوازيق وكمان عامل خليفة وكمان افكنا من ملة الجبهة الجليفة ملة الدين المزوّر والخرافات السخيفة وافكنا من كل التوالي و الدلاقين الحليفة وافكنا من حالة العدم المخيفة وحالة الناس الشلش عدمانة حق الرغيفة
و قولي لي ولدك عمر اب عصاية عمر الكرور عمر العرور عمر الطرور يا هوي يا وليد خلاص وقف كفاية وخاف الله في ناسا تعافر مدفونة حية للرزق يا دوب تدافر مضبوحة بشرع المجازر مكشوشة في دين الكوامر ومضروبة في جو المخافر ومظلومة في جوف المقابر ومطرودة في كل المهاجر ومنهوبة بالدجل المشاتر ومذلولة بصلف العساكر ومغدورة بشرع الخناجر ومرهوبة بكضب العناتر
قولي لولدك عمر هذا العرور المعتبر الكنت قايلاهو انضف من قمر وكنت قايلاهو مهدينا المنتظر أوكنت قايلاهو المك نمر لكن يمـّة المولى ما قسملك ابدا ولد ربما خلوا التبيعة عكس قانون الطبيعة ودفنوا في الارض الولد وجانا من سرق البلد لم يلد ولم يفد هذا الكرور المستبد هذا الجبان المرتعد
عمر المشير المعتبر عمر البشير الما بشر عمر العساكر والكجر عمر المفاسد والغجر
قولي ليهو يا وليد وقف كفاية الوطن ماهو حوش بهايم للسعاية وارواحنا ماها لعبة هواية ودم الناس ماهو موية سقاية يا وليد يا هوي كفاية
قولي ليهو: ماعافية منك ماني امك وابرا منك وكيف تداري الليلة ذنبك يوم تموت وتلاقي ربك وماني قايلاك سفاحا محنك وماني قايلاك سراقا وليك فنك يا ضنايا قايلاك راجلا زول مكارم شايل الناس في الحنايا بفرح الايتام بعطفو وبديهم الحب والعناية وقايلاك راجلا بشبع الناس الجعانة بستر الناس العرايا وقايلاك راجلا حقاني في ساعة المظالم بدي للمظلوم حماية وقايلاك راجلا ما بتكضب ما بتنافق دينو اصلي مو دعاية وقايلاك راجلا في كلامك في سلامك فنجريا فضلو باين بالعطايا يا ضنايا
ضاع شقايا وطال اذايا ووب عليك من دم الضحايا وحق يتيما انت شارب دم ابوهو وانت اشنع من عدوهو شوقو للعيد والهدايا فاقد الريد والمحنة فاقد الحب والرعاية وبكرة برسب في القراية ولكن ماهو ناسي دم ابوهو وتارو والع في الحنايا
ووب عليك يا جنايا من حق معذب في سجونك بالوشاية ما بخلي حقو ابدا في النهاية وحق مشرد بفنونك في الخطايا وبكرة جاي من جمر المنافي زعلو وافي وكيلو وافي وديمة قادل في المنايا يا هوي يا وليد وقف كفاية ما عافية منك ماني امك وابرا منك وماك طالع من حشايا
واسأليه يمة عن كتلة الشفع صغار في العيلفون وكيف دمعة ام فقدت حشاها شويفعا دريفون والدمع سال مطر دافق هتون مالي العيون وكيفن ولدك كتال الرقاب عامل حنون اهدى للشفع حلاوة حلاوة من طعم المنون هذا المشير هذا الحمار رصاصو ولع في الدرافين الصغار باسم الله كبر وجاهد عمر الحمار وسال الدم ركب والبحر زاد احمرار واليوم قد كان عيد الضحية وكانوا شفعنا الضحية وليدك عمر اهدى للشفع ودار شان رفضوا الحرب رفضوا الدمار
والليلة عامل فيها حمامة للحب والسلام ونافش ريشو في نيفاشا فاروقنا الهمام وصدق انو صانع الحب والوئام بعد ماكان بشجع لعبة الموت الزؤام يا سلام من كضب جاب الطمام ويا سلام من دجل ساكن النظام ويا سلام من عفن راكز تمام ويا سلام يا سلام من هذا السلام قولي ليهو : ماني امك ما عافية منك وابرا منك *** اسمعيني يمّة الهدية انت عارفة الدنيا فانية ولينا مكتوبة النهاية والله عارف والله شايف كل ما كان في النوايا والدين يا يمه قالوا النصيحة والسترة ديمة بارياها الفضيحة واتى يمة بتعرفي الله وبتخافي الله وبترضي بالكلمة الصريحة وتب ما بترضي بالفعلة القبيحة والليلة عندي ليك اخبارا ما مريحة في دولة وليدك عمر هذا التليحة دولة الدين المخستك والشعارات القبيحة وفي كل يوم تغرب شمس وفيها تسمع كم من فضيحة
وان شاء الله يمّة متابعة اخبار السياسة؟ وعارفة حالة البلد الليلة زي صاج العواسة والشغلة لا طايوق لافهم كسرة شايطة وحالة زايطة جايطة زي كوم كناسة ولا زلنا في سوق النخاسة باعونا في كل المواسم بالاحابيل والخساسة والفساد والعفن الليلة قد طال السياسة ونظام الزفت الليلة زايد في ا لنجاسة عايز ليهو مشاطة وصندوق برنجي وناس فايقة للحكي والكواسة
ويا ما ناس غنت عابدة للجاه والقروش وبالسحت والربا الليلة عبوها الكروش نهبوا العباد سرقوا البلاد اكلوها بوش ناس والله من صنف الوحوش وديل يا يمة شلة ولدك عمر الفشوش *** واظنك يمة سمعت بالبتاع اب ريالة عبدو البتاع سقط المتاع عبدو الحتالة عبدو الوزير عبدو الحقيرفاقد الرجالة بعد ما سرق ونهب البتاع بكل سفالة ومن فضيحتو البتاع قدم عديل استقالة والليلة وزيربتاعنا في الزمن الزبالة وده وليدك عمرالبتاع رقاهو بكل هبالة والليلة البتاع وزير دفاع وكمان زايد خمالة وزير دفاع في بلد شبعت عمالة بلد منكوحة بقوات اجانب في جنوبها وفي شمالها *** وبدور اسألك فد سؤال امي يا حاجة الهدية دحين (صراصر) نقلوها لكافور الغنية؟؟ وقالوا البنيات رطبّن فوق العمارات الجبهجية والوليدات طاروا فوق العلالي و المقامات المنجهية وقالوا اللبع اصبح حلال بالفتاوي المنهجية وده كلو في جاه وليدك فاروقنا بعدالتو الهمبتية عدلو بس للاقارب والبطانات والمعية والشعب ياكل نارو ( سنة سنتين شوية)* ( ويا بلال عليّ النار والضيق عليّ) ### وليك سلامي امي يا حاجة الهدية واعفي عني ماني قاصدك يا هدية و يا رضية بدور افش غبينتي الجوّه في الجوف والطوّية وماني راكب دبابة وشايل بندقية شايل قولة الحق والصدق بحسن نية وشايل في كلامي ملامح من قضية قضية ظلم واضحة فاتت الحد بل عصيّة والصدق يا يمة ضايع الليلة في خوف الرعية ما عمر العرور شايل عصا وقنبلية والبفتح خشمو ما ليهو حق في الشكية والشكية يمة قالوا لي ابو ايدا قوية لكن ما في زول مات قبل يومو في الدنيا الدنية والبقولو الحق قلال والله ما بخافوا الاذية وكم شهيدا بدمو ناضل وهو ناضل للقضية وكم مناضل في سجنو كاتل شامخ النفس الابيّة وكم مهاجر في المنافي لسه ماسك في الهوية وحواء والدة جابت التاية الشهيدة السمهرية واقدلي وتلّي ايدك ياشهيدة يا عنيدة يا بنيّة
وسلام عليك امي يا حاجة الهدية ودعتك الله واديك صحة واديك عافية وحجة لمكة العلية وقولي للمجرم وليدك ماني امك وابرا منك وانت سفاحا محنك وانت لفاحا محنك ماني امك وابرا منك وابرا منك يا اذيّة
* هي السيدة الوالدة الحاجة الهديّة والدة السفاح عمر البشير * مقطع من اغنية شعبية سودانية.
03-02-2008, 02:12 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
بالله شوفوا الزول لعريان ده..قال حيقود المقاومة في دارفور ولن يسمح بدخول قوات امم متحدة في دارفور..دحين القوات القاعدة في الخرتوم دي سلاح الهجانة ولا قوة دفاع السودان يا كضاب!؟
مشير شنو وبشير شنو انت يا عمر العوير سفاح البلد رباطي البلد وكمان رقوك لرتبة مشير رقوك في زمن السجم وات همك بس تصير شاويشنا شاويش السجم جزارنا معدوم الضمير قدر الله قد جابك عديل رئيسا اهبلا فاضي وعوير لا طايوق لافهم لاخلقة لا اخلاق بس قعونجة تحت الزير
والله يا عوقة لو طرت السما وغسلوك بمطر السما وصبوك من دهبا نقي وسووك انسانا سوي بل سووك كمان نبي
برضو عند شعبي الامير انت احقر من حقير مجرم حرب سفاح خبير واولاد الهرمة المعاك هم افة البلد الكبير خرابة البلد الموكح بالسجم نهابة الشعب الفقير جلابة الدين الضلام ماهو دين الله القدير همباتة الرزق الحرام عنقالة الكضب الختير اولاد الحنوت اولاد الحرام زبالة الزمن العفن مومس الحال المرير
تف يا عفطة الزمن الكعب وعوع من دقسة الحال الضهب وتف لغفلة الناس الحيارى عندما غابت الناس البصارى وماتت الناس النوارة
فجاة قد جيت رئيس تيسا خرتوك من دكة تيوس وجيتنا في زفة تيوس ناسا حتالاتا نجوس همهم خم الفلوس والكل يحلم بالعروس عينة من بشرا رخيس نهابة البلد التعيس بالغدر والعمل الإنسان رخيص وبقيت رئيس وبقيت عريس وانت القايد وانت الرئيس خليك عريس همك الليلة الرقيص كل دلوكة داقة وقالو دقة للرئيس ما ات وحدك الرئيس وات وحدك العريس والماتو في الغابات فطيس
مشير شنو وبشير شنو والله لو طرت السما برضو عند شعبي الامير انت احقر من حقير
والله ما شفنا زولا بترقى في زمن الهزيمة وما شفنا زولا مهزوم ادوه قيمة والبلد في زمانك والله قد صبحت وليمة من سقط لقط دخلت جيوشا جبتوها للبلد الغنيمة وغردون جبتوه تاني بالعفانات القديمة وفشودة جبتوها تاني بالخسارات والهزيمة يا حليلك يا بلد امة قد كانت عظيمة باعوك انصاف الرجال بالجبن والحالة الازيمة باعوك برخس التراب اهدوك للاغراب وليمة لانهم عشاق كراسي وما عندهم للشعب قيمة
مشير شنو وبشير شنو والله لو طرت السما انت عند شعبي الامير انت احقر من حقير
مهازل يا بلد ستين مهازل حت (رواندا ) العفينة الغرقانة في بحر المشاكل ونيجريا سمعة حروبها قد ملت المحافل تهدي فينا وكنا تيجان المحافل تهدي في بلدي المناضل والذي كان حلال المشاكل بلد قدر السما وتاريخها مليان جمايل سديناها عين الشمش بسمح المكارم وحلو الشمايل وشعبي السمح كان بسمحو صايل وشعبي البطل بمجدو هايل
بلدي يا سجم ما جابت حوا غيرها فيها ترهاقا ونمر والمهدي ربان المسيرة فيها رابحة وفيها تاية ونحن منك يا مهيرة صانوها بدم الكرامة والشرف قد كان ضريرة قلعوها من خشم العدو بالعزة والروح الجسورة ما سرقوها في قومة دغش ونهبوا خيرها وما باعوها بالنص والتشاشة والفزرة والروح الكسيرة صانوها بالسيف والكرامة والهمة والنفس الكبيرة دي بلد شعبي المعظم براهو ليهو حق تقرير مصيرها مصيرنا وحدة شعب واحد ودم واحد مابنرضى غيرها شعب اصلي شعب يغلي وشعب جبار كسيرة اسالوا السفاح حليفكم يوم ليلة النصر الشهيرة ليلة مايو راحت (لعب ترتير جهال فوق الدميرة) واب عاج امامكم شردلاسيادو مكسوفا عضيرة وحق المظاليم ما بروح واطافي دنيا ازدادت شرورها ودم الشهيد ما ببقى موية طالما الاحرار هناك في راس المسيرة واهلي الغبش في الحارة زي موج الدميرة شايلنو ريدك يا بلد قدر الله ما خلق واداهم العافية الوفيرة
مشير شنو وبشير شنو والله لو طرت السما برضو عند شعبي الامير انت احقر من حقير
بلدا هاملة فاقدة وجيع وجيعا شايف دم البلد السمحة قاعد اضيع وخابر الناس الماكلة حقوقنا وسكنو القصر العالي منيع وسرقوا لبن الشافع اللسة رضيع بلدا هاملة فاقدة وجيع اقش الدمعة وافش غبينة الشعب المابي اطيع بلدا هاملة فاقدة وجيع دم الشفع لبن الشفع شربو الكوز الفاسد والله فظيع هذا الكوز نهب الدنياوحجز الاخرة هذا الفاسد هذا الكاسد ملك البيع باعو البلد السمحة وابدوا نهما اصلي شنيع
مشير شنو وبشير شنو والله لو طرت السما انت عند شعبي الامير انت احقر من حقير
الزول بترقى يوم نصرو يوم اعمل مفاخر وعزة الزول السمح عندما يعمل مآثر وات شبعان هزايم مليان وداشر والليلة قد بعت البلد لكل طماع وماكر والتيوس الانت فيهم جز دقونها جاي باكر جاي من وجع الغبش منهوبة الرزق يادوب تدافر جاي من ذل المظاليم هناك في جو الدفاتر جاي من زعل المغابين من زمن للحق تعافر جاي من وجع المساجين هناك في ذل المهاجر جاي من دم الشهيد كتلوه في زمن المساخر جاي من مهتوكة عرض مودرة وحيرانة ودايرالها ساتر جاي من وجع الارض وهي دنسها العساكر والتيوس الانت فيهم جز دقونها جاى باكر ورقيص شنو وعرضة شنو ات يا سجم العساكر والبلد مكندكة بالفقر والجوع قد طق البنادر رقيص شنو وعرضة شنو ات يا سجم العساكر والشعب قد سكن المقابر والفاشر الحبيبة قادلة فيها اغراب من عساكر طامعة في البلد الجنازة والشعب مسكين وصابر وانت راقص ماك شايف ماك خابر يا رئيسنا ويا عريسنا انت ياكبري الكباير
مشير شنو وبشير شنو والله لو طرت السما برضو عند شعبي الامير انت احقر من حقير
قال سلام وقال كلام فاروقنا جلاب الهزيمة رئيسنا وعريسنا ورقاصنا معدوم العزيمة في نيفاشا جابوك بارك شان توقع للهزيمة وصدقت انك حمامة للحب والسلام وماك داري انك كت متيس زي بهيمة وفي دارفور عصروك تاني وقلت (الروب يا الله للكوز والحكومة) وفي شرقنا العصرة حصلت وماك مصدق انو اوشيك الهوين الليلة مليان بالعزيمة وبعد ده كلو رقوك مشير رتبه ما عارف لزومها لاحس لا شعور جاري في الدنيا ونعيمه وكيف الله بنصر ملة الشر اللئيمة وكيف الله بنصر صاحب اليد الاثيمة بكرة شعبي المظفر يمسح اهاتو الاليمة بالكفاح الاصلي فيهو والشموخ الفيهو ديمة وتاني ترجع ام در تغني وتعانق الفاشر التميمة وجوبا السمحة ترقص لوحدة البلد العظيمة وكسلا بشوتالها شايلة فطرة البلد السليمة تطرد الهم من بلدنا وترجع ايامنا الحميمة لا مشيرا فينا يأمر ولا بشيرا عندو قيمة ولا دقونا فينا قادلة بالاساطير القديمة وتاني ما بننخم ليها بعدما شفنا الجريمة وشعبي شايل تارو جاهز حقو برجع بالعزيمة ونحن ما بنغفر ذنوب الباعو دينن وباعوا بلدي الحرة الكريمة والمسامح وحدو الله وما بنسامح الولعوا نار الخصومة والبجامل في حقو تاني ابقي زولا واطي ديمة والبجامل في عرضو مرة مصيرو للذلة وجحيمها بشير شنو ومشير شنو والله لو طرت السما برضو عند شعبي الامير انت احقر من حقير انت يا عمر البشير
هباني
03-02-2008, 08:25 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
والذي بهذا التاريخ غير المشرف من النفاق والدجل غير جدير بالتحدث عن القيم والاخلاق ونصرة الدين ومحاربة الاخرين...لانه سيد المنكسرين والمهزومين وايضا الكذابين! فقبل ان يتبجح يمنع الدنماركيين من دخول ارض السودان..عليه اولا ان يخرج اصحاب القبعات الزرقاء الذين اقسم قبل اقل من عام انه لن يسمح لهم بدخول السودان وكان يا ما كان فقد دخلوا السودان ولم نسمع به تخلي عن القيادة وتخندق مجاهدا لقتال القوات الاممية في دارفور.. ولم يستطع حتى اللحظة ان يحرر ارضه في حلايب المحتلة... ولم يستطع حتى اللحظة ان يثبت انه عدو اميريكا!
ان نصرة النبي(ص) يا عمر البشير ليست بالرغاءات والوعيد والتهديد للاخرين بل باقامة دولةالعدل والمساواة والتسامح واشاعة الامن والطمانينة ومحاربة الفقر والمفسدين ونصرة المستضعفين من عبادك الذين ظلمتهم انت واهلك وهم ذات المظاليم الذين بلا استحياء تبتز عواطفهم واشواقهم باسم الدين في هذه التظاهرات القطيعية الحماسية وانت تستغلهم في هذه الاجواء الانفعالية لالهائهم عن معاناتهم وفقرهم واحباطاتهم ومظالمهم والغلاء يطحنهم والمرض يحصدهم بينما اهل دولتك من مواليك احتكروا الرزق واشاعوا الظلم والفساد والرذائل وهي اكبر الاساءة للدين ولكن الناس في الوطن يسهل تغييبهم وابتزاز واستغلال عواطفهم لدرجةالهائهم عن احزانهم ومعاناتهم الحقيقية بمثل هذه الاجواء! انصروا الرسول بانجاز دولة مدنية سودانية تحقق العدل والرخاء والطمانينةلكل اهلها بمختلف عقائدهم بلا تمييز بسبب الدين او العنصر او اللون وتنتج المعرفة والعلم والنماء لكل شعوب العالم حينها تخدمون الانسانية وهي رسالة الاسلام في مفهومه الشامل بلا مزايدة باسمه ... اما مثل هذه التظاهرات المتشنجة فان الله ورسوله ليسا في حوجة اليها بل الله يدعو الي المحبة والتاخي والتسامح والاخاء والسلام وهو يهدي من يشاء ويضل من يشاء ويحاسب ويعاقب من يشاء بغير حساب ولذلك نصرة الرسول والذي ارسله الله رحمة للعالمين لا تكون الا بالتراحم واشاعة الرحمة والمودة والاخاءبين العالمين وليس العنف!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
فيس بوك
تويتر
انستقرام
يوتيوب
بنتيريست