|
|
 هل انا قادر علي شكرهم ؟
|
اسبوع تقريباحدثت لي فيه احداث كبيرة ..... كانت البداية بغياب تام عن الوعي تخلله تعطل تام ايضا لعدد من اجهزة جسمي....... الكلي .... الكبد .... الرئة ...... والقلب شغال بشوية لكزة .......اها منذ سقوطي بمنزلنا بالثورة وحتي سفري مرت مياه كثير تحت الجسر ...... احداث كثيرة وكبيرة كان ابطالها ناس لم يتقابلوا ولم يتعارفوا في يوم ما...... اتخذت قرارات مصيرية حافظت علي حياتي لم استشر فيها بالطبع وحصل تسليم وتسلم لما كان يعرف وقتها اصطلاحا( بجثتي) ...
كل هذه الاحداث لااعرف عنها شيئا لذلك عجزت عن شكر صديقاتي واصدقائي لانني حتي الان كل يوم بسمع جميل اسداه احدهم لي بدون معرفتي .......
فكرت ان اطلب من الذين شاركوا في انقاذ حياتي ان يكتبوا هنا مايعرفونة عن هذه الفترة واخص هنا بورداب الخرطوم بدون استثناء واعضاء حركة حق ممن لهم اشتراكات هنا وبورداب الدوحة واخص اخي وصديقي عوض حمزة و نسيبي السجمان محمد عبدالرحمن والصديق نادوس وصديقي اللدود ابوساندرا والباشمهندس الصديق عمر بوب .ايضا الدكتور ابراهيم كوجان مدعو للكتابة هنا فللرجل افضال كثيرة علينا .
عن نفسي سوف اكتب ماسمعتة وعن بعض الشخصيات التي ساهمت مساهمة فعالة في عودتي مرة اخري .
|
|
 
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
| Quote: اتخذت قرارات مصيرية حافظت علي حياتي لم استشر فيها بالطبع وحصل تسليم وتسلم لما كان يعرف وقتها اصطلاحا( بجثتي) ... |
هههههههه..
الف حمدآ لله على سلامتك يا بهاء بكرى. عمر الشقى بقى..
| |
|
|
|
|
|
|
|
|
|
Re: هل انا قادر علي شكرهم ؟ (Re: عاطف عمر)
|
ياخي انعل ابو شنو داكـ اقول ليكـ
و حمدلله علي السلامة و بركة الرجعت تكتب البوستات و تتفاصح
رسل لي تلفونكـ سرييييع عاوز اطمئن انو البوست ده ما هضربه 
والله حمدلله علي السلامة يا بهاء
| |
|
|
|
|
|
|
|
|
|
Re: هل انا قادر علي شكرهم ؟ (Re: Kostawi)
|
بكيناك حيا يا بهاء
انا وآمنه
وفضلت نتابع اخبارك بعيون دامعه
لكن الحمد لله ان اعادك حيا لشعبك
الذي لا يعرف قلبك غير المحبة له.
الحمد لله على سلامتك
واياك اياك ان ترهق نفسك بقضايا حق لهذه الدرجة مرة آخرى.
لاسرتك عليك حق ولنفسك فارجو ان تترفق بنفسك.
| |
|
|
|
|
|
|
|
|
|
Re: هل انا قادر علي شكرهم ؟ (Re: Tragie Mustafa)
|
Quote: بكيناك حيا يا بهاء
انا وآمنه
وفضلت نتابع اخبارك بعيون دامعه
لكن الحمد لله ان اعادك حيا لشعبك
الذي لا يعرف قلبك غير المحبة له.
الحمد لله على سلامتك
|
يا سلام .. يا سلام يا يا تراجى
قدر ما تكشرى وقدر ما تشمرى لن
تفلحى عن ستر ملاك كامن فيك!! ..
انتى طيبة فعلا ..
اخوك بهاء ياتراجى كان همه الاول
والاخير انسان السودان .. رايته
المرفوعه دوما هى ( فالحب بعضنا البعض لنبدع).
تسلمى ..
| |
|
|
|
|
|
|
|
|
|
Re: هل انا قادر علي شكرهم ؟ (Re: عوض حمزة)
|
العزيز عوض حمزة
تسلم يا ملك ولوا انك ما شفيف لما عرفت دواخلي
فالبعض ممن يحب القراءة الخرجيه للبشر يظلمني دوما:
Quote:
يا سلام .. يا سلام يا يا تراجى
قدر ما تكشرى وقدر ما تشمرى لن
تفلحى عن ستر ملاك كامن فيك!! ..
انتى طيبة فعلا ..
اخوك بهاء ياتراجى كان همه الاول
والاخير انسان السودان .. رايته
المرفوعه دوما هى ( فالحب بعضنا البعض لنبدع).
تسلمى .. |
ولان هذا حقيقي في دواخله لم يخفى علينا معدنه
فاحببناه رغم جلبنته المزعومه
ونحبك ايضا يا عوض
وفخورات جدا بمواقفك المشرفة تجاه اسرة بهاء في غيابه
والحمد لله ان احتضنت ابنائه وقمتوا بالواجب تجاه اسرته.
تلك مواقف لا توزن بالذهب يا اخي....ربنا يخيلكم لبعض
وان شاء الله يديك الصحه وماتحتاج له الا في السمح.
وتعال شوف الجمال ده:
Quote:
والدة بهاء شاهدت التجمهر الكبير الذى لم يخطر على بالها ..
سألتهم ..انتو يااخوانى الناس ديل كلهم جايين لبهاء ؟
قالوا ليها ..ايوا ياحاجه ..بهاء ولدى دا ولاواحد تانى؟
ولانها تعرف ابنها جيدا وتعرف انه لايستاهل كل هذا
الاهتمام ...(يعنى زول ساى ) ...عاودت السؤال مرة اخرى
يااخوانى معقول الناس ديل كلهم جايين لبهاء ؟!!
قالوا ليها ايوا ياحاجه ...
وعاودت السؤال مرة اخرى وديل منو الناس ديل ؟
قالوا ليها ديل ناس حق وناس سودانيز اون لاين ..
قالت ليهم خلاص من الليلة سجلونى معاهم ..
قالوا ليها ياحاجة الناس ديل مابقبلوا ناس كبار
قالت ليهم ....لا لازم يسجلونى ان شاء الله اغسل
ليهم العدة ... |
شكرا يا محمد عبد الرحمن
ان اطلعتنا على كل هذا الجمال
وشكرا يا بهاء للوالده العزيزه وقول ليها
انت ياغاليه نحن كلنا نغسل لك العدة
لانك ربيتي لينا من هو مثل بهاء.
ونلقتي في افراح توحيد حق باذن الله واكتساحها لدوائر كثيره.
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
قالوا الدبايب عمرا طوييييييل
اهو طلعت دبيب اصلي
بعد العدة الوقفت كلها دى جيت تهز و تبشر هنا
صاحب عزيز اتصل بي لابلاغي بخبر وفاة اخوى الكان مريض سرطان لزمن طويل قال لى الخبر كده "خذلنا... قرر انو يستسلم و يمشي يخلينا"
اها ... انت ما خذلتنا تب
عافية و صحة يا بهاء ليك و لكل من تحب
سلام
| |
|
|
|
|
|
|
|
|
|
Re: هل انا قادر علي شكرهم ؟ (Re: esam gabralla)
|
بهاء الف الف حمدا لله علي سلامتك...جد كانت ايام عصيبة
لينا كلنا لانك عضـو في سائر جسد الجمال ولانك من البهاء
مايجعل حبنا لك فياض.
الف حمدا لله علي سلامتك مرة تانية وتالتة وربنا يديم عليك
نعمة الصحة ومفورها.
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
البعاتي كتب:
| Quote: والصديق نادوس وصديقي اللدود ابوساندرا |
أها صديقك كلم صديقك اللدود
كانت دمعة تناضل لتنحدر
وهو يقاوح ليمنعها
داراها بالصنقيعة
أخبرني
والبال إشتغل
قلت: فاته إعداد جنازة تليق به هنا في الدوحة
بحثت عن أقرب زول ممكن يزودنا بحالتك وأخبارك
الزول لقيناه مشتت ، فأدركنا أن الوضع معقد كما يقول أهل الإعلام
في تقاريرهم الكئيبة
إتصلت بعوض حمزة الذي نقل لي الحالة مع حرصه على تخفيفها
فقلت: إنه ينقل لي النعي على جرعات
سألته عن أمل
قال: انا في طريقي لها وزودنا بتلفونها فإتصلت بها رشيدة
من أسئلة رشيدة فهمت ردود أمل
فقلت: أرملة في الطريق
عرضت رشيدة بعض الخدمات على سبيل التضامن
تبادلت الإتصالات والأخبار الشحيحة والتعيسة مع نادوس
و
...
تزالت المعلومات والأخبار المبشرة
سمعنا عن الهضربة في حضرة دكتورة شذى بله
فقلت: لقد وضعته إيزابيلا في جيبها وضمنت ولاءه في الإنقسام القادم
قال لي البعاتي لاحقآ إنه حدثها عن زعمي فقالت له البت صاحبة البديهة السريعة
والرد الحاضر
قالت: ماكنا في كل الإنقاسامات سوا
علقت انا : يحاحبيب تعال نتلاقى ونمرح سوا سوا سوا ياجميل
قال بهاء في صدر قالته
أن أجهزته الحيوية توقفت
وعدد بعض الأجهزة
ونسي الرأس والمخ
توقفا
ولم يعودا للعمل حتى الآن
وما أظن
ياخ حمدآ لله على سلامة
ما تبق منك
والجاتك في مخك سامحتك
أها تاني انت ما معاتب
ولا مؤاخذ
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
Quote:
اسبوع تقريباحدثت لي فيه احداث كبيرة ..... كانت البداية بغياب تام عن الوعي تخلله تعطل تام ايضا لعدد من اجهزة جسمي....... الكلي .... الكبد .... الرئة ...... والقلب شغال بشوية لكزة .......اها منذ سقوطي بمنزلنا بالثورة وحتي سفري مرت مياه كثير تحت الجسر ...... احداث كثيرة وكبيرة كان ابطالها ناس لم يتقابلوا ولم يتعارفوا في يوم ما...... اتخذت قرارات مصيرية حافظت علي حياتي لم استشر فيها بالطبع وحصل تسليم وتسلم لما كان يعرف وقتها اصطلاحا( بجثتي) ...
كل هذه الاحداث لااعرف عنها شيئا لذلك عجزت عن شكر صديقاتي واصدقائي لانني حتي الان كل يوم بسمع جميل اسداه احدهم لي بدون معرفتي .......
فكرت ان اطلب من الذين شاركوا في انقاذ حياتي ان يكتبوا هنا مايعرفونة عن هذه الفترة واخص هنا بورداب الخرطوم بدون استثناء واعضاء حركة حق ممن لهم اشتراكات هنا وبورداب الدوحة واخص اخي وصديقي عوض حمزة و نسيبي السجمان محمد عبدالرحمن والصديق نادوس وصديقي اللدود ابوساندرا والباشمهندس الصديق عمر بوب .ايضا الدكتور ابراهيم كوجان مدعو للكتابة هنا فللرجل افضال كثيرة علينا .
عن نفسي سوف اكتب ماسمعتة وعن بعض الشخصيات التي ساهمت مساهمة فعالة في عودتي مرة اخري . |
اسمع يا بهاء ... اول حاجة ما تقوم بى نمرة 4 ... ثانيا روق.. الونسة بتجيك منى ومن غيرى
يا صاحب انت بخير ودا المهم باقى الكلام ساااااهل .. لكن لو مصر على التوثيق فسوف احكى هنا
وبشفافية مطلقة كل الاشياء .. وقبل البدأ دعنى اقول ان كنت قد فعلت شيىْْْء فى هذه الدنيا الفانية
فهو انك ودون شك (انك قد بنيت جسر محبة) كان اساسة صدقك وامانتك وعفتك... يا بهاء الاشياء لا تأتى
هكذا ... وانت من علمتنا ذلك .... نقطة..لى عودة ...
| |
|
|
|
|
|
|
|
|
|
Re: هل انا قادر علي شكرهم ؟ (Re: عوض حمزة)
|
Quote: ..فقد مرض بهاء فى ام درمان
وعاودته كل عواصم الدنيا ...
|
دى غايتو خلت دموعى اللى اصلها قاعدة على الهبشة تجىء طالعة من جحورها
حمدالله على السلامة يابهاء بركة البقيت طيب لروحك واملك وليداتك ومن قبل امك/أمنا العزيزة
محبة وسلام لعودتك وسط اخواتك واخوانك
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
| Quote: دى غايتو خلت دموعى اللى اصلها قاعدة على الهبشة تجىء طالعة من جحورها |
التجليات الانسانية الزي دي,, البتساقط فيها
الطين المكون لاجساد البشر و تتمدد الروح حرة طليقه و نقية و صادقة و متألقة بنقراهو مصنقعين ..
بهاء العائد للحياة
الان عندك عيدين ميلاد
شكرا لتسببك في هذا التسامي الانساني الذي توجته بالفرح..
يا محمد عبد الرحمن و ايش ينزلق لمقام الهندي.. بعد الشر عليك..
ابقي علي الشكلة و ورينا نطاق التغطية عشان ما نتورط ساكت lool
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
| Quote: كانت البداية بغياب تام عن الوعي تخلله تعطل تام ايضا لعدد من اجهزة جسمي....... الكلي .... الكبد .... الرئة ...... والقلب شغال بشوية لكزة |
من هنا كانت البداية .... وإبتدا بهاء الحكاية
تعطّل الأجهزة أدّى فيك أبوساندرا (أبو عين واحدة) الفرصة و .... الباقي خليهو بتمو ليك بي تلفون والا في الخور
حمد الله على السلامة
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
كانت امسية رائعة تلك التى قضيناها فى ضيافة المبجل عوض حمزة
وبرفقة الرائع بهاء بكرى
سولفنا كثيرا عن المرض و المشية لاعند هناك والرجعة
وكم يجب علينا نحن أن نشكر الله أن أعادك لنا
كثيرا من المواقف الشهمة و القوية
حكاها بهاء
وقد حكيت له ايضا
لانو كان بهناك قبل ما يرجع
المهم الناس دى فعلا تستق الشكر كما كان يكرر بهاء فى تلك الليلة
أخيرا حمد الله على السلامة الف مرة
والله يكفينا شر" الهضربة"
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
ألف حمدللا على السلامة يا بهاء ..
عرفت بخبر وجودك بالمستشفى متأخراً جدا و بالصدفة البحتة من الأخ عبد الله عقيد في ذات ليلة متأخرة ، إذ أنني كنت خارج العاصمة لفترة .. وقد أخبرني بإسم المستشفى الموجود له .. وفي اليوم التالي وقبل ذهابي إلى هنالك جاءني الخبر يقول أنك غادرت إلى الدوحة ..
ألف حمدللا على السلامة وإنشاء الله ما تشوف شر ...
| |
|
|
|
|
|
|
|
|
|
Re: هل انا قادر علي شكرهم ؟ (Re: ناذر محمد الخليفة)
|
العزيز بهاء
بقدر ما تألمت لمصابك فقد أفرحتني بهذه الطلة الجميلة
ربنا يواليك بالعافيه يا أخي ويبعد عنك الشر ويحميك لأبنائك وزوجتك الطيبة ووالدتك الحبيبة
ولجميع أعضاء سودانيزأونلاين .
شمعة أضاءت حياتك من جديد .. فلتتفكر في نعم الله عليك .. الذي أعادك لأهلك سالماً لمراجعة النفس
تحياتي يا طيب وحمداً لله على سلامتك
عادل التجاني
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
بهاء ..
الف حمد لله على السلامة ..
حقيقة هي ايام قليلة جدا التي تعارفنا فيها ولكنك حفرت في دواخلنا حب عظيم ..
امد الله في عمرك وحفظك للشباب وامهم ..
تأكد باننا لم نعمل شي وما فعلناه اقل من الواجب بكثير جدا ..
ياخي كنا عايزين نودعك في اوزون .. ونتم باقي البهجة في حلوين .. يعطرون سماء الخرطوم
انا غايتو مسجلة جرسة الناس كلها .. لو عايزين نتكلم بالشفافية القلتوها في ناس تاني ما حا تظهر هنا ..
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
ابن عمي العزيز بهاء
سلامتك الف سلامة
| Quote: احداث كثيرة وكبيرة كان ابطالها ناس لم يتقابلوا ولم يتعارفوا في يوم ما...... |
هؤلاء الناس جميعاً التقوا في رحابك النقية .. وكانت ارواحهم فداً لك لأنك عضو رئيسي بل العضو النابض
بالحياة في هذا الكيان الكبير.
ازال الله عنك كل البلاءات .. وجعلها في موازين الحسنات وكفارة لقليل سيئاتك يا رجل يا عظيم
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
حمدالله علي سلامتك وعودتك الي اسرتك واصدقائك واحبائك معافي وارجو المعذرة حين كتبت عنك باسم الغائب وانت لك اصدقاء ومعارف كثر كما علمت لاحاقا فلم اكن اعرف من انت حين كتبت الي احد الصديقات بانك مريض فكتبت موضوعا دون ان اتحقق من شخصيتك "بلغني ان احد الاخوة / الابناء الشباب في الداخل وهو من الناشطيين في اعمال الخير في غيبوبة من اثر الملاريا وفشل في الكلي... يا اهل الخير ادعو الله الشافي المعافي ان يشفي الشاب بهاء بكري ويعيده لاسرته واصدقائه معافياشفيه يالله يا اكرم الاكرميين" .. ولم ينبهني احد يعرفك ..كل القصد كان الدعاء بان يشفيك الله وقد استجاب فلله الشكر وما نحن الا بشر هالك ...
اكرر المعذرة واتمني ان يديم المولي عليك الصحة والعافية وحب اصدقائك واحبائك
| |
|
|
|
|
|
|
|
|
|
Re: هل انا قادر علي شكرهم ؟ (Re: معتز القريش)
|
حمد لله غلي سلامتك
والبقوله القلب انشاء الله العين ماتشوفة
هي خلعة هي رغم اني ماتشرفت بالشوفة لاني كنت خارج البلد
بس اتهجمت وقلت لانعام سجم خشمي الولد الضيف اماني امدرمان ماتلومت
واتبشنا في خشوم الناس بهاء في امدرمان عيان .. الحمد لله قدر ولطف بس عندك جنس شعبية
حمد لله علي سلامة ياعوض الرائع ولكم جميعا .
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
الاخ بـهاء بـكري، الـف حـمدلله عـلى سـلامتك ونـسأل الله لـك دوام الـصحة والـعافية. عـرفت بـمرضكم الـمفاجئ مـن شـقيقكم والـصديق مـحمد بـكري وفـرحنا جـداً ببـلوغكم الـصحة والـعافية.. وصـادق الـتعازي فـي وفـاة اخـونا مـعتز نـسأل الله ان يـجعله فـي معـية الاصـفياء والـصالحين.
فـكن دائـما بـخير
أحـمد عـالم
| |
|
|
|
|
|
|
|
|
|
Re: هل انا قادر علي شكرهم ؟ (Re: خالد العبيد)
|
عزيزي بهاء
حقاً لقد انزعجت كثيراً لمرضك وجالت بذهني خواطر كثيرة منها ما بدأناه من حوار ومحاولات إيجاد قواسم الصداقات المشتركة على حواف الدراسة وحواري ام درمان .. يا زول البركة بالعافية وتاني اوعك تمشي السودان ..
عليك الله خلي عصام جبر الله يحكي ليك قصة حبوبتة الأبت تموت كلو كلو ديك ..
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
حمد الله على السلامة
مالنا يا ربي ما خصونا بالشكر فاتورتي الشهر الفات طلعت كم ما عارف دة كلو بسبب الاتصالات
يا زول حمد الله على السلامة ولا الورق العملت ليك فيه برنت اوت غايتو عوضناعلى الله
بجد سعدنا بعودتك وانا زي خالتي حيات الناس ديل كلهم جوا لبهاء (ولدي) ، والله يا ود عمي اتارينك ما هين.
سلامات
صفية
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
يابركة الكادحين سلامات
يا بهاء ياصاحبنا في الهم
بركة الشفنا حرفك قادل وسطنا
مرة تانية .
والله أنا سعيد جداً بعودتك لنص الحياة
عافر وقابض زين ياصاحب ماتفوت بالساهل
أبد
خضر
| |
|
|
|
|
|
|
|
|
 Re: هل انا قادر علي شكرهم ؟ (Re: بهاء بكري)
|
الحمد لله مـقدر الأقدار، وكاشف الأسفام ودافع الأكدار..
والصلاة والسلام على نبيه المختار، وآله الكرام وصحبه الأخيار..
فإلى من شاء الله ابتلاءهم بالشدائد والكروب..
وإلى من أراد تمحيصهم بالأسقام علام الغيوب..
فذاك مريض فقد صحته..
وآخر حار في معرفة سقمه وفهم علته..
وثالث خارت قواه وزالت بشاشته..
وهم - مع ذلك - ذاكرون شاكرون، وصابرون محتسبون..
تأملوا قول النبي | Quote: { عجباً لأمر المؤمن، إن أمره كله له خير، وليس ذلك لأحد إلا للمؤمن، إن أصابته سراء شكر، فكان خيراً له، وإن أصابته ضراء صبر فكان خيراً له } [رواه مسلم]. ] |
فكم من نعمة لو أعطيها العبد كانت داءه، وكم من محروم من نعمة حرمانه شفاؤه..
قال تعالى: بسم الله الرحمن الرحيم
| Quote: وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ [البقرة:216]. ] |
أخى بهاء الحمد لله الذى شفاك و وعافاك ومن كل سقم وبلاء حماك..
قلب طرفك في هذه العجالة، وجل ببصرك بما فيها من عبارة ومقالة..
فهي وقفات مطعمة بنور الوحي، ومعطرة بعبير الرسالة..
أسأل الله تعالى أن يجعل في ذكرها عزاء، وفي دعائها شفاء، وفي أحكامها غناء.
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
الف حمدا لله على سلامتك يا بهاء
سعيدين بوجودك بيننا
البتحكى كتير عن ايام بالجد كانت عصيبة لكن كل البقدر اقولو ليك ان ربنا ما عادها تانى و ان شاء الله ما تشوف شر تانى و ربنا يديك العافية لى وليداتك
مودتى و احترامى
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
بهاء بكري ...
لما شفتك وانت خارج من غرفة غسيل الكلى .. رأيتك تلوح لنا بيديك ... وكانت في عينيك الكثير من علامات الاستفهام .. والدهشة .. والارتياح !!
رأيت فيهما الخوف والامل ... والفرح ايضا !!
وتذكرت حينها اخر مرة قابلتك فيها .. وكنت بقول ليك .. خلينا نشوفك قبل ما تسافر !!
وما كنت اظن اننا سنلتقى ولاخر مرة قبل سفرك في المستشفى ... آهي كان صعبا على القدر ان يجعنا نلتقى في غير هكذا مكان ... ؟؟ اما قصد القدر ان يجعله مكانا مميزا وان كانت لحظات حزينة تلك التي مرت علينا وانت ترقد هناك !!
شفقت على الام الفاضلة والدتك ،، واخوانك اللذين تعرفت عليهم ذاك اليوم ، شفقت عليهم من خوفهم عليك ... شفقت علينا من حالنا ونحن ننتظر سماع اخبار عنك !!
ولكن ...
ياخ الف حمدلله على السلامة ... وتاني مرة لما تكون عاوز تلاقينا قول .. ونحن نعمل ليك اكبر ( لمة ) .. بدل تكتم جواك بالشكل دا .. ( وش ابو غمزة ) !!
حاجة تانية ... من الله خلقني ما سمعت بالملاريا الدماغية دي الا في مرضك دا ،،
دي (ملاريا الدوحة ) ولا شنو ؟؟!!
وخلي بالك منك !!
| |
|
|
|
|
|
|
|
|
|
Re: هل انا قادر علي شكرهم ؟ (Re: سمرية)
|
بهاء ، عارف محمد عبدالرحمن ونادوس ، وشخصي الضعيف قررنا نكتب بوست عن يومياتك في الآخرة ، لكن في النهاية قلنا من ستر مسلما ستره الله يوم القيامة ... لكن تاني لو حمرت لي في بوست ساااي بجيب ليك سيرة البحر ....
يازول حمدالله الف علي السلامة ، وبالجد خالص ، لك ان تسعد وانت تمتلك هؤلاء الاشخاص من حولك ،،، حق وسلوكهم الممميز تجاه مصابك ، والبورداب من كل جهة ،، ...
لكن نعيكم قررب وانا من اليوم سأطلقك عليك (صاحب الكفن الاسفيرى )
قال ود قلبة قال، ياخي حنكشتك دي في اولاد الاشلاق مافي ....
| |
|
|
|
|
|
|
|
|
|
Re: هل انا قادر علي شكرهم ؟ (Re: بهاء بكري)
|
Quote: هههههههه..
الف حمدآ لله على سلامتك يا بهاء بكرى. عمر الشقى بقى.. |
عادل عثمان سلام والف شكر ليك سيدي......عارف انا فعلا نجوت باعجوبة من موت محقق كما قيل لي ولم اشعر بدنو اجلي او عودتي للحياة مرة اخري لانني كنت غائبا عن الوعي طيلة هذه الفترة ..... ولكنها كانت مشكلة اهلي واحبابي....... والدتي تحديدا قبل اقل من شهر رحل ابنها الاصغر بعد ان مر بنفس السيناريو ..... غياب عن الوعي واجهزة مساعدة للتنفس والاكل وغيره ...... صدق ياعادل حتي حينما افيق كنت اسال في شنو ياجماعة ؟ وانا هنا ليه ؟
مودتي
| |
|
|
|
|
|
|
| |
بهاء بكري
Sidgi Kaballo
tmbis
Adil Osman
jini
ALGARADABI
عاطف عمر
خدر
Mohamed Ahmaed Olyesh
مامون أحمد إبراهيم
Elawad
Kostawi
Tragie Mustafa
محمد سنى دفع الله
Safa Fagiri
عوض حمزة
الخير محمد عوض
خالدة البدوي
معروف حمدين
Murtada Gafar
الصادق خليفة
محمد علي ياسين
محمد عبدالرحمن
هند محمد
أبو ساندرا
Ishraga Mustafa
سلمى الشيخ سلامة
نصار
Imad Khalifa
محمد أبوالعزائم أبوالريش
شهاب الفاتح عثمان
هشام المجمر
ناذر محمد الخليفة
عادل التجانى
انعام حيمورة
Faisal Al Zubeir
امير عوض الجمري
nadus2000
Muna Khugali
abubakr
سمندلاوى
عبد المنعم سيد احمد
AMNA MUKHTAR
-1.jpg)
معاوية الطيب
Ahmed Abdallah
Agab Alfaya
معتز القريش
ناهد علي
Ahmed Alim
خالد العبيد
elsawi
Safia Mohamed
خضر حسين خليل
ابن النخيل
altahir_2
شكرى سليمان ماطوس
نهلة عمر
سمرية
رقم صفر
فيس بوك
تويتر
انستقرام
يوتيوب
بنتيريست