|
يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون!!!!
|
قالو جاور السعيد تسعد..طبعا انا بعد اخدت الاذن وقالوا لى انت تامر.. قمت فتشت عن اكتر زول بشبهنى فى المكان ده وقلت اخت صورتى جنبو... بديت بى ناس حمزاوى ،دكين، دينق ،ناجى الملك ،مصطفى سرى ،تمبس وداش ،حميضة ،عمران،ناذر ،عمر الفاروق،معتصم،شتات ،لاعند غريبه وصلتوا،لقيتهم زى التابا.. مشيت على الابوات ،ابو ساندرا،ابو جهينة،ابو القنفد،ابو امنة،ابو جلمبو ولقيتهم فرق السماء للواطه.. وعرجت على الاولاد ود العباسية،ودعقاب ,ود شاموق ود الباوقة، ودشندى،ود عقيد،ود الشيخ ،ودمحجوب، وهلم ولد ولم يكونو احسن من سابقيهم... اها فجاء لقيت شبهى..والما بلقى شبهوا المولى قبحوا... دحين خسمتكم ما فولة وانقسمت النص؟؟؟ حاشية: فى ناس لايهمنى رايهم...بورداب الرياض من طرف،ماعدا عبد المنعم عمر ،ادريس علم الهدى،خالدالارباب،خالد المحرب،طارق نقد، والباقى شيل وودى البحر خصوصا حمزاوى. ومن الخارج الوغد عماد عبد الله،السنى دفع الله،ناجى الملك،دينق،نوبى واخرون سوف تعرفونهم من ردودهم.. بكرى وحاتك نزيل الصورة دى مكلفنى فلبينى دفعت ليه نص ما هيتى خسمتك بالله والرسول وكتين تارشف تنزلنى زى ماكنت عشان اهل الصورة ديل بزعلو..سمح،،،
|
|
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
صديق الموج لكين النيو لوك ماعندك ، وأقول ليك لوك ، يعني عاين ولأنك ما حا تقدر تعاين أون لاين ولا أوف لاين ، ولأنك في كل الأحوال بتعاين بي عيونك وليس في هذا أى مبالغة برغم من إنو الفنان قدانا سنين عددا بعاين بس بعاين بي عيوني ، إلا أن صورتك كتير مهضومه والنيو لوك تبعك كتير فتوجينك (والكلمة دي كان ما راكبه انساها) أهو بدعي الفلسفة ولو سألتني لاقتني الكلمة دي وين ما بعرف المهم سمعت بيها. على كل حال هلا يا موج تقدر تمشي ستار أكاديمي أو حتى بوليس أكاديمي وكلها أكاديميات. أما عن الخسيمة فنقول بعد أن نرجع البصر كرتين إنها فعلاً فولة وإنقسمت ولأن القسمة ربما تكون غير عادله يعني لمن تقسم الرقم 9 على الرقم 2 بيكون فيها الأربعة والباقي واحد أها يخيل لي إنك إنت الواحد ده ، والحمد لله على الباقي إن شاء الله يجيب ليك موية وفي نوع قسمة بالكوم يعني ذات العملية يكون الناتج 7 في كوم و2 في الكوم التاني مش أحسن مما تكون 9 مقابل صفر ، قصرت معاك يا موج بالله. أتمنى أن لا أكون من الذين سوف يعرفون من ردودهم وسوف يلطمون في خدودهم حتى يلزموا حدودهم. شكلك أحلي مع الصورة يا موج ، بس نصيحة من العبد لله لصديق الموج وهي أن تقوم يا صديق يا موج بعمل زوم إن لصورتك وزوم آوت للصورة الجمبك عشان الحكاية تكون فول بالجبنة يا مان أقصد فوله وإنقسمت نصين أنا نص وإنت نص وأبداً ما مشكلة غيرك قسم القمر نصين.
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: ود الموج... كيفنك انشالله طيب... وكيف ام العيال، انشالله شديدة...
Quote: قالو جاور السعيد تسعد
انا حالتي اسة قلت يكون خاتي صورتي، واتبسطت وقلت بختي لقيت لي زول الليلة خت صورتي عشان يسعد بجواري، لكن لامن دخلت انحبطت حبطة شديدة خلاس...
بالمناسبة السعيدة دي لسة مالقيتو زول يقش ليكم الدرب؟؟؟؟؟؟؟؟؟؟
ست البنيــــــــــــات |
مياده؟؟ام العيال دى منو؟؟ غايتو بعد العرس سكرك بقى كعب خلاس.لوووووووووووووووووووووووووووول انتى ما تخلينا نجيك بالنيو لوك والنيو حاجه دى،،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: أما عن الخسيمة فنقول بعد أن نرجع البصر كرتين إنها فعلاً فولة وإنقسمت ولأن القسمة ربما تكون غير عادله يعني لمن تقسم الرقم 9 على الرقم 2 بيكون فيها الأربعة والباقي واحد أها يخيل لي إنك إنت الواحد ده ، والحمد لله على الباقي إن شاء الله يجيب ليك موية وفي نوع قسمة بالكوم يعني ذات العملية يكون الناتج 7 في كوم و2 في الكوم التاني مش أحسن مما تكون 9 مقابل صفر ، قصرت معاك يا موج بالله. أتمنى أن لا أكون من الذين سوف يعرفون من ردودهم وسوف يلطمون في خدودهم حتى يلزموا حدودهم. |
الملا عمر حبابك.. الناس الكبار الكانوا فى دفعتك قالو زمان دقوك اكتر من الجرس ما حفظت جداول الضرب هسع مذاكر جداول اللوغريثمات وجيوب تمام الزاوية(اريتك بالجيوب الانفيه) وحساب المثلثات وعلم الجبر والهندسة الوراثية عشان تطلع الفولة ما مقسومه النص،فلاحتك دى كان سويتها زمان ما كان احتجت للاغتراب والجهجهة دى. يعنى كان بتمشى البحر ساكت كان حفظت عيون السمك وحضرت فيهم دكتوراة. امشى عندك كلمة طيبه قولها ما عندك اختانى،والا اقول ليك انت زاتك من ضمن الجماعة المذكورين اعلاه والذين لا نعتد بشهادتهم،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: و الله يا صديق الموج أنا من ما شفت البوست دة و أعصابى بايظة وكل ما أقرأ شوية أقول إنشاء الله منى خوجلى ما تشوفو.. لكن يبدو إنك وقعت فى سوء أعمالك وشافتو.. غايتو أنا برة..
قال نبو لوك قال..
والله على قول أخونا الصايم الله يطراهو بالخير
غايتو جنس غايتو..
ــــــــــــــــــــ لكل من مر/ت من هنا محبتى |
ازهرى عوض الكريم منى اقتنعت انت البقنعك منو؟ ذكرتنى ناس الانقاذ ايام حرب الخليج .. صدام استسلم وقال انهزمت وهم يرددو هذه القادسية الاولى فقالو لى صدام هل اقتنعت بالهزيمة فقال نعم لكن اقنعوا ناس السودان.. فتان،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: صديق يا موج بقيت راكب عجلة زي بتاع صلح السراير واشد السراير يعني دة البوست الكم ينفتح وانا قلت ليك في بوست دينق بهناك يالطريقة دي بتخش بوستات الجماعة التانين وتلقى نفسك في صلاة العصر جماعة وبعدها التلاوة وبعدها صلاة المغرب وبعدها صلاة العشاء وبعدها تخلد الى النوم وتشخر ، قلنا اسمع كلامنا اها جيت جاري فتحت ليك بوست امسك فيهو قوي .عشان ما نشوفك في زريبة البرعي ، او يقولو الموج بتكلم براهو ارتم يجوك ... ومابنمشي لناس ما بيجونا .... |
مصطفى سرى ارتاح ليك راحة انا زاتى ما طمعان فى يجونى بس دايرهم لما يشوفو صورتى يقولو ان شاء الله يموت الثقيل ده بالله شوفوه خاتى صورته معانا كيف؟وبس.. وبعدين نحن ما بنمشى الا للناس الما بجونا ،البجونا ديل ناس انت ودكين ودينق ما طوالى فى وشنا تجيكم العافيه نحن بنفتش فى زى ديل. بعدين الدرر واللالى من القاع اما الزبد والعويش ما راقد اوعى اكون بنبز فيكم وما جايب اخبر انا..ياخى ما يبقى انا زاتى داير اقاطع 99%من ناس البورد وان شاء الله يكونو مية نفر يا رب عشان يكون باقى لى زول واحد بس.. ،بكرى ابوصلعة داك زاتو ما داير معاه علاقه ،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: مصطفى سرى ارتاح ليك راحة انا زاتى ما طمعان فى يجونى بس دايرهم لما يشوفو صورتى يقولو ان شاء الله يموت الثقيل ده بالله شوفوه خاتى صورته معانا كيف؟وبس.. وبعدين نحن ما بنمشى الا للناس الما بجونا ،البجونا ديل ناس انت ودكين ودينق ما طوالى فى وشنا تجيكم العافيه نحن بنفتش فى زى ديل. بعدين الدرر واللالى من القاع اما الزبد والعويش ما راقد اوعى اكون بنبز فيكم وما جايب اخبر انا..ياخى ما يبقى انا زاتى داير اقاطع 99%من ناس البورد وان شاء الله يكونو مية نفر يا رب عشان يكون باقى لى زول واحد بس.. ،بكرى ابوصلعة داك زاتو ما داير معاه علاقه ،،، |
صديق الموج والله انت راجل نكتة شغال في الناس دي عربي وافرنجي اها.. جينا ليك والشوق دفرنا.. ما جيتنا صادي بهناك تعال وجيب معاك دينق وتراجي وباقي العقد الفريد
لك الودالضاحك..
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
ياســـــــــــــــــــــــــــــــــلام ود الموج هيم سلف الرجل المضياف والروح الحلوة والكرم الاصيل والنكتة الحاضرة والمدسية بيجيبها برضوا موسوعة سودانية ووضوح رأي وثقة في النفس وبرضوا متواضع ونستك نسيم صباحي وزعلك من حلم ماصاحي (يعني انت زول حليم وغضبك غول نائم لم يستيقظ من طيب خصالك) اها الا نشرح بي حواشي صالونك بيشهد ليك وضيوفك وشاي اللبن المقنن (وسلامي للأسرة)
(اها (غريبة) مابعرفو) لو ما كدا كنت كتبت عن مساوئ محمد علي .. باشا
...................... سبورت: (...) الأسرار والأساليب لتعرف على النساء الجميلات :كتاب فيه
Quote: كم من شاب وسيم يخجل ، كم من رجل ثري يشتري ما يريد ولكن لا يستطيع أن يتعرف على الفتاة التي يريدها ... ، كم من رجل أراد التعرف على فتاة ورفضته وبعض الشباب يريد من الفتاه أن تتعرف عليه (شئ مخزي فعلاً) ...الجواب ببساطه لأنهم لا يعلمون الأسلوب الصحيح والادوات لجعل النساء تنجذب إليهم مثل المغناطيس
فهذا هو الطريق الذي يعيشة الكثير من الشباب والرجال في أيامنا هذه، احباطات ، وكآبه وقلة السعادة ، أو يقضون معظم أوقات مع من لا يحبون ، وهم يعلمون أنهم غير سعيدين معهم
ما سوف تتعلمه الآن هنا سيأخذك ولساعات قليلة ، لتعلم الأسرار في كيفية التعرف على النساء الجميلات ، ما ستتعلمه سيغير حياتك إلى الأفضل ، فليس مهماً مدى الفشل الذي كنت به مع النساء في الماضي ، فسنعرض عليك برنامج تدريجي يعرفك على الأسرار التي تقودك لتعرف على الفتاة التي تراها جميله من اللقاء الأول .
الخطوط العريضة للبرنامج التدريبي التدريجي:
الخطأ الكبير الذي يقع به 90% من الرجال عند الاقتراب من النساء للتعرف عليهن.
تعلم الأسرار التي تجعل أي فتاة تعجب بك بسرعة .
خطوات وأساليب معينه مدروسة لا نصائح ومعلومات .
بماذا تفكر النساء في الدقيقة الأولي عند الاقتراب منها للتعرف عليها .
إثباتات تبين : أن النساء كل النساء تحب الرجال الجريئين وترغب بمن يتقرب منها ليتعرف عليها .
الخطوات الثلاثة الرئيسية لتعرف على أي فتاة تعجبك .
التعرف على الفتيات الجميلات ونسبها..
المكان وكيفية التعرف علي من تحب الكافتيريا والمقاهي أماكن تغسيل السيارات الحفلات والأعراس المدارس والجامعات الجمعيات والسوبر ماركت مراكز بيع الأشرطة والسي ديز المجمعات التجارية أماكن العمل المكتبات ومراكز بيع الكتب المكتبات العامة مواقف السيارات المصعد المهرجانات والمسابقات في الطريق العام – الشارع السيارة وإشارات المرور الحانات والبار أماكن الانتظار والمراجعة المطارات والسفر جارتي العزباء الحدائق العامة والواجهات والخ
كسر الجمود والتحجر الذي آنت به( ما الذي يجب قوله وما الذي يجب عدم قوله ).
كيف يمكن أن تبدأ الحوار معها بدون أي مقدمات .
بعض الحوارات لذوي الخبرة ، إدارة الحوار ومواقف متعددة .
المفاتيح السبعة للدخول إلى قلب فتاة جميله، أعجبت بها من اللقاء الأول .
التغلب على الخوف من الرفض ، تطوير الثقة بالنفس وتحسين علاقاتك الاجتماعية.
تجنب الوقت والمال والجهد الضائع على امرأة لا تريدها .
ماذا تقول وماذا تفعل ( ليس أن تفعل ..xxx..* ) من اللقاء الأول .
لماذا الكثير من النساء إذا لم اقل معظمهن لا يردون بطريقة وقحة .
ماذا تفعل لكي تجعل الحوار مستمر مع من تريد التعرف عليها والاستمرار معها .
العادة السرية وأثرها على التعارف ، الصحة و علاقاتك الاجتماعية ...وكيفية التغلب على الأفكار والخجل التي تسببها .
أفضل الأماكن بالنسبة للفتيات ، لكي تتعرف عليهن وتتحدث معهن.
كيف يمكن مواعدتها مرة أخري .
هل أنت مرتاح بالتعارف عن طريق الانترنت .. الوقت والجهد على الانترنت يعطيك ما تريد ؟ هل ما تقابله على الانترنت فتيات جميلات كما تريد ؟
التعرف عن طريق الانترنت ، لماذا يتغير أسلوب النساء مع الرجال لدرجة الوقاحة والغرور على الانترنت وبالأخص في برامج الشات وهل ما تقابله عن طريق الانترنت هو ما تريد بالحياه ، ولو كنت ممن يقضون معظم أوقاتهم على الانترنت اذهب فلن تجد ما تريد ... وأنا أكد لك ذلك ..فلا داعي لقراءة هذا الكتاب !!! |
صاحب الكتاب طبظا في الآخر ..نيته باهتة تجاه الإنترنت ماشاف لمة البورداب.. معذور
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: صديق الموج والله انت راجل نكتة شغال في الناس دي عربي وافرنجي اها.. جينا ليك والشوق دفرنا.. ما جيتنا صادي بهناك تعال وجيب معاك دينق وتراجي وباقي العقد الفريد
لك الودالضاحك.. |
امنة عبد الكريم كمان ما تلاحقينى كده بتبقى ظاهرة ،قبل شويه ما كنا مع بعض...بتبالغى ياخى.. عاين ناس دكين والعوض المسلمى وجنى وازهرى ودينق ومصطفى سرى ببلعوا فى ريقهم كيف ....لاحقت ولا بقت.. كان كده يا امنه تانى ما تظهرى معاى فى الاماكن العامه.. موتو بى غيظكم ان شاء الله تعدموا طفاى النار.. امنه عليك البينا ما تنقطعى ..سمح انت يا يمه ان شاء الله تبحلقى وتتمحنى فينى كدى وانا بشرب فى القهوة..لا اله الا الله محمد يارسول الله. امنه تعالى نشفر صورتنا دى عشان العواليق ديل ما يحفظوها ،يحفظك الله. كيه وكيه وكيه وكيه وكيه وكيه وكيه دى لدينق وسرى،،،
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
Quote: وقالوا لى انت تامر..
تامر الموج؟؟؟
Quote: Quote: والله على قول أخونا الصايم الله يطراهو بالخير
غايتو جنس غايتو..
والله يا اللخو أنا ما كنت داير أجيكم
علا سيرتي جات في الكلام
قلت أسلم وبث!
وتحية كمان لأجدع متداخلين معاك خسوسا أبو الزهور الدخلني الموضوع |
الصايم خلى التحشر ده انت الصايم براك فى المنبر ده.. مانص المنبر ده بصوم الاتنين والخميس.. شيل ازهرى الدخلك ده زاتو وامرق .. الاتنين ما لازمننا..مش يا امنه؟؟ اسف يا الصايم ماكنت بحرجك لكن امنه دى بحرج ليها الكفيل زاتو.. امرق مرق جلدك..ما تنسى ازهرى بتاعك ده فاهم؟؟
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: bent-elassied)
|
صديق اخوى ؟؟ عسسسسل .. والله عسل !
وصدقنى انت ما محتاج اى نيو لوك .. النضارة والعمة والبسمة البتدخل جووووووة فى القلب دى ..بالدنيا ،، الباقى كلو هين !!! ديل مفلسين واصحاب غرض ... الفولة دى يااا الموج لازم ترجع كاااملة فى ى ى حتتا ! هى كاملة يا لطيف لما تتقسم ....
ما تقول لى .. عااااادى الفقراء بتقاسمو النبقه،، (داك نبق فارسي ياخ ) !!
انت يالموج ما شفت كلام الصادق المهدى فى بوست لنا مهدى يوم تابين مرتو ؟ لما استشهد بى كلام ماركيز قارسيا ::::
قال الناس ما بتوقفو من الحب لما يكبرو .........
الصحيح انهم بكبروا لما يتوقفوا عن الحب !!!!!! لوووووول يا قول دومة ! امسك مع الامام فى كلام كارسيا دا قوى !!
ـــــــــــــــ الموج هسه نفتش الشقة لى منو ولا لى منو يعنى ،، اتفقو !!!! طبعا اصلو نحن حرمونا الجمع بين الرجال وكدا ... قالوا السبب الرئيسى والوحيد هو الولادة ،، المرأة ما بتقدر تجمع بين الرجال عشان يسهل نسب الاولاد البتولدهم لى اباؤهم وكدا .. طيب فى حالة انو يكون ماااااافى اى بصيص امل للانجاب ؟ ذى حالتك دى واخونا بتاع الشقة ........ افتكر دى الحالة الوحيدة البجوز فيها الجمع .... اها انا لقيت ليكم الفتوى . وما محتاجين تتعبو وتمشو لبتاع الازهر المتفلت داك بتاع (فتوى الرضاع) عشان ينجر ليكم .... اتحلت مش كدا ؟؟؟؟؟ وتانى بقول ليك انت زول عسل ياخ .. اى مداخلة اضحك من التانية وبرضو يا قول محسن يضحك نهارك .......
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: صديق الموج)
|
اول تبادي نقول والحاضر يعلم الغائب امنه قريبتي ومحسية ورطانية مفهوم يا حميده قول ثمح وحيث انها قريبتي وعملاً بالمادة 13 من برتكول محس عليه اطالب بكري ان ياتي بورود وزهور وحرير وياخذ عليها صورة قريبتي من جنب المتوحش الفاغر دا والمصيبة مأكل بصل شوف العبط الحاصل دا .. صديق الموج منزل صورة ببدلة والوغد دكين بيفتش في شقة خلاص ما فضل الا يجينا احمد حنين كمان بجلابية ومركوب ( ود حنين مأذون وارث المهنة دي من جدو ) يا صديق الموج شايف اخونا دينق مرسل ليك فياغرا اوصيك تاخذ حبة صباح حبة مساء امونة بت خالتي علي وعلي وخلي البسمة تعلي عليك الله يا امنه خصمتك بالرسول رسل لي صورتك ديك وانت جالسة في العربية عشان اضيفها في بروفايلي كيتاً في صديق الموج ودكين مافي واحد حريف كدا ينزل لينا موسيقى كلاسيكية كدا طبعاً انت اطرش يا صديق الموج حتى لو مشيت بيت البكي ما بتسمع البيابي وضيعني الساكنه الامتداد
| |
|
|
|
|
|
|
Re: يا شباب وحاتكم ....انا بالنيو لوك ... وجنب الزهور دى...مافولة وانقسمت النص..الحساد يمتنعون (Re: عمر التاج)
|
جدو صديق
نصيحة لوجه الله لاني سمعت تحت الشيطاين 13 الفي الرياض بدبروا في مكيدة عشان كده الحق البروفايل وامسح تاريخ الميلاد وما تنسى تقطع تليفون البيت ,, ولا خلى البيت خارج الشبكة.... واحذر من ناس هيئة الامر والنهي ديك بتغير العنوان والمسالك ,,,
واخيرا مبروك وكيتا في دينق ومن لف لفه صديق الموج والله انت راجل نكتة شغال في الناس دي عربي وافرنجي اها.. جينا ليك والشوق دفرنا.. ما جيتنا صادي بهناك تعال وجيب معاك دينق وتراجي وباقي العقد الفريد]Quote: Quote: ãÇÝæáÉ æÇäÞÓãÊ ÇáäÕ |
ÇáäÕ ÇáÍáÇá ... ÇáäÕ ÇáÍáæ... ÇáäÕ íÇÊæ¿ ------- ÇáäÇÓ Ïí ÔÇíÝÉ äÕ æÇÍÏ íÇ æÏ ÇáãæÌ æíä äÕß ÇáÊÇäí¿ |
نحن معكم ونشد من ارزكم ماعدا الجمع والعطلات الرسمية
ملاحظة .. الاقتباس طلع بالاوندي شفت حسادتهم كيف
| |
|
|
|
|
|
|
|