|
|
 في وداع تبلدينا .. الخميس القادم
|
الزميل صالح .. تبلدينا
شجرة وارفة كلقبه .. جذوره في الوطن ،، و تمتد أفرعه و أغصانه لتظلل حتى هنا
نادته الجذور .. فقال لبيك ..
نغبطه العودة
لسان حالنا يقول : وفقك الله .. و نحن من خلفك قادمون بحوله تعالى
يوم الخميس الأول من يوليو ( 1/7/2004م ) تمام لحظة اللقاء .. أو بأكثر دقة بعد صلاة العشاء نجتمع و نلتقي في دار الصالحية بالعود ..
الحاضر يكلم الغائب .. و القريب من الكيبورد يرد بالتأكيد على الحضور
البرنامج حافل .. إلا أن الحفل دائما يتشح بمشاعر الوداع
و لكن
و لكن عزاؤنا بأن الزميل صالح .. شجرة تبلدي كبيرة متواصل الظلال
|
|
 
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
يا ود شندي
كيف حالك
قالوا بورداب الرياض مش بورداب الشرقية
حنكون في استقبالك عند محطة الوسيع
ابوجهينه اخوي
جاهزين لوداع العزيز تبلدينا ( يا من يعز علينا ان نفارقهم )
بس شوفوا لينا فنان بتاع هجيج عشان نحن العجائز عايزين نهز ونرقص
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
ابو جهينة...
الكلام دة ما اعوج منك؟؟؟؟
يعني ناس ود شندي يعرفو وانا لأ...
بعدين عشان سمعت بي اتأهلت تقوم طوووووالي تشوتوني كدة، والله اصـــــــــــــــــلو ما كان العشم...
امال لما انوي افارقكم تعملو ازمة فخار في البلد بسبب كسير القلل ولا شنو؟؟؟؟؟؟؟؟؟؟؟؟
| |
|
|
|
|
|
|
|
|
|
Re: في وداع تبلدينا .. الخميس القادم (Re: ميادة)
|
ودشندي الفاخر
تحياتي
ياها المحرية فيك و الله .. دايما سباق .. و في إنتظارك.
حمزاوي .. الفنان جاهز .. إنت و ود قاسم حتهججوا صباحي
ميادة : قلنا بالأول ناخد الإذن من ( بعل المستقبل 
معليش يا ميادة .. بس عشان الموضوع جا سريع و تبلدينا مستعجل للسفر و القرار تم بالتلفونات
أرقدوا عافية
| |
|
|
|
|
|
|
|
|
|
Re: في وداع تبلدينا .. الخميس القادم (Re: Rawia)
|
ود قاسم .. إنت عملت زى الحلفاويين لما زرعوا البنقو بدل تقاوي القمح .. و لما سألوهم دة شنو قالوا و الله دي تقاويكم الأديتونا ليها.
دحين في شي بيتعمل في الرياض بلا شورك و معرفتك ؟
قال ماعارف قال
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
أبا جهينة صاحب المبادرات الطيبة
هسع نقوم نقرر نشيل العمودية من ود قاسم ونديها ليك
أخباركم جمعيا ومشتاق جد للقياكم جميعا ولو كان اللقاء هذه المرة لوداع أخ عزيز علينا جميعا (صلاح تبلدينا)
نرجو له إقامة طيبة في الوطن وأنا يمكن أكون اول زول يحصلك هناك في الوطن لأنني قررت وبجدية رمي عصا الترحال بعيدا والعودة للوطن الحبيب
وكفاية غربة وعذاب
إذا يوم الخميس موعدنا في الصالحية
| |
|
|
|
|
|
|
|
|
|
Re: في وداع تبلدينا .. الخميس القادم (Re: ودقاسم)
|
الغالي أبوجهينة
نحن ما بعيدين مشغولين بباقي الترتيبات ربنا يدي العافية لي صديق ودالموج ..
وكان لي تمبس وشتات شغالين من ناحية تانية بس خلوا ليهم الهجيج والغناء ..
ودشندي
والله نحن منتظرين جيتك بي فارق الصبر ..
الخال ودقاسم
قال ما عارف .. دحين منو العارف !!
مياده
متذكرنك .. قالت نسيتوني قال ..
وبعدين وين باقي بورداب الرياض ؟
ويا تايقر ضروري تجي عشان نتعرف عليك ..
| |
|
|
|
|
|
|
|
|
|
Re: في وداع تبلدينا .. الخميس القادم (Re: ShiningStar)
|
لا اعرف هل اغبطه ام احسده وان كان يشقيني وداعه
اربع سنوات منذ عرفت الرجل اخا كريما وصديقا عزيزا
ونصيرا في الحق ومقوما في الذلل ..؟ اشهدكم بان هذا الرجل
رجل تشد اليه الرحال ... اخي تبلدينا والله لو استطعت وانا ساسعي
باذن الله حضور (رؤيتك) والعودة قبل وداعك
بلغ عني النيل وارضنا الطيبة وترابها تحياتي واشواقي
واخبرها ان رائحتها ما زالت تعبق انوفنا
لك التحية ونتمني التواصل
وكل الخير في خطواتك وحلك وترحالك
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
يعنى كراعنا حارة ولا شنو يا جماعة
انا ادخل تقولوا تبلدينا ماشى ؟؟؟
عموما لقد وفق فى الاختيار الصحيح وقد سبقه احباب منهم الاخ صلاح الباشا ونرجو ان يوفقه الله فى ترحاله وان ترحب به البلد ولا شك عزيزى انه الطريق الامثل الان وجميعا سنلحق بالركب ..
كان ودى مشاركتكم احبتى ولكن ...
تقبلوا تحياتى وللحبيب تبلدينا الغالى
| |
|
|
|
|
|
|
|
|
 Re: في وداع تبلدينا .. الخميس القادم (Re: ابو جهينة)
|
العزيز صالح تبلدينا..
سلام وتحية..
نسبة لأن مسيرتنا البوردية لم تكن مثلما تمنيت ان تكون مع كل زميل وصديق.. إلا انني لا أحمل لك إلا كل تقدير.. وأمل في لقاءك يوما ما في السودان البلد..
حتى ذلك الحين.. دعائي الصادق ان تتعثر بكل نجاح، وتحاط بكل ود، وتهنأ بكل خير..
لك الود..
أبو جهينة..
أهليييييييييييين..
طبعا كان نفسي أكون معاكم.. قالو لي اليومين ديل تفاريح سااااكت..
إنتو يا جماعة ناسين اننا من بورداب الرياض ولا شنو..؟
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
مياده ما بسالك لكن
انت قايله ناس شندي ديل
الصياح مو خابر بلدن والا شنو؟؟؟
(طبعا الصياح دي سطحتي فيها ،،، أسالي ابونا الشيخ ودقاسم)
حمزاوي اسمعنا مره ،،،
ودفاسم يعني بالمعني البطان سمعو قبالك،، معقوله دي!!!
وييييييييييييييين يا معتصم الاصلي
طبعا اخوك الايام دي محبوس وكدا لزوم الـــــ..،،،...،،...
لكن مقابله الحبان ليها مكان
اقعدو عاقيه
وارقدو أمان
،،
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
الاخ الغالى ابوجهينة وبقية الاعزة بورداب الرياض :
قيل لكل شئ بداية ونهاية ، ولكن محطة أخونا ورفيق الدرب صالح عبد الرحمن (تبلدينا) ، ممزوجة باللحظات الطيبة والمواقف الرائعة والحزن والفرح الجميل ، لقد كان ابن كردفان وبلدنا العامرة عروس الرمال واحة وارفة فى رياض الخير يستظل بها كل من يهبط او يعبر بها ، فالشهادة لله عرفناه اخ اخوان وسودانى اصيل ورجل المواقف الصعبة واهل فزعة وكرم فياض برغم حمميشته الذائدة شوية التى اكتسبها من دم اهليه المسيرية المخلوط بطباع الحوازمة الطيبة الممزوج بطيبة واصالة كردفان الوارفة ، فنحن برغم فقدنا له هنا ، ولكن نتمنى له عودة حميدة بارض الوطن وان يكون رجله خضرة مع اشراقات السلام وبداية عهد السودان الجديد .
ونؤكد مشاركتنا فى تكريم وليس وداع الاخ تبلدينا الشجرة الوارفة كما يقول دوما" عمنا البروفيسر عز الدين عمر موسي ، وهذه الحياة تجمع لتفرق وتجمع مرة اخرى وبالله التوفيق .
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
اليوم الثلاثاء يا ابوجهينة البقية يمكن منتظره تحقيق المثل البقول " الاربعاء وعقاب شهر "
بس على العكس تبلدينا انشاء الله يكون يوم تكريمك فال خير عليك وعلى بقية البورداب يا رب
ولا رأيك شنو يا أبوجهينة، يلا يا شباب تحركوا والحاضر يكلم الغائب وانا برضو اقترح الاتصالات
على البقية بالتليفون ان وجد كل قريب يخبر الاخر، عشان الكل يكون حاضر وبوجودكم تكتمل وتزدان الافراح.....
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
بيان هام من رئيس اللجنة المنظمة للاحتفال بوداع العزيز تبلدينا
الى ود قاسم واخرون...حمزاوى وصحبه..قف تم اعداد مكان الحفل
دار الرايطة الرياضية بالصالحية شمال مقابر العود..الزمان الخميس
قف..الى صمد ساقيتنا العزيز ود قاسم..تم اعداد المكان حتى يتسع
لترترة تمبس وشتات وساطور...تم اعداد كل مسموح وتجهيزه بما فى ذلك
الشاى المقنن والعشاء ...سوف يشرف الحضور اخواننا الفنانين الرشيد
البرارى ومرزوق..اتصلت على عضو البورد الفنان عمار السنوسى والجوال
مغلق الى الان والمحاولات جارية على قدم وبوصة للاتصال به ولو اضطر
الامر سوف اصله بمنزله...الاخوة بورداب الرياض الذين لا يعرفون المكان
بالظبط رقم جوالى=0502461358
الاخوة الاعزاء.....رئيس اللجنة العليا لللاحتفالات ونائبه ود قاسم
وابو جهينة الرجاء الاتصال على.
باختصار كل شىء جاهز حتى الشخص الذى سوف يفرتق الحفلة جهزناهو
عندكم حاجة ناقصة ؟؟نحن جاهزين.صالح ده زول ما ساهل تب..
الاخوة المتزوجين من جماعة W.H.O)(WEAK HUSSBAND ORGINIZATION
الرجاء ان يكون الاذن طويل شوية لان الحفل سوف يكون سلاما حتى مطلع
الفجر...وعشان تاخدو الاذن الرجاء اتمام جميع الواجبات المنزلية
يوم الاربعاء..فاهم ياود قاسم ما تبقى زى قريبى بتاع حقنة الروزشين
ودى احكيها لى ابو جهينة بمعرفتك...
لاى معلومات اخرى الرجاء الاتصال بى،،،،،
| |
|
|
|
|
|
|
|
|
|
Re: في وداع تبلدينا .. الخميس القادم (Re: ودقاسم)
|
صديق الموج .. و الله ما قصرت تب
بس وريني منو الحيفرتق الحفلة ، عشان أديهو رشوة يفرتقا بدري و نتخارج أنا و ود قاسم قبال مطلع الفجر
ود قاسم : توزيع مهام رهيب جدا ..
دكين : المرة دي جيب معاك ( يورو ) لود قاسم ..
العندو كاميرا ديجيتال يجيبها معاهو ...
| |
|
|
|
|
|
|
|
|
 Re: في وداع تبلدينا .. الخميس القادم (Re: ودقاسم)
|
الخال ودقاسم
هو انا اقدر ما اجي يا خال عشان ما تنفضني نحن لاقين زيك وين
مثلك ما انخلق اثنين انشاء الله حاضرين حاضرين لا شك
بس يا أخوانا: الموقع، المكان والزمان والحاجات دي ما تنسوها
عشان الواحد يجي مغمض وخصوصاً نحن متخصصين في مسألة الخرائط
دي في الرياض ولكم التحية وتحية خاصة للخال.
وليد
| |
|
|
|
|
|
|
|
|
|
Re: في وداع تبلدينا .. الخميس القادم (Re: waleedi399)
|
سلامي ليكم كتير يا بورداب الرياض ,,,, وما تقولوا الزول ده كراعوا حار كمان  وبعدين ما تنسوا ترسلوا ناس معتصم وتمبس يوصلونا محل الحفلة ... نقول لتبلدينا بالتوفيق انشاء الله وعقبالنا .... شكرا ابو جهينة وكل العقد الفريد... تحياتي
| |
|
|
|
|
|
|
|
|
|
Re: في وداع تبلدينا .. الخميس القادم (Re: waleedi399)
|
تبلديا ياخو البنية..
قال مسافر بالسودانية
وتاركنا فى السعودية..
كيف تبيع القضية..
وين عهودنا البوردية...
ياناس يافندية..
شوفو لينا حل الغربة دية...
سلامى الحار لتبلديا
من اعماق قلوبنا الندية..
بنهدى ليك احلى التحية..
وباقات ورد وحفلة الامسية
ابوجهينة شكرا دائما سباق الخير
صديق الموج ناوى اجيكم لكن اغلب
المناسبات تلقانى مداوم خميس
او خارج الرياض...ما عارف متين
نلتقى
ولكم ودى
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
وليد والذين لا يعرفون الموقع ، سأجتهد لأوصف لكم :
وأنت متجه جنوبا بشارع البطحاء للقادمين من شمال الرياض ، تفوت كبري البطحاء ، وتفوت الكبري التاني ، وتصل إلى الإشارة ، وتكون على أقصى اليسار ، تأخذ يسارك ، مش يو تيرن ، لا في الشارع اليسار وهو يعمل رأس مثلث مع شارع البطحاء ، أول يمين تدخل ، هي حارة قديمة ، لكن معليش ، أدخل ، واستمر ماشي إلى تاني شارع يمين ، أدخل يمينك واستمر إلى النهاية ، عادة يكون هناك مجموعة من السودانيين واقفين هناك ، أي واحد منهم سيدلك على باب الدار ،،،
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
ودقاسم انا رقم جوالى موجود فى البوست..حقو الجماعة البعرفوا
المكان يضيفوا ارقام جوالاتهم..اقصد معتصم دفع الله..تمبس ..اسماعيل وراق..صلاح شتات..ابو امنة..يعنى الواحد يصل البطحاء ويتصل على اى رقم بلقى زول يجيبوا. واسالنى لو اشوف لى حافلة والف عليهم ما اخلى زول يضيع او ما يصل.
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
الأخ شماشي
اوعا تمشي تبلغ الدوريات
لكن ،، ماعليك نحنا الأيام دي ضاربنا
همبريب الحرية
الخال ودقاسم والشباب
جاهزين،، بس قولوا لي صديق الموج دا
يجهز الراجل يفرتك الحفلة بدري شوية
واوعا تجيبو لينا ناس المنتدي
ديل قدونا قدا وجابو لينا وجع وش
المبدع ترهاقا تعال بدري شوية
عشان نظبط الأمور
تحياتي للجميع
اها ما قلتو لي العشا شنو
انا خايف من شعيرية شتات
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
مفأجأة كبرى
عووووووووووووووك
الحاضر يكلم الغائب
اتصل بي اخينا
سجيمان وقال انا معاكم في الحفلة
قال لي حاجز يوم الخميس العصر للرياض
لوداع الاستاذ تبلدينا
وللتعرف ببورداب الرياض
وله مآرب أخرى في الرياض طبعا
..........................
الحفلة حتكون برعاية الدكتور سجيمان
صديق الموج ويا ناس الرياض جاكم سجيمان
بشحمه ولحمه
ماذا انتم فاعلون
| |
|
|
|
|
|
|
|
|
|
Re: في وداع تبلدينا .. الخميس القادم (Re: حمزاوي)
|
تايقر
لابد ان تحضر
رجاء خاص .. حاول قدر الإمكان .. طيب ؟
ود أمي : طلبك على العين و الراس.
شايننق إستار : شكرا على الطلة ..
سيد الحوش بكري : ممكن تغير الخطوط ؟ تبلدينا دة غالي علينا ..
أساسي : سعداء بمداخلتك
حمزاوي : إنت بي صحك سجيمان جاي ؟؟؟؟ كان كدة خليني إتصل بصديق الموج
| |
|
|
|
|
|
|
|
|
|
Re: في وداع تبلدينا .. الخميس القادم (Re: صديق الموج)
|
ازيكم ياعجايز
خلو البوست ده فوق .. دائما
مزحوم .. مزحوم .. مزحووووووووووووووووووووووم
ده تلفوني .. 0502432079
عندي كلام كتير ..
ود امي .. اغنية عبد الكريم ابوطالب دي ( كاتم صوت ) ؟؟ شيليها من الديسك توب وارفعيها في اي موقع .. وتاني دخليها الكود .. لانو كده ما بتشتغل معاك..
برجع ليكم تاني
| |
|
|
|
|
|
|
|
|
|
Re: في وداع تبلدينا .. الخميس القادم (Re: إسماعيل وراق)
|
الاخ / صالح تبلدينا
تحياتي و موعدنا غدا بأذن الله ؟
(الشيخ ودقاسم )
تحياتي و متعود على نميمتكم انت و صاحبي وراق وعشان كده خلينا اغتابو ليك هنا شويه ولا اقول ليك خليها بكرة .
انا متبرع بتصوير الحفل وسوف احضر معي كاميرة الفديو غدا (و الحساب بكره علي وزن بكره الركوب مجاناَ).
تسلمو وفي امان الله .
الصادق
| |
|
|
|
|
|
|
|
|
|
Re: في وداع تبلدينا .. الخميس القادم (Re: nassar elhaj)
|
الحبيب نصار الرائع دوماً
لشوفتك كايس لي زمن
وكان حيين بنتلاقى يوم الخميس
أصلو لي حديث طويل معاك.
***********************************************
أها يا البوست خليك فوق علشان الما شاف خليهو يشوف ويقرأ
***********************************************
| |
|
|
|
|
|
|
|
|
|
في وداع تبلدينا .. الخميس القادم (Re: صديق الموج)
|
يا صديق الموج بالله عليك مافي داعي للاحراج الدنيا أخر شهر رصيد هلكان وجيب فاضي وحال تعبان يا دوب يمكن نرسل رسالة أو اقول ليك حا اعمل ليك مس كول miss call بس لكن وين، تقول لي اتصل على جوالي ابقى حاوي انا عشان اعرف الرقم ولا اتصل بخدمة 905 وبعدين ممكن اكون هناك قبالك يا زول خليها على الله نحن بقينا اولاد البلد "تـــب"
| |
|
|
|
|
|
|
|
|
|
Re: في وداع تبلدينا .. الخميس القادم (Re: صديق الموج)
|
يا صديق الموج عليك الله مافي داعي للاحراج الدنيا اخر شهر حال هلكان وجيب فاضي ورصيد تعبان يعني ارسل ليك رسالة على الجوال ممكن أو اقولك اعمل ليك مس كول Miss call احسن مش كدا، لكن اذا انا جيت قبلك كيف يكون الحال، وبعدين أبقى حاوي انا وين رقم الجوال ولا اتصل على خدمة الـ905 لا في البوست ولا في البروفايل بتاعك كمان دا كلام شنو دا "واللي بسأل ما بتوه دارنا نحن قريبه ليه"
وليد
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
الاعزاء خبر هام
بعد ان اجتمعت لجنة البرنامج نفيدكم بالتالى:
جلس الاستاذ معتصم عضو يمين والاستاذ شتات عضو يسار وجلست انا وسط
كخير الامور..وقررنا ان يبدأ الافتتاح بالقران الكريم واخترنا
احد الشيوخ الثلاثة للتلاوة وهم:
الشيخ حمزاوى
الشيخ جلال ابو جهينة
الشيخ احمد ساطور
الرجاء تبليغهم امرنا هذا... وعلى كده قيسوا باقى البرنامج.
اللجنة المنظمة..عنهم صديق الموج
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
تبلدينا يقولوا ليك شنو والناس دي خارطانا صورة وصوت
يازول رافقتك السلامة وفي رعاية المولى وأهو ربنا إستجاب لي دعواتك وخليت ديار دكين الما مرحب بيهو من ناس ود قاسم , بس في ذمتك يا ود قاسم حيكون لي اللمة طعم من غيرو ؟
ربنا يديم لمتكم يا ناس السعودية , وين أسامة الخاتم يحكي عن وحدة سكان الجزر ؟
ابنوسي
| |
|
|
|
|
|
|
|
|
|
Re: في وداع تبلدينا .. الخميس القادم (Re: ابو جهينة)
|
Quote: حكاية الحقنة دي عقدتنا
اوعا يكون طعنكم بيها
الدكتور تجاني المشرف |
احمد حنين..اجى...انت جنيت؟؟؟؟
اما بخصوص العشاء فقد اعدينا لكم ما استطعنا من جيد الفول بالشمار
وزيت السمسم لترهبوا به العدو الكافر(مش قالوا الجوع كافر)..وللذين
يعانون من اى امراض العصر الاتصال بنا لان المينيو مفتوح والfund
مفتوح ايضا،،،،
| |
|
|
|
|
|
|
|
|
|
Re: في وداع تبلدينا .. الخميس القادم (Re: ودقاسم)
|
استاذ ساطور
ما اتصلت علي تاني انشغلت والا شنو ؟؟
بامسيكا لازم تجي وما عندك اي عذر
تايغر ..
انت برضو ما عندك عذر الدنيا خميس
ياود امي ( نوف )
كده ما بشتغل ليك
لانها موجوده علي كمبيوترك فقط وما موجوده علي اي سيرفر يعني لازم ترفعيها للسيرفر وتحمليها في اي موقع تحميل وبيديك رابط ليهو في الكود ده وبتشتغل معاك
ياموووووووووج ..
بتسدها وبتقدها .. معتمدين عليك طبعا
والحقنة دي كلم بيها حنين يوم الخميس .. انا غايتو وزعتها بي جاي لي الاخوان .. وضحك شديد جدا طبعا
يااستاذ جلال ..
مافي حاجه لي ؟؟
ياخال ..ود الشيخ ده بلاهي كشكشو لينا .. انا كنت بتكلم مع قرنفل قبل شوية احتمال يمشي الشرقية مع الحيكومة حقتو
وبرضو خلوهو فوق
| |
|
|
|
|
|
|
|
|
|
Re: في وداع تبلدينا .. الخميس القادم (Re: tmbis)
|
علاء : كل الحاجات دي بتصب في جدولك الكبير .. قافلين عليك بأي كرت
بعدين بامسيكا دة في الرياض و أنا ما عارف ؟؟؟؟؟؟؟؟ غايتو وداع تبلدينا دة حيكون فلتة ..
ولياب : ما تقول نسيناك ... حاول بقدر الإمكان تجينا .. ضروري
| |
|
|
|
|
|
|
|
|
|
Re: في وداع تبلدينا .. الخميس القادم (Re: صديق الموج)
|
يا صديق ، تبلدينا من خيرة شباب البورد ، وهو كذلك من خيرة شباب الرياض ، فبالله بلغوه عنا ، عاطر تحياتنا ، وقولوا له نستودعك الله الذى لا تضيع عنده الودائع ، وأحملوا عنه العفش وأحسنوا ركوبه الدابة وهيئوا له من أمره رشدا ، فالرجل يستحق كل الخير ، وأذرفوا الدمع المدرار حينما يستدير عنكم صوب الوطن ، قولوا له:
يا مسافر وناسى هواك ، أرواحنا وقلوبنا فداك ،
غنوا له الأناشيد ، وأهدوا اليه الزهور والعطور وألوان الطيف
أحضنوه قبل الوداع لترتشفوا من روحه الجميله رشفة ، وقولوا له بملء الفم كلنا نحبك يا تبلدينا
يا ابن كردفان الأصيل
| |
|
|
|
|
|
|
|
|
|
Re: في وداع تبلدينا .. الخميس القادم (Re: ودقاسم)
|
يا جماعة وصلتوا لغاية وين ؟
يا ودالموج الحكاية شنو أمس ما سمعنا صوتك ..
نوف بنت أمي ما عندك مشكلة تبلدينا دا بنودعه ليك بطريقتنا ..
والأغنية بتاعتك وحاتك ما شغالة ..
أساسي ياخي ما تعمله جد وتجي عشان نلاقيك ..
سجيمان مرحب بيك ونحن في إنتظار طلتك الحلوة ..
ود الشيخ ما تعمل فيها لابد كان ما جيت بنجيك بالدورية ..
تمبس الموضوع داك ما تنساه ..
شتات خالك قال ليك كان ما جيت جاهز .. الله قال بي قولك ..
أمس في حوار مع تبلدينا بالتليفون قلت ليهو جهزنا ليك حفل وداع كبير جداً ..
ياخي ما نحولوا لي " عقد قران " ونخلص منك بس إنت جهز العروس ..
طيب يا أستاذنا حمزاوي نحن نعمل شنو نجي بي جلاليب وعمم ولا كيف ..
بنطالين الجينز خليناها ليك إنت والخال ودقاسم ..
أحمد ساطور جيب معاك الكيبورد بتاعك ما تنسى ..
وللجميع المحبة ..
| |
|
|
|
|
|
|
| |
ابو جهينة
ود شندي
ودقاسم
Rawia
Habib_bldo
معتصم دفع الله
اساسي
elhilayla
قرشـــو
Raja
ASAAD IBRAHIM
بكرى ابوبكر
صديق الموج
BousH
abuguta
ahmed haneen
ترهاقا
WaD OmI
tmbis
إسماعيل وراق
الصادق خليفة
nassar elhaj
bamseka
عبد الباقي الجيلي
يازولyazoalيازول
فيس بوك
تويتر
انستقرام
يوتيوب
بنتيريست