نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 نادى المريخ يعرض مليون دولار لتسجيل للاعب الاسماعيلى سيد معوض
|
فى الوقت الذى يعيش فيه وطننا أزمه السيول والامطار ، على جنبات الطرق فى
ام ضوبان واخرين يلتحفون السماء وليس لديهم غير الدعاء لله بعد ان تنكرت
حكومه الانقاذ عن تلبيه أبسط انواع الدعم لهذا المواطن .
وانا اشاهد برنامج رياضى على الفضائيه المصريه يقدمه مجدى عبدالغنى ،،
يستضيف فيه مدرب اسمه محمد صلاح وصحفى اسمه زيدان ،، وهم يحللون مباراة
المريخ والاسماعيلى ،، قال مقدم البرنامج هنالك خبر ينفرد به البرنامج
كسبق اخبارى رياضى وهو ان نادى المريخ قدم مليون دولار لتسجيل لاعب
الاسماعيلى سيد معوض ،، والمؤسف ان الجميع اتفق ان العرض سوف يرفض
لحوجه النادى لللاعب ثم ان اللاعب نفسه سوف يرفض العرض .
المعروف ان نادى المريخ يرئسه جمال الوالى وهو مدعوم من المؤتمر الوطنى
فهنالك سؤال
من اين يدفع نادى المريخ المليون دولار ؟
|
|
 
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: jini)
|
| Quote: لا تسألوا عن أشياء ان تبدى لكم تسؤكم |
الاخ / جنى
من قبل فتح ودهبانى بوست يتسائل فيه عن اموال رئيس المريخ
جمال الوالى ودافع عنه الكثير ،،، حقيقه هنالك علامات استفهام كثيرة
حول هذة الاموال التى يدفعها جمال الوالى ،،
1/ تحديث البنيه التحتيه للنادى
2/ تسجيل الجاتانا
3/ استقدام مدرب عالمى
4/ الصرف ع فريق كرة القدم
اين انت يا ود هبـــــانى
| |
|
|
|
|
|
|
|
|
 Re: نادى المريخ يعرض مليون دولار لتسجيل للاعب الاسماعيلى سيد معوض (Re: كمال مبارك)
|
للأسف المليون دولار السائبه ليست ثمنا لحسنى عبده ربه وانما ثمنا لمباراة المريخ امام الأسماعيلى ولقد فاحت الريحه وأصبحت القضية واضحه.
السماعيلى لو لعب بكامل قواه وبالجديه المطلوبه لأنهزم المريخ بستة اهداف على الأقل.
انا معجب صراحة بناس المؤتمر "الثانويه" الصناعيه بدلا من ان يدفعوا رشاوى عديل تغلف تلك الرشاوى فى شكل خدمات وحاجات تانيه حاميانى !!
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: keiga2000)
|
المريخ تعاقد مع مدرب مونديالي كانت آخر محطاته كأس العالم وهو خبير فني في الفيفا.
المريخ تعاقد مع ثاني أفضل لاعب في منافسات الاتحاد الأفريقي بعد المصري بركات.
المريخ تعاقد مع كابتتن منتخب توغو من كأس العالم مباشرة.
المريخ تعاقد مع كابتن منتخب زامبيا.
المريخ النادي الوحيد في تاريخ السودان ليست في ميزانيته عجز مالي بحسب ديوان المراجع العام.
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: Sosan Abdullah)
|
| Quote: تقول لى سيد معوض وحبة المليون دولار دي بس |
الاخ / شيبا
لم نقل ( حبه ) او ( كثيرة ) ،،، نحن بنقول من اين للمريخ مبلغ
المليون دولار ،،، ومن اين لجمال الوالى هذا المبلغ ،، والجميع يعرف
اين كان جمال الوالى واين كان يعمل وايه يعمل ،،، انت فاكرنا من وين
بيننا وفداسى بحر ،،
حتى لو تاكد بان المؤتمر الوطنى يعدم المريخ ،،، فهل من الاولى تسجيل لاعب
ام دعم الوطن ( الغرقان ) فى شبر مويه ،،
ما ذكرته كله معروف لدينا ،،، ما لم تقله من اين للمريخ وجمال الوالى
بهذا ؟ ؟؟؟؟؟؟؟
لو عندك شجاعه قول ،،،
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: كمال مبارك)
|
قبل ان تسال عن دعم المتضررين او عن مصدر اموال الوالي
اسال عن اموال البترول اين هي .. اموال الذهب ... ووو
ارصدة السادة فى بنوك اوربا
ما تخلينا نتكلم فى السياسة عايز تركبنا المساورة ولا شنو انت ؟؟
الحاجة التانية انو الهلالاب بقو خايفين جدا من الوالى الغالي
اطمئنو خالص .. الوالي كان زمان زول طيب جدا ..خلي بالك من زمان دي ..
قبل كدة المريخ اتفق مع كلاتشي وتم اكمال الصفقة
لولا جرسة صلاح ادريس واتصاله بالوالي ورجاءه ان يترك كلاتشي وفعلا تركه لانو زول طيب وعلى نياتو
لكن الان الوالى بدا يتعلم من مسالك الرياضة ودروبها والادارة الرياضية دايرة شيطنة
الوالى بعد التعديلات بقي زول تاني وبضرب فى المليان
بداها بطمبل .. وفى الطريق اولادنا الاثنين .. القبضو الكاش وراجين شهر 12 متين يجي
الاول اسمو الاول يتكون من ثلاثة حروف والثاني من اربعة حروف
يا ربي ؟؟؟
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: كمال مبارك)
|
الاخ يسرى ...
اصلا الزول كان فى قبضة المريخ لمن ودو ابوهو المستشفي وخليناهو يمشي يزور ابوهو
والوالد قاليهو ما عافي منك لو مشيت المريخ ...
عشان ما يبقي ولد عاق خليناهو يمشي الهلال ..
لكن الهوي غلاب .. زى ما قالت ام كلثوم والولد مصر وملح الحاحا
ود كسلا مصر يرتدي حذاء(كدارة) بلون اصفر فى مباريات فريقه
وقريبا سينتقل اللون الى الرداء والفانلة
اما ولدنا الاول خليهو ساكت ؟؟
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: ود المايقوما)
|
Quote: قبل ان تسال عن دعم المتضررين او عن مصدر اموال الوالي
اسال عن اموال البترول اين هي .. اموال الذهب ... ووو
ارصدة السادة فى بنوك اوربا
|
ما قلنا ليك ،،، عشان تفهم ،،
1/ جمال الوالى رئيس المريخ اتى بالتعيين للرئاسه
2/ عضو حركه اسلاميه من مدرسه حنتوب الى الدراسه بمصر
3/ يدعمه المؤتمر الوطنى ،، وهذا الدعم موجود بالقائمه التى سردتها
اعلاة ،،، يعنى وبالعربى ،، هى قروش واموال الشعب السودانى من
البترول والجبايات ،،، يعنى انت كمريخابى بتدعم حكومه الانقاذ او
حزب المؤتمر الوطنى ،،، يعنى لو كنت معارض لهذا النظام أصبحت مغفل نافع
مع الاعتذار ،،
نحن لم نتحث عن تسجيلات او غيرة ،،، نحن بنقول من اين هذة الاموال ،
وهل المليون دولار يستحقها هذا اللاعب ام الشعب السودانى ،، المريض
والمشرد و( الغرقان ) فى شبر مويه ،، وبنقول هذا الكلام لاننا نعرف
حجم ومصادر أموال المريخ ،،، يعنى نادى ليس له معينات دخل ذاتيه
تساعدة على كل ذلك ولا حتى تسجيل لاعب بمليون دولار ،، وافيدك انا شخصياً
عملت كمراجع وقمنا بمراجعه حسابات الاتحاد العام ،، يعنى عندى معلومه
عن دخل الانديه بما فيها نادى المريخ ،،، يا اخى الاتحاد العام كان شداد
يشكو لطوب الارض لكى يتحصل لمبلغ 200 الف دولار ،،
تانى بنعيد السؤال ،،، من اين لجمال الوالى هذا الراسمال ؟؟؟
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: كمال مبارك)
|
كمال اخوووووي
Quote: ما قلنا ليك ،،، عشان تفهم ،،
1/ جمال الوالى رئيس المريخ اتى بالتعيين للرئاسه
2/ عضو حركه اسلاميه من مدرسه حنتوب الى الدراسه بمصر
3/ يدعمه المؤتمر الوطنى ،، وهذا الدعم موجود بالقائمه التى سردتها
اعلاة ،،، يعنى وبالعربى ،، هى قروش واموال الشعب السودانى من
البترول والجبايات ،،، يعنى انت كمريخابى بتدعم حكومه الانقاذ او
حزب المؤتمر الوطنى ،،، يعنى لو كنت معارض لهذا النظام أصبحت مغفل نافع
مع الاعتذار ،،
نحن لم نتحث عن تسجيلات او غيرة ،،، نحن بنقول من اين هذة الاموال ،
وهل المليون دولار يستحقها هذا اللاعب ام الشعب السودانى ،، المريض
والمشرد و( الغرقان ) فى شبر مويه ،، وبنقول هذا الكلام لاننا نعرف
حجم ومصادر أموال المريخ ،،، يعنى نادى ليس له معينات دخل ذاتيه
تساعدة على كل ذلك ولا حتى تسجيل لاعب بمليون دولار ،، وافيدك انا شخصياً
عملت كمراجع وقمنا بمراجعه حسابات الاتحاد العام ،، يعنى عندى معلومه
عن دخل الانديه بما فيها نادى المريخ ،،، يا اخى الاتحاد العام كان شداد
يشكو لطوب الارض لكى يتحصل لمبلغ 200 الف دولار ،،
تانى بنعيد السؤال ،،، من اين لجمال الوالى هذا الراسمال ؟؟؟
|
يااااااخ جمال الوالي ده زول ود عز بسالوهو القروش دي جابها من وين ده لمن كان وليد صغير في فداسي الوحيد العندو عجلة رالي... قبيل ما قلنا قلنا الطير بياكلنا!؟
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: كمال مبارك)
|
الأخ/ كمال مبارك
لو بقيت على قروش ومن وين جات وكده .. برضو ممعقوله واهو زيها وزى اى قروش تانيه ما معروفه مشت وين !!
لكن المشكله واضح انه القروش السايبه اصبحت تستخدم لأفساد كل شئ فى الحياة وخرجت الى ما وراء الحدود السودانيه!!
تألمت جدا حينما كنت احاور صحفى مريخابى وقلت له بالمنطق فرصة فريق دولفين للتأهل أكبر من المريخ والأسماعيلى فرد على بكل بساطه:-
زى ديل 250 الف دولار يبيعوا المباراة !!!!!!!!
للأسف هذه الثقافه اصبحت تجد اذنا صاغيه ونفس راضيه .. للأسف اصبح الهدف هو تحقيق انتصار بأى ثمن عشان بكره يقولوا للهلال احرزنا كاسا محموله جوا!!
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: gamal)
|
Quote: هسة حبة القروش دي دايرة ليها قومة وقعدة ..وكمان دايرة كلام ؟؟؟
المريخ صديقى ينطلق الى افاق بعيدة .. ويفوق اقرانه بملايين السنين الضوئية ..
ركب المريخ 20 الف كراسي فايبر مستوردة من ماليزيا فى استاده قبل 5 سنوات بتكلفة
قاربت على نصف المليون دولار ينطح دولار
والليلة ابو الهل فرحان بى كم كرسي ليبي تم تركيبها فى زريبة العيش
معليش على استخدام مصطلح "زريبة العيش " دة الواقع نفوت منو وين ؟؟
المريخ قام بشيد مقصورة حديثة مكونة من ثلاث طوابق بتكلفة ضخمة تتكون المقصورة من ثلاث طوابق وتحتوى على اكثر من 76 غرفة بالطوابق الثلاث .
وتم تاثيث بعض الغرف باثاث تم استيراده من السعودية خصيصا، اضافة لغرف اللاعبين والحكام وصالة كبار الزوار والمركز الاعلامي .. ودة كلو بى تمنو ؟؟؟
وباقي الغرف خليناها فاضية عشان العين وكدة
المريخ بدا يفكر نهاية هذا العام فى تركيب الطابق الثاني للاستاد .. تم تجهيز الخرط والتصاميم بل وحتى نماذج للمقاعد كلو جاهز موية ونور ...
ودفع كاش للشركة الماليزية المنفذة حوالى مليون دولار نقدا والمواد فى طريقها للشحن بعدايام للخرطوم ..
المريخ استورد قبل 5 سنوات نجيل امريكى من النوع البرمودا الهجين المخصص للمناطق الحارة بمبلغ يعادل 250 الف دولار نراه الان مخضرا طوال 5 سنوات
المريخ قام بتركيب نظام رى حديث اتت كل المعدات له من الامارات راسا و يسمي نظام الري بالمدفع لرى النجيل كلف اكثر من 100 الف دولار
المريخ استورد قبل 5 سنوات اول عربة اسعاف حديثة لملعب المريخ بتكلفة اكثر من 100 الف دولار
المريخ استورد معدات اذاعة حديثة من جنوب افريقيا وتم تركيبهابالاستاد وتعمل الان بكفاءة فى حدث يعتبر الاول من نوعه فى السودان ؟؟ مافى داعى اقول ليك بكم الف دولار
المريخ استورد مظلة للمقصورة بتكلفة فاقت ال 200 الف دولار ولم يتم تركيبها لظروف فنية .. وسيتم تركيبها مع الطابق الثانية مرة واحدة ..
المريخ استورد لوحة الكترونية حديثة بتكلفة 500 الف دولار فى حدث لاول مرة بالسودان وليس الاستادات الرياضية
المريخ اقام مضمار دولى حول الملعب بمواصفات عالمية وتم تكوينه وانشاءه من مواد تم اسيرادها من لبنان خصيصا بتكلفة قاربت ال 200 الف دولار
المريخ استورد حديثا ماكينة قص النجيل بتكلفة 200 الف ريال سعودي وهي تعتبر الاولى من نوعها فى السودان .. دي عشان النجيلة براها
المريخ تعاقد مع سبعة من العمال البنغلاديش خصيصا لنظافة المقصورة والاستاد يتقاضى الواحد منهم حوالي 750 الف جنية حتى يحافظ على مظهر ونظافة الاستاد
المريخ تعاقد مع احدي الشركات الزراعية للاعتناء بالنجيل شهريا والحفاظ عليه ونظافته من الطفيليات وتسميده وغيرها من العمليات الزراعية تتقاضي الشركة 2 مليون جنه شهريا
..
المريخ تعاقد مع احدى الشركات وتم التنفيذ لانشاء نظام تصريف متكامل لملعب المريخ من الامطار بتكلفة حوالى
100 الف دولار
بعد اذنك راكوية الحبيب ممكن اضيف الزيادة دي مشكور
المريخ تعاقد مع النيجيرى اندراوس ايداهو ثاني هدافي الكونفدرالية لثلاث سنوات مقابل مبلغ 200 الف دولار
المريخ تعاقدمع ثاني افضل لاعب فى بطولات الكاف للعام 2005 (بعد محمد بركات) وهو النيجيري ايفوسا اكوافين بمبلغ يعادل 300 الف دولار
المريخ تعاقد مع مدافع توجو فى كاس العالم (من المانيا طوالى للخرطوم عديل) وهو المدافع جين ابالو بمبلغ يقارب الـ 300 الف دولار لعام واحد فقط
المريخ تعاقد مع البرزيلي باولينو من الدورى الالماني القسم الثاني بمبلغ يقارب ال 200 الف دولار لعام واحد فقط
المريخ تعاقد مع خبير الفيفاوالمحاضر ومدرب توجو فى كاس العالم .. الخبير الالماني اتوفيستر
بمقدم عقد 100 الف دولار وراتب شهري 17 الف دولار وفيلا فى حى الصفا بالخرطوم
(ريكاردو مدرب الهلال يتقاضي 5 الف دولار)
المريخ تعاقد مع كابتن منتخب زامبيا فى بطولة افريقيا بمصر اليجا تانا بمبلغ 75 الف دولار لعام واحد فقط
المريخ جنس اللاعب اليمني على النونو فى يوم واحد فقط .. كما اكمل اجراءات جنسيةالمالي ابوبكر كوني قبل ان يصلاللاعب الخرطوم واستلم جنسيته وهو على سلم الطائرة
كما اكمل تجنيس الزامبى تانا فى يومين قبل ان يتعرف اللعاب على كبرى النيل الازرق من كبرى شمبات
المريخ هو النادي الوحيد فى السودان الذى يدفع لكل لاعبيه اعلى اعانة شهرية تعطي للاعب كرة قدم 500 الف جنية شهريا( الهلال يعطي لاعبيه 150 الف جنيه) .. دي العجب بشتري بيها فول وتسالى ودقة
خلاف حوافز الفوز فى المباريات
المريخ سجل اى لاعب يريده وباي مبلغ يطلبه اللاعب .. عنتر .. صلا الامير ... والبقية ...
اقول ليك كلام سر مرة فى غرفة التسجيلات السنة القبل الفاتت جات العربية ومن الضهرية شالو شوال مليان قروش وجابوهو غرفة التسجيلات وكل لاعب اخذ نصيبو وانتحي فى جانب من الغرفة وفى كل ركن وساد صمت كبير فى المكان
الا من اصوات عد النقد .. طق طق .. ط..ق طق
المريخ اعاد اللاعب طمبل من جنوب افريقا من نادي اورلاندو بمبلغ 300 الف دولار فى اكبر صفقة للاعب سوداني
مع الشقة والعربية الفاخرة
المريخ هو اول نادي سوداني (ما دايرة تاكيد ) اول نادي يسافر بطائرة خاصة الى مباراة خارجية
تقريبا كانت لى جزيرة مدغشقر والفريق يوسكاف بطلها.. وكانت بعثة المريخ مثار تعجب فى تلك الجزيرة
شوف براك الطائرة دي كلفت كم
المريخ لو داير كاكا زاتو بجيبو ولا روناليدينهو بجيبو يعني بجيبو .. خليك من سيد معوض
المريخ استورد ...
والله فترت عديل .. بجيك راجع بعدبن ارتاح شوية نفسي قام
تقول لى سيد معوض وحبة المليون دولار دي بس
انت ماشفت جمال الوالى لمن كان مع خوان لابورتا رئيس برشلونة فى المقصورة
سمعنا تحت تحت لابورتا قال للوالي تبدل العجب بى صمويل ايتو ..لكن الوالي رفض
قاليهو العجب دة ثروة قومية ... بهاء الدين كيف ؟؟؟
شفت الاثنين التحت ديل منو ومنو ؟؟؟ اكلمك ولا بتعرف براك
|
ياسلاااااااااااااااااااام ياشيبا ياخ
تصدق لى زمن طويل ماقريت لى مداخله فى البورد دا ريحتنى فى حنانى زى ما عملت مداخلتك دى
الله يعلى مقدارك ويخضر ضراعك
اكان ريحتنى وخليتنى اشيل نفسى واختو
| |
|
|
|
|
|
|
|
|
|
Re: نادى المريخ يعرض مليون دولار لتسجيل للاعب الاسماعيلى سيد معوض (Re: كمال مبارك)
|
الأخ/ كمال مبارك
تحية طيبة
صدقنى ما يعلمه كثير من الصحفيين يشيب له الرأس ، وما يتناقلونه فى مجالسهم لا يصدق .. لكن أكل العيش أصبح صعب، وسياسة جوع كلبك يتبعك هى السائدة والمتحكمه .. فالبعض يصمت حتى يأكل خبزا على اقل مستوى .. لكن وللأسف الشديد بعض آخر ليست لديه مشكله فى أكل الخبز لكنه لا يكتفى بذلك بل يريد أن ياكل "جاتوه" !! والكلام ليهو المنطط عينيهو !!!
لذلك لم استغرب حينما صرح احدهم بثقة كامله بأن المريخ سوف يلعب فى كاس السوبر!!
للأسف هذا لن يحدث وسوف تضيع اموال السودان وتصرف فى بذخ فى المراحل الأوليه وسوف لن يحصل المريخ على الكأس فى آخر المطاف، لأن جماهير المريخ مخدوعه بأنها تمتلك فريقا، والمريخ فيه 8 لاعبين أساسيين لا يرجى منهم، البعض يحسب قولنا هذا نوع من رد الصاع لصحاف المريخ، ونحن نقول هذا الكلام عن وعى ودرايه كامله وأخشى يوم ليس ببعيد يقذف فيه الصحاف بطوب المريخ الأحمر القانى ويفذف فيه العجب بالطماطم الحمراء "المفجخه" والبيض الفاسد والأخير يهمنى أكثر من الأول فهو دون شك كان لاعبا فنانا انتهى عمره الأفتراضى منذ فترة طويلة، لكن الصحاف وزمرته يصرون على انه لا زال يافعا قادرا على العطاء!!
أعذرهم جميعا فقد رايت بعينى كيف أن المرحوم سامى الذى كان يقارن ذات يوم بالنقر فى آخر ايامه وقبل الأعتزال كان يعامل من المريخ ادارة واقطاب معاملة سيئة بل وصلت به الدرجة أن يستجدى السفر ضمن بعثات المريخ وهو لازال لاعبا مسجلا فى الكشوفات !!
فاللاعب السودانى فى ملاغبنا وعند الأداريين مثل حصان السبق يصبح بلا قيمة حينما يثبت عجزه!!
واللاعب الذكى هو الذى يختار وقت اعتزاله وهو فى قمة عطائه حتى لا يثير غضب الجماهير وتنسى له كلما قدمه لناديه!!
| |
|
|
|
|
|
|
| |
كمال مبارك
jini
sheba
keiga2000
Rakoba
hajhamad
ALGARADABI
يسرى معتصم
Elhadi
المسافر
هشام هباني
gamal
على محمد على بشير
فيس بوك
تويتر
انستقرام
يوتيوب
بنتيريست