|
Re: صديقي خضر حسين .. هنا العرضة ( هلال - مريخ ) لا كعب يعلو فوق كعب السودان (Re: معاوية كرفس)
|
.
معروف أنه ما أصعب و أقسي
التجارب علي أي فريق كرة قدم يؤدي مباراة خارج بلده
و معروف ما أقسي القاهرة علي الفرق السودانية
و معروف أن كل الفرق الأفريقية
التي تذهب ( لمصر ) لأداء أي مباراة رسمية
تذهب و في ذهنها أقل الخسائر ( 1/0 ) .
هذا إنطباعي العام
أن كل من يذهب ( لمصر ) في مجال الكرة
هو مهزوم مهزوم ......
و ذلك لما تعرفونه و لما لن نذكره هنا ...
أنا كم سعيد بهذه النتيجة
تعادل المريخ السوداني
مع الإسماعيلي ( في عقر داره ) ...
جد كم سعيد يا صديقي خضر .
و لتدم أفراح العرضة شمال و جنوب
كرفس
| |
|
|
|
|
|
|
Re: صديقي خضر حسين .. هنا العرضة ( هلال - مريخ ) لا كعب يعلو فوق كعب السودان (Re: معاوية كرفس)
|
.
العزيزة دوماً أستاذتي / Ishraga Mustafa
Quote: سلامات يامعاوية...
شكرا على التاكيد بان هناك مايفرح |
أنت تعلمين جيداً ما وصل له الحال بنا
نتماسك بأفراح علاقاتنا الإجتماعية و الثقافية و الرياضية
و كل إهتمامات المجتمع .. فقط عدا السياسة و الإقتصاد .
نتماسك بتلك الأفراح حتي نعود و ننظم صفنا
و نقوم بالدور المناط بنا ....
Quote: فاهمة حاجة واحدة انو اى حاجة بتخلينا نفرح نكنكش فيها
|
و أنا بي طبيعتي يا أستاذة
أي حاجة بتخليني أزهج و ازعل و أكون ما ( معاوية ) بديها ضهري .
Quote: اها قولك شنو ياخضر { شايفة سهول ضحكتك هنا... يا شقيق دمى}
|
أما عن خضر حسين يا أستاذتي
فهذا ما يصعب عليّ الحكي عنه
فقط أتركه حتي يعود غداً صباحاً لهذا الخيط
( حسب ما ذكر لي بالتلفون )
و ليحكينا و يطربنا كتابةً .
و لتدم أفراح العرضة شمال و جنوب
ودي كرفس
| |
|
|
|
|
|
|
Re: صديقي خضر حسين .. هنا العرضة ( هلال - مريخ ) لا كعب يعلو فوق كعب السودان (Re: معاوية كرفس)
|
.
الأستاذ/ awad okasha
طعم النصر هو دائماً الطعم الطبيعي ليس كما
أن ينزل ( ريقك ) في حلقك و( تتمطّق ) من
طعم القهوة خالية السكر ..
أو تنفر من السكر الزايد في كوب الشاي .
نحن نفرح و نبرطع كمان لنصرنا و لكن
لا نزيد و نضخّم حالنا أكبر من حجمنا ..
Quote: ابو خضرا هو مالو مسجل غياب و ما ظهر بعد انتهاء المباراة ؟؟ . شكلها جده غير |
جدة شكلها غيرين
طالما فيها صاحبك أبو خضرا
إتصلت عليهو قال لي بخش بكرة الصباح المنبر ...
تحياتي ليك و ليهو
كرفس
| |
|
|
|
|
|
|
Re: صديقي خضر حسين .. هنا العرضة ( هلال - مريخ ) لا كعب يعلو فوق كعب السودان (Re: معاوية كرفس)
|
.
صاحبي خضر
و عن الهلال و المريخ نحكي
و عن إنتصاراتنا
التي كنا نتمناها في ( مواضيع أخر )
و عن و نستنا تلك عن أعضاء المنبر
الذين كنا مندهشين لتوزعهم بين الهلال و المريخ
حيث لا تعكس بروفايلاتهم أو مساهماتهم هنا إنتمائهم لذلك النادي أو الآخر .
مثلما كثيرون هنا مندهشون لي و لك
برغم إنتمائنا لللون الأحمر و نشجع الهلال ..
الطرفة أن إتصلت عقب المباريات بالمريخابية عضوة المنبر
القادمة للسودان نهائياً من صنعاء صديقتنا يا خضر ( نهال الطيب )
و التي لم تتأقلم حتي الآن مع تفاصيل الخرطوم
و لم تعرف كيف ( تجازف ساعتين نت ) كما يفعل شباب الخرطوم
لكي ترد علي بوست إنتقالها للسودان ،
و هي حتي الآن لم تستطع فك إسار مباركات الأهل بسلامة العودة ،
و زحمتهم للمنزل في كل الأوقات .
و قالت لي ( مبروك للهلال و الله )،
قلت ليها يا زولة دا كلام شنو
المريخاب ليهم نص ساعة ولعو أم درمان
قالت و الله ما عارفة حاجة
أنا كأني في اليمن
لكن بالله ؟؟؟؟، و الله مبروك لينا ...
شرحت ليها الحاصل و تندرنا بحالها .
و أيضاً بك يا خضر .
ودي
| |
|
|
|
|
|
|
|