عارف ابو حميد مفقوع من الزعل من ام بااارح علي وفاة صاحبو بنواه والذي تعرفت عليه من خلال متابعات احمد في ايام الجمع للمصارعة الحرة....غايتو ربنا ارحمو واوسدو الباردة.
والله ابو حميد عندو مرضة مصارعة حرة يبدو بالوراثة من حبوبتوالوالدة حاجة امنة الله اديها الصحة زمان في السودان طوالي لمن تجي المصارعة الحرة تلقاها مبسوطة جدا والشاي المظبط قدامها والبيت كلو مركز في اللبع والضرب والكدم... وانا كنت بستمتع بحركات الحاجة العفوية مع المصارعة اخر حركات!!
06-26-2007, 12:32 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: احمد ابني حزين جدا على وفاة صديقه المصارع العالمي كريس بنوا!!
والله أنا زاتي حزين ..
كريس بنوا و إيدي كوريور(LATINO HEAT) ومعاهم واحد تالت جو المصارعة سوا وكانو مشكلين تيم خطر جدا وقدرو في وكت وجيز يكسبو كم حزام وكم لقب لكن سحروهم بالجد ..
قبل فترة إيدي كوريور إتوفى وهسي لحقو زميلو كريس بنوا !
حلبة المصارعة الأمريكية خسرت بالجد إتنين من أحرف لعيبتا ..
بالله وصل التعازي بتاعتي لي أحمد يا هباني ..
06-27-2007, 04:55 AM
هشام هباني هشام هباني
تاريخ التسجيل: 10-31-2003
مجموع المشاركات: 51293
يااخي انت زول فيك الملايكة مالك ومال المصارعة الحرة.. راجياك مصارعات حرة كتيرة وشد حيلك وخليك حريف!! والله انا ظااااطي علي قول الولد اللتخ بتاع التلفزيون بتاعكم حزين مع ابو حميد علي وفاة صاحبو.. كريس بنوا وقبلو تلشتا معاهو علي وفاة ايدي قوريرو ..واحمد من امبارح متلش ومحمبك التقول ميت خالو ولا عمو! تحياتي للعروس وبيت مال وعيال وان شاء الله صراع نوبة للصباااح!
06-26-2007, 01:04 PM
الطاهر ساتي الطاهر ساتي
تاريخ التسجيل: 02-18-2006
مجموع المشاركات: 3227
Quote: ذكرت تقارير إخبارية اليوم الثلاثاء أن الشرطة عثرت على جثة المصارع الكندي الشهير كريس بينويت ملقاة بجانب زوجته وابنه الصغير /سبعة أعوام/ في منزله بمدينة فايتفيل بجورجيا.
وتشير مصادر الشرطة إلى أن المصارع، البالغ من العمر 40 عاما وبطل العالم سابقا ، قام بقتل زوجته وإبنهالأحد الماضي قبل أن يقدم على الانتحار في اليوم التالي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
الطاهر ساتي
ناذر محمد الخليفة
omer almahi
حيدر حسن ميرغني
Shawgi Sulaiman
فيس بوك
تويتر
انستقرام
يوتيوب
بنتيريست