الفرحة هذه الأيام لاتسع أسرة المارشال أحمد فضيل حسن عبدالمنعم و أسرة غانم محمد أفندي و أسرة عبدالستار عابدين أبفتاح و أسرة حامد يس بالدويم و (رورمونا) بهولندا. بمناسبة قدوم باكورة إنتاج: بت القبايل: شذى عبدالرحيم أحمد فضيل و الوجيه: أمير عبدالستار عابدين
حسناء الدويم الآنسة: هدى
جعلها الله من بنات الوطن الصالحات و قر بها عين والديها
تهانينا و الف مبروك و حمدلله ألف علي السلامة.... والحمدلله من قبل و من بعد. مبروك و تربى في عزكم و عز الوطن.........
07-06-2007, 10:23 PM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
أشكرك علي المرور و طبعا الفرح ده ما مرق من حلتكم و هو بين نجوى غانم (ام شذى) و هدى حامد يس (أم أمير) و سميت البنية السكرية حلاوة لبن علي حبوبته هدى و هو طبعا فرحكم و في حلتكم
ألف مبروك ليكم
07-08-2007, 12:25 PM
خدر خدر
تاريخ التسجيل: 02-07-2005
مجموع المشاركات: 13188
يا كجونكا دحين البنيه دي مش حضرنا عرس ابوها وامها سواء ؟ الف مبروكـ هدي و تتربا في عز والديها واهلها
مره يا ابوالزهور قعدنا انا و شمت وانور نحسب كم عرس غنينا فيهو و كم طفل حايم بنكون زفينا ابوهو وامو اها انت اسه عندكـ كم طفل مرقو علي انغاع اوكورديونكـ ؟
07-08-2007, 01:01 PM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
إنت ما جيت وبيضت لي وشي مع أهلي ناس بحر أبيض و معاك أنور ود بتول العظيم....في (رورمونا) شفت الكرم ده كيفنه! و إنشاء الله يوم شكركم إنت و أنور ما يجي يا طارق....
بعدين و حياتك أكورديوني القاعد ده بقى عنده أحفاد ناس: أحمد و منه(النون مشددة) و نور...... يعطيهم العافية مع أهلهم البعاد لكنهم في القلب ده غير الأكورديونات السابقة.....
مره يا طارق عركي كان المفروض يجاملنا مع زميلة الأخ أحمد عبدالرحمن في الاكروبات. و أنحنا مارقين من النادي أيام أزمات البنزين القاتلة ديك. أحد الزملاء طلب من عركي جالون سلفة. و عركي أصر أن يشفط الجالون بنفسه رغم كل المحاولات. المهم البنزين شرق عركي و لمبة الصوت ضربت. و حمد إسماعيل كخبير قال: اللمبة ماركة عركي دي إلا من سوق أبوجهل (الأبيض طبعا). المهم الموقف كان محرج جدا. تاوقنا في النادي ما كان في غير العظيم أحمد المصطفى. الجماعة كلهم زاغوا و رشحوني أنا للكلام مع العظيم. و فعلا كان عظيم و سألني من العنوان و كان في الزهور فتحت و عرف الأسرة طوالي. و لما وصل العظيم إكتشفنا إنه غنى لأربعة أجيال في ذلك المنزل وكان حضوره بمثابة فال حسن و دموع و ذكريات.... شفت العظمة دي كيف؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Azhari Nurelhuda
أحمد الشايقي
Ahmed El Gasim
إسماعيل وراق
Hassan M Saeed
عمار يس النور
خدر
فيس بوك
تويتر
انستقرام
يوتيوب
بنتيريست