|
|
 سعادة الباشمهندس بكري – الفيك اتعرفت بس ممكن طلب؟
|
سعادة الباش مهندس بكري - والي نعمتنا و مجمع شملنا و موحد امتنا
السيد بكري ابو بكر:
وانه لقد طلبت منك منذ اربعة اشهر ونيف ان تنقل لي فلذات اكبادي لمكتبتي
و عملت لي فتح الرحمن ونتج عن ذلك اني بقيت عمر احساس و لولا لطف الله
كنت بقيت الحردلو عديل... وكمان شمّت فيني ود الصايم ولؤي و طمّعت فتح الرحمن
الجد جد (قيقا) في انو يسعى ليهو مكتبة ... شفت البقت علينا؟
المهم ما وقتو حسي .. البيناتنا اكبر، وانا قلبي كبير و المسامح كريم
عندي طلب ...
ممكن لو تكرمت يا باش تغير لي لون المكتبة؟
لون مكتبتي سبب لي احراج مع القراء ..
اللون ما بعكس شخصيتي ..
أصفرو ما ياهو و بدي شعور عيا عيا كده ..
اعتقد ده سبب كافي .... ود الصايم ما تتدخل!
وفي السكة لما تغير اللون انقل لي ديل معاك علشان الديكور الجديد
ده ما استغلال فرص على الاطلاق! 
بوستاتي ... فلذات أكبادي
__________
الملحقات:
(1) وردة حمراء
(2) تلج ساااقط
(3) صبر ايوب
|
|
 
|
|
|
|
|
|
|
 Re: سعادة الباشمهندس بكري – الفيك اتعرفت بس ممكن طلب؟ (Re: لؤى)
|
جرس ناعم .. جرس عجلة (فونكس) بس!!
بعدين يا عـزوز .. ما سمعتي بـ (صفراء فاقع لونها)!
دا ياهو اللون الختاهو ليكـ بكري .. إنتي قايلة
الريس دا ما عندو (دين) ولّ شنو؟
_
والعجلة (الفونكس) يا عُزازي هي عجلة أولاد المغتربين
والحناكيش .. واللون المفضّل فيها الأزرق وجرسا بعمل
للواحد (وحوحة وقومة نفس) وفجأتن (جتن سيواد) في تلابيب أضانو الشمال!
بتعرفي الـ (جتن سيواد)؟
| |
|
|
|
|
|
|
|
|
 Re: سعادة الباشمهندس بكري – الفيك اتعرفت بس ممكن طلب؟ (Re: محمد عبد الماجد الصايم)
|
| Quote: والعجلة (الفونكس) يا عُزازي هي عجلة أولاد المغتربين |
الرياض دي سواكن؟
انا اتربيت وين يعني؟
لوووووووووول
كانت عندي عجلة اسود و اصفر مقاس 26
وعاملة ليها شطرطون و دناديش وبوري اسود
كنت بحوم بيها من المعذر لغاية الشرفية و بالعودة
و بسوق و انا رافعة يدي فوق لغاية ما شاتني ليك
بتاع ونيت شايل غنم مارق من شارع المزرعة
و عملت 7 غرز زي الترتيب
وتقول لي (الفونكس)
عيييييييييييييب ياخ!؟
| |
|
|
|
|
|
|
| |
لؤى
محمد عبد الماجد الصايم
فيس بوك
تويتر
انستقرام
يوتيوب
بنتيريست