اكتشاف مخلوقات عجيبة في السودان ( توجد صور نادرة)!

Quote: ده مافي زول في السودان على بالطلاق بالتلاتة فاضي ليكم والناس لا شغالين بالسياسةلاحيكومة ولا معارضة الناس ساكة الكوره والغنا والموضات ومعايشها وده كلو ابتلا من رب العباد هو الوحيد العارف عبادو اخير ليك ازول أكان عندك وكتا زايد سك بيهو رزقك ورزق عيالك واقعد اتفسح مع وليداتك في امريكا السمحة بتكسيك السمح العاجبك ده من مطعم لمطعم ومن سينما لسينما ومن جنينة لجنينة بدل ما تحرق رزك ساكت في السهلة والبشير ده على بالحرام الا اقلعو رب العالمين.... فكك ااازول من الشغلة الفاضية دي..وبعدين وينو البديل اكان بتدوروا تجيبوا لينا الاحزاب تاني يا هشام اخووي اخيرا لينامنها البشير السجمان الحرامي بكضبو وهرشتو وسرقتو دي... والشعب عارف الحرامية وعارفين الكتلو وعذبو الناس لكن قبلانين بقسمة الله واخير لينا الزول العرة ده من الاحزاب! اجبته فقط بانهاء المكالمة من غير كلمة وداع!

Quote: وليس بالضرورة ان تكون هنالك بدائل جاهزة بل الخطوة الاولى قبل كل شيء علينا رفع المظالم والتصدى للظلمة ايا كانوا لانه موقف اخلاقي تحث عليه كل الشرائع والاديان ولا تحتاج ان تحث الناس عليه حثا وفي هذه الحالة البديل للظلم يا سادتي هو الحرية والانعتاق من الظلم ومساءلة الظلمة واذا اتى ظلمة اخرون ايضا سنقاومهم بذات المرجعية الاخلاقية الى ان نصنع مع بعض البديل المرتقب.....

Quote: والله يا هشام صاحبك لا يتكلم عن أو من فراغ! بالأمس زارني أحد الأصدقاء الذين قدموا من السودان وأقسم لي بأن الناس لا يعبأون بمن يحكمهم، وكيف يحكمهم، ولماذا يحكمهم. الشعب يلهثُ وراء رزقه وستر حاله والبعض عاد لحمى الكرة لا هم لهم الا هلال مريخ وتسجيلات اللاعبين وبورصاتهم! وقال أنه لم يسمع بسودانيزأونلاين في حياته (إقتصادي كبير) صديقي هذا وسألته عن الأحوال فقام يسب من سوء الحكم وفساد الحكّام! معادلة غريبة، حيث ينام الشعب جائعا وخائفا وتعيسا، ولكنه غير قادر على تعبئة نفسه وإفراز قياداته ليقود تحولا ما يفضي الى تغيير نظام الحكم وتحويله لواحد يتطلع اليه... صديقك هذا نقل لك نبضه ونبض كثيرين من أبناء هذا الشعب، وعليك يا صديقي أن تسافر بتاكسيك هذا شمالا (موسم الهجرة الى الشمال) وترسو عندنا لكي نقضي بقية العمر عند شلالات نياجارا ونشعل النار عند إحراز كل هدف (أنت مريخابي وشخصي هلالابي) ونكون قد عدنا لرشدنا وعشنا حياة عادية!