كتب الكاتب الفاتح جبرا المتوفرة بمعرض الدوحة
|
|
 من هشــام هباني الـى الاستاذ الوطني الغيور هشــام امين؟؟
|
عزيزي الفاضل والمحترم/ هشام امين
كل العام وانتم والوطن بالف خير
(شايفك شاميني ومكجني ومتلحني عديل) وفي رايك اني ادعي وطنية زائفة واني لا استحق اي رد رغم اني لم اتعرض لك شخصيا في اي بوست ولا اعرفك شخصيا... ولكنك وحدك من انبرى بالرد على في موضوع (جالية واشنطون) ودخلت علي في بوست (الكلب الذي اشرف من رئيسك ظاااطو) وهذا حق مشروع لك بالرد علي ولي الحق ايضا بالرد والتعقيب والتعليق على قولك.... وبما انك نفيت نفيا قاطعا بانك لست انقاذيا اي جبهجيا بل انك صاحب غيرة علي بني وطنك وهذا واجب لن تشكر عليه ولكني لدي سؤال واضح لشخصك الكريم الوطني الغيور..
بالله اريد رايك واضحا وشجاعا حول نظام الانقاذ اي رايا قاطعا واجابة ليست حيادية لان الامر في القضايا المصيرية لا يحتمل الحيادية ولا امكانية انحشار بين الحق والباطل والا فهو ضرب من النفاق والقوادة السياسية وهواصطفاف في صف الباطل.. وبعدها كي نتحاور ولك محبتي واحترامي.
اخوك/ هشام هباني
|
|
 
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: Hisham Amin)
|
يا استاذ انا لا بعرفك قبل كده و لا سمعت بيك و لا قاعد ادخل فى بوستاتك ... البوست ده بتاع اخونا و حبيبنا هشام ود هبانى !!!! و كان قبل كده اتصل بيو و احد( كلب من كلاب الجبهه ) و هددوا بالتلفون ... و ليعلم جلاوزة نظام الإنقاذ ان التهديد و المضايقه لأسباب سياسيه و خاصة من عناصر هذا النظام و استخباراته ( وكلاب سفاراته ) و خاصة المقيمين هنا بامريكا و يستقلون الهامش الديمقراطى لتمرير اجندتهم الشيطانيه و الذى كان سببا فى حق هذا الشخص باللجوء لهذه البلد امريكا لهو بجريمة كبرى و تقع تحت طائلة قانون مكافحة الإرهاب و حكومة الإنقاذ احدى تلك الحكومات التى تدعم الإرهاب ... و فى الفتره الأخيره تعرض اخونا هشام هبانى للعديد من المضايقات من قبل اعناصر النظام و ا ستخباراته فقلنا ( افو ) و الحديث الشريف بقول ليك انصر اخاك ظالما او مظلوما ... و ودهبانى اخونا و مظلوم كمان و لازم نقيف معاو ... اهلنا فى السودان دايما بقدروا الأخوه و العشره ( ما عدا الكيزان منهم ) و اهل ( جوديه ) و الواحد بدون ما اعرف الحاصل شنو بقيف مع اخيه اذا تعرض لمكروه و بقول ليو ( ابشر البرشك باللبن بنرشو بالدم ) فاذا كان هذا اللفظ هو لفظ ( سوقى !!! ) و غير ( متحضر !!! ) فاذن تراثنا و لهجتنا كلها ( سوقيه !!! ) و غير ( متحضره !!! ) و كان الأولى بك مخاطبة عمر البشير الذى يستعمل هذا اللفظ دائما عندما يكون فى قمة عنترياته ( الفارغة ) و منتفخ اوداجه مثل ( كير الحمام ) متحديا ( امريكا ) التى ( دنا عذابها ) فيذهب الغشماء لساحات الوغى و يموتون حتى يتثنى له الزواج و ( مناكحة ) اراملهم !!! اقول ليك ايها ( المتحضر !!! ) و دهبانى راجل و ود رجال و ( بعرف اعوس عوسو معاك ) !!! و بعدين اخونا هشام هبانى ده ما هبش زول بصوره شخصيه الا تنظيم الكيزان و الجبهه الإسلاميه ( و الحرامى فى راسو ريشه ) و ( ال فى قلبو حرقص براو برقص ) ..... وعوس عوسك يا ود هبانى ....
عبدالماجد
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
| Quote: بالله اريد رايك واضحا وشجاعا حول نظام الانقاذ اي رايا قاطعا واجابة ليست حيادية لان الامر في القضايا المصيرية لا يحتمل الحيادية ولا امكانية انحشار بين الحق والباطل والا فهو ضرب من النفاق والقوادة السياسية وهواصطفاف في صف الباطل.. وبعدها كي نتحاور ولك محبتي واحترامي. |
فى الحقيقة جوابى لك بسيط جدا جدا الا وهو انة هشام امين عايش برة السودان قرابة ال17 سنة والبيسمعة عن اهل الحكم فى السودان كلة حكاوى يعنى ماشاف شى بل بالعكس شاف نوع من البشر وصلوا امريكا وكان الكثير منهم كذابين وزايدو فى افترائهم على الحكومة فى السودان من اجل الحصول على اللجوء السياسى ودة ممكن افتى ليك فية وبشدة كمان
اما حكاية شاميك وما شاميك طبعا دة مصطلح مع الاعتزار مافى قاموس لغتى والمرادف عندى لة هو الاختلاف فى وجهات النظر .
وبصراحة الزول البينقل كلام الناس ويسطرة فى صفحة الكترونية من غير دراية دة بعتبرة زول وبقول تانى مع الاعتزار زول سطحى وانا رائيى فيك انك سطحى للغاية والدليل انك
كتبت موضوع عن جالية واشنطن واتهمت فية الجالية بانها عميلة للجبهة من غير ما تتوخى الحزر فى ايراد كلماتك وتتمعن فيها وتعرف انك ممكن تازى اشخاص لا ناقة لهم ولا بعير بما تسرد وبما انى زول فعال فى نشاطات الجالية كلامك اصبح شخصى واعتبرتة موجة لى
اولا وحسب سردك هنا انك ما بتعرفنى طيب كيف تدى نفسك الحرية وتطلق لخيالك العنان و توصف من يعملون على امر الجالية فى واشنطن بالشرزمة والظلاميين وتتهمهم بالعمالة للجبهة ؟؟ ولا دة ضل الفيل البيطعنوا فية ويعلقوا علية انت ومن زودك بالمعلومات سبب خسارتهم لانتخابات الجالية قول ليا عليك الله وانتا زول اصلان ما قاعد فى المنطقة ولا عارف عنها شى.
يا ايها الوطنى العزيز الجالية عملت انتخابات وكان فيها من كان فيها والناس الادلت باصواتها كانت تمثل كل التيارات السياسية ولسوء حظ المهزومين انة التصويت كان فى صالح من دعوتهم بالتشرزم ونسبتهم للجبهة وكمان عارف هم فازوا لية لانهم كانوا جاديين
بس لا اكثر ولا اقل وقدموا للجالية بصدق وما كانوا منتظرين اى مقابل شفتا كيف وعرفتا لية فازوا ؟؟
وبالواضح مع الاعتزار لمن تربطهم معى علاقة شخصية من اعضاء التجمع
ادارة الجالية كانت فى الانتخابات وفاز بيها الاصلح
والله يديك العافية وينور ليك بصيرتك قول امين
ياتجمع الوطنيين النائم: كيف استحوذ الظلاميون على جالية واشنطون الكبرى؟؟
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: Hisham Amin)
|
العزيز/ هشام امين
صباحاتك بالف خير
يا اخي انا سؤالي اليك واضح جدا جدا ومباشر.. يتعلق بتحديد موقفك السياسي كمواطن سوداني ولا يهمني وجودك داخل أوخارج الوطن حدد موقفك واضحا وشجاعامع او ضد النظام القائم ..لكي اخوض معك حوارا سأبنيه على موقفك .. فحكاية وذريعة انك سبعة عشر عاما خارج السودان هل تعتقد انها ستشفع لك وستعفيك وانت الراشد العاقل والوطني الغيور حسب زعمك عن تحديد موقفك مع او ضد النظام القائم؟؟ فالغيرة الوطنية وتحديد المواقف في القضايا الوطنية ليس امرا يتأثر بوجودالشخص داخل او خارج الوطن.. وهل يعقل ان كل ما تعرفه عن مساويء هذه العصابة الحاكمة حسب زعمك مجرد اقاويل غير مؤكدة من قادمين ومغرضين؟؟ حسب قولك لم تذهب طيلة السبعة عشر عاما وهي عمر العصابة في الحكم الى الوطن هل هذا صحيح؟؟ واذا كان جوابك بالنفي فلماذا؟؟ ام انك من اصحاب اللجوء الجزافي....الذين اعنيهم وحيثيات اوراقك تمنعك من الذهاب الى الوطن والا ستفقد اللجوء وغالبا ما يكون هذا هو السبب ؟؟ واذا كان هذا هو السبب..( امانة ما وقع راجل) يعني (خش في الموضوع وفكنا من السفسطة بتاعة الجالية في واشنطون)
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
اخي هشام
لقد ذكرت بان انتخابات الجالية مثلت كل الاتجاهات السياسية وفاز بها حسب زعمك الجادون ....سؤالي هو: ما هو لون هؤلاء الجادين السياسي اذا كانوا هم واحد من الاتجاهات السياسية التي خاضت الانتخابات وما علاقتك انت بهم اي ما لونك السياسي؟؟
وهل يا سيدي مثل هكذا انتخابات مجرد عمل خيري فقط هي لله هي لله ولمصلحة الناس ام لمصلحة التيار الفائز ونحن شعب حتى ( الحمير) عندنا مسيسة والدليل ان من يحكمنا ويحكم وطنك هو سيد الحمير؟؟؟؟
واكرر سؤالي السابق: لماذا لم تذهب طيلة السبعة عشر عاماالماضية حسب زعمك الى السودان وهذه السبعة عشر عاما تقريبا هي فترة وجود هذه العصابة في الحكم؟ ولماذا لم تذهب بنفسك لتقييم هذه التجربة (الرسالية) البائرةالخائبةبدلا من الاستماع الى اقوال قادمين من الداخل وانت يبدو مقتنع بانهم مغرضون وكذابون ؟
وسؤال اخر: ما طبيعة اقامتك في الولايات المتحدة...هل هي اقامة دائمة عن طريق ( اللوتري) ام قدمت طالبا هنا (بفيزا) الدراسة وهي (مؤقتة) وبعد ان انتهت مدة صلاحيتها حصلت على الاقامة الدائمة من خلال نسج قصة بطوليةكمعارض خنذيذ للحكومة و بموجبها منحت ( اللجوء السياسي) مثلك ومثل اولئك الكذابين حسب زعمك وانت صاحب خبرة في نوعية هؤلاء الكذابين الذين حازوا على اللجوء ( اوانطة)؟؟
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
| Quote: يا اخي انا سؤالي اليك واضح جدا جدا ومباشر.. يتعلق بتحديد موقفك السياسي كمواطن سوداني ولا يهمني وجودك داخل أوخارج الوطن حدد موقفك واضحا وشجاعامع او ضد النظام القائم .. |
باختصار شديد وبما انى ما مطالب انى اوريك انا لونى السياسى شنوا لكن علشان نشوف نهايتك بقول ليك لو كلفت نفسك قليلا من الجهد ستجد الاجابة على سؤالك عن انتمائى للنظام او غيرة موجودة فى البروفايل بتاعى وهى حقيقية غير مفبركة
وبمناسبة اقامتى وما اقامتى دة شى خاص بى وما من حقك ولا من حق اقرانك ان تسالنى فية لتبنى حوار معى على اساس اجابتى علية لكن وبما انك سطحى كما اسلفت لك وتعمل على خلط الخاص بالعام دعنى ابشرك واقول لك انى لم اتحصل على اقامتى المؤقتة لا بلجوء سياسى ولا غيرة وعدم ذهابى للسودان
ايضا شى يخصنى وليس لك او لسواك ان تعرف اسبابة لتدير معى حوار
شفتا انتا بتسيت ليا انك زول سطحى كيف و لو ما عارف راجع اسئلتك لى وستعرف انها شخصية اكثر من ان تكون اسئلة حوارية!!!!!!!!!
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
عزيزي / هشام
لم تزل يا سيدي تراوح في مكانك ولم تحدد لي بشجاعة ووضوح رايك كمواطن سوداني في النظام القائم ولا اطلب منك لونك السياسي....لان الموقف لا يتحدد بالضرورة ان تملك لونا سياسيا من عدمه. ويبدو على حسب الترجمة لماهو في ( البروفايل) انك سوداني من غير هدف؟؟ وارجو ان لا تكون كذلك؟؟؟ و( بس من غير اساءة) محبتي واحترامي.
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
| Quote: ويبدو على حسب الترجمة لماهو في ( البروفايل) انك سوداني من غير هدف؟؟ وارجو ان لا تكون كذلك؟؟؟ |
سودانى من غير هدف؟؟ الكلام دة فى برفايلى ؟؟ ولا كلمة من غير هدف دى برضوا اضافة من بنات افكارك السطحية وعملت على الصاقها بما فى بروفايلى كما تعودت على الصاق التشرزم والعمالة للجبهة بالجالية فى واشنطن؟؟؟؟؟
ياخ خليك انت متابع هدفك والله يديك العاوزة بس لامن تتكلم عن جالية واشنطون توخى الحزر فيما تسطر لا اكثر ولا اقل اما بخصوص ما يحدث فى السودان مرة اخرى اقول لك علك تقراء ما بين هذة السطور فلا استطيع الافتاء فية ببساطة لاننى بعيد عنة
............
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: Hisham Amin)
|
عزيزي هشـــــــــام
لســـــــــه في انتظار رايك شجاعا وصريحا حول النظام في السودان ولن يعفيك وجودك بالخارج عن اتخاذ موقف وطني واضح ( ويا اخوي الله ما شافوهو بالعين) ويبدو عليك رجل شجاع لا تخاف في الحق لومة لائم وحتما ستعطينا رأيك ايها الصنديد الخنذيذ والمنبر كله في انتظارك ( وخلي الزوغان).. محبتي واحترامي
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
عزيزي هشام امين...بالله كن امينا
لا يمكنك ان تقنعني بانك سبعة عشر عاما خارج الوطن ولا تملك معلومات بناء عليها تستطيع ان تقيم الاوضاع في الوطن.... الم تقابل قادمين من السودان يحكون لك بصدق عن الوطن ؟؟... الا تهاتف اهلك واصدقاءك وزملاءك في السودان ؟؟... الا تقرأ وتسمع وتشاهد الاخبار العالمية عن السودان؟؟.... الا تدري ان الاميركان والاوروبيين وجميع شعوب الدنيا ظااااطها المواطنين هناك في كل بلد خرجوا في مسيرات تندد بالحرب ضد اهلنا الابرياء في دارفور..؟؟... وايضا انت عضو بهذا المنبر ايعقل انك لا تقرأ اخبارا عن السودان ..... ده شنو حــــــــــرام يا راجل.؟؟..... (لسع سيك سيك وراك) حدد رايك واضحا وقاطعا وشجاعا يا هشام امين يا امين حول السودان ..... ولا تخف في الحق لومة لائم وسوف لن تغضب كيزان الجالية او اهلنا في السفارة أليس كذلك؟؟ وانا ادرك ايضا تماما انك لم تسافر الى السودان لانك يبدو عليك من ذات الشريحة التي ولجت زورا وكذبا حيثيات اللجوء الجزافي وسوف لن تذهب للسودان لانك سوف تخسر حقك في اقامة اللجوء؟؟...... عيب يا راجل لا يمكن في وقت واحد ان تكون لاجئا جزافيا وفي ذات الوقت مغفلا نافعا تخدم زبانية النظام فان لم تدري ذلك فانها مصيبة يا اخي هشام الامين.
| |
|
|
|
|
|
|
|
|
|
Re: من هشــام هباني الـى الاستاذ الوطني الغيور هشــام امين؟؟ (Re: هشام هباني)
|
| Quote: وسوف لن تغضب كيزان الجالية او اهلنا في السفارة أليس كذلك؟؟ وانا ادرك ايضا تماما انك لم تسافر الى السودان لانك يبدو عليك من ذات الشريحة التي ولجت زورا وكذبا حيثيات اللجوء الجزافي وسوف لن تذهب للسودان لانك سوف تخسر حقك في اقامة اللجوء؟؟...... عيب يا راجل لا يمكن في وقت واحد ان تكون لاجئا جزافيا وفي ذات الوقت مغفلا نافعا تخدم زبانية النظام فان لم تدري ذلك فانها مصيبة يا اخي هشام الامين. |
للاسف كل يوم بتسبت ليا انك زول خارم بارم وسطحى اكثر من ما انا زاتى كنتا متوقع
انتا عارف انى ممكن ارفع عليك قضية فى ادعائك عن انى عميل للحكومة وانى مقدم لجوء سياسى وانى شغال مع ناس السفارة هنا ومن غير دليل وبالمناسبة وبما انك زول بتعول اسرة والشحططة مافى ليها داعى يا المدرك تماما انو عدم ذهابى للسودان مربوط بقضية لجؤ سياسى فلما لا تاتى بدليلك هنا امام العامة واتحداك ان تاتى بة ولتثبت للناس انى تحصلت على اقامتى هنا عن طرق اللجوء السياسى اتحداك اتحداك اتحداك وبما انك اسلفت انك المدرك تماما اعتقد انك لن تجد صعوبة فى احضار الدليل اما ان لم تفعل يا سيدى فاعتبر هذة شهادة منى بانك سطحى ومغفل علقها جنبا الى جنب مع رخصتك وشهاداتك واعلم ما انا بالمغفل ولا انا بخادم زبانية النظام وما انا بمدعى الوطنية الزائفة وما انا بمن يفتى كما تفعل انت
اذهب واتصل بمن هم فى فرجينيا ودسى ليذودوك بالمعلومات كما تحب ولنرى من هو المغفل فينا ومرة اخرى ان لم تستطع فهذا فراق بينى وبين سطحيتك الزائدة وتقبل سلامى الظلامى كما تدعى
ولا تنسى ان التشهير وايراد معلومات غير صحيحة متعلقة باى شخص كان
فى جريدة او مجلة او صحيفة ما قد تؤدى بك الى الغرامة او السجن
فتوخى الحزر اتفقنا
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
saif massad ali
Kostawi
Hisham Amin
فيس بوك
تويتر
انستقرام
يوتيوب
بنتيريست