|
يا جماعة دكتور حسن المصــــــــــري بتاع الرياضة ده صحي سوداني جد جد!!
|
والله الحكاية دي عاملة لي حسكنة شديدة من فترة طويلة كلما اشوف برنامج الرياضة القي الزول الدكتور حسن المصري ده وكمان بتكلم مصري اوي اوي بقدم في البرنامج ومستضيف سودانيين..فقلت في نفسي معقولة ما عندنا مقدمين برنامج رياضة في تلفزيونا وبقينا نستورد مذيعين من الشقيقة مصر؟؟ ولما سالت احد اصدقائي عن هذا الدكتور المصري الشاطر قال لي الزول ده سوداني مية المية من مواليد منطقة دنقلا!! قلت ليهو: وطيب لزومة شنو الاصرار علي اللكنة المصرية في كلامو معقولة الزول ده سوداني ما بعرف اتكلم سوداني؟؟ صاحبي قال لي والله ده المحيرني انا ظاااااااطو في دكتور حسن المصــــــــــري ده!!
هباني ظاااااطو
|
|
|
|
|
|
|
|
Re: يا جماعة دكتور حسن المصــــــــــري بتاع الرياضة ده صحي سوداني جد جد!! (Re: هشام هباني)
|
الزول ده سوداني ودنقلاوي من عندنا هو ابوه سوداني من قرية التيتي قرب دنقلا وامه مصرية ومولود في مصر ودرس معظم مراحل دراسته في مصر انا ظاتو محتار سر اصرار تمسك الزول بالهجة المصرية حتى بعد ما مقدم في تلفزيون جمهورية السودان لكن والحق يقال الزول فرض نفسه بما يملكه يعنى ما جاء مفروض من ناس فوق لان شكلوا بيوحي بانه بعيد من ناس فوق و لا بيشبه ناس فوق الراجل فرايحي والله رايك شنو
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|