|
|
 اندايات الخرطوم تنتج عرقي (الشيخ) الجديد للشعشعة فقط ؟؟
|
بعد فتواه الاخيرة بعدم تحريم الخمر اذا كانت لا تجلب العدوان انتجت اندايات الخرطوم
نوعا من العرقي الجديد حسب المواصفات الترابية اسموه عرقي الشيخ وهو نوع من العرقي ( الداشر) الرخيص ونسبة الكحول فيه قليلة جدا وفقط يحدث شعشعة لمتناوليه و( الشعشعة) هي حالة نشوة ما قبل السكر اي حالة ( السنسنة) اي ما قبل ( الطشمة) وقد رحبت صويحبات الاندايات بهذه الفتوى الجليلة واعلن تاييدهن لشيخ حسن ومؤازرتهن له في محنته في مواجهة المشتطين والغلاة الذين يحاولون النيل منه بسبب فتاويه التي في مصلحة عباد السودان الفقراء ولله في خلقه شئون؟؟
هباني
|
|
 
|
|
|
|
|
|
|
|
Re: اندايات الخرطوم تنتج عرقي (الشيخ) الجديد للشعشعة فقط ؟؟ (Re: هشام هباني)
|
| Quote: وقد رحبت صويحبات الاندايات بهذه الفتوى الجليلة واعلن تاييدهن لشيخ حسن ومؤازرتهن له في محنته في مواجهة المشتطين والغلاة الذين يحاولون النيل منه بسبب فتاويه التي في مصلحة عباد السودان الفقراء |
الغريبة يا هشام انو ست الانداية يطلق عليها لقب الشيخة .. اذن لاغرابة شيخة تساند شيخا .. ولله في خلقه شئون.
| |
|
|
|
|
|
|
|
|
|
Re: اندايات الخرطوم تنتج عرقي (الشيخ) الجديد للشعشعة فقط ؟؟ (Re: هشام هباني)
|
هشام اخوى الفتوى دى صحى ولا عاوز تجهجهنا ساكت؟
كان صحى من هسع انا من جماعة الشيخ, وبعدين عاوز اعرف العدوان دة كيفن وبقيسوهو كيف, يعنى مثلا شكل باللسان ساكت ما بسوى حاجة؟
غايتو سمعت انو طلع الجهاد وبنات الحور فشنك, هسى قبل على الخمرة, زولك دة عينو على خمرة الجنة عديل كدة, الواحد تانى الا يكب الكاس الاول فى ا########## عشان اسلافنا الراحت عليهم يرووا.
| |
|
|
|
|
|
|
|
|
|
Re: اندايات الخرطوم تنتج عرقي (الشيخ) الجديد للشعشعة فقط ؟؟ (Re: هشام هباني)
|
حقيقة يدهشني الكيزان بسرعة تغيير اولوياتهم ولا اقول مبادئهم لتشككي في وجودهااصلا
في اثناء انتخابات ابريل 1986 وفي الدئرة 46 امدرمان وسط، حضرت مجموعة من الجبهجيه الي احد الخانات لبيع البنقو وتفاكروا مع صاحب الخانة انذاك (عمر كريكرا) واقنعوه بان في حال فوز الشيوعيين فسوف يفتحون البارات ويرجع معظم زبائنه الجدد الي الخمر وسيتركون البنقو وبالتالي سيخسر هو بسطة الرزق تلك الناتجة عن صعوبة الحصول علي الخمور وغلائهاوفي حاله فوز الكيزان فسيستمر الحال علي ما هو عليه وسيزداد زبائنه. وبعد نفحه بمبلغ محترم من اموال الانتخابات اقتنع اخونا بهذه الحجه وامر كل من يعمل معه وكل متعاطي البنقو المترددين علي خانته ان يصوتوا للحمامه رمز مرشح الجبهة انذاك.
وفي يوم التصويت حضر كريكرا في بوكس ومعه حوالي عشرين من مدمني البنقو للتصويت وما انفك من ترديد الحمامة الحمامة حتي خيل للجميع انه سيطير وفي باب مركز التصويت ولعدم معرفته بالقراة والكتابة لاحظ اخونا وجود بوستر لاحد المرشحين مع رمز القندول وطبعا اخونا صاحب مبادئ ويحترم اكل عيشه فرمي للجبهجية بقروشهم وصاح في رفاقه ما في غير القندول دون معرفة اللون السياسي لرمز القندول ولا اذيع سرا ان القندول كان رمز مرشح الحزب الشيوعي التجاني الطيب والحمامة كانت لصلاح عبدالله المصوراتي
| |
|
|
|
|
|
|
|
|
|
Re: اندايات الخرطوم تنتج عرقي (الشيخ) الجديد للشعشعة فقط ؟؟ (Re: محمد حيدر)
|
الجميل محمد حيدر
تحياتي
بالطبع الجبهجية لن يتوانوا في ارتكاب كل الموبقات للوصول لغاياتهم وهذه والله طرفة جميلة قصة صفقتهم مع ظريف العباسية وحي الامراء (عمر كريكرا) جوار( مرفعين الفقرا) ودكان عم جعفر وكيف حالك وميدان الربيع....وان شاء الله الظريف ( عمر كريكرا) ظريف العباسية لا زال حيا...والرجل تربطه صلة القرابة بالشهيد محمد نور سعد...
محبتي واحترامي
هباني
سندة: بالله يا محمد حيدر شنو اخبار صاحبي حافظ ( ابو عيون جاحظات)ود العباسية ساكن جنب ميدان الربيع والذي تخرج من المغرب من جامعة فاس في اواخر الثمانينيات...شوف لي اخبارو ورسلها عبر الماسنجر
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
ادريس خليفة علم الهدي
AMNA MUKHTAR
Deng
محمد حيدر
ناصر محمد خليل
فيس بوك
تويتر
انستقرام
يوتيوب
بنتيريست