|
|
 باركوا لابلـيس السودان وقد منحـوه اللـجوء؟؟
|
ابليس الوسواس الخناس بالامس منحوه اللجوء بعد ان قدم عريضة مطولة للمفوضية السامية لشئون اللاجئين شارحا اسباب طلبه اللجوء بعد ان احيل للصالح العام في السودان بسبب عدم الكفاءة والمنافسة في وطن امتلأ باباليس البشر الحذاق والذين استطاعوا اقناعه ان يهاجر من الوطن بلا رجعة...
حوار
ــــــــــ
ـ الحاصل شنو يا عمو ابليس؟؟
ـ والله يا ولدي المعايش جبارة وانا مما جو الشياطين ديل ادوني الصالح العام و علي بالطلاق ما ضقت عافية من يوم داك وما قادر اوسوس لسوسيو؟؟
ـ وعامل شنو هسع دي؟
ـ انا زي ما قلت ليك ما قادر اعيش في البلد الانملت شياطين دي...ووحات شرف بتي الوحيدة والبتعرفوها كلكم شريفة وعفيفة وما فيكم زول لمسها الا كان في الحلم....اها مما جوا الشياطين ديل انا غلبني الاسويهو واها بنيتي الوحيدة العفيفة علي بالطلاق خلت شغل الحلم والنوم ده بقت شغالة ( قلبي)عديل في نهار الله وشارع الله وبعد ده ما قادرين نعيش....وعشان كدي انا قدمت للجوء والحمد لله ادوني انا وبنيتي اللجوء وحمدا لله كفانا شر الشياطين ديل....اللهم اني اعوذ بك من شرهم وغدرهم ومكرهم؟
ـ اميــــــــــــــــــــــــــــــن
هباني ظاااطو
|
|
 
|
|
|
|
هشام هباني
فيس بوك
تويتر
انستقرام
يوتيوب
بنتيريست