|
Re: والله جنس شتارة مباراة كورة قدم تكريم للمفكر العالمي صادق المهدي!!!؟ (Re: هشام هباني)
|
عشان انا زول انصاري حار ود انصار زعلان لامام الانصار من الاهانة دي والله لو مشي الامام عشان احضر الكورة دي اكون بالغ سيدي....وبكون عرض نفسو لاهانة بالغة...عشان امشي واتكركر لاستاد الهلال عشان هو هلالابي.. واسمع كلام كلو من جنس الفكر ده (ووووب عليكم يا رشاشات واحيي انا ياالقون وتوووش يا الباكات..وبيض ليهو الكورة يا بريش....تنقة تنقة تنقة....)) اها في داعي للبهدلة الفاضية دي واقوموا في اخر المباراة ادوهو وشاح ولا كاس!! غايتو شتارتكم يا شعب السودان والله عينة.. وانا متاكد الزول الفكر في الحكاية دي يا شيطان بن مليون هرمة وقاصد اخت السيد في المهزلة دي ... واما زول مضهب حد الضهب البعيد وانصاري لليفة بفتكر بالحكاية دي جماهير الموردة والهلال حتبايع الامام في الانتخابات الجاية!!
| |
|
|
|
|
|
|
Re: والله جنس شتارة مباراة كورة قدم تكريم للمفكر العالمي صادق المهدي!!!؟ (Re: هشام هباني)
|
والنوع ده من المباريات بكون دايما بمناسبة تكريم لاعب قديم بمناسبة اعتزالو...امكن ديل اكونوا جماعة حريفة من الحزب ودبلوماسية جدا فبدلا من اعملوا انقلاب او انشقاق في الحزب تعبيرا عن زهجن وهم خلاص زهجوا من كنكشة الامام المفكراتي الطولت شديد في السلطتين الزمنية والدينية في الحزب والامامة لاكتر من اربعين سنة اكونوا قاصدين ارسلوها رسالة حريفة زي دي وعشان الامام المفكر بفهما طايرها..وحافهم الفيلم انو بعد ده احسن ليهو باقي العمر ده اعتزل السياسة واشتغل مفكراتي في الجامعات والمؤتمرات والسياسة اخليها للاولاد والاشبال الجدد في فريق حزب الامة وانتهي زمن ناس جقدول والسد العالي وقرعم وجكسا عشان ديل من جيل الامام لمن ابتدا كنكش في السياسة وهو من الزمن داك ماشاء الله الكابتن ولاعب النص والهداف والمدرب والمشجع في حزب الامة!!
غايتو لو الامام المفكر العالمي لوما فهم الرسالة دي...اكون بالغ مبالغة!!؟
| |
|
|
|
|
|
|
Re: والله جنس شتارة مباراة كورة قدم تكريم للمفكر العالمي صادق المهدي!!!؟ (Re: ابوبكر يوسف إبراهيم)
|
الحبيب هشام هبانى لك التحيات الطيبات لالا ده ما شتارة غلطان يا حبيب لو قريت للصادق المهدى الرياضة لسيت لعبا بتفهم السوهو ناس هلالنا العظيم (هلال الملايين) والتناسب واضح الصادق المهدى زعيم فى الامة السودانية,ومفكر سياسى واسلامى على مستوى العالم والهلال فى زعيم فى السودان والامة الافريقية,يعنى ما فى اهانة ولا حاجة وده جهد شعبى خالص نعتز بيهو جدااخير لينا من علماء وادباء السجم والرماد وسؤال يا ود هبانى انت قايل انو فى انصارى بيكون فرحان لو قام عمر البشير بتكريم السيد؟ انت عارف ده الحتكون اهانة ما بعدها اهانة ياود هبانى ومن هنا نحى الهلال ولاعبى الهلال والموردة ولاعبى الموردة والمريخ وكل الفرق السودانية التى تطلعت بالدور المناط بها قيامة, وحقيقة كلام سيد صادق ما وقع ا حقيقة الرياضة ليست لعبا وانا هى رسالة مجتمية تقول دائما العقل السليم فى الجسم السليم والتحية ليك يا هلالنا (عدل بواسطة عبدالمنعم خيرالله on 05-04-2007, 07:49 ص
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|