معقولة يا ندوري هسع دي انت قاعد في النت نص الليالي في السودان الفقران السجمان ده...معقولة النت في السودان يا ندوري ارخص من امريكا... بالله عليك الاشتراك الشهري بي كم في السودان؟؟ وكان الحكاية رخيصة كدي ما تقول لينا عوووووك نرجع بلدنا ونسيب قصة التاكسي المهببة دي!
03-30-2007, 02:40 AM
ASAAD IBRAHIM ASAAD IBRAHIM
تاريخ التسجيل: 11-26-2003
مجموع المشاركات: 3920
عليك الله يا ادروب انا قلت الروب من حكاية السياسة وهسع مارق لي من حرابتين السكري والضغط فوق السما فووووق بس الليلة انا فايق جدا من غيراى سياسة داير اتونس ساكت مع ندوري الزول عريس ..انت داير تكاتلو..دي قصتك برااااك ندوري ده زول ظريف وبتاع بهجة وانا زوووول والله يشهد الله بحب البهجة والمغني والونسة وكل الناس قايلني شراااني وشرااامي لكن العلم عند الله!
03-30-2007, 07:31 AM
الفاتح يوسف جبرا الفاتح يوسف جبرا
تاريخ التسجيل: 10-31-2006
مجموع المشاركات: 1617
عزيزى أخى هشام هبانى كيف حالك هشام ؟ وحال الأسرة الكريمة ؟ رسلت ليك بالمسنجر رساله ما وصلتك ولا شنو؟ ما إتداخلت فى بوستك (داك) والسبب تلقاهو فى (البوست) بتاع الأخ (كبروس) عن شخصنا الضعيف !! أدخل (هناك) وتعال راجع (هنا) ورينى تعقيبك أو (عقب) هناك (البيريحك) !!
كسرة : أسعار (خدمة الإنترنت) فى السودان (نار) إى شئ فى السودان يا هشام (نار) الأكل ..الشراب ..الكهرباء ..الموية ..المواصلات (الطقس) .. الجبايات ... ماشايف الناس ديل من زمان عملو لينا (إنذار مبكر) وغنو لينا(النار ولعت !!!)
كسرة تانية : لا أنصح (ناذر) بالزواج حتى يتبن الخيط (الأبيض) من الخيط (الأسود)!!
Quote: كسرة : أسعار (خدمة الإنترنت) فى السودان (نار) إى شئ فى السودان يا هشام (نار) الأكل ..الشراب ..الكهرباء ..الموية ..المواصلات (الطقس) .. الجبايات ... ماشايف الناس ديل من زمان عملو لينا (إنذار مبكر) وغنو لينا(النار ولعت !!!)
وطيب ما دام نار في نار وين ناس المطافي قاعدين في شنو ان شاء الله اقعدوا في النار والله يوم القيامة اوديهم النار!!
حبي واحترامي ايها العزيز الجميل
هشام
03-30-2007, 08:05 AM
الفاتح يوسف جبرا الفاتح يوسف جبرا
تاريخ التسجيل: 10-31-2006
مجموع المشاركات: 1617
معقوله يا هشام إنت ما عارف إنو هسع (المطافى) بقت (بالقروش)؟؟ وإنو لو قامت ليك (حريقه) فى (مصنع) مثلاً كان ما كنت (دافع) رسوم (دفاع مدنى) الرماد فى خشمك !!؟؟؟ تقول ليا ناس (المطافئ) قاعدين وين؟؟ كسرة : عليك الله دى مش عاوزه ليها (سيناريوهات) يا هشام ؟
03-30-2007, 09:10 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: معقوله يا هشام إنت ما عارف إنو هسع (المطافى) بقت (بالقروش)؟؟ وإنو لو قامت ليك (حريقه) فى (مصنع) مثلاً كان ما كنت (دافع) رسوم (دفاع مدنى) الرماد فى خشمك !!؟؟؟ تقول ليا ناس (المطافئ) قاعدين وين؟؟ كسرة : عليك الله دى مش عاوزه ليها (سيناريوهات) يا هشام ؟
معقولة الكلام البتقول فيهو ده صاح يا فاتح...طيب كان كدي ما القيامة قامت في السودان من زمان وانتو هسع في النار وما كم خابرين! وبعدين لسع في المطافي في رتب كبيرة زي زمان لواء مطافي وفريق مطافي وعقيد مطافي وعربات مارسيدسات وتكويعة بالجنبة وسواق محترم!! والله الحكاية دي كانت بتستفزني بشكل يا فاتح زمان لمن اتذكر الصورة دي وانو الدولة عندنا حاجة مترهلة بشكل..!! دي تحتاج لالاف السيناريوهات يا استاذ! وواصل لي قداااام في حاجاتك العظيمة والمقدرة والشجاعة والله اديك الصحة والعافية
03-30-2007, 08:34 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: معقولة يا ندوري هسع دي انت قاعد في النت نص الليالي في السودان الفقران السجمان ده...معقولة النت في السودان يا ندوري ارخص من امريكا... بالله عليك الاشتراك الشهري بي كم في السودان؟؟ وكان الحكاية رخيصة كدي ما تقول لينا عوووووك نرجع بلدنا ونسيب قصة التاكسي المهببة دي!
وين هو السودان الفقران السجمان البتقول عليهو ؟!! يا زول نحنا ناس بنعيش حياتنا الغالية بالنية السليمة .. القاسما لينا ربنا يا ها البترضى بيها .. طلعنا برة البلد ولفينا في أراضي ربنا الشاسعة دي وفي النهاية قلنا بلدي ولا ملي بطني ونقعد في السودان لا زول طالبنا حاجة لا طالبن حاجة من زول ..
النيت في السودان أرخص من أي حاجة وأي زول متاح ليهو النيت هسي .. إنت بكري ابو بكر ما حكى ليك ولا شنو ؟!!
Quote: وكان الحكاية رخيصة كدي ما تقول لينا عوووووك نرجع بلدنا ونسيب قصة التاكسي المهببة دي!
و في امريكا بيدوك خط إنترنيت مع التكسي ولا شنو ؟!
بما إنك زول بتاع طرب وبتحب البهجة النزين ليك بوستك دا بي الاغنية دي :
غزال الروض
03-30-2007, 08:39 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الزول الطيرة الإسمو أدروب دا !! طوااااااالي داخل شمال وجايب الكورة من الاوت وتلقى مداخلاتو كلها شترا وبرة الزمن ،
والله يا أدروب تقعد تتلحني كدة في البوستات تخش في متاهات ودروب بعدين تكوس لليخارجك ما تلقاهو وتقعد تشبكني (الرجاء) وتضرب لي صاحب المنبر يجي ينقذك و تكشح لي في روبك قدام البشرية ..
يا خي ما تختاني بي الله واحد !!
03-30-2007, 08:57 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: بما إنك زول بتاع طرب وبتحب البهجة النزين ليك بوستك دا بي الاغنية دي :
شكرا يا عريس علي الهدية وان شاء الله بيت مال وعيال تغلبها بالمال وتغلبك وتشلتك بدستة عيال لمن تقول الروب وتقول لي يا هباني افزعني وانجدني شووف لي الفيزا وكمان لو كان لجوء لامريكا!
والله عشان كده انا بس حبيت اتونس محتاج لي لاغنية حلوة زي دي وقلت وين البهجة وعارف ندوري سيد البهجة وكمان عاوزين نوري الوجه الاخر غير العبوس القمطرير لهباني التكاسي الشرامي الشرير...برضو بنحب البهجة وناس البهجة!
سلامات والله معاك يا عريس
سندة(( طبعا في كمية شمشرجية بكونوا داخلين توووووش متخيلين التكاسي التكساسي شايل عكاكيزو وحاجاتو الكعبة التانية... وناوي الشر...ارقد عافية يا ود الاقرع نكتل ليك الدش في يدك و تلقاك تكون النوم ما نمت يا الاطيقش الاروش .. بس الحاجات ديك مش لي ناس ندوري))!
03-30-2007, 08:45 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
هشام هباني معليش على الردود الفوق .. بس كان لازم من كدة ..
Quote: علي قول اهلنا المصريين : والله انا اصدي شريف والله يا عم! بس بسال...والله!
سؤالك في العين والراس ..
بتعرف حاجة إسمها الـ teleworker ؟
أنا شغال في شركة في السودان بالنظام دا ... من منازلهم .. كل شغلي إترذع قدام الكمبيوتر 24 ساعة والشركة موفرا لي إنترنيت 100 ميقا عشان سرعة المعلومات .. يعني قاعد في بيتنا لا بس لي برمودا داخلية لونا سودا وفنلة تي شيرت لونا بيضا ومرسوم فيها خريطة العالم وقدامي كل المعينات البتساعدني في شغلي ..
والمعينات دي ممكن تسأل منها دينق عشان لما جاني زيارة أخر مرة شافا ..
أها في اثناء شغلي بقوم بزهج وبتجيني قريافة بقوم بفتح الموقع دا عشان إتسلى شوية وأشوف الحاصل شنو وأقوم أساهم بي أفكاري وأغانييي وكدة ..
يعني ما تستبعد لمن تلقاني 24 ساعة أون لاين لأنو دا شغلي ..
شنكل :
بالمناسبة غير كدة عندي في الشارع رقشتين وحافلة هايس مؤجرم وبقبض حقي إسبوعي دا غير عندي نسبة وشراكة في كشكين في السوق العربي . واحد بتاع إتصالات والتاني بتاع تمباك ..!!
نحن كدة ... إنتو كيف ؟!!
03-30-2007, 09:12 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
بالمناسبة غير كدة عندي في الشارع رقشتين وحافلة هايس مؤجرم وبقبض حقي إسبوعي دا غير عندي نسبة وشراكة في كشكين في السوق العربي . واحد بتاع إتصالات والتاني بتاع تمباك ..!!
نحن كدة ... إنتو كيف ؟!!
take a saffa from tumback darfur i am sure you sell it at your tumabck kushk i am sure some one else might need a saffa you know who
lol
03-30-2007, 09:38 AM
waleed500 waleed500
تاريخ التسجيل: 02-13-2002
مجموع المشاركات: 6653
ولا يهمك .. مشكلتك عودت الناس على إستايل معين في الكتابة ..
عشان كدة هسي جو وهارشين ولابتين ..
Quote: سلامات والله معاك يا عريس
الله يبارك فيك .. بس في حاجة ..
الشيلة ناقصة حاجة صغيرة دايرك ترسلا لي من أمريكا .. داير لي خمسة فتايل كولونيا الشبراويشي المصرية الأصلية وتتأكد إنو فيها العلامة المسجلة تلاتة خمسات 555 لأنو هنا ما لقيت الأصلية كلو كلو ..
رسلم لي عن طريق دينق لأنو طوالي بيرسل لي فتايل نوعية تانية من هناك وهو عارف الطريقة البيدخلم بيها البلد بدون جمارك وبعيد عن الرقابة ..
03-30-2007, 01:23 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: الشيلة ناقصة حاجة صغيرة دايرك ترسلا لي من أمريكا .. داير لي خمسة فتايل كولونيا الشبراويشي المصرية الأصلية وتتأكد إنو فيها العلامة المسجلة تلاتة خمسات 555 لأنو هنا ما لقيت الأصلية كلو كلو .. ..
والله ريحة الشبراويشي دي الا تمشي للسيد احمد الميرغني عشان اديك كرتونه لانو صهر ال الشبراويشي...ممكن نشوف ليك واحد من اهلنا الختمية بالمنبر اتوسط ليك في الموضوع. لكن من تكساس الا ارسل ليك التاكسي بتاعي ليوم الزفة مع التخفيض للزبون لزوم العرس!
شفت هباني بتونس وزول لذيذ شديد!
لكن الله اجازي اللي كانوا السبب.....والانقاذ بنت مليون كلب هي الخلتنا اعداء من غير ما نتشاوف ونتعارف... ودي واحدة من اقبح ملامح الازمة ان يكون لك اعداء لم ترهم ولا تعرفهم ولا يعرفونك الا من خلال الحروف....وبالتاكيد في دواخلنا جميعا اناس طيبون حلوين....يعني هسع اخوي الصغير وليد 500 ده تلقاهو مداقرني من بوست لبوست واخر كراهية وشتائم لوجه الله يعني حاسي بيهوبكرهني كراهية العمي..لدرجة انو لو ادوهو بندقية قالوا ليهو اكتل هباني ده...لا استغرب انو اعملها....ولا شاف هباني ولا بعرفو...بس كده! الله اطلع دين الانقاذ....لان دينها ليس الاسلام دين المحبة والالفة والاخاء والعدل والسلام والمساواة فدينها العنف وبث الكراهية والاحقاد والقتل والتعذيب والنهب والفساد واشاعة الفرقة بين الاخوة.. واعادة الناس الي العصبيات البائدة...ده غرباوي وده جلابي وده شمالي وده جنوبي....عشان كده انا بقاتل في هذه الوضعية الشائهة والتي قد لاترونها وامني النفس ان يرجع الوطن الواحد الموحد بلا عصبيات بلا كراهية بلا..... ونرجع متحابين ومتسامحين ده بس لو الناس فكرت في قضية كلمة الحق والرجوع للضمائر وبطلنا المكابرة علي الاخطاء..يعني الحق حق والباطل باطل....وهباني الشرير حيرجع للزول الطيب والهادي بس لمن ترجع الامور الي وضعها الطبيعي ولكل مقام مقال....اها يا عريس فتناكم بعافية وقلنا بس نتونس عندكم ونتلاقي في الخرطوم ان شاء الله....اها فتناكم بعافية انا شايل عكازي عندي دواس بغادي مع الكضاب المحاضر الاستاذ بتاع ماليزيا والمنافق الاتحادي الكوز عصام ود ضهب اها اولاد الهرمة انا ماشي عليهم!
03-30-2007, 02:30 PM
waleed500 waleed500
تاريخ التسجيل: 02-13-2002
مجموع المشاركات: 6653
Quote: ودي واحدة من اقبح ملامح الازمة ان يكون لك اعداء لم ترهم ولا تعرفهم ولا يعرفونك الا من خلال الحروف....وبالتاكيد في دواخلنا جميعا اناس طيبون حلوين....يعني هسع اخوي الصغير وليد 500 ده تلقاهو مداقرني من بوست لبوست واخر كراهية وشتائم لوجه الله يعني حاسي بيهوبكرهني كراهية العمي..لدرجة انو لو ادوهو بندقية قالوا ليهو اكتل هباني ده...لا استغرب انو اعملها....ولا شاف هباني ولا بعرفو...بس كده!
الحبيب ود هبانى تحياتى صدق انا ما بكرهك فى شخصك انما بكره تفكيرك واختلافى معاك فى فكرك فقط لا غير بعلم تمام العلم انك تعرضتا لحادثا ما لكن علاج الامر ما بيكون بالصوره دى....... انا بحاول اقتل فكرك الغلط ببندقية الحق فقط ومتى ما قابلتك وجه لوجه باخدك بالاحضان دى تركيبتنا كده نحن السودانيين والتى نختلف فيها عن بقية خلق الله
Quote: الله اطلع دين الانقاذ....لان دينها ليس الاسلام دين المحبة والالفة والاخاء والعدل والسلام والمساواة فدينها العنف وبث الكراهية والاحقاد والقتل والتعذيب والنهب والفساد
دى اليوم رايح اتعدها هنا لكن بحتفظ بيها ليوما ما لا نك قلتا عاوز تبتعد عن السياسة فى البوست ده سوف احترم طلبك رايح اجد لها بوست يصلح معها لو ربنا اطال لينا فى العمر والى ذلك الوقت لك كل الحب
03-30-2007, 12:33 PM
هجو الأقرع هجو الأقرع
تاريخ التسجيل: 07-19-2006
مجموع المشاركات: 9056
هشام ود هبانى سلام ، مشكلتك يا هشام ما عندك امان ، وما بنعرف جدك من هظارك ، تعمل تست للواحد لو فر فيك تقوم تكش وتنطط ، طيب كلام وسام وادروب ديل ما لك ما علقت عليهو ، انت والله غيرك ابعدو من ناذر خاصة فى الايام دى ، نسيت تعليقك ليهو فى بوست اولاد سليمان الماحى . المهم نحن عارفنك الهرشة بتجيب رأسك، وبما ان الرجل عريس قلنا نوريك العين الحمراء .
03-30-2007, 12:44 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
انا زول كنت مسالم جدا زي ما قال ليك صاحبي عادل سمير بس المصيبة تشخيص النفساني الدكتور بتاعي قال لي سبب مرضك ده حاجة اسمها(الانقاذ) وما في علاج ليك الا تمشي الانقاذ.. وكان مشت الانقاذ بترجع ودهباني المادب والمهذب اها رايك شنوفي امراض اخر الزمن دي!!
03-30-2007, 12:56 PM
هجو الأقرع هجو الأقرع
تاريخ التسجيل: 07-19-2006
مجموع المشاركات: 9056
والله يا هشام يا اخوى انا اى زول بقولى يا اخوى بحرجنى شديد ، وبعدين الكلام البعدو كلو ما بهمنى ، هشام يا اخوى الانقاذ بتروح طال الزمن او قصر ، ورجل فى نسبك وحسبك ما هو زين يصل الى مستويات للسباب ذى دى ، اها يا اخوى اعفى منى ، وسلم الى وليداتك . لكن يا هشام انا جنى وجن الزول البشتم حتى ولو كان معاه حق . انت عارف يا اخوى الشتم ذى اكل الفحم دى كلام حبوبتك امنه بت الامين زوجة العمدة احمد ود مصطفى الاقرع عمدة المسلماب والكتياب .
03-30-2007, 01:33 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ودهباني الطكاسي ظاااطو ازيك كدا ياخوي وكيف حالك وحال الوليدات تعرف الاسبوع الفات سألت أخوي من النت في السودان قال انو الوايرليس سعروا 60 الف جنيه شهريا وكمان فلات ريت يعني 30 دولار شوفت كيفن أرخص من هنا كتير عشان كدا ناس نادر متجدعين
ناذر العريس ياخي أنا ماشي السودان وداير أعمل لي بزنس وعايز أستشيرك محلات مديده وعصير كيف .. تنفع وداير أسميها من الفم للدم وداير لي برضو طلبين نت وايرليس وعيشه زياده بالنسبه للعطور ياناذر أخير ليك السودان لأنو البلد دي ريحتها مخستكه وغالية تصور أنا من زمان بتريح بي تيروز وهي صناعة أمريكية بعد تلتله لقيتها بـ 40 دولار الأسبوع الفات أخوي رسل لي نفس الريحة من السودان قال لقاها في سوق ليبيا بـ 15 ألف شفت البلد دي غاليه كيف عشان كدا يا عريس أقع الخليج بس
03-30-2007, 02:14 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
ASAAD IBRAHIM
Abdelmuhsin Said
wesamm
waleed500
هجو الأقرع
الفاتح يوسف جبرا
ناذر محمد الخليفة
Mustafa Mahmoud
Moawia Mohammed
معتز القريش
محمد فرح
فيس بوك
تويتر
انستقرام
يوتيوب
بنتيريست