|
Re: شكلة بت كلب بين علي عبد الفتاح و( المجاهدين) دهجوا الترابي والبشير جنس دهج؟؟ (Re: هشام هباني)
|
يا هشام يا ود هبانى You made my day خيالك عجيب .. ولو واصلت النوم شوية كنت نقلت لينا تفلصيل اكتر.. كنت شفت بلاوى وافلام ..الظاهر عليك نمت متأخر شوية وإلا كنت شفت القصة من الاول .. من حنتوب ومرورا بحاج نور والقرين بتاعو وشكلة البشير وشمس الدين.. والعصاية والسيخ والحاجات الجابوها من اليونان وهم قاعدين فوقها.. قصة!!!! شكرا على الحلم الفيلم.. وعليك الله تنوم لينا فى الطرمبة تانى..
نورالدين منان
| |
|
|
|
|
|
|
Re: شكلة بت كلب بين علي عبد الفتاح و( المجاهدين) دهجوا الترابي والبشير جنس دهج؟؟ (Re: ABDELMAGID ABDELMAGID)
|
عبد الماجد وسيف ومنان سلامات
المشكلة انا صحيت وخليت الشكلة مولعةو( المجاهدين) مزرزرين شيخ حسن زرزرة شديدة وابليس شمتان في الترابي... لكن ما عارف ابراهيم شمس الدين اكون لاقي البشير ولا ما لاقاه.... والزرزرة حصلت في المرة ولا ما حصلت ...لكن البتذكرو شايف علي الحاج جاري فاكي البيرق ( ام فكو) ووراهو ناس جارين وراهو واكوركو : يا هو يا هو ياهو وعلي الحاج جاري واقول ليهم خلوها مستورة...خلوها مستورة...قام صاحبي كلمني قال لي ديل اهلنا ناس الغرب بتاعين طريق الانقاذ الغربي مطاردين علي الحاج شاكينو لرب العزة....وشايف كمان نميري واقف ام فكو واتكلم مع شيخ حسن كلام كتير وشايل ليهو كشكوش في ايدو وكل مرة ارفع ليهو الكشكوش في وشو وشيخ حسن اقيف متادب شديد....غايتو الله اجعلو خيرا؟؟
| |
|
|
|
|
|
|
Re: شكلة بت كلب بين علي عبد الفتاح و( المجاهدين) دهجوا الترابي والبشير جنس دهج؟؟ (Re: Mannan)
|
غايتو يا منان
انا حريص جدا جدا الا اتم الحلمة دي وما عارف كيفن الطريقة البتجيبهاتاني يعني الحكاية عاملة حسكنة شديدة...بس الكاتلني بالضحك انو الحريم لابدات مارقات ريسينن بس من القبور وما في طريقة امرقن لي برة والاستاذة الزعلانة من شيخ حسن تنبذ فيهو وسامع صوتها وعرفت صوتها...لكن الحكاية بس مجرد فاخورة مارقة من القبر وتكورك وتنبح يعني منظر رهيب في يوم رهيب..
يعني شسخ الترابي حيزرزروه الدبابين والمجاهدين قبل الحساب الكبير داك وبعد داك اودوهو مكسر كسير شين و نجيض تب لجهنم لحساب رب العزة داك حساب براهو صعب خلاص...غايتو وما عارف العرة الكبير البشير الكضاب اليوم داك والله حافتش ليهو من نار لي نار الا اشوف الجرسة والحي ووب وجعليتو الفاضية دي وحكاية المدفع الرزام دي قصتها شنو...احب المدفع الرزام ظاااااطو
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|