|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
ولا زال يا خال عشمي فيك كبير وان شاء الله الحزب اطير كان بختك الختة الشينة دي اخر ايام عمرك والله اديك الصحة انا الموضوع بالنسبة لي خاص جدا جدا شان ما اقولوا ذات يوم من الايام وليداتنا واحفادنا في القطينة ونعيمة انو جدنا ود ملين انفزر للكيزان في اخر عمرو.... الله اديك الصحة والعافية!
واسمع منك رد ضروري في عنواني التالي: hushamhabani1@ hotmail.com
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: عبدالغني بريش فيوف)
|
استاذنا بكري واخوتي عدلان وبريش
سلامات
يا جماعة والله الخال ود ملين عزيز علينا بالحيل وما بندور ليهو الشينة واتلغوس اخر العمر مع الناس الوسخانة دي وتنحسب عليهو غلطة لجنا الجنا ما تنمحي و الخال زول اغبش وحقاني و بدور الناس النضيفة البتقول ليهو كلام الحق و المناصحة في وشو وقولوا للوليدات الشعوعيين الجد الجد لو بالجد انتو شعوعيين ورجال تمام التمام امرقوا النصيحة وخلوا الكلام الكبار كبار والمغتغت وفاضي..دحين الشغل الشين ده عاجبكم... وبتدوروا لخالي ولحزبكم الكلام الني ده!!؟ علي بالحرام دي ياها البتغتس حجركم ليوم القيامة والله والشعب ظااااطو ما حيغفر ليكم الكلام الشين ده...خلونا من النفاق ده وخلوا بالكم مع الغبش اهو نحن التكاسة السجمانين الماعندنا حزب وما عندنا لا ديالكتيك ولا حق صابون (الفنيك) عندنا شوفة للحاجات زينا وزي بتاع الورنيش والشماشي البشم البنزين اللي هسع بشوف النظام ده اخير منو ابليس وبت ابليس...ااااخال اسمع كلام ود اختك كلام الببكيك والله اديك العافية!!
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: خالد المحرب)
|
عزيزنا الاصيل خالد المحرب
سلامات
Quote: الاخ هشام هبانى والله نصيحه غاليه من ولد لابيه ياريت الناس الزى ديل يدركوا هذه النصايح وينصاعو الى الغبش ودى والله حسن الخاتمه اتمنى ان يدركوا ذلك القول . |
والله يا خالد الخال نقد ده زولا عزيز علينا بالحيل وما بندور ليهو الحقارة والله لا جاب اليوم البنحقر فيهو خالنا نقد الزول النضيف العفيف الشريف عشان كده اولاد الحرام بدورو احقروهو واجلبطوهو بالعفن والكلام الني وشان كده انا بقول النصيحة دي للخال..شان ريدتنا ليهو لوجه الله!
اها فتناك بعافية يا ود المحرب يا اصيل مع تحايانا للاسرة الكريمة
هشام
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
لا تصالح على الدم.. حتى بدم!
لا تصالح! ولو قيل رأس برأسٍ
أكلُّ الرؤوس سواءٌ؟
أقلب الغريب كقلب أخيك؟!
أعيناه عينا أخيك؟!
وهل تتساوى يدٌ.. سيفها كان لك
بيدٍ سيفها أثْكَلك؟
سيقولون:
جئناك كي تحقن الدم..
جئناك. كن -يا أمير- الحكم
سيقولون:
ها نحن أبناء عم.
قل لهم: إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
تسلم يا هشام ...
أنا بحتت في بوستاتك عشان إنت كتبت في أول بوستك دا العبارة دي :
Quote: معليش قلنا نناصحك يا خال للمرة التانية |
وأنا كنت قايل روحي إتلخبطت في العدد لأني كنت متأكد إنو كان في قبل دي مناصحتين !!
إذن إنتا الغلطان في العدد لأنو دي التالتة !!
انا حاسب عشان كدة إنت أعمل حسابك ..
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
شفت زمان يا خال الوليدات الشعوعيين مجنننا بالطائفية واليمين الرجعي الامبريالي العميل الكهنوتي....اها هسع دي الاية انقلبت شايف اليمين الرجعي بتاع اهلنا الانصار بقيادة السيد الامام بس متحالف مع نسيبو الترابي يعني متحالف مع ( الشعبي) وبس يعني ماخدين 1/ صفر! اها انتو الشعوعيين التقدميين اعداء الرجعية والطائفية الليلة راكبين لليفة مع (الوطني) بتاع البشير في الحيكومة ومع ( الشعبي) بتاع ابليس الترابي في المعارضة!! اها يا خال الجماعة ضاربنكم 2/صفر بره وجوه!! يعني الطائفية بتاعة الانصار مغلوبة 1/ صفر والشعوعيين التقدميين مغلوبين 2/ صفر!! اها عليك الله يا خال ما ها وعسة وجوبيكة كبيرة تسوي المغسة عديل... والله علي بالطلاق الحالة دي اخير منها السجن عديل حتى لو تستانفوا وتدفعوا بالدولار لناس الحيكومة شان ادخلوكم السجن....اخير من الحالة الشينة دي!!
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
صباح الخيرات يا خال وان شاء الله قريت كلام ود اختك ونصيحتو...وزي ما بقولو المتفلفسين عندنا حتى انا سويت لي (خريطة طريق) يا خال تفكك وتفكنامن الوعسة الواقع فيها دي... حيث انو ما في طريقة للقوى الوطنية لو هي فعلا في قوى وطنية..الا التنسيق بيناتها والخروج الفوري من الحيكومة السجمانة دي والمصادمة المباشرة اليومين ديل مع الحيكومة حتى لو تتعبا السجون بالاف المعتقلين والنظام الايام دي علي الحرررام راقد صلطة عشان كده اشيلوا واوسطوا في السماسرة ناس سوار الضهب وعصمان عبدالله ورامبو شان انقذوا الانقاذ من الزنقة الواقعة فيها دي...ما في طريقة الا ضرب الحديد وهو ساخن... وده الموقف الشريف الوحيد الماعندو بديل اما حكاية مساومة وكوار وجوديات فاضية عشان تنقذ الكلاب من الزنقة دي وعشان اجوا تاني من خلال اي تسوية ده ببقي خيانةعديل وكلام ني ساكت ما فيهو اي حس سياسي ولا نوع من الوطنية...لانكم كده بتطولوا في عمر الكلاب وبتدوهم زمن تاني شان اقعدوا واتمكنوا اكتر....فما في حل يا خااال الا بالثورة الشعبية والقصاص من الخونة وارجاع المال المنهوب لاهلو علي داير القرش والملين واعادة كل المفصولين في الخدمة المدنية والقوات النظامية وتطهير اجهزة الدولة من كل الخونة والمندسين ومحاكمة كل القتلة والمجرمين والعذبوا الشرفاء ونعرف وين قبور الشهداء والمفقودين وكمان اولاد الحرااام الهربوا برة حنتابعهم واحد واحد!!
اها رايك شنو يا خاااااال ده الكلام الدغري ودي خارطة الطريق بتاعة ود اختك التكاسي السجمان وبفتكرها ده الحد الادني الممكن نقوم بيهو للناس الغبش االراجنك وراجين الثورة من زمان.. و ما ممكن تجي يا خاااال في اخر العمر تخذلن وتتعاون عينك عينك مع المجرم السفاح الترابي وتشارك السفاح البشير في حكمو افو افو افو يا خاااااال!
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
ات عاااارف يا خال حتى (باص) جدنا محي الدين ود المهدي ( ود دقاقة) علي الحررررام كان بريدك....حالة ما كان بريدك الباص داك علي الحرررام لمن اتدشدش ومات جدنا محي الدين بقي البص الوحيد في خط القطينة الخرتوم الما ركبوا ليهو ( كوز) في ماكنتو لحد ما اتدشدش!! اااااخال شفت جنس العزة دي كيفن ليك ....حتى الباص قرب ابقي شعوعي عديل!!
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
Quote: والله علي بالطلاق الحالة دي اخير منها السجن عديل حتى لو تستانفوا وتدفعوا بالدولار لناس الحيكومة شان ادخلوكم السجن....اخير من الحالة الشينة دي!! |
Dear brother Husham Sorry I have no access to an Arabic Keyboard at the moment, but I think the uncertainity and prison life is so miserable for your uncle Wad Maleen in this age. He is in need of peeceful life now because he did his best and may be when he took this picture he was so sad about the days he wasted in hiding. Does communism always undermine religions or are communists have no sense of belonging other than to obsolete communism. From your writings I know you have the courage to accept the alternate point of view... I hope so
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: عصام عبد الحفيظ)
|
اها ااااعصام اخووي ان شاء الله عجبتك الكرامة والمريسة! وما تنسي تسلملنا علي الخاااااال ود ملين الله اديهو الصحة والعافية وقول ليه شيتك ومرارتك وبقنيتك محفوظة يا خاااااال... وعلي الحلال نجيب ليك السعية والحلال الخروف في قنيطة الخروف بس يوم تمرقوا اللوري من جوه الكوووووووز!!؟
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
اها يا خاااال الزول سيد الصورة الفوق ده ان شاء الله تكون عرفتو كويس الزول ده اكان معاك شغال ليك في دايرة الديوم زولا نشيط وهميم وكان بجيب ليك الناس ده الشهيدعلي فضل ان شاء الله عرفتو منو الكتلوهو.. وقررتو تشكوهم للقاضي ..عشان اياخدوا جزاهم ,,بس قطع شك ما بكونوا ناس الحيكومة ديل..ما اظنهم ناس غوش ديل اولاد ناس ساكت....غايتو علي المسكين مات ساكت لا ايدو لا كراعو...وما لقي الزول البجيب تاروا لا رفاق ولارفاق.... اللهم لا اعتراض في حكمك يا الله وانا لله وانا اليه راجعون!
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: هشام هباني)
|
العزيز هباني
هذه أول مداخله لي في سودانيز أون لاين، أتمني أن أكون خفيف علي ناس البورد
يا ريت يا هباني نصيحتك دي تلقي زول يقراها زاتو، الناس ديل ما سمعوا بالنت زاتو، ويا ما كتبنا في منتديات أخريات عن ما وصل إليه الحزب الشيوعي من تعاسة، وناصحنا حتي أوشكنا أن ندخل إلي مصحة أمراض عقلية، ولكن يبدو أن القنوات مقلقلة ولا أحد يسمع صوتنا
مناشدة للاستاذة نقد
أن يرفع يده عن هذه القذارة
لك ودي
| |
|
|
|
|
|
|
Re: الخال نقد (ودملين) يا زول مالك مهموم ومغموم!؟ (Re: محمد راسخ)
|
حبيبنا محمد راسخ
اولا اهلا بيك ومرحب بيك يا زول يا اصيل وحبابك الف في بيتك بين الشرفاء
Quote: هذه أول مداخله لي في سودانيز أون لاين، أتمني أن أكون خفيف علي ناس البورد
يا ريت يا هباني نصيحتك دي تلقي زول يقراها زاتو، الناس ديل ما سمعوا بالنت زاتو، ويا ما كتبنا في منتديات أخريات عن ما وصل إليه الحزب الشيوعي من تعاسة، وناصحنا حتي أوشكنا أن ندخل إلي مصحة أمراض عقلية، ولكن يبدو أن القنوات مقلقلة ولا أحد يسمع صوتنا
مناشدة للاستاذة نقد
أن يرفع يده عن هذه القذارة
|
نعم نريد لقادتنا ان يستيقظوا من سباتهم العظيم وان يرتقوا بشرف ومسئولية لمستوي التحديات الراهنة التي تجابه هذا الوطن بسبب هؤلاء المجرمين من يشاركونهم الحكم..وان لا يخونوا دماء الشهداء وتضحيات الابطال الاحياء بالمساومات والتطبيع مع القتلة والمجرمين..لانه منحي غير اخلاقي ومثبط لهمم الملايين من شعبنا عولوا كثيرا علي قادتنا وقادتنا لم يبارحوا نومهم العظيم! فمناضل في قامة الخال نقد.... امر محير جدا ان يكون في هذا الموقف غير المشرف لحزبة ولا لوطنه ولا لنفسه...مهما كانت المبررات ..فالحقيقة واضحة والحق ابلج!
لك معزتي واحتراماتي
هشام
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|