كتب الكاتب الفاتح جبرا المتوفرة بمعرض الدوحة
|
صورة وتأثير يازول – ندى امين – زولة 123 مثالا
|
صورة العضو هل لها تأثير على القارئ ؟؟
سؤال كثيرا ما كان يتبادر إلى زهني وانا اقرأ لكثير من الأخوان خاصة من لم أرى صورهم، وكنت دائما ارسم ملامحهم من خلال كتاباتهم في مخيلتي لذلك كان هذا التساؤل يدور في زهني كثيرا
العضو يا زول زميل معنا في البورد هنا ومنذ فترة زمنية طويلة اقرأ كتاباته وحقيقة لم أوفق نهائيا في رسم ملامحه، في الفترة الأخيرة وضع صورته وفي اعتقادي كان لها تأثير ايجابي في قراءتي لكتاباته. وكذلك الأخت الزولة 123 أصبحت أرى كتاباتها بشكل أكثر وضوحا ، أم الاخت ندى امين أرى أن صورتها تركت في نفسي وقع جميل وحسن ساعدني في إدراك معظم كتابتها
لأي مدى صورة العضو لها تأثير على المتلقي أو القارئ؟؟؟؟
ولكم التحية
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الحبيب السنجك
حدث معى الشىء نفسه ، وأنا أحاول رسم صورة فى مخيلتى للذين أقرأ لهم أو أحاورهم ، وبالطبع عند وضع الصور (الحديثة ، الحقيقية) فان الوضع يختلف ، وتكون المسألة اكثر ايجابية ، ويمكن أن تكون هنالك مفارقات ما بين صورة الخيال والصورة الحقيقية فالبعض مثلا لم يكن يتصور هذا الزول بدون صلعة او شيب او عكاز ، والبعض يتخيل الآخر بسحنة معينة مغايرة تماما لما رسمه فى وجدانه
على كل الموضوع شيق ، وأرجو ان يكتب الأخوة وجهة نظرهم حول هذا الأمر
وكل عام وأنتم بخير
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الاخ السنجك : لا شك ان الصورة تعطي انطباع عن الشخصية ولكن ليس ف كل الاحيان فبعض الناس يضع صورا تكون مرتبطة له هو شخصيا بلحظات معينة ولكنها لا تعكس شخصيته (قد تكون في رحلة او في الشتاء او داخل استديو)كما ان بعض الناس يضع صورا تكون في ريعان الشباب وبالتالي قد تختلف الملامح بعد فترة وبالتالي من المفترض ان يختلف الانطباع .. بعض الاعضاء تكتب له بلغة الشباب ولكن بناء علي الصورة ولكن عندما تكتشف انه بلغ من العمر عتيا حا تبدا تغيير اسلوب حديثك 180 درجة واعتقد ان هذا واحد من مشاكل البوست فنحن كسودانيين مهما اخطأ علينا شخص عندما يكون اكبر منك سنا فان لغتك معه تكون مختلفة (يسودها الاحترام الاكثر من اللازم)... بعض الناس يقوم بوضع اشكال ورسومات واعتقد ايضا انها تؤثر نفسيا وتعطي انطباع عن الشخصية .. ونلاحظ دائما ان كل شخص يضع صورة فمن البديهي ان يقوم باختيار افضل صورة له ( الما بتشبهو) وهذه دائما تاتي عن طريق ملاحظة اصدقائك لها ( والله صورتك دي سمحة ..ياخ صورة رهيييييييييبة ..ياخ لكن الصورة دي ما بتشبهك وييين اتصورتها) ... لكن لا ننسي بان هناك مقولة ( المظاهر خداعة ) والتي ايضا يمكن ان ندرجها تحت بند الموضوع .. اثني علي الشخصيات التي ضربت لنا بها مثالا فهي شخصيات رائعة جدا جدا جدا وتركت فينا انطباعا جميلا قبل ان نراهم ودمغت اكثر عندما رايناهم .. غايتو نحن شينييييييييييييييييين وخايفين نخت صورنا ياخدو عننا الانطباع الشيييييييييييين عشان كده تلقوها عند الغافل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: عمر الفاروق شيخ الدين)
|
الاخ عمر الفاروق سلام
اشكرك كتير على المداخلة الجميلة دي والله عجبتني شديد
Quote: بعض الناس يقوم بوضع اشكال ورسومات واعتقد ايضا انها تؤثر نفسيا وتعطي انطباع عن الشخصية .. |
ودي نقطة جميلة جدا مسألة وضع رسوم او اشكال واعتقد انها بتخبرنا وتحدثنا عنهم كثيرا وتحفز خيالك لصنع صورة لصاحب الشكل او الرسم
وتعرف يا عمر بكلامك السمح دا اكيد انت صورتك وجيهة شديد وبرضو ح نبقى على امل شوفتها
تحياتي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: اساسي)
|
الاخ العزيز السنجك
البوست ده علم براه كده... درسناه فى علوم الاتصال، المدهش قبل ايام كنت فى ورشة عمل تدور حول تأثيرات الصورة والزاوية المركزية التى تنطلق منها بمعنى مايود الصحفى/ة الاوربى عكسه مختلف تماما ومن خلال الصوره مايود الصحفى/ة الافريقى/ة عكسه وطلعنا من هذه الورشة بان علينا نحن الجايين من { العالم المتخلف} ان نتدرب على التكنيك العالى لهذا العلم ونحاول نعكس صورتنا بما نراه متوافقا مع قضايانا
معزرة لهذا المدخل واتمنى يكون صابى فى نفس نهر البوست
الصورة تلعب دور بالتاكيد ولكنى اقيم الانسان بما يكتب وكيف يخاطب الاخرين/ت، كيف يؤسس لمفاهيمه مرات الصورة بتدى عكس مايرسمه المرء فى مخيلته وكل واحد بتلقاها حسب مرجعيته الثقافية
النماذج التى ذكرتها اؤيدك تماما بان صورة زول يازول مؤثرة جدا، تحيلك الى عالم من الطيبة والانسانية، ده انطباعى واللى تتطابق مع كتاباته واسلوبه المرن فى الطرح
الاخت زولة 123 من غير صوره كونت عنها انطباع انها اليفه جدا وفرايحيه ومتصالحه مع العالم اللى حولها ندى امين صورتها تتطابق مع مفاهيمها الى حد كبير.... جدية الطرح تتماشى مع جدية صورتها رغم الرقة الواضحة فيها
واخونا أساسى صورته ادتنى انطباع غير كتاباته، صورته جادة جدا رغم طيبتها لكن مايتسق مع هذه الجدية طرحه مهما اختلفنا حوله.
ولحين تلبى نداء العزيزة انا ذاتها امدر بانرال صورة السنجك الحقيقية لك المودة وكل سنه وانت طيب
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
العزيزة ام واصل ازيك
ارى ان الصورة بتلعب دور كبير جدا فى عكس كثير من القضايا وبتكون اقوى تعبيرا فى كثير من الاحيان من الكلمةاو العبارة،ولكن المسألة محتاجة لاجادة و تقنية بس متين تجد مثل هذه العلوم مكانتها فى السودان ؟؟
مسألة تقيم الانسان دي صعبة شوية واذا نظرنا للموضوع من خلال المنبر هنا بجد ان مسألة تقيم العضو من خلال كتاباته قد تحدث ايضا بها مفارقات كثيرة جدا مقارنة بالواقع، يعني مسألة حدوث المفارقات ليست متعلقة بالصورة فقط بل حتى بالافكار والاراء.
بمناسبة صورتي
رايك شنو فى الرسوم والاشكال التى يضعها الاعضاء ؟؟
الى اي مدى بتعكس اشياء عنهم ، يعني زي صورتي دي مثلا؟؟؟
خالص تحياتي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الاخوة الاعزاء تحياتي الاخ السنجك اتفق معاك في ما قلته خصوصا صورة الاخ يازول انا جد ما كنت متوقعه بالصورة يجي تاثير الصورة نتيجة التحول البتم من الخيال الي الحقيقة وده الشئ البقربها من القلب طبعا انا تفاجات بصورة الاخت الجندرية جد انا كنت متخيل صورة واحده شكالة كده وعنيفة لكن صورتها جد كلها رقة عكس تماما لاسلوبها في الكتابة وبعض مواضيعها مع انها مهتمة بقضايا المراة لكن قضايا المراة الما بحبها الرجال ده ممكن يكون نواة لبوست يالسنجك لوجيتني الخميس الجاي اناقشه معاك وننزله يوم السبت سوري للتعريجه لكن انا جد كنت مدروش وعايز لي مساحه ابري فيها الناس ولك كل الحب والود
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Abdel Aati)
|
طبعا ياعادل انا صورتك دى ماقادرة تزح من رأسى كنت مندهشة بالولد الصغير الفصيح وذكى جدا ده
كان شكلك بيوحى بفرح جاى لبلد حاق بيها العطش ماتنزلها عليك الله، رجعنا الى ذاك الزمن
شكرا للكلمات الطيبة دى الحالة بعد مالغربة كشطت فرح كان بيزقزق فى عيونى مرة سألتنى صديقتى ام الحسن، والدة آمال جبرالله وعصام، طبعا هى صاحباتى اكثر منهم، سالتنى مرة بالتلفون وكانت مع آمال، { لسه عيونك بتضحك يا اشراقه} سؤالها ده ياعادل لخص ماسأة جيل بحاله
وبذكائها فهمت، ان ذاك الفرح الكانت حاسهو من دروب الانتفاضة اللى كنا بنتقابل فيها، فى المظاهرات
خلاص لحدى هنا لانو لو اتفتحت الطاقة دى بكون مضطره اهدر بالحنين وانا فترت منه
السنجك... لحدى ماتجىء بأخد راحتى فى هديل الذاكرة
وسلام
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
Quote: طبعا ياعادل انا صورتك دى ماقادرة تزح من رأسى كنت مندهشة بالولد الصغير الفصيح وذكى جدا ده
كان شكلك بيوحى بفرح جاى لبلد حاق بيها العطش ماتنزلها عليك الله، رجعنا الى ذاك الزمن |
والله ديك كانت ايام جميلة بالجد؛ اما الذكاء دا فمجاملة منك يا لطيفة؛ وساقوم بعمل اسكاننغ لبعض الصور القديمة وانزل منها.
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Abdel Aati)
|
يا عادل ويا اشراقة الصور بتاعتكم دي فرقت معاي كتير عادل صورتك الاولي كوز من الصف الجواني صورتك الثانية كوز من الصف البراني - يعني تستاهل تكون مدير مؤسسة قروشها كتيرة ويافطتها كبيرة وعندك سكرتيرة من عالم تاني صورتك الثالثة بتاعت واحد فرقت معاه وبيلعب في شطرنج وللا كوشتينة ومزنوق صورتك الرابعة ولوف ود وناس وقلبو ابيض وما بعرف المشاكل وكمان خدوم (وهذه توقعاتي لشخصيتك الحقيقية على الطبيعة (يعني من غير ايدولوجيا أو سياسة) اما الاستاذة اشراقة فهي بالنسبة لي زميلة في الجامعة - صحيح انها (سنير) علينا بي سنتين لكن من شهرتها وشقاوتها السياسية كانت معروفة للجميع وبالذات ناس الجماعة اياهم (كانت وجع ضرس بالنسبة لهم)- وقد لا تذكر صاحب هذا البوست - الا انها لن تنمحي من ذاكرة طلاب الآداب خاصة ناس صحافة واعلام - (كانت مبرزة بشكل لافت) وصورتها الحالية فيها تغيير واضح عن صورتها السابقة (كانت اقل وزناً) من جهة الحجم , واتوقع ان تكون محافظة على ذلك الشغب (اللذيذ) مثلما يظهر من بوستاتها. هذه مجرد تهويمات ..لكن يبقى الامل في الشوفة فهل تتحقق ..؟
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Abdel Aati)
|
الاخ عادل
صورتك الاخيرة تمام حافظ عليها وما تغيرها ابدا
ام بالنسبة لصورة اماليا ربنا يحفظها ليك بالجد يتخاف عليها من العين
بمناسبة انك كل ما تضع صورة قالو انك بتكاوي الناس دي
مره الساحر خت صورتو ونحن بناقش فى موضوع الهوية واحد قال يا جماعة الساحر دا جاب ليكم صورتو وجاكم الزول دا عربي الاصل خلو يلا نمشي من هنا
تعرف يا عادل مرات كتيرة جدا التوقيت بكون مهم فى وضع الصورة على المنبر، وخاصة لشخص فعال مثلك
تحياتي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: الساحر)
|
Quote: طبعا انا تفاجات بصورة الاخت الجندرية جد انا كنت متخيل صورة واحده شكالة كده وعنيفة لكن صورتها جد كلها رقة عكس تماما لاسلوبها في الكتابة وبعض مواضيعها مع انها مهتمة بقضايا المراة لكن قضايا المراة الما بحبها الرجال ده |
وتقول شنو لو عرفت انسانها دى امرأة تنتمى لشموس عميقة شموس بتدخل برد الروح وبتكسيهو امان
وكل سنه وانت طيب يالساحر ياربى صورتك { ساحرة} بياتو معنى
ولك احترامى
اشراقه
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: صباح حسين)
|
الاخ عادل عبد العاطي في صورك اعلاه من الاعلي الي الاسفل دعني اعلق
في الاوله والثانيه تبدوا لي كوزا وكوز كبير
في الصوره الث لثه تبود غير مبتسم وصارم جدا بطريقه ماء بديت لي كوز بتاع بيوت اشباح وسيخ
الصوره الرايعه
صوره جميله وهي عادل الذي اعرف ومن غير زعل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Muhib)
|
محب او مهيب كما يحب البعض ان يسموك ..
طبعا انت احدي تعليقاتك جعلتني اغير الصورة المتجهة - كوز وبيوت اشباح - لما كتبت بوستك عن الشمال ودخلت مساهما فيه فحكيت لي عن تخوفاتك..
الصديقة والاخت غالية جار النبي كانت دائما تقول لي والله يا عادل شكلك دا شكل كوز عديل؛ والاخ الصديق عبدالله القطي ايام شيوعيتي كان مسميني الشيوعي انصار السنة ..
اوكي اذن حنظل في الصورة الحالية ..
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Rawia)
|
Quote: بالنسبه للاناقه في امريكا انسي انا حسه بقى عندي بنطلونين واحد ابو عفريت والتاني ابو من غير عفريت |
راوية سلامات
تصدقى يادوب شفت مداخلتك دى، حاجة عجيبة ياربى يكون الكبر دخل، بيكون... عارفة يوم ميلادى الفات ده مشيت للدكتور بتاع العيون لانى بشكو دائما من صداع فظيع وقالوا لى احتمال يكون من العيون قام دكتور السرور قال لى لازمك نطارة واردف بقوله{ { اصول فى السن دى لازمك نطارة} شفتى هدية عيد الميلاد كانت كيف
فعلا بتزكر رجاء انيقة ورفيعة والاتنين ماشاء الله عليكن لك ولها محبتى بالمناسبة انا قايلة بنطلون ابوعفريت ده عندى براى، كويس لقيت لى رفيقة عارفة ايام عرسى { حلوة عرسى دى} عزمتنا اخت سودانية انا وايوب وكان المدعوات بتراهنن، اشراقه حاتجى بتوب وحاتك خزلتهم ليك وجيت ببنطلون ابيض وتشيرت قال عروس قال، رغم انى فى السودان بحب اكون زى وزى نساء السودان البيلبسن التياب وبتحنن، اها انا حسع ماشة السودان وجاك بلا ياحنة التيمان
ولك محبتى
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
Quote: وكذلك الأخت الزولة 123 أصبحت أرى كتاباتها بشكل أكثر وضوحا |
كنت مركبة مخفي ولا شنو؟
اعتقد ان صورة العضو تلعب دور كبير في فهمه والتعامل معه وانا شخصيا لمست تغير واضح في طريقة حديث كثير من الاعضاء معي بعد وضع صورتي يمكن المجاملات تكون كترت لاكن برضو ارتحت من هم ان الكثيرين كانوا يعتقدون انني في سن اكبر بكثير من سني الحقيقي واكيد كلامي كان بيوحي بده. بالرغم من اني متعودة على المشكلة دي طول عمري فحينما كنت في ال16 مثلا كان يخاطبوني في الاماكن العامة بالقاب احترام وكثير من الاحيان يا مدام. وكان هدا يثير فرحي كثيري ايامها, لاكن طبعا ما حسي ثانيا حالتك في الصورة كونك مبتسم او جاد تلعب دور ايضا في اول صورة اعتقد كنت ابدو جادة قليلا في حين انني اميل الى المزاح في الحقيقية. في الصورة التانية اعتبرها الكثيرون شاعرية وبعدها زادت رسائل الاعجاب في ايميلي حتى اضطررت الى مسحه من البروفيل. ولا اريد ان اعيد موضوع الانتقاد الدي واجته من فئة واسعة يعتبرون ان وضع صورتي امر غير جيد في مكان عام كالبورد . كل دالك دعا الكثيرين لاخد فكرة عني قد تكون مغايرة للواقع, جسدها تعليق احد البورداب مؤخرا انه كان فاكرني فقرية وجادة جدا ورسمية حتى في ردودي على الهاتف اما في الطبيعية فظريفة جدا.( حلى حد قوله) وبرضو ده تعليق اعتدت على سماعه كثيرا. باختصار الصورة عامل مساعد جدا في معرفة شخصية العضو وتكوين انطبع عنه , لاكنها قد تكون مضللة جدا في بعض الاحيان .
عادل صورك كلها شينة خت صورة اماليا عشان لمن تشاكل زول وتكتب ليه كم نبزة من بتوعونك ديل ويقرب يرمي الشاشة من الشباك يقوم يعاين في وش البت الحلوة البريئة واعصابه تهدا ويقعد يحاورك ملاحظة ما سبق هظار عشان ما تقوم تشاكلني
اشراقة دا انا غلبااااااااااان
صباح حسين انا لي الشرف يا عسل ولك من الود اتنين كيلو ونص
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: zola123)
|
Quote: عادل صورك كلها شينة خت صورة اماليا عشان لمن تشاكل زول وتكتب ليه كم نبزة من بتوعونك ديل ويقرب يرمي الشاشة من الشباك يقوم يعاين في وش البت الحلوة البريئة واعصابه تهدا ويقعد يحاورك ملاحظة ما سبق هظار عشان ما تقوم تشاكلني |
العزيزة دكتورة زولة
فعلا صورتك كانت شاعرية كتير؛ والصورة الحالية برضو ظريفة - انتي تومه؟- بيقولوا التيمان في الليل بينقلبوا كدايس؛
حافكر في وضع صورة اماليا اذا فكرت في الشكل؛ في الوقت الحخالي هدوء علي كل الجبهات - هل هو الذي يسبق العاصفة ؟-
تحياتي وانا بالمناسبة انسان وديع جدا في الواقع؛ بس احمق شويه زي ما قال الدكتور عبدالله بولا.
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Outcast)
|
Quote: Quote: حقو انزل صورة من الازمان الغابرة لمن كان وزني 50 كيلو وعمري 20 سنة ..
hmmmmmmmmm... |
اوتكاست طبعا مريت بمرحلة كان عمري فيها 20 سنة؛ وكمان كان عمري 10 سنة و10 شهور كمان؛تتخيلي ؟
الي منتصف التسعينات كنت نحيفا جدا وبعدها ربما بسبب العمر وطبيعة الحياة المعاشة بدات في السمنة تدريجيا؛ وانبرشت بعد الزوواج والان وزني 74 كيلو مع طول 174 سم
سابحث عن صورة قديمة وانزلها في هذا البوست اللطيف
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
Quote: Quote: وانبرشت بعد الزوواج |
ضحكتنى والله ياعادل |
اشراقة طبعا اُثبت علميا وبعد احصاءات طويلة انو الرجال المتزوجين يزداد وزنهم طردا مع درجة سعادتهم في العلاقة الزوجية؛ كما اٌثبت انو الرجال المتزوجين عموما يعيشوا 3الي 4 سنوات في المتوسط اكثر من الرجال غير المتزوجين؛ اما النساء المتزوجات فيعشن في المتوسط 3 الي 4 سنوات اقل من غير المتزوجات.
اها رايك شنو في نتيجة الاحصائيات دي - اتعلمتا في امريكا واوربا الغربية -
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: zola123)
|
الاخت العزيزة الزولة 123 سلام
تعرفي كنت دائما بقرا كتاباتك ومداخلاتك ودائما كنت بشعر
بأنو في شي ناقص انت الوحيدة من دون كل الاعضاء عندما اقرأ مواضيعك كان الاحساس دا ملازمني دائما
ولكن منذ فترة وتحديدا بعد انزالك لصورتك اختفى تماما هذا الاحساس شعرت ان الرؤية اكتملت بالنسبة لي حول شخصك وشكرتك كثيرا فى نفسي عند وضعك للصورة ودا كان واحد من الاسباب الدفعتني لعمل البوست دا لانو حقيقة وضعك للصورة فى كان شي Extraordinary بالفعل، وكأنما قراتي افكارنا كاعضاء احييك مرة تانيية واشكرك كتير جدا عن نفسي ونيابة عن كل اعضاء المنبر الحر يا زولة 123 على الهدية الغاية فى الروعة دي
خالص تحياتي واحتراماتي
الاخت صباح حسين
شكرا على المرور الجميل دا
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
السنجك أخوي .. إزيك أحياناً المشكلة بتكون في الإسم ذاتو؛ يعني أنا اسمي كان عامل لي مشاكل .. معظم الناس كان بتعتقد إني شرير .. إتعقدت .. وفكرت أغيرو .. لكن عاجبني .. بشورة من أحد الأصدقاء .. قال لي نزل صورتك (أنا ما كنت داير زول يشوفني) .. المهم إضطريت ونزلتها قبل 12 يوم تحديداً من الآن .. لاحظت في شوية تقدم ..
فعلاً .. صورة الكاتب .. تجعل كتاباتو مقبولة .. مثلاً إنت إنسان رقيق وشفاف (ودي حقيقة) من خلال كتاباتك .. لكن صورتك (الأساسين) .. بتخوف شوية .. خاصة حواء البورد
أما أستاذنا عادل عبد العاطي .. فصورتو الحالية بتديك إنطباع إنو زول (فكري) و (غياظ) .. رغم إنو إنسان عكس كدة في الطبيعة .. لا يمكنك أن تتخيله من خلال كتاباتو لأنو إنسان مشاكس ..
أختنا إشراقة .. صورتا بتديك إنطباع إنها إنسانة متسلطة ويعني .. عاملة فيها كدي .. رغم إنها شفيفة من خلال كتاباتا أخونا إيهاب الشاعر .. صورتو بتشعرك بإنو أليف .. وبتدعوك للدخول وقراءة بوستاته.
أختنا شيري .. بتحبها من الصورة والنضارات (الإنطباع الأولى).
في ناس بحبهم من خلال كتاباتهم .. وأتمنى ألا أرى صورهم .. عشان الخيال يكون في حالة أرق لذيذ. علماً بأن الشكل أو درجة الوسامة (للرجال) والجمال (للنساء) لا دخل له في الإنطباع الذي تتركه الصورة على المتلقي.
ورغم صورتك (الأساسين) .. أنا بحبك يا السنجك ..
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: aboalkonfod)
|
Quote: أختنا إشراقة .. صورتا بتديك إنطباع إنها إنسانة متسلطة ويعني .. عاملة فيها كدي .. رغم إنها شفيفة من خلال كتاباتا
|
عاد لكن يا ابوالقنفد مابالغت عديل كده، ضكتنى الله يديك العافية واتزكرت ايام كنت مناكفة فى السياسة يعنى فى تعليقات بتكرر بانو الناس بتخاف منى لانو شكلى جاد وكل حاجة فينى جادة، ودى فيها حاجة كبيره من الصحة، جادة جدا فى حياتى رغم انو صورى مرات بتدى عكس ذلك، يمكن فى علاقة بين الخوف والتسلط، لكن صدقنى التسلط ده مافينى
صورتك عامل فيها زول طيب جدا
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
Quote: يمكن فى علاقة بين الخوف والتسلط، لكن صدقنى التسلط ده مافينى |
الله يديك العافية أختي إشراقة .. الواحد محتاج لشهادات من نطاق الأسرة عشان نتأكد مافي تسلط .. وإن كان لا يرتقي لدى شك .. بأنه غير موجود.
Quote: صورتك عامل فيها زول طيب جدا |
وكذا.. أنا في الواقع .. حتى المدام موافقاني (السيدة حرمنا)
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: aboalkonfod)
|
العزيز ابو القنفد
Quote: أما أستاذنا عادل عبد العاطي .. فصورتو الحالية بتديك إنطباع إنو زول (فكري) و (غياظ) .. رغم إنو إنسان عكس كدة في الطبيعة .. لا يمكنك أن تتخيله من خلال كتاباتو لأنو إنسان مشاكس .. |
طبعا في ناس كتيرين قالوا لي يا عادل والله ما كنا قايلينك بتاع مشاكل زي دا؛ قلت ليهم والله انا ذاتني ما كنت قايل نفسي كده !!
الصورة الخالية والصورة "المدنقرة" بتاعة بيوت الاشباح وكده علي قول محب؛ عملتهم لنفسي براي؛ وكانت محاولات في التصوير لالتقاط انفعالات مختلفة؛ ويبدو انو الانسان يحمل الكثير من الصور المتعددة والمتناقضة فيه.
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: aboalkonfod)
|
Quote: ورغم صورتك (الأساسين) .. أنا بحبك يا السنجك .. |
الاخ ابو القنفد ازيك
قلت لي اساسين عديل كدا
اصلو الحب البكون فى ظل كل الظروف دا حب حقيقي وجميل ومتين تتعلم حواء ان تحب حب زي دا ؟؟؟؟
دقيقة ما حواء بس اسي ناس اشراقة وندى امين بدورو البوست خلاص حواء وادم
غايتو اشراقة تجي ترد عليك براها
لكن عادل عاطي ما بتفق معاك فيهو لانو بالجد صورتو دي عجبتني وبديت اقرا مواضيعو بشكل اخر ومختلف عشان كدا نحن بنطالبو بالمحافظة عليها
ام حديثك عن شيري بجرني لشمار كدا متعبني
الصورة الموجودة دي بتاعتها بالجد؟؟؟
الباقي بكملو بعدين
الله يخليك يا ابو القنفد اديت البوست طعم ولون بوجدك
احتراماتي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: ود الشيخ)
|
الاخ ود الشيخ
Quote: لا حوله ولا قوة الا بالله عادل في الرأس ده بتلبس العمة كم متر لكن صورة فرايحية شديد |
الصورة دي كنت عملتها للدبلوم؛ وطبعا كانت في فترة السمنة الزائدة (76) كيلوجرام .
العمة ما قاعد الفها وعندي مشكلة في لفها؛ ولبستها لفترة قصيرة في 1986 وخليتها ؛ وكان داك باسبابها ..
الكرافتة برضو كان عندي مشكلة معاها ولا يزال؛ وحتي الان متعب اصحابي والمدام بطلبات ربطها؛ والمشكلة ما في عندي زول بيربط العمة تمام؛ كنا اتعلمنا منو .
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الأخ الكريم السنجك
كل سنه إنت وأحبابك طيبين
كل الداير أقولو ممكن الصوره تغطى بلاوى ... وعندك العمه الفوق راسى دى .... وكتر خير زولا 123 فى حفلة بكرى بعد ما صورتنا بالديجتال قامت ودتا للهنود للسمكره وإظهارنا كبورداب نضاف ...
... وبلا شك للصوره أثر جزئى فى ذهن القارئ .. وبغض النظر عن ماهية ذلك الأثر , يثبت فى ذهنيه المتلقى أو ينتفى مباشره بعد الإنتهاء من قراءة ما جاء فى مساهمة صاحب الصوره خاصه إذا كان غير معروف له من قبل .... وهو ما يعرف بالإنطباع الأولى ... وهو غير ثابت .. يتغير ... صعودا وهبوطا .. سلبا وإيجابا ... ما تعدد التفاعل بين الطرفين .. وهكذا حتى تكون رأى للقارئ لمن يقرأ له و بغض النظر عن صحة ذلك الرأى المتكون تراكميا من عدمه ... وخير مثال على ذلك سعى خبراء التسويق الدؤوب على جعل إعلانات الترويج للبضائع والخدمات على أعلى مستوى من الجمال والإثاره إستهدافا لأحسن إنطباع لمنتجاتهم عند المتلقى ..
خلاصه .. نعم للصوره أثر إلا أنه غير دائم ...
لك أحلى المنى أبوحجل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Salah Abuhigill)
|
الاخ صلاح سلام
واشكرك على المرور
لكن بصراحة العمه روعة وما اظن الهنود عملو فيها شي
اتفق معك فى مسألة ان تأثير الصورة لا يكون دائما فى كثير من الاحيان واعتقد السبب فى المسألة هو تغير الكاتب للصورة اي استخدامه لمجموعة صور مختلفة عند الكتابة واكيد كل صورة بكون ليها انطباع مختلف عن الآخر
كل سنة انت والاسره الكريمة بالف خير
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الاخوة الاعزاء تحياتي انا انطباعي لدرجة كبيرة والله يا عادل عاطي صورتك القديمة ماكان عجباني نهائي وبقراء مداخلتك بدون ما اعين ليك ما عارف ليه لكن صورتك الجديدة رائعة وبتعكس تفأل وبتدي امل ما عارف السر شنو في تغير المود في صورك ووصولك للحته الجميلة شديد دي شنو ما تقولي ما في سبب في ووجيه كمان وقولوا هنا . الاخت اشراقة مافي شك في كلامك عن الاخت الجندرية وما بختلفوا في انسانيتها اتنين طبعا صورتي كانت هنا وزي ماقال السنجك التوقيت مهم انا كنت بناقش موضوع هوية وكثير من المتداخلين قالوا السودانين ما عرب نهائي المهم انا كنت عكس الراي ده ونزلت صورتي تاني يوم قالوا عايزين يورينا انو عربي مع انو انا بشبه الهنود انا غايتو بعتقد الصورة بتطلع حسب المود والحالة البتصور فيها الشخص يعني البت قبل الخطوبة صورة وبعدها صورة وقيس علي كده باقي الحالات
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: KOSTA)
|
كوستا
Quote: و اذا عدنا للموضوع الاساسى , ارى ان صورة الشخص " المتخيلة " اذا اختلفت بالسلب الكامل عن الصورة الواقعيةفربما يؤثر ذلك فى تقبل او تفهم دوافع كتابات ذلك الشخص , او لنقل انها تجعلنا نعيد التقييم لكتابات صاحب الصورة من جديد.هذا التقييم لعضو لم تلتقيه من قبل و لم تره ... و لكن اعتقد ان الامر سيكون اخف حدة لو انك كنت تعرف العضو من قبل و رأيته من سنين طالت و لكن عندما ينزل صورته الحديثة تكتشف ان عوامل التعرية بالاضافة لعامل الزمن قد تركا آثارهما فى غير ما مواربة على الوجه الذى اعتدت و لسنين ان تراه بمحيا معين |
كلامك جميل واتفق معك كون ان الصورة تأثر فى درجة تقيمنا للعضو اشكرك كتير على الاضافة الجميلة وياريت تواصل مداخلاتك واتمنى ان يسعفك الزمن لذلك
اتوقع منك الكثير والجميل
تحياتي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: KOSTA)
|
أخوي السنجك: السلام والتحايا لك ولضيوفك الكرام ،،، دون فرز وكامل قبيلة آدم وحواء بالبوست عبرك أرسل سلام حار للأخ المبدع كوستا، الذي طال غيابه وزاد شوقنا له بما كان يمتعنا به من كتابات نيرة لا تخلو من الإبداع والذوق الرفيع ،، لا أسكت الله لك حساً أخي كوستا.
.. أخي كوستا أثار محاور متعددة .. محتاجة إنو الواحد يتناولها بالتفصيل .. خاصة علاقة (الصورة الواقعية - الانسان) بالمكان .. علاقة (الرائحة) .. بالمكان .. علاقة (الصوت) بالشكل المتخيل .. وما يضفيه الوجدان من منكهات خاصة .. وعلاقة ذلك بالحالة المزاجية وتأثير البيئة المحيطة على ذلك.
أامل أن يتناول الإخوة المتداخلون ما - أمكنهم ذلك - بالتفصيل حتى نشعب موضوع الأخ/ السنجك - دون نسيان للمحور الأساس علاقة (الصورة) المتخيلة في ذهنية المتلقي (بالكتابة) ... أنا شخصياً سأعود الى ذلك متى ما وجدت سبيلا
Quote: اعترف ان صورة الاخ العزيز ابو القنفد قد اختلفت اختلافآبينآ عن ما وضعته له من تصور فى خيالى ... فقد خلته اسمرآ , طويلآ , رشيقآ |
أخي كوستا .. هذا يقودني مباشرة .. لعلاقة (الاسم - الكتابة) بالبيئة .. أحياناً أو دعنا نسميها أثر اللونية التي يتناولها الكاتب في رسم الصورة المتخيلة عنه لدى المتلقي .. يمكن من هذا الباب رسمت تلك الصورة عن (الكنفد) - وزعمك في موضعه فهو أحياناً يتكلم لهجة موغلة في المحلية - برفقة صديقه جاموس الخلا الحكار - أحياناً يمزج بين بيئة الغابة والصحراء - التي تستلزم قاطنوها - الطول الرشاقة - خفة الحركة السمرة (نتيجة الشمس الحارقة) .. وهكذا يمكن أن تقودنا الي كثير من التحليلات لنفس الصورة المنطبعة على الذهنية المتلقية.
Quote: .. و " سفة " لا تفارق شفتيه .. |
لا أريد أن أقول أنك قد أصبت كبد الحقيقة .. ولكن بتحليلات مغايرة قد يكون في المسألة وجهات نظر .. ربما نحنُ في انتظارها من المتداخلون.
حتى السفة غدت طابع ثقافي أكثر منه مزاجي .. وبرضو علاقة (السفة - المنبهات) بالكتابة - وتخيل المتلقي للكاتب بأنه بتاع مزاج .. وبكتب بي مزاج .. أيضاً يمكن استخلاص ذلك - برضو في إنتظار تحليلات المتداخلون.
لكم الشكر جميعاً ،،، وشكراً أخي السنجك لهذا البوست المبدع في إنتظاركم .. حتماً سنعود بي مزااااج
شوية تخريمات داخل الموضوع: الأخت إشراقة .. الآن صورتك بدأت تقترب كثيراً من كتاباتك لأحظي - تأثير المنصة - المايك - الوقفة - التحدث للجمور المتلقي - العقلانية في الطرح - حلالة مشاكل - تأخذ الأمور بروية .. وهكذا يمكن الصورة دي تنسجم بوئام مع ما تطرحين .. الله يديك العافية.
أستاذنا الغالي عادل .. لا زلت أعتقد أو أزعم بأن صورتك بالبورد (أسفل اسمك) .. فيها الكثير من الإيحاءات .. والإيماءات .. أحياناً كثيرة تنسجم مع نوعية كتاباتك .. خاصة أوان الغضب (بالذات عندما تنوي حرق أحدهم) .. أقرأ فيها (في الصورة) التحدي .. السطوة .. الثقة - عدم الإكتراث بالمنتقدين - أحيانا ومضات ذكاء خفي (لا تريد لأحد أن يطلع عليه) - وهكذا .. هذه الصورة قد تكون منطبقة مع نوعية الكتابات التي تتناولها (سياسية - اجتماعية جادة) .. وقد تشي ببعض أو جزء من الحياة الطبيعية .. وقد تكون مغايرة تماماً لعادل في الواقع الحي ... الله يديك العافية أخي عادل (أوعك تقوم تزعل مني وتحرقني).
يا أخوي السنجك .. سامع تحت تحت إنو الصورة أم نضارات بتاعت أختنا شيري حقاً وحقيقة .. والعهدة على المُشَمِر (صاحب الشمار).
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: aboalkonfod)
|
العزيز ابو القنفد:
Quote: لا زلت أعتقد أو أزعم بأن صورتك بالبورد (أسفل اسمك) .. فيها الكثير من الإيحاءات .. والإيماءات .. أحياناً كثيرة تنسجم مع نوعية كتاباتك .. خاصة أوان الغضب (بالذات عندما تنوي حرق أحدهم) .. أقرأ فيها (في الصورة) التحدي .. السطوة .. الثقة - عدم الإكتراث بالمنتقدين - أحيانا ومضات ذكاء خفي (لا تريد لأحد أن يطلع عليه) - وهكذا .. هذه الصورة قد تكون منطبقة مع نوعية الكتابات التي تتناولها (سياسية - اجتماعية جادة) .. وقد تشي ببعض أو جزء من الحياة الطبيعية .. وقد تكون مغايرة تماماً لعادل في الواقع الحي ... الله يديك العافية أخي عادل (أوعك تقوم تزعل مني وتحرقني). |
طبعا بعد ما جبت الصورة الوجيهة دي ليك؛والله ما في واحد يقدر يحرقك ولو لمحطب الدنيا دي كلهو؛ بعدين في زول يقدر علي ابو القنفد؟
الصورة اعتقد تعبر عن لحظتها اكثر مما تعبر عن حالة عامة للانسان؛ وممكن نفس الانسان تلقا ليهو صور متعددة وما متشابهة اطلاقا؛ كانو ما نفس الزول.
اعتقد اني مرتاح للصورة الاخيرة؛ ودا ما عشان الحاجات القلتها انت - وخصوصا الذكاء الخفي (يعني شنو البياخة عملتوا خفي وضيعت المجاملة ) ؛ لكن بعتقد بتعبر عني كتير؛ وخصوصا في المرحلة دي؛وبعدين لا تخلو من وسامة غير متوفرة في الاصل .
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: الساحر)
|
الاخ الساحر:
Quote: والله يا عادل عاطي صورتك القديمة ماكان عجباني نهائي وبقراء مداخلتك بدون ما اعين ليك ما عارف ليه لكن صورتك الجديدة رائعة وبتعكس تفأل وبتدي امل ما عارف السر شنو في تغير المود في صورك ووصولك للحته الجميلة شديد دي شنو ما تقولي ما في سبب في ووجيه كمان وقولوا هنا . |
ايوه سمعت راي زي ده كتير؛ وفي ناس تخيل كانوا معجبين بيها؛ وعلي كل حال اعتقد صورتي البنضارة الوديعة ديك - مع انها من النصف التاني من التسعينات - هي الاقرب الي شخصيتي .
الصورة دي عملتها قبل حوالي سنتين وهي اكتر صورة معاصرة من بين الصور ؛ وبيني بينك فيها الابتسامة قلنا نكسر بيها حدة الانطباع البعتقد انو مغلوط في اني انسان جاد اكتر من اللازم او شكال؛ وعلي كل حال غير دكتورة زولة ما في اعتراضات شديدة عليها؛ وصورة اماليا نختها لليوم الاسود.
للاسف ما شفت صورتك وقتها؛ ممكن تنزلها يوم ويومين وترفعا تاني عشان نشوفك "هندي" لياتو درجة ؟
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
العزيز السنجك
أتمنى لك عام سعيد و عمر مديد
Quote: الاخت ندى امين أرى أن صورتها تركت في نفسي وقع جميل وحسن ساعدني في إدراك معظم كتابتها |
سعيدة بقراءة كلماتك هذه لأن ما كتبته أنت أعلاه كان أحد الأسباب الرئيسية التي دعتني لوضع صورتي فهذا يرتبط عندي بأشياء أؤمن بها أولها أن من "حق أمانة الكلمة علينا" أن نوضح هويتنا للأخرين/ات كواحدة من أبجديات التواصل.
أيضا يرتبط ذلك عندي بضرورة "ازالة الأقنعة" فلسنا في حفل تنكري و لكن في منبر ثقافي عام و اذا ارتضينا لأنفسنا أن نكتب و ننشر على الملأ ما نؤمن به من قناعات فمن باب أولى أن ندعم مسألة ايمانا بقناعاتنا و أفكارنا هذه "بكشف هويتنا" للجميع كجزء أساسي من "مسؤوليتنا" عن ما نكتب.
و بعدين نرجع لموضوع الجندر تاااااني، إذ أنه من أهم الأسباب التي جعلتني أضع صورتي و رميت من خلالها الى تحريض بنات جنسي على وضع صورهن بكل شجاعة و مسؤولية و إذا لاحظت طبعاً أن عدد الأعضاء الرجال الذين يضعون صورهم هو أكثر بكثير من عدد العضوات النساء.
عمر الفاروق
Quote: اثني علي الشخصيات التي ضربت لنا بها مثالا فهي شخصيات رائعة جدا جدا جدا وتركت فينا انطباعا جميلا قبل ان نراهم ودمغت اكثر عندما رايناهم . |
أتمنى لك عاماً سعيداً و جميلاً. و شكرا جزيلاً على كلماتك الجميلة.
Quote: غايتو نحن شينييييييييييييييييين وخايفين نخت صورنا ياخدو عننا الانطباع الشيييييييييييين عشان كده تلقوها عند الغافل |
كدي بس إنت خت صورتك الأول و خلينا إحنا النحكم. صدقني لا أرى أي شخص رجلاً كان أم إمرأة جميلاً أم قبيحاً إلا بعد ما أقرأ أفكاره أو أسمعه يتكلم.
العزيزة إشراقة
Quote: ندى امين صورتها تتطابق مع مفاهيمها الى حد كبير.... جدية الطرح تتماشى مع جدية صورتها رغم الرقة الواضحة فيها |
بالله أنا جادة يا إشراقة؟ ما كلموني أنا جادة أوقات الجدية و ما أكثرها و بموت في الونسة و الضحك و إنتي ست العارفين
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Nada Amin)
|
Quote: سعيدة بقراءة كلماتك هذه لأن ما كتبته أنت أعلاه كان أحد الأسباب الرئيسية التي دعتني لوضع صورتي فهذا يرتبط عندي بأشياء أؤمن بها أولها أن من "حق أمانة الكلمة علينا" أن نوضح هويتنا للأخرين/ات كواحدة من أبجديات التواصل.
أيضا يرتبط ذلك عندي بضرورة "ازالة الأقنعة" فلسنا في حفل تنكري و لكن في منبر ثقافي عام و اذا ارتضينا لأنفسنا أن نكتب و ننشر على الملأ ما نؤمن به من قناعات فمن باب أولى أن ندعم مسألة ايمانا بقناعاتنا و أفكارنا هذه "بكشف هويتنا" للجميع كجزء أساسي من "مسؤوليتنا" عن ما نكتب.
و بعدين نرجع لموضوع الجندر تاااااني، إذ أنه من أهم الأسباب التي جعلتني أضع صورتي و رميت من خلالها الى تحريض بنات جنسي على وضع صورهن بكل شجاعة و مسؤولية و إذا لاحظت طبعاً أن عدد الأعضاء الرجال الذين يضعون صورهم هو أكثر بكثير من عدد العضوات النساء. |
من اجمل ما قيل في الموضوع
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
فشلت يا سنجك تمام في رفع صورتي بختكم طلعتوا منها المرة دي بي مناسبة موضوع الصور وتأثيراتها .. لسة عالقة في ذهني صورة بت دكين .. يمكن كتيرين منكم متذكرنها .. صورة باهتة شديد لي بت لي ولد لي حاجة ما معروفة .. صورة ضاحكة ودكين مصر انو دي صورة سين حلم المستقبل .. وانها جميلة محلها الطبيعي بدل القمرة بس المشكلة في سيرفر بكري الخلا لون الجريدة احمر طوبي ساقياهو موية مطرة .. كتابات دكين وردودو ارتبطت في ذهني بي صورة البت دي وبالصدفة لقيت صورتو مرة وكانت مختلفة اختلاف تام عن الصورة ال في ذهني .. وكمان دافي بي صورة ابونا الشيخ البرعي .. صورة عمك تنقو المفاجأة ,, قلت ليهو دي صورتك يا تنقو ولا فن خدع سينمائية .. جد كانت مفاجأة .. زولة123 طلعت احلى ممن اتخيلتها .. وصور عادل كانت عاجباني صورتو المدنقر فيها وبفكر وبفتش لي كلام .. اثبات انو الزول ده وقتو كلو مدنقر وبكتب كتاباتو الكتيرة وطويلة وحلوة , خت صورة طريق التحدي دي ودور عكاكيز .. يا سلام علي صورة خالد عويس زمن .. بتمنى اشوف صورة رودة .. يا زول وريني سيرفر بكري ده ما قادر يبلع ويهضم صورتي دي ولا الحاصل شنو ؟ ياخ ما سيرفر بكري براهو حتى ناس العرب سفن ما دايرين يختوها .. البت دي كلاما صاح وانا قبيح لي الدرجة دي ؟
ابنوسي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: samwal ebrahiem)
|
السمؤل سلامات:
Quote: عادل عبدالعاطي : صورتك بالنسبة لي انسان مستهتر لدرجة قف تأمل بالرغم من انو كتاباتك جاده للغايه |
لا والله دي بالغت فيها؛ يمكن دا من الابتسامة الكبيرة والفلجة الظاهرة ويمكن حاجة في العيون كانت صديقة عزيزة بتقول لي عندك نظرات جانبية غايتو ما عارف اقول ليك شنو؛ الله يحمينا من الاستهتار ..
بالنسبة للحزن ما شايفو في صورتك وانما شايف انسان محب للحياة ومرتاح فيها؛ واتمني ان يكون الامر كذلك.
عادل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Abdel Aati)
|
العزيز عادل عبدالعاطي
Quote: بالنسبة للحزن ما شايفو في صورتك وانما شايف انسان محب للحياة ومرتاح فيها؛ واتمني ان يكون الامر كذلك.
|
والله يا عادل كترالخيرك انو نفيت صفة الحزن مني طبعا الموضوع دي كان عاملي كابوس ، قلت لى انسان محب للحياة ومرتاح فيها شوف يا عادل محب للحياة ممكن لاكن مرتاح فيها دي ما اظن انشاءالله ربنا يورينا الراحه قبل الممات السمؤل
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: tabaldy)
|
ابنوسي سلام
Quote: فشلت يا سنجك تمام في رفع صورتي |
رسل لي الصورة وانا برفعها ليك ..
Quote: وصور عادل كانت عاجباني صورتو المدنقر فيها وبفكر وبفتش لي كلام .. اثبات انو الزول ده وقتو كلو مدنقر وبكتب كتاباتو الكتيرة وطويلة وحلوة , خت صورة طريق التحدي دي ودور عكاكيز .. |
اها حب الناس مذاهب؛ واهو ما في احلي منه انك تشاكل وانت مبتسم؛ وعموما فلنا ليك الشكل خلينا ما لك عايز تطلع الذئب من الغابة
الطف صورة عجبتني كانت لاسامةالخاتم وهو صغير؛ صورة جميلة ومعبرةوتشبهو تمام ؛ ومن الصور الجميلة صور حسين ملاسي المتعددة؛ وصور الاطفال عموما ومن بينها فاطمة بت عالية؛وطبعا عني واحد صاحبي قال ما بخش سودانيز اونلاين الا عشان صورة اماني الجندرية.
اما صورة ود قاسم الشاب فكانت عز الوجاهة؛وكذلك صور يا زول يا زول لطيفة جدا؛ والكثير من الصورايضا لطيفة ومعبرة ..
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
Quote: لا شك ان الصورة تعطي انطباع عن الشخصية ولكن ليس ف كل الاحيان فبعض الناس يضع صورا تكون مرتبطة له هو شخصيا بلحظات معينة ولكنها لا تعكس شخصيته (قد تكون في رحلة او في الشتاء او داخل استديو)كما ان بعض الناس يضع صورا تكون في ريعان الشباب وبالتالي قد تختلف الملامح بعد فترة وبالتالي من المفترض ان يختلف الانطباع .. |
الاخ السنجك .. لك الود والتحية .. كل سنة وانت بخير الموضوع جميل وشيق ولذيذ وجدير بالنقاش يا عزيزي ..
ولكنني لا اريد انا ازيد على ما ذكر اعلاه.. عن تجربة حقيقية لصوري في مراحلي الحياتية المتعددة الطفولة، المراحل المدرسية المتعددة، الجامعة وحالياً تختلف تماماً.. ولا تزال الشخصية هي ذاتها نفس الشخصية الأولي في مراحلها المتعددة لا تغيير ...
ولي عودة باذن الله ...
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
يا سمؤل يا اخوي والله بالغت عديييييييل كده ياخ 5 دقايق دي الكورة بتكون لسة عند الخصم والحكم زاتو بيكون لسة ما جا من بيتم غايتو الا الفريق الخصم كان دافع ليك حاجة .. وبالنسبة لي شكلي والله انا زاااااااااااااتي ما عارف انا عامل كيف لانو عامل الاغتراب ادي غرضو لانو اللون في السودان اظنو كان (عجوري ) علي قول الجكس لكن مع مكيفات السعودية دي شوووووية فتتتح وبقا (قمبجي)... متسوط الطول عيونو عسلية يرتدي سفنجة وقميص مسطر المرجو من يتعرف عليه الاتصال بالعنوان التالي ..والله بس زكرتني جريدة المساء زمان ... بي النسبة (للزرافة) او الظرافة والله مااااااااا اظن لانو زمان في الجامعة لمن اجي اقعد مع الشباب الجكس كلللو بيقول ( بس) اها جانا طالما انت في الرياض انشاء الله ربنا بيجمعنا ده اذا ما كنت قابلتك في البطحا ولا الهرم ولا في فول النخيل ولا محل البوش في غبيرا ..
وارجع للموضوع واقول : صورتك الخايف عليها نحن ما خايف علينا.. وفيها ايه انسان بعزك لما يحفظ ليك صورة ..
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: samwal ebrahiem)
|
سمؤل باشا : والله ظااااهر عليك قلبك حار خصوصا في الكورة وتلقاك النوع الكان جننو ينهر لعيبتو فلان غطي هنا وياحيوان انت اقفل ده ويا مرض ليي خليت الكورة خشت قوون !!! الغريبة صورتك ادتني احساس الحزن الممتع (دي ناجرا انا من راسي) يعني انت حزين حزن جميل ..بي صراحة كده جايني احساس انو حزنك سببو محبتك لي زول شديييييييييييييد وهو كمان بيعزك كتييييييييييييييير بس ما ادت حريف (يعني بي الدارجي كده شاكوش بس انتو ما سبب فيهو )..معليش ده تنظير مني ساي والله لكن هو احساس .. اهديك ولا شي .. واقطع بحور السهو مشي.. اهديك (حزنك)... ستات الفول عند الخمشة بعد إذنك ..
كان انت بي شكلك ده الناس شايفاك حزين ياخوي احزن سااااااااااااااااااااي الحببببببة ما بتجيك ..
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: WadAker)
|
سلام مربع للجميع و كل عام و انتم بالف خير بصراحة انا في كافي و عادة لا ادخل البورد منها خوفا السرحان و قد الجيب المفدود طبيعي في سودان العولمة و العزة ...اصلا كنت مشتاقة الي الندية ندوية و قمت لقيت اشراقة و كمان كوستا غلبني طبعا و توش بس مافيش قروش سلام و باي و كل سنة و انتم طيبين وووالله مشتاقين.....
هيي نسيت اقول طبعا الشهرة و الشناة من اسباب عدم و ضع الصور الحقيقية ....لوووول انا طبعا دي ما صورتي بس قالو نو سقنفاكانت ديفرنس بتوين اس لووووول مربع .............
فرانكلي سلام مشاهدة ...للبوست النجاح ...
| |
|
|
|
|
|
|
Re: كلهم ابنائي (Re: Rawia)
|
راوية ما شاء الله الصور كلها وجيهة وكل واحدة اجمل من التانية؛ وحتي بالحجاب والنضارة الصورة جميلة .. ما عارف اكتر صورة بتعبر عن شخصيتك ياتا؛لكين عاجباني الصورة الاخيرة؛وما عارف شلتيها ليه من البروفايل .
بعدين الطول عندك ولا بلاش؛ عقدتينا عديل ..
عادل
| |
|
|
|
|
|
|
Re: كلهم ابنائي (Re: Abdel Aati)
|
عادل مساء الخير
حكايه الصوره الاولى واضح انها كانت لاستخراج جواز سودانى اتصورت صوره عاديه مانفع الطرحه دى بالمناسبه شحدتها من صديقتى لبستها فى الاول عادى زى التوب وبرضو ناس الجوازات قالوا مابتنفع الا حجاب قمت اتحجبت بالشكل دا للصوره ,والنضاره بالمناسبه مالبستها فتره طويله لانى عملت implant
الصوره التانيه اتصورتها للكارنيه بتاع عضويه المنظمه السودانيه لحقوق الانسان بلندن ودى بعد التخرج والشغل ووزنى كان فيها زايد زياده كبييره لكن العاجبنى فيها انى بشبه امى
الصوره التالته كانت لكارني مؤتمر السكان بالقاهره وصراحه ماعاجبانى وشاكلت المصوراتى فيها لانه عمل لى رتوش وحركات مصريين الصورتين التاليات ديل ايام الكليه وكارني الكليه واحده فى سنه اولى والتانيه فى سنه رابعه وبيذكرونى ايام جميله جدا وانفتاح على الحياه وتوثب وترقب وامل فى المستقبل وطموح اكبر من الدنيا دى كلها والاتنين كانوا فى استديو العريس بميدان التحرير القاهره وبالمناسبه هو تخصص سودانيين الاولى كانت سريعه. اما الصوره الاخيره بالرغم من الشكل المتعب فيها والارهاق البادى بفتكر انها بتعبر عنى تمامامع ملاحظه انها بعد يوم عمل شاق ومن غير مكياج وحتى ماغسلت وجهى وعموما بحب اى صوره تبينى بشبه امى (انا الوحيده البشبه امى) اما لى شلتها لانى زى السنجك والساحر نازله السنه الجديده النيو لوك بتاعى بـlow profile
عندى تعليق على كلام الغاليه ندى طبعا ياندى امين انا السبب النزلت بييهو صورتى فى البورد هو الزكرتيهو دا بالظبط لكن بعد سنه واربعه شهور فى البورد بقول ببساطه انى كنت غلطانه وكان ممكن اتجنب مشاكل كتيره جدا جدا لو كنت مانزلت صورتى
بالنسبه للطول ياعادل شقيقتى183 اما الاولاد 192و191 القصيره الوحيده فى البيت زميله المنبر السابقه
| |
|
|
|
|
|
|
Re: كلهم ابنائي (Re: Rawia)
|
راوية ازيك
نورتي البوست طبعا
بالمناسبة فيك طيبة و براءة كدا ما عادية ودي عرفتها من خلال كتاباتك وبعد فترة طويلة جدا
لكن بصراحة فتشت عنها في صورك ما قدرت أشوفها أسي لقيتك منزله الكلكشن الجميل دا فانتهزت هذه الفرصة وبحثت عنهاكالملهوف،واخير رأيتها وعرفت ايه السبب الكان مانع رؤيتها من خلال الصور اكتشاف خطير صح
تعرفي لقيتها في أي صورة من الصور دي ؟؟؟
قبل ما اوريك ح انتظرك انت تحاولي تعرفيها أو عادل عاطي النشوف بعرف بقرأ الصور زي ما بقرأ المقالات
سلام كتير تخريمه على قول العزيزة رجاء وين البنت دي يا راوية قول ليها السنجك قال ليك اطلعي لبره وبطلي دلع
تحياتي
__________________________________ How can I just let you walk away Just let you leave without a trace When I stand here taking
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: الساحر)
|
كيف حالك يا أبا السناجك؟.
بعض الصور كان ليها تأثير سلبي على وقع الكتابة .. وبعضها كان تأثيره إيجابي.
يا أخي انت صورتك دي تجيب الجلا. حاول غيّرها. أنا ما عارف العاجبك في البعاتي ده شنو.
خليك زي صاحبك الساحر ده ونزّل الصورة الحقيقية.
بالمناسبة انت كنت وين؟.
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Shinteer)
|
السنجك موضوع جميل لكن لينا طلب ودا مهم ورسمي انت شايف التفجيرات بدات بالوزارات وخايفين يوم نلقاك طاير في الهواء او اقلاها شوية خربشات زجاج وعشان نقدر نقوم باللازم ونقول حلاتوا كان قبل التفجير( نمزح يا فردة)
انا راي مختلف شوية في ناس كان كتاباتها مثلا( منعمة ذات دلال ودلع وسحسحة)ولما شفنا الصورة ربك يعين وفي ناس كان نقاشهم جاد وخشن ..لكن وجدناهم اجمل بكثير من نقاشهم وفي ناس في المنبر مولعين نار ولما شفناهم في الحقيقة وجدناهم احلي ناس
وفي ناس اتمني التقي بيهم مش اشوفهم بس-- ودا لاسباب فكرية واعمال من اجل السودان ونقاش لن يتم الا من خلال تلاقي
منهم عادل عبدالعاطي انسان يمكن ان تستفيد منه لابعد الحدود. - محمد حلا اختلفت معه كثيرا ولم نقاشنا في المنبر ..لذلك كنت اتمني الجلوس معه ونقاشه حتي الصباح - كوستا اخ ودود كريم وموسوعة
والجماعة التانيين سودانية 2000 - بنت الاحفاد ديل احببتهم في الله
الاستاذة الجندرية- هي بنت منطقتنا وصديقة لابنة خالتي وهي جديرة بالزيارة وهي محبة للحبيب المصطفي.ايضا احببتها في الله . بت قضيم مثال المراة الصريحة المتعلمة الجادة وايضا اناسنة مرحة جدا
وفي ناس اتمني اجلس معاهم ولا املهم ابدا الاستاذ عبدالقادر الكتيابي- الاستاذ الموصلي- الاستاذ الشاعر محمد مدني- طيفور- الشاعر المرهف الطيب البرير الحبيب قرجة وقرشو
لو جرب بعض البورداب الجلوس الي بعضهم تتغير اشياء كثيرة ودا وضح من تعامل بعض الاشخاص وبالذات ناس السياسة .زمان كان بختلفوا وبزعلوا من بعض ، لكن بعد جلوسهم مع بعض بقت في الفة جميلة.ودا بذكرني بمبارك زروق والمحجوب
السنجك ياها تو بهوت خبسورت ديكا لكن بادمي دوسرا جهرا مليقا ايسا بيار مت كروا
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: مهاجر)
|
الاخ مهاجر :
Quote: وفي ناس اتمني التقي بيهم مش اشوفهم بس-- ودا لاسباب فكرية واعمال من اجل السودان ونقاش لن يتم الا من خلال تلاقي منهم عادل عبدالعاطي |
والله نفس الشعور؛ واتمني انو الدنيا تلمنا في ساعة حير؛ وفي السودان ان شاء الله وخلال هذا العام اتمني؛ وتكون قعدة طويلة بي شاهيها والزلابية او جبنتها والذي منه.
مغ الود
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: Shinteer)
|
العزيز شنتير افهم زول فى المنبر
كيفك والله مشتاقين انا الوين ولا انت الوين؟؟
من ما عملتها ولقيت الصورة بتاعتك تاني ما شفنااااك لكن عندك حق
بالنسبة لصورتي والله ما عارف انا ذاتي اتخلص منها؟؟؟
المهم اظهر وخلينا نشوفك
وياريت لو ترسل رقم تلفونك على الايميل عشان اتصل عليك
تحياتي
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: الساحر)
|
لا والله الصور وجيهة جدا يا الساحر؛ ما يقوموا يسحروك طبعا لا بتشبه العرب ولا الهنود زي ما قالوا؛ تشبه لي كتير من الشباب السودانيين الوجيهين البعرفهم؛ وشايف ممكن تخت واحدة من الصورتين ديل في البروفايل؛ وخصوصا الصورة التانية لطيفة جدا؛يا ريت السنجك كمان يخلي الدلع وينزل صورتو؛ ان شاء الله لمدة يوم واحد
| |
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الاخت راوية : والله لكن ماشاء الله استديو عديييل كده : غايتو اذا سمحتي لي اعلق علي الصور حا اعلق وكان ما سمحتي لي برررررررضو بعلق : الصورة الاولي: اديتني احساس انك مزيعة في تلفزيون السودان وبتقدمي برنامج مشوار المساء.. الصورة التانية : اديتني احساس انك مرا كبيييييرة عندها سبعة اولاد والفي النص قليل ادب ومدلللع وانتي بتحبيهو ومعجناهو وكمان زي الكنتي بتغني مع البلابل .. الصورة التالتة : ادتني احساس انها صورة مرسلنها لي مغترب في السعودية (عليك الله يا هناي شوف بت جيرانا دي سمحة كيف) الصورة الرابعة : اجمل صورة بي صراحة وبتديني احساس الزمن الجميل في بنات السودان زماااااان ناس فستان ماكس والافرو والحلق القدر الطشت داك وما بعيد تكوني لابسة خاتم الدولار داك .. الصورة الخامسة : شكلك حنكووووشة وساكنة في قاردن سيتي في الحفلات تجي متاخرة وتوقفي الحفلة علي كراع واحدة لكن بتقطعيهو ناشف مع اي زول بيجي يقول ليك لو سمحتي رقصة الصورة الاخيرة : تم الريد الفرهيد النديانة ..ناس البادية الحنااااان .. بي النسبة للوزن ده والله يا راوية شي صعب خلاص والخوف يبقا لينا زي زلزال اندونسيا ده ويقرا اخر رقم في ريختر (9) ويقوووم كده ميزان الوزن يقرا اخر رقم ولا الخوف يطلع رسالة ويقول يا جماعة اطلعو واحد واحد :d لك الود وعاطر التحايا وكل سنة وانت طيبة
| |
|
|
|
|
|
|
|