|
|
|
 Re: بعد إختفائه المريب منذ أمس ، القبض على زميل المنبر (الزّول ذاتو) متلبّساً .. (صُوَر من المص (Re: لؤى)
|
وبدأت منذ الأمس أفكّر في المرور على بيته
والإطمئنان عليه
لكنّي تصبّرت حتّى صباح اليوم
لتستمر حالة القلق عليه بعد فشلي في الوصول إليه
وقرّرت على الأقل المرور على شارع بيته
لرؤية إن كانت سيّارته تقف أمام المنزل
وبالفعل ذهبت إلى هناك
ولم أجد أيّ أثر للسّيّارة
وعبرت من هناك إلى كورنيش مدينة الدّمام
لألاحظ جمهرة قريباً من البحر
فأثارني الفضول
وقرّرت إيقاف سيّارتي
والنّزول للتحقّق من الأمر
مع حالة القلق التي كانت تعتريني
وهناك
كانت المفاجأة
| |
 
|
|
|
|
|
|
|
 Re: بعد إختفائه المريب منذ أمس القبض على زميل المنبر (الزّول ذاتو) متلبّساً . (صُوَر من المصدر) (Re: ALZOLZATOO)
|
والله يا لؤوى لو مانزلت الصورة كنت عاوز أقول ليك بأننى قبضت على هذا الرجل ليلتين متتاليتين فى مطعم المنتجع وهو يأمر بالأفوال والشيات والذى منه ،، فحقيقة كان بادياَ عليه الهلع الفُراقى للبعلولات ،، وهو لا يعلم بأننا نمارس الخلع الإختيارى هذا منذ زمن طويل ،، بس المشكلة أنهم شباب فى شباب ،، لا يستطيعون تحمل الفُراق حتى ولو كان لسويعات ،،
إلا إننا أصبحنا خبراء فى ذلك ،، فعلى من يريد دروسا فى ذلك عليه الوصول إلينا
بأية طريقة كانت ،، فتأكدوا بأنكم ستجدون الحلول الناجعة ،،
تحية للؤى وعبره لزاتووووووووووووو ،،
ماهر
| |
|
|
|
|
|
|
|
|
|
Re: بعد إختفائه المريب منذ أمس القبض على زميل المنبر (الزّول ذاتو) متلبّساً . (صُوَر من المصدر) (Re: BitAlhana)
|
Quote: لؤي العريس
تحياتي ليك و لي اسرتك
الزول زاتو معقول بعد العمر ده كله نشوفك شوف العين؟ الله يخلي السمك
وشيل شيلتك من بكره الماسنجر تاني ح يرجع سوق عجور؟؟؟؟؟؟؟
ملاسي ده مالو معانا؟
هو بيبقى لينا؟ |
ست البنات بت الهناء
تشوفي النبي ان شاء الله معقولة بس طيب ماكلمتينا لي شنو كنا اوعدناك ومااخلفنا بالصورة
ياحليل سوق العجور الماسنجر بعد الزواج اطال الله عمرك كلو بقى عزابه ياكافي البلاء ماعارف الحصل شنو قلت ياربي هن مفتكرات ح اعرسهم كلهم ولا شنو لوووووووووولز ابعد من الماسنجر وغني له
مشتاقين
زاتوووو
| |
|
|
|
|
|
|
|
|
|
Re: بعد إختفائه المريب منذ أمس القبض على زميل المنبر (الزّول ذاتو) متلبّساً . (صُوَر من المصدر) (Re: طارق ميرغني)
|
Quote: يا لؤي
طيب في الصوره الاولي يوجد زاتو وفي الصورة الثانيه توجد السناره
يعني كل واحد بيصطاد براهو
ولا نبقي مخرجين ونجمع |
حبيبنا طارق ميرغني اطال الله عمرك
انا مشرك للناس البره البحر اي حاجة تجي لافية بشيلها وبرميها في البحر وبطلعها من البحر حلالا بلالا مش صيد البحر كلو حلال ولا ماكده لووووووولز
ياخي دعوة سيدنا ابراهيم دي حتى السمك براهو بيمسك في السنارة ويقول ليك تفضل يازاتو بعدين هنا الاحجام كبيرة جدا من خمسة كيلو ا نت طالع يعني عايز ليك على الاقل ربع ساعة عشان تقدر تطلعها من الموية
تحياتي وشاكر لي مرورك وصورتك البهية ممكن تدينا ليها شدة نرضي بيها ملاسي
زاتوووو
| |
|
|
|
|
|
|
|
|
|
Re: بعد إختفائه المريب منذ أمس القبض على زميل المنبر (الزّول ذاتو) متلبّساً . (صُوَر من المصدر) (Re: لؤى)
|
ياحسن مكاوي
كل شئ موجود بس وريناك الضلعة عشان النحل وكده لو ختينا ليك سبيطي بكره ما ح نلاقي مكان نقيف فيهو
ربنا ينصر راجلكم ان شاء الله لو عايز اي دعم لوجستي اخوك عندو خبرة في المجال ده
بعدين مشيتك لي بتاع المطعم براك ان شاء الله يكون بسطك بس قالوا علمناهو الشحدة سبقونا على الابواب
بالنسبة للسؤال طالما الشغلة خبث وليس خباثة ممكن نجاوبك السمكة يا اخوي كانت during الجية بتاعة الاولاد 
نسالك كمان سؤال اتخلصت من الدفاتر القديمة ولا لسه بتنضف لووووووووووووولز
زاتوووو
| |
|
|
|
|
|
|
|
|
|
Re: بعد إختفائه المريب منذ أمس القبض على زميل المنبر (الزّول ذاتو) متلبّساً . (صُوَر من المصدر) (Re: لؤى)
|
يالؤي
الجيتار المتصور معاهو شدة ماعزاف لمن بكاي ههههههههههههه ياخي ده جيتار بيعزف في حفلات وردي
بعدين بتاع المطعم كان مواعدني يعمل معاي ابو القاسم في الزيارة التانية لكن يامعلم انت مشيت براك وضيعت علينا نصيبنا
حيدر الزين ده طاشي شبكة انا يوم لاقيتو كنت عامل مشروع جكه يعني لابس لي ترين وشووز بتاعة رياضة الكرفته جات من وين غايتو الله يعرس ليك ياحيدر عشان تشوف خطوط الطول ودوائر العرض كويس
انت يالؤي بعد ده مش مفروض تتجهز للعرس وتعمل لي لياقة شوية عشان في رقيص العروس مايدوك خمسة والشمس لسه فوووق وتجي تقول نشلونا زي واحد صاحبنا
عندو ماتش سالنهو الكورة كم قال نشلونا ونشلونا دي اتضح انهم ماخدين خمسة هههههههههههههههه ماعارف مفهومو للنشل شنو لووولز
اليومين ديل معاي ضيوف وكده مشغول شويتين
تحياتي
زاتووووو
| |
|
|
|
|
|
|
|
|
 Re: بعد إختفائه المريب منذ أمس القبض على زميل المنبر (الزّول ذاتو) متلبّساً . (صُوَر من المصدر) (Re: ALZOLZATOO)
|
ذاتو
صباح الخير
Quote:
انت يالؤي بعد ده مش مفروض تتجهز للعرس وتعمل لي لياقة شوية عشان في رقيص العروس مايدوك خمسة والشمس لسه فوووق
|
إنتَ قايلني حأعرّس الوحدات الأُردني ؟ 
Quote:
واحد صاحبنا
عندو ماتش سالنهو الكورة كم قال نشلونا ونشلونا دي اتضح انهم ماخدين خمسة
|
ذكّرتني جارنا زمان
بيدرّب حُرّاس مرمى نادي الأحرار
فكانوا لاعبين مباراة وُدّيّة مع الهلال أيّام هلال 87 داك
المهم جاء بالليل داخل الحِلّة يتلبّد بتحت الحيطة 
فكوركتَ ليهو :-
يا كوتش الكورة بتاعتكم مع الهلال حصل فيها شنو ؟
قال لي :
والله يا إبني استطعنا إختراق شباك يور بهدف جميل
قلت ليهو :
غلبتوا الهلال ( 1/0 ) ؟؟؟؟؟
قال لي :
لا مغلوبين بشرف ( 6/1 ) 
| |
|
|
|
|
|
|
| |
لؤى
Hussein Mallasi
انعام عبد الحفيظ
ALZOLZATOO
Abd Alla Elhabib
Hisham Ibrahim
الطيب رحمه قريمان
داليا حافظ
إبراهيم عبد الحليم
Yousif A Abusinina
المسافر
صلاح أبودية
GamarBoBa
Hassan Makkawi
HAIDER ALZAIN
Dalal Ezzaldin
فيس بوك
تويتر
انستقرام
يوتيوب
بنتيريست