|
|
 *** لؤي اتهكر يا رجااااااااااالة ****
|
لؤي انت صايم ولا انت صايم ؟
مالك يا جنا اتهكرت ؟
والبرطعة لزومها شنو ؟
الصفحة الاولى كلها لؤي لؤي
قلت كان لؤي اتهكر سجم خشم الناس لووووووووووول
رمضان كريم ياخ
|
|
 
|
|
|
|
|
|
|
 Re: *** لؤي اتهكر يا رجااااااااااالة **** (Re: اسماء الجنيد)
|
Quote:
لا .. ما حصليش الشرف .. الحقني بيها سريع الحكوة دي
|
في التّمانينات
أيّام نميري
وحفلات قاعة الصّداقة
وطبعاً إنتي عارفة الـجُّرأة والشّخصيّة القويّة ديك
المهم واقف فوق في المسرح
وبيغنّي في الطّير المهاجر
وكُلّ ما يجي للحتّة بتاعة بالله يا طير
يمد يدّو ويشير بيها للعساكر الواقفين بالأطراف
اليد في وشوش العساكر يمين شمال
ومعاها بالله يا طير
ونحن نضحك
والعساكر آخر من يفهم 
أيّام
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: لؤى)
|
Quote: يمد يدّو ويشير بيها للعساكر الواقفين بالأطراف
اليد في وشوش العساكر يمين شمال
ومعاها بالله يا طير
ونحن نضحك
والعساكر آخر من يفهم
|
لووووووووووووووووووووووووول + كااااااااااااااك بتاعة ود الصائم
مع حقوق الحفظ طبعا
طبعا ابوك ده مبالغة ومتخيلة المنظر لووووووووووووول
ياخي ضحكتني وانا جيعانة
بطني تكركب ساااااي لووووووووول
يا حليلو ياخ
امشي افطر وين لسة باقي لينا قريب ساعة ياخ
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: طارق ميرغني)
|
Quote:
كضبا كاضب
ياخي قالوا الزمن داك في شتاء رمضان
تفطر وتقوم تتوضي للصبح علي طول
يعني لو اتسحرت ما بيتحسب ليك يوم صيام
|
أبو الطُّرق
سلامات
إنت قالب الموضوع
كلامك دا في الصّيف
في فترة الصّيف أواخر شهر يونيه كدا
الشّمس بتشرق في شمال السّويد
زي السّاعة تلاتة كدا ( ما يعادل الفجر عندنا )
وبتغرب زي حداشر ( يعني ليل عندنا )
في فصل الشّتاء أواخر شهر ديسمبر كدا
الشّمس بتشرق زي السّاعة تمانية كدا ( أصحبت شديد عندنا هنا )
وبتغرب من إتنين ( يعني ظُهراً عندنا )
يعني بتلقى روحك في منتصف الصّيف
صيامك زي عشرين ساعة كدا
وعندك أربعة ساعات بس للفطور والعشاء والسّحور
وفي منتصف الشّتاء
صيامك زي خمسة ستّة ساعات كدا
وعندك باقي اليوم تاكل وتشرب زي ما عاوز
أها كدا كيف معاك ؟
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: اسماء الجنيد)
|
Quote: ابو اللول ياسومه الظاهر عليهو ضارب العزوبية الايام دى
لانو لما كانت بطنو ملانه كان كاضم
جيبوا ليهو ام العيال سرييييع
واكان قاعده بنجيب ليها فتوى اباحة افطار خليها تزغطو
الزول معذور يا ناس
وامكن حيروح من ايدينا |
ابو رامي يا الجنيد مبالغة فكرتك دي
وقعت ليه في جرح
انت ما عارف لؤي ده بشبه ابوه في الصوت برضو وفي حاجات تانية كتيرة لوووووووول
غايتو يا لؤي استنساخ بمزاااااااااااااج
لو الوراثة بالاستنساخ مظفر ياكل نيم بس لووول
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: اسماء الجنيد)
|
| Quote: إنتي قايلاني جيت جاري من أوروبّا قوّام قوّام ليه ؟ |
قوام قدر شنو؟
عشان نلفا نحن زاتنا..
بعدين صيامـكم الصيفي داك زيادة حسنة و أجر
أما الشتوي عليكم فيه قضاء بلا استهبال معاكم
شنو خمسة ستة ساعات
بتبلوا الحلومر في السحور ولا كيف؟
-----------
رمضان كريم آل الجنيد و كل الإخوة العزابة بالبوست
| |
|
|
|
|
|
|
|
|
 Re: *** لؤي اتهكر يا رجااااااااااالة **** (Re: طارق ميرغني)
|
Quote:
يعني الاربعه ساعات دي تعمل فيها...صلاة الصبح والفجر والعشاء والسحور
|
أها يا طارق
وأقلّ من 4 ساعات رأيك شنو ؟
دخلت جبت ليك مواقيت الصّلوات
لمدينة ( شيلّيفتيو ) في شمال السّويد
لاحظ إنّها ما في أقصى الشّمال السّويدي زي ناس ( كيرونا ) ( Kiruna )
وكُلّما مشيت شمال
كُلّما بقت المواقيت مجنونة
شوف جدول المواقيت الصّيفيّة في شهر يونيه ( 6 )
ولاحظ للشّروق ( Shuruk ) خلال الشّهر
ثُـمّ لاحظ للمغرب ( Magreb ) خلال الشّهر
وشوف جدول المواقيت الشّتويّة في شهر ديسمبر ( 12 )
ولاحظ للشّروق ( Shuruk ) خلال الشّهر
ثُـمّ لاحظ للمغرب ( Magreb ) خلال الشّهر
تقول لي ما أجي جاري ؟ 
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: لؤى)
|
| Quote: رمضان كريم آل الجنيد و كل الإخوة العزابة بالبوست |
يا سعد الدين حبابك يا خوي وكل سنة وانت طيب ان شاء الله
رمضان كريم عليك وتصوم وتفطر على خير
وان شاء الله تعرس زي ما قال ليك لؤي
وترتاح من رمضان اب عزوبية دة
التحية للاستاذ طارق ميرغني ورمضان كريم عليكم انت واسرتك يا رب
شفت صاحبكم كابي الجرسة كيف يا استاذ طارق؟
اهو بفش رمضان في بوستاتو دي لوول
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: اسماء الجنيد)
|
Quote: ألذّ حاجة
مرّة جوليا مغيوظة منّي
قالت لي : ( ياخي إنتَ أمسخ من أبوي ذاتو )
|
انا زاتي مرة قالتها لي لووووووووووول
ايام زيارتك لمسقط
وبعدها بي كم يوم جاتنا
قلت ليها يا حليلو يا جوليا لؤي الحنين يا ريتو لو اتلاقيتو سوا
قالت لي بلا يا حليو بلا هم معاك
مرات ياخ امسخ من ابوي زاتو لوووووووووووووول
والله اتذكرت كلامها وضحكت شديد اليوم داك
ما قايلاها وصلتها ليك مباشرة
لؤي دي صورتك ولا صورة مظفر؟؟؟؟
ياخ ده مظفر صاح؟
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: اسماء الجنيد)
|
Quote: أنا بفطر بعد ساعتين تلاتة
إنتي باقي ليك كم ؟ |
أخوكم فطر ليهو ستة ساعات
بعدين عايزني أقول آمين يا أبواللول بقولا
علا شغل الهاكر ده ما عندي ليهو لياقة :)
----------------------
مظفر درس بنفس المدرسة المتوسطة
التي درست بها بس كنا سناير.
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: احمد محمد بشير)
|
Quote: يا أسماء!!
إنتي هرشتي الزول دة ولا شنو ..
|
احمد رمضان كريم عليك يا زول وكل سنة وانت طيب ان شاء الله
والله ما هرشتوا يا خوي وهو زاتو بنهرش ابو اللول ؟ بري منو يا يابا
لكن هجمني لقيت ليك اسم لؤي مالي الشاشة قلت خلاص زولنا اتهكر
كان جاء ناطاي بي جاي
ما تخاف يا احمد بتم ليك ال 30 بوست وبزيدهم ليك 6 علي وزن الستوت
الست من شوال وكدة بي باقي اجازة العيد بكون برضو لسه فاضي
| |
|
|
|
|
|
|
|
|
|
Re: *** لؤي اتهكر يا رجااااااااااالة **** (Re: احمد محمد بشير)
|
Quote:
الليلة ما شايف البرطعة يا لؤى
يا أسماء!!
إنتي هرشتي الزول دة ولا شنو ..
واصل يا أبو اللول و كل يوم بوست
و النتيجة 30 بوست بس يا أسماء لحدي نهاية الشهر الكريم
|
أحمد
صباح الخير
هرشتني ياخ تصدّق
لكن البرطعة متواصلة
وما كان في غياب ولا يوم
كُلّ يوم ببوست
تحاياي
| |
|
|
|
|
|
|
| |
اسماء الجنيد
محمد عبد الماجد الصايم
لؤى
الفاتح الجنيد
محمد أبوالعزائم أبوالريش
saadeldin abdelrahman
haroon diyab
احمد محمد بشير
فيس بوك
تويتر
انستقرام
يوتيوب
بنتيريست