|
|
|
 Re: **** الـوعــ ضنيـين ــــد **** (Re: Alsa7afa_30)
|
الثريا القريبه دي يا صحافه 30 ؟
الأغنية دي تحديدا تسافر بك الى ما بعد درب اللبانه.
وافترقنا وبعينيَ المنى غالها الدمع فما أبصرت شيئا.
تحايا كثر لأحد فناني المنبر ممن يجعلوننا نتنفس هواءا نقيا في زمن التلوث.
| |
 
|
|
|
|
|
|
|
|
Re: **** الـوعــ ضنيـين ــــد **** (Re: waleed dawash)
|
الجميل جداً حسام الدين مشكور علي بث الجمال واذكر اننا إستضفنا الشاعر الكبير صديق مدثر في دارنا
دار رابطة أبناء الصحافة بالرياض وكان يوماً حافلاً وقد تحدث الأستاذ الشاعر صديق مدثر عن هذه الأغنية
وكيف لحنها الفنان عبدالكريم الكابلي وإنشاء الله أقدم معك مشاركة لذلك المنتدي , فقط يلزمني بعض
الوقت وكيفية تحويل شريط الفيديو إلي ذاكرة الكمبيوتر ومن ثم اقدمها لكم كاملة إنشاء الله .
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Alsa7afa_30)
|
عذراً عزيزي الصحافة
التسجيل الذي وعدت به هو نفس التسجيل الموجود في البوست لم يعمل معي في البداية لكني أستمعت له
الأن.
____
لو بتعرف عازف الباص في الأغنية دي وريني أسمه بس!
ياخ دا ما طبيعي أبداً .. أدى الأغنية أبعاد غريبة
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Amir Omer)
|
| Quote: ربما سماع هذه الأغنية يهدئ من روع الأعاصير الهائجة هذه الأيام .. |
(البحث عن الذات ) كتاب (أُلِّف) لأنور السادات.
Quote: لو بتعرف عازف الباص في الأغنية دي وريني أسمه بس!
ياخ دا ما طبيعي أبداً .. أدى الأغنية أبعاد غريبة |
أمير إنت ما نصيح .. والله والله أنا أعدت سماع الأغنية عدة مرات عشان الباس جيتار قبل أن أقرأ تعليقك ، بالله كدي (شوف) الحركه في المساحه الزمنيه بين( أهديتك حبي) ومباشرة قبل (من فؤاد يبعث الحب نديا).
والله يا أمير (الحته) قبل ..وأبث الليل أسرار الهوى الأولى.. جن عديل كده.
أمير بتبالغ .. ياخ أي لزمه فيها باص يكتل.
لكن رغم ذلك فإن الساكس يدمرني ويعيد تركيبي ، كدي (شوف) المصاحب لومضة عشت على إشراقها وانقضت عجلى .. يا أمير دا ساكس أخطر من أي مفاعل حكى عنه البرادعي.
الله ما يشفيك يا حسام من السماحه دي.
| |
|
|
|
|
|
|
|
|
|
Re: **** الـوعــ ضنيـين ــــد **** (Re: محمد المرتضى حامد)
|
الحبيب محمد المرتضى
تحية بقدر محبتي
عارف يا محمد ... نفس شعورك دا في حتة (ومضة) مع الساكس طلعت روحي عدييييييييل! الساكس دا
آله غريبة فعلاً بتعرف تحرك فينا الأحساس بسهولة وحاجة غريبة كمان ما أظن يكون قابلك لحدي الليلة عازف ساكس (سَكَة) أحساسهم دايماً عالي جدا. طيب أرجع أسمع الأغنية تاني ولاحظ الأنسيابية العالية في تسليم الساكس لكابلي ولاحظ إستلام الكابلي بنفس نظام الساكس (من همس لعالي) بتحس دخول كابلي كأنه أستمرار للحن.
لكن الزول الإشتغل ال(Bass) في التسجيل دا مبالغة بمعنى كلمة مبالغة ... ياخ دا قلب هوبة في باقي المازورة بعد لزمة (أهديتك حبي) وقبل (من فؤادٍ).
تاني حاجة لاحظ لحاجة غريبة في الأغنية دي في المقطع التالت ...لاحظ الإيقاع بحافظ على شكلو الأساسي(رومبا) لكن الشكل العام للملوديا متجه (للسامبا التقيلة)!
ياخ الليلة دي شكلو ما في نوم:D
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Amir Omer)
|
أميـر:
Quote: لو بتعرف عازف الباص في الأغنية دي وريني أسمه بس!
ياخ دا ما طبيعي أبداً .. أدى الأغنية أبعاد غريبة |
الصراحة ما عندي فكرة ..
فعلاً كما ذكرت الباص من ناحية و الساكس من ناحية أخرى عاملين عمايل ..
لاحظت دخلة الأغنية ؟!
غير طبيعيـة !!!
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Alsa7afa_30)
|
من دمي غذيتها
حتي غدت ذات جرس
ياثر الاذن شجيا
وافتـــــــــــــــــــــــرقنا.
الله مايجيب الفراق
تسلم حسامو
الله يخلي لينا العمالقة ديل
بس شايف الزمن بيعمل شنو...؟ الحق نفسك ياعمك .
تحياتي
هارون دياب
| |
|
|
|
|
|
|
|
|
 Re: **** الـوعــ ضنيـين ــــد **** (Re: salma subhi)
|
العزيز حســـام
سلامات ..
ضنين الوعد + ماخلاص نسيتنا وخليتناوخليناك كمــان + طائر الهوى ..
تعرف ديل اول اغنيات خلقو لي علاقة مباشرة مع الكابلي .. وخلوني ادمــن استماعو في وقت كنت ما بطيق اسمع فيها مجرد اسمو .. ( الكلام دا زمان طبعا ما حسع دي )..
لما اسمع ضنين الوعد قاعد اسال نفسي ..
هل ممكن يتكتب شعر تاني بالطريقة دي ..؟
واللا في طريقة تاني لي اللحــان زي دي .. ؟ واللا روعة الاداء للاستاذ ..
اختيار خطير يا حسام يا فنان..
| |
|
|
|
|
|
|
|
|
|
Re: **** الـوعــ ضنيـين ــــد **** (Re: tmbis)
|
Quote: عارف يا محمد ... نفس شعورك دا في حتة (ومضة) مع الساكس طلعت روحي عدييييييييل! الساكس دا
آله غريبة فعلاً بتعرف تحرك فينا الأحساس بسهولة وحاجة غريبة كمان ما أظن يكون قابلك لحدي الليلة عازف ساكس (سَكَة) أحساسهم دايماً عالي جدا. طيب أرجع أسمع الأغنية تاني ولاحظ الأنسيابية العالية في تسليم الساكس لكابلي ولاحظ إستلام الكابلي بنفس نظام الساكس (من همس لعالي) بتحس دخول كابلي كأنه أستمرار للحن. |
الأمير الفنان ،
حقيقه يا أمير ممكن تلاقي عازف عود تعبان وكمنجه هلكان وكيبورد مِودِّر لكن الساكس دا ما لاقاني
زول بيعزفو بيهذِّر بيهو. شوف ، أحبابنا في أثيوبيا عندهم واحد اسمو ياريد تفاري دا لو سمعت ليهو
معزوفة زي (المانسونا) حاتشعر إنو هدومك من الحرير الطبيعي حتى لو كنت لابس خيش لكن برضو ممكن تشرِّطا. وبالطبع كيني جي وفوستو بابيتي ما عايزين كلام فارغ من جانبي وكذا الخواجه اللي عزف مع رشا شيخ الدين عذارى الحي وأما عبدالله دينق ده واحد كنا بنسمعو ونحن أطفال وكان ( بيضقل ) بالساكس وهو الذي حبب إلىَّ تلك الآلة وكان قائدا لفرقة تسمى فرقة جاز المدرعات في السبعينيات وبالطبع لاننسى المبدع حسن الشايقي لكن أرجع أقول ليك عبدالله دينق دا لما كان يعمل صولو قسما بالله شعرة جلدك تكلِّب. لكن برضو عازف الباس ساهر بي يا أمير عشان كده حا أعمل بوست خاص بحيث لا أغير موضوع البوست
ألحقني هناك مع Getachew Mekuria .
| |
|
|
|
|
|
|
|
|
|
Re: **** الـوعــ ضنيـين ــــد **** (Re: tmbis)
|
تمبســكو يا علاء ..
| Quote: هل ممكن يتكتب شعر تاني بالطريقة دي ..؟ |
عارف انا برضو بسأل نفسي نفس السؤال !!
حقيقة كلمات غير عادية و بلاغة مدهشة + لحن عبقري من الأستاذ الكابلي ..
تسـلم
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Alsa7afa_30)
|
الصحاافة...
شغل نضيف
يقال ان الفنان وردى غار وبشدة من هذه الاغنية
فما كان منه الا ان طلب من الشاعر صديق مدثر
ان يكتب له اغنية مماثلة بالفصحى فكانت اغنية عاد الحبيب...
اتمنى ان يمر الاخ عصمت العاالم على هذا البوست فهو خير من يكتب
عن قصة هذه الاغنية بين حى بانت و مدرسة ام درمان الاهلية للبنات...
يديك العاافية...
| |
|
|
|
|
|
|
|
|
|
Re: **** الـوعــ ضنيـين ــــد **** (Re: عامر تيتاوى)
|
الراجل الفنان العزيز حسام
| Quote: يا ريت تحكيها لنا .. |
ما عارف غايتو من حقي أحكيها في منبر عام زي دا ولا لا؟
منبركم دا ياخوي يخوف الكلمة فيه بحساب
غايتو ح أدي خطوط عريضة على مسئوليتك لحدي هاشم خلف الله
ما يجيب الفيديو .. وزي ما بقولوا "حلو الغنا في خشم سيدو"
على العموم هي قصة حصلت لصديق مدثر أثناء وجوده في سوريا والزولة
المكتوبة فيهاالقصيدة جاء ذكر أسمها في القصيدة (صدفة) ... والأستاذ
صديق ما أنتبه للحتة دي (حسب قوله) إلا عندما تم نشر القصيدة في الصحف!
شفت ليك تجلي زي دا عليك الله؟
غايتو دا المختصر لحدي ما يظهر الشريط أو يجينا عمنا عصمت العالم
المسنجر ما شغال يا حسام كنت وريتك أسمها
___
محمد المرتضى:
ما تحندقني عليك الله أمشي نزل البوست خلينا نشوف أخرتها شنو
لكما كل المحبة والتقدير
أمير عمر
| |
|
|
|
|
|
|
|
|
|
Re: **** الـوعــ ضنيـين ــــد **** (Re: هند محمد)
|
تعرف يا حسام أنت روح قدييييمة معتقة
بتنكت من بيت الكلاوى
Quote: زاد من عشقي لهذه الكلمات عندما حدثني صديق مدثر - الذي ألتقيته في مدينة الرياض
عام 87 على ما أذكر - عن السبب وراء كتاباتها! القصيدة الأصلية تعدت أبياتها
46 بيتاً ، إنتقى من الحصيف الكابلي هذه الأبيات ليلحنها ويشدو بها لتدخل القلوب
في هدوء وسكينة فتريحنا وتشجينا وتدمعنا وتطربنا! |
فصة الأغنية دى حقيقية وأنا شفت صاحبة القصيدة . هى زميلة الشاعر وكان بينهم وعد بالزواج بدلته ببعثة تعليمية كان من المفترض التنازل منها بإتفاق بينهما . ولكنها وافقت عليها بدون إعلامه وكان بمثابة فض للإتفاق . كلاهما كانا إساتذة مدارس ثانوية .
وهذا تفسير للحتة بتاعةQuote:
لا تَقُل إني بعيدٌ في الثَّرَى
فخيالُ الشِّعْرِ يرتادُ الثُّرَيَّا |
مودتى
| |
|
|
|
|
|
|
|
|
|
Re: **** الـوعــ ضنيـين ــــد **** (Re: رأفت ميلاد)
|
أستاذ رأفت
سلامات
Quote: فصة الأغنية دى حقيقية وأنا شفت صاحبة القصيدة . هى زميلة الشاعر وكان بينهم وعد بالزواج بدلته ببعثة تعليمية كان من المفترض التنازل منها بإتفاق بينهما . ولكنها وافقت عليها بدون إعلامه وكان بمثابة فض للإتفاق . كلاهما كانا إساتذة مدارس ثانوية .
|
موقف صعب و قاسي جداً ..
لكن لولا تلك المواقف لما خرجت لنا مثل هذه الروائـع ..
ربنا يسامحها 
تشكـر كتير
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Alsa7afa_30)
|
سلااااااااااام
دا شئ أروع من الروعة
تسلم يا صحافة ويسلم زوقك
Quote: إن تكن أنت جميلاً ..
فأنا شاعر يستنطق الصخر العصيا ..
وإن تكن أنت بعيداً عن يدي ..
فخيالي يدرك النائي القصيا ..
لا تقل اني بعيد في الثرى ..
فخيال الشعر يرتاد الثريا |
..
شعر
ثم
خيال
ثم
خيال الشعر
ما أجمل التواجد فى حضرة صديق مدثر و كابلى و عروستهم ضنين الوعد
الأخ ثروت
غالها الدمع بمعنى ملأها وليس قالها
دا بس للتصحيح
شكرا
مودتى للجميع
| |
|
|
|
|
|
|
|
|
|
Re: **** الـوعــ ضنيـين ــــد **** (Re: Alsa7afa_30)
|
العزيز رأقت
Quote: فصة الأغنية دى حقيقية وأنا شفت صاحبة القصيدة . هى زميلة الشاعر وكان بينهم وعد بالزواج بدلته ببعثة تعليمية كان من المفترض التنازل منها بإتفاق بينهما . ولكنها وافقت عليها بدون إعلامه وكان بمثابة فض للإتفاق . كلاهما كانا إساتذة مدارس ثانوية .
وهذا تفسير للحتة بتاعة |
نعم حقيقية وأنا أعرف ابنة اختها أيضا
المعنية بالقصيدة فخورة جدا بها
لكن بينى وبينكم مش البركة فى عملتها الخلتو يطلع دا كلو
زى مابقولو دائما
الحزن يولد الإبداع
ودى حقييييييييقة بس ما مية المية عشان كان بقينا مبدعين
هاهاها
أنا البمرقنى من هنا شنو تانى
لكم حبى واحترامى وانتم تبعثو الفرح فينا
| |
|
|
|
|
|
|
| |
Alsa7afa_30
محمد المرتضى حامد
waleed dawash
هاشم أحمد خلف الله
Amir Omer
مامون أحمد إبراهيم
haroon diyab
salma subhi
tmbis
ماجدة عوض خوجلى
عامر تيتاوى
د.محمد حسن
معتصم دفع الله
الطيب بشير
ثروت سوار الدهب
نها محسن أبورأس
هند محمد
رأفت ميلاد
الطاهر ساتي
sama7
عبد الدائم سيد أحمد
فيس بوك
تويتر
انستقرام
يوتيوب
بنتيريست