|
Re: تعجب شويفع الخواجات من اكل الويكة السودانية! (Re: هشام هباني)
|
وعليه اطالب بتغيير اسم (ملاح الشرموط) باعتباره اسما خادشا للحياء ولا يتسق مع اعرافنا واخلاقنا الاسلامية واقترح تسميته بملاح( ذات النطاقين) تيمنا بتلك الوجبات الرسالية والتي كانت تجلبها السيدةاسماء بنت ابي بكر للنبي (ص) وابيها ابو بكر في الغار واعتقد غالبا ما هو( ملاح شرموط) او (شرموط بيرغر)! واطالب مراعاة لعدالة التوزيع ومحاربة للكائنات العصيدية الشرهة بان تخضع العصيدة السودانية للتوزيع العادل في المائدة في عدة اطباق مع الحفاظ علي شكلها التقليدي! وايضا ان( تعاس) الكسرة السودانية بلا ( طايوق) لاننا شعب من كثرة اكله الكسرة بطواييق التيوس والخرفان صرنا في الفهم اقرب الي هذه الكائنات لا نحس ولا نشعر بالاخطار ودوما نمد رقابنا للذبح بكل خضوع واستلاب!
| |
|
|
|
|
|
|
Re: تعجب شويفع الخواجات من اكل الويكة السودانية! (Re: هشام هباني)
|
غايتو يا هباني كتلتني بالضحك الله يسامحك:
Quote: وايضا ان( تعاس) الكسرة السودانية بلا ( طايوق) لاننا شعب من كثرة اكله الكسرة بطواييق التيوس والخرفان صرنا في الفهم اقرب الي هذه الكائنات لا نحس ولا نشعر بالاخطار ودوما نمد رقابنا للذبح بكل خضوع واستلاب! |
| |
|
|
|
|
|
|
Re: تعجب شويفع الخواجات من اكل الويكة السودانية! (Re: هشام هباني)
|
Quote: اذا اراد....فوافق محتشما وهو ينظر بعينه الزرقاوين الي هذا الجبل العجيب وعلي قمته يسيل( ملاح قلة الادب الجميل) بشكل يبدو انه لم يرق لهذا( الشويفع الحليو الشويطين) وهويرمق الصحن بنظرات اتهام حتى اشفقت علي انفسنا منها فربما سيبلغ بعد لحظات ( الشويفع) الرقم العجيب(911) ولنجد انفسنا بعد لحظات في غوانتانامو بسبب هذا الملاح قليل الادب الجميل!
|
هشام ، رمضانك بدون وجع راس
الملاح قليل الادب ده كم هو جميل وزى ما قالوا( كل ممنوع مرغوب )، وزى دخلت فى نفس الموقف مع صاحب إبنى علا لكن كان شافع حربى جدا درش جنس درش
| |
|
|
|
|
|
|
Re: تعجب شويفع الخواجات من اكل الويكة السودانية! (Re: ترهاقا)
|
ترهاقا ازيك
ملاح ( الشرموط) بدون مؤاخذة! من الذ الوجبات الي وكانت جدتي بت عسمة اطال الله عمرها ومتعها بالصحة من افضل نساء اهلي في طبخ هذا الطعام الشعبي اللذيذ واذكر عندما كنا صغارا عندما(يشرمط) اللحم ويعلق في الحبل لتجفيفه كنا ناكله نيئا غير مطبوخ فما بالك عندما يطبخ بالتوابل والبهار والعصايد الكاربة والشطوط القبانيت! اللهم اني صائم.
| |
|
|
|
|
|
|
Re: تعجب شويفع الخواجات من اكل الويكة السودانية! (Re: هشام هباني)
|
الاخ هشام waw والله بوستك دا جا معى تمام لانو انا الليله عازمه صحباتى واحده مغربيه وواحده هولنديه ومن حسى فى الشغل دا بفكر ياربى اخت صحن العصيده ولا لا وانا محتره جدا وبديت افكر اعمل عصيدات صغار وادى كل واحده وحده يعنى فكرتك بتاعت التقسيم دا انا بتفق معك كمان برضو لو وحده ريلت تريل فى صحنها sorry for this شكرا للفكره الجهنميه تخريمه ; امبارح فى الفطور انا وابو مهند ختينا صحنيين عصيده ودا كل بسب ظلم الاخر لانو زى ما هو قال على بال ما تتحنكشى انا اكون جبت الدور التانى من الملاح يعنى حقوقنا نحن النسوان مهضومه حتى فى الاكل دا تحياتى ورمضان كريم
| |
|
|
|
|
|
|
Re: تعجب شويفع الخواجات من اكل الويكة السودانية! (Re: Halema2)
|
اختنا العزيزة حليمة التانية
سلامات
Quote: والله بوستك دا جا معى تمام لانو انا الليله عازمه صحباتى واحده مغربيه وواحده هولنديه ومن حسى فى الشغل دا بفكر ياربى اخت صحن العصيده ولا لا وانا محتره جدا وبديت افكر اعمل عصيدات صغار وادى كل واحده وحده يعنى فكرتك بتاعت التقسيم دا انا بتفق معك كمان برضو لو وحده ريلت تريل فى صحنها sorry for this شكرا للفكره الجهنميه تخريمه ; امبارح فى الفطور انا وابو مهند ختينا صحنيين عصيده ودا كل بسب ظلم الاخر لانو زى ما هو قال على بال ما تتحنكشى انا اكون جبت الدور التانى من الملاح يعنى حقوقنا نحن النسوان مهضومه حتى فى الاكل دا
|
شفت يا حليمة لازم حكاية العصيدة دي تتقسم زي قصة السلطة في السودان عشان ما تنظلم ناس تحت الدواس بالايدي الخشنة التي تتحدى الدقداق والحرايق وخاصة حينظلموااخواناالمتحنكشين البياكلوها بالملعقة وعايزين ابردوها ليهم بالمروحة!
| |
|
|
|
|
|
|
Re: تعجب شويفع الخواجات من اكل الويكة السودانية! (Re: هشام هباني)
|
هشام إزيك،
واحد صاحبنا هنا معانا في هيوستن ولدو صغير مصاحب ليهو شافع خواجات جارهم قال لشافع الخواجات لو ماصمت رمضان معاي تاني لا أنا صاحبك ولا تجي بيتنا ظااااتو.. تصدق الشافع علشان ما يخسر صحبتو إضطر إنه يصوم. وقبل ما رمضان يخلص أكيد حيعرض عليه يأكل ملاح الويكة بالعصيدة. وشويه شويه حيخليهو يسلم.
| |
|
|
|
|
|
|
Re: تعجب شويفع الخواجات من اكل الويكة السودانية! (Re: عزيز عيسى)
|
العزيز عزيز
Quote: واحد صاحبنا هنا معانا في هيوستن ولدو صغير مصاحب ليهو شافع خواجات جارهم قال لشافع الخواجات لو ماصمت رمضان معاي تاني لا أنا صاحبك ولا تجي بيتنا ظااااتو.. تصدق الشافع علشان ما يخسر صحبتو إضطر إنه يصوم. وقبل ما رمضان يخلص أكيد حيعرض عليه يأكل ملاح الويكة بالعصيدة. وشويه شويه حيخليهو يسلم.
|
شوف شفع الخواجات ديل ما بعرفوا الكضب كان اقتنع بكلام صديقو السوداني وعشان بحبو وبعزو ممكن بسهولة اسلم...بس المصيبة لو فكر ومشي السودان مع صاحبو وشااااف الحاصل هناااك قطع شك برجع عن دينو وبرتد!
| |
|
|
|
|
|
|
|