|
|
|
 Re: مقال لمحمد حامد جمعة (Re: shammashi)
|
نعم
أخي
أراه منزعجا لتضخيم الأمر لدرجة أنه أصبح (سرداقا) ، وكذلك منزعجا لسرعة إنتشار الجريمة بسرعة على صفحات الأنترنت والصحف ؟ اعتقد أن أخونا كان يرغب في تسوية الأمر (أم غمتي)لا من شاف ولا من سمع
بس كمان دي كبيرة يا ود حامد مع (طبيب) وفي الجنوب ؟ أي جهاز وأي (غوش) هؤلاء اللذين منوط بهم أمن البلد؟ هل هذه صغيرة لا تستحق الوقوف والتضخيم يا (ود جمعة) هل من نصيحة تقولها للسيد (غوش) من خلال موقعكم المميز كصحفي؟؟ تمشيا مع (الدين النصيحة) و(الساكت عن الحق كال........) ؟؟
منتظرين سماع صوتكم
مع مودتي
الشفيع
| |
 
|
|
|
|
|
|
|
|
Re: مقال لمحمد حامد جمعة (Re: Alshafea Ibrahim)
|
يا محمد حامد يا اخوي ما تخليك زول نصيحة
كدا الناس كلهم بحترموك مع الاختلاف
| Quote: لحادثة سمعت عنها من مصادر مختلفة وبروايات متباينة مما يجعل الفصل بالصواب والتخطئة لاى من الطرفين مسالة شائكة معقدة |
انت صحفي لا يوجد اي تباين في كل الروايات من اذاعة البي بي سي
حتي صحف الخرطوم كلها
افراد امن ضربوا او صدموا مواطن و احضروه للمستشفي
عالجه الطبيب لانه كان في حالة طارئة
( ذكرتني مقالك اليوم داك نزلت انا هنا عرفت ليه الدكاترة زهجانين و ما بشتغلوا كويس)
و بعد ان عالجه الطبيب طلب منهم اورنيك 8 لحماية حقوق المريض و كذلك لحمايته هو ايضا كطبيب رفض افراد الامن ذلك فما كان من احد اقرباء المصاب الا و ذهب و احضر اورنيك 8 فانتزعه افراد الامن منه و دخلوا في مشادة مع الطبيب و ضربوه ضربا مبرحا و الناس كلهم
شهود بل الادهي انهم اقتادوه من امام المرضي و منهم من هم في حالات طارئة و تركوا الحوادث بدون طبيب كل هذا و كل المواطنين شهود وفي مكاتبهم واصلوا مسلسل التعذيب و كتبوه اعتذار لتتاكد من هذه المعلومات كلها اتصل بي لااعطيك تلفون دكتور ابومدين عبد الرحمن مدير المستشفي او غيره حتي من الاطباء الكيزان في المستشفي كمان
و في اليوم التالي اعتذر مدير الامن بالولاية و اخذ الدكتور الي مكاتب الامن حيث سلمه
الاعتذار المكتوب تحت التعذيب و التهديد....
عليك الله اكتب كويس يا محمد عشان تحترم كتاباتك ياخ
شكرا يا شماسي
| |
|
|
|
|
|
|
|
|
|
Re: مقال لمحمد حامد جمعة (Re: Waly Eldin Elfakey)
|
Quote: (مقاصة) لتوريد بيانات الشجب والإدانة والاستنكار!
*حادثة (طبيب) نيالا انتشرت في (المواقع الالكترونية) بسرعة وزمن قياسيين ربما قبل أن تصل تفاصيلها لرئاسة وزارة الصحة الاتحادية بالخرطوم وربما رئاسة جهاز الأمن أيضا !
*وضعية (الترصد) هذه تجعل عضوية الجهاز تمارس عملها القانوني تحت حالة من الضغط الرهيب والمزعج لشعورها أنها قد تكون (ضحية) تسويات سياسية وإعلامية مما يفرض أن تمنح مثل الآخرين حقها كاملا غير منقوص في إبراز حججها ودوافعها لان العدالة واحدة ولا تمايز بين مدني يرتدى (روب) وعسكري يتوشح (الكاكى) وفى كل خير
*وقدر ولطف، وليحفظ الله السودان وأطباءه وجنده وليباركهم ..آمين. |
يتقطع دراعى اذا كان الكومندان عارف معنى مقاصة!
ومن متين يا كومندان ناس الجهاز الهضمى قاعدين يلبسوا كاكى!!
جنى
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
الأخ د. ولي الدين
شفت الزول دا سمع كلامك كيف لمن قلت ليهو
| Quote: عليك الله اكتب كويس يا محمد عشان تحترم كتاباتك ياخ. |
وقام طوالي كتب ما يلي:
العدد رقم: 210 2006-06-06
من وحي الأخبار
ودنوبـــــاوى
محمد حامد جمعة
*افتتح السيد رئيس الجمهورية (المشير البشير) إستاد ودنوباوى بعد إعادة تأهيله وسط أجواء احتفالية ظللها التفاؤل بامتداد يد التأهيل والإصلاح والاعمار لكل الساحات والملاعب بما فيها (السياسية) حتى يعم الخير والاستقرار.
*ودنوباوى ليس مجرد واجهة واسم و(حي) لكنه تفاصيل جميلة من الأنس والظرف والتاريخ البارز من الاسم الهاتف بأحد أمراء (المهدية) إلى قامات سامقة ارتبطت بالحي (الحاج شاخور) وآل (الشاذلي) و(شرفي) والشيخ صادق عبد الله عبد الماجد وآل (تكنة) وجعفر محمد نميرى (ابوعاج) الذي شهدته طرقات الحي العريق شاباً (مدنياً) في مقبل الحياة ثم رأته طالباً حربياً وسيما ثم (ضابط جيش) مهيب الطلعة ثم (عقيداً) قفز إلى السلطة بجراءته المعهودة فحكم وانصرف واجتهد والله والتاريخ حسيبه .
*ودنوباوى بقعة من هذا الوطن انسجم فيها الأنصار حتى مع احزانهم وتساموا عليها ومسجدهم العتيق يقصف ونهضت بها قباب (السمانية) ومراقدهم وشرب ثرى الحي العظيم دم معاوية سبدرات ؟؟؟؟عام ليوثق (شهادته) وبقى بعده المحامى (عبد الباسط) على فصاحته وطلاقة لسانه يحب ودنوباى وأهله و(مريخهم) .
*الدومة .. ود البصير و(زقاق) الشوافعة خطوط طول وعرض تقاس بها الذكريات والقصص والحكايات السودانية الامدرمانية الخالصة . وحي بمثل هذا الحضور الطاغي لا يستحق (ملعباً) وحسب بل يستحق أن تبذل له كرائم الأموال والمهج، ولتكن الروح (الرياضية) الطاغية فى الاحتفال وكلماته وقراراته مفتتح التفات جاد للأوضاع في الوسط الرياضي عامة و(كرة القدم) على وجه التحديد .
*المفوضية تصدر قرارات يركلها إلى الخارج رئيس الاتحاد العام لكرة القدم الدكتور كمال شداد وحرب ضروس من الناحية الأخرى بين رئيس نادي الهلال صلاح احمد إدريس و(البروف شداد) انتهت بإعلان الأخير (تجميد) نشاط فريق كرة القدم وكأن (الهلال) والملايين التي تناصره موظف في الدرجة الرابعة عشرة يوقف عن العمل في بيطار أو سارية لحين أشعار أخر!
*صلاح إدريس لا يملك حق (تدمير) الهلال في معاركه الخاصة وليعلم أن هذا النادي مملوك للشعب وللسودان وللتاريخ فقط لا غير .
*إن امبراطورية الشر المسيطرة على الوسط الرياضي لن تترك لهذا البلد سانحة للتطور والخطو للأمام وطالما أن هناك من يجعل الأندية والاتحادات (إقطاعيات) وملكية خاصة فستظل الحروب (الشخصية) قائمة ومتصلة والحكومة تتفرج على أزمات جديدة تنفجر و لا تحرك ساكنا .
*أحرز البشير في إستاد ودنوباوى (هدفاً) في مرمى يحرسه (سبت دودو) فهل يحرز الرئيس هدفاً اغلي ينتظره الملايين في شباك آخرين يعلمهم (عمر) وشعب عمر يوقف به هذا العك؟
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
والله يا شماسي
محمد ده حيرنا زاتو
يكتب عن شهدا ودنوباوي
و يجي يكتب عن نميري الكتلهم
و كمان جابت ليها عبد الباسط سبدرات
سبحان الله... كلموا بالله قول ليه نسي ابراهيم احمد عمر
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
shammashi
ازيك
عارفو بوستك وعارفك مكجنى لكن انا جيت عشان الوالى ..
اولا يكفينى تعلقيو عليك دينك شوف المعارضه دى سمحه كيف لمن الواحد يلقى زى ناس الوالى ديل..
Quote: يا محمد حامد يا اخوي ما تخليك زول نصيحة
كدا الناس كلهم بحترموك مع الاختلاف
Quote: لحادثة سمعت عنها من مصادر مختلفة وبروايات متباينة مما يجعل الفصل بالصواب والتخطئة لاى من الطرفين مسالة شائكة معقدة
انت صحفي لا يوجد اي تباين في كل الروايات من اذاعة البي بي سي
حتي صحف الخرطوم كلها
افراد امن ضربوا او صدموا مواطن و احضروه للمستشفي
عالجه الطبيب لانه كان في حالة طارئة
( ذكرتني مقالك اليوم داك نزلت انا هنا عرفت ليه الدكاترة زهجانين و ما بشتغلوا كويس)
و بعد ان عالجه الطبيب طلب منهم اورنيك 8 لحماية حقوق المريض و كذلك لحمايته هو ايضا كطبيب رفض افراد الامن ذلك فما كان من احد اقرباء المصاب الا و ذهب و احضر اورنيك 8 فانتزعه افراد الامن منه و دخلوا في مشادة مع الطبيب و ضربوه ضربا مبرحا و الناس كلهم
شهود بل الادهي انهم اقتادوه من امام المرضي و منهم من هم في حالات طارئة و تركوا الحوادث بدون طبيب كل هذا و كل المواطنين شهود وفي مكاتبهم واصلوا مسلسل التعذيب و كتبوه اعتذار لتتاكد من هذه المعلومات كلها اتصل بي لااعطيك تلفون دكتور ابومدين عبد الرحمن مدير المستشفي او غيره حتي من الاطباء الكيزان في المستشفي كمان
و في اليوم التالي اعتذر مدير الامن بالولاية و اخذ الدكتور الي مكاتب الامن حيث سلمه
الاعتذار المكتوب تحت التعذيب و التهديد....
عليك الله اكتب كويس يا محمد عشان تحترم كتاباتك ياخ
شكرا يا شماسي
|
بعدين اعرج لى نقطه انت ذكرتها ماتقول دفاع لى عمر ولا غيرو لكن كون انك تفترض انو عمر تعليقو مخجل صراحه ماعارف اقول ليك شنو كنت عايز انقل ليك المداخلة الكتبتها لكن عشان مانحول مسار البوست
المهم دى نقطه بس حبيت اوضحها ليك
لكن صدقنى يا شماسى قدر ما اقرا ليك بسال نفسى سؤال ومعليش اخدو بكل جديه لانى وحاتك جادى فيهو..
انت زول خريج جامعه ؟ وفى الجامعه جامعة الخرطوم؟
قايتو ليك الحق تجيب ولا ؛ لكن انا كنت صريح معاك فى انى محتار!!!
واسف اذا ازعجتك..
وده بوست ايضا لجمعه بس هو شرد منو ماجا عشان نناقشوا .محمد حامد جمعة يكتب ....... الاستثمار في المرضي .
الزول ده بكتب كانو بكتب والسلام عليكم يعنى مامقتنع بابقولو ولا شنو ماتعرف !!!؟؟!!
لانو لو مقتنع بيهو مفروض يكون قدر كلامو ويقدر يناقش فيهو لكن تقول شنو..!!!
التحايا النواضر..
| |
|
|
|
|
|
|
|
|
|
Re: مقال لمحمد حامد جمعة (Re: معتز تروتسكى)
|
والله يا معتز لا مكجنك ولا عندي معاك موقف شخصي وتجدني احترم تهذيبك .
لكن المحيرني في أمرك أنك تمسك العصاية من نصها في كثير من المواضيع التي يجب تحديد موقف واضح فيها، واتجاه بوصلة مواقفك تحددها علاقاتك باشخاص معينين في هذا البورد تربطك بهم علاقات صداقة أو أشياء مشتركة.
يعني إنت ما عايز زول يختلف مع أصحابك ديل حتى ولو كان على حق.
وحتى دخولك وتعليقاتك على البوستات يحددهما علاقاتك بغض النظر عن الموضوع المطروح.
بعدين أنا ما ادعيت في يوم إني زعيم معارضة. أنا باعبر عن أرائي بي حسب مقدرتي.
لكن طالما أنك أنت العالم بكل شي ما تورينا شكل المعارضة الإنت دايرا دي كيف.
يعي نشيل سيف لوا سكين ولا عكاز
نكتب كيف ونختار ياتو كلمات
نقول شنو في المظاهرات
نلبس شنو في المظاهرات.
بعدين أنا قريت خلوة.
هل دي حتقدم أو تأخر.
لو وريتني الغرض من السؤال حأجاوبك.
يعني عليك الله حدد لي إنت عايزني أبقى ليك كيف؟؟؟
ووالله أبقى ليك
بس إن شاء الله ترضى
عشان أصحابك ديك يرضوا.
وفي النهاية خليك واضح يا جميل
التحايا النواضر.
| |
|
|
|
|
|
|
|
|
 Re: مقال لمحمد حامد جمعة (Re: معتز تروتسكى)
|
المناضل من الفئة (أفيون)..
بدول مجلس التعاون العربي الخليجي .. حاجة تقوم النفس...
المناضل.. محمد المستلبد بشماسي
ود أخت الشيخ نقد ونسيب الزميل أزرق طيبة..
| Quote: أحداث مستشفى نيالا |
المشكلة دي ما حلوها زماآآآآآآآآآآآآآن...
شوفت كيفن أنا فاهمـــك...
هسعي عليك الله نيالا البحير دي وين..
الواحد ما يفتي في حاجة ما بيعرفها ساآآآكت..
وبعدين ياخي..
جيت متأخر خلاآآآآآآآآآآص..
| |
|
|
|
|
|
|
|
|
|
Re: مقال لمحمد حامد جمعة (Re: A.Razek Althalib)
|
كويس شماسى بداية حوار هادئ رغم انو كلمة شماسى دى لااحبها ولا هي علميا بالشى الذى يمكن ان يكون مرجع
المهم ماعلينا نبدا..
| Quote: والله يا معتز لا مكجنك ولا عندي معاك موقف شخصي وتجدني احترم تهذيبك . |
تمام مافى مشكله وكذلك شخصى لانى بمجرد ما اغلق الصفحه او الجهاز بخليهو كل هنا..
نوهت كثير بانى حاد فى النقاش لكن فى قمة النقاش يمكن ان تجدنى ابتسم..
لكن لااحمل توابع النقاش الى المضارع ماعدا حالات لاتُذكر نادرة وللضروه..
Quote: لكن المحيرني في أمرك أنك تمسك العصاية من نصها في كثير من المواضيع التي يجب تحديد موقف واضح فيها، واتجاه بوصلة مواقفك تحددها علاقاتك باشخاص معينين في هذا البورد تربطك بهم علاقات صداقة أو أشياء مشتركة.
يعني إنت ما عايز زول يختلف مع أصحابك ديل حتى ولو كان على حق.
وحتى دخولك وتعليقاتك على البوستات يحددهما علاقاتك بغض النظر عن الموضوع المطروح. |
لالالا ياسيدى انا شخصيا احب جدا صديقى يكون مختلف معاى ولو مامختلف معاى انا شخصيا بخلق جو للنقاش والاختلاف عشان ننتاقش ونتخلف بكل اريحيه..
قبل كل شى ماسالت نفسك انا ليه اتفقت مع والى الدين وكنت مرغما ان اتفق معاك؟؟؟
لانو لسبب بسيط انا اختلف مع الطريقه التى يقوم بها البعض فى مايُسمى المعارضه..
واضرب ليك امثله بعينها عشان نكون واضحين قول من الرجال هشام هبانى ومن النساء تراجي
اذا كان هشام يجى يقول ويتلفظ بعبارات مثل (اتبول على مؤخرتكم وو الخ)
هشام ده ارجل من منو بغض النظر عمن يكون الجانى .
انت قالو ليك الكلام ده فى وشك بتسكت؟؟
وده نموزج من كلامو ..اذا عايزنى اتفق معاهو كيف؟؟
وايضا تراجى ..
زول فاقد بوصلة الاشياء تتملق فى الكلمات الرنانه لكى تستعملها وهى لاتدرى ما موقعها ومتى تُقال خلاف لذلك هى زوله مسؤله عن تظيم تجهل ابجديات السياسه..
هذا غير البذاءه التى ارفضها فقد سمعتها فى ذات مره تقول (طـــز)..
ياسيدى هذه نحن نستنكرها على العامه ناهيك عن زول شخصيه اعتباريه..
ومابقول ليك نحن كمان ملائكه لكن مادام خرجنا للعمل العام تبقى نقطه تغير فى حياتنا..
لكن الطبع ساعة يكون غلاب مشكله..!!!
اضيفك امهاتنا واخواتنا ناضلن زى مابتقول ناضلن لمن قالن بس لكن هناك خط احمر لاشياء كتيره
وداريه بواطن الامور الواحده ما اصبحت مبتذله عشان اى زول يطبل ليها فوق كم
عشان شهره..
يلاسيدى الضوابط البتحكم المجتمع لاتخرج اصلو من نطاق الاعراف ناهيك عن الدين
فالمراءه مايميزها حيائها ..بقت مناضلها زعيمه شيطان رجيم كلو ينحصر تحت هذا الحياء..
اضيف ليك داعما لحديثى عن انو كثير هنا مثل الببغاوات يحفظ كلمه ولا كلمتين لكى يقوم (بالقشره) بهم.
دى سطحيه مابعدها سطحية..
الناس البتكلم عن نضال ومانضال دى اعرف شى بسيط جدا ومن ابجديات النضال..
حقوا يعرفو شى واحد اولا انا لم اعادي المبادئ المتعارف عليها بخصوص العمل السياسى ؛ عليه انا اقف مع المواقف لا مع الاشخاص..
لكن مايفعله هؤلاء لايمت للعمل السياسى المعارض بمفهومه المتعارف عليه بصلة بتة..
اقلاها هنا رايتك توافق بعضهم على الجهر بسؤ اللفظ فى محالة منكم لاعطاء الحق لفعل ذلك..
فى رائى لم تكن الالفاظ هى مصدر الهام لقضية نضاليه
المشكلة في الكتيرين الذين لايعرفون إنو النضال شرف،،،
وشرف هذه قالوها مش للنضال في نفسو ،،، للسلوك النضالي
وتعلمها الناس من كلمة ناضل وليس قاتل
النضال يضم داخله القتال
ولكن القتال ينقسم إلى شريف ووضيع
والنضال لا يقبل الوضيع
ولذا تمت تجزئة القتال المرتبط بالنضال وتفريقه من القتال الآخر
والتأريخ يعلم
فالنضال لا يحتاج حماسا بقدر ما يحتاج فكر
وإن عدت إلى أزمتنا السياسية ستجدنا باننا اُناس لا تقرأ التأريخ..
عزيزى
هؤلاء هم اكبر خسارة للعمل المعارض لانو الحكومه بتستمد بيها قوتها ..
مهما كانت الدوافع من قهر لابد من ان يكون هناك عقل او اصبحنا جميعنا كالرعاع ؛
او اصبحنا مثلهم !!!!
مهما صلت درجة القهر والاحساس بالظلم يبقى هناك العمل العام الذى يظل التاريخ يسجله عن سلوك اى مناضل ويُحسب عليه..
انت فى شخصك لماذا لاتفعل مثل مايقوم به بعضهم من سؤ قول اليس لك الحق ؟!!
لماذا تبرر للاخرين ان يقومو بذلك بحجة انهم يشعرون بالظلم؟؟
هل هم واجهه لك؟ لتنفيس عن حديث تنوى القيام به لكن تقف امامك عقبة قراءة التاريخ ومايُحسب عليك..؟!
واذا لم تكن مقتنع به فهذا تناقض كبير...
سيدى المجال ليس مجال مذكرات
عشان كل زول يقول الجانب البوجعو لكن مجال عمل للتخلص من الازمه الراهنه دي..
وعندما كان النضال ليس حكر علي تنظيم والوطنية ليست دمغة أو صك غفران
نمنحها عن من يوافقنا ونسلبها عن من لايروق لنا... ..الخ
انا بقيت اقيف مع بعض الاشخاص وليس التنظيمات (كمثال زى وقوفى مع الوالى فى رائو لانو بمثلنى وليس لانو صديقى وشليله فانا اعرف جيدا من اين تُكل الكتف)
كما ان سكوتى ليس عدم رضا لكن صابر على البتعملو فيهو ده من انحطاط نضالى اسمح لى اقول ليك انحطاط نضالى ..
Quote: بعدين أنا ما ادعيت في يوم إني زعيم معارضة. أنا باعبر عن أرائي بي حسب مقدرتي.
لكن طالما أنك أنت العالم بكل شي ما تورينا شكل المعارضة الإنت دايرا دي كيف.
يعي نشيل سيف لوا سكين ولا عكاز
نكتب كيف ونختار ياتو كلمات
نقول شنو في المظاهرات
نلبس شنو في المظاهرات. |
لالا ياسيدى كل انسان حر فى قناعاتو لانو حتى الحريه هى ذاتها خيارات..
يبقى علينا ان نحترم الراى الاخر ونتمسك بشرف النضال..
ثم حكاية نعمل شنو دى انا مابقول ليك نعمل شنو لكن اعلم اى مشكله عندها حل بس الحل يكون منهجى ومؤسس بنصل لحل المشكله بكل ثبات..
Quote: بعدين أنا قريت خلوة.
هل دي حتقدم أو تأخر.
لو وريتني الغرض من السؤال حأجاوبك. |
لالاتفرق كتير ياسيدى صحيح الوعى قبل التعليم او اهم لكن برضو للتعليم اثر.
حيث ان كل انسان عاقل على درجة معينه من الوعى ؛الزائف او الحقيقى ؛الجزئى او الكامل
حيث يساهم التعليم بنصيب ملموس بالاضافه الى العوامل المادية فى تكوين الوعى الانسانى وتطويره وتغيره من حسن الى احسن..
يبقى كيف تقول لى مابفرق !!؟؟!
يبقى بعد ده حقو براك بعد ده تعرف معنى سؤالى ..
Quote: يعني عليك الله حدد لي إنت عايزني أبقى ليك كيف؟؟؟
ووالله أبقى ليك
بس إن شاء الله ترضى
عشان أصحابك ديك يرضوا. |
طبعا حديثك هنا ده فى افتراض انى قاعد املى عليك شيئا
لالا ياسيدى انهل العزة نهلا انت انسان وحر ..
ثم انا حكاية اصحاباك دى مافهمتها ممكن توضيح لانو شايفك كررتها كثير لكن انا ماوقفت عندها عشان ماتعرقل ردى..
لو قصدك اصحابى المصنفهم انت بتصنيفك اياهو
فبقول ليك حتى لو هم على حسب ماتعتقد انا ايضا عندى ليهم مساحه..
ولو كانو زى عينية الوالى فديل كلام تانى..
| Quote: وفي النهاية خليك واضح يا جميل |
جدا بس لو بقى فى ضعف نظر يبقى حكاية الوضوح دى متوقفه عليك ماعلي!!
والتحايا النواضر.
-------------------------
عبدالرازق الله ربك يهديك ياخ..
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
قال زول نصيحة
ياجماعة انتو الزول دا ما عارفنو شاين وين انتو بتحرثوا فى البحر
الله يكون فى عون الشعب السودانى البمثلوا محمد جمعة
طبيب الله يكون فى عون شرفاء بلدى
| |
|
|
|
|
|
|
|
|
|
Re: مقال لمحمد حامد جمعة (Re: محمد حامد جمعه)
|
| Quote: وجه الفريق مهندس صلاح عبد الله محمد |
بالله يا شماشي في زوق أكتر من كده
يا سعادة جمعة الأمنجي غوش ده عنو الألقاب دي برضو
مجرم الحرب
عميل الـCIA
كلب الأمن
الخ
شوف يا أمنجي
(جمعة طبعا)
| Quote: والله حيرتونا هسة العيب فى الكلام (العمودين ) ديل شنو ووين عشان نفهم ؟ |
بعدين مع القضية بتاعت نيالا و عشان الجهاز الذي عرف بالصرامة يحقق في مثل هذه القضايا أرجو أن ترفع القضايا التالية
1. إستشهاد الدكتور علي فضل
2. إستشهاد الأستاذ عبم المنعم سلمان
3. إستشهاد المهندس ابوبكر الراسخ
4. إستشهاد الأستاذ عبد المنعم رحمة
5. ........................... الخ
شماشي ما بتقصر و بوستيك ده في السلك بس ما مريت عليو قبل اللحظة
قال جهاز عرف بالصرامة قال، ياجمعة الأمنجي إختشي
مرتضى جعفر
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
| Quote: قفز إلى السلطة بجراءته المعهودة فحكم وانصرف واجتهد والله والتاريخ حسيبه |
عقبال ناس الضو ود مقبول
وبعدين.....
عباره انصرف دى لزيزه .. لانو معناها انو خلاص قنع من الشغله وقال ما داير ..
هسى يا ود حامد دى نصدقا كيف؟؟؟
| |
|
|
|
|
|
|
|
|
|
Re: مقال لمحمد حامد جمعة (Re: يوسف الولى)
|
Quote: المشكلة دي ما حلوها زماآآآآآآآآآآآآآن...
شوفت كيفن أنا فاهمـــك...
هسعي عليك الله نيالا البحير دي وين..
الواحد ما يفتي في حاجة ما بيعرفها ساآآآكت..
وبعدين ياخي..
جيت متأخر خلاآآآآآآآآآآص.. |
يا راغب علامة بن الطالب القوقلي
أي مشكلة بتتحل (طبعا ما عدا بعض المشاكل الناتجة عن عقد ورواسب) لكن تبقى الدروس والعبر المستفادة منها.
والكلام الأنا كتبتو ليس عن المشكلة يا دايش إنما عن عمود الـ Boss بتاعك محمد حامد جمعة عن المشكلة.
يعني كلامك دا (لو افترضنا صحتو) كان توجهو للـ Boss بتاعك.
| |
|
|
|
|
|
|
|
|
 Re: مقال لمحمد حامد جمعة (Re: shammashi)
|
معتز تروتسكي..
تحياتي النواضر أنا برضو والله يهدينا ويهديهم..
وبعد إذنكـ..
شمس..
| Quote: (طبعا ما عدا بعض المشاكل الناتجة عن عقد ورواسب) |
زي البقط ولا شنو..؟
وبعدين..
الله ينصر دين الخليفة..!!
أسمع..
مالو ضغطكـ إرتفع.. 
| |
|
|
|
|
|
|
|
|
|
Re: مقال لمحمد حامد جمعة (Re: A.Razek Althalib)
|
الأمنجي محمد حامد جمعة
مرحبتين
بطل حركات الزوغان دي
القضايا الفوق ديك ليه هذا الجهاز الذي عرف بالصرامة ده ما نظر فيها
بعدين عبرك إلى الفريق مهندس صلاح عبد الله محمد نرجو النظر في الآتي أسوة بقضية نيالا
بالعناية المكثفة .... الطالب طه ابوبكر بعد طعنة سكين من...الاهلية بقصد اغتياله
الأمنجي جمعة يقول جهاز الأمن بتاع غوش عرف بالصرامة، لكن يا سعادتو جهازك ده عرف بالسحل و القتل و التعذيب فقط و صرامة مين يا عمي، أنتا ما حافظ الدرس كويس ولا شنو، أرجع لي نافع أكان تنفع
يلا بطل زوغان و أرفع القضايا أعلاه إلى غوش ده موش شغلك و بتأكل منو عيش؟ من أخذ الأجر حوسب بالعمل
مرتضى جعفر
| |
|
|
|
|
|
|
|
|
|
Re: مقال لمحمد حامد جمعة (Re: Murtada Gafar)
|
راغب علامة
الضغط ما في شي بيرفعوا غير إنو يلاقيك زول هي عايرة ومديها سوط زيك كدا.
يعني تجي ناطي في الموضوع وتهضرب بدون ما تكون عارف إنك بتقول في شنو؟
كل همك أن أسيادك يشوفوا صورتك واسمك وأنت بتدافع عنهم بالباطل.
هنيئا ذلك الفتات الذي يجودون به عليك.
بس إن شاء الله يكون قاعد يكفي ليك حق الكرفتات.
Quote: والكلام الأنا كتبتو ليس عن المشكلة يا دايش إنما عن عمود الـ Boss بتاعك محمد حامد جمعة عن المشكلة.
يعني كلامك دا (لو افترضنا صحتو) كان توجهو للـ Boss بتاعك. ] |
راجيك
الأخ معنز
جاييك
بس خليني انتهي من النذير دفع الله دا.
| |
|
|
|
|
|
|
|
|
 Re: مقال لمحمد حامد جمعة (Re: shammashi)
|
شمس..
Quote: والكلام الأنا كتبتو ليس عن المشكلة يا دايش إنما عن عمود الـ Boss بتاعك محمد حامد جمعة عن المشكلة.
يعني كلامك دا (لو افترضنا صحتو) كان توجهو للـ Boss بتاعك. ] |
شوف يا شمس أسيادي وأسيادكـ ديل ديل البجمعنا معاهم وطن ودين..
لو فعلاً معاهم حسب ما بهتني..
والـ Boss بتاعنا كان صلاح قوش..
كنت مرقتكـ من بلاد العرب دي وأقرصكـ في عضانكـ..
وأقول ليكـ تاني تيجي الحملة تاكل الجوافة النية..
وأخليكـ حوار من الفئة إياها وقاعد بلبوط في السهلة زي مرقة خالكـ الشيخ نقد..
وتبقي ليهو مرسال شوق لنسيبك الزميل أزرق طيبة..
حـــول..
| |
|
|
|
|
|
|
|
|
|
Re: مقال لمحمد حامد جمعة (Re: A.Razek Althalib)
|
سعادة الأمنجي محمد حامد جمعة
ياخ منتظرين، إنتا كبيت الزوغة خلا ولا أيه العبارة
القضية بتاعت نيالا و عشان الجهاز الذي عرف بالصرامة يحقق في مثل هذه القضايا أرجو أن ترفع القضايا التالية
1. إستشهاد الدكتور علي فضل
2. إستشهاد الأستاذ عبم المنعم سلمان
3. إستشهاد المهندس ابوبكر الراسخ
4. إستشهاد الأستاذ عبد المنعم رحمة
5. ........................... الخ
يا سعادتو الجهاز ده قلتا لي إشتهر بالصرامة ده كل القدرتا عليو، ياخي باين قدراتك ضعيفة خلاص
يلا بلاش زوغان و قول لينا رفعت القضايا الفوق للتحقيق برضو ...ما طول الغيبة يا أمنجي إنت في خدمة الشعب و كمان عامل صحفي.
مرتضى جعفر
| |
|
|
|
|
|
|
|
|
|
Re: مقال لمحمد حامد جمعة (Re: Murtada Gafar)
|
لعناية الأمنجي محمد حامد جمعة
ضف إلى القضايا المرفوعة-عبرك-إلى الجهاز الذي أشتهر بالصرامة قضية أخرى و هي قضية حريق منزل زميل البورد العضو عمار آدم، برضو الأخ عمار صحفي لمعلوميتك
تعليقك ضروري عشان ما تزوغ
مرتضى جعفر
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
Quote: من وحى الأخبار
محمد حامد جمعه
لا عزاء للجبناء
•أعلنت قوات الاحتلال الامريكى في العراق والزهو والفخر يملان نبرات الجنرال (كيسي ) أن أبو مصعب الزرقاوى الموصوف بأنه زعيم تنظيم القاعدة في بلاد الرافدين قد قتل .
•بدا الجنرال (كيسى ) سعيدا وجزلا وبوش أرسل تهانيه لمن وصفهم بالأبطال من جنود جيشه المحتل وبلير يتمسح بصاحبه ويقول (اللهم نعم )
•بيض الله أعين المعلنين والمهنئين وأعلى أقدامهم في بلاد (الحجاج ) كما قالت فصحية للحجاج في ذات الديار .
•وكالعادة عرضت صورة كبيرة للزرقاوى على الصحافيين وعلى شاشات العرض والرجل بين يدي الرحمن ولو أن الصورة كانت لجندي امركيى وبريطاني لحضرت اتفاقيات (جنيف ) وكل المواثيق الناعقة بحقوق الإنسان ولكن لأنها لشخص ينتمي لأمة رخيصة الدم والجسد والوجدان تعرض هكذا ،وربما تتحول يوما إلى تذكارات على الاقمصة وأردية مؤخرات السائحات في أوربا وشواطئ ميامى .
•ولان اشتهاء دم المجاهدين طبع غالب لم تشأ إسرائيل أن تفوت السانحة وتشارك في الحفل بطريقتها الدموية المعتادة حين شنت طائراتها غارة بجنوبي (غزة ) أسقطت جمال أبو سمهدانة الأمين العام للجان المقاومة الشعبية وثلاثة من مرافقيه (شهداء ) تقبلهم الله وأحسن إليهم وهم يقاتلون وحدهم بعد أن جبن الجميع عن نصرتهم ولو بكلمة ناهيك عن المال الممنوع عنهم بأمر الولايات المتحدة الأمريكية ووكلائها بالمنطقة .
• يقولون أن (الزرقاوى ) ارهابى وسفاح وسافك للدماء رغم انه لم ياتى للعراق قاطعا ألوف الأميال والبحار والمحيطات ولم يهتك شرف النساء والرجال في ابوغريب ولم يقتل الصغار والأحداث في (حديثة ) والناصرة ولم يدمر بغداد والبصرة وينثر في فضاءتها الموت والفجيعة وإذلال الأعناق وكل ذلك فعله (كيسي ) وجنده ثم على الضحايا وأبنائهم أن يكونوا (إرهابيين ) بينما القتلة ملائكة رحمة ورسل ديمقراطية !
•وكذا الحال بالنسبة للشهيد (أبو سمهدانة ) الذي قتلت إسرائيل أهله وبقرت بطون أخواته وشردت بهن ورجمت طائرات الجنرال (موفاز ) الشيوخ والعجزة على مقاعدهم بغارات جوية تنقلها الفضائيات وتنعقد لها مجالس الثرثرة ولا يتحرك لسان أو ضمير لمساءلة مسئول اسرائيلى !
•مفارقات محبطة ومثير لأسئلة كبيرة من اللازم التعامل معها بعمق لان ترسيخها سيجعل ملايين العرب والمسلمين جند مجندة للزرقاوى والقاعدة و لن يتوقف (العنف ) وستظل المواجهة قائمة والمجاهدون فوج اثر فوج جديد يخرجون تسميهم واشنطن ولندن (إرهابيون ) ويعرفون عند أهلهم وملايين المظلومين بالشهداء
•الرزقاوى و أبو سمهدانة على كل حال مضيا إلى ربهما بقناعاتهما ومضيا رجلين جبنت إسرائيل وأمريكا أن تقتلهما إلا قصفا من عل ورضيا أن يموتا كما يموت الرجال
•ولا عزاء للجبناء واللهم لا عيش إلا عيش الآخرة
[email protected]
|
http://www.alsudani.info/index.php?type=6&issue_id=981&col_id=90&bk=1
| |
|
|
|
|
|
|
|
|
|
Re: مقال لمحمد حامد جمعة (Re: محمد حامد جمعه)
|
الأمنجي محمد حامد حامد جمعة
كلو مرة بتأكد لي إنو إنتا أمنجي عامل فيها شفت و مدرب كويس و ناس نافع ديل دفعوا فيك دم قلوبهم "لو عندهم قلوب" عشان تسر عيونهم، لكن برضو قدراتك ضعيفة و جنب ناس المخابرات الجابت خبر الزرقاوي و قبلو خبر صدام ما بتآكل عيش، مهمتك دي بتاعت التغبيش على قراء سوادنيزآونلاين و جرهم للتطبيع مع أولياء نعمتك ما قادر تحقق فيها نجاح، إنتا في زول قال ليك إنحنا دايرن نعمل ليك معرض لمقالاتك الصحفية الرخيصة و الضعيفة-لغويا و فكريا- دي ولا خلااااااص كملنا فريدمان و إيان بريمر و منصور خالد و كبار الصحفيين عشان نقرأ ليك شغلك التعبان ده وإللي لو ما السلطة بتاعت كيزان لما لقيت ليك حيطة تكتب فيها.
يا مان ما تعمل شفت
جهازك القلتا أشتهر بالصرامة، بنقول ليك أشتهر بقتل الشرفاء أمثال الشهداء السبق ذكرهم
برضو جهازك الإشتهر بالصرامة خليو يحقق فيها عشان تاني نلقاك حايم هنا، بعدين بيت عمار الحرقو منو؟؟؟؟؟؟؟ يلا ورينا همتك خلينا من الزرقاوي و أبو سمهدانة و بقية القمامة.
شوف ليك طريقة شردة تانية
مرتضى جعفر
| |
|
|
|
|
|
|
|
|
|
Re: مقال لمحمد حامد جمعة (Re: محمد حامد جمعه)
|
الأمنجي الزواغ و الشراد محمد حامد جمعة
ياخي من نزلتا لينا مقالك الضعيف لغويا و فكريا عن المجرم الزرقاوي و أبو سمهدانة، عرفتك داير تحرف البوست عن مجراه، لكن بقول ليك لو عاوز رأي في الجماعة ديل أفتح بوست و هناك بريحك على الآخر حسب لغة الأمنجية زملائك.
لكن هنا يا أمنجي دايرين الآتي
القضية بتاعت نيالا و عشان الجهاز بتاعك ده عرف بالصرامة يحقق في مثل هذه القضايا أرجو أن ترفع إنت بوصفك أمنجي القضايا التالية
1. إستشهاد الدكتور علي فضل
2. إستشهاد الأستاذ عبم المنعم سلمان
3. إستشهاد المهندس ابوبكر الراسخ
4. إستشهاد الأستاذ عبد المنعم رحمة
5. ........................... الخ
و برضو حريق منزل عمار محمد آدم أرجو من جهازك الأشتهر بالصرامة ده يحقق فيو لإنو أمر عمار ده أمر بيهمك إنت شخصيا من ناحيتين الأولى إنك عامل صحفي و غيور على الحريات الصحفية و التانية إنو عمار ده عضو معانا هنا في منتدى سودانيزآونلاين.
أكرر هنا عايزين رأيك في المواضيع الفوق دي
أكرر برضو منتظرينك تفتح بوست عن الزرقاوي و أبوسمهدانة و اي زول تشوفو تاني و هناك رأي ما بتأخر عليك فيو بس بخاف عليك تتملطش هناك كما هي عادتك في كل بوست.
يلا يا أمنجي و ليك الآمان صلاح غوش ما بحرق ليك بيتك أتلكم ساي.
مرتضى جعفر
| |
|
|
|
|
|
|
|
|
|
Re: مقال لمحمد حامد جمعة (Re: Murtada Gafar)
|
Quote: من وحى الأخبار
محمد حامد جمعه
سرى ومحظور !
• جيش الأمة أو (المليشيا ) التي صنعها حزب الأمة في سنوات هجرته للتجمع المعارض وعين عليها (الملازم ) عبد الرحمن الصادق المهدي (قائدا ) هدد باستخدام القوة لما مقابلة ما اسماه تماطل وربما نكران لحقوق واستحقاقات لأعضائه على الحزب ورئيسه .
• خبر مر سريعا بين أرجل وفود مجلس الأمن والبعثات الأممية واستمرار فتاوى الترابي وضجيج المشاجرات جراء (تشفير ) مباريات كاس العالم بألمانيا .
• وطويت القضية ونسيت إعلاميا إلا من مؤتمر صحفي عقد في (القبة ) تعامل معه حزب الأمة القومي ببرود كذبابة حطت بأنف احدهم فهشها وانصرف لحديثه !
• جيش الفتح التابع للسيد محمد عثمان الميرغني يواجه إفراده العائدون إشكالات مع مولانا ولجنة (اتفاق القاهرة ) التي من المفترض أن توفق أوضاعهم وتوفيق الأوضاع يعنى أن يمنح الفرد (فوائد ما بعد الخدمة ) ومن خزينة الدولة التي حاربها وخرج عليها !
• مهلا .. هناك المزيد .
• قوات التحالف السودانية - العقيد عبد العزيز خالد والبروفسور تيسير مدثر -ستقف قريبا في (طابور ) معالجات الأوضاع وقد يسبقهم (حضرات )الضباط العظام في جيش السيد مناوى وقوات عبد الواحد نور مضافا إليهم جيش العدل والمساواة واية قوات أخرى تأنس في نفسها النضال والكفاءة .
• كل هؤلاء غرر بهم السياسيون ووعدوهم بالرتب والوظائف والمغانم بعد دخول الخرطوم وإزاحة الإنقاذ عن السلطة ليترك العشرات مقاعد الدراسة والمزارع في القضارف والجزيرة والرنك مهاجرين إلى معسكرات المعارضة في الشرق والغرب ولن نفصل بشان ما وجدوه هناك فذاك حديث يدمى القلوب .
• ألان لكل هؤلاء حقوق مستحقة وواجبة السداد على كثير من قيادات أحزابنا بعد أن يقبض بعض زعماء المعارضة (الملايين ) من الدينارات والأموال الحكومية تعويضا عن أملاك وأصول و(بدل استهلاك ) وتشتمل التسوية في الغالب على حقوق (الأنصار ) والمرافقين ثم لا ينال هؤلاء شيئا !
• الاستئثار طال حتى فرص التوطين في المهاجر بأوربا وأمريكا قسمت لأسر وأبناء القيادات المعارضة وأقصى الآخرون منذ البداية في مسلك أدنى ما يوصف به انه غير عادل وغير اخلاقى .
• المعارضة السودانية ومثلما تتحدث عن محاربة فساد الإسلاميين وأكلهم أموال الناس عليها أن تبرئ نفسها أولا من دم من قتلوا وماتوا في حبوس المعسكرات بإرتريا و أثبات أمانتها بشان ما يتردد عن (ماكلة ) كبيرة لحقوق سودانيون دفعوا دمائهم وسنوات عمرهم النضيرة ولم يقبضوا بالمقابل لا حكم ولا حكومة ولم يقبضوا (مليما ) بينما (السلطة للساق والمال للخناق ) للزعامات.
• وبطرفي أسماء ووثائق و(حكايات ) من أبطالها ومن عايشوها تجعلك لا تبايع بعد (محمد ) رجلا وعرفها (الكتيابى ) !
|
| |
|
|
|
|
|
|
|
|
|
Re: مقال لمحمد حامد جمعة (Re: A.Razek Althalib)
|
Quote: الخال والد..
ولا ما كده يا شمس..
كده قول..
غدوتكـ إنت منو..
|
أبو رزقة القوقلي
أنا قدوتي أزرق طيبة
أها إنت منو؟؟؟؟
أقول ليك وللا بتقول براك.
بعدين شايفك ما بتجي ناطي في البوست دا إلا لمن تشوف الـ Boss اتزنق
غايتو بوستي دا كان ما رقاك وللا أداك وزير دولة أنا أحلق شنبي بصفحة واحدة.
يللا شد حيلك .......................
| |
|
|
|
|
|
|
|
|
 Re: مقال لمحمد حامد جمعة (Re: shammashi)
|
المناضل من الفئة إياها..
وبعد الصلاة والتسليم على قدوتنا..
وسيد الخلق أجمعين.. قلت لي..
Quote: أبو رزقة القوقلي
أنا قدوتي أزرق طيبة |
أزرق طيبة حاف كده..
والعرب قالت..
النسيب عين شمس..
تخريمة:
شوف يا شمس ..
لو بهتة الـ Boss دي فعلاً كانت حقيقة..
كنت سحبتكـ سحبة خالكـ نقد من حفرتو وبقوات الإنتر بول زي قائد قوات التحالف.. وفي عضانكـ كمان..
وقرصتك قرصة تحدثت عنها العجم ومن تجاورهم الآن من العربان بدون إنتهاكات لحقوق الإنسان..
ولفختكـ كف أسفيري في صفحة شدوقكـ ديل ديل لامن تلف صينية وتشوف معاها نجوم الضحوية عظة وعبرة للمناضلاتجية...
قال ترقية قال..
| |
|
|
|
|
|
|
|
|
|
Re: مقال لمحمد حامد جمعة (Re: A.Razek Althalib)
|
Quote: شوف يا شمس ..
لو بهتة الـ Boss دي فعلاً كانت حقيقة..
.. |
إنت يا أبو رزقة ما زلت مصر زي الـ Boss بتاعك بأن تتعامل معانا كأننا هنود.
ياخي نحن ما متنا لكن شقينا البكري.
بهتة شنو وكفتة شنو.
إنت الله دا في زول شافو بي عينو؟؟؟؟
طيب لو أنا بهتتك وكلامي كذب ليه ومنذ قصة فبركة خبر رسالة أزرق طيبة لي نقد إنت جاري وراء سعادتو دا وتؤكد في كلامو بالباطل
واسي جاري وراهو دعما لخطه.
هل جريك دا من صميم واجبات وظيفتك أم علاقة صادقة تربطك بسعادتو.
يعني وريني حارق رزك وشعيريتك ومكرونتك مالك؟؟؟؟
.
.
.
..
| Quote: كنت سحبتكـ سحبة خالكـ نقد من حفرتو وبقوات الإنتر بول زي قائد قوات التحالف.. وفي عضانكـ كمان..
وقرصتك قرصة تحدثت عنها العجم ومن تجاورهم الآن من العربان بدون إنتهاكات لحقوق الإنسان..
ولفختكـ كف أسفيري في صفحة شدوقكـ ديل ديل لامن تلف صينية وتشوف معاها نجوم الضحوية عظة وعبرة للمناضلاتجية...
.. |
يا أهل الكهف دا كان زمان قبل زنقة نيفاشا.
قال بهتني قال.
أسي حتجي تقول لي
قد أكون ....
وقد أكون....
زي العملتها لي كوستاوي ديك
لمن نشلت القوقل كلو
وعملتو حقك.
ياخي زول يسرق القوقل
ما حيبقى أمنجي؟؟؟؟؟
| |
|
|
|
|
|
|
|
|
 Re: مقال لمحمد حامد جمعة (Re: shammashi)
|
| Quote: إنت الله دا في زول شافو بي عينو؟؟؟؟ |
آهه جين للحته ياها..
بس عليك الله..
خالك الشيخ نقد ما يسمعكـ..
ونسيبكـ الزميل أزرق طيبة.. ما يقرأ الكلام ده..
وكلامكـ ده مالو وقف ليكـ في حلقكـ.. داسيهو..
ولا خجلان منو..!!
Quote: يا أهل الكهف دا كان زمان قبل زنقة نيفاشا.
قال بهتني قال.
أسي حتجي تقول لي
قد أكون ....
وقد أكون....
زي العملتها لي كوستاوي ديك
لمن نشلت القوقل كلو
وعملتو حقك.
ياخي زول يسرق القوقل
ما حيبقى أمنجي؟؟؟؟؟ |
شوفت كيفن إنت طلعت حوار مبغبغ..
كالبغبغان..
فهمكـ ضعيف..
| |
|
|
|
|
|
|
|
|
|
Re: مقال لمحمد حامد جمعة (Re: A.Razek Althalib)
|
Quote: طيب لو أنا بهتتك وكلامي كذب ليه ومنذ قصة فبركة خبر رسالة أزرق طيبة لي نقد إنت جاري وراء سعادتو دا وتؤكد في كلامو بالباطل
واسي جاري وراهو دعما لخطه.
هل جريك دا من صميم واجبات وظيفتك أم علاقة صادقة تربطك بسعادتو.
يعني وريني حارق رزك وشعيريتك ومكرونتك مالك؟؟؟؟
|
ما زال السؤال قائم..
لو داير درس عصر قول لي.
ولو كمان عملت باستراتيجية الـ Boss كمان قول لينا ياخي. عشان ما نضيع وقتك ووقتنا.
ولو منتظرالتوجيهات العيا . . . حننتظر.
يقصر الملح
| |
|
|
|
|
|
|
|
|
|
Re: مقال لمحمد حامد جمعة (Re: shammashi)
|
شوفوا الزول دا مركز في كتاباتو كيف عن القضايا التي تهم جهاز الامن.
ياربي يكون عشان شنو يا أبو رزقة
فقد كتب بتاريخ 19/6/ 2006 ما يلي:
Quote: العدد رقم: 223 2006-06-19
من وحي الأخبار
الكارنيه !
محمد حامد جمعة
*تكاثرت مؤخرا حوادث اعتداءات شنيعة على بعض الأشخاص ومن ذلك ما تعرض له الطبيب عمر التاج النجيب - بحسب روايته - من اعتداء قال انه تم داخل مباني الجامعة الإسلامية بامدرمان فضلا عن قصص ووقائع أخرى بضحايا وجناة مختلفين .
*سلوك العنف واستخدام القوة لا يبرر قطعاً ويعتبر من اية جهة خرق للقانون وازدراء بالدستور الذي ينظم العلاقات ويمنح كل مواطن حقه كاملا ويلزمه في الوقت ذات بواجباته وافية، وايما خروج عن هذين الخطين يعتبر مخالفة ومخالفة خطيرة تستوجب الانتباه واعمال طرق المعالجة بالحسم والعزم اللازمين من جانب السلطات في الدولة لان استشراء الظاهرة يجعل ولاية الحكومة على الناس محض هراء .
*وأقول السلطات رغم أن البعض يتهم الحكومة وحزبها بتلك الوقائع وهو اتهام يقوم على فرضيات أكثر من كونه يقوم على أدلة ملموسة وواثقة، إذ بمقدور اى ثلاثة مغامرين أن يأتوا لاى مواطن باى ضغينة ويدعون - بالتشديد - أنهم من الجهة النظامية (الحكومية) المعينة ويجرونه رضي أم أبى إلى حيث يشاءون فإذا قضوا منه وطراً أطلقوه وانصرفوا إلى حال سبيلهم وانصرف الضحية إلى اتهام جهاز الأمن أو الشرطة أو الدبابين !
*إن لجهاز الأمن و الشرطة قوانين وإجراءات معروفة ومرعية لممارسة سلطات التوقيف والاحتجاز وفق مراجعات النيابات المختصة وبالتالي لا اعتقد أن اياً من المؤسستين بحاجة لاستجواب تاجر عن نشاطه داخل عربته أو استدعاء طبيب داخل مقر جامعة ثم تنهب أموال الأول ويضرب الثاني ويعتدي عليه! إن ما تعرض له أولئك المواطنون الأبرياء محل استنكار ورفض مطلق .
*أن تدخل الدولة لحسم هذه السلوكيات التي تسئ إليها يمكن أن يأخذ عدة طرق وأشكال أولها استحداث آلية للتبصير الاعلامى بحق المواطن في التثبت من (هوية) النظامي الذي يود توقيفه وإلزام كافة منسوبي القوات النظامية بذلك الحق لان بعض العسكريين إن تجرأت وسالت احدهم عن هويته أو (الكارنيه) تكون قد آتيت شيئا أدا يكلفك الأخذ بالنواصي والأقدام بحجة (المخالفة) مما يجعل المواطنين يصمتون على كثير ليستغل ضعاف النفوس الثغرة وينصبوا أنفسهم ضباطاً وجنوداً وقضاة وجلادين .
*العدل يجب أن يكون طلبه من كل السلطات الأمنية والشرطية في التثبت من هذه الأحداث ومن يقفون خلفها لأنها تشكل خطراً كبيراً على سمعة تلك المؤسسات والمرجو منها في تامين روعات البلاد وحماية مقدراتها فضلا عن كونها مدخل لحالة من الفوضى الشاملة القانون فيها يأخذ باليد والخديعة والمباغتة .
*نسال الله السلامة والعافية.
والله نسأل الله نحن السلامة من الزيك وزي أبو رزقة
اللهم أحفظنا بعيدا عن بيوت الاشبح
اللهم أحفظنا بعيدا عن العليق من الكرعين
اللهم أحفظنا بعيدا عن قزاز البيبسي
] |
| |
|
|
|
|
|
|
|
عمر الفاروق
Waly Eldin Elfakey
jini
معتز تروتسكى
A.Razek Althalib
محمد حامد جمعه
Murtada Gafar
يوسف الولى
فيس بوك
تويتر
انستقرام
يوتيوب
بنتيريست