غناء الصواميل .. ديل مالم فيهم شنو بيشربو بيهم الجبنة ؟!!!

Quote: ناذر سلامات ياخ سمعت بى مصطلح قوونة او قونات وحقيقى م عارف معناها هل كل قونة هي تلقائيا من فنانات جنوب الحزام ولا العكس وهل الصامولة هو مذكر القونة ولا شنو ( معليش الوشوش الخضراء ما شغالة عندي )

Quote: الحبيب نازر ياخ سؤالي ده راجل ولا بنت

Quote: لا حولا..ما قادرة اصدق اضنيني..يا ناذر الناس دي جنت ولا شنو ؟

Quote: الزول دة هبب شنو خلعتونا (الملف دة ما اشتغل عندي )

Quote: لمن المزق يقيف ... بخشو البعامات ...بي لزمة مالي فيني شنو ....بتشربو بي الجبنااااا....

Quote: سلام ياناذر يافنان غايتو انا دائما لما اقرا ليك بحس اني عايش فى الجخانين الانتا بتتكلم عنها دي بجد ياناذر بتنقل الواحده نقله عجيبه وبتخت الحاجات ذى ما الله خلقا شكرا ليك كثير ياخ

Quote: قال ود العرب معروف لو اخدر شعرو ليَن - بالله مثال ياجماعة

Quote: القون) مفردة بتشكل مفهوم كان شايع من زمان..و انا سمعتها في التمانينات.. انو العازفين بيقول للفنان انو هو القون بتاعهم..يعني تشبيه بحكاية الكورة..و انو القون قاعد براهو و كده.. و يتخيل لي يجوز فيها التأنيث

Quote: ناذر سلام مافي لنك للحفظ ؟

Quote: القون من المفردات التي ابتكرها الراحل المقين زيدان وتعني الفنان المغني وهو معكوس القون في الكورة بقيف ورا وهنا القون بقيف قدام والطرفة واضحة

Quote: ناذر صباح الخير المقطع قذر .. كلمات منحطة لابعد الحدود نسأل الله السلامة

Quote: عاد أتلومو لو خايفين عليكـ من ناس حمادة بت يا أبو النيز !!

Quote: اقرب ناس لينا المصريين لو سمعنا حاجاتم بتاعة أسفل المدينة لقلنا الحمد لله دابنا في البدايات

Quote: سلام يا ناذر ....؟؟؟ الثلاث المبتزلات ديل كايسات وما لاقيات ... يا ناذر أنا والله طولت من البلد ... ديل كايسات شنو ...؟؟؟؟ الرايح ليهن شنو ....:::::؟؟؟

Quote: غايتو يا أبو النيز الزول ده أو الزولة دي - برضو تشابه علينا ياخ - احتمال عندها معجبين ومعجبات واحتمال تمشي تلقى ليها تسجيل كاسيت ماستر يعني الموضوع مستحمي يا عمك..

Quote: طبعاً الباقي تميناهو خيال..وما أدراك ما الخيال.... كورس البعامات حاجة مجنونة زي ما قال ليك خضر الطيب.. .. .. وين باقي النماذج ياخ؟؟

Quote: كلام يدخل السجن عديل عجيب يا ناذر بتجيب من بيت الكلاوي

Quote: قونات وصواميل غايتو ما عارفين الناس ديل موديننا لي وين نسأل الله السلامة..

Quote: وللاسف اصبح عندهم جمهور

Quote: الصفاقه الورى البيكوركوا (ووب على وكرعلى) ديل ماسامعهم ولا شنو. وديل دورم شنو فى الهبوط ده.

Quote: ياناذر العازفين ديل مبدعين وبيحاولوا دائماً إنهم يضيوفوا حاجات جديدة وبيبتكروا لونيه خاصة بيهم العزف والاداء مثال الربع والبعاتى . بس البجبرهم العداد العالى للعزف مع امثال حماده بت ديل . حماده بت لو شلت منه المزازيك دى وسمعته صوتو والاداء المشاتر بتاعو بتعرف الهبوط الحقيقى للغناء. قال مالى فينى شنو قال.

Quote: جئت للسودان بعد غياب طويل .. وبعد أن قضيت يومين أو ثلاثة فقط في الخرطوم أتاني أخي الأكبر وطلب مني أن أغني في حفل زواج أحد أصدقائه فأخبرته أنني لست مهيئا ولم أجس بعد الساحة الفنية والأغاني الدائرة ونوعيتها والأغاني التي يتقبلها الناس في الحفلات .. إلا أنه لم يترك لي أي فرصة للرفض فذكر لي أن هنالك عازف أورغ جيد سيكون بمصاحبتي وعلي ألا أقلق من هذا الجانب .. فطلبت مقابلته للبروفة إلا أن أخي أخبرني أن ذلك متعذرا نسبة لإرتباطات العازف الكثيرة ‍‍‍‍‍‍!!!!! المهم توكلت على الحي الذي لا يموت وسط إصرار أخي وذهبت معه للحفل في الموعد المحدد وهناك قابلت عازف الأورغ ذاك وهو شاب صغير جدا .. فتشككت في إمكانية ان أتجانس معه من أول وهلة .. وفعلا لم يخيب حدسي إذ كنت أسأله هل تعرف الأغنية الفلانية ؟؟ فيجيب بالنفي وسألته أكثر من خمسة او ستة أغنيات من الأغاني المخضرمة والخالدة لعظماء فنانينا وهو ينظر إلي مندهشا !! وكأني أطلب منه أن يعزف لي موسيقا صينية !! وعندما مللت منه سألته : يا خينا كدي إنتا قول لي بتعزف شنو ولي منو ..!! فطفق يسألني : حافظ حنانة ؟! فأجبت بالنفي .. قال لي : طيب الجلابية كيف .. قلت ليهو ياتا دي وبتاعت منو ؟؟!! فنظر غلي نظرة مشفقة وسألني : طيب البنسلين حافظ منها حاجة ..؟؟!! فنظرت إليه مندهشا وكأنه يطلب مني أن أغني له أغاني هندية .. وسألته .. إنتا يا أبو الشباب دي ياها الأغاني الحايمة في السوق هنا ؟؟!! قال لي :: أيي إنتا وين يا زول !! غايتو بعد تعب كدة لقيتو بيعرف يعزف ليهو كم غنية كدة بتاعت حقيبة .. عزفها معي وهو غير راض وأظنه ينقرط في جهره ويقول .. دا شنو الموهوم الجايينا دا !! المهم قريب نهاية الحفلة سامع بتاعين الساوند والبعامين المعاهو بيكوركو لي .. القرد يا أستاذ .. الحكومة حا تكبس بعد شوية !! قايلم بيشاغلو ساكت .. لكن بعد شوية الجماهير ذاتا قعدت تكورك يا أستاذ القرد !! إتلفت جاي وجاي وأنا متحير !! ما شايف أي قرد وما عارف الناس ديل قاصدين شنو !! بعد شوية لمن تنشنت قبلت على بتاع الساوند وسألتو .. القرد دا وين ؟؟!! بتاع الساوند قرب يموت من الضحك وقبل على بتاع الأورغن وقال ليهو وري الأستاذ دا القرد ؟؟!! بعد شوية حصلت ليك جوطة والأورغن بقى عامل زي المسجل البايظ . كوراك وأصوات بتاعت كراتية وناس جواهو بتتكلم بالإنقليزي والرقيص بتاع الجماهير ذاتو إتغير .. وبعد شوية بتاع الأورغن ما لقيتو (أظنو مشى يشرب ليهو سجارة ويجي) !! المهم أنا مخلوع والأورغن شغال براهو والناس دخلت في هستيريا رقيص ما عادية ولقيت نفسي أنا فنان الحفلة زول شغال بي الشغلة ما في !!!! غايتو بعد شوية ختيت المايك وإنسحبت براحة دورت عربيتي وإتخارجتا وأظن لحدي ما وصلتا بيتنا الناس دي ما عارفة الفنان إتخارج وما أظن كانو شغالين بي موضوعو كتير !! طلعت الشغلة كلها على الأورغن ويا ريت لو العازف معاهو لكن الأورغن أهم منو !!!! عشان بيشتغل براهو .. وبيطلع حاجة إسمها القرد !!!!

Quote: هل تعتقد يا ناذر انها ظاهرة فشنك ( فورة لبن )وسوف تزول قريبا .

Quote: ما تحنك معاي كتير، يلا قوم فرتق وطير

Quote: صامولة يعني شنو ؟

Quote: زمان زمن الوقت الجميل واصحاب الاصول تغنا الفنان الكبير كمال ابراهيم ( ترباس ) حني علي انا يا ستي وحرفت الي تتي عندنا شافع من اهلنا كان بغني (حني علي انا يا تتي ) الولد اليقها اليوم داك من الدق والكفيت والشتيمه ياحسالة اهل الانقاذ ,