|
|
 راشد الحاج -- وين إنت
|
أخونا العزيز
راشد الحاج
أطيب من مشى على أرض الطيبة
زول كان لاقيته، يعطيك كوثر الإلفة
وفى غيابه نصلى لربنا، وندعوه، عساه طيب وشديد
وننحر الأشواق قربانا للقياه المفرحة
وين يا زول يا سمح مختفى
طمنا عليك بالله
|
|
 
|
|
|
|
|
|
|
|
Re: راشد الحاج -- وين إنت (Re: THE RAIN)
|
خذلتني أيها المطر..تحفزت لدورة متعة لا تلي لذتها إلا لذة..لم يساورني شك أنها وجدانية حنين ونداء..وقد كانت..لكن لم تكن - كما قال جورج بنيوتي في مداخلة له معك-: قصيدة..بل ترنيمة
| |
|
|
|
|
|
|
|
|
|
Re: راشد الحاج -- وين إنت (Re: banadieha)
|
العزيز
بناديها
والله ضحكتنى حتى بانت نواجذ البهجة
طبعا كنت متوقع تلقى حاجة تانية
والله يا بناديها القصائد ما كتيرة على راشد
زول ما بتوصف تب
يعنى لو داير توصفه إلا تسوى ليهو ديوان كامل
زول رحب الصفات السمحة وأنيق شكلا ومضمونا وطيب ونقى
أقول ليك حاجة تانى كمان
أهله كلهم كده والله
ده احسن من ده
انشاء الله يلقو العافية والسعادة والأيام الطيبة
أما عن حبيبنا جورج
الأيام دى غاطس وين ما معروف
أمس أنا مشيت جددت البوست بتاع العزيز ودقاسم
قلت يمكن يجى مقلع
وليك التحية يا بناديها
| |
|
|
|
|
|
|
|
|
|
Re: راشد الحاج -- وين إنت (Re: lana mahdi)
|
بسم الله الرحمن الرحيم
الأخت الغالية لنا
والله مشتاقين ليك ولدكتورنا الحبيب مهدي ولكل الأسرة...أرجو أن يكونوا جميعآ بخير...شكرآ لسؤالك...أنا والله متابع لأخباركم...ولكن أعذريني..
إن شاء الله سأواصل معكم عما قريب...كما أوضحت للحبيب أباذر.
لك لأسرتك كل المودة
أخوك راشد الحاج
| |
|
|
|
|
|
|
|
|
 Re: راشد الحاج -- وين إنت (Re: THE RAIN)
|
بسم الله الرحمن الرحيم
العزيز الحبيب أباذر
لقد فاجأتني بهذا النداء الإنساني النبيل...الذي أشعرني لوهلة بأني رجل مهم وأن هناك من يسأل عني...والله يا أباذر هذا ليس غريبآ عليك...يا إنسان يا مرهف...فلقد عرفتك أصيل المعدن...نبيل الصلات...حميمآ..ودودآ...
أليفآ....وبسيطآ كبساطة أهلنا في السودان.
صدقني...أيها العزيز الغالي...بأني معكم بقلبي وأحاسيسي ووجداني.....
وتقريبآ أطالع كل ما تكتبه ويكتبه الإخوة والأخوات...ولكنها تلك الحالة التي تتملكني أحيانآ وأنا في غربتي هذه التي طالت..عشرات السنين...حالة الشوق والحنين لأهلي...والحسرة والتألم لما يجري في السودان...فيتملكني الإحباط الشديد لدرجة الدبرسه...فأعزف عن الكتابة...وأغرق في التأمل والإبتهال إلي المولي عز وجل...أن يسهل الأمور..التي طالما تعسرت....ويفرح
القلوب...التي كم تألمت ونزفت حزنآ...ويجبر كسور أهلنا في السودان......
الذين كم عانوا وصبروا....آمين.
العزيز الغالي أباذر....صدقني...ما كان البوح بخاطري...ولكن سؤالك عني
أثار فيني كوامنآ دفينة...كانت تؤرقني..تدفعني أحيانآ للكتابة..ولكنها
حينما تتكاثر...تحبطني....فأحتفظ بها سرآ دفينآ...يتأجج نارآ في صدري.
عزيزي الحبيب أباذر....لكم أسعدني سؤالك عني...ولكم أعتز بك أخآ وصديقآ
توأمآ للروح....أسأل المولي عز وجل أن يجمعنا جمعآ لا نفترق بعده أبدآ مع أهلنافي السودان وقد إستردوا حرياتهم وحقوقهم....والكل سعيد..آمين.
أشكرك مرة أخري وأشكر من خلالك كل من سأل عني.
حفظنا الله دائمآ أخوة وأخوات متحابين فيه متصافين...آمين ودمتم.
أخوكم راشد الحاج
| |
|
|
|
|
|
|
|
|
|
Re: راشد الحاج -- وين إنت (Re: Rashid Elhag)
|
الأخ الحبيب
راشد
تحايا واشواق
الحمد لله الخالق
إطمئنينا عليك وسمعنا أخبارك
كل الأمنيات الطيبة دائما ليك بالعافية والسعادة
وبما تحب وتشتهى
وبيناتنا أمل اللقيا الجميلة
هناك فى البلد
بين الأحباب والأهل
سلمت يا صديقى
| |
|
|
|
|
|
|
| |
THE RAIN
banadieha
lana mahdi
Rashid Elhag
فيس بوك
تويتر
انستقرام
يوتيوب
بنتيريست