|
|
 دستووووووووووووووور يا اولاد ماما .. استنفار لأهل الخبرة
|
تمانية أيام بالتمام والكمال وانا مبكمة .. لا بصد لا برد مقبلة على الحيطة وقاطعة الضنة .. تعفو وترضو يا الاسياد ..
جاراتي الله يطرح فيهن البركة ما قصرن .. سون لي البخور .. يخرب لا نفع لاشفع .. لبسني خاتم النص .. لفحني بالتوب الاحمر .. كله ما جاب مريسة التام زين .
بس امس ولدي فتح البورد واظنه فتح بوست فيه اغنية لخدر( طارق ابو عبيدة ) اها بس صنقرت على حيلي وكورت ليهن ياهو دا الطلب .
جُبنا الفضاء السايبيري شرقاً وغرباً بحثاً عن أغاني الفنان دا لقينا في صفحة الاغاني بسودانيز اون لاين فرد اغنية ، كل الاغاني الهنا في بوستات متفرقة بدون لنك الحفظ ..والنزلها الخواض زمان الله يطراه بالخير قالوا لازم تترفع تاني ... موقع ناس طابت برضو ما في طريقة نحفظ في الجهاز ..أها عاد كيفن يعني ننشحط في الخط طول الوقت عشان نسمع ونرضي الاسياد .. يعني خراب ديار عديل كدا .. دا يا يمة ظار السواد الداير يحت جيوبنا دا ..
اها يا حبيبات قساي وحبان بلاي
بترضن / وا
لي جنس الحالة دي
طلبات الاسياد :
وضع لنكات الحفظ في جميع البوستات التي بها اغاني خدر في المنبر الحر
رفع مزيد من اغانيه في صفحة الاغاني بسودانيز اون لاين
الارشاد لمواقع بها اغنيات لخدر( طارق ابو عبيدة ) على ان يكون بها امكانية للحفظ في الجهاز
تصميم موقع لهذا الفنااااااااان في اقرب فرصة ممكنة
والله لا يضيع اجر من احسن / ت عملا
|
|
 
|
|
|
|
|
|
|
 Re: دستووووووووووووووور يا اولاد ماما .. استنفار لأهل الخبرة (Re: الجندرية)
|
والله انا شخصيا ما برضي ليك الحاله دي .. غايتو انا من امس مشيت لي اغنية السجاير النزله خدر .. فتحتها وضحكته لمن روحي طلعت .. فكه لي دبرسه قلت شنو ..اجي راجع عليها اجيهه وحاتك مرقت امس الا كان جيت داخل حسع دي .. لكن ليك علي مدام جابت ليها ظار .. وطلبات .. تراث ده ما بنحب ليهو الجهجهه ( والمراسيل ) شان كدي بعمل ليك ورشة عمل لنكات بس .. وعندي شريط قديم لي خدر لما كان شباب ح انزلو ليك كلو هنا ده .... بس امهليني شوووووية كده ..
| |
|
|
|
|
|
|
|
|
 Re: دستووووووووووووووور يا اولاد ماما .. استنفار لأهل الخبرة (Re: abas)
|
الاخت العزيزة الجندرية
عليك بالبخور الضكر، و بعد داك
وريني ما هو، و هل هناك بخور غير ضكر،
لانو اخوك بصراحة نقناق ساكت و مسطح
جدا في كثير من امور الظار و الدساتير.
و بالمناسبة دي اديك نكته، نكتتين ، تلاتة:
مكانيكي اشترى سرير جديد رقد تحتو.
ترزي مرتو قصيره فكا كفتا.
مكانيكي قرض عيشه حلجها.
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: khider)
|
يعنى مع انو فكرة الجندرية فى البوست ده رهيبة وانها مدستره فى غنا طارق ابوعبيده النحن مقطعنو فى مصاريننا..وكونو فطاحلة الطرب تمبس وخالد الحاج / بلحقونا وينجضونا/ جو ونجدوها وافحموها فى دساتيرها ... وده كلو كوم
لكن كتابة اهل العوض للغة الجندر الطلع جديد..دى كوم تانى
يمين فتحت نفسنا للمجتمع الذكورى وضمايرو الضكرية(لو صحى عندو ضمير زاتو) .....وقع قع قع قع قع ..حتى قلنا ليته سكت..منك يا اهل العوض...
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: الجندرية)
|
خدر :
مشكور لكن اللنك ما شغال
خالد الحاج :
تعرف ناس طابت ديل عندهم خيار وفقوس ،لانهم خاتين اللنك لي ولدهم اغاني عماد كلها نزلتها عندي في سي دي .. وامين ربنا يسمع منك ويجيب لي ود امي
تماضر : قلت لي مقطعة في حشاك ، بركة يا يمة في دساتري دي الخلتك فتيتيه
شفت اهل العوض دا فيهو امل ما نقطع العشم ، بس يدي علي يدي بنجيهو
لووووووووووووول @ لو صحي عنه ضمير زاتو
عالية :
بركة بالشوفة ، انت برضو كنت مدسترة زي ؟ ولا حادة على غياب عادل وخالد وباقي الجميلين / ات
لكن في حكاية الكسير دي صدقتي ، عليك امان الله رقدنا دقيق راسو عديييييييل
راوية الحبيبة : لكن يا بت امي الايام دي هو ما بقلب التلفزيون للعروس واختها يجي كيفن عاد ، البغير القناة منو يعني ؟
بلدي يا حبوب : مش عليك الله ، بالله الحق مسخوا / ن علينا الطلة ، الله يهدي الاسرار ويعدل الحال كان بي ظار ولا بحبوب المرح حقت الفاضلابي ديك ولا باي طريقة
ود قاسم :
والله عاد يا ود امي ظارك صعب
الرجعة دي ما دايرة ليها خطة عشرية عديل كدي
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: الجندرية)
|
جندرية دي صورتك؟؟؟!!!
دي صورتك يا جندرية وخاتها كمان دون الشعور بتأنيب الضمير؟؟
يعني (هقارة في ناس أهنا واللا سنو؟؟؟!!)
ما شاء الله
المهم
شكرا لهذا البوست المريح
وقالوا الظار بجي للناس المجيهة القيافة (العفو والرضا)،، لذا عليك ببعض البشتنة تنفك مشكلتك وجنك الأحمر ده زاتو يطير.
أهل العوض
عايز اي معلومة عن أي أولاد مامي فيهم؟؟؟ ربما استطيع الإفادة إذ أننا قوم موغلون في الدسترة.
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: الجندرية)
|
الجندرية مدسترة
تماضر حبيب الله حلموها ومدسترة
أهل العوض مدستر لمن رطن وبرطم
الحبيب ودقاسم قالها عديل وما إتلفت
تماضر مقطعة دسترتها في حشاها
وغيرهم/ن كثر
يعني الواحد تاني ما يدخل المنبر ده إلا بي بخورو!
ساقني الفضول لبيت الظهر ، وجدت جارتنا الرزينة في حاله تانية سجارتها قصبة وكأسها مدور ، وواحد ظننته وقور ، لقيتو بي فركتو ، ورقصوه ، تثنى كعروس ، شفت تبادل أدوار مرأة مسترجلة ، ورجل مستانس
عارف ده ما موضوعنا!
جابتني الراية الحمراء التي داستها أقدام الهرولة ، ننحي نلتقطها ، ننفضها مما علق بها ، ومرة أخرى خفاقة فوق السارية فما زال مشروعها جنين ، خاصة في شأن العدالة الإجتماعية
وبرضو ده ما موضوعنا
أها الغنا ده بسمع بأذن نضيفة جدآ ومهتم بتجارب الشباب ومشروعهم الغنائي ، ومنتبه لبوادر موجة تالية لمصطفى ، اسميها ما بعد مصطفى .
لم أسمع طارق حتى الآن ، أسعى لمعالجة مشكلة ما في الجهاز تمنعني من الإستماع
لكن زياراتي المتكررة للخرطوم وفرت لي فرصة متابعة الأصوات الجديدة ، وكذلك أصوات وأنامل برنامج بابكر صديق كشاف النجوم
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: أبو ساندرا)
|
ليك حق يا الجندرية...والله زي صوت واداء طارق ابوعبيدة...انا بدسو من نفسي واضاني...مش في حاجات كدة الواحد من معزتها...يضاريها بي الرااااااحة...فصوت خدر...عندي كذلك....ليك حق تدستري...لانو مسمي نفسو خدر...فصوتو فعلا مخدر للنفس العطشانة...وكافرة...
بسمعو بشويش بشويش...
والله يا خدر...تمسك العود دا....وتغني...اي غنية من اغاني الشايقية
زي مثلا...حبي انا ليك كان زادي...كنت بداري من الناس...كنت بخافلو من العين او حاجة زي دي وبي طريقتك ..تحاول تخرم من الايقاع شوية...الا السماء...تنقط مطر شووووووووووووووووووووووووووووووووووووووووووووووووو لي الصباح
وبعدها شوف كان تقدر تسكت دستور الجندرية....
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: معتصم دفع الله)
|
الاعزاء المتداخلون/لات
في هذا البوست الحلو.. لكم اطيب تحية و ود و شوق...
بمناسبة النسيم.. اغاني تريح الاعصاب
1.يا نسيم بالله اشكيلو تباريح شوقى و هيامى
2.نسيم الروض زورني في الماسية و جيب لي الطيب
3. يا نسيم الصبا النجد اريدك في مدى الايام
4. النسيم الفايح طيبو من رياك
5. نسائم الليل زيديني
6. يا نسمة يا جاية من الوطن
7. النسيم الماري هابي
8. كلما هب نسام منو زاد في جمري
هوووووي يا رجاء انا الايام دي محموم و ميرود في قليب الشتاء مع الصيف، بعيد منك ضارباني نسائم نزلة ضكر و الاسياد قالولي زميلاتك البوردابيات المعاك ديلك لامن يندهولك و لا يجيبواسيرتك ما يرفعوا الكلفة و يخلوا البساط احمدي بالطريقة دي، فدحين يا اختي تاني لما تخاطبيني تقولي الزعيم، الريس او القائد المسافة.
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: شمهروش)
|
غايتو ياشمهروش ..فتش الجماعه ( القايمه عليهم / ن ) اللولية .. كان علي .. قاعد اتفرج بس وبنتظر الطلبات
.. ح نجيب بخور ونعمل ليه داون لود هنا اتضح انو المتلبشين/ ت  كتار/ ات
يا اماني .. والله حركة التات والنون دي .. انا تاني ما بكتبه .. بحس اني اشتر كده
اعفي لي غايتو ...
يا بوكل اهل العوض ..ينوب عني في كل المعاملات المتعلقه بالتاااااااات اعلاها
ولكم الشكر
| |
|
|
|
|
|
|
|
|
|
الجندريه (Re: الجندرية)
|
الجندريه اسا انتي ضابحه ولا سااااي
والله خدر ده مع احراجه ده غنااااي
بعدين وين بوست الشلوخ..نمشي نجيب العده نجي نلقاهو مافي
| |
|
|
|
|
|
|
|
|
|
Re: دستووووووووووووووور يا اولاد ماما .. استنفار لأهل الخبرة (Re: الجندرية)
|
طيب يا جندريه ما بتعزمونا للزار بتاعكم ليه،وانا شايف
ود قاسم وابو ساندرا شايلين ليهم شوال حنه،قت يمكن ده
حق حنة عرسنا(التلاته) تاريه ده لى تيس الزار.
وبعدين ليه ما غننيتو اغنية:دقولك يابشير كمل قولك
يا البشير.
عشان الكيزان ينزلو..مع انهم ما بجو (الميدان).
باااااااااااااااااااع الرضاء والعفو يا اسيادى!!!!.
| |
|
|
|
|
|
|
| |
الجندرية
tmbis
Ahlalawad
ايهاب
abas
Al-Masafaa
khider
Tumadir
Rawia
ودقاسم
بلدى يا حبوب
haneena
nada ali
الطيب بشير
Raja
بت قضيم
أبو ساندرا
abuguta
معتصم دفع الله
بدرالدين شنا
شمهروش
omer almahi
توما
صديق الموج
عشة بت فاطنة
ملكة سبأ
فيس بوك
تويتر
انستقرام
يوتيوب
بنتيريست