|
|
 انـجـليزي مـتسـودن!!
|
في المـجال الكـروي
* اللاينـمـانات ديل بايعـينهـا....نلاحظ هـنا(ال) التعـريفية. اللاينمـان وهـو
اصـل الكلمـة، ومن ثم ال (ات) للجـمع......اها جنس المفـردات دي مرات بتدخـلني
في حيـص بيص واتردد كـثير عمـا اذا كـان اصـل هـذه الكلمـة عـربي اضـيفت لـه بعض
(الاكسـسـوارات) الانجـليزيـة, ام العكـس هـو الصـحـيح ومن هـنا ينبع سـؤال اخـر
لمـاذا لا نسـتغني عـن مـثل هـذه الاكـسسـوارات لتصـبح المـفردة مـجـردة من هــذه
الزوائـد التي ان لم تضـر باللغـة فقطـعا لا تزيـدها نفعـا.الامـثلـة كـثيرة اذكـر
منهـا علي سـبيل المثال لا الحـصـر
*الـقـواني goal keeper
*السـيرباكـات third backs
*الكورنرات corners
*الباكـات backs
*الاسـتوبرات stoppers
والمجـال الكروي مجال زاخـر بالكثير من مـثل هـذه المفردات.
|
|
 
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
امـا في مجـال الكمبيوتر فبرضـو عـلي سبيل المثال لا الحـصـر:
* الموضـوضوع دا ممكـن بعد تقراهـو (تدلتـو) 
* يا زول كمبيوترك دا لازم ( تفرمـتو) من اول وجـديد
* مناضـلي (الكـيبوردات)
والكثير المثير
| |
|
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
الجكسايات
جمع تكسير للجكساية وهي في لغة الفرنجة chick وجمعها chicks
والموبايلات جمع موبايل nokia كان أو حتى Sony Ericsson
والمسكولات جمع مسكول سالم يستوجب السكون أو الضم
والمولات مفردها مول على وزن LOL أو Doll
تي شيرت جمعها تي شيرتات بعيداً عن كونها نص كم أو كم طويل أو حتى كم حيران
الفايل فايلات
والفاول فاولات
البنلتي بلنتيات
السي دي سيديهات
المايك مايكات
ساندوتش (شاطر ومشطور) جمعها ساندوتشات
هناك Lineman وتجمع لاينمانات أو لاينزمانات
ليموزين ليموزنيات
| |
|
|
|
|
|
|
|
|
|
Re: انـجـليزي مـتسـودن!! (Re: almulaomar)
|
الاخ الملا عمـر
تحياتي
Quote: الجكسايات
جمع تكسير للجكساية وهي في لغة الفرنجة chick وجمعها chicks
والموبايلات جمع موبايل nokia كان أو حتى Sony Ericsson
والمسكولات جمع مسكول سالم يستوجب السكون أو الضم
والمولات مفردها مول على وزن LOL أو Doll
تي شيرت جمعها تي شيرتات بعيداً عن كونها نص كم أو كم طويل أو حتى كم حيران
الفايل فايلات
والفاول فاولات
البنلتي بلنتيات
السي دي سيديهات
المايك مايكات
ساندوتش (شاطر ومشطور) جمعها ساندوتشات
هناك Lineman وتجمع لاينمانات أو لاينزمانات
ليموزين ليموزنيات |
هـذه اضـافة قيمـة وبها حصـر جـيد لكثير من العبارات التي تسـودنت
تشكـر للمرور والاضافة.
| |
|
|
|
|
|
|
|
|
|
Re: انـجـليزي مـتسـودن!! (Re: Kamal Mahjoob)
|
Quote: المسكولات
الإسكراتش |
الاخ كمال محجوب...شكـرا للمرور والاضافة.
برضـو من اثر ما تسـودن من هـذه المفرادات هـنا
يقول ليك الزول دا (مصطكـي) جنس (اصطكاكـة) ياخي (البلات) طلعت روحـو 
ودي.
| |
|
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
من اجمل التعبيرات السودانية والتي كثيرا ما كنا نشاهدها في المسلسلات والمسرحيات السودانية القديمة ايام مكي سناده وعوض صديق خصوصا لمن يكون المشهد بوليسي ان يصيح رجل الشرطة هنضب عندك وغالبا ما يكون اخر مشهد.
حقيقة الكلمة دي هنضب عندك اخدت مني وقت عشان اعرف ان المقصود بيها
HANDS UP
مع الود
| |
|
|
|
|
|
|
|
|
|
Re: انـجـليزي مـتسـودن!! (Re: محمد حيدر)
|
الاخ محـمد حـيدر
موفور سـلاماتي
شـفت بالله جنس (الهنضـبة) دي
Quote: حقيقة الكلمة دي هنضب عندك اخدت مني وقت عشان اعرف ان المقصود بيها
HANDS UP |
اهـا يا محـمـد تقـدر تعرف لي( فرزنـة) مقـصود بيهـا شـنو؟؟
والله نفسـي اعرف منو السـودن الكلمـة دي ( وجـه مبتسـم).
ودي
| |
|
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
الخيـــر يا عشــاي
ســلام
أضف عندك:
دبرسة =depressed
هاردلك (بعض الناس يستعملوها غلط : تكون غالب في الكورة يجي واحد يقول ليك هاردلك يا كابتن) ويكون قاصد التهنئة( قودلك)
تحياتي
| |
|
|
|
|
|
|
|
|
|
Re: انـجـليزي مـتسـودن!! (Re: Ahmed Hamza)
|
الاخـوان جعفـر ابراهـيم
احـمد يوسـف ابوحـريرة
احـمـد حـمـزة
لكم جمعيا وافـر الشكـر والتقدير لرفـد هـذا
الخيط ببعض مما جـادت به قريحـتنا المسـودنـة
للغـة الفرنـجـة....ولكن الا ترون معي اننا اصبحنا
وبغير ارادة منا نستعمـل هـذه المفردات في لغتنا اليومـية
وكأنها جـزء اصـيل من لغتنا الام؟؟؟
ترى كـيف سـيكون حال العربية- بعد قرنين من الزمان- اذا
اسأتمرانا نحن هـذه الامـر وتعاملنا معه بلا جـدية؟؟؟
مرة اخرى ودي لكم كامل غير منقوص
وابقوا قـراب.
| |
|
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
ابوه شال (اللابتوبات) .. بعد ما كان شايل (الكلاشنكوفات) ...
ومن البسكليت ...بقو سايقين (الباكسي) ... و (بكب) كمان ...
و المتعوفن بقى (متلوشن) ... بقا من اولادالراحات وعملو(فايلات) ...
و لما الحديدة تقيف ما بفرز (الجربوكس) ...(الكربريتر) ...
بعرف لـ رسيل (الميلات) ...و برضو (المسجات) ...
و تعمليه (مسكولات) عشان يعمليها (كول) ....
و يجيها في البيت يعمليها (سيتب) للويندوز ... و (دليت) لـ (التمب) ....
و بكرة من الصباح على قعاد (البنشات) و بعدين اكل (السندوتشات) من (الكافتريات) ....
و ينسى (الدبرسة) و يبقى زول (فريش) ....
و يا سيد البوست ازيك عليك الله ...
| |
|
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
سلام الاخ الخير
موضوعك دسم ومشوق إذتوجد مفردات سودانجليزية لاحصر
لها لكن انا لاحظت انه في السودان بستعملوا كلمات
علي انه انجليزية لكنها مامتداولةهنا في امريكا
مثلا في السودان بنقول جديد لنج انا قاعدة 12سنة في
امريكا كلمة لنج دي ماسمعتها ولا قريتها نهائي ماعارفة
اصلها شنو كدي زول يوقعها لي
| |
|
|
|
|
|
|
|
|
|
Re: انـجـليزي مـتسـودن!! (Re: الخير محمد عوض)
|
الخير سلامات
طبعا اللهجة السودانية من اكثر اللهجات اقتباسا من اللغة الانجليزية
والمشكلة انو الاقتباس بيتاصل في اللهجة لدرجة انو بيبقى مفردة اساسية وليس اقتباسا
مثلا :
اها البرنامج الليلة شنو program
ولع اللمبة دي lamp
المكنة دي ولعت Machine
ياخي ماقلنا ليك سوري خلاص sorry
انا بطبعي بتنرفز بسرعة nervous
والملاحظ يالخير انو الاختراعات تحديدا بتاخذ نفس الاسم الانجليزي تحديدا ودا في كل اللغة العربية
التليفيزون
الراديو
الموبايل
اللمبة
من غير اي تغيير في استخدامها حيث انها اصبحت تستعمل رسميا في كل اللغات
والموضوع فيه لنك (link) مباشر مع تداخل اللغات وهو شيء طبيعي ناتج من تداخل اللغات
والثقافات
لي عودة
| |
|
|
|
|
|
|
|
|
|
Re: انـجـليزي مـتسـودن!! (Re: ايوب عبدالرحيم)
|
الاخ سـوباجـو
وافر التحيات لرفدك البوسـت بهـذه المفردات بلغـة
تداولنا اليومي (الغير ارادي)...كنا قريبا ونتوقع منك المزيد.
الاخت سهـير الشيخ
لك كامل الشكر للمرور والاضـافة وحتى لا ياتي زمان تستغرب فيـه
اجيال قادمـة عن اصـل وفصـل مثل المفردات التي نحن بصددها الان،
وحتى لا يضيع اصلها مثل ما ضاع اصل كـلمـة (لنج) وددت القاء الضوء
علي فكرة تناولها وربما وربما خطرها القادم...واحتراماتي
الاخ الصديق ايوب عبد الرحيم
| Quote: والمشكلة انو الاقتباس بيتاصل في اللهجة لدرجة انو بيبقى مفردة اساسية وليس اقتباسا |
واصل اللغة المسموعة هـو الصوت والصوت عبارة عن مكونات مسموعـة تصدر بتعليمات من المخ لانتاجها
وتاتي عبر ذبذبات عبر الفم والانف ولكل صوت وضع معين يكون عليه اللسان والاسنان ومقدار لفتح الفم.
كل هذا الانتاج الصوتي يتم استعابة وقبوله اذا ما تم استحسـانة من فئة معينة او مجتمع معين فيستطيبة ابدالا لاصل كلمات كانت موجودة بالفعل وهنا تتم عملية تلقائية للتحول اللغوي ( احلال وابدال)..وحقيقة الامر ان الموضوع يتعدي هذه المفردات الملفوظة بكثير ولكن ما نحن بصدده الان
هو
Quote: هـل لنا بأن نقـرأ في المستقبل البعـيد او القريب بان تغـزو
هـذه المفـردات قامـوس اللغـة العربية وتصـبح جـزءا من لغـة
تعامـلنا اليومـي ؟؟؟ |
لك كامل الود
وفي انتظار مساهمة الجميع.
| |
|
|
|
|
|
|
| |
الخير محمد عوض
محجوب البيلي
almulaomar
محمد حيدر
Gaafar Ismail
Ahmed Yousif Abu Harira
Sobajo
ايوب عبدالرحيم
عبدالمنعم الرزوقي
فيس بوك
تويتر
انستقرام
يوتيوب
بنتيريست