***** نجحوا .... ركبوكم بص الكلاكلة و هم ماشين الحلفايا ... 😂😂😂 *****

07:36 PM January, 10 2018

سودانيز اون لاين
ABUHUSSEIN-السعودية الرياض
مكتبتى
رابط مختصر

و الرغيفة بي جنيه .....
😂😂😂😂😂😂

ياها دي الطريقة الممشين بيها امورهم ليها سنين ....
و برضو بنجحوا فيها ....

عايز تقول شنو

عجّل يا وهم

الشعب المسكين يبكي من الرغيف .....
و الاسافير كلها ساكة قاسم بدري ....

Quote: عايز تقول شنو عجّل يا وهم

ضنب ككو ..... 😂😂😂😂😂

ما ضنب ككو في فيديو قديم

لكن دا جديد لنج

برضو ......
مهما كان اهم من الرغيف ..؟؟؟؟؟

التربية أهم من الرغيف يا أبوحسين

هههههه
هو كان في تربية كانت تكون في مشكلة رغيف أصلاً!!!

Quote: التربية أهم من الرغيف يا أبوحسين

😂😂😂😂😂😂
دا عندك انت ......
انا عندي الرغيف اهم من التربية ....

و كان فى تربية كان بكون فى رصاص فى الراس

خلينا نشوف موضوع التربية دا كم يوم ونأصله وبعدين نتابع موضوع الرغيف

الأهم ثم المهم

خلينا نشوف الاكل اول حاجة لأنو نحن شايفين إنو هو الأهم ....

لا نجحو ولا حينجحو
لما الناس تحس بالجوع بالجد مافي شيء ممكن ينسيهم
شغل الحكومة بتاع التخدير وصرف النظر عن القضايا المهمة ده عندو حد ما ممكن يتجاوزوا
ولو كانت الحكومة عندها حل حقيقي مؤسس ومضمون لي قدام ممكن نقول انها نجحت
لكن ما عندها ياهو الكضب والتضليل ده ، وده مهما كان لازم يصل لنهايتو
وبعد شوية قاسم بدري ذاتو ما حيكون عندو حيل يساكك بيهو البنات
مشكلة المؤتمر الوطني هي انو اي حاجة عايز يقلبا سياسة وتذاكي
لكن لمتين ؟

بالعكس يا عبدالله نجحوا و بي إمتياز ....
الآن كل الاسافير مشغولة بي قاسم بدري
و كلها بتنفخ في البالونة اختلاق قصص و حكاوي جديدة
و مافي اي خبر لي موضوع الرغيف ....
و مظاهرات جامعة الخرطوم الاهم برضو راحت شمار في مرقة ...

مناضل بي غادي قال ليكم البشير امبارح القريبة دي كان متعشي مع قاسم بدري في بيته .... 😂😂😂😂😂😂

خلينا نستغل بوستك دا في التوضيح أن الحملة على قاسم بدري مستمرة من 2013

ودي فترة طويلة وتحتاج لمعالجة

وبصورة أخرى ممكن تستغل البوست دا لدعم مسيرة التصحيح والثورة التعليمية

بوستي انا فاتحو عشان افهم الناس انو الكيزان عايزين يشغلوهم عن المشكلة الحقيقة بي مواضيع اقل اهمية و الهاء الناس عن غلاء اكلهم و دجل الكيزان و التغطية على فسادهم و لصوصيتهم و جرائمهم ....

أنت موش عايز شرارة؟
موضوع التربية دا ممكن يكون شرارة تقلب النظام همتك معانا

القال ليك منو انا عايز شرارة ... ؟؟؟؟
انا عايز الناس تنجض موضوع الرغيف عشان الحرامية ما ياكلو على حساب جوع المساكين ....

و اذكرك انك ممكن تفتح ليك بوست و تبيع فيه بصل يعني حسب مزاجك ....
البوست دا معمول لي حقوق الغلابة المساكين ....

أعصابك يا أبوحسين ما عهدناك هكذا!!

طيب ممكن اتحاور معاك في موضوع الحرامية دا بموضوعية؟

الحرامية ديل أصحاب المخابز ولا مطاحن القمح ولا المستوردين ولا الحكومة؟

بعدين قالوا الطبالة بيشتروا الرغيف التلاتة بجنيه ويبيعوا الإتنين بجنيه من أبو اربعين جرام هل هم حرامية برضوا ولا مساكين؟

يعنى الفيلم ما حقيقة مفبرك ؟!

Quote: يعنى الفيلم ما حقيقة مفبرك ؟!

الكلام دا من 2013 ظهر الآن و زادو عليه اكاذيب
و الغرض منو إلهاء الناس عن موضوع الرغيف و المظاهرات في جامعة الخرطوم و بعض المدن .....
و للأسف الجميع انساقو ليهم و ما قصرو معاهم
الآن كل الفيس و الواتس و اهو هنا برضو ساكين قاسم بدري ...

منو يلهى منو ناس الحكومة ؟ وليه اختارو قاسم بدرى ورئيسهم قبل يومين مسجل ليهم زيارة ومسجل ستنا بدرى

و مكرم ستنا بدرى ؟!

ما اظن الموضوع بستحق كل الجوطة دي ....
الطالبة اللي ضربها ما اشتكت او حتى لامت قاسم بدري دا طبعا ما سمعت بيه و لا في زول قال حصل ..
يعني اي بنت ضربها ما اشتكت منو ...
كل الخريجات و الطالبات الآن الاتكلمن عنو ما نفو الحصل لكن قالو امر عادي و مفهوم ليهم انو الزول دا بتصرف بدافع المربي .....

ليه الموضوع دا اخد الزخم دا كلو الآن .... ؟؟؟؟

يا أبوحسين

إذا كان هناك اعتداء بمقتضى القانون فهناك حق خاص وحق عام

ما تتحدث عنه أنت هو الحق الخاص

سلامات يا أبو حسين
قولك:
(( نجحوا .... ركبوكم بص الكلاكلة و هم ماشين الحلفايا))

طيب مالو؟؟ نصل الكلاكلة وبعدين نحصلهم في الحلفايا!!
خبز حرية عدالة والثورة خيار الشعب
والسايقة واصلة

عقلية قاسم بدري هي نفس العقلية التي تعكسها هذه المشاهد التي تمارسها سلطات الدولة بقانونها المسخ الشائه المفسد، وشرطتها الفاسدة، وقضاتها المنحطون.
والي الخرطوم يدافع عن المشهد المخزي بجلد تلك الفتاة






وطبعا اتضح أخيرا من هو عبد الرحمن الخضر فقد سارت بفضائحه الركبان.. ما لم ينهض الشعب لإزالة قوانين هؤلاء اللصوص القتلة لن يحصل خلاص لهذا الشعب.



وطبعا الجميع شاهدوا البشير مع قناة الجزيرة يقول بأنهم لا يطرف لهم جفن في تطبيق الشريعة والعقوبات الحدية. في الموضع 40 دقيقة والثانية 9..

Quote: عقلية قاسم بدري هي نفس العقلية التي تعكسها هذه المشاهد التي تمارسها سلطات الدولة بقانونها المسخ الشائه المفسد، وشرطتها الفاسدة، وقضاتها المنحطون. والي الخرطوم يدافع عن المشهد المخزي بجلد تلك الفتاة

و عليكم السلام
حرام عليك يا ياسر .......
البتعملو فيه دا مساعدة كبيرة جداً لأعداء الشعب السوداني
شتان ما بين قاسم بدري و الأمثلة الإنت جبتها دي ....
بتخدمو في الكيزان رغم إدعائكم بأنكم ضدهم ....
ما أظن المساكين البدفعوا جنيه عشان يشتروا ليهم رغيفة شغالين بي قاسم بدري
لكن أهو موضوع ساهل بالنسبة ليكم تنظروا فيه و غيرك ينجر ليه كم كذبة يلحق بيها السوق.....
حسوا بي هموم المواطن المسكين عشان تقدروا تعملوا ليه حاجة
ما تساعدوا الظالم و تدعوا إنكم ضده .....
ما تظلموا المواطن و تدعوا كذباً إنكم معاه ....

ساعدتو الكيزان في جعل مشكلة الرغيف أصبحت منسية ..........
المواطن المسكين منتظركم تساعدوه في الرغيف و إنتو جاريين وراء قاسم بدري....
فعلاً الأسافير في وادي و مصائب المواطن في وادي تاني .....

تسلم يا أبو حسين
وتعجبني وطنيتك وإحساسك بمشاكل الشعب المباشرة. ولكن دعني أوضح لك العلاقة بين تصرف الببروفيسور قاسم بدري وبين تصرف ناس البشير في كلمة واحدة وهي "الوصاية". قاسم بدري يدَّعي وصاية على الطالبات تسمح له بمثل هذا التصرف، وجماعة الإنقاذ يدَّعون وصاية على الشعب السوداني..

تخريمة: منو القال ليك الناس ما مهتمين بقضية الغلاء والفساد؟؟

ياسر

شوف عاين دا يا أبو حسين

شروط الخروج على الحاكم بقلم د. عارف الركابي شروط الخروج على الحاكم بقلم د. عارف الركابي

حبيبنا أبوحسين .. مودتي ..
قراءة صحيحة 100% يا أبوحسين ..
ده علم قائم بذاته ( صرف الانتباه )
موضوع مصر برد شوية
جابوا موضوع قاسم بدري .
وبكرة موضوع آخر ..
ايام ضرب مصنع الشفاء سمعت أن كلينتون عملها لصرف الانظار عن فضيحة مونيكا
كنت أسمع في سي إن إن واحد من الضيوف أصر أن هذا الهجوم فقط ( Divert Attention ) صرف الانظار أو الانتباه
والسودان ليس فيه أي مصانع كيماوية ..
والخوف لدى العالم أن ترامب ممكن تحت هذه ذريعة يدمر العالم .. ( كوريا .. إيران .. إلخ)

لسع حيكون موضوع إرتيريا .. إلخ

شكراً ابوحسين لهذه القراءة الذكية ..

Quote: قاسم بدري يدَّعي وصاية على الطالبات تسمح له بمثل هذا التصرف،

وين إدعى يا ياسر ......؟؟؟؟؟؟؟؟
قال ليك إنت ...؟؟؟؟؟
في لقاء على واحدة من القنوات ...؟؟؟؟
في لقاء صحفي أو تصريح منشور في الصحافة ...؟؟؟؟

Quote: تخريمة: منو القال ليك الناس ما مهتمين بقضية الغلاء والفساد؟؟

السوشيال ميديا اللي أنا شفتها كلها بتكتب عن موضوع قاسم بدري و للأسف ما لقيت موضوع واحد عن الرغيف ....

Quote: حبيبنا أبوحسين .. مودتي .. قراءة صحيحة 100% يا أبوحسين .. ده علم قائم بذاته ( صرف الانتباه ) موضوع مصر برد شوية جابوا موضوع قاسم بدري . وبكرة موضوع آخر .. ايام ضرب مصنع الشفاء سمعت أن كلينتون عملها لصرف الانظار عن فضيحة مونيكا كنت أسمع في سي إن إن واحد من الضيوف أصر أن هذا الهجوم فقط ( Divert Attention ) صرف الانظار أو الانتباه والسودان ليس فيه أي مصانع كيماوية .. والخوف لدى العالم أن ترامب ممكن تحت هذه ذريعة يدمر العالم .. ( كوريا .. إيران .. إلخ) لسع حيكون موضوع إرتيريا .. إلخ

الحبيب أستاذنا علي
صرف الأنظار دي مكررة و بقت واضحة للجميع إلا ناسنا في الأسافير .....
و الكيزان و مسانديهم أكيد مرتاحين للحملة ضد قاسم بدري ...


تحياتي يا طيب

أنت تتساءل يا أبو حسين: أين ادعى قاسم بدري وصاية على الطالبات؟ هل قال ذلك لي أو في واحدة من القنوات؟

طبعا ليس بالضرورة أن يقول ذلك صراحة ولكن تصرفه يشي بأنه يزعم لنفسه وصاية أبوية وأنه يريد مصلحة الطالبات بل يعرفها أكثر منهن. وهذا ما فلت قوله من بعض الطالبات، وهو يعني أنهن تشربنه منه هو. وإليك نموذج من ذلك:

ماله مايدقنا عاااااااادي ابونا ......راضين كان بشلتنا وبنمشي نعتذر له في المكتب ونستناه لمممممممممااااا​ا يقول لينا صافية لبن كان ماقالها مابنمشي من جمبه لانه ماكان في يوم مؤذي ولو بلغ الاذى

قاسم بدري (( اب )) واعتقد ان تصرفه ده بدافه يحمي بناتهم من قبل حلف للعساكر البيعتب خطوة جوة الجامعة مايلوم إلا نفسه ...الجامعة بيتي وديل بناتي والليقرب من يتحمل النتيجة .......دة قاسم بدري الانتو مابتعرفوه........قاسم بدري يدقنا ويكسر رقبتنا ماتدخلوا بيناتنا.

مابنخجل من تصرفه في لحظة غضب نحن بناته بنحبه وبتحمل غضبه ولا بنكبر عليه في يوم ان شاءالله يشيل لنا العصايا لكن نحن عارفين هو من .....ومتاكدين انه ماانفجر ومد يده من هين

الحبيب ياسر .. شكراً
مداخلتك مهمة جداً لا بد من الوقوف عندها

التحية حبيبنا ابوحسين ..

Quote: طبعا ليس بالضرورة أن يقول ذلك صراحة ولكن تصرفه يشي بأنه يزعم لنفسه وصاية أبوية

يا ياسر كانت يدعي الآن بقت يشي ياسر ما تحاكم الناس بي نواياك انت و ادعاءك بما ليس لك به علم ....
قاسم بدري بيعرفوه طالباته و اصحابه
الغريبة موضوع الرغيف ما محتاج لي مجهود و ممكن الناس تنجزه بي حقايق و براهين مقنعة جدا ....

عجبي .....

ركزوا في ورقة الرغيف والبنزين والكهرباء هذه حقوقنا

الحكومة دايرة تجهجه باكاتنا

قولك يا أبو حسين:

Quote: يا ياسر كانت يدعي الآن بقت يشي ياسر ما تحاكم الناس بي نواياك انت و ادعاءك بما ليس لك به علم .... قاسم بدري بيعرفوه طالباته و اصحابه

أها أرجو أن تكون عبارات الدكتور قاسم بدري الفوق دي "عادي مدرس عاقب تلميذته" وهي تعني أن المدرس وصي أو قيم على التلميذة، تثبت ليك كلامي أنو بيدعي وصاية على الطالبات. وبالمناسبة هن لسن تلميذات فالتلميذ قاصر والطالب أو الطالبة يعتبر في سن الرشد ولا يجوز أن تكون هناك عليه وصاية تصل إلى درجة العقاب بالضرب كما شاهدنا.

ياسر