|
Re: ***** نجحوا .... ركبوكم بص الكلاكلة و هم ماشين (Re: Frankly)
|
لا نجحو ولا حينجحو لما الناس تحس بالجوع بالجد مافي شيء ممكن ينسيهم شغل الحكومة بتاع التخدير وصرف النظر عن القضايا المهمة ده عندو حد ما ممكن يتجاوزوا ولو كانت الحكومة عندها حل حقيقي مؤسس ومضمون لي قدام ممكن نقول انها نجحت لكن ما عندها ياهو الكضب والتضليل ده ، وده مهما كان لازم يصل لنهايتو وبعد شوية قاسم بدري ذاتو ما حيكون عندو حيل يساكك بيهو البنات مشكلة المؤتمر الوطني هي انو اي حاجة عايز يقلبا سياسة وتذاكي لكن لمتين ؟
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: ABUHUSSEIN)
|
أعصابك يا أبوحسين ما عهدناك هكذا!!
طيب ممكن اتحاور معاك في موضوع الحرامية دا بموضوعية؟
الحرامية ديل أصحاب المخابز ولا مطاحن القمح ولا المستوردين ولا الحكومة؟
بعدين قالوا الطبالة بيشتروا الرغيف التلاتة بجنيه ويبيعوا الإتنين بجنيه من أبو اربعين جرام هل هم حرامية برضوا ولا مساكين؟
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: Amira Hussien)
|
Quote: يعنى الفيلم ما حقيقة مفبرك ؟! |
الكلام دا من 2013 ظهر الآن و زادو عليه اكاذيب و الغرض منو إلهاء الناس عن موضوع الرغيف و المظاهرات في جامعة الخرطوم و بعض المدن ..... و للأسف الجميع انساقو ليهم و ما قصرو معاهم الآن كل الفيس و الواتس و اهو هنا برضو ساكين قاسم بدري ...
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: Amira Hussien)
|
ما اظن الموضوع بستحق كل الجوطة دي .... الطالبة اللي ضربها ما اشتكت او حتى لامت قاسم بدري دا طبعا ما سمعت بيه و لا في زول قال حصل .. يعني اي بنت ضربها ما اشتكت منو ... كل الخريجات و الطالبات الآن الاتكلمن عنو ما نفو الحصل لكن قالو امر عادي و مفهوم ليهم انو الزول دا بتصرف بدافع المربي .....
ليه الموضوع دا اخد الزخم دا كلو الآن .... ؟؟؟؟
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: Frankly)
|
سلامات يا أبو حسين قولك: (( نجحوا .... ركبوكم بص الكلاكلة و هم ماشين الحلفايا))
طيب مالو؟؟ نصل الكلاكلة وبعدين نحصلهم في الحلفايا!! خبز حرية عدالة والثورة خيار الشعب والسايقة واصلة
عقلية قاسم بدري هي نفس العقلية التي تعكسها هذه المشاهد التي تمارسها سلطات الدولة بقانونها المسخ الشائه المفسد، وشرطتها الفاسدة، وقضاتها المنحطون. والي الخرطوم يدافع عن المشهد المخزي بجلد تلك الفتاة
وطبعا اتضح أخيرا من هو عبد الرحمن الخضر فقد سارت بفضائحه الركبان.. ما لم ينهض الشعب لإزالة قوانين هؤلاء اللصوص القتلة لن يحصل خلاص لهذا الشعب.
وطبعا الجميع شاهدوا البشير مع قناة الجزيرة يقول بأنهم لا يطرف لهم جفن في تطبيق الشريعة والعقوبات الحدية. في الموضع 40 دقيقة والثانية 9..
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: Yasir Elsharif)
|
Quote: عقلية قاسم بدري هي نفس العقلية التي تعكسها هذه المشاهد التي تمارسها سلطات الدولة بقانونها المسخ الشائه المفسد، وشرطتها الفاسدة، وقضاتها المنحطون. والي الخرطوم يدافع عن المشهد المخزي بجلد تلك الفتاة |
و عليكم السلام حرام عليك يا ياسر ....... البتعملو فيه دا مساعدة كبيرة جداً لأعداء الشعب السوداني شتان ما بين قاسم بدري و الأمثلة الإنت جبتها دي .... بتخدمو في الكيزان رغم إدعائكم بأنكم ضدهم .... ما أظن المساكين البدفعوا جنيه عشان يشتروا ليهم رغيفة شغالين بي قاسم بدري لكن أهو موضوع ساهل بالنسبة ليكم تنظروا فيه و غيرك ينجر ليه كم كذبة يلحق بيها السوق..... حسوا بي هموم المواطن المسكين عشان تقدروا تعملوا ليه حاجة ما تساعدوا الظالم و تدعوا إنكم ضده ..... ما تظلموا المواطن و تدعوا كذباً إنكم معاه ....
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: ABUHUSSEIN)
|
تسلم يا أبو حسين وتعجبني وطنيتك وإحساسك بمشاكل الشعب المباشرة. ولكن دعني أوضح لك العلاقة بين تصرف الببروفيسور قاسم بدري وبين تصرف ناس البشير في كلمة واحدة وهي "الوصاية". قاسم بدري يدَّعي وصاية على الطالبات تسمح له بمثل هذا التصرف، وجماعة الإنقاذ يدَّعون وصاية على الشعب السوداني..
تخريمة: منو القال ليك الناس ما مهتمين بقضية الغلاء والفساد؟؟
ياسر
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: Yasir Elsharif)
|
حبيبنا أبوحسين .. مودتي .. قراءة صحيحة 100% يا أبوحسين .. ده علم قائم بذاته ( صرف الانتباه ) موضوع مصر برد شوية جابوا موضوع قاسم بدري . وبكرة موضوع آخر .. ايام ضرب مصنع الشفاء سمعت أن كلينتون عملها لصرف الانظار عن فضيحة مونيكا كنت أسمع في سي إن إن واحد من الضيوف أصر أن هذا الهجوم فقط ( Divert Attention ) صرف الانظار أو الانتباه والسودان ليس فيه أي مصانع كيماوية .. والخوف لدى العالم أن ترامب ممكن تحت هذه ذريعة يدمر العالم .. ( كوريا .. إيران .. إلخ)
لسع حيكون موضوع إرتيريا .. إلخ
شكراً ابوحسين لهذه القراءة الذكية ..
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: علي عبدالوهاب عثمان)
|
Quote: قاسم بدري يدَّعي وصاية على الطالبات تسمح له بمثل هذا التصرف، |
وين إدعى يا ياسر ......؟؟؟؟؟؟؟؟ قال ليك إنت ...؟؟؟؟؟ في لقاء على واحدة من القنوات ...؟؟؟؟ في لقاء صحفي أو تصريح منشور في الصحافة ...؟؟؟؟
Quote: تخريمة: منو القال ليك الناس ما مهتمين بقضية الغلاء والفساد؟؟ |
السوشيال ميديا اللي أنا شفتها كلها بتكتب عن موضوع قاسم بدري و للأسف ما لقيت موضوع واحد عن الرغيف ....
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: ABUHUSSEIN)
|
Quote: حبيبنا أبوحسين .. مودتي .. قراءة صحيحة 100% يا أبوحسين .. ده علم قائم بذاته ( صرف الانتباه ) موضوع مصر برد شوية جابوا موضوع قاسم بدري . وبكرة موضوع آخر .. ايام ضرب مصنع الشفاء سمعت أن كلينتون عملها لصرف الانظار عن فضيحة مونيكا كنت أسمع في سي إن إن واحد من الضيوف أصر أن هذا الهجوم فقط ( Divert Attention ) صرف الانظار أو الانتباه والسودان ليس فيه أي مصانع كيماوية .. والخوف لدى العالم أن ترامب ممكن تحت هذه ذريعة يدمر العالم .. ( كوريا .. إيران .. إلخ)
لسع حيكون موضوع إرتيريا .. إلخ |
الحبيب أستاذنا علي صرف الأنظار دي مكررة و بقت واضحة للجميع إلا ناسنا في الأسافير ..... و الكيزان و مسانديهم أكيد مرتاحين للحملة ضد قاسم بدري ...
تحياتي يا طيب
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: ABUHUSSEIN)
|
أنت تتساءل يا أبو حسين: أين ادعى قاسم بدري وصاية على الطالبات؟ هل قال ذلك لي أو في واحدة من القنوات؟
طبعا ليس بالضرورة أن يقول ذلك صراحة ولكن تصرفه يشي بأنه يزعم لنفسه وصاية أبوية وأنه يريد مصلحة الطالبات بل يعرفها أكثر منهن. وهذا ما فلت قوله من بعض الطالبات، وهو يعني أنهن تشربنه منه هو. وإليك نموذج من ذلك:
ماله مايدقنا عاااااااادي ابونا ......راضين كان بشلتنا وبنمشي نعتذر له في المكتب ونستناه لممممممممماااااا يقول لينا صافية لبن كان ماقالها مابنمشي من جمبه لانه ماكان في يوم مؤذي ولو بلغ الاذى
قاسم بدري (( اب )) واعتقد ان تصرفه ده بدافه يحمي بناتهم من قبل حلف للعساكر البيعتب خطوة جوة الجامعة مايلوم إلا نفسه ...الجامعة بيتي وديل بناتي والليقرب من يتحمل النتيجة .......دة قاسم بدري الانتو مابتعرفوه........قاسم بدري يدقنا ويكسر رقبتنا ماتدخلوا بيناتنا.
مابنخجل من تصرفه في لحظة غضب نحن بناته بنحبه وبتحمل غضبه ولا بنكبر عليه في يوم ان شاءالله يشيل لنا العصايا لكن نحن عارفين هو من .....ومتاكدين انه ماانفجر ومد يده من هين
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: علي عبدالوهاب عثمان)
|
Quote: طبعا ليس بالضرورة أن يقول ذلك صراحة ولكن تصرفه يشي بأنه يزعم لنفسه وصاية أبوية |
يا ياسر كانت يدعي الآن بقت يشي ياسر ما تحاكم الناس بي نواياك انت و ادعاءك بما ليس لك به علم .... قاسم بدري بيعرفوه طالباته و اصحابه الغريبة موضوع الرغيف ما محتاج لي مجهود و ممكن الناس تنجزه بي حقايق و براهين مقنعة جدا ....
عجبي .....
| |
|
|
|
|
|
|
Re: ***** نجحوا .... ركبوكم بص الكلاكلة و هم ماشين (Re: ABUHUSSEIN)
|
قولك يا أبو حسين:
Quote: يا ياسر كانت يدعي الآن بقت يشي ياسر ما تحاكم الناس بي نواياك انت و ادعاءك بما ليس لك به علم .... قاسم بدري بيعرفوه طالباته و اصحابه |
أها أرجو أن تكون عبارات الدكتور قاسم بدري الفوق دي "عادي مدرس عاقب تلميذته" وهي تعني أن المدرس وصي أو قيم على التلميذة، تثبت ليك كلامي أنو بيدعي وصاية على الطالبات. وبالمناسبة هن لسن تلميذات فالتلميذ قاصر والطالب أو الطالبة يعتبر في سن الرشد ولا يجوز أن تكون هناك عليه وصاية تصل إلى درجة العقاب بالضرب كما شاهدنا.
ياسر
| |
|
|
|
|
|
|
|