قوقـــل ... قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ

02:54 PM July, 09 2016

سودانيز اون لاين
يحي قباني-فى الدنيا العجيبة
مكتبتى
رابط مختصر

قوقل ... ذلك الشئ الغريب ...

الذي بدأ إسماً ...

ثم فرض نفسه على اللغات جميعاً ... فأصبح فعلاً ذو تصريفات ...

فيقال هل ( قوقلت ) الموضوع ... إو I googled it

كان يقال ان فلاناً صاحب علم و معرفة ...

الان يمكن ان يقال ان علاناً صاحب معرفة ... ( و البركة ) في عمنا قوقل قدس الله سره ...

و البعض يمضي اكثر عمقاً ... فيقول بل هو صاحب علم و معرفه من كثر ما يعرفه من معلومات ( قوقلية ) ...

قال هاشم صديق في زمن بعيد في ديون كلام للحلوة قصيدة بعنوان " مُثقف "

قرالو كتاب
حفظ اسمو و إسم كاتبو
و جُمل من اولو و آخرو
و بِقى مثقف خطير شأنو
يقعّر في الكلام دراب
و يقول رأيو
في كل الشعرا و الكتُاب

هل ما زالت قصيدة هاشم سارية المفعول ...

و هل يا ترى ... للعم قوقل الفضل في رفع مستوى العالمين ... و اصبح الذين لا يعلمون في مستوى من يعلمون ؟

ام خلط العم قوقل الحابل مع النابل ...!!!

عموما شئنا ام ابينا ...

فقوقل اخذ مكانه ما بين العنقاء و الخل الوفي ...

العم قوقل اخذ مكان الأب في احايين كثيرة ...

كان الابن او الابنة يأتي لأبيه للسؤال ... لان الاب في نظرهم يعرف كل شيء ...

كانوا ينتظرون عودته ليلاً لسؤاله ...او ان يستيقظ لو كان نائماً ...

الان بنقرة واحدة في تلفون او كمبيوتر ... يجيب عليهم العم قوقل الذي لا ينام و لا يكل ...

صاحبنا بحب ياخد راحتو في الونسة ...

لو قاطعوا واحد من الشلة بأنو المعلومة ما صاح ... و نكتها ليهو من قوقل عشان يصدق ...

تان يوم يضرب ليك و يقول ليك ياخ فلان ده مالو قاطعني و احرجني مع الناس ...

اصلوا الزول ما يعرف يتونس !!!

قباني كل عام وأنتم بخير

ياخي، أكرمني انت راجل بتفهم في الغناء والسمسرة والحاجات بتاعة الوسط الفني. عندنا ولد بغني ودايرين نرفع أسهمه بأي طريقة ما بتعرف ليك زول من الفنانين القدام ديل يكتب لينا عنو؟ فتشنا بقوقل، وما لقينا. ____ وما عندك مشكلة.

Quote: قباني كل عام وأنتم بخير ياخي، أكرمني انت راجل بتفهم في الغناء والسمسرة والحاجات بتاعة الوسط الفني. عندنا ولد بغني ودايرين نرفع أسهمه بأي طريقة ما بتعرف ليك زول من الفنانين القدام ديل يكتب لينا عنو؟ فتشنا بقوقل، وما لقينا. ____ وما عندك مشكلة.

و انت بخير يا حتومة يا حبيبنا ...

اها ( ما عندك مشكلة ) الفي اللخير ده معناتها ( حقي بره ) و لا كيف

انت براك قلت انا بفهم في السمسرة ...

Quote: انت براك قلت انا بفهم في السمسرة ...

هو كان ما كدة أنا بجيك

المهم، حقك برة، وعودك راكب، وانت فيها، وكلو حاجة. ____ بس يكون فنان قديم، ويكون زول واصل

Quote: هو كان ما كدة أنا بجيك المهم، حقك برة، وعودك راكب، وانت فيها، وكلو حاجة. ____ بس يكون فنان قديم، ويكون زول واصل

ليه ما بتجيني يعني ؟

لازم غلاط يعني ؟ ما في سلام لله بس ؟ :)

كدي خليني من قصة الفنان القديم دي ...

ما توريني رايك في قصة قوقل دي ...

هل عمنا قوقل ارتقى بمعارف الناس ... و لا كلام هاشم صديق صاح .؟

سلام يا هندزة .. وعيدك مبارك

من ناحية إرتقاء دي بفتكر إنها تعتمد على الغرض من الاستخدام نفسه
ونوع المعرفة المطلوب البحث عنها (قوقلتها)

يعني زي صاحبك دا مثلا:


مودتي

Quote: من ناحية إرتقاء دي بفتكر إنها تعتمد على الغرض من الاستخدام نفسه ونوع المعرفة المطلوب البحث عنها (قوقلتها)

أبو عاقلة يا حبيب ...

حقيقة في ناس اعتقدت اني فاتح البوست ده و في بالي حاتم إبراهيم ...

حتى حاتم نفسه بيعتقد كده ...

الحقيقة انو الكلام ده صحيح ... بس مش بمفهوم مساككة او كلام باللفة ...

المقصود لو أي زول عنده الاستعداد الفطري للاستيعاب ... هل الانترنت ليهو دور في الارتقاء بمعارفه ؟

زمان ممكن يكون انسان عبقري لكن ما عنده أي شي متاح للاطلاع او السفر او أي مصادر اخري ...

الان بكليك واحدة بلقة الكثير ...

فلو كان شخص عنده استعداد فطري للعلم و المعارف ... فهل الانترنت ساعد و سهل عليهو ...

و هل عمنا قوقل ليهو دور ؟

موضوح حاتم إبراهيم او ظاهرة حاتم كما اسميتها ... البعض يعتبره انسان مطلع واسع المعرفة ...

و البعض عكس ذلك ...

فهل لانو ( المغرفاتية ) البغرفوا بإهمال طغوا على كل ذو معرفة؟

مساخة حاتم او استهزاؤه بالناس ما موضوعي هنا ...

المسألة هل حاتم و اخرين كثر لو افترضنا ان معارفهم وارد عمنا قوقل ...

هل يمنع ان نطلق عليهم أصحاب علم و معرفة؟ خاصة في زمن الكتاب اصبح شحيح و النت اخد المواقع الامامية ؟

Quote: ليه ما بتجيني يعني ؟ لازم غلاط يعني ؟ ما في سلام لله بس ؟ :)

لا ياخي ما تفهمني غلط، قصدي بجيك لثنائية التخصص (فن+سمسرة) نادر

كلام هاشم صديق خطأ طبعاً الثقافة الورقية انتهى عهدها وأظنك في كندا مدرك للحقيقة دي، الناس بقت تكندل خليك من تقوقل. الفهم العام للشخص غير المطلع إنو غوغول موقع للمعلومات. بينما غوغول مجرد فهرسة لمصادر المعلومات، أشبه بأمين المكتبة الممكن يوفر ليك معلومة عن كتاب معين. لكن برضو السياق صحيح في حالة الكتب من خلال مشروع (Google Books) لأنو نصوص الكتب موجودة في الموقع نفسه. ____ أها، عمل بوست دعاية لفنان أو فنانة بواسطة فنانك الواصل بيكلف كم؟

Quote: لا ياخي ما تفهمني غلط، قصدي بجيك لثنائية التخصص (فن+سمسرة) نادر

رأيك شنو نتكلم بالمفتوح ؟ ...

نسمي الأشياء بمسمياتها ...

يا قباني أبو زنبارة دا جليهو، أوعك تساعدوا .

عندنا واحد مسمينو شيخ كلك،
بكلك واحدة يفتيك زي الماحصل شي .

تحياتي يا قباني
بذاكر لحتوت اتغالطنا في معلومة انا جريت على اللاب توب اتاكد قبل ما افعل كان هو قوقلها من التاب و جاب الأكيدة
الحصل دا فتح باب نقاش طويل عريض عن ليه مفروض يحفظ كل المعلومات دي طالما انها على بعد نقرة او اثنين ممكن يلقاها, منطقي الحاولت اقنعه بيه انا ذات نفسي ما قسّم معاي و حجة انه يحفظها عشان يباصي الإمتحان زنقني فيها انها اقرب للغش إن لم يكن غش عديل, واتفلسف علي انه لو عنده نضارة قوقل ودخل بيها الإمتحان ممكن يجيب الدرجة الكاملة طيب و إلخ إلخ إلخ
في النهاية لجأت للحجة و المنطق السوداني الأزلي البضمن ليك الفوز في اي جدال مع اولادك ناس انعل ابوك اسمع الكلام ما تغالط ...إلخ
حسمت النقاش فعلا بسلطة الأب و بتاع لكن في النفس شيئ من حتى و عجز في المنطق

اعتقد ان قوقل و النت عموما هي توولز توفر آكسس سهل و سريع لمصادر المعلومات, هذه المصادر فيها الغث و الثمين وفيها المعتمد وفيها المنجور, تبقى مسؤولية الباحث في التحقق من اعتمادية المصدر و اختياره و المقارنة مع المصادر الأخرى.

Quote: تحياتي يا قباني بذاكر لحتوت اتغالطنا في معلومة انا جريت على اللاب توب اتاكد قبل ما افعل كان هو قوقلها من التاب و جاب الأكيدة الحصل دا فتح باب نقاش طويل عريض عن ليه مفروض يحفظ كل المعلومات دي طالما انها على بعد نقرة او اثنين ممكن يلقاها, منطقي الحاولت اقنعه بيه انا ذات نفسي ما قسّم معاي و حجة انه يحفظها عشان يباصي الإمتحان زنقني فيها انها اقرب للغش إن لم يكن غش عديل, واتفلسف علي انه لو عنده نضارة قوقل ودخل بيها الإمتحان ممكن يجيب الدرجة الكاملة طيب و إلخ إلخ إلخ في النهاية لجأت للحجة و المنطق السوداني الأزلي البضمن ليك الفوز في اي جدال مع اولادك ناس انعل ابوك اسمع الكلام ما تغالط ...إلخ حسمت النقاش فعلا بسلطة الأب و بتاع لكن في النفس شيئ من حتى و عجز في المنطق اعتقد ان قوقل و النت عموما هي توولز توفر آكسس سهل و سريع لمصادر المعلومات, هذه المصادر فيها الغث و الثمين وفيها المعتمد وفيها المنجور, تبقى مسؤولية الباحث في التحقق من اعتمادية المصدر و اختياره و المقارنة مع المصادر الأخرى.

شفت احفظ دي هي الطلعت ديك الشعوب العربية ...

و بصراحة كلام حتوت منطقي لأنه لو فاهم الموضوع ... يخلي الحفظ للنت و عمك قوقل ...

شفعنا هنا يا محمد مراحلهم الأولى زي اللعب ...

الشافع من الروضة لازم كم مرة في السنة يجيب معاهو لعبة او حاجة بحبها و يقيف قدام الفصل و يتكلم عنها

الحصة دي اسمها Show and Tell

اها طول السنين هو شغال " شو اند تل " ...

الشو اند تل ده ياهو زاتو ال Presentation

في الجامعة عادي يشتغل مشروع و يجي يعمل بريسنتيشن قدام 500 زول ... لانه كسر الرهبة من الروضة ...

لمن يكبر و يدخل الحياة العامة ... من السهل جداً يقيف على مسرح او غيره و يقدم شي او يشرح شي ...

الشئ التاني و من الروضة برضه ... يوروهو يعمل بحث كيفن ...

يمشي النت و ينزل مواضيع و يعملها في شكل بحث و يجي قدام الفصل يعمل بريسنتيشن ...

انحنا يا هندسة في جامعة الخرطوم حتين سمعنا كلمة بحث ...

اما البريسنتيشن ... فخليها في سرك ...

Quote: يا قباني أبو زنبارة دا جليهو، أوعك تساعدوا . عندنا واحد مسمينو شيخ كلك، بكلك واحدة يفتيك زي الماحصل شي .

سلام يا مدير ...

حقيقة حاتم اصبح ظاهرة اختلف فيها الناس شرقاً و غرباً ...

فانا بناقش في الظاهرة عموماً و ليس حاتم بالتحديد ... و ان كان هو مضرب مثل للظاهرة ...

Quote: فلو كان شخص عنده استعداد فطري للعلم و المعارف ... فهل الانترنت ساعد و سهل عليهو

بدون شك، big YES

ببساطة يا قباني لأنو (الانترنت + الويب) هي في الأساس منتجات لغرض التعاون العلمي. شبكة الانترنت أول ما بدأت في أمريكا (جامعة كلفورنيا ، لوس أنجليس) وتطورت لشبكة (ARPANET) لربط الجامعات ومراكز البحوث، إذن الغرض علمي. والويب بمفهومه البرمجي أول ما بدأ كان في سويسرا (CERN) ودا معجل جسيمات نووية، يعني مركز بحوث. وقوقل (أحب أقول غوغول) برضو طلع من جامعة كمشروع تخرج، من جامعة ستانفورد. ____ إذن الما بيتعلم باستخدام الانترنت أو يستخدمو للغلاط زيي كدة والله يكون زول ساكت.

سلام تاني يا هندسة

بغض النظر عن موضوعك مع حاتم
ولو تناولنا عنوانك حسب المقدمة بتاعتو
نقدر نقول أن الفكرة الأساسية: إنه الغرض من البحث في قوقل
هو اللي بيحدد شكل المعرفة وعمقها والأدوات المطلوب استخدامها

وزي ما قال ود البشرى (فيها الغث وفيها السمين)
ويظل البحث في الكتب هو الأغنى والأفيد للجمع بين الأختين (العلم والمعرفة)

دا إذا أنا فهمت المعنى من هذا البوست
مودتي

Quote: بذاكر لحتوت اتغالطنا في معلومة انا جريت على اللاب توب اتاكد قبل ما افعل كان هو قوقلها من التاب و جاب الأكيدة

علمتو يا فقري القوقلة و الغلاط ......
عليك دينك أبعدوا من الكبسرة .....

سلام و ‘حترام للجميع

Quote: وزي ما قال ود البشرى (فيها الغث وفيها السمين) ويظل البحث في الكتب هو الأغنى والأفيد للجمع بين الأختين (العلم والمعرفة)

قصدك الكتاب الورقي؟

إذا دا قصدك يبقى كلامك غير منطقي، فالكتاب مجرد وسيط لنقل المعرفة بهيئة نصية. والانترنت أكبر وسيط لنقل المعرفة بأكثر من ثلاثة هيئات، بخلاف الميزات التانية. ____ هل تخيلت المنبر دا تكون فيهو البوستات والردود باستخدام الجوابات والأعمدة الصحفية؟

القال ليك منه إنه مجرد وسيط

Quote: فالكتاب مجرد وسيط لنقل المعرفة بهيئة نصية

وبعدين البوست يتحدث عن العلم والمعرفة معاً

غير كدا .. المعرفة الموجودة في معلومة قوقل مصدرها الكتاب نفسه كمراجع
فكيف يستوي المصدر (ليكون مجرد وسيط) مع الذي يغرف من المصدر ؟

دمت بخير

Quote: القال ليك منه إنه مجرد وسيط +++ وبعدين البوست يتحدث عن العلم والمعرفة معاً غير كدا .. المعرفة الموجودة في معلومة قوقل مصدرها الكتاب نفسه كمراجع +++ فكيف يستوي المصدر (ليكون مجرد وسيط) مع الذي يغرف من المصدر ؟

ومال خير جليس؟

وأنا داخل هنا لأني نموذج للمعرفة البيتكلم عنها سيد البوست، يعني أنا الحالة بتاعة الدراسة (case study) وقع ليك؟ لا ياباشا، المعرفة في عقل الانسان، شخبطها في البداية على الحجر، وبعدين اخترع الكتابة وبعدها الورق، ما عشان يفرفرو أو يخت الكتاب على صدره ويتفنقل عشان يقرأ، لا، آآآآي خير جليس أو خير ضجيع لكن دا ما الغرض. دا كووووولو بس عشان نحفظ المعرفة دي، وقع ليك؟ فإذن الكتاب هو مجرد وسيط حفظ للمعلومة وبالتالي المعرفة. وبتحفظها لييييييه؟ لأنك يا أبوعاقلة ياخوي بتحتاج تنقلها من جيل لجيل كنشاط فطري بشري لحفظ النوع، حتسألني حفظ النوع كيف!!!!؟ أوكي كتب تعليم الطب مثلاً، وقع ليك؟ آآي عشان ما تتكرر مشكلتك مع المرض وتنقرض. لكن الشعر والغنا بتاع ناس قباني دا وقص ساكت. حتسالني وسيط (medium) ليه، أها، سيرة الصحابة ديلك جاتنا في فلاش؟ القرآن المكتوب دا جانا في شريط كاسيت؟ هيااااا عمر، ماهي دي كلها بيسموها وسائط، إتا قاعد وين؟ انت بتسمي الكتاب مصدر فقط عندما تشير إليه للتدليل على مكان المعلومة، لكن تعال نسألك: لما تعمل إشارة للكتاب بتكتب اسم الكتاب براهو؟ ولا معاهو الانسان الألفه؟ في الكتب دلوقتي الناس بتشير للشخوص، حتى في نهاية الكتاب بتضع مع اسم الشخص اسم المؤلف بتاعو، تجي تقول لي الكتاب (مصدر). الانترنت يا سيدي خلاف وظائفها الأخرى فهي (وسيط) للمعلومات حفظاً ونقلاً دا التعريف المجرد، لما تشير لمصدرك على إنو الانترنت بتجمل التسمية إجمالاً لأنك ما حتقدر ترصد كل المعلومات الاتحصلت عليها وتسردها في المؤلف بتاعك. +++ إذا بجملة (مع الذي يغرف) بتقصد تسميني (وسيط) فأنا هنا ما (وسيط حفظ) زي (الكتاب) يا عمر، أنا ناقل، يعني أنا ما حافظ أي حاجة بنقلها للناس هنا، لا، أنا زيك وزي قباني لما الواحد يقرأ كتاب ويجي يتكلم هنا، كلنا بنغرف بس في واحد بيغرف من جردل والتاني بيغرف من بحر. دلوقتي الوسيطين ديل (الكتاب) و(الانترنت) مافي أي فرق بينهن من حيث الوظيفة الأساسية اللهم إلا الخصائص الأنا ذكرتها فوق (نصية، صوتية، صور إلخ) أو ما يعرف بالوسائط المتعددة (multimedia) في حالة الانترنت. بخصوص عالم وما عالم، دي مكتسبات بشرية متواترة، يعني يا عمر مافي زول بيلدوهو عالم، الفرق بين العالم والجاهل إنو الأول بيسعى للتعلم من شتى (المصادر) المصادر هنا أنا قاصد بيها أصناف المعرفة مش الكتب، وبكل الوسائط المتاحة (انترنت، كتب، أفلام، ونسة شفاهية). المشكلة في أننا كمجتمع متخلف لسة بنعتمد على المشافهة، وبنصر على السماع من أفراد بمزاعم أنهم (مصادر) العلم ودا الخطأ لأنهم هم نفسهم لا يختلفوا عننا سوى في نشاط التعلم وربما في مهارة التذكر والتحليل. ____ comprendes؟

Quote: انحنا يا هندسة في جامعة الخرطوم حتين سمعنا كلمة بحث ...

أوجزت

فإذن المشكلة الكبروا بيها الناس إنهم مفتكرين البحث دا حق العلماء أبان صلعات. لذلك حتى مجرد محاولة استكشاف الأمور واستخدامها للنقاش في نظرهم (غلاط) و (فلسفة) و(تشتيت). وصراحة بختلف معاك في الوصف (ظاهرة) لأني اعتقد إنو دا المسلك الطبيعي لأي شخص يحاول سبر مشكلة أو مناقشتها في فضاء عام بدل تربيع اليدين وانتظار فلان وعلان المنظراتية يتحكموا في طريقة حياتهم. ____ نحن محتاجين تاني ميتين وخمسين سنة تعليم

أعتقد دا موضوع ليهو علاقة

البحث في الانترنت، حقائق ومعلوماتالبحث في الانترنت، حقائق ومعلومات

Quote: Haytham Ali وقوقل اي حاجه واعمل نفسك عالم الا الكورة والمزيكا ديل مابتقدر تغالط فيهم وقوقل زاتو ما بديك فهم كتير يا بتعرف او ما بتعرفش علي قول البلح القصه هنا مامعلومات وبس وما ارقام جامده اي هبالة في المجالين ديل بتكشف نفسك في اقرب ملف وتضحك الناس عليك

الكلب بخاف على ضنبو يا هيثم

غوغول بيردشك لموقع المعلومة، بعد داك يفترض تشغل مخك عشان تقارن وتحلل وتفهم. وأظن أنقذناكم من التنظير والهبالة في المزيكا دي بالذات ____ هسع إنت وغيرك مش كنتوا مخدوعين إنو الأصوات جبلي وصحراوي وإنو الدليب دخل مع الإسلام وإنو يوسف أول زول يدخل البوليفوني للسودان؟

Quote: Jamal Al Donia · كسلا الثانوية استاذ قباني، نحنا زعلانين السنة دي لان بوست اغاني واغاني سقط ووقع بسبب القوقلاتيه ديل وانسحب اصحاب المهنة والتخصص فوقع البوست وقعة، ارجو الحذر من السقوط كبوست اغاني واغاني لمثل التداخل مع القوقلاتي ابوصفارة دا فانت ارفع مكانة من مجاراة الطعان المسئ لنفسه وغيره مدعي المعرفة اب صفارة.

بوست أغاني عند عزيز خطاب

والله قباني فكر فيني قبل ما يفتح البوست، فأظن هنا بيسموه توارد خواطر مش "مجاراة". ____ بعدين لو مستواك أغاني وأغاني فمن الطبيعي تشوف البعض (أصحاب تخصص) فالأمر نسبي

Quote: المعرفة الموجودة في معلومة قوقل مصدرها الكتاب نفسه

من ديك وعيك يا أبوعاقلة

ما جيتنا تاني يعني ____ لعل المانع خير

أبو عاقلة كيفك

هسع قول حبيت تتعرف على علاج مرض يصيب الأطفال أو طرق التربية لأنك على وشك تكون أب. فهل حتبحث عن كتاب باستشارة أصدقائك ولا تسأل دكتور أو تكتف يدينك وتقول نخليها للبعرفوا؟ وهل لو صادفت شخص يستقي كل معارفه من الانترنت دا في نظرك ما بيختشي مثلاً ولا دي فضيحة إنو ما قرأ كتاب زي ما قال الشاعر الفوق دا؟ ___ كسل السودانيين اتهام صحيح إذا كلهم بفكروا كدة

سلامات يا هندسة وزوارك الأفاضل ..
أظن فكرة البوست قائمة على قوقلة المعلومة ..
والأخ حاتم متجلي باعتبارو الاصطدي كيس ههه ..
زي ما قال حاتم قوقل عبارة عن مكتبة ..
القوقلة لا تعني بالضرورة أن من لجأ إليها أتاها خالي الوفاض ..
بالتأكيد بتكون عندو خلفية عن الموضوع حتى إن لم تكن متخصصة فعامة ..
لأنك لو ما عندك فكرة أولية عن الموضوع لن يسهل عليك الوصول لمصدرها عن طريق القوقلة ..
أحيان كتيرة الناس بتلجأ لقوقل فقط لتوفير مصدر لمعلومة معروفة لدية ..
وقد يكون مصدرها بحث أو دراسة غير منشورة أو حتى كتاب ..
طبعا في حالة الكتاب ممكن تكتب الاسم والمؤلف والصفحة ..
بس في عصر النت ممكن تلقى كتاب آخر يحتوي على نفس المعلومة ..
فتعمل على إنزال عنوان الموقع المنشور عليه لكي يلجأ إليه محاورك للتأكد من صحة المعلومة ..
أتفق معاك إنو قوقل يوفر خاصية الاطلاع على المعلومات ..
وتوسيع معرفتك في مجالات قد لا تكون درستها كمناهج أكاديمية ..
بس دا ما بمنعك تشارك بمعرفتك العامة في أي نقاش متخصص ..
لإنو صاحب التخصص لن يعجزه الإتيان بما يؤيد أو يصحح أو ينفي المعلومة العامة الجبتها ليهو..
أنا شخصيا لا أحبذ تتفيه المعلومة المقوقلة أو مصدرها النت عموما وتبخيس ناقلها..
بل آخذها بحذر وأبحث عما يدعم صدقيتها ..
تبخيس جهد المقوقل تثبيط لهمة البحث عن المعرفة لغير المتخصص ..
أنا مثلا ما بعرف طز من سبحانو عن علوم الهندسة ..
بس دا ما بمنعني أكتسب قدر من المعرفة عن طريق النت ..
آسف للإطالة .

الصديق حاتم،
متابعين لمجهوداتك التنويرية

انا دائماً كان بحيرني حسن الكرمي في برنامج قول على قول في القسم العربي لهيئة الإذاعة البريطانية في بحثة وإجابته دائماً على سؤال من القائل وما المناسبة وكان بفتشهم ورقياً من عدة كتب دون قوقل

يا منتصر حسن الكرمي بين يدية أكبر مكتبة ورقية من أمهات الكتب سواء في البي بي سي أو المكتبة العامة ..
بعدين البرنامج نفسو ما برنامج حواري لكي يتلقى إجابات متباينة عن المعلومة ..
مثلا قصيدة ( نالت على يدها ) البعض ينسبها للوأواء الدمشقي وآخرين ينسبونها ليزيد بن معاوية ..
يعني الغلاط موجود حتى في المدونات الورقية وكثيرة كمان. ..
وتلاحظها بوضوح في عنعنة الأحاديث النبوية.

Quote: زي ما قال حاتم قوقل عبارة عن مكتبة .. القوقلة لا تعني بالضرورة أن من لجأ إليها أتاها خالي الوفاض ..

دا كلام صحيح

مع فرق صغير، أنا ذكرت انو غوغول أشبه بأمين المكتبة، والقصد إنو مجرد تطبيق يعمل على فهرسة محتوى الويب الظاهر، ليس محتوى الانترنت، بدون غوغول (باعتباره أداة بحث) يستحيل تتوصل لمحتوى محدد (كتاب، رسالة أكاديمية، إلخ) ما لم تكن أنت ناشرها أو توصلت لعنوانها عن طرق أخرى، بالإيميل مثلاً. التفكير الحجري لمن يعتقد أن المعلومة في "بطون وأمهات الكتب" دا سبب التخلف الأنحنا فيه. وبالتأكيد، بدون خلفيات من الصعب جداً استخدام أدوات البحث مثل غوغول، أنا شخصياً لدي معرفة مناسبة عن معظم الموضوعات التي أطرقها هنا واستخدم غوغول لليحث عن مصادر جديدة للاستزادة تعينني في ذلك المباديء الأولية وقليل من المجهود عن الطريقة الصحيحة للبحث. _______ واستغرب جداً لحملة المعايرة بغوغول غير المبررة من البعض الذي لا يزال يتكيء على الشخوص.

.

.

الشيء بالشيء يذكر ...

كان في نقاش هنا ... اعتقد كان ما بطال ...

Quote: حقيقة في ناس اعتقدت اني فاتح البوست ده و في بالي حاتم إبراهيم ... حتى حاتم نفسه بيعتقد كده .. +++ حقيقة حاتم اصبح ظاهرة اختلف فيها الناس شرقاً و غرباً ... فانا بناقش في الظاهرة عموماً و ليس حاتم بالتحديد ... و ان كان هو مضرب مثل للظاهرة ...

دي نفس الرمية بتاعة زولنا داك!
هسع نجيب العدة وننزل تحت نفك الكرتيل بتاعك
صدقني حيطلع زيت (راجع) قديم خلاس، من أيام أبولو الفيهو ناس انبلو

ونبقى بعد داك في المحامين وورق الفولسكاب ويجونا ناس (التكييف القانوني)، ديلك
وبعد شوية نبقى في كان انتو دايرني هنا وقفوا حاتم هههه
أصلها بقت موضة اليومين دول
ياخي الكيك (عربجي لنضن)* الجا ليهو اسبوع بقى (يتذمر) ويقول (زملائنا) غادروا، تخيل يا قبة!
بقى (زميلك) زندية ساكت

أها، ولدنا قرب يقنع ياخ.

_______
(*) دا لقب وردنا من الفيسبوك، وعجبني قلت أجييبو ليكم تلايكوهوا.

ما داير تخلي اللقافة اصلك ...

كدي اقرأ البوست من الاول و اخد نفس و خلي الشفقة و جرجرة الشكل ...

البوست ده أديتك حقك فيهو كمنقب شاطر ...

غير كده ... أنسى ...🙄

السلام و الرحمة أستاذ قباني....
في البدء...
لا يسْتوي الذين يعْلمون والذين لا يعْلمون !

قوقل عظيم جداً ولكن أسهم في تأطير ثقافة التسطيح عند البعض ....
في اليوم بقرأ أشياء لا أعرف أضحك و لا أبكي !!! مثال بوست كان هنا عن الصلاة و حدث أن جبنا سيرة ال pseudoscience و منها ما رجعت لأسباب " قردية" هههه

ثم آي زول يقرا ليه كتاب و مقالين عاوز يفلق رأس الناس و ينظر تنظير لا تسطيع معه إلا الحوقلة....
البعض ...كما المثال عندك " حاتم" هنا يُمارس التجهيل عينك عينك و من ضهر قوقل ... خليني أديك مثال... بوست الموسيقى بتاعه!
الرابط في نهاية البوست...
بهذا البوست خم ليك الناس بدايةً بتبويبات و شروحات " مغروفة" و مترجمة بحرفنة ( تُحسب له) و رص صور و جدولة كالمعتاد...
أها شغل ذي ده ( يحسبه الظمآن ماء) ركز لي في حتة الظمآن دي...

سبق و أن درست كلاس وحيد زمن ال undergraduate كبداية في المعارف الموسيقية... أربعة أشهر من أصعب ( عكس ما توقعت) و أمتع الكلاسات...
بدأ الكورس من Medieval, Renaissance, Baroque, Classical, Romantic, and Modern periods إضافة لعلوم الموسيقى العامة
و جزء من الإمتحان كان سمعي... نسمع سبعة- عشرة مقطوعات و identify المؤلف , ياتو عصر, ....الخ من بينهن كانن سوناتات موزارت....
المهم الفكرة هنا إنه قريت الموسيقى كمبتدئة بمنهجة مكنتني إني بعديها أقدرcritically أن أميز الغث من الثمين في الموسيقى ...
ما معرفةً كبيرة في لُج بحر الموسيقى لكن الحد المعقول للتمييز و التمحيص إذا أردت ذلك ثم إتمكنت من أني أواصل شوية شوية لوحدي من أجل المتعة و عشان أعلم بناتي ...

أها لما شفت البوست و بخلفيتي المتواضعة في الموسيقى قلت في سري خرمجة مؤصلة في شكل وهمة للظِماء... حيث البدايات لا تكون هكذا... منهجياً!
خصوصاً الطرح كان عشان يعلم الناس أ , ب الموسيقى!!!

رص ليهم فيزياء الصوت و دوائر الكهرباء لتوليد صوت الكناري لحدي ما البوست بقى ما بيشبه الموسيقى و فقد ال مُستبشرين بنهل المعرفة منه بوصلة المتابعة...
أحمد ليه إستقطاع زمنه للترجمة و الجدولة و رص الصور...

لما عيني وقعت في البوست ما كان فيه جديد والناس اتداخلت و بعض الظِماء استبشروا خيرا لينهلوا من نبع عبقريته !!!
سأله أحد المتداخلين عن المصدر ( الرص واضح ) المهم و بحرفنة قال بعد ما ينتهي من البوست ... و إلي يومنا هذا...
الحرفنة و الزوغان من المصادر عشان يواصل إيهام الظِماء بإنه " خطير جد"
ثم تداخل الأخ المحترم و عزيز عزيز ( عبر عني و أنا بقرأ في البوست تماماً) قائلاً

Quote: ولي ملاحظة صغيرة.. لقد تشعبت كثيراً في تعريف الصوت وكان ممكن إختصار ذلك فيما يخص خصائص الصوت بالموسيقى وذلك بالتطرق لأنواع تقسيمات الأصوات البشرية بين الأطفال والنساء والرجال وخصائصها.. وخصائص الصوت الآلي. وعندما تتقدم لباب الآلات الموسيقية يمكن ذكر خصائص كل آلة ومداها الصوتي وأي المفاتيح ينوت لها .. التشعب الكثير يفقد المتابع التركيز كما يشعره بعدم المقدرة على المتابعة.. كما أرجو تبسيط الشرح قدر الإمكان للمصطلحات الموسيقية وعدم رفع مستوى اللغة لأن معظم المتابعين ما زالوا يتحسسون بدايات المعرفة بلغة الموسيقى.. أتمنى لك التوفيق وارجو أن لا ينقطع هذا الخيط تقبل تحياتي والتقدير عبدالعزيز خطاب

و كالمعتاد حاتم جاء و مارس إبراز العضلات التبش لإخراس عزبز ( الغريبة مسح مداخلته ال رد فيها بجلافة و لئامة على عزيز) أو أنا ما شايفاها... إحتمال ... لكن متذكراها ...

أخانا حاتم يهرف بما لا يعرف... و ما عندي زمن كافي و لا أجد ضرورة في فضح غرف حاتم لأنه غرف لا تخطئه العين ال غير " ظَمْأَى ".... أحد المصادر من هنا http://solomonsmusic.net/theory.htmhttp://solomonsmusic.net/theory.htm
و من المرجح إنه مستخدم أكثر من مصدر للغرف... كتب hard copy أو soft copy ذي الكتاب أدناه ... من دواعي إنه ما يتقبض و الود خطير و كده!!!

https://books.google.com/books؟id=wIZt9rZ27i4Candpg=PA299anddq=type+of+sound+timbreandhl=enandsa=Xandved=0ahUKEwiPlura9LXWAhWDSyYKHZWMD2YQ6...d%20timbreandf=false

ثم ترجمهم بحرفنة شديدة و للآن لم يذكر المصدر ليواصل وهمة أبو العريف....
أها الوهمة دي ما بتمش في كل الناس... خُم ناس أبوبكر عباس ديل و علمهم السوناتا ههههه (هظار ثقيل سمح) عشان يآمنوا !!!

المهم عبقريته دي تمشي في زول ما عنده حديدة أو كما قل أحد ظرفاء المدينة هههههه ...

ثم عاوزة أحكي قصة وين للفار لل ما سمعوا بيها....
مُختصرها إنه كان في واحد أعمى و فتح فجأة ثم ذهب بصره ... في فتيحته ديك شاف ليه فار ... بعديها بقى آي حاجة الناس تتكلم عنها
يسألهم للمقاربة و كده يقول ليهم " وين للفار" ... أها أنا شايفه إنه الجوطة الحاصلة دي سببها فرق فيران البعض ...
فار ال مخمومين بحاتم هنا متواضع جداً عشان كده ريختر العبقرية عندهم هزيل ... نفهم ذلك و نقدره تماماً...

لي عودة إن شاء الله
http://sudaneseonline.com/board/490/msg/%D8%A7%D9%84%D9%85%D9%88%D8%B3%D9%8A%D9%82%D9%89-1455131223.html

Quote: هذا البوست خم ليك الناس بدايةً بتبويبات و شروحات " مغروفة" و مترجمة بحرفنة +++ الفكرة هنا إنه قريت الموسيقى كمبتدئة بمنهجة مكنتني إني بعديها أقدرcritically أن أميز الغث من الثمين في الموسيقى +++ أها لما شفت البوست و بخلفيتي المتواضعة في الموسيقى قلت في سري خرمجة مؤصلة في شكل وهمة للظِماء... حيث البدايات لا تكون هكذا... منهجياً! خصوصاً الطرح كان عشان يعلم الناس أ , ب الموسيقى!!! +++ سأله أحد المتداخلين عن المصدر ( الرص واضح ) المهم و بحرفنة قال بعد ما ينتهي من البوست ... و إلي يومنا هذا... +++ ( الغريبة مسح مداخلته ال رد فيها بجلافة و لئامة على عزيز) أو أنا ما شايفاها +++ أخانا حاتم يهرف بما لا يعرف... و ما عندي زمن كافي و لا أجد ضرورة في فضح غرف حاتم لأنه غرف لا تخطئه العين +++ المهم عبقريته دي تمشي في زول ما عنده حديدة أو كما قل أحد ظرفاء المدينة هههههه ...

Welcome back!

ممكن تأكيد الاتهام بتحديد مصدر الغرف لو سمحتي؟
+++
كيف تكوني مبتدئة وعندك قدرة على النقد؟
وليه إذن ما شفناكي في كل بوستات الموسيقى الاتفتحت من تلاتة سنوات
ولو حبيتي أرصدها ليك بالواحد، مش ناقدة؟
ولا مجرد كلام؟
ممكن تعريف مختصر جداً (للغث) و(السمين) في الموسيقى على قولك؟
وبعديها حنشوف هل فعلاً عندك الإمكانية دي ولا لا، حتى ذلك الحين تبقى مجرد ونسة
+++
لكنك قلتي درست كورس واحد وبعدها صرتي ناقدة وبإمكانية تمييز الغث من السمين
هل تقولين الآن أن خلفيتك (متواضعة)؟
كيف يستوي أن تكون صاحبة الخلفية المتواضعة والكورس الابتدائي الواحد ناقدة متمكنة؟

ماهي أ ب الموسيقى يا فردوس؟
+++
صحيح، بوست الموسيقى تنظيمه خطأ واكتشفت ذلك، وقررت أن أفصل الأسئلة
وحدث ذلك في بوست موازي حتى أجد الفرصة لاعادة ترتيب البوست أسوة ببوست المال الحالي
إمتداد بوست الموسيقىإمتداد بوست الموسيقى
وكان غرضي أن أضع المراجع نهاية كل فصل، وليس مع كل مداخلة
ولعلمك، المراجع هنا ليست كتب فقط، بل حتى الملتميديا، ربما لا تفهمين في هذه الأمور
وتم إيقافي قبل أن أعيد تنظيمه، فاضطررت لنقله هنا

https://sudanmusic.wordpress.com

ولكن، ما الفكرة التي تحاولين إيصالها يا فردوس؟
+++
غير صحيح!
لا أمسح مداخلاتي أبداً
لست جلفاً ولا لئيماً إلا مع (ما) يستحقون ذلك
+++
أخاكي حاتم يعرف ما يقول جيداً
وهذا اتهام عليك الاتيان بما يثبته هنا
وإلا فأنتي التي تهرفين بما لا تعرفين
فلقد وجدتي الوقت الكافي لمتابعة بوستاتي والتعليق هنا
وللعجب لم تردي في أي بوست متخصص حتى تثبتي وجهة نظرك هذه
إلا هنا، في بوست غير معني بأي موضوع سواء احترافي أو محدد
وهذه انصرافية وليست رغبة حقيقية في توجيه نقد أو نقاش موضوعي
يشبه الأكاديميين
+++
لا تعليق.


في انتظارك ردك (المعقول) واللائق.
أو فلتحدثينا عن أ ب الموسيقى أو نقدها ولو قليلاً

سبحان الله

ياحاتم امير صاحبك برضو اشتغل ناقد ومحلل في كل بوستاتك ومساجلاتك مع الموصلي رغم انو قال هو زول مستمع عادي .. هسه اختنا فردوس دي قالت درست وما كملت يعني منطقيا فهما في النقد والموسيقي اكتر من بوب ..؟ يعني عشان هاجمتك قبل كدا عاوز تتلحا زي ما متلح هباني وبتستفز فيهو في اي بوست يفتحو لحدي ما يطفش .
؟

اسلوب المساسكه للناس دا اسلوب ما جميل ولو انت بتلعب علي عامل انو عندك زمن ومتفرغ للحاجه دي ومستغل انشغال الناس بي امور دنياها ومعايشا حا يكون حبلك هنا قصير جدا

...

عمنا هباني قوقل دا زي اللاله الحاسبه والنافيقيشان ..بسهل ليك وبختصر ليك زمنك لكن المشكله قطعه طهربا ساي ممكن تعطل حياتك .. عشان كدا اللالمام والمعرفه الفرديه مهمات ولاغني عنهم

Quote: سأله أحد المتداخلين عن المصدر ( الرص واضح ) المهم و بحرفنة قال بعد ما ينتهي من البوست ... و إلي يومنا هذا...

تأكيداً على كلامي بخصوص وضع المصادر والمراجع نهاية الفصول

Quote: دا لأنك داخل وفي ذهنك تتكلم عن (بحث)، المصادر حتكون في نهاية الأبواب، والصور كلها مربوطة (linked) ومصدرها منها وفيها، دي تقنية جديدة عليك. Re: إمتداد بوست الموسيقىRe: إمتداد بوست الموسيقى

You are most welcome, dear.
الغريبة دا نفس أسلوب تفكير الكيك أبو شهادة كرتونية داك

تبعك دي يا قباني ولا ضيفة ساكت؟
عشان أحدد مستوى الواجب.

وين ال citations ...
غرفت من وين؟

الأخ معاوية حسين تحياتي

Quote: تتلحا زي ما متلح هباني وبتستفز فيهو في اي بوست يفتحو لحدي ما يطفش .

يتلح منو؟
و يطفش منو؟
زي حاتم دا ما بديه شرف الرد ذاتو *
ما عندي ليه زمن!!!

* حقوق الطبع محفوظة لأبي بكر عباس ههههه

Quote: ياحاتم امير صاحبك برضو اشتغل ناقد ومحلل في كل بوستاتك ومساجلاتك مع الموصلي رغم انو قال هو زول مستمع عادي .. هسه اختنا فردوس دي قالت درست وما كملت يعني منطقيا فهما في النقد والموسيقي اكتر من بوب ..؟ يعني عشان هاجمتك قبل كدا عاوز تتلحا زي ما متلح هباني وبتستفز فيهو في اي بوست يفتحو لحدي ما يطفش .

يعني أنا هسع جيت داخل ولقيتها قاعدة هنا واتلحتها؟
معاوية، أنا كلمتك عن احترام الذات ولا لسة؟

Quote: وين ال citations ... غرفت من وين؟ +++ زي حاتم دا ما بديه شرف الرد ذاتو * ما عندي ليه زمن!!!

فضلاً لا أمراً يا فردوس
وجهتي اتهامات، وأنا فندتها، عليك استحقاق واضح، هو الرد المناسب عليها
والمقنع طبعاً
وبحسب ترتيبها، خلاف ذلك لا تضيعي وقتي فيما لا يفيد، وشكراً.

+++

لكنك على الأقل (تمعنتي) في بوست الموسيقى
على العموم، تشرفنا باطلاعك، ونأمل أن تكوني استفدتي
أو هكذا تبدو ملاحظاتك، التي لم نجد لها فائدة تذكر.

يا حاتم
حدي معاك هنا...

وين ال citations ...
غرفت من وين؟

تكتيكاتك دي كمان ما بتمش علي...
بتمش على ناس ما عندها حديدة ههههههه

يا حاتم، فردوس لا تستطيع تجاوز مشاركاتك -غير المناوشات- بالمنبر من غير ما تمر عليها بتمعن.
مرورها على مشاركاتك الرصينة يجبرها على متابعة مناوشاتك وتعاليك الفاقع مرارة الناس.

أعترف فيما يخص حاتم أنني كسرت المعيار، وهو يستحق كسره.
يمكن عشان إستأصلت المرارة!!

الله دا عجيب، لمان يدينا زول زي دا كان بغلبو يجيبو بأخلاق معاوية الزبير؟!
لكن أخلاق معاوية الزبير غيّرت شنو؟

كم مرّة أنا قلت تاني ما بجي أكتب هنا؟

مشتاقين يا فردوس

Quote: يا حاتم، فردوس لا تستطيع تجاوز مشاركاتك -غير المناوشات- بالمنبر من غير ما تمر عليها بتمعن. مرورها على مشاركاتك الرصينة يجبرها على متابعة مناوشاتك وتعاليك الفاقع مرارة الناس.

سلامات أبوبكر

والله العظيم بحليفتها
حاتم ده ما قاعدة أقرأ ليه من زمن طووووووووووووويل لأنه ما بستفيد منه و بيرفع لي معدل القرف عندي...
عشان كده ومراعاة لسلامتي النفسية و العقلية بفط مداخلاته زي الترتيب و بوستات و الله العظيم زمن مادخلت ليه بوست غير الكاونتربوينت بسبب العجاجة القايمة ....
و حسع رجعت لبوست الموسيقى للتدليل...
ف شنو كلامك مردود ليك أنت الذي لا تستطيع تجاوز حاتم و تقرأ مداخلاته بتمعن لأنها في نظرك رصينة و لذا أنت مُجبر لمتابعة مناوشاته ال بتعجبك ....
شُفت كيف!

ثم الشوق تحدي :)

.
..
...
"التسونامي حاتم" يكتسح كل من يعترض طريقه ...
ذكرني الرجل الخارق زمن التلزيون ابيض واسود داك ...
المهم حاتم كظاهرة تابعت مسيرتها منذ أول اطلالة لها تستحق التأمل والتوقف عندها ...
وزي ما قال "بكة" لولا هذه الظاهرة لربما توقفت عجلات المنبر عن الدوران ...
احرف زول لقيتو هنا هو قباني ـ قدر ما حاول حاتم جرجرته لشباكه ابى وقال ليه تلقاها عند الغافل ...
...
..
.
طيب يا بكة سؤال تعسفي لو سمحت ...
هل في أي رابط بين بوب وحاتم ...
انا بديت ارجح صحة هذه الفرضية ...
...
..
.

Quote: يا حاتم، فردوس لا تستطيع تجاوز مشاركاتك -غير المناوشات- بالمنبر من غير ما تمر عليها بتمعن. مرورها على مشاركاتك الرصينة يجبرها على متابعة مناوشاتك وتعاليك الفاقع مرارة الناس.

دي أنا متأكد منها مية المية ههههه
بس أخشى بعد أسبوعتين تلاتة نسمعها بتقول (ما قريت ليهو قدر نص صفحة فولسكاب)
يا كمان داخلة بخطة (حاتم زعلني وأنا حأتوقف من الكتابة في المنبر بتوقيت تاهيتي)
أصل الموضوع موضة اليومين دول

الغريبة بتطالبني أثبت أني غرفت
مع أنها تبدو واثقة من قولها، بس ما عندها زمن تفضحني
وطبعاً أنا عندي زمن انفضح العجيبة، هههههه
what a wonderful world
زي ماقال ساتشمو الناقد المعروف وأفضل عازف (tingy wingy) في شيلي.

يا فضيل بالله أخد ليك ساتر
و ما تسمع كلام الفارات ديل !

وين ال citations يا حاتم للأمانة العلمية؟

Quote: الغريبة بتطالبني أثبت أني غرفت مع أنها تبدو واثقة من قولها، بس ما عندها زمن تفضحني وطبعاً أنا عندي زمن انفضح العجيبة، هههههه

Quote: عشان كده ومراعاة لسلامتي النفسية و العقلية بفط مداخلاته زي الترتيب و بوستات و الله العظيم زمن مادخلت ليه بوست غير الكاونتربوينت بسبب العجاجة القايمة ....

إذن مفروض حفاظاً على سلامتك النفسية والعقلية تختصري الموضوع وما تضيعي وقتي
وبما أنك ضيفة هنا ترجعي لردي فوق وحتلقي إجابة على سؤالك الفيهو كلمة بالإنجليزي.

الكاونتربوينت دا شنو بالمناسبة؟

أنت لا تجرؤ تجيب ال citations يا حاتم ...

تحدي عديل كده!
يا زول أنا عارفة البيك و ال عليك و زي ما قلت فوق خليك مع الظِماء بتاعنك ديل..
و أن عُدت بمصادرك عُدنا...
دي الحاجة العاوزة أثبتها هنا...

الغرف و الهرف بما لا تعرف!


فتك بعافية...

جيب ال citation ياخ وخلي الزوغان
الزول دا يا دكتورة نازل فينا إستفزاز وسخرية
مع إنه كتير مع العلماء لهم حسابات في المنبر
لا يفخرون
ولا يتكبرون
ولا يستهزئون بغيرهم
عارفة ليها
لأنه دا وقار العلم
الله يخليك لصيام ولوليداتك

يا بكّور ...

انت قصة مساعد الياي دي قصتها شنو .... و الله بقى عندي فضول اعرف ...

لقبت الشباب ديل تقعد تسخن فوقهم عشان تصدرهم ....

و لا في شي تاني .... :)

يا قباني
دخلت عملت سكان سريع
لسع مافي زول قال ليك
ده المسلمين اتكلمو عنو من 14 قرن

الرابط يا فضيل،
بوب حوار مخلص لحاتم

قصّة التهمة بحاتم بتكون رافعة روحو المعنوية خالص

Quote: السلام و الرحمة أستاذ قباني.... في البدء... لا يسْتوي الذين يعْلمون والذين لا يعْلمون ! قوقل عظيم جداً ولكن أسهم في تأطير ثقافة التسطيح عند البعض .... في اليوم بقرأ أشياء لا أعرف أضحك و لا أبكي !!! مثال بوست كان هنا عن الصلاة و حدث أن جبنا سيرة ال pseudoscience و منها ما رجعت لأسباب " قردية" هههه ثم آي زول يقرا ليه كتاب و مقالين عاوز يفلق رأس الناس و ينظر تنظير لا تسطيع معه إلا الحوقلة....

تحياتي يا دكتورة يا جميلة ... :)

التحية للجميع هنا..

كتب حاتم:

Quote: ممكن تأكيد الاتهام بتحديد مصدر الغرف لو سمحتي؟

الصديقة فردوس..وضحت المصدر وهو موقع دكتور لاري سلمون..والموقع فيهو روابط لكتب الدكتور المعني..

وبرضك وضعت اسم كتاب..
كبر

ول ابا يحي..حبابك يا صديقي
والتحية لجميع الصديقات والأصدقاء هنا..

نعم قوقل ساهم كثيرا في تسهيل الوصول الى المعلومة وهذا انجاز كبير للغاية..

المشكلة في اخلاق التعامل مع قوقل او الكتاب التقليدي..فلقد اشار صديقنا واستاذنا محمد على طه الملك الى فكرة وضع المصدر من قبل صاحب الكلام حتى يسهل المقارنة والمراجعة..وهذا التقليد غائب تماما عند بعض السودانيين والسودانيات..يعني الواحد ممكن يشيل كلام بضبانتو دون الإشارة الى ان هذا الكلام كلام شخص اخر وورد في الحتة الفلانية..!

هذه الأخلاق..ترجع لفكرة التنشئة الإجتماعية في السودان ومعظم الدول التي تسمى نفسها عربية واسلامية..يعني من المراحل التعليمية بتلاحظ فكرة الغش (البخرات والشف ..الخ)..وبتلاحظ الأنانية في سرقة جهود الأخرين..هذا السلوك انتقل الى منتديات النقاش في الأسافير..وعادي بتلقى زول بيشيل وبيغرف من غير ما يوضح حقيقة الأمر..واذا تم ضبطه ..يصر على المكابرة..!

ياخي مرة في الفيس بووك لقيت واحد منزل كلامي كتبتو قبل سنوات في منتدى الحوش..عن ظاهرة (دق الشلوفة والشلوخ)..وبديت اقرا..وحسيت انو الكلام ده مر علي من قبل.. بعد شوية حسيت انو الكلام ده حقي..وراجعت عم قوقل..وتوصلت للحقيقة..ولمن واجهت الشاب الذي نقل الكلام (غريبة كان خريج هندسة) عمل مجنون وطلعني نرجسى ومتعالي على الناس وكلام كتير..فتدخل مدير الغرفة وتأكد من كلامي وقام بفصل الشاب من الغرفة واعتذروا لي بقية الأعضاء..!

لاحظ هذا نموذج بسيط للغاية..وهناك ناس بتسرق كتب عدييل..وناس بتسرق افكار الأخرين وبتعير بيها..!

فعلا قوقل اكتشاف عظيم لكن نحن السودانيين قاعدين نخستك بيهو وبنتعامل معاهو باخلاق بائسة للغاية..!
نعم من حق الناس ان تنقل من قوقل ولكن الإشارة الى المصادر لا تعني انتقاص من الناس ديل او عيب في حقهم..بالعكس الإنتقاص والعيب بيكون في حالة الغش وعدم ذكر المصادر..


ودمتم..
كبر

*كثير من طلاب الجامعات لما يطلب منهم البحث والكتابه فى موضوع يشيلو العنوان لمقهى انتلرنت ويدي العامل العنوان عشان يفتش ليهم
عن الموضوع واختيار انسب نتيجه بحث فى عدد الصفحات وتنسيقها وبرينت اوت وتغليف الموضوع وتسليمو وفى حالات لو كانت الدفعه كبيره
بيصورو من بعض ويغلفو ويتسلم وكثير من الطلاب يسلم البحث من دون حتى تصفح وقراءه الموضوع
تسالو مصدرك شنو ؟ يقوليك ويكبيديا مثلا رغم انها موسوعه مفتوحه ومعلوماتها غير محكمه
*الواحد يقول ليك المصدر ويكبيديا او موقع كذا ....او قوقول ...طيب يا اخى انت لو اشتريت كتاب من مكتبه حتوثق مصدرك كيف ؟ حتكتب من المكتبه الفلانيه
او توثق مصدرك حسب ماورد بالكتاب عنوان ومؤلف و دارنشر وطبعه و.....)؟
قوقول مكان عرض زى المكتبه اختار شىء موثوق عشان تضيفو (كمعلومه) لى بحثك.النقل وعدم الالتزام باساسيات البحث والكتابه معناها صفر على البحث؟
دا الحال البقى على بالاعتمادعلى قوقول الناس استسهلت حتى البحث العلمى .كل شىء جاهز حسب الفانوس السحرى لهذا الزمان (الانترنت).
والمشكله مستفحله بسبب لانحتى الاستاذ (فى الغالب) ماعندو وقت يقرا كل البحوث دى وبيدى درجات (عميانى).ودا اصبح شىء شبه ثابت لدرجه استغراب الطلاب
لما يجد درجتو ضعيفه او صفر فى البحث او لما تطلب منو لحظه تسليم البحث ان يلخص البحث لزملائه بالقاعه وينكشف المستور .
.
.
عشان كدا مفروض لازم الناس تاكد على انو الانترنت وسيله سريعه للحصول على المعلومات ولكنها لاتعنى ان هذه المعلومات لغزارتها ووجوده على الشبكه
تخلى الواحد يتخلى عن الانضباط والالتزام بالضوابط سواء اكاديميا او حتى فى النقاش العام .
وشكرا

Quote: وضحت المصدر وهو موقع دكتور لاري سلمون..والموقع فيهو روابط لكتب الدكتور المعني.. وبرضك وضعت اسم كتاب..

اتهامها غير صحيح!
فهل ممكن تبين أي تشابه في الترتيب أو الفقرات أو نقل حرفي بين قائمة المحتويات هنا
Re: الموسيقىRe: الموسيقى

والموقع الذي أشرت إليه أو الكتاب؟
وهو لا يفتح بالمناسبة، فهل يمكن وضع العنوان؟ فإذا كنت لم أطلع عليه من قبل فالشكر لها.
ربما يكون ذات الكتاب الذي تعلمت منه النقد.

لاحظ أن اتهامها هو:

Quote: هذا البوست خم ليك الناس بدايةً بتبويبات و شروحات " مغروفة" و مترجمة بحرفنة

تعني أن شخصي نقلها من مصدر محدد بهيئتها ثم قمت بترجمتها (بحرفنة)، هذا لم يحدث!
فلتتفضل مشكوراً (مشكورة) بإثبات ذلك.

أما لو كنت أنت أو هي من غير ذوي الاطلاع فهذه ليست مشكلتي!
أنا فعلاً أجمع من مصادر متعددة جداً (لا يأتيني الوحي للأسف) وقررت أن أبين ذلك في مواضع مناسبة.

وأمشي معاي انت وهي بالترتيب، أنا ما بدور الخرمجة
اتهام مقابل إثبات، ادعاء مقابل بينة سؤال مقابل إجابة
اعتقد واضح.


___
قباني معليش، البوست دا قلبناهو ميز مفروش لكبر، بدل الميز الشرد منو داك
ميز كبرميز كبر
http://sudaneseonline.com/board/490/msg/%D9%85%D9%8A%D8%B2-%D9%83%D8%A8%D8%B1-1497007396.html

قريبي .
قوقل ما زي ابوك لكن بربيك

أخ حاتم السلام و الرحمة

Quote: أنا فعلاً أجمع من مصادر متعددة جداً (لا يأتيني الوحي للأسف) وقررت أن أبين ذلك في مواضع مناسبة.

بالظبط كده ...
البوست مفتوح من 02-10-2016.... داير كم سنة تاني عشان تجيب مصادرك!

و آي زول بيكتب آي حاجة من مصدر آخر بيكون عنده فايل محتفظ فيه بالمواد و في آخر صفحة بالمصادر و في آي لحظة
ممكن يرصهم .... كوبي و بيست!
يله دي ما صعبة عليك...
من الفايل بتاعك أرجع لينا لأول بوست و نزل آي مداخلة و رقم المصدر و أشير ليه... صعبة دي؟
يله ورينا !
بعد داك take your time ولما تخلص البوست بعد كم سنة جيب المصادر للناس ال " ظِماء " ديل :) لأنها ما فارفة معاهم!

...........
ثم....
عاجباك حكاية ال critical reading ال إتكلمت عنها فوق...
شوف ....
في كورسات كتيرة مافي مجالي أخدتها للسبب الوحيد إني لما أقرأ أكون عندي مفاتيح تمكني من تمييز الغث و الثمين... لروحي
و ما قلت أنا ناقدة علمية و نشرت أوراق.... شوف حاجة تانية أعمل بيها حفلة هههه
و حسع أنت ذاتك لو كنت عارف روحك بتعمل في شنو ما كان قلت كده

Quote: صحيح، بوست الموسيقى تنظيمه خطأ واكتشفت ذلك،

أقلاها كنت حتعرف تبدأ بنمهجية كيف و ما تقع في الخطأ البسييييط ده ... ذكره ليك الأكاديمي عزيز خطاب!
و أقلاها ما كنت حتتعلم الحلاقة في رؤوس ناس مُعبقرنك ههههه

تحياتي

Quote: في كورسات كتيرة مافي مجالي أخدتها للسبب الوحيد إني لما أقرأ أكون عندي مفاتيح تمكني من تمييز الغث و الثمين... لروحي و ما قلت أنا ناقدة علمية و نشرت أوراق +++ أقلاها كنت حتعرف تبدأ بنمهجية كيف و ما تقع في الخطأ البسييييط ده ... ذكره ليك الأكاديمي عزيز خطاب! و أقلاها ما كنت حتتعلم الحلاقة في رؤوس ناس مُعبقرنك ههههه

ما بالضرورة! إلا تنشري أوراق عشان تلقي الجرأة وتكتبي مداخلة نستشف منها مزاعمك المجانية دي؟
وأبداً، قلتيها وبالإنجليزي، وحددتيها (غث وسمين)، وتالله لم نر أي شيء البتة نكالاً!

Quote: الفكرة هنا إنه قريت الموسيقى كمبتدئة بمنهجة مكنتني إني بعديها أقدرcritically أن أميز الغث من الثمين في الموسيقى

كلهم بيقولوا كدة في البداية!
في ناس قروها ماجستير وطوطحناهم هنا، وما لقوا ولا حتى ناقد مبتديء يوقف المرجحة، تصوري!
عندي بوستات في الموسيقى كتيرة، اختاري منها ما شئت واثبتي مقدرتك دي، صعبة دي؟

+++

فهمتي غلط
المنهجية صحيحة، لو كنتي بتعرفي كلمتك دي بالضبط، فدا ما بحث أكاديمي
والتداخل أثناء السرد يفرض التنقل بين المحتوى كل مرة، يعني الموضوع إشكالية (manipulation)
مش (منهجية) يا عزيزتي!
وعندك تبسيط مخل للأمور! فالنماذج الصوتية الموجودة الآن فقط تطلبت التسجيل في موقعين وتجهيزها ببرامج متخصصة.
citation!!؟

وقال شنو الأخ عزيز بالمناسبة؟
ممكن تذكريني بنصيحته القالها لو سمحتي؟
ما أظنك عارفة بالضبط بتقولي في شنو، بالذات في النقطة دي.
Welcome onboard!

==============

بخصوص المصادر والمراجع، أظن أوضحت ليك، وما مستعجل على بوست الموسيقى
في حاجات خافية عليك تتطلب الترتيب والنظام، أظن كلمتك على (الخرمجة) الأنا مابيها فوق.

بوست الموسيقى مفتوح بالمناسبة
أدخلي شاركي بشيء مفيد، إن وجد، ولو أني ما فاضي ليهو حالياً

شكراً لإثباتك

Quote: أنت لا تجرؤ تجيب ال citations يا حاتم ... تحدي عديل كده! يا زول أنا عارفة البيك و ال عليك و زي ما قلت فوق خليك مع الظِماء بتاعنك ديل.. و أن عُدت بمصادرك عُدنا... دي الحاجة العاوزة أثبتها هنا... الغرف و الهرف بما لا تعرف! فتك بعافية...

؟؟؟؟

مجرد تهريج، ثم مغادرة على عجل.
لكنك ما اثبتي شي!
ولا ثبتي على زعم!
زعمتيه ههههه

Quote: يا زول أنا عارفة البيك و ال عليك

اتي يا اللخت أي زول عارفة البيهو والعليهو .. من أي فجة في الكون زحفتي؟
قبل كدا برضو نطيتي برأسك في بوست بتاعي
قلتي لي كلام مشابه يعني نظام أنا بعرف أية حاجة في أية حاجة
مع انو شغلك كلو مناتلة ومقابضة لو حولناه لكلام بالخشم
يكون صراخ وكواريك ساي ما فيهو أي زبدة .. خخخخخخخ

نصيحتي ليك بطلي المقابضة البتعلمي فيها دي
وأكلي وأشربي وأرجي الموت هههههههه

دا أسلوب شباب الفيسبوك ياا طلحة
نصكولات.

حتى الكتاب جابت لنك ما بيفتح
بدل تكتب العنوان.

يا حاتم كلو منك
قبل كدا اعتقد قلتا ليك اتا بتشتغل بهوامش الأمور
كلام القصير ما بنسمع .

ههههههههههه
يا اللخت أوع تزعلي
كلامي الفوق دا من باب رد الجميل بس
انا والحمدلله ما بنسى جميل جنس مخلوق خخخخخخ

بعلم فيهم يا طلحة ياخوي!
واجب، وما عشاني والله، أنا لا قرش لا تعريفة
عشان الأجيال الجاية تلقى أرضية نضيفة وتنتهي أزمة حملة الكراتين دي!

يا حاتم ..
أعتقد كلامي ده واضح

Quote: آي زول بيكتب آي حاجة من مصدر آخر بيكون عنده فايل محتفظ فيه بالمواد و في آخر صفحة بالمصادر و في آي لحظة ممكن يرصهم .... كوبي و بيست! يله دي ما صعبة عليك... من الفايل بتاعك أرجع لينا لأول بوست و نزل آي مداخلة و رقم المصدر و أشير ليه... صعبة دي؟ يله ورينا ! بعد داك take your time ولما تخلص البوست بعد كم سنة جيب المصادر للناس ال " ظِماء " ديل :) لأنها ما فارفة معاهم!

خليك من لف الصينية و التشبث بالفارغة...
أركز و أبقى قدره... أقلاها إحتراماً للناس المُعبقرنك ديل!
أثبت أنك قدر المسؤولية!!!
و إلا

Quote: أنت لا تجرؤ تجيب ال citations يا حاتم ... تحدي عديل كده! يا زول أنا عارفة البيك و ال عليك و زي ما قلت فوق خليك مع الظِماء بتاعنك ديل.. و أن عُدت بمصادرك عُدنا... دي الحاجة العاوزة أثبتها هنا... الغرف و الهرف بما لا تعرف! فتك بعافية...

وكلامي اكتر من واضح!
جيتي داخلة باتهامات فارغة عليكي تتحملي مسؤولية إثباتها
طلبك دا اكتر من ساهل وما يكلفني عشرة دقائق
لاني بالضبط زي ما قلتي محتفظ بأي مداخلة وأي موضوع مرتب ومنظم
بس خرمجتك وسوء فهك للأمور دي أنا عايز أوصلها لحدها

كوني قدر مسؤولية مزاعمك غير الصحيحة

أها، وين الغرف والنقل القلتي (عارفاهو)؟
وين فكرتك النقدية الموسيقية وليه ما طبقتيها؟
وعزيز قال شنو ممكن نسجل ليكي بيهو نقطة إيجابية هنا؟
Crystal clear

مافي آي أمانة علمية هنا... عاوز كم سنة؟
أول زول طلب منك المصادر ليه ما جبتها ليه... سؤاله ليك فات السنة!!!

Quote: لاني بالضبط زي ما قلتي محتفظ بأي مداخلة وأي موضوع مرتب ومنظم

تذاكي مؤسس لكن ما على أنا ههههه

الناقدة الموسيقية قالت لي أركز!

خمسة بوستات موسيقية تبعي أنا
وزي ستة بوستات متداخل أساسي فيها
فترة تلاتة سنوات وما شفنا ليها ولا مداخلة
ولا مداخلة واحدة متعلقة!

دلوقتي بقت (ناقدة) موسيقية دقة واحدة فجأة!
التخصص الدقيق (سايتيشن).
الصلاة على النبي

انتي ناقدة صحي؟ قالت لا أنا ما قلت كدة هههه
ومال (critical) دي اسم فنانة لولابي من لويزيانا؟

والله أوساموس رحمة كان تاريهو
على الأقل بيعافر بس مشكلته
كثير الإفراط.

بالتأكيد في أمانة علمية!
بس ما أي واحدة تستاهل شرف الرد عليها!
لو عندها فهم حقيقي بتلقطها وهي طايرة
مش تدعيها وتجي تسألني أساعدها في تجريم نفسي هههه
دي عباطة والله الكيك ما سواها رغم عشواويتو المؤكدة

وأي كلام كتبتو أنا قدرو
يعني لو أنا اتهمت زول بأنو (غرف)
بثبت للناس أني مطلع حقيقة على الموضوع وبقول ليهو انت غرفت من هنا
ولو اتبجحت على زول وقلت ليهو انت (بتهرف بما لا تعرف)
بحدد للناس إنو قال كذا وكذا واثبت ليهم خطأ كلامو بحسب خلفيتي الناقدة

وانفورشنيتلك
دا كلو ما حصل منك عزيزتي الناقدة
الحصل هنا زي شكلة نسوان في صحن راح في برش رمضان.

Quote: بالتأكيد في أمانة علمية! بس ما أي واحدة تستاهل شرف الرد عليها! لو عندها فهم حقيقي بتلقطها وهي طايرة

عزيز بشاشا القارئ حصيف جداً... و ما بتخم.... إلا الظِماء ههههه
ركز معاهم باللاي...
في أمان الله!

يا فردوس، حدث قبل كدا في المنبر دا بروف أمين اتهم هشام آدم بالعلف الضباني ونسبته لنفسه، وكان قدر اتهامو.
إنتي حاليا في ورطة حقيقية، تتهميهو بالسرقة وما قادرة تثبتي، زايد إنّو هو نفسو لم يقل إنّو الكلام دا حقو شخصي،
لكن بعد دا لو اثبتي لينا مثلا إنّو جزء كبير من الموضوع معلوف بضبانتو؛ بنحاول نمشي معاك وأمبدة في طريق تجهيل حاتم.

Quote: إنتي حاليا في ورطة حقيقية

دي وجهة نظرك يا سيدي الياي هههه وظيفتك الجديدة على رأي أستاذ قباني

أنا قلت في أول مداخلة لي...

Quote: أخانا حاتم يهرف بما لا يعرف... و ما عندي زمن كافي و لا أجد ضرورة في فضح غرف حاتم لأنه غرف لا تخطئه العين ال غير " ظَمْأَى "...

أها دي وجهة نظري ...
ثم الأمانة العلمية تقتضي إنه يذكر مصادره و أحد المتداخلين طالبه بي المصدر السنة الماضية ... عاوز كم سنة؟
... و أنا طالبته بالمصدر.... يضيره شنو لو رص المصادر هنا!!!
ساعدنا بالله في ال mission دي...

تحياتي!

ما لسة بدري يا ناقدة!
ما وريتينا الغرف الذي (لا تخطئه عين)!
يخربنا عمشنا نحنا ولا طششتي انتي؟

وليكي ساعات بتقولي ما عندك زمن تفضحي حاتم!
وتراكي قااااااعدة مثابرة عشان تفضحيني!
وليكي يمكن ساعتين قلتي (فتك بعافية)
وتراكي قااااااعدة راجية الفضيحة ههههه

هسع (في أمان الله) دي نعتبرها ليك تعارف ونخش في الموضوع؟
ولا كيف!
جيتي لشنو سمح؟
حرم تقعدي ترجيني أباصر ليك فضيحة لي تشيليها معاك
ما ممكن أصلو ترجعي خاوية الوفاض كدة ههههه

وجهة نظرك تعبانة شديد!
مافي ذاتا

أدينا نموذج واحد
واحد فقط للتهريف دا بالله
أمانة علمية وكدة!

يا كمان معناها كنتي معتمدة على كبر العرادي هههه
وداك اتملص وخلاكي في الصقيعة.

خليك مواصل في لف الصينية دي...
عزيز بشاشا القارئ حصيف!!!

انصرفي بهدوء
ولا تثيري الغبار.

Quote: انصرفي بهدوء ولا تثيري الغبار.

سمح ههههههههههههه!

قبال ما إنصرف إتذكرت حاجة...

Quote: الله يخليك لصيام ولوليداتك

شكراً يا عبدالغني على الدعوة الجميلة دي و لك مثلها...
بعدين موتني من الضحك صيام ده ما زوجي .. ما عارفة الإشتباك ده حصل وين :)

تحياتي!

كان تصبري شوية،لغاية (الياي) ما يوضحليك إنو مقدرات الزول دا حقيقية...
مقدرات ؟يااااع

سلام يادكتورة

عبد الغني وعليش قاعدين تسوو شنو؟
الراجينها انصرفت بهدوء، ومبسوطة تضحك
على فشلها

انتو اتدردقوا درديق وراها، لأنو كرعين تمشوا بيها ذاتا ما فضلت ليكم
أعجاز وبطون وعناقر بس.

ودي لا تثير غبار.
فورشنيتلنا.

أعجاز وبطون وعناقر بس.

ودي لا تثير غبار.
فورشنيتلنا.
ـــــــــــــــــــــ
ليه الصريمية دي؟ لو زحفنا ـــ مثلا يعني مثلا ـــ ممكن نثير الغبار...
بعدين لايحق لك ياهذا أن تجمعني مع عبد الغني في تيم واحد،أين النزاهة؟
قضيتي معاك خلف خلاف..وإنت عارف وأنا عارف
بس سؤال:إنت نفسك متور كدا مالك؟
فيها شنو يعني لو طلعت (مرة واحدة) بدون مقدرات،معقول ماكفتك المرات المهولة دي من المقدرات؟
أرخي شوية ياعمك...كدا عيب

عاااع...عااااع (دا عشان قلتها مرتين) هههه

Quote: عبد الغني وعليش قاعدين تسوو شنو؟ الراجينها انصرفت بهدوء، ومبسوطة تضحك على فشلها انتو اتدردقوا درديق وراها، لأنو كرعين تمشوا بيها ذاتا ما فضلت ليكم أعجاز وبطون وعناقر بس

أعجاز

وصفك يا دكتورة فردوس، لما هو مكتوب بالتهريف، يعني عندك مرجعية قستي عليها،
لا أعتقد انك تملكين معرفة موسيقية تخليك عندك الجراءة لقول هذا الوصف،
وحات شنو كدا ما عارف، أنا فعلا داير اعرف كلامك دا كلام زعل ولّ كلام مبني على شيء؟

أي زول يستطيع يقلل من جهد الآخرين بالكلام غير المسؤول

Quote: لا أعتقد انك تملكين معرفة موسيقية

معليش حأحبطك و أقول عندي معرفة أكبر من شيخك العبقري...
no hard feelings باللاي
بعدين شكلك زعلان من عدم إتفاقي معاك في عبقرينو :)

أقول ليك حاجة رأيك شنو تسجل و تاخد الكورس الأنا أخدته ده ... تعمل ليه auditing و بعديها تعال أقرأ بوست حاتم ده و أديني رأيك!
أقلاها ما تتخم ساي و تدي رأسك يتعلموا ليك فيه الحلاقة...
بعدين الزعل الله لا جابه... أنا لو زعلت كعبة ههههههههههههه

ثم
رأيك شنو تعمل CC لكلامك ده و تنصح بيه عبقرينو :)

Quote: أي زول يستطيع يقلل من جهد الآخرين بالكلام غير المسؤول

و لا رافع عنه القلم؟

تحياتي!

أبداً ما زعلان.
قبل فترة لاقيت قصي همرور وهو زول فيهو يقين ديني عجيب،
اتعكلت عليهو عكلتة شديدة وبالذكاء بتاعو لاحظ إنّو أنا منزعج من اليقين بتاع المتدينين،
قال لي:
اليقين دا مزعجك في شنو؟
قلت لنفسي وأنا أفكر في سؤاله:
خائف تكون في حاجة فايتة علي وصلتكم لليقين دا.
هسّ اتي يقينك بضعف حاتم مخليني فعلا منزعج،
كيف توصلتي ليقينك دا؟
قلتي شكك من غير أي تعضيد للفكرة
أنا صحي في الوقت الراهن دا مساعد ياي هتيفة،
لكني غير ساكن في الموقف دا، ومنتظرك أو أمبدّة تأتوننا ببينة
ما في تصنيف لموقفكم من حاتم غير نقول انتو زعلانيين من الموهبة دي

بكور في كتب اسمه ال
The Last Word
By
Thomas Nagel

اقراه ...

في صفحه 130 بالتحديد ..
علي خلفيه كلامك مع قصي ...

google ؟
treasure or trash
قوقل تعتبر نافذة لإكتساب معلومة ومعرفة وعلم أحيانا وأحيانا مجرد مدخل للمعرفة ( مدخل يقودك لمرجع أو منبع علمي ) أو مجرد إداة تبث الغث والثمين والصالح والطالح وهي في هذا تحتاج لتمحيص وتدقيق ! حتي لايكون الباحث عبارة عن حاطب ليل ! وهذه مهمة الباحث عليه التمحيص حتي يصل لمنبع ومصدر المعلومة الأصلي ومرجعها الأساسي !* عليك أن تبحث وتغوص - فخطأ المعلومة "النية" والغلط والمعلومة غير المحققة يقع علي الباحث لاعلي قوقل !
* إكتساب المعرفة ف لم يعد محتكرا ومقتصر علي الكتب الورقية وإنما يمكن إكتسابه عبر الكتاب الإلكتروني والفيديو واليوتويب والمقتطفات ومحركات البحث !*الإطلاع السطحي ليس سمة قاصرة علي النت وإنما هي سمة وظاهرة من قديم الزمان!تقرأ كتاب ورقي قراءة سطحية أو تتصفحه كما الجريدة أو تكتفي بنتف عنه ثم تأتي لتتعالم وتتباهيوتستعرض معارفك !
** تجد من ينقل من محركات البحث - نسخ ولزق - نقلا خاملا وبليدا لا يحلل أو يستبطنأو يستوعب ولايضيف لمنقوله أو حتي يوضح مدي إستفادته منه
!*ولكنك تجد من ينقل ويستشهد من محرك بحث أو كتاب ورقي بإبداع وفهم وهضم يفرز عصارةوخلاصة معنوية تضيف وتثري !* كما تجد مثلا إنه في حالة فتح نافذة نقاش معرفي - تجد من يسهم عبر معارفه السابقة وتحصيله القديم _ ومن تبدأ معرفته الجادة بموضوع النقاش لحظة فتح النقاش وهنا يلجأ لمحرك البحث ويطلعويبحث ويكتسب معارفة عامة أو حتي متخصصة بالموضوع -- هنا يبقي المحك في الملكة الفكرية والقدرات الذهنية والذكاء والموهبة والهضم وإمتلاك الأدوات والقدرة علي الإستنباط والتحليل والخلق والإضافة !- هناك من حظي بهذه الملكة والقدرات والموهبة مما يجعله يستفيد من محركات البحث ويوظفهالصالحه وهناك كان حظه فقيرا أو لم يقوم بتطوير ملكاته وقدراته لذا تراه ينقل ينسخ ويلزق ما تفرزه محركات البحث بلا إي قدر من الإبداع والإضافة والإثراء !
*في كل الأحوال يبقي من المطلوب التعمق وعدم الإكتفاء بالنتف والإطلاع السطحي والمتخفف!!

Quote: تعضيض

أكيد قاصد تعضيد يا أبوبكر 😊

Quote: أكيد قاصد تعضيد يا أبوبكر 😊

وأأأأأأأأأأأأأأأأأأأأأأأأأأأأأأأأأأك

يا بكور ...
شايف كلمة "مساعد ياي" دي ماكلة معاك جنبة ...
في حين انه الاطلق المصطلح دا هو أكبر "مساعد ياي" في المنبر ل "هاشم صديق" ...
.
.
.
حكمة البوست ...
"كيبوردك" لا تذكر به عورة امرءٍ ... فكلك عوراتٌ وللناس "كيبوردات" ...

أنا حاعمل بنصيحتك من اليوم يا طلحة
وأبطل اهتم بالهوامش
دا وعد.

Quote: يا قباني دخلت عملت سكان سريع لسع مافي زول قال ليك ده المسلمين اتكلمو عنو من 14 قرن

عبد الله يا جميل ...

ربك ستر بس ههههه

Quote: يا بكور ... شايف كلمة "مساعد ياي" دي ماكلة معاك جنبة ... في حين انه الاطلق المصطلح دا هو أكبر "مساعد ياي" في المنبر ل "هاشم صديق" ...

ههههه

دي حالة شنو ياخوانا ...

الزول ده منو ؟

يا عبد الفضيل مالك معاي هسي ...ههه

ما أكون عفصت ليك واحد من ياياتك و انا ما قاصد ... :)

بعدين ياخ الياي حقي هاشم صديق بي جلالة قدرو ...

هو أي ياي ياي ... :)

Quote: دي حالة شنو ياخوانا ... الزول ده منو ؟ يا عبد الفضيل مالك معاي هسي ...ههه ما أكون عفصت ليك واحد من ياياتك و انا ما قاصد ... :) بعدين ياخ الياي حقي هاشم صديق بي جلالة قدرو ... هو أي ياي ياي ... :)

يا قباني دا أحد النكرات الفجأة بدينا نشوفهم في المنبر
بينفخو في البالونة العجيبة الإسمها حاتم أعجاز
ما توسخ كي بوردك ياخ
انت ما سمعت بالمثل البقول الجمل ماش
والعيال تنبح

.
..
...
اخونا يحيى ...
معليش للعفصة الغير مقصودة ...
ولك العتبى حتى ترضى ...
...
..
.

يا أبا بكر
والله حالتك تحنن كمساعد ياي أو أياً ماقال قباني...
حسع معدل مداخلتك دي في المنبر...هل حتقدر تصل الذواكر التي لا تخون !!! عشان تعدلها...
ما تخليني أقول ليك أركز 😂

حالة صعبة 🙈
نستعين بود البشرى إذا أمكن يجيب المداخلة المعدلة مكبشرة لو أمكن 😉

أما
أخانا حاتم...
آي بس أسمع كلام القصير 👌🏽...

تحياتي!

فردوس..حبابك يا صديقتي..
ياليتك تكوني هنا يا زولة ها..!
فلنتحدث عن قوقل كثيرا..
عايني الصدفة العجيبة دي..يا فردوس
كتاب اسمو..
Elements of Human Voice
المؤلف..
C.Julian Chen
منشورات جامعة كولمبيا..
نخط الرابط لو فتح معاك..

http://www.columbia.edu/~jcc2161/documents/HumanVoice.pdf


شوفي جوهر الفكرة ، مقارنة بكلام صديقنا المدغمس حاتم عن الصوت..
ياخي حتى ذكر البداية من التلفون مبسوطة هناك..
ناهيك عن الدغمسة الجد في الرسومات التوضيحية وطريقة بسطها وبذلهأ..
طبعا ح تقعي من طولك..لو لقيتي فصل اسمو (الخصائص الفيزيائية للصوت)..!!
طبعا حاتم..جاب معاها (مكانيكية)..!
عموما..
كبر

الجميع هنا..حبابكم

في اعتقادي هناك سؤال مهم يجب ان ننتبه له جميعا:لماذا تنشر الناس جهدها في المواقع الإلكترونية؟..ولماذا تحرص الناس على وضع روابط لجهودهم حتى تكون متاحة للباحث والقارئ والمتأمل؟..
المسألة مسألة اخلاق في المقام الأول ، مسألة شفافية وافتراض حسن النية في الذي يطلع على هذا الجهد ويحاول اعادة انتاجه في فكرة اخرى..!
لذلك مثل هؤلاء الناس يتحلون بالشجاعة ، والمصداقية العالية..وانهم يتحدون الآخرين لمساءلة مثل ذلك الجهد المبذول في المواقع الألكترونية..!
هذا الجهد هو ملك لكل البشرية ، وطريقة نشره بصورة مفتوحة الغرض منها الشفافية والمصداقية وحسن النية من قبل الناشر والمتلقي..!
حتى الكتاب التقليدي الآن متوفر في المواقع الإلكترونية..حتى المقالة المحكمة متوفرة..ومبذولة بصورة مجانية وكل يمكن ان ينهل منها بكل سهولة..
حينما تفتح رابط كتاب..في موقع الكتروني ، عن طريق ماكينة البحث قوقل..سوف تجد حرص من المؤلف..لتوضيح كل معلومة ، خصوصا لو كان الكتاب يحتاج رسوم توضيحيه او جداول او صور او تعريف مفاهيم..فتلاحظ كل رسم توضيحي او صورة معلومة تشير الى مصدر هذا الرسم او الصورة..وحينما يترك الكاتب مثل هذه الإشارة فيعني هذا ان الرسم التوضيحي من ابتكار صاحب الكتاب..وبالتالي يطالب الآخرين بحفظ حقه الأدبي والعلمي في الإبتكار..!
عطفا على هذه المقدمة ، السؤال: ماهو مغزي خيط صديقنا يحي قباني هنا؟..ولماذا ربطه بالتساؤل عن التساوي بين اهل العلم وغير اهل العلم؟..
اشار يحي لواقعتين: الأولي نموذج الطفل الذي يحاضر زملائه التلاميذ في الروضة او المدرسة الإبتدائية..وان هذا الطفل يطلب منه ..مثلا احضار لعبة ليتحدث عنها امام زملائه..هذه المسألة صحيح تعلم المواجهة والخطابة..ولكنها فوق ذلك تعلم الأخلاق..يعني حينما ينسب الطفل اللعبة الى نفسه فهو محق ، وبالتالي يتحدث عما يعرف وما يشعر بان هناك رابط اخلاقي وحقوقي (الملكية) تربطه بهذه اللعبة..
الإشارة الثانية: اشارة فكرة كتابة البحوث في التعليم النظامي في السودان والقاء محاضرات امام زملائك الطلاب..وفي هذه يحي محق ، لأن تجربتنا في التعليم النظامي السوداني لا تعلمك البحث وانما تعلمك الإجترار وسرقت جهد الأخرين..دون ان يرمش لك جفن..لذلك يعاني كثير من الناس الذين واصلوا دراساتهم في المراحل الأعلى مثل الماجستير والدكتوراة وغيرها..واكاد اجزم ان معظم السودانيين الذين نجحوا في مثل هذه الدراسات ستين في المائة من جهدهم هو تعليم ذاتي..تعرف كيف تبحث وتقارن وتلخص ثم تأتي برأيك الخاص في الموضوع..!
حينما تداخلت الصديقة فردوس في هذا الخيط واشارت الى مسألة المصادر التي لم يوضحها حاتم ، وطالبته بذلك ، فهي تتحدث في جوهر فكرة الخيط..فهل (قوقل) معرفة سائبة ومطلوقة ساكت ام تخضع لضوابط واخلاق علمية وفردية؟..
اول عضو في هذا المنبر ، قبل سنوات ، اثار مسالة الغش والخطف من قوقل دون الإشارة الى المصادر ، واحيانا التزوير في المقالات بحذف بعض واضافة بعض ، هو صديقنا كوستاوي ، وقتها البعض ظن ان كوستاوي له غبائن شخصية تجاه من يتهمهم بذلك..ولكن الغالبية فطنت للصورة الكبيرة التي يريد كستاوي اثباتها وهي ان المعرفة في قوقل ليست مطلوقة وانما محكومة بضوابط اخلاقية صارمة..ولقد نجح كوستاي الى حد كبير ، حيث صارت الناس تراقب بعضها البعض..كانت حتى الصور يتم مراجعتها ، وهذه الرقابة هي التي حجمت اصوات اصدقائنا من الحركات المسلحة في هذا المنبر حيث اكتشف الناس ان بعض الصور لمجازر رواندا ، او حرب الجنوب أو الحرب الأثيوبية أو الحرب الصومالية..الخ..كانت تجلب على اساس انهم ضحايا من دارفور..!
الرقابة اصبحت اقوى ، واصبحت كل معلومة عرضة للمساءلة والتمحيص..!
هنا..
صديقنا حاتم ..فاتح خيط عن الموسيقى ، وهو الخيط الذي اشارت له الصديقة فردوس..واتهمته بانه يغرف (العبارة المهذبة للسرقة العلمية والأكاديمية والأدبية)..واشارت لموقع استاذ موسيقى اسمه لاري سلمون..!
في نفس الوقت ..حاتم من تلقاء نفسه وضع رابط لخيط ابتدره من قبل (البحث في الإنترنت حقائق ومعلومات)..!
استاذنا محمد علي طه الملك ، قال عبارة طريفة ومهمة..بوصف حاتم كنموذج لدراسة حالة..في الحديث عن قوقل وعدم المساواة بين اهل العلم وغير اهل العلم..!
والسؤال:ماهي السرقة العلمية والأدبية؟ ماهو الغش العلمي؟..
البعض لازال يظن ان مثل هذه السرقة تكون فقط في الكلمة المكتوبة..أي سرقت عبارة بحذافيرها من جهة اخرى..وهذه الفكرة تم تجاوزها في الرقابة التي خلقها اهل المنبر بالممارسة (من تجربة كوستاوي ، لغاية تجربة امين سليمان مع هشام ادم..وتجارب اخرى)..فسرقة الكلمة أو العبارة ، تطورت الى سرقة الفكرة واشياء اخرى..!
صديقنا حاتم ، في حديثه عن الموسيقى ، قال انه يتبع العلمية ..يعني منهج علمي يخضع لضوابط متعارف عليها..ولكن هناك مشكلة في تعريف حاتم للعلمية..!
في بوست (البحث في الإنترنت ، حقائق ومعلومات) صديقنا حاتم وضع 23 رسم توضيحي او صورة..ولم يشير الى أي مصدر لأي رسم او صورة، ولم يقدم نبذة تعريفيه بان هذه الرسومات التوضيحية هي من ابتكاره حتى ينال الحماية في حق الإبتكار..!
في بوست الموسيقى ، صديقنا حاتم استعان بعدد 32 مادة (رسم توضيحي او صورة او جدول توضيحي) وفي نفس الوقت استعان بعدد 33 مادة مسموعة (نغم/لحن / اغنية)..ولم تتم الإشارة الى مصادر هذه المواد (باستثناء عدد قليل للغاية)..وفي نفس الوقت لم يشير حاتم الى ان عدد ال 65 مادة توضيحية في خيط الموسيقى هي من ابتكاره الخاص حتى ينال الحماية في حق الإبتكار..!!
خيط المال..ايضا فيه عدد من الرسوم التوضيحية ، دون الإشارة الى مصادرها ودون الإشارة الى حاتم كصاحب الإبتكار الأصلي..
الرسوم التوضيحي والصور ، هي جهود اناس اخرين ، ونشروها في المواقع الإلكترونية اعتمادا على اخلاق الشفافية والمصداقية وحسن النية ، وهم يتصورون ان القارئ ستعامل مع جهدهم بنفس تلك الآخلاق..مجرد الإشارة لصاحب الجهد لن تضر وانما ترفع من قدر المستلف..!
هذا المنبر، اقل فرد فيه من ناحية تعليم نظامي ، اكمل المرحلة الثانوية ، والغالبية العظمى تخرجت من الجامعات..يعني اناس يفترض فيهم ان يكونوا قدوة للأخرين من اجيال تشق طريقها في الحياة..!
حينما وصفت حاتم بانه يرتكب التستطيح والتجهيل..كنت اعرف ما اقول ، فلقد صنع حاتم ثقافة جديدة في هذا المنبر..فلاحظت البعض يغرف الرسوم التوضيحية والصور من المواقع الأخرى ويضعها بكل راحة في خيط يخصه دون الإشارة الى مصادر هذه الرسومات او الصور..!
تضع صورة واحدة او رسم توضيحي واحد..ممكن نمشيها بفرضية حسن النية..لكن تضع اكثر من ستين مادة مستلفة من جهات اخرى دون اشارة اليها فهذا سوء اخلاق وغش وسرقة علمية وادبية واكاديمية بالباب العديل..!
نعم حاتم يتميز بقدرة جيدة وطاقة كبيرة في الإطلاع على الكتب والمقالات والمواضيع المتاحة في المواقع الإلكترونية ، ونعم ان به شغف لمشاركة الأخرين..لكن له عيوبه الكثيرة..مثل الشوفونية..ومحاولة الإبتزاز المستمر بانه هزم فلان وعلان وله القدرة على هزيمة اخرين..فالمعرفة الحقة عمرها ما كانت معيار اوسيف مسلط لهزيمة الآخرين..!
الشهادات الكرتونية يا حاتم ، ولقد سبقك صديقنا اسامة الخواض في نقد اهل الأكاديميا بسنوات عديدة ، مهما اختلفنا مع اهلها واصحابها ، الإ انها لازالت معيار مقبول في كل انحاء العالم..!
الموقع الذي اشارت له صديقتنا فردوس (موقع لاري سلمون)..واضع نبذة تعريفية عن شخصو..التعليم ، الدرجات العلمية التي نالها ، مؤلفاته..الخ..وهذا ليس من باب المباهاة والشوفونية..وانما من باب الشفافية والمصداقية..يعني مافي زول بيقدر يحتج يقول ليهو انت منو وشنو عشان تتكلم عن الموسيقى..!
في نفس الوقت..المدونة التي انشأها حاتم ابراهيم..ليست فيها معلومات تعريفية عن صاحب المدونة وعلاقته بالموسيقى ، يعني نظام شبح يا حاتم ..حتى لو في زول حاول يطاردك في المعلومات القاعد تغرفها وتنشرها باعتبارها من ابتكارك ما ح يقدر يلقى سكة يقبضك بيها..!!
ياخي اكتب..انك هاوي ، وانك اتعلمت الموسيقى بصورة ذاتية ذات زعلة من بعض اهل الموسيقى ، وسيحترمك القارئ كثيرا..!!
في هذا المنبر ، مثلما ذكرت سابقا ، اناس كثيرة ، تمارس التدريس على المستوى الجامعي ، ناهيك من كونها تكون متخرجة في جامعة ، والسوداني قارئ نهم وذكي للغاية ، ويقرأ كثيرا ويستوعب ويحلل ، وله القدرة على ابتكار الأشياء..ولكن الكسل يا صديقي حاتم وهذه اتفق فيها معك..ناس كثر يا صديقي حينما يستلفون افكار وعبارات الأخرين يشيرون اليها..امثلة كثيرة نذكر منهم صديقنا ماجد سناري ، وصديقنا عبد الوهاب سناري ، وغيرهم كثر..!
هناك من يكتبون معرفة جديدة غير مطروقة ، امثال المرحوم محمد عبد الله حرسم ،ومحسن خالد ، وبريمة محمد ادم ، وعلى عبد الوهاب عثمان ، ومحمد النور كبر..والثلاثة الأخرين معظم كتاباتهم هي عبارة عن اثنوغرافيا ، وهذا امر مباح في علم الأنثروبولوجيا الثقافية..وهي معارف من الممكن جدا اختبارها على ارض الواقع..!!
كثر في هذا المنبر يا حاتم يكتبون ويشاركون في النقاش..ويتميزون باخلاق علمية وثقافية وادبية عالية للغاية..!
كتاب المقالات في الصحف الإلكترونية مثل الراكوبة ، سودانايل ..الخ..يكتبون جهدهم وافكارهم ، وان استعانوا بافكار الأخرين يشيرون الى ذلك بكل وضوح..!
وهذا الحديث ليس المعني به صديقنا حاتم لوحده ، كحالة دراسة ، وانما يعني كل سوداني او سودانية يكتب في المنابر والأسافير..خصوصا هذا المنبر الرائد..!
حينما كنا شباب يافع ، كنا نلوم من سبقونا بانهم لم يحقوا فينا معنى الأبوة ، حيث اورثونا الخيبات والأزمات والمرارات..واخشى ان نسلك نحن نفس السلوك لنورث من ياتي بعدنا الخيبات والأزمات والمرارات..!
دعونا نكون قدوة..والوعي لا تصنعه البندقية ، وانما مكابدة الكلمة الصادقة الشفافة..والكلمة مدخل المعرفة والعلم..!

اكثر عبارة تمتلئ باللؤم والخبث وسوء الأخلاق..عبارة تجيزها لجنة المصنفات في السودان ، وذلك حينما تجيز البوم او كاسيت لمغني او مغنية ، حيث يكتب على اغنية معينة انها تراث..!

فهل يا ترى سيكتب صديقنا حاتم عبارة:تراث في صدر بوست الموسيقى او غيره من بوستاته ليعفي نفسه من المسئولية؟؟

كبر

.

ههههههههه
أبوبكر حال كونه متضايق 😁
يا سيدي الياي تستعين بأمين تستعين بشيخ الكريبة بتاع عرديبة 😂😂😂*
حاجة تخصك جداً جداً...
وده بيصب في نفس تساؤلاتك قبل تعديل بوستك ذات ضيق...
كونه تصل لليقين في آي حاجة دي رحلتك الخاصة ... بالتالي مافي زول حيساعدك فيها!
سجل في كورس** عن آي حاجة بهرتك و جهرك ضوء عبقرية عبقرينو وبعداك أقرأ كلامه بعين غير " ظمأى"
يعني تشوف بوستاته دي من زاوية جديدة ... بعد داك شوف حتواصل في رؤيتك ليه ولا ال "وين للفأر" بتاعتك
حتتغير و تشوف ليك ريختر قياس جديد!
غير كده ... ما حأقدر أقول ليك غير حتكون خالد في نعيمك ده ***


.......
*بلاقي البوست ده في وشي طوالي و عاجباني النغمة حقته...حقو أقراه ههه
**بالمناسبة في كورسات مجان. اليومين ديل ماخده لي كورس عن السعادة مع ناس edx شوفهم يمكن تلقى كورسات تعجبك...جادة!
***عندها علاقة ببيت الشعر المشهور.

تحياتي!

.

نفهم إنّو لو حاتم من نفسو ما جاب المصدر، ح ينجو بجريمة سرقتو؟!
واتي يا فردوس، فنجرة كدا ح تعفيهو!!
أقترح تستعينوا ببروف أمين من ناحية الفيس بوك
أنا برسل ليهو:
السيد/ أمين نوتة الشهير بالبروف،
نحيك بتحية الاسلام الخالدة
السلام عليكم ورحمة الله وبركاته،
في غيابك أخي البروف، ظهر لنا بحوش بكري كاتب كالغول،
يكتب اليوم عن الفضاء، وغداً عن الموسيقى
وبعد غد عن الاقتصاد
كتابات رصينة قوية
مشكلتنا معه أنه ينظر إلينا من عل
استعنا بشاعر "فلادلفيا" العظيم فخرج لنا ببعض الأخطاء الإملائية
من همزات ولمزات
قلنا نجرب الطب الأمريكي يمكن يكون مسحور
قالوا لينا: في شك إنّو حرامي
ألحقنا يا بروف،
في غيابك، كل القبيلة حزينة
رسل لينا رابط
قبال تجي تعزينا

الأخ العزيز كبر...
شكراً كتير لسمو فهمك و كلامك ال كالعادة ينضح حكمة و إتزان !
النصيحة خجلتني ...

متابعة لطرحك بحول الله!

تقديري و احترامي

التهمة شنو يا كبر؟

حُذفت للخصوصية...

أقصد يا كبر، تهمتك شخصياً لحاتم،
تُهم الآخرين مفهومة
أرجو تحديد التهمة بدقّة
عشان نقدر نتابع محاضر الاتهام

أرجو تحديد التهمة بدقّة
عشان نقدر نتابع محاضر الاتهام
ــــــــــــــــــــــ
التهمة هي :إنو ياي مساعدو تعبان...
اها تابع،دار تصل لشنو؟ ..أوبسسس،نسيت
ياخي جد جد جد جد ،بقيت تثير الغثيان...
أي كلمة ليك تاني في البورد دا تحمل مسئوليتا ، على الأقل خلال اليوم دا،انا قاااعد، والله لأضربنك ضرب غرائب الإبل...بكرة ماقاعد..
ارح عجّل

كتب ابوبكر عباس:

Quote: أقصد يا كبر، تهمتك شخصياً لحاتم، تُهم الآخرين مفهومة أرجو تحديد التهمة بدقّة عشان نقدر نتابع محاضر الاتهام

ول ابا ابكر الطويل..حبابك

ما يقوله كبر واقع لحاتم..وهو اكتر من يستفيد منو..!!!
I am not enemy
لحاتم ابراهيم..ولوهو فاهم كده ..طظ فيهو لغاية يوم القيامة العصر..!!
وهكذا قدر المعلمين الكبار يا ابكر..وهم اقدر على هذا القدر الغريب..!!

تهمتي..
في هذا الخيط..حاتم خط رابط لخيط اسمو (البحث في الإنترنت ، حقائق ومعلومات)..والصديقة المحترمة دكتورة فردوس جامع اضافت خيط لحاتم اسمو الموسيقى..
في الخيط الأولاني..حاتم وضع 23 رسم توضيحي وصورة..
في الخيط التاني حاتم وضع ..33 مادة مسموعة (نغم/ لحن..الخ)..
ووضع 32 رسم توضيحي او صورة..
يعني في خيطين (بوستين) حاتم وضع 88 مادة مستلفة (مغروفة عديل يا ابوبكر) ولم يوضح مصادرها ، ولم يشير اليها بانها مستلفة من مصادر اخرى او من ابتكارو..(ده موقف حنين شديد يا ابكر ، وفيهو بندي حاتم فرصة الإستفادة من الشك المعقول..ودي اسأل منها محمد علي طه الملك..)..
خليك من كتاب (خصائص الصوت البشري) بتاع تشارلز شين ولا مين كده ماعارف..خطينا الرابط فوق..ودي الحتة البتطابق كلام حاتم عن الصوت في بوست الموسيقى..!!


لو عندك يا ابكر ، كونو الناس تلطش وتسرق جهد الأخرين حاجة حلال..نحن عندنا ده حرام بالباب العديل ..وجرائم اخلاقية وقانونية وحقوقية..!!


موقفنا واضح يا ابوبكر..ولو فيك ذرة اخلاق..حقو تسأل حاتم ابراهيم من وين جاب الرسومات التوضيحية والصور (عددها 88) في خيطين فقط..ناهيك عن خيوط اخرى فتحها حاتم باسمو..!!

وليه حاتم..كل مرة عامل المصادر فريضة مؤجلة..!!

انت داير تصل لي شنو يا ابوبكر عباس؟..

هدية لول ابا يحي قباني..ناس الزمن الحلو (الزمن الجميل استهلكوها كتير يا صاحب)..



مهما الشك تجمع من حول الحقيقة..!!

ابوبكر عباس..رصيدك قاعد ينقص شديد..التطبيل للغش الأكاديمي والعلمي والأدبي والثقافي والأخلاقي..ما ح يسوي منك بلطجي محترم..!

ده غير ملطشة شيخك شحرور قدام محمد اركون..!!..والله صحي..!

وحاتم ابراهيم بكل طفاسة بيجيب سيرة هادي العلوي..!!

عين والله عين على قول شيخنا حميد..!!

كبر

ياخي قاشر إبراهيم دا نحن مادايرنو،اها أبوبكر دا داير ياكلو لينا بالغصب؟
مايمشي ياكلو براهو،في زول حايشو؟
الرخوية الزائدة دي بتوفينا عدييييل كدا..
ربنا كان دار يخلقنا ديدان مابغلبو..

أخي الحبيب كبر
السرقة الأدبية تقوم على الادعاء ونسبة عمل الغير إلى الذات، والدليل على ذلك أنك - في داخلتك أعلاه - أتيت بفيديو رمضان زايد ولم تذكر المصدر فهل تعتبر هذه سرقة أدبية لجهود الآخرين؟ لا. والسبب أنك لم تدّع أنك صاحب الفيديو، ثم إن فيديوهات اليوتيب تشير إلى صاحب القناة أي إلى مصدرها، والصور الرقمية كذلك يمكن تتبع مصدرها. وإذا اعتبرنا أن كل عبارة تطابق ورودها في مرجع أو مصدر سابق تعتبر سرقة أدبية، فلن تسلم أنت أو بريمة أو محسن خالد من هذه التهمة لأن المعرفة لا تأتي من فراغ وإذا أتيت بكلام لم يقله أحد من قبل فقد ينعدم الإطار الدلالي المشترك بينك وبين المتلقي فتصعب عملية التواصل. ربما كان حاتم من أكثر كتاب المنبر إيرادا للمصادر، وذلك ليس لأنه الأكثر أمانة علمية ومن غيره، ولكن لأنه يستخدمها في المحاججة والجدل مع مجادليه وخصومه. مشكلة حاتم مع قبيلة سودانيزأونلاين أنه يتسبب في جروح نرجسية عميقة ويحارب بالكوكاب (كما ذكر من قبل) ولا يجيد استخدام الكلمة السودانية السحرية التي تشكل بلسما للجميع: أبدعت!

مشتاقين والله يا مستر قباني
ومشتاقين لمنهجك وعلومك

Quote: http://www.columbia.edu/~jcc2161/documents/HumanVoice.pdf شوفي جوهر الفكرة ، مقارنة بكلام صديقنا المدغمس حاتم عن الصوت.. ياخي حتى ذكر البداية من التلفون مبسوطة هناك..

كبير الملابطين في دولة أمسودان!
انت جيت؟

دي آخر مداخلة لي هنا، وقل جاء الحق يا كبر،
كتابك دا أول مرة أشوفو، ومشكور يمكن اطلع عليهو لما أكتب عن الغناء!
لكن حدد قول حاتم نقل الفقرة الفلانية من هنا ونسخ ديك وغرف ديك إلخ
عشان نميز تهمتك وبعد داك هين، لكن حتى ذلك الحين، كلامك كلو كضب يا كبر!

مشكلتك الهيجان والاندفاع بلا تبصر، شفت تور الروديو؟ بس!
بردلب بردلب بردلب أمسودان، بردلب بردلب بردلب أمسودان، بردلب بردلب بردلب أمسودان
ولا عارف البنفعك من البضرك

قول لي كيف!
في إزبوع واحد انت (مرتكب) ليك تلاتة جلايط وشردت منها جميعاً
بدون ما تعتذر حتى أو تصححها:

واحد: طلعتني صاحب شركة محاماة أمريكية

Quote: يا حاتم ابراهيم صحيح عضو اوعميل في شركة كالم سوفت وير الظاهرة في سجل ولاية اوهايو بالولايات المتحدة..وهنا من حق الناس تسال وين اسم حاتم ابراهيم..ولو طلع عندو اسم تاني ..الناس من حقها تتهموا بانو شبح بيخفي حقيقيتو على الناس.. ويا اما انو حاتم ابراهيم ما عندو علاقة بالشركة المعنية ، وقام انتحل اسمها بصفة ناس (اتعامل ) حسب ما وارد في عبارتو الفوق..ومنها الناس تعرف انو حاتم كضاب وقاعد ينتحل صفة الأخرين..يعني مزور ومدلس..!! اهو يا حاتم الحاجات قدامك وتعال وضح للناس..!! Re: توضيح من حاتم إبراهيمRe: توضيح من حاتم إبراهيم

أوهايو المدينة ولا التقاطع؟


اتنين: بتكابر وتلابط بلا تبصر

Quote: صاحبك يا عبد العظيم هو محمد ابراهيم الفكي (أو أي كان اسمو) الذي فتحت بوست وبتقول للناس انو كان عضو في دورة اتحاد المحايدين بجامعة الخرطوم في التسعينات من القرن المنصرم..والأربعين عضو/ة في الإتحاد داك انا عارفهم زي جوع بطني..ببساطة لأني كنت القاعدة الجابتهم..اللهم الإ كن محمد ابراهيم ذاك كان عندو اسم تاني ظاهر بيهو في الجامعة في ذلك الزمن؟..البوست قاعد..!! Re: طائفيـة الأسافيــر andquot; هيبة الألقاب وقدRe: طائفيـة الأسافيــر andquot; هيبة الألقاب وقد

تلاتة: بقيت تحيي وتميت
وللأسف المداخلة ما لاقيها، لكن اتمنى أصحاب الشأن يدلوني عليها:
المحتوى بتاعها إنو في فنان توفي لرحمة مولاه، يقوم كبر يقول حي وساكن جمبنا وأنا بعرفو!
ويصلحوهوا وبعد داك ما يرجع يقول آسف.

قول النصيحة يا كبر الحكواتي اللباطي واعترف بالحالة التالتة، المرحوم توفى في السعودية على ما أذكر.

_____
الكلام دا أنا بقولو تدليل على سوء تحريات كبر وعدم إدراكه السليم للأمور وتهوره.

أوهورو كبراتا

حاتم..حبابك يا صديقي..

كبر ما قاعد يلطش..وخطاها ليك واضحة يا حاتم..لو بتفتكر انو البسطاء فاكرين السرقات في حدود الكلمة المكتوبة فقط..ناس كبر اتجاوزوا الفهم ده بزمن بعيد..

انت خطيت رابط لخيط (البحث في ألإنترنت..حقائق ومعلومات) والصديقة المحترمة دكتورة فردوس جامع جابت ليك خيط الموسيقى..!

في الخيطين ديل يا حاتم ابراهيم انت استخدمت عدد 88 مادة..من رسم توضيحي او صورة او نغم..مصادرها شنو؟..
هل هي جهد ناس اخرين أو من ابتكارك الخاص..؟؟؟؟
لو جهد ناس تانيين ..انت سراق وما عندك اخلاق يا حاتم..ولو هي من جهدك وابتكارك..قل ذلك وسوف ندافع عنك زي الترتيب..!!

ما تنسى..نحن متقيدين بي فكرة يحي قباني بتاعة (قوقل) وهنا عشان نوضح انو لا يستوي الذين يعلمون مع الذين لا يعلمون..!!
وانت يا حاتم من زمرة الذين لا يعلمون..ودايرين يملوا الناس فقر في السهلة..!!

فردوس احترمتك وقالت ليك جيب المصادر..!

وكبر بيقول ليك..88 رسم توضيحي وصورة مادة مسموعة في بوستين فقط مفتوحة باسمك..جبتها من وين يا حاتم؟؟؟؟!!

قول الروب..زي ناس المصنفات بتاعين امسودان ، واكتب في صدر كل بوست:تراث..!!

قلت لي هادي العلوي..؟؟؟!!

بت الكــــلب يا الشعيرية..!!

كبر

Quote: ول ابا يحي..حبابك يا صديقي والتحية لجميع الصديقات والأصدقاء هنا.. نعم قوقل ساهم كثيرا في تسهيل الوصول الى المعلومة وهذا انجاز كبير للغاية.. المشكلة في اخلاق التعامل مع قوقل او الكتاب التقليدي

حباب كبر ... حباب زولي السمح ...

ما قلت الا الحق ...

تعرف الليلة كنت في مناسبة و ( حلّيت ) مديدة دخن ...!!!

ياخ لعنت أبو الغربة ... و أبو الاخلاق الراحت ...

يمين أي زول شرب من شطر البلد العجيب داك ... يموت كمد كده بس ... لغاية ما يرجعو ... يا واقف طولو و لا ممدد ...

Quote: دي آخر مداخلة لي هنا،

أها ها ها ها ها ها
صاحبك حاتم أعجاز (جمع عجز) دا أكبر مستهبل في المنبر
كل ما يحس إنه اللعب ما ماش في صالحه في أي بوست يكب ليك المكنة دي
دا معناها بدأ يتجرس
ماهو ما هدفو الحقيقة لا
أصلو ما تديو فرقة الليلة

أها النزيدك من تهوراتك المثبتة

Quote: استمتعت بنموذج (رباعي ميامي)..وبعد اذنك نضيف بعض التخاطر..عشان نشوف جمال الساكس..!! المجموعة البتعزف في النموذج القام استعان بيهو صديقنا حاتم..هي مجموعة اساتذة (بروفسيرات عدييل كده يا اهلنا..خصوصا اخونا قاري كيلر..بتاع الساكس السبرانو..فده بروف الله والرسول الواحد ده)..!! المقطوعة اسمها (بامبلونا)..وهي مدينة في شمال اسبانيا..وعاصمة مقاطعة نافارا..مدينة بامبلونا..مشهورة بمهرجان مصارعة التيران الأسباني (طبعا اسباني لأنو العالم حتى الآن ما شاف بقارة جنوب كردفان..!!!)..مؤلف المقطوعة هو الفنزويلي دكتور اداردو كالي..وهو رجل مغرم بالمزج..تصنايف مزيكا تقليدية شعبية..جمعها مع بعض..ثم تقديمها للعالم بصورة مدهشة للغاية (عارف يا حاتم ، وانا استمع للمقطوعة توقفت في الريتم بتاع الصفقة..فهي مألوفة لروحي..دي صفقة المردوم يا حاتم..!!!).. استفدت من هذا النموذج..في التعرف بصورة حقيقية على انواع الساكس:سبرانو ،آلتـــو ، تينور..وباص/باري تون..!! Re: ساكسRe: ساكس

العازفين في الفيديو المعني لو كانوا سودانيين كان قلت لينا (جيراني) وبعرفهم زي جوع بطني!
مع أن دا كله مبين في الفيديو يا أوهورو، وانت ما قلت لزول من وين حصلت على معلوماتك (الثرة) دي!
بس أرررررررررر حكي وملابطة.

بخصوص الموضوع دا
البحث في الانترنت، حقائق ومعلوماتالبحث في الانترنت، حقائق ومعلومات
الصور وملفات الصوت في أي موضوع طويل موثقة بمصادرها منها وفيها فكلها مربوطة (linked) بمصادرها يا أوهورو
بما في ذلك بوست الموسيقى وبوست المال وأي بوست طويل آخر.
فطالما الإشارة لمصدر الصور فدا كافي جداً للتوثيق.

إشارتك الحمراءالمتهورة بخصوص الصور دا ياها ذاتا نفس (نباهة) الكيك، برضو بردب زيك كدة في الحتة دي!
بس متفوق عليك بأنو ما عارف الفرق بين اللنكات والتواريخ، وداك ياهو بيقارن محتويات ملفين بعيونو
أي والله (دكتور) بيقارن محتويات ملفات إلكترونية بعيونو في 2017


أما الصور المصدرها أنا (العاملها أنا) ذاتي فغالبا بتعامل معاها بطريقتين:

1- فلو عملتها أنا كمسودات برفعها لموقع حفظ صور وأشير ليها
مثال: الصورة في المداخلة القررت فيها بتهورك إنو حاتم سرق منك مفردى (تقنية)
Re: ميز كبرRe: ميز كبر

2- ولو كانت منتهية وجاهزة فغالبا أضعها في موقعي وأربطها
مثال: صورة غوغول إيرث هنا
Re: أين وصل السودان في الطاقة الشمسية ؟Re: أين وصل السودان في الطاقة الشمسية ؟

مثال تاني: الصورة في المداخلة دي
Re: العبار بريمة بلل، هل أنت أستعنت بمعلومات �Re: العبار بريمة بلل، هل أنت أستعنت بمعلومات �


هسع انت حامل كرتونة ولا ساكت؟

Quote: كبر ما قاعد يلطش..وخطاها ليك واضحة يا حاتم..لو بتفتكر انو البسطاء فاكرين السرقات في حدود الكلمة المكتوبة فقط..ناس كبر اتجاوزوا الفهم ده بزمن بعيد.

ما قاعد تلطش شنو؟
يعني قاعد تكضب بس؟

والله أخير تلطش وتسكت، لكنك للأسف أنت أكبر مضلل يمر علي هنا!
وهو اللطش كيفن، هسع عليك الله في داعي تنجلط في الحكي وتغوص لمن تطلعني
صاحب شركة في أوهايو بكل جرأة وتسكت
والراجل تقول بتعرفو زي جوع بطنك وينبهوك ويدوك نصيحة توعوية وما تتعلم
والتالت المرحوم تطلعوا حي يرزق وبراااحة تزوغ وتسكت

ودا كلو في أسبوع واااااحد يا كبر، أنا لاحظت دا كلو ولميتو ليك، لليوم دا، بس نسيت أوثق موضوع إحياء الموتى دا

وبعد دا كلو ما أخير اللطش من فعايلك الفضيحة دي؟
هسع بتفترض أني نقلت من كتاب أنا أول مرة أشوفو، دا غير إنو الموضوع ذاته منتشر في مئات المصادر
معقولة الهبالة البتعمل فيها ياخي، هوي أنا والله ما فاضي ليك، لكن وجعتني الربربة بتاعتك دي!

وعليك دينك يا كبر لو ما دليتني على المداخلة الأحييت في المتوفى، عليك ربك وريني محلها!
البحث عنها صعب جداً وسط ركام كلامك المرسل الفارغ من الحقائق والدلالات.
أعوذ بالله منك ياخي، مليون كلمة بلا فايدة!

موضوع هادي العلوي تمشي ليهو هناك يا عشواوي ونشيف فهمك شنو يا أوهورو.

---- دي آخر مداخلة ----
والله صحي كلامك يا طلحة، أصلو ما مفروض اهتم بالهوامش.

شكراً محمد الأمين، على هذه المداخلة التي تكفينا مواصلة التداخل هنا

جميل جدا ومشكور...
انا ذاتي بديت اندم على لهجتي الحادة تجاه اختلاف زوايا الشوف...
أثمن تكتيكك إنت وحاتم:الانسحاب مفتوح الآفاق ..
المشكلة ياعمك،او الحقيقة ،إنو زي ماقال أزما الحواتي :سكتنا مازي سكتك...لذلك الاتفاق ضنين..
أفضل ننهي البوست دا تصالحي وناخد كلنا نفس عشان نرتب خطوطنا...
بعتذر اعتذار زول ظلامي،يعني بصدق وجدية خالصين،ليك ولي حاتم برضو...
النوريك رأينا البتقول عليهو ظلامي:قال الحبيب عليه الصلاة والسلام:أنزلوا الناس منازلهم...أو مامعناه..
عليه نحن مامورون شرعا بالاعتراف للناس بالأفضال،لكن دون زيادة او نقصان..عارفين بالضبط حاتم أفضل في شنو،وأسوأ في شنو...
وهذا آخر قولي في المسألة..إن لم يستجد طارئ..
سلام

تعرف يا بكور ...
في الثمانينات وفي المرحلة المتوسطة ، مدرستنا (الخرطوم جنوب "1")
كان عندها فريق كرة طائرة مركب كريب شديد وكنا مشاركين في دورة كرة طائرة على مستوى العاصمة المثلثة ...
كان من ضمن لاعبي الفريق واحد اسمه ويا للمصادفة "حاتم" وحجم جسمه مقارنة بطلاب المتوسطة كبير نسبيا ...
حاتم دا كان بمثل حوالي 50% من قوة الفريق بسبب مهارته الكبيرة وطوله الكبير مقارنة ببقية الطلاب ...
المهم المباراة النهائية رست على مدرستنا ومدرسة من ام درمان ما تذكر اسمها والله ...
المباراة كانت في ملعب (قصر الشباب والاطفال) بام درمان وقبل بداية المباراة بقليل طلاب مدرستنا كانوا شايلين نوبة وبشجعوا تشجيع يصم الاذان ...
كما أن فريق المدرسة قام باستعرضات مرعبة قبل بدء المباراة بدقائق ...
الناس ديل الواحد منهم كان والواحد منهم بجهز الكورة والتاني بنط فوق وبضربها الكورة بتدق بالارض وتقرب تصل سقف الملعب ...
طلاب مدرسة ام درمان لما شافوا مستوى فريق مدرستنا من خلال الاستعراضات انسحبوا من المباراة
بداعي انه اعمار طلاب فريقنا كبيرة وربما يكون هنا تزوير في الاعمار وبفعل ذلك الانسحاب فقد تم حرماننا من متعة ذلك اللقاء الذي كنا نتجهز له شهور وشهور ...
.
.
.
فااااااااااااااااااا
.
.
.
انت اسه شكلك عملت لينا عملية مدرسة ام درمان ...
.
.
.
المهم ...

Quote: كان من ضمن لاعبي الفريق واحد اسمه ويا للمصادفة "حاتم" وحجم جسمه مقارنة بطلاب المتوسطة كبير نسبيا

حاتم لوفة ..لاعب شباب السجانة.
اتاريك عجوز يا قسِم 😊

يا أبا بكر
مداخلة الأخ محمد الأمين دي وجهة نظره الخاصة ال ما ممكن تأكلها لينا غصب على قول عليش....
وجهة نظره دي مستمده من عدم الصرامة الأكاديمية للمؤسسة الإتعلم فيها ( وجهة نظري).
ماممكن بوست ليه قريب السنتين و صاحبه يدعي إنه ما عنده زمن يدي الناس حقها... ده في نظري إستغفال
عنده زمن يفتح ميز على قوله للقاصي و الداني و يشاكل طوب الأرض الزمن بس لما جات للمصادر بقى ممحوق؟
لو أنت شايف غير كده دي كمان وجهة نظرك ال مستمدة من ال practices ال بتتعامل بيها مع الأمانات العلمية وصراحة فيها قبول للإستغفال يحير.
بالنسبة لي آي زول بيكتب من غير ما يستحمر الناس و يعمل فيها إنه ده كلامه بيقبل التحدي بتاعي...
لأنه فعلاً بيكون محتفظ بالمصادر و ممكن ينزلها في آي وقت و الأمانة العلمية بتقول مع المادة....لو إتاخر شهر ممكن نفوتها
لكن سنين ... دي بقى ذي ما قلت تمش في زول ما عنده حديدة ...
أها عملت شنو في ال mission ال كلفناك بيها قبيل؟
تحياتي!

Quote: حكمة البوست ... "كيبوردك" لا تذكر به عورة امرءٍ ... فكلك عوراتٌ وللناس "كيبوردات" ...

قسم الفضيل حبابك و ال جابك يجيب عقابك كما في المثل هههه

عقابك ديل باقي مساعدين اليايات :)
شابكنا تسونامي و شنو ما بعرف ما فاضل ليك بس تقول آيزنهاور عشان نعينك ياي كامل هههه
أهو كويس في تطور ملحوظ ...

زيد لحكمتك دي
لو أنت صلعة و ما هاماك الحلاقة في راسك
ما تصر على الناس يتعلموا فيهم الحلاقة... ما كل الناس صلع!

حبيت أشاغلك الزعل مرفوع ...

ول ابا محمد الأمين موسى..حبابك يا صديقي

كتر خيرك على التعقيب..

النقاش هنا كما اراه: هل يحق للناس ان تنقل من مصادر اخرى دون الإشارة اليها ، وهل هذا النقل يعد سرقة ادبية وسوء اخلاق..؟
انت ترى ان السرقة تكون في حالة ان ينسب الفرد المادة المنقولة الى ذاته اي من ابتكاره ويمتلكها كحق خاص..

في الحالة المعروضة للنقاش هنا (حالة حاتم) في خيطين وضع 88 مادة ملطوشة (مسروقة من جهات اخرى) دون الأشارة الى مصادرها..كيف تكون هذه سرقة؟
عندنا في القانون مبدأ قانوني يقول (السكوت في معرض الحاجة للأفصاح يعد رضا) وهذا يعني اذا الناس طالبت حاتم بالمراجع والمصادر ، ورفض جلب المصادر او الإشارة اليها (كما فعل في الخيطين المعنيين) فهذا يعني ان حاتم يصر ان هذه المواد من ابتكاره الخاص..يعني يمارس السرقة الأدبية ويزيد عليها سوء الأخلاق بالمكابرة والإصرار على الخطأ..

نموذج الفيديو الذي ارفقته انا هنا ، وجيد انك اجبت على نفسك ، أي ان الفيديو المبذول في اليوتوب يحتوي على تعريف ومعلومات عنه..لمن هذا الفيديو ومن اضافه او اعاد نشره في اليوتوب..ومتى تم النشر..يعني المعلومات متوفرة..وفي أي خيط ابتدرته في التعريف او القاء الضوء على ظاهرة غنائية او موسيقية كنت اشير حتى الى صاحب القناة الذي نشره ، واعتمد كثيرا على قنوات الأصدقاء سبمبيتكو وناصر الليندي وغيرهم من ناشرين سودانيين في اليوتوب..
لتوضيح المصدر:
يعني الفيديو بيوضح انو:الناشر(صاحب القناة) ناصر الليندي ، تاريخ النشر 6مايو 2015 ، الكلمات للشاعر عوض جبريل ، الحان وغناء الفنان عبد الله محمد ، الأداء الفنان رمضان زايد..
هل لو ضغطت على أي رسم توضيحي او صورة اضافها حاتم (88 مادة في خيطين) يمكن ان اصل الى مصدر المادة ، صاحبها ، تاريخ نشرها ، اين نشرت؟

نحن هنا يا صديقي نتحدث عن كيفية التعامل مع ماكينات البحث والمثال قوقل..وأي كلمة تدخلها من اجل البحث ، مثلا (مفهوم الحداثة) ستجد التعريفات ومضاف معها روابط ، وفي نهاية المادة تجد فهرس للمصادر والمراجع..!
حاتم حينما فتح خيط الموسيقى مثلا ، لم يفتحه بغرض الونسة العادية ، وانما فتحه بادعاء العلمية والمعرفة وانه يريد ان يعلم الأخرين..وهذا امر مشروع ، ولكن الطريقة التي يتحدث بها فيها نوع من الإدعاء والشوفونية وانه هو مبتكر كل المواد التي اجتراها واعاد نشرها في ذلك الخيط..وسأله احد المتداخلين عن المراجع ، ووعد باضافاتها ، وسألته فردوس عن المراجع ووعد باضافاتها..وحتى الآن لم يتم هذا الوعد..وحاتم الآن يفكر في كيفية مجازفة هذا الأمر ومحاولة اقحامه ليخارج نفسه..
هناك فرق يا صديقي بين ان يكون حاتم مجادل ومحاجج وبين ان يطرح نفسه كمعلم ومبتدر للخيوط..!

ليس بالضرورة ان يقول حاتم للناس ابدعتم ، وانا شخصيا لا انتظر ولا اقبل أي تقريظ من حاتم ، لأنو غير مؤهل لمدحي او تقريظي..وفي نفس الوقت يا صديقي لن نسكت على زول بلطجي مارق للريبة والتلاف وبيتوعد بتدمير أي زول يقول ليهو لأ انت غلطان وكذاب وما عندك اخلاق تماما..!
والسؤال قائم يا صديقي: هل من حق الناس ان تنقل من قوقل او غيره من ماكينات بحث دون الإشارة الى المصادر والمراجع؟..وهل تعتبر ما يفعله حاتم ابراهيم لا يدخل في باب السرقة وسوء الأخلاق؟

كبر

حاتم ابراهيم..حبابك

التهمة: انك في خيطين (الموسيقى) و(البحث في الإنترنت ، حقائق ومعلومات) استخدمت 88 مادة (رسومات توضيحيه ، صور ، مواد مسموعة) ولم تكتب مصادرها ومراجعها ، ولم تكتب انها من ابتكارك..!
سكوتك عن المصادر والمراجع هو سرقة وسوء اخلاق..!


والآن ننتقل الى مرحلة جديدة وهي مرحلة التستطيح والتجهيل والتزوير واختلاق الأكاذيب في حق الآخرين..وهذه بتوضح طريقة تفكيرك التي تقوم على الإجترار البائس والأمكانيات المتواضعة (يعنى دقنوسك مليان مخاتة ساكت)..ودي طريقة الإعتماد على قوقل لحد العبادة..!
انت قلت:

Quote: واحد: طلعتني صاحب شركة محاماة أمريكية

الفقرة التي اقتبستها من كلامي ، واعترف انها هي كلامي بضبانتو لأنك ما بتقدر تسرقو وتلف وتدور حولو..والناس بتقراها هنا وممكن تحاكمو..
الفقرة لم تثبت أي حاجة يا حاتم لو بتعرف تقرأ وتفهم..وانما تحدثت عن افتراضات وتساؤلات ..وانت هربت من التوضيح لأنك فيك كمية من سوء الطوية وسوء النية وعدم الأخلاق ، ولا تعرف الشفافية والمصداقية..

انت قلت:

Quote: اتنين: بتكابر وتلابط بلا تبصر

ولأنك رأسك مليان مخاتة ساكت ، وامكانياتك في الفهم متواضعة للغاية ، انا وضعت بين قوسين (أو أي كان اسمو) ودي واضحة انو ما متذكر الإسم كما هو..وده مش مهم..المهم صديقنا عبد العظيم عثمان اكتشف خطأه الأساسي وراجع المعلومة وذكر أي دورة اتحاد كان يعنيها..فماذا فهمت انت من كل الخيط؟..وهل تظن دي منقصة ضد كبر؟..شايف حتى في تزوير العيوب في حق كبر ما عندك خيال واسع؟
شفت انت جهلول كيف؟

حاتم كتب:

Quote: تلاتة: بقيت تحيي وتميت وللأسف المداخلة ما لاقيها، لكن اتمنى أصحاب الشأن يدلوني عليها: المحتوى بتاعها إنو في فنان توفي لرحمة مولاه، يقوم كبر يقول حي وساكن جمبنا وأنا بعرفو! ويصلحوهوا وبعد داك ما يرجع يقول آسف. قول النصيحة يا كبر الحكواتي اللباطي واعترف بالحالة التالتة، المرحوم توفى في السعودية على ما أذكر.

المداخلة ما لاقيها ، ولا هي اصلا نجرة من دقنوسك المليان مخاتة؟..ومحاولة سيئة من قبلك لأن تغتال شخصية كبر؟..الغيرك كان اشطر وفروا بجلودهم ، وبلعوا اكاذيبهم وانزوا في غياهب النيسيان..!
طيب انت ما الناس قالوا عليك عندك قدرة خارقة في البحث في قوقل واللطش والعلف بسوء اخلاق بينة ، كيف يعني مالاقي المداخلة المذكورة في المنبر ده ؟..
قلت لي فنان وفي السعودية؟..وكبر قال انو الفنان مات عديييل؟..
جيب المعلومة يا حاتم ، وجيب الرابط....المناسبة ، اسم الفنان..لو حصل سوف اعتذر لقرائي واصدقائي ، لأني لا اخاف من اخطائي واتحمل مسئولية أي كلمة اكتبها هنا..ولو ما حدث سيكون لي معك شأن..

قلت لي خلاص نطيت في مداخلة اخونا محمد الأمين موسى وبقيت تشرع عندها روابط وغيرو؟..جيب الروابط وخطها والإ اسحب الخيطين واعد كتابتهم بصورة تحفظ حق الأخرين..بخلاف ذلك فانت رباطي وبلطجي وحرامي وما عندك اخلاق نوهائي..!
ويظل كلام يحي قباني في عنوان هذا الخيط صحيح ، لأنو بوضح انو حاتم ابراهيم من الجهاليل البائسين للغاية..!

لن نسمح بالتجهيل والتستطيح يا حاتم وسوف نحارب ونقاوم مثل هذه الأمور..

كبر

Quote: حاتم لوفة ..لاعب شباب السجانة

.
..
...
فعلا يا محمد اللاعب المقصود هو "حاتم لوفة" ...
طبعا فريق مدرستنا للطائرة طقطق جميع مدارس الخرطوم في ذلك الوقت بما فيها مدرستكم (جنوب 2) ...
وصعدنا للفاينل لملاقاة فريق مدرسة ام درمان " ناس قباني" ففروا ولوّا مدبرين ...
.
.
.
التحية لجميع الزملاء والمعلمين في تلك المدرسة العريقة...
...
..
.

يا فردوس ...
يا "بنيتي" اركبي معنا ولا تكوني من النادمين وما تخليك عنيدة زي ولد النبي نوح عندما قال لابيه سأوي الى جبل يعصمني من الماء ...
فااا التسونامي حاتم يملك قدرات تدميرية هائلة ...
وزي ما شايفة الزول دا فاتح اكتر من 10 جبهات في وقت واحد وجميعها غير قادرة على الصمود في وجهه ... :)
.
.
.
حكمة البوست التانية ...
بذلتُ لهم نصحي بمنعرجِ اللِوى ... فلم يستبينوا النُصحَ الا ضُحى الغدِ ...

هههههه
قسم الفضيل..حبابك يا صديقي
اهل البقارة قالوا تلاتة قبل منهن واقيف:
سفر الخريف ،
اكل التفاتيف (الجنك فوودز)
ومشكار الراكوبة في الخريف..!

كبر

Quote: يا "بنيتي" اركبي معنا ولا تكوني من النادمين

ههههههه قسم الفضيل أحسن من يطلق النار على قدميه ويدردق رقبته! ياخ استشهادك بالآية الكريمة فيه سماحة دبل كيك بالرجوع آيتين لا ورا! يعني انت كدا ختيت روحك تبع (من كل زوجين اثنين)

سلامات كبر و الدكتورة (المهندسة - الماثمتيشن) هههه فردوس
عايز اقول راي بس النبي كان تعتبروه ظمأ ساكت أو مناصرة لحاتم او من ناس كل زوجين اثنين!
يا كبر السرقة الاسفيرية بالفهم الكوستاوي التقليدي لا تنطبق على البوستين الاشرت ليهم و لا على بقية المواد الجلبها حاتم من قبل من بوست الهبوط على القمر مرورا بشمطة الدرونز وغيرها
عادي الناس بتجيب صور توضيحية من النت تدعم مواضيعها, لا احد يتبادر إلى ذهنه ان من اتى بالصورة يدّعي انه صاحبها او قام برسمها, خاصة لما يرفعها هنا برابط موقعها الأصلي و حتى لو أعاد رفعها على سيرفر آخر طالما لم يجر عليها تعديل فهذا في حد ذاته حفظ لحقوق راسمها أو مصوّرها الأصلي إذ أن التحقق من مصدر صورة صار على بعد نقرة ماوس يمين
الليلة لو قلت كلامك دا للبوست بتاع عارف مثلا البشيل كاريكياتيرات منشورة ويمسح توقيع اصحابها و يعدل التعليقات كان نقول معليش و أقرب للسرقة الاسفيرية بالفهم الكوستاوي بما فيها من عدم حفظ للحقوق, او مثلا صاحب قناة يوتيوب ينزل فيديو من قناة يوتيوب أخرى و يعيد رفعه على قناته في حين كان يمكنه مشاركة الرابط الأصلي أو وضع كود التضمين زي ماهو في المنبر - هنا بتدخل فيها حتة النقرات و الاعلانات ودي السرقة الراسها عديل. لكن تشيير أو تضمين الصور و الفيديوهات بروابط مواقعها الأصلية يعود بالنقرات على تلك المواقع و في هذا وجه آخر من حفظ الحقوق في عالم اليوم الذي صارت النقرة فيه تعني ترتيب و بالتالي اعلانات و فلوس.

يلا نجي لحاتم..
لو راجعت ردّك لكبر حتلقى نفسك هبشت النقطة الرئيسة في كلامه بسرعة وكلفتة و ركّزت جهدك على الرد على كلام كبر الزمان و رديت عليه في شخصه و انت عملت و عملت, يعني بالنسبة للقارئ غير المتابع يبدو له من هجومك دا و رفعك لبوستات أخرى كأنك موقفك ضعيف في تهمته لك في البوست دا لذا بقيت تشتت الكورة و تهاجمه في شخصه و في أمور سابقة خارج موضع البوست

طبعا كلامي دا من زاوية شوفي كمتابع ايده في الموية لذا لا ارى ابعد من النقاط الرئيسة بدون الخلفيات السابقة و اريد التركيز على موضوع البوست و اشجع الآكشن النضيف :)

.

Quote: حاتم يملك قدرات تدميرية هائلة ... وزي ما شايفة الزول دا فاتح اكتر من 10 جبهات في وقت واحد وجميعها غير قادرة على الصمود في وجهه ... :)

مرحبتين مساعد الياي قسم الفضيل...
ممكن يعمل لي شنو مثلاً... سؤال جاد جداً و محتاج منك لإجابة واضحة...
ما كلام غير مسؤول ياقول واحد من التيم بتاعكم متعودين ترموه و تجروا !!!
ما تشرد زي التسونامي بتاعك هههههه

بعدين خليه يجي راجع هنا ... قال تدمير قال ههههه
كلامك ده قولوا لزول ظمآن ذي حضرتك و ما عنده حديدة بيصدقك و بيخاف و يقوم جاري ...
أما أنا ف هاهنا قاعدة... حارسة ردك و معاك عبقرينو في يدك... سمح...

يله سريع ما تتأخر هههه

سلامات و مرحباً و د البُشرى... كيف حالك!

خليني أفض إشتباك واضح هنا...
أنا أبداً ما سألت من صور أو فيديوهات ... بتكلم عن المادة ككل!
هل يصح أنه حاتم يغرف و يترجم بحرفنة مجهودات آخرين و ما يذكر المصدر...
ده في نظري تحايل عشان يواصل وهمة أبو العريف ... واستحمار عديل كده!
سُئل من أحد المتداخلين ال عارفين هم بيقروا في شنو من المصدر... رد قال بعد يخلص المادة!!!
الكلام ده مطلع السنة الماضية...
الأمانة العلمية الأنا بعرفها أنه بمجرد ما كتبت من آي مصدر داخل البوست ترقم و في نهايته تشير للمصدر..
طيب ده ما حصل... مافي citation بختوها بعد سنين من الكتابة....

ذي ما قلت فوق آي زول بينقل بأمانة ...مصادره بتكون جاهزة في آخر صفحة و من غير ما يُطلب منه بيجيبها ... ده ما حصل!

و لو فعلاً كان أمين و واضع ذكاء القارئ عين الإعتبار ... كان إحترم القراء و مداهم بالمصادر أول بأول ( دي أنا واقفة فيها و بشدة)
التساهل ده تذاكي من حاتم لمواصلة دور أبو العريف ... بيعرف في كل شيء و هو لا بيعرف و لا حاجة ممكن تقول بيغرف من كل شيء من غير أمانة...
حسع المجال مفتوح قدامه... يجيب كل المصادر و يشير لي آي كلام كاتبه منها دي صعبة؟ ...
قال إنشغل و ما عنده زمن... زي ما قال قسم الفضيل... حاتم "بيحارب" في عشرة جبهات... و هو بيقول للبيختلف معاهم بفتح ليكم ميز ...و عنده نعمة زمن يُحسد عليها...
الزمن ده بس لما يبقى أمانات علمية يبقى ممحوق؟ عاوز كم سنة تاني ؟
غير كده في نظري إنه عاوز يواصل الدور بتاعه في المال و الموسيقى و هلمجرا عشان يوهم ناس فضيل و أبوبكر و .....إلخ باقي الظِماء أنه خطير جداً جداً!
و دي ما بتمش علي أنا...

رأيك شنو في كلامي ده...
عشان أنا ذاتي أفهم فهمكم شنو لما نتكلم عن الأمانة العلمية!
تحياتي...

كتب محمد البشرى:

Quote: عادي الناس بتجيب صور توضيحية من النت تدعم مواضيعها, لا احد يتبادر إلى ذهنه ان من اتى بالصورة يدّعي انه صاحبها او قام برسمها, خاصة لما يرفعها هنا برابط موقعها الأصلي و حتى لو أعاد رفعها على سيرفر آخر طالما لم يجر عليها تعديل فهذا في حد ذاته حفظ لحقوق راسمها أو مصوّرها الأصلي إذ أن التحقق من مصدر صورة صار على بعد نقرة ماوس يمين

محمد البشرى..حبابك يا صديقي
كتر خيرك..ورأيك محل احترام وتقدير يا صديقي..

في البداية يا صديقي ، دعنا نؤكد فكرة بسيطة: الخيط ده بيوضح فكرة صراع الأجيال في حقل الأخلاق تحديدا..!..وألأخلاق في ذات نفسها متجددة..ولكن ليس بمثل ما يحدث في السودان والمجتمع السوداني سواءا كان اسفيري او واقعي..!
تجربة الجبهة الإسلامية في الحكم ، صنعت منظومة اخلاق جديدة في السودان ، اخلاق الفهلوة والتفتيحة وخمش اللقمة من خشم سيدها طالما هو دقوس ساكت..!!
طيب..
في اطار الموضوع هنا..
بس امشي معانا شوية شوية عشان نفهم..!
فكرة كوستاوي كانت سرقة كلام مكتوب ، ونحن قلنا الناس طورت الفكرة وبقت بتسرق افكار وصور ورسومات توضيحيه ومواد مسموعة..دون الإشارة الى مصادرها..وفكرة كوستاوي (حتى لو كان هو لايدري خطورتها وخدمتها للواقع السوداني ) هي التي تطورت لمرحلة انو الرقابة الشعبية السودانية..استطاعت ان توقف تعيين وزير عدل بينو وبين اداء القسم سويعات فقط..ناهيك عن خلق الرقابة في اشياء اخرى عديدة..وانت واحد من الناس ممن استفاد من هذه التجربة وكنت تجري التصحيح في بعض الصور التي كانت تنزل في هذا المنتدى..وتصحيحك كان بيخلق الفرق كتير..! ده ما تكسير تلج يا محمد..ولكن مشاهدات زول بيزعم انو شاهد على واقع بيتخلق قدامو عيانا بيانا..!
طيب ناخد بكلامك هنا.. يعني انا اشرت الى 88 مادة ، خصوصا الرسوم التوضيحية..يعني لو ضغطت على رسم ممكن يوصلني للحتة المن وين جاء منها الرسم ، ولا محتاج اقرا العنوان في الرابط فوق؟؟..ودي حتى دايرة شوية معرفة تقنية لا تتاتي لكثيرين وكثيرات..!
حجتي..حتى في قوقل..لمن يجيبوا تعريف لمفهوم بتلقى روابط ..وفوق لذلك في نهاية المقال بتلقى فهرس للمراجع والمصادر الممكن تتابعها وتقارنها مع الموضوع المنشور..يعني امانة علمية واخلاقية..!
في خيوط حاتم (الموسيقى) و (البحث في الإنترنت ، حقائق ومعلومات) هنا مافي حجة ودعم حجة ، وانما الرجل طرح نفسه كمبتكر وداير يكتب بعلمية..وسكوتو عن حجب المصادر والمراجع بيعني سوء نية وسوء اخلاق..!
صحيح يا صاحب هناك استسهال كبير من قبلنا نحن ناس امسودان في المساءل دي.. والإستسهال ده خلق ثقافة شائعة..يعني الشباب الصغار لمن يشوفوا شغل حاتم من غير ان يعترض عليه احد..فبيتعبروا ده موضوع عادي وصاح كمان..وكده بنخلق قدوة فاسدة..!
حاتم فعلا موقفه ضعيف يا محمد..وزايغ من نقطة اتهامه باستخدام 88 مادة من غير الإشارة للمصادر والمراجع ، وهو شغال مكابرة وبيشرع يمين وشمال وبيتلعق بأي قشة ممكن تخدم موقفو (مثل كلام صديقنا دكتور محمد الأمين موسى وكلامك هنا)..يعني ببساطة كان ممكن يكتب مصدر كل رسم توضيحي او صورة..ويعتذر للناس..ولكن الرجل يظن انه رب صغير لا يساءل ، ومن يتجرأ في سؤاله يا اما صاحب شهادة كرتونية ، ويا اما صاحب لبط ، ويا أما تور ساكت..!!..مع ملاحظة انو حاتم ده قد يكون انفق سنين وهو يجلس امام اصحاب الشهادة الكرتونية وينال المعرفة منهم..وياحليل امثال اهلنا زمان من شاكلة (من علمني حرفا صرت له عبدا)..والعبودية هنا هي احترام من علمونا..!!
ملاحظتك عن عارف سليمة للغاية..ولم نناقش عارف لأنو ما طرح نفسو ابو العريف.. وحينما تداخلت معه اشار لأنه يستلف حاجات الأخرين..وطريقة استخدامه لجهود الأخرين خطأ وفيها سرقة وسوء اخلاق..!!
كل ما اقوله يا صديقي ، سواءا في هذا الخيط أو غيره ، اقوله بمبدأ:رأي قد يحتمل بعض الصواب وقد يحتمل بعض الخطأ..وعندي استعداد وشجاعة للإعتذار متى ما تبينت اني مخطئ..!!
ولكن تظل ثيمة الخيط الأساسية موجودة وحاضرة يا محمد..وانت زول اثق في قراءته للحاجات كثيرا (ده تكسير تلج عديل يا قريبي رغم انف ول ابا طلحة عبدالله)..هنا يا صاحب صراع اجيال..حتى لو الناس استسهلت الحاصل واعتبرتو مجرد ونسة ومبارايات منو الغالب ومنو المغلوب (ياخي انا ممكن اتبرع واقول مغلوب خمسماية مرة..فهل ده بيصنع فكرة ممكن تكون قدوة)..!
يحي قباني ، صاحب الخيط ، وزول يمكن اكون قريب ليهو في حكاية صراع الأجيال دي ، زول خريج هندسة ، والشغل في كندا يا محمد الله لاوراك ليهو لأنو فيهو عصرة عدوك وبيكتل فيك الإنسانية ، لكن رغم ذلك المقاومة بتحصل وبتنجح..يعني يحي في الإسبير تايم بتاعو..بدل ما يقضيه نومة قيلولة بيقضيها ارشفة لذاكرة سودانية جميلة (مكتبة الأغنية السودانية ، حوارات محمد المكي ابراهيم ، اشعار هاشم صديق..الخ)..ودي ظاهرة لمن اقراها بعرف كيف تكييفها ومقارناتها باشغال الفلسفة التي شغلت العالم (فلسفة فليكس غوتاري وجيل دولوز)..اما اشغال حاتم البيسوي فيها دي..فهي مجرد فرقعات واجترار..وما بقدر اقارنها او اقاربها باشغال فلسفة حرة وحية وصنعت الفرق في الذاكرة البشرية وتاريخها..!
يبقى السؤال: ليه نحن ببننسى ناس الجهود الحقيقية ، وبنشتغل بالفقاعات..؟..تفسيري ياهو كلامك يا صاحب: شعب بيحب الأكشن..عشان كده بيهرب من سؤال:ليه نسينا صناعة الإهرامات..!!

ودمت..
كبر

سلامي للجميع هنا بدون فرز

بصراحة هذا الخيط امره عجب ومدهش جداً

اولاً محاولة تعيير المتفقين في الراي بمساعد الياي لصاحب الرأي او الفكرة دي ممارسة طفولية بكل ما تحمله الكلمة من معنى

والعجيب انها محاولة فاشلة جداً لانها لا يمكن ان تكسر الخصوم وتغير رأيهم الا اذا كان تأييدهم مجرد مكايدة مع بعض الخصوم القدامى

الاخ حاتم بكل امانة صاحب امكانيات هائلة ولكنه بكل اسف انصرف عن ما يفيد وتفرغ للتهاتر والمشاكسات والمعارك التي لا ولن تفيد باي حال من الاحوال

موضوع التوثيق يا كبر اذا مشينا بقاعدتك دي فمعناها معظم الاعضاء هنا بما فيهم انت ذات نفسك حرامية .. كلنا قاعد ننقل الفيديوهات ونقتبس بعض المواضيع

دون ذكر المصدر ببياض نية واحياناً الواحد منا يسأل الاخر عن المصدر فيضيفه استجابة له بدون اي تشكيك او (تسريق)

موضوع شخصية حاتم ولو انه حسب رأيي لا يهمنى المتحدث بقدر ما يهمنى الحديث ولكن بالنسبة لشبحية الاخ حاتم فقد قطع احد الذين اثق في حديثهم ثقة عمياء

في هذا المنبر واقر في احد الخيوط ان حاتم شخصية حقيقية وهو على معرفة به وصاحب الكلام هو الاخ محمد البشرى الخضر .. بصراحة ما متذكر اسم البوست

الوردت فيهو مداخلة ود البشرى ولكنني اظنه بوست الكاونتربوينت.

اذاً موضوع شبحية حاتم دا منتهي ومسألة اجتراره ومحاولة اجباره على كشف هويته اصبح شيء غريب بحق ويشبه تشتيت الكرة في البوست.

استاذتنا الجميلة فردوس جامع من الشخصيات التي لها تأثير كبير في هذا المنبر وهي اهل للثقة ورأيها دوماً ينفذ الى لب الحقيقة

ولكن يا دكتورة الاتهامات بالسرقة الادبية لا تلقى جزافاً هكذا دون دليل والحكمة اننا نكتب في منبر يكاد لا يغادر كل صغيرة وكبيرة والا ارشفها

وشخص مثلك ما اظنه يتحدث او يتهم دون ان يكون قد تأكد وتثبت من صحة اتهامه ومن السهل جداً جلب كل المداخلات التي دعتك لاتهام الاخ حاتم

واظن مع حاتم الحق في مطالبته لك بجلب ادلة الاتهام .

حبيبنا قبة اظننا جميعاً متفقين انو قوقل عبارة عن مكتبة كبيرة وشاملة ومتاحة لكل من يستخدم الانترنت وبالتأكيد هو مصدر ضخم جداً ومهم من مصادر المعلومات

ولا جناح لمن ينهل منه العلم والمعلومات بكل حرية فهو انشيء لهذا الغرض ولكل مجتهد نصيب.

اذاً فمسألة معايرة من يأتي بالمعلومات منه بانه (يغرف من قوقل) دي اظنها معايرة خاطئة فكأننا نعاير فلان بانه يدخل المكتبة ويقرأ الكتب

فهل يجب على من اطلع على المعلومات واجتهد في البحث عنها كتمانها عدم المشاركة بها وبناء الرأي اعتماداً عليها حتى لا يعايره البعض هنا بانه يغرف ويعلف من قوقل؟؟؟

لا اظنكم جميعاً توافقون على هذا .. ولكنها محاولات لكسر الخصم والانتصار للذات والنفس بغض النظر عن الادوات والاسلحة وصلاحيتها.


ثم لماذا لا نختلف بحيادية دون تعصب لرأي بعينه؟؟


تحياتي واحتراماتي لكم جميعاً

Quote: النقاش هنا كما اراه: هل يحق للناس ان تنقل من مصادر اخرى دون الإشارة اليها ، وهل هذا النقل يعد سرقة ادبية وسوء اخلاق..؟ انت ترى ان السرقة تكون في حالة ان ينسب الفرد المادة المنقولة الى ذاته اي من ابتكاره ويمتلكها كحق خاص.. في الحالة المعروضة للنقاش هنا (حالة حاتم) في خيطين وضع 88 مادة ملطوشة (مسروقة من جهات اخرى) دون الأشارة الى مصادرها..كيف تكون هذه سرقة؟

أخانا الحبيب الجالس في بكان الطراوة الزايدة، أسعد الله أوقاتك.
زول فتح بوست وقال إنه اعتمد في تحضير المادة التي سيعرضها مجموعة مصادر ومراجع، وقال إنه سيورد هذه المصادر في نهاية البوست (وهو خيار سردي توثيقي ارتضاه لنفسه في ذلك البوست)... مرت أيام وشهور وسنين ولم يورد المصادر وفي الوقت ذاته يدعي أن البوست لم ينته بعد. كيف يمكن أن نثبت تهمة السرقة وندين هذا الزول؟ حتى وإن ترك هذا البوست إلى أن يرث الله الأرض ومن عليها؟ وطالما أنه لم يدع ملكية المادة المعروضة، ما الضير الذي سيلحق به إن أورد مصادره؟ إذا كنت ممن يبحثون عن ثغرة لإدانة هذا الزول فسوف أصرف النظر عن هذا الأمر لعدم كفاية الأدلة، لأنه لن يعجز عن إيراد مصادره، طالما أنه استقى منها مادته. وإذا عجز عن ذلك فهذا يدل على أمرين: إما أن يكون قد أخذ هذه المادة من مكان ما، وذاك المكان لم يورد مصادره، ومن ثم يصعب على الزول - ولا يستحيل - أن يفي بوعده؛ أو أن هذه المادة من عنده وليست من مصادر بعينها، وهنا يقول المنطق: إن الأجدى أن ينسبها لنفسه! على الرغم من أن هذا يناقض ما أورده في مقدمته ويناقض سهولة الوصول إلى المصادر الرقمية، وهو الأمر الذي يعرفه زولنا جيدا من خلال خبرته القوقلية والتقنية التي جعلته أنموذجا يضرب به المثال في هذا البوست. السرقات الأدبية للمعرفة الرقمية المبذولة عبر شبكة الويب غالبا ما يقع فيها الأميون في مجال تكنولوجيا المعلومات الذين لم يسمعوا بـTurnitin وأخواتها، أو خبراء تكنولوجيا المعلومات المغفلون المستغفلون. تهمة السرقة الأدبية التي نحاول إلصاقها بحاتم في بوست الموسيقى تشبه تهمة الانتحال الشعري التي نحاول إلصاقها بالخواض: كلاهما غير مضطرين للوقوع في مثل هذه التهمة ويسهل إسقاطهما عنهما إذا نظرنا مليا في السياقات والوقائع.

سلام الأخ محمد الأمين موسى ...
سؤال ...
لما تكتب ورقة أو آي شيء و تعتمد على مصادر خارجية بتكون محتفظ بال work cited ولا لأ؟
و لو طُلِب منك إنك تجيبه ... زول متابع للبوست و طلبه كما حدث في بداية البوست... بتخته ولا لأ؟
سؤال لشخصك الكريم...
و صراحة ما درسونا حتة أنك ممكن وقت مزاجك يحكم ... ربما never إنك تدي الناس مجهودها و تعمل citation
مكان درسوك الكلام ده يحير فعلاً...
ال بعرفه أنا بمجرد ما عملت quote أو paraphrasing لآي فكرة طوالي تعمل note في نفس المكان immediately بالترقيم
ثم تذكر في نهاية الصفحة/آت المصدر... دي الأمانة العلمية الأنا بعرفها...
يا جماعة مافي زول درس , عمل ب, أو حتى إطلع على الكلام ده؟
معقول!!!!

أجيب ليكم مواد للشرح ولّ كيف...

مرحبتين هيثم غالي...

Quote: لاتهامات بالسرقة الادبية لا تلقى جزافاً هكذا دون دليل والحكمة اننا نكتب في منبر يكاد لا يغادر كل صغيرة وكبيرة والا ارشفها

تصدق أنا ما قاعدة أرمي آي إتهامات جزافاً ... أنا قلت كلام و أنا قدره!
إتحديت حاتم بجلب ال citations بتاعته ... لأنه لي حق أعرف المصدر و إلا بيحاول إيهامنا و إستحمارنا بمجهودات الآخرين
و التخدير بتاع at some point حأعمل كده ... الكلام ده ليه قريب سنتين ... دي في نظري غرف بحرفنة إلى أن يجلب ال citations مرقمة
و أنا إتأكد من المصادر دي...
غير كده التهمة ما زالت في مكانها... يعني لو هو أمين و محتفظ بحق الناس ك work cited يجي حسع يرصه لينا هنا ده ..
بعدها لكل مقام مقال.. أعتقد كده fair... ما طالبة حاجة خارقة... طالبت بحاجة من المفترض تكون محفوظة عنده ....

تحياتي...

Quote: وقال إنه سيورد هذه المصادر في نهاية البوست (وهو خيار سردي توثيقي ارتضاه لنفسه في ذلك البوست)

معليش أخ محمد الأمين...
ارتضاه لنفسه دي أفهم منها أنه ال citations في نظرك من حق الناقل... و ليس المنقول عنه عشان تؤتى بمزاج الناقل؟
السؤال ده عشان أفهم أنت فهمك شنو لمفهوم الأمانة العلمية...

تحياتي...

سلامات دكتورة فردوس

Quote: رأيك شنو في كلامي ده... عشان أنا ذاتي أفهم فهمكم شنو لما نتكلم عن الأمانة العلمية! تحياتي...

نعم انت لم تثيري نقطة الصور ة الوسائل التوضيحية هي نقطة كبر وانا تعليقي كان على هذا الأساس
ما اثرتيه بصراحة و حسب فهمي للسرقة الادبية او العلمية هي اخذ انتاج الآخرين ونسبته لنفسك أو الايحاء بكذا, وهذا ما لم يفعله حاتم و تيكنيكالي نفاه بقوله انه سيورد المصادر يعني ضمنيا افاد بان هناك مصادر أخذ عنها و ليس من تأليفه
يلا مسالة عدم ايراد المصادر و المراجع دا موضوع تاني يختلف عن السرقة حسب ما فهمتها انا و شرحت فهمي اعلاه, ليه احنا عايزين المراجع و تقتضي الامانة ايرادها عشان العايز يرجع للموضوع في أصله و عشان نتأكد أن الناقل نقل بأمانة ولم يحرّف أو يبدّل إضافة أو حذف في المادة النقلها و نسبها للمصدر
يبقى من حق السائل القارئ السؤال عن المصدر و من حقك اعتبار عدم ايرادها أو التأخير في ذلك عدم امانة و من حقي - أنا ومن أحسنا الظن بحاتم - ان ننتظر ولا نعتبر التأخير عدم امانة علمية طالما في النهاية المسؤولية معلقة برقبته وطالما وعد و تعهد بإيراد المصادر في نهاية البوست - حتى لو لم نتفق مع هذا الاسلوب - عليه ان ياتي بها
يبقى يا دكتورة انت نقطتك واضحة ومحددة بامر معين, حين ياتي حاتم بالمصادر - رغم التأخير - وتراجعي نقله منها وتجدي انه التزم ولم يحرّف مش سينتهي الأمر و تنتفي عندك مسالة عدم الأمانة العلمية, يبقى لا خلاف بيننا فقط الامر اننا ما مستعجلين :)

طيب يا محمد حأعيد ليك سؤالي للأخ محمد الأمين
أفهم منها أنه ال citations في نظرك من حق الناقل... و ليس المنقول عنه عشان تؤتى بمزاج الناقل؟
السؤال ده عشان أفهم أنت فهمك شنو لمفهوم الأمانة العلمية...

Quote: حين ياتي حاتم بالمصادر - رغم التأخير - وتراجعي نقله منها وتجدي انه التزم ولم يحرّف مش سينتهي الأمر و تنتفي عندك مسالة عدم الأمانة العلمية, يبقى لا خلاف بيننا فقط الامر اننا ما مستعجلين :)

رغم التأخير دي يا محمد غريبة و أقول ليك حاجة ... و زي ما قلت فوق المسألة تحدي عديل... حاتم ده لو أديتو تاني عشرة سنة ما حيجيب ليك مصادر مرقمة و cited
الجواب بالنسبة لي ظاهر من عنوانه زي ما بقولوا ... لو كان عنده و محتفظ بيه و أمين كان ختاه من أول يوم سأله أحد المتداخلين ... عشان كده
ما تستعجلوا ... و صدقني ... مافي آي مصادر حتجي... شُفت كيف!
المسألة واضحة بالنسبة لي...
ولو حاتم عنده كلام غير كده ... يخت المصادر دي حسع...
لأنه يا محمد لو كتبت و إستخدمت مصادر كنت حتعرف إنه مافي حاجة إسمها أعمل work cited بعدين... يا جماعة العندكم خبرة في الكتابة ... كلامي ده صاح ؟؟؟؟
تعالوا وروا الناس دي...

أقول ليك تاني يا محمد الحاجة ال بتحصل لما الشخص ينقل من مصادر بيكون في simultaneous citation ... و غير كده دي سرقة لمجهودات الآخرين.. ما عندها آي معنى تاني!!!
كلام إنه يجيبه بمزاجه و يتأخر دي بتخجل بالجد...

Quote: حاتم ده لو أديتو تاني عشرة سنة ما حيجيب ليك مصادر مرقمة و cited الجواب بالنسبة لي ظاهر من عنوانه زي ما بقولو

أختي الفاضلة فردوس، توضيح بسيط. ليس كل الاتقباس من الآخرين يوثق بطريقة المصدر المرقم. فهناك من يعتبر أن الاقتباسات المرقمة (بالاسم والتاريخ والعنوان ومدينة النشر والناشر ورقم الصفحة) متروك للباحثين الشُفّع (أي للباحثين العاديين)، لذا قد يكتفوا بإيراد اسم الكتاب وسنة نشره. والحجة: أن الباحث (العلامة) له سمعة علمية يحافظ عليها وهو فوق الشبهات!

سلامات ياكبر
بداية خليني اثبت نقطة و للأسف برضو لصالح حاتم الله يستر من قصة مساعدة الياي ههههههه
تقول يا كبر ان حاتم بيتشعلق يأي قشة ممكن تخدم موقفه مثل كلام محمد الامين موسى وكلامي, وللحقيقة و يمكنك تتبع تواريخ المداخلات حاتم كتب التالي

Quote: بخصوص الموضوع دا البحث في الانترنت، حقائق ومعلوماتالبحث في الانترنت، حقائق ومعلومات الصور وملفات الصوت في أي موضوع طويل موثقة بمصادرها منها وفيها فكلها مربوطة (linked) بمصادرها يا أوهورو بما في ذلك بوست الموسيقى وبوست المال وأي بوست طويل آخر. فطالما الإشارة لمصدر الصور فدا كافي جداً للتوثيق.

قبل مداخلة محمد الامين موسى - رغم الخلل في الترتيب - و بالطبع قبل كلامي
ودي الحتة الانا قصدتها بانه كلفت نقطتك الرئيسة, للحقيقة ه رد على نقطتك وبنفس الحجة التي تناولها بروف موسى و تطرقت لها انا لكن قبل أن نكتب نحن.

يلا نجي لباقي الحديث طبعا انت يا كبر لا تحتاج لتأكد أنّك لا تكابر و مستعد لمراجعة نفسك و الاعتذار إن تبين الخطأ, هذه نعرفها عنك, ونعرف ايضا انّك تفرز الحاجات و كل حاجة براها و ما بتشيل شكلة بوست لبوست تاني
وعشان كدا عايز بس اقول ليك ارجع اقرا اتهام حاتم بالسرقة وعدم الامانة بعين تانية, حاتم لئيم هو زاتو ما داسيها و مسيخ موية ترمس بس و عنده مشكلة - ارجو ان يتعامل معها - بشيل شكلته من بوست لبوست الحاجات دي كلهن فيه, نسيبهن و نليّس ليه الما فيه ! أو الما عمله؟
بوستات حاتم عن الموسيقى و المال و قبلهن عن اللغات و الكمبيوتر وحتى بوست أكواد الكتابة و التلوين و عمل الجداول في المنبر أي نعم ذات طبيعة تعليمية لكن لا اعتقد انهن بحوث أو محاضرات علمية أو سمنارات ليتم التقيد الصارم بالنهج العلمي بالتبويب و الإشارة لمصادر حتى الصور.
ودا برجع لطبيعة المنبر العام نفسه فهو ليس منبرا اكاديميا أو متخصصا, بالنسبة لغالبية القراء العوام - والعوام هنا ترجع لغير المختصين - المسالة في الفائدة و المعلومة في عضمها, لا اعتقد ان احد يظن ان حاتم ألّف المادة أو هي نتائج ابحاثه, نعلم انّها نتيجة دراسته و تبحره فيها و عرض الخلاصة بشرح مبسط الى حد ما لتوصيل المعلومة لقارئ غير متخصص وأحيانا كثيرة يمر مرور الكرام.
احب ان استعين بخاتمة مداخلة البروف محمد الأمين موسى عن التشابه بين اتهام حاتم بالسرقة العلمية و عمد اغفال المصادر و بين اتهام الأستاذ الخواض بالسرقة و الانتحال الادبي في شعره, الاتنين فيهن مبالغة شوية

Quote: معليش أخ محمد الأمين... ارتضاه لنفسه دي أفهم منها أنه ال citations في نظرك من حق الناقل... و ليس المنقول عنه عشان تؤتى بمزاج الناقل؟ السؤال ده عشان أفهم أنت فهمك شنو لمفهوم الأمانة العلمية...

ما عنيته بعبارة "ارتضاه لنفسه" أن من بين أساليب توثيق المصادر والمراجع هناك ثلاثة: داخل المتن (بعد الاقتباس مباشرة)؛ وأسفل الصفحة (المداخلة)؛ وفي النهاية (نهاية الورقة العلمية - نهاية فصل الكتاب - نهاية الكتاب)... أها صاحبنا قال إنه سيورد مصادره ومراجعه في نهاية البوست. نهاية البوست ستكون متى؟ الله أعلم. الله وذوقه: يمكن يعكلت في انتظار أحد الاحتمالات الثلاث: إما أن يموت السائل أو المسؤول أو يموت المنبر!

Quote: سلام الأخ محمد الأمين موسى ... سؤال ... لما تكتب ورقة أو آي شيء و تعتمد على مصادر خارجية بتكون محتفظ بال work cited ولا لأ؟ و لو طُلِب منك إنك تجيبه ... زول متابع للبوست و طلبه كما حدث في بداية البوست... بتخته ولا لأ؟ سؤال لشخصك الكريم... و صراحة ما درسونا حتة أنك ممكن وقت مزاجك يحكم ... ربما never إنك تدي الناس مجهودها و تعمل citation مكان درسوك الكلام ده يحير فعلاً... ال بعرفه أنا بمجرد ما عملت quote أو paraphrasing لآي فكرة طوالي تعمل note في نفس المكان immediately بالترقيم ثم تذكر في نهاية الصفحة/آت المصدر... دي الأمانة العلمية الأنا بعرفها... يا جماعة مافي زول درس , عمل ب, أو حتى إطلع على الكلام ده؟ معقول!!!! أجيب ليكم مواد للشرح ولّ كيف...

أختي العزيز فردوس
لقد قلت في أواخر مداخلتي السابقة، إن الأمر مرتبط بالسياق: هل أكتب ورقة علمية أم درس أم مداخلة في بوست أم رسالة في واتساب؟ ولمن أكتب ومن السائل؟ وما الغرض من السؤال؟ وهل يستحق السؤال الإجابة؟ ما سبب إجابتي عن السؤال أو امتناعي؟ خلاصة الأمر: لكل مقام مقال.

يا أخ محمد...
أياً كانت نوع كتابتك هل أنت مستخدم جهد و عرق أُناس آخرين أم لا؟

معليش لتكرار السؤال يا أخ محمد لأنك ما أجبتني ...

ال citations في نظرك من حق الناقل... و ليس المنقول عنه عشان تؤتى بمزاج الناقل؟

الأسئلة الأخيرة موجهة لمحمد موسى و ليس و د البُشرى....
لزم التنويه!

سلامات يا فردوس

إذا إنتي متأكدة من تغول حاتم علي حق النشر والملكية الفكرية لأي مادة علمية
ما تخلصينا وتختي الدليل علي كلامك دا

يعني معقولة أكون كتبت بوست قبل سنوات وتجي تقولي لي هات البراهين
وأمشي طلع المصادر وجيب مصدر كل إقتباس
الكلام دا كله عشان شنو؟ (ما تقولي لي الأمانة العلمية)
بنكتب هنا في منبر عام من أجل النقاش ما عشان نكتشف نظرية أو نأخذ درجة علمية
أو بنطرح أوراق بحثية علمية (الكلام دا تمشي تقولي لناس الشهادات الكرتوينة )

Quote: طيب يا محمد حأعيد ليك سؤالي للأخ محمد الأمين أفهم منها أنه ال citations في نظرك من حق الناقل... و ليس المنقول عنه عشان تؤتى بمزاج الناقل؟ السؤال ده عشان أفهم أنت فهمك شنو لمفهوم الأمانة العلمية...

Quote: رغم التأخير دي يا محمد غريبة و أقول ليك حاجة ... و زي ما قلت فوق المسألة تحدي عديل... حاتم ده لو أديتو تاني عشرة سنة ما حيجيب ليك مصادر مرقمة و cited الجواب بالنسبة لي ظاهر من عنوانه زي ما بقولوا ... لو كان عنده و محتفظ بيه و أمين كان ختاه من أول يوم سأله أحد المتداخلين ... عشان كده ما تستعجلوا ... و صدقني ... مافي آي مصادر حتجي... شُفت كيف! المسألة واضحة بالنسبة لي... ولو حاتم عنده كلام غير كده ... يخت المصادر دي حسع... لأنه يا محمد لو كتبت و إستخدمت مصادر كنت حتعرف إنه مافي حاجة إسمها أعمل work cited بعدين... يا جماعة العندكم خبرة في الكتابة ... كلامي ده صاح ؟؟؟؟ تعالوا وروا الناس دي... أقول ليك تاني يا محمد الحاجة ال بتحصل لما الشخص ينقل من مصادر بيكون في simultaneous citation ... و غير كده دي سرقة لمجهودات الآخرين.. ما عندها آي معنى تاني!!! كلام إنه يجيبه بمزاجه و يتأخر دي بتخجل بالجد...

بالنسبة للسؤال الأول, فهمي للامانة العلمية, من جزئين: الأول عند اغفال ذكر المصادر - ان هناك مصادر اساسا - و الإيحاء بأن المكتوب من بنات افكاري أبا عن جد دي عدم امانة علمية, وعند سؤالي من المصدر او الاشارة إليه اختصر او اتجاهل السائل مثل حالة هشام آدم في بوست الفلسفة حين ذكرت له زميلة ان ما كتبه منقول من كتاب كذا وكذا.الجزء دا ينتفي في حالتنا دي
الجزء الثاني في ذكر المصادر نفسها و الأمانة في النقل منها كما هي دون تعديل او اغفال, بالرجوع للكيس تلقي حاتم قال سيذكر المصادر لكنه لم يفعل حتى الآن, ليه؟ العلم عند الله ثم عنده, لن افترض سببا و انه ما حيجيبها, وزي ما قلت ليك ترانا قاعدين, يومه اليجيبها بنخش عليها ونفتشها و نقارن حينها كان لقينا خلاف ممكن أجزم بعدم الأمانة العلمية لكن حتى ذلك الحين لا استطيع الجزم
و اتفق معك انه يجب عليه اقفالا للباب دا يجيب المصادر هسة, ولو من باب الرد على تحديك دا فنجرة ساي
لكن خليني اسالك سؤال, ليه الثقة دي في انه ما ح يجيب مصادر؟ هل هي غير موجودة ام ان المحتوى فيه اختلاف و حاتم لاعب في النقل؟ كدي ارمي بياضك يا دكتورة و العبي نقلتك, في النهاية التشجيع للعبة الحلوة في رقبتها

Quote: ال citations في نظرك من حق الناقل... و ليس المنقول عنه عشان تؤتى بمزاج الناقل؟

غالب الظن أني لم أفهم اليؤال. هناك فرق بين المنقول عنه وبين السائل في هذه الحالة. الإجابة مرتبطة بموقف المسؤول من السائل: يمكن أن يجيبه (فيرضخ لأجندة السائل) أو يتصرف وفقا لأجندته الخاصة التي تقتضي أن يورد المصادر في النهاية.

Quote: تصدق أنا ما قاعدة أرمي آي إتهامات جزافاً ... أنا قلت كلام و أنا قدره! إتحديت حاتم بجلب ال citations بتاعته ... لأنه لي حق أعرف المصدر و إلا بيحاول إيهامنا و إستحمارنا بمجهودات الآخرين و التخدير بتاع at some point حأعمل كده ... الكلام ده ليه قريب سنتين ... دي في نظري غرف بحرفنة إلى أن يجلب ال citations مرقمة و أنا إتأكد من المصادر دي... غير كده التهمة ما زالت في مكانها... يعني لو هو أمين و محتفظ بحق الناس ك work cited يجي حسع يرصه لينا هنا ده .. بعدها لكل مقام مقال.. أعتقد كده fair... ما طالبة حاجة خارقة... طالبت بحاجة من المفترض تكون محفوظة عنده .... تحياتي...

العزيزة فردوس تحياتي

مشكورة على الرد والتوضيح ولكن يا سيدتي الا تتفقي معي انه ربما صاحب الخيط في بحث عن بعض المعلومات لاسراء خيطه

هذا التأخير لا يبرر الاتهام ولا حتى التحدي لا سيما وانه ذكر بعضمة كيبورده انه سيورد المصادر في نهاية الخيط

اذاً لا استحمار هنا لاحد ولا سرقة لمجهودات الاخرين .. ولهذه الاسباب انا قلت ان الاتهامات جزافية

وكما قال الاخوة محمد الامين ومحمد البشرى هنا انه حتى ولو لم يأتي بالمصادر فانه بتصريحه هذا معترف ان هذا الجهد منقول وليس من بنات افكاره

اذاً ففيما العجلة واللهفة لهذه المصادر .

الا اذا انتي شايفة في خطأ علمي منشور في ذلك البوست وعايزة تتأكدي من المصدر عشان تناقشي على اساسه

ولكن غير ذلك حتى الان حاتم في السيف سايد


دمت بخير

مرحبا هيثم...

دي وجهة نظرك في الأمر بالنسبة لي كما ذكرت ده تحايل و إستحمار و حرفنة ما بتمش على أنا ...إلى أن يثبت حاتم و يرص مصادره ال مفروض تكون جاهزة الآن
كوبي آند بيست... زي ما قلت ده طلب بسيط جداً لزول حافظ أمانة الأخرين ....لو عارفني أنا بتكلم عن شنو... من صفحة ال work cited في نهاية مكتوبه ال مفروض يكون
محفوظ يرص المصادر... لو كانت موجودة... دي صعبة؟؟؟ لو صعبة قول!

مرحبا عبد العظيم....
معليش حأحبطك ... عشان الأمانة العلمية...

تحياتي

و د البُشرى....

Quote: و اتفق معك انه يجب عليه اقفالا للباب دا يجيب المصادر هسة, ولو من باب الرد على تحديك دا فنجرة ساي

ما حيجيبها ...

أخانا حاتم...
إتفنجر عليك الله و تعال لياياتك و مساعدنهم ديل ههههه
جيب الترقيم و في النهاية ال work cited !
حكِم الناس دي تعبت :)

سلام الأخ محمد الأمين
قلت في أحد ردودك

Quote: وقال إنه سيورد هذه المصادر في نهاية البوست (وهو خيار سردي توثيقي ارتضاه لنفسه في ذلك البوست)

أنا سألتك
بما إنك قلت إرتضاه لنفسه هل
ال citations في نظرك من حق الناقل... و ليس المنقول عنه عشان تؤتى بمزاج الناقل؟

أنا ما اتكلمت عن سائل أنا بتكلم عن الناقل من مصدر معين...
أتمنى أكون وضحت السؤال أكتر...
إجابتك هنا أنا بتتكلم عن سائل ... أنا بتكلم عن ناقل وليس سائل...

Quote: غالب الظن أني لم أفهم اليؤال. هناك فرق بين المنقول عنه وبين السائل في هذه الحالة. الإجابة مرتبطة بموقف المسؤول من السائل: يمكن أن يجيبه (فيرضخ لأجندة السائل) أو يتصرف وفقا لأجندته الخاصة التي تقتضي أن يورد المصادر في النهاية.

لما نعمل citation نحن هنا protecting شنو ؟ حق الناقل أم المنقول عنه؟
و شكراً...

اغرب حاجة يا فردوس..انو صديقنا دكتور محمد الأمين موسى ، يقوم يلعب دور ابكر الطويل باللفة..!!


كبر

شكرا يا فردوس علي الرد والبحث عن الأمانة العلمية (في منبر بكري أب صلعه)

وعبرك تحية خاصة ومخصوصة للجبهة العريضة لإسقاط الزميل حاتم
كافة تشكيلات الجبهة ومكاتبها الفرعية في أمريكا الشمالية وأفريقيا والخليج

والعاقبة عندكم في المسرات

كتب هيثم غالي:

Quote: موضوع التوثيق يا كبر اذا مشينا بقاعدتك دي فمعناها معظم الاعضاء هنا بما فيهم انت ذات نفسك حرامية .. كلنا قاعد ننقل الفيديوهات ونقتبس بعض المواضيع

ول ابا هيثم..حبابك يا صديقي..

مافي مشكلة ، وعشان ما نطلق الكلام على عواهنه..انا بكتب في المنبر ده من سنة 2002..وكل كلمة كتبتها موجودة..جيب لي أي احاجة بتحس بانها مسروقة..وممكن عادي اعتذر ليك واجيب ليك مصادرها..!

البوست ده يا هيثم صراع اجيال في مجال الأخلاق..وحاتم ابراهيم تمت مواجهتو بنقطة اساسية انو وضع 88 مادة في خيطين ولم يشر الى المصادر او المراجع..لو عندك ده بيعني حرفنة وفهلوة وتفتيحة ، فده عندنا بعيني سوء اخلاق بالباب العديل..!!

جيب الفيديوهات التي نقلها كبر ولم يشر الى مصادرها (مع ملاحظة انو الفيديو مادة بتحتوي على تعريف ذاتها)..؟

جيب أي صورة كبر نشرها ، او أي كلمة بتحس انو كبر سرقها او لطشها من جهة ما ولم يشر الى مصدرها؟..


جيب أي رسم توضيحي ،كبر نشرو في المنبر ده من غير الإشارة الى مصدرو
في نفس الوقت..مطلوب انك تجاوب على سكوت حاتم ابراهيم عن 88 مادة (هو ذاتو ما بيكون عارف عددها) في خيطين فقط..دون الإشارة الى مصادرها ومراجعها؟..

كبر

كتب محمد الأمين موسى:

Quote: زول فتح بوست وقال إنه اعتمد في تحضير المادة التي سيعرضها مجموعة مصادر ومراجع،

ول ابا دكتور محمد ألأمين موسى..حبابك يا صديقي

اكتب اليك في لحظة زمن ملؤه اللؤم وقلة الإنسانية ، وهي لحظة ، صدقني ، لا يعرفها الإ قلة قليلة امثال صديقنا يحي قباني..!!

ههههه..
يعني حاسدني على الطرواة ولا شنو يا ول ابا؟..
الطراوة هنا سمحة ، لكن صدقني عمرها ما بتلحق طراوة القوز في خماس الدونكي والسعاتات..لأنو ديك طراوة بتعلمك التأمل وغسيل الروح بصابون الملاحظة الطيبة الذكية..!

جيب ، يا دكتور ، عبارة حاتم ابراهيم التي قال فيها انو اعتمد في تحضير المادة على مصادر ومراجع..والخيطين محل السؤال هما خيط (الموسيقي) وخيط (البحث في الإنترنت ، حقائق ومعلومات)..الخيط التاني حاتم قفلوا او زاغ منو من غير الإشارة لمصادر ومعلومات..والخيط الأولاني (الموسيقي) حاتم بيوعد الناس بوضع المصادر والمراجع ولم يفعل (كل السواهو خاطي ليهو ارقام غريبة..1 ، 2 ، 3..يعني خم عديل يا دكتور..)..

حاتم ابراهيم ومن تلقاء نفسو وضع رابط خيط (البحث في الإنترنت..معلومات وحقائق) ، ودكتورة فردوس وضعت خيط حاتم (الموسيقى)..

في الخيط الأول بتاع حاتم (الأنترنت ، معلومات وحقائق) يوجد عدد 20 مداخلة والرابط موجود في الصفحة الأولي من هذا الخيط ، ممكن تورينا يا دكتور في ياتو مداخلة حاتم ابراهيم قال انو بيعتمد على اخرين ، وانو مستعد يوضح المصادر والمراجع وجهد الأخرين؟..

طيب..يا دكتور..

نحن فهمنا خيط صديقنا يحي قباني بانو خيط عن الأخلاق وصراع الأجيال..!

دعني اسألك يا محمد ، وانت كاتب في البروفايل بتاعك انك استاذ جامعي (هذه لا استغلها ضدك البتة ، بالعكس اعتد بها كثيرا ، وانت براك عارف عيال الخلا لمن يمرق منهم واحد زيك..)..
هل يا محمد لو احد تلاميذك او تلميذاتك كتب ليك بحث ولطش 88 مادة من قوقل..ح تسكت عنها وتمررها ,,ولا ح تسألوا عن مصادر ومراجع؟..
في خيط حاتم ابراهيم (البحث في الإنترنت ، حقائق ومعلومات) توجد 21 مداخلة يا دكتور ، والرابط حاتم بذات نفسو وضعو في الصفحة الأولي من هذا الخيط ..هل يمكن أن تجيب لي مداخلة واحدة حاتم اتكلم فيها انو قاعد يعتمد على جهد الأخرين؟..

في..

بوست الموسيقى ، اول مداخلة..حاتم ابراهيم كتب:

Quote: بوست أكاديمي تعريفي عن الموسيقى نظرياتها ومفاهيمها وتقنياتها يفترض أن ينتهي في شهر يونيو من العام القادم. خارطة الطريق في المداخلة التالية.

في الخيط 35 مداخلة..
هل ممكن تدلني على مداخلة واحدة حاتم ذكر فيها انو بيعتمد على جهد الآخرين؟

ورطة حاتم في بوست الموسيقى ، انو قال (بوست اكاديمي) وانت يا صديقي من ناس الأكاديميا..فهل تغير مفهوم الأكاديميا؟...ام هل حاتم ابراهيم عندو براءة وعصمة في ان يقول بالمفاهيم كما يشاء دون أن يسأل؟..

سوف نحاكمك يا دكتور بعبارتك التي اقتبسناها في صدر حديثنا هنا..والمعيار خيطين فقط كتبهما حاتم ابراهيم..فهل ممكن تجيب لينا عبارة من الخيطين ديل ذكر فيهم حاتم ابراهيم انو قاعد يعتمد على كلام اخرين وانو على استعداد لجلب المصادر والمراجع ، قبال الناس ما تزنقو؟..

يعني يا دكتور كضب حاتم ابراهيم انكشف ، والأن كضبك انت..وياهو ديك روابط الخيطين قدامك..جبيب مداخلة قال فيها حاتم ابراهيم انو زول فتح بوست وقال..اها جيب قوالة حاتم ابراهيم من الخيطين القاعدين نناقشهم هنا..خيط الموسيقى وخيط البحث في الإنترنت..!!

خيطين فقط يا دكتور محمد الأمين موسى..!

عرفت ليه ابكر الطويل انسحب؟؟؟!!!

ودمت

كبر

قريبي كبر، اسمح لي بالتوضيح التالي: مداخلاي في هذا البوست لا اعتبرها من قبيل ممارسة البحث العلمي الذي يعتمد على الإصرار والترصد الذي يجعلني اتبع إجراءات معينة في تلقي المعرفة واستيعابها وتحليلها واستخدامها. على الرغم من أنني تابعت جل بوستات حاتم ولكني لم أجر أي دراسة علمية حولها تجعلني أحصي عدد المداخلات وما ورد فيها. مداخلاتي في هذا البوست تستند إلى ما ورد من دعوى مفادها أن حاتما ابتدر بوستين وعد فيهما بإيراد مصادره ولم يف بوعده حتى الآن وهذا يعتبر ضربا من ضروب عدم الأمانة العلمية. الآن تقدم دعوى جديدة مفادها أن حاتما قدم مادة دون أن يذكر مصادرها ودون أن يعد بذكر تلك المصادر، والدليل على ذلك أنك تحديتني أن آت بأي مداخلة في البوستين المذكورين وعد فيها حاتم بإيراد مصادره في نهاية البوست. طبعا لن أتصدى لهذا التحدي، لعدة أسباب: أولها - كما قالت أعلاه - لم تأتي مداخلتي (التي قلت فيها زول فتح بوست...) ضمن عمل علمي وإلا لأتيت باقتباس على لسان حاتم - إن وجد - بدلا من أن أصف وضعا استند إلى ما ورد في هذا البوست؛ ثانيهما: لست صاحب الدعوى الأولى حتى أسعى أسعى لتقديم الدليل المعزز لها؛ ثالثهما: لست معنيا بالدفاع عن المدّعى عليه، بل بإدلاء دلوي في الحيثيات الواردة عسى أن تثمر ملاحظاتي الواردة في مداخلاتي تحاور مفيد.

Quote: جيب ، يا دكتور ، عبارة حاتم ابراهيم التي قال فيها انو اعتمد في تحضير المادة على مصادر ومراجع..والخيطين محل السؤال هما خيط (الموسيقي) وخيط (البحث في الإنترنت ، حقائق ومعلومات)..الخيط التاني حاتم قفلوا او زاغ منو من غير الإشارة لمصادر ومعلومات..والخيط الأولاني (الموسيقي) حاتم بيوعد الناس بوضع المصادر والمراجع ولم يفعل

أريد أن أعرف من الاقتباس أعلاه: هل حاتم وعد أم لم يعد؟ حتى نستمر في الدعوى الأولى أو نتحول إلى الدعوى الثانية.

Quote: يعني يا دكتور كضب حاتم ابراهيم انكشف ، والأن كضبك انت..

يبدو لي أن كشف الكذب يحتاج إلى تحليل أعمق للرسائل التواصلية التي يلقيها الناس انطلاقا من السياقات والتحاور قبل الوصول إلى النتيجة... وحتى قضية الزوغان أو الانسحاب قد لا تثبت إذا لم يصاحبها اعتراف صريح (فقد يكون السبب: عفوا ليس لديك الرصيد الكافي!!!)

Quote: هل يا محمد لو احد تلاميذك او تلميذاتك كتب ليك بحث ولطش 88 مادة من قوقل..ح تسكت عنها وتمررها ,,ولا ح تسألوا عن مصادر ومراجع؟..

كما يبدو لي أن المثال أعلاه لا ينطبق على الحالة التي نحن بصددها، وهناك ضرورة للتفكر في المقولة العربية: "لكل مقام مقال" (آمل ألا اعتبر سارقا لأني لم أورد مصدرها!) حتى يتسق حكمنا على الأشياء.

Quote: مافي مشكلة ، وعشان ما نطلق الكلام على عواهنه..انا بكتب في المنبر ده من سنة 2002..وكل كلمة كتبتها موجودة..جيب لي أي احاجة بتحس بانها مسروقة..وممكن عادي اعتذر ليك واجيب ليك مصادرها..!

خليني اركب مكنة هذا البوست وأقول ليك: أي كلمة كتبتها في هذا المنبر والأماكن الأخرى مسروقة وكل كلمة نطقتها في حياتك، فهي كذلك مسروقة طالما أنك لم تكن أول من يكتبها أو ينطقها في هذه الحياة ولم تكن أول من ابتكر الكتابة! خذ مثال: يقرن الكثير من أهل هذا المنبر بين كلمة "امسودان" وكبر. هل كبر هو من نحت هذه الكلمة؟ هل يذكر كبر مصدرها كلما وردت في كتاباته؟ الإجابة لا! كثير من الناس يتابعون كبر في هذا المنبر تلقيا لجماليات سرده الذي يورد الكثير من التفاصيل المتعلقة بالأحداث والأسماء... لما لا يطالبوه بإيراد المصادر؟ السبب بسيط وهو أن التواصل الإنساني يفهم في سياقات يحكمها التداول الذي درج عليه الناس.

Quote: اغرب حاجة يا فردوس.. انو صديقنا دكتور محمد الأمين موسى ، يقوم يعلب دور ابكر الطويل باللفة..!!

يا اخ كبر ...
يخيل المسألة مسألة قناعات اكتر من انها مسألة لعب أدوار أو اصطفاف ...
انا شخصيا متى ما ثبت لي انه أي زول ما على حق فتلقائيا حا اقيف في الضفة المقابلة ليه ...
.
.
لو جينا لموضوع الصرامة الاكاديمية الانت والاخت فردوس بتتحدثوا عنها وجينا طبقناها عليكم فا بنلقى ان صورة بروفايلاتكم ما مكتوب فيها أي مصدر ... لماذا يا ترى ؟ هل هي ملك لكم ؟؟؟ ولا هي بتخص آخرين ...
بالاضافة الى ان صورة بروفايل الاخت فردوس بتحمل شعار شركة مارسيدس "غير متأكد تماما" موضوعة مكان سواد العين ...
فهل دا بيدينا الحق انه نطالبكم بالمصدر ؟؟؟
.
قبل كدة انا شخصيا راسلت موقع لتركيب الصور في اوروبا ورسلت ليهم نموذج لشعار شركة ابل وموضوعة فيه صورة تخصني عشان يستخدموها في موقعهم كنموذج جاهز ...
رسلوا لي ايميل اعتذروا فيه وقالوا لي انهم قاعدين يتحاشوا وضع logo الشركات بسبب الملاحقات القانونية ...
لو جينا لموضوع الاقتباسات من قوقل في مجال البحث العلمي فبنلقاها مشروطة بأنه مصدرك ما يكون موقع نهاية رابطه .COM ولكن يشترط فيه ان تكون نهاية رابطه .EDU لان الدوت كم مليان غثاء وغير موثوق المصادر ...
.
.
.

السؤال الآخر يا أخ محمد الأمين
قلت

Quote: لقد قلت في أواخر مداخلتي السابقة، إن الأمر مرتبط بالسياق: هل أكتب ورقة علمية أم درس أم مداخلة في بوست أم رسالة في واتساب؟ ولمن أكتب ومن السائل؟ وما الغرض من السؤال؟ وهل يستحق السؤال الإجابة؟ ما سبب إجابتي عن السؤال أو امتناعي؟ خلاصة الأمر: لكل مقام مقال.

سألتك

أياً كانت نوع كتابتك هل أنت مستخدم جهد و عرق أُناس آخرين أم لا؟
يعني هب إنك بتكتب رسالة في واتساب و نقلت حاجة من مصدر معين هل حتشير ليها ولا تخليها سايبة كده على أساس أنها حقتك...
هل تقصد أنه الأمانة العلمية عندك تسقط في بعض الأحيان ... يعني تشير للمصادر في أحيان و لا تشير للمصادر في أحيان أخر ...
صححني لو فهمتك غلط و لو فهمتك صاح... أشرح لي كيف تسقط هذه الأمانة؟ و هي مجهود آخرين!!! حسب فهمك للسياقات ال ذكرتها فوق...

تحياتي و شكري لك على الردود...

عبد العظيم

Quote: شكرا يا فردوس علي الرد والبحث عن الأمانة العلمية (في منبر بكري أب صلعه)

ما على واجب...

Quote: أخانا حاتم... إتفنجر عليك الله و تعال لياياتك و مساعدنهم ديل ههههه جيب الترقيم و في النهاية ال work cited ! حكِم الناس دي تعبت :)

شيء مؤسف انك تنظري الى من يدلي برأيه هنا من خلال هذه الزاوية الهزيلة التي لا تشبهك ولا تشبه خطك في هذا المنبر


والله يا دكتورة انا متمني انو حاتم ينزل المصادر دي عشان على الاقل نشوف الخطوة البعديها شنو.. من باب الشمار ليس الا

يا هيثم ما تتحسس ياخ...
يعني إلا أكتب الزعل مرفوع...
ما شايف الضحكة دي!

لك العتبى حتى ترضي

Quote: انا متمني انو حاتم ينزل المصادر دي عشان على الاقل نشوف الخطوة البعديها شنو.. من باب الشمار ليس الا

same here... لا نملك إلا و أن نتمنى يا أخي ... عسى و لعل!

تحياتي لك...

Quote: وعبرك تحية خاصة ومخصوصة للجبهة العريضة لإسقاط الزميل حاتم كافة تشكيلات الجبهة ومكاتبها الفرعية في أمريكا الشمالية وأفريقيا والخليج

السلام أمانة يا فردوس

الأخ محمد الأمين موسى

Quote: متروك للباحثين الشُفّع (أي للباحثين العاديين)

يعني أنت شايف البورد ده مليان باحثين ما عاديين و لّ شنو؟
ياخ مفهوم ال citation و الأمانة العلمية و كونه الزول بيعمل citations simultaneously و إنه ال references دي عشان تحفظ حقوق المنقول عنه
و من ثم ال citation واجبة و أمانة في آي لحظة تنقل من مصدر هنا في تلتلة ... داير تعقد المسألة أكتر من كده ليه هههه

تحياتي...

يا أخ قسم الفضيل...
وين أنا قلت صور؟ جيب لي كلامي عليك الله؟

ثم علامتي دي...
دي ال peace sign ربنا يجعلنا من أسبابه و يجعله غايتنا...
ليك حق مسلم رأسك للحلاقة ههههه
الزعل مرفوع سمح بمزح (:
تحياتي.

شقيقنا عبد العظيم..حبابك
داير الجد ولا الجنبو؟
الكلام ده حار يا عبد العظيم..
صدقني طيلة عمري ، وانا سليل انصار اقحاح ، كنت بحترم الإتحاديين..وكل من مرق من جخنون الإتحاديين ، وزاد احترامي ليهم ، لمن لاقيت ناس عاشرتهم وشفتهم بيان بالعمل امثال صديقي واستاذي وسنيري في الكلية الخلوق الأستاذ احمد الشايقي (عضو معاك في المنبر ده) ، وصاحبي ودفعتي في كلية القانون ، بدر الدين الطاهر ، الذي تقاسمت معه عشق الإستماع لمحمد ميرغني ، ومن ديل عرفت شنو انك تكون ليبرالي وشنو تكون اتحادي..!
لكن الشهادة لله يا عبد العظيم..كضبتك بتاعة قريبك القلت كان عضو في اتحاد جامعة الخرطوم ، دورة المحايدين (الله بيريدنا يا عبد العظيم ، وحاتم ابراهيم براهو جاب فضايحكم في رابط فوق ومرصوص في الخيط ده) ..وجيت صححتها بعد مناغمتنا ليك ..من كضبتك ديك بقيت اعاين للأتحاديين الجدد عشرة عشرة..وزادها محاولاتك الغبية انك ترص ليك رسومات توضيحية من غير الإشارة الى مراجعها ومصادرها..في خيوط رصيتها في المنبر ده..الأزهر ما كان كضاب يا عبد العظيم..!!
والشفع ليك عندي يا عبد العظيم ، تصدقها او لا تصدقها ، انك سحبت البروفايل تبعك الكان فيهو علم امسودان كما تصوره اهلنا الإتحاديين رضي الله عنهم..!!
في امسودان يا عبد العظيم ، ومن تجرتبي الشخصية وقد تكون مخطئة ، ما لاقاني اتحادي كضاب ، ما لا قاني اتحادي شرفان ، مالاقاني اتحادي بيتمثل منطق الجبهة الأسلامية بتاع الفهلوة والكضب وراجل المرا حلو حلاة..مثلما تفعل انت يا شقيق..!!
كلام حار.. مش؟..
الكلام في الخيط ده كلام عن الأخلاق يا عبد العظيم..والأتحاديين الجد بيفهموا الحديث هنا وعندهم القدرة انو يقولوا البغلة في الأبريق..!!
حاتم مسخ ، ونتاج مشروع الجبهة الإسلامية..والمحنة..ناس بتقول ليك بتناهض مشروع الجبهة الأسلامية ، وبتجي تدافع عن نتاج الجبهة الإسلامية امثال حاتم ابراهيم...؟
لو مكضبني يا عبد العظيم..هسع دي نخت معلوماتنا هنا..انا وحاتم ابراهيم ..ونخلي الناس تحكم..!!
البوست عن الأخلاق وصراع الأجيال يا عبد العظيم..فكرتك شنو؟
حاتم ابراهيم في خيطين ..وضع 88 مادة ، وما قدر يوضح مصادرها ومراجعها..انتا رأيك شنو يا عبد العظيم؟..هل ده كلام مباح وصحيح ولا دي سرقة وسوء اخلاق؟..
دي فكرة فردوس هنا يا عبد العظيم..مهما تكالب عليها الأوس والخزرج والرجرجة والدهماء وبغاث الطير كما قال صاحبنا ، عضو المنبر دكتور احمد القرشي عبد الرحمن..!!
رأيك شنو يا عبد العظيم في سرقة حاتم ابراهيم؟تقول نعم تكون من غير اخلاق وحرامي ورباطي وبلطجي..تقول لأ..عليك بادانة سلوك شيخك حاتم..ومن عجب اتحادي يكون شيخو امثال المسخ المشوه حاتم ابراهيم..!!
كبر

Quote: مافي مشكلة ، وعشان ما نطلق الكلام على عواهنه..انا بكتب في المنبر ده من سنة 2002..وكل كلمة كتبتها موجودة..جيب لي أي احاجة بتحس بانها مسروقة..وممكن عادي اعتذر ليك واجيب ليك مصادرها..!

الصديق كبر لك التحيات والسلامات

لم اتهمك بأي تهمة يا كبر حتى تطالبني بجلب الاثبات ربما صياغة مداخلتي بدت لك كذلك ولكن ما عنيته اننا في كثير من الاحيان لا نذكر المصدر وفقاً للمادة وللموضوع

يعني مثلاً الناس بتتكلم عن الغربة والحنين للوطن قمت جبت اغنية الطير المهاجر .. وما ذكرت صاحب قناة اليوتيوب الذي (غرفت) منه الفيديو هل دي تعتبر سرقة



بالنسبة لاتهامك للاخ حاتم فهو كما اسلفنا انو وعد في صدر البوست بايراد المصادر في نهاية البوست .. فلفيما العجلة ؟؟

في رايي كونو بعضمة كيبورده قال في مصادر لهذا الخيط .. دا معناهو ان مادة هذا الخيط ليست من بنات افكاره

وهذا كافي جداً لنفي اي تهمة سرقة في حقه.. لولا هذه الجملة كلنا كنا حا نقبقبو عشان يجيب المصادر


تحياتي

اعيد المداخلة اعلاه لاني كنت بكتب فيها وسبقتها مداخلات اخرى ...
.
.

Quote: اغرب حاجة يا فردوس..انو صديقنا دكتور محمد الأمين موسى ، يقوم يعلب دور ابكر الطويل باللفة..!!

يا اخ كبر ...يخيل المسألة مسألة قناعات اكتر من انها مسألة لعب أدوار أو اصطفاف ...انا شخصيا متى ما ثبت لي انه أي زول ما على حق فتلقائيا حا اقيف في الضفة المقابلة ليه .....
لو جينا لموضوع الصرامة الاكاديمية الانت والاخت فردوس بتتحدثوا عنها وجينا طبقناها عليكم فا بنلقى ان صورة بروفايلاتكم ما مكتوب فيها أي مصدر ... لماذا يا ترى ؟ هل هي ملك لكم ؟؟؟ ولا هي بتخص آخرين ...بالاضافة الى ان صورة بروفايل الاخت فردوس بتحمل شعار شركة مارسيدس "غير متأكد تماما" موضوعة مكان سواد العين ...فهل دا بيدينا الحق انه نطالبكم بالمصدر ؟؟؟.
قبل كدة انا شخصيا راسلت موقع لتركيب الصور في اوروبا ورسلت ليهم نموذج لشعار شركة ابل وموضوعة فيه صورة تخصني عشان يستخدموها في موقعهم كنموذج جاهز ... رسلوا لي ايميل اعتذروا فيه وقالوا لي انهم قاعدين يتحاشوا وضع logo الشركات بسبب الملاحقات القانونية ...
لو جينا لموضوع الاقتباسات من قوقل في مجال البحث العلمي فبنلقاها مشروطة بأنه مصدرك ما يكون موقع نهاية رابطه .COM ولكن يشترط فيه ان تكون نهاية رابطه .EDU لان الدوت كم مليان غثاء وغير موثوق المصادر ...
..
.

يا فردوس إنتي هسي عاوزة تقنعيني مطاردتك لي حاتم بسبب خوفك علي الأمانة العلمية
وعشان تسود قيم النزاهة وحفظ الحقوق ...

يعني ما في سبب تاني كله كله ؟

يعني حاتم دا ما لسعك قبل كدا ؟
يعني ما طقطقك قبل كدا في البورد دا ؟
ما عندك معاه غبينة قديمة أو شبكة بي جاي أو بي غادي؟

تعرفي ليه بسألك الأسئلة دي؟

لانه في جبهة عريضة في البورد دا لإسقاط الزميل حاتم
والجبهة أعضائها أي زول إتلسع من حاتم
أو أتطقطق هو "باي ديفولت" عضو في الجبهة دي
عشان كدا أنا عاوز أعرف إنتي باي ديفولت ولا متشبكة في الزول دا ساي

يا عبدالعظيم
ال قال ليك منو أنا عاوزة أقنعك؟

"ضربنا عصفورين بحجر واحد" ...
مداخلتي الفوق دي تقرأ باصطحاب المثل أعلاه ...
.
.
.
.
يا ود البشرى ...
ضرب نار شنو الفي الرجلين ؟؟
نحن باعتبارنا ركاب سفينة نوح ... وفردوس دي ولدو وما دايرة تركب والتسونامي في الطريق وين ضرب النار هنا يا كيشة ...
لو دا مستواك اكيد بتكون مدرستكم المتوسطة من المدارس اللاقيناها زمان ديك وطقطقناكم بأثر رجعي ...
فااا عليك الله ربع يدينك واسكت ساي عشان ما اكتبك مهرجل ...
...
..
.

شقيقنا عبد العظيم..حبابك
داير الجد ولا الجنبو؟
الكلام ده حار يا عبد العظيم..
صدقني طيلة عمري ، وانا سليل انصار اقحاح ، كنت بحترم الإتحاديين..وكل من مرق من جخنون الإتحاديين ، وزاد احترامي ليهم ، لمن لاقيت ناس عاشرتهم وشفتهم بيان بالعمل امثال صديقي واستاذي وسنيري في الكلية الخلوق الأستاذ احمد الشايقي (عضو معاك في المنبر ده) ، وصاحبي ودفعتي في كلية القانون ، بدر الدين الطاهر ، الذي تقاسمت معه عشق الإستماع لمحمد ميرغني ، ومن ديل عرفت شنو انك تكون ليبرالي وشنو تكون اتحادي..!
لكن الشهادة لله يا عبد العظيم..كضبتك بتاعة قريبك القلت كان عضو في اتحاد جامعة الخرطوم ، دورة المحايدين (الله بيريدنا يا عبد العظيم ، وحاتم ابراهيم براهو جاب فضايحكم في رابط فوق ومرصوص في الخيط ده) ..وجيت صححتها بعد مناغمتنا ليك ..من كضبتك ديك بقيت اعاين للأتحاديين الجدد عشرة عشرة..وزادها محاولاتك الغبية انك ترص ليك رسومات توضيحية من غير الإشارة الى مراجعها ومصادرها..في خيوط رصيتها في المنبر ده..الأزهر ما كان كضاب يا عبد العظيم..!!
والشفع ليك عندي يا عبد العظيم ، تصدقها او لا تصدقها ، انك سحبت البروفايل تبعك الكان فيهو علم امسودان كما تصوره اهلنا الإتحاديين رضي الله عنهم..!!
في امسودان يا عبد العظيم ، ومن تجرتبي الشخصية وقد تكون مخطئة ، ما لاقاني اتحادي كضاب ، ما لا قاني اتحادي شرفان ، مالاقاني اتحادي بيتمثل منطق الجبهة الأسلامية بتاع الفهلوة والكضب وراجل المرا حلو حلاة..مثلما تفعل انت يا شقيق..!!
كلام حار.. مش؟..
الكلام في الخيط ده كلام عن الأخلاق يا عبد العظيم..والأتحاديين الجد بيفهموا الحديث هنا وعندهم القدرة انو يقولوا البغلة في الأبريق..!!
حاتم مسخ ، ونتاج مشروع الجبهة الإسلامية..والمحنة..ناس بتقول ليك بتناهض مشروع الجبهة الأسلامية ، وبتجي تدافع عن نتاج الجبهة الإسلامية امثال حاتم ابراهيم...؟
لو مكضبني يا عبد العظيم..هسع دي نخت معلوماتنا هنا..انا وحاتم ابراهيم ..ونخلي الناس تحكم..!!
البوست عن الأخلاق وصراع الأجيال يا عبد العظيم..فكرتك شنو؟
حاتم ابراهيم في خيطين ..وضع 88 مادة ، وما قدر يوضح مصادرها ومراجعها..انتا رأيك شنو يا عبد العظيم؟..هل ده كلام مباح وصحيح ولا دي سرقة وسوء اخلاق؟..
دي فكرة فردوس هنا يا عبد العظيم..مهما تكالب عليها الأوس والخزرج والرجرجة والدهماء وبغاث الطير كما قال صاحبنا ، عضو المنبر دكتور احمد القرشي عبد الرحمن..!!
رأيك شنو يا عبد العظيم في سرقة حاتم ابراهيم؟تقول نعم تكون من غير اخلاق وحرامي ورباطي وبلطجي..تقول لأ..عليك بادانة سلوك شيخك حاتم..ومن عجب اتحادي يكون شيخو امثال المسخ المشوه حاتم ابراهيم..!!
غريبة يا عبد العظيم وانت بتسال من طقطقة..!

وفردوس ..الأحيت سنن البرامكة..!!

دراجت المتابكة..!!
خلي قوقل يا فردوس كن ينجد حاتم ابراهيم في معني المتابكة..ودكتور محمد الأمين فرحان عشان حاتم جاب سيرة الكوكاب...!!

ملعون ابونا نحنا في القبل ألأربعة ياااااااااااااااااااااااااااخ..

كبر

ول ابا هيثم غالي..حبابك يا صديقي..
عشان ما ندخل في غاغة خد وهات..مداخلتك اتهمتني فيها..ومش مهم..خلينا في المهم..
البوست ده يا هيثم لمن سيدو يحي قباني خطا في العنوان (هل يستوي الذين يعلمون والذين لا يعلمون) كان عارف انو بيتكلم عن شنو..!
بالحيل ياهيثم الناس ممكن عادي تتكلم عن الغربة والحنين..وتجيب فيديوهات ما ليها عدد..ومافي مشكلة..يعني الفيديو لو نسيت تخط اسم صاحب القناة او معلومات عن الفيديو..المشاهد لمن يسمع الفيديو ويعمل فيهو نقرة..ممكن عادي يلقى معلومات عن منجز المادة : الفنان ، الملحن ، المغني ، صاحب القناة ، تاريخ الإضافة لليوتوب..!
هنا في الخيط ده الكلام عن قوقل..عن الأخلاق في التعامل مع قوقل..وانا اتهمت حاتم ابراهيم بانو في خيطين فقط وضع 88 مادة من غير الإشارة لمراجعها ومصادرها.. وفردوس جامع جابت رابط لموقع لاري سلمون واتهمت حاتم بانو قاعد يغرف من الموقع ده دون الإشارة ليهو..وانت كونك زول بتدافع عن حاتم ، مافي مشكلة وده حقك الطبيعي ، جيب لينا مراجع ومصادر الحاجات دي...وفوق ده مسئول بان تبرر لينا اخلاقيا ليه حاتم زاغ..دي دايرة درس عصر يا هيثم؟..
ولا انتو عندكم المنبر ده مجال ونسة ساكت زيو وزي عمود نور في الحلة؟..
كلام قصير وواضح يا هيثم: حاتم ابراهيم في خيطين استعان بعدد 88 مادة وما ذكر مصادرها ومراجعها ، وأي زول بيدافع عن حاتم مطلوب منو يجيب المصادر والمراجع..دي فيها مشكلة..!!
كبر

كبر سلامات وعوافي مرة تانية

لم اتهمك باي شيء وحديثي كان معمم علي جميع الاعضاء بما فيهم انا وانت كأستنكار لكلامك

اظن كافي جداً اني اقول لك انا غير متهمك باي شيء

بالنسبة لاخلاق التعامل مع قوقل لماذا لا نكتب المصدر حين نجلب فيديو ونترك مهمة البحث عن المصدر للمتلقى او القارئ

الاخلاق لا تتجزأ اذا كنا نتهم من يعترف بان المادة منقولة وانه سوف يأتينا بالمصادر في نهاية البوست ونتعجله

وفي اثناء ذلك نتهمه بالسرقة .. فالأولى ايراد المصدر حين نرفق فيديو او اياً من المواد المغروفة من النت

بعدين المنبر فعلاً زيو وزي عمود النور في الحلة.. كنا تحت عمود النور دا بنتناقش في السياسة وفي الدين والاقتصاد

والعلوم وفي الثقافة والعادات والتقاليد وفي النهاية قاعد نتونس برضو ونمشي ننوم.. لا ضير في ذلك على ما اظن


عموماً كما وعد حاتم وصرح بان المادة منقولة فنحنا ننتظر المصادر ونترك الرجل يكمل كلامو


تحياتي

Re: ميز كبرRe: ميز كبر

ود البشرى ...
سفينة نوح دي بتاعة الظماء و ما عهدناك منهم...
ديل مشوارهم طويل يبدوها ليهم من وين و لا وين
ياخ ال peace sign قالوا عليها ماركة مارسيدس 😳

غايتو في رأيي عشان موقعك الجغرافي بالعدم خليك
مع ناس د. محمد الأمين...
أبحاثهم ساهلة من حيث الصرامة و بمشوا ليك أمورك...
😂😂😂 دكاترة لذيذين أبقى عليهم عشرة !

ملاحظة أخرى لقريبي كبر:

عندما نكلف طالب بإعداد بحث، غالبا لا نسأله عن مصادره، بل يجب علينا أن نكتشف هذه المصادر، طبعا بعد أن ندعي بأن الطالب أقدم على سرقة أدبية (وكما يقال: البينة على من ادعى). والآن بالإمكان الاعتماد على برمجيات كشف التشابه-التطابق مثل تيرنتإن في القيام بهذه المهمة وتقديم تقرير بنسبة الاقتباس ومصدره. لذا آمل من أختنا فردوس أن تشمر عن ساعد الجد وتكشف لنا عن المصادر التي (غرف) منها حاتم - طبعا يستحسن تجويد العمل بدلا من الاكتفاء بإيراد رابط فقط... فقد يكون في هذا الجهد خير كثير.

يقول الأخ عبد العظيم عثمان: "يعني معقولة أكون كتبت بوست قبل سنوات وتجي تقولي لي هات البراهين وأمشي طلع المصادر وجيب مصدر كل إقتباس الكلام دا كله عشان شنو؟ (ما تقولي لي الأمانة العلمية)
بنكتب هنا في منبر عام من أجل النقاش ما عشان نكتشف نظرية أو نأخذ درجة علمية
أو بنطرح أوراق بحثية علمية (الكلام دا تمشي تقولي لناس الشهادات الكرتوينة)"
-------
أولاً، يا عبد العظيم، كل التبريرات التي تفضلت بها غير مقبولة.

يناقض كلامك الذي تقول فيه إن الكتابة في هذا المنبر للنقاش العام ما كتبه حاتم في أول جملة في منشور الموسيقى، إذ يقول:

"بوست (أكاديمي) تعريفي عن الموسيقى نظرياتها ومفاهيمها وتقنياتها".

خلّي بالك (أكاديمي)!

كما أن حاتم لم يعترض على طلبنا، بل وعد بعرض المصادر. يعني اعتراضك على المطالبة بالمصادر لا أساس له إذا كان صاحب الشأن لم يعترض عليه.

طبعًا، بعد ضغطنا على حاتم فيما سأوضحه لاحقًا، اضطر حاتم إلى التنصل من كلمة (أكاديمي) فقال إن المنشور (شبه أكاديمي). ههههه

ثانيًا، غير صحيح، أخي عبد العظيم، أن المصادر قد طُلِبت من الأخ حاتم بعد سنوات. لقد طُلِبت في حينها.

يظن حاتم أن ذاكرتنا خربة، وأننا لا نحتفظ بما دار بيينا من سجال. كل ما كتبتَه يا حاتم محفوظ عندي لمثل هذا اليوم.

لقد طرحنا مسألة المصادرعلى الأخ حاتم في أول أيام نشره لمنشور (الموسيقى)، وقد انتقدته وغيري حينها على طريقة عرضه للمعلومات بنظام المسلسلات وإغفال ذكر المصادر، إذ قلت:

"البحث حتى الآن مجرد استعراض معلومات ونسخ ولصق بدون الإشارة إلى أي مراجع".

ولما ألححتُ في طلب المصادر، قال حاتم: "دا لأنك داخل وفي ذهنك تتكلم عن (بحث)، المصادر حتكون في نهاية الأبواب، والصور كلها مربوطة (linked) ومصدرها منها وفيها، دي تقنية جديدة عليك".

فكان ردي عليه:

"أجزم بأنك لم تفكر في مسألة المصادر إلا بعد أن أثيرت، والدليل قولك "ففيها رقم يتولد "تسلسلياً" أو ربما "عشواوياً" دايرني اتنبأ بيهو يعني".

وأضفتُ في تعليق آخر: "على العموم، كلنا لهفة لنتعلم منك هذا الضرب الجديد من أساليب الربط بين المعلومات الواردة في متن النص والمصادر في نهاية الأبواب بدون وضع أرقام للإحالة بعد الفراغ من عرض الفصل كاملاً".

يعني سيادته يطلب من القراء قراءة المنشور كاملاً بدون مصادر، ثم إعادة قراءته لمعرفة المصادر! بالله هل هذا الرجل أكاديمي يفهم في أساليب البحث؟

وقد حذف حاتم كل تعليقاتي مع تعليقات أخرى من ذلك المنشور وترك غيرها متعللاً بأنه سيرد على التعليقات المحذوفة في منشور منفصل، ولم يفعل حتى الآن. لماذا حذف حاتم تعليقات تنتقد منشوره ليرد عليها في منشور منفصل؟ ولماذا ترك تعليقات أخرى؟ الإجابة واضحة وهي أنه ارتأى أن التعليقات المحذوفة تصيبه في مقتل؟ أرجح أن يكون رده على حذف تلك التعليقات بأنها بعيدة عن موضوع البحث، وهذا كلام مردود عليه إذا قاله.

بعدين يا عبد العظيم أنا سألت الأخ حاتم سؤالاً واضحًا عن "غرفه" من مصدر محدد في ورقته العلمية المترجمة (قوقليًا) من العربية، وذكرتُ له عنوان المصدر واسم المؤلف، ولم يتكرم الأخ حاتم بالرد على ذلك السؤال حتى الآن. لعله يريد من القراء أن ينتظروا "الرقم (التسلسلي) أو ربما (العشواوي) ليتولد"!

وكما ذكرت للأخ حاتم (حينها)، فإن تأثير اللغة الإنجليزية في منشور الموسيقى واضح بدليل استهلال حاتم لكثير من الفقرات والجمل داخل الفقرات بالأسماء (جمل اسمية)، وهذه خاصية من خصائص اللغة الإنجليزية، الإكثار منها في العربية إشارة إلى أن النص مترجم من مصادر إنجليزية.

د. محمد الأمين
آه
يعني الطلبة عندكم ما بيقدموا ليكم مصادر؟

سؤال...
أضيفه للأسئلة القبيل ديك لغاية ما تلقى زمن...
هل تعني أنه من واجب القارئ تفتيش المصادر ؟ بما أنك قلت حاتم ما المفروض
يجيب مصادره... يعني ده النظام المتبع عندكم في الجامعة؟
و الناقل ينتظر يقبضوه لو سارق ولَّ كيف ؟
صححني لو فهمتك غلط!
السؤال عشان ما يستغلق عليك ذي قبيل
هل يستوجب على الناقل ذكر مصادره... المسؤولية هنا بتاعة القارئ يعني ولا الناقل؟
و شكراً

Quote: سؤال... أضيفه للأسئلة القبيل ديك لغاية ما تلقى زمن... هل تعني أنه من واجب القارئ تفتيش المصادر ؟ بما أنك قلت حاتم ما المفروض يجيب مصادره... يعني ده النظام المتبع عندكم في الجامعة؟ و الناقل ينتظر يقبضوه لو سارق ولَّ كيف ؟ صححني لو فهمتك غلط!

أختي العزيزة فردوس فهمتيني غلط. ولكي أصححك نحتاج لأن يكون بيننا إطار دلالي مشترك لمفهوم السياق، وتأكل من فهم مقولة: "لكل مقام مقال". فإذا فهمنا ما المراد بالسياق التواصلي وما عنته العرب بالقول: لكل مقام مقال، سنضطر لحذف الكلام الوارد عن جامعتي والطلبة الذين أقوم بتدريسهم والبحوث التي أكلفهم بها والتساهل في البحث العلمي... لأنه كلام خارج السياق.

Quote: يا ود البشرى ... ضرب نار شنو الفي الرجلين ؟؟ نحن باعتبارنا ركاب سفينة نوح ... وفردوس دي ولدو وما دايرة تركب والتسونامي في الطريق وين ضرب النار هنا يا كيشة ... لو دا مستواك اكيد بتكون مدرستكم المتوسطة من المدارس اللاقيناها زمان ديك وطقطقناكم بأثر رجعي ... فااا عليك الله ربع يدينك واسكت ساي عشان ما اكتبك مهرجل ... ...

وغلاوتك يا قسم لولا اني خفت اتقّل عليك و تزعل مني علامة المرسيدس دي فيها سماحة حركة دعاية الكوكاكولا الزمان ديك ثم باكورت مبالغة أخطر من بتاع السماني يومتها !!
يعني ما وقعت ليك وين الكنتة في سفينة نوح أو ركّاب سفينة نوح و الحالة كتبتها ليك عديل "من كل زوجين اثنين" !

يا دكتورتنا المسالة مش تساهل بقدر ماهي حاجتين الأولى عدم اساءة ظن و التانية عدم تحميل الحاجات اكثر مما تحتمل.

يا شباب نقطة نظام لو سمحتم لي
النقاش في البوست دا ورغم الحدة لكنه مفيد جدا و سيعمل على ارساء قواعد نتوافق عليها للكتابة المستقبلية في البورد, لذا الحدة و المناوشات الجانبية تصرف النقاش عن الموضوع الرئيس و تؤدي لعداوات مجانية لا داع لها
فا شنو اقترح و أترجاكم التخفيف من العبارات الحادة بقدر الإمكان في المداخلات الموجهة لبعض
لأنو قدامنا نقطة جوهرية وممكن نصل فيها لنتيجة - كأحد بوستات الآكشن القليلة التي يمكن حسمها, وهي مطلب فردوس وما وعد به حاتم من ايراد للمصادر
انا شخصيا عايز الحتة دي عشان اشوف خطوة الدكتورة الجاية مع ثقتها العظيمة و تحديها في عدم حدوث ذلك!!
فا شنو, ما عايزين البوست يتحول لشكلة في قهوة مصريين كرسي في الكلوب و كل واحد يمسك في خناق الجمبه وكدا

ود البشرى
في كلامي عن التساهل أنا صراحة مستغربة من موقف د. محمد الأمين
إبتداءً موضوع البوست ثم أدهشني زيادة لما أتكلم عن ضرورة المصادر في حيّز معين و بسياقات
هو أو مؤسسته الأكاديمية بيتعاملوا بيها. سألته إذا هو شايف إنه لو نقلت حاجة من مصدر لواتساب هل معناتها ما أذكر المصدر؟
عموماً منتظره منه توضيحات عشان أفهم قصده بالظبط شنو...

اتعودت zero tolerance لما تجي لمسألة المصادر دي...
يتخيل لي الصفحة دي لسه مافي زول قدر يقلبها معاي ...
ما مشكلة ننتظر!

قال الناقل ممكن يجيب المصادر على مزاجه...
دي حقوق المفروض تؤدى on the time of citation
بعد تتم سنين فايدتها شنو؟ و وين في جهة محترمة تقبل بفهم ذي ده؟
لو قال ده المفروض أكاديمياً لكن هو رافع القلم عن حاتم كنت أتفهمت ...
ولكن كمسألة أكاديمية تخصة كأكاديمي
يا إما ما متعارف عليها عندهم أو شيء آخر لا أعلم ماهو!

على العموم منتظرة ردوده عشان أفهم!

تحياتي

يا حاتم لاتجيب مصدر ولا تجيب أي حاجة الناس ديل متسلبطين ومتلقين حجج ساي

بي موضوعية ماذا يفيد ذكر المصادر في مناقشات عامة زي دي
حسب وجهة نظري "وجهة نظر لاتغطيها أي شهادة كرتوينة" يعني وجهة نظر قاطعها من رأسي

اذا كان حاتم واحد من ثلاث وجب عليه إخلاقيا ذكر المصدر :-
1- يعتمد علي هذه المعلومات في نيل درجة علمية
2- اذا كان يتكسب منها ماديا (بغرض البزنس)
3-معلومات مغلوطة وغير حقيقية ونسبها الي مصدر مجهول
(رقم 3 دي أي زوول عنده شك في أنها تنطبق علي حاتم عليه أن يأتي بما يدلل علي خطأ ما يقول مش يقعد يفنجط ويقابض
في الزوول دا ويقوله إعترف إنت حرامي وسارق المعلومات )

إذا كان حاتم خارج الثلاث أعلاه فهو غير مطالب أخلاقيا ولا تحت أي مسوغ أن يأتي اليكم بمصادر
الا غايتو عاوزينه يرضي غروركم ويؤدي فروض الولاء والطاعه ..

Quote: ماذا يفيد ذكر المصادر في مناقشات عامة زي دي

لو أنت جادي تبقى مصيبة 😳
لو ما جادي ياهو مكانك السفينة 😂 الحق قسم الفضيل!

Quote: لكن الشهادة لله يا عبد العظيم..كضبتك بتاعة قريبك القلت كان عضو في اتحاد جامعة الخرطوم ، دورة المحايدين (الله بيريدنا يا عبد العظيم ، وحاتم ابراهيم براهو جاب فضايحكم في رابط فوق ومرصوص في الخيط ده) ..وجيت صححتها بعد مناغمتنا ليك ..من كضبتك ديك بقيت اعاين للأتحاديين الجدد عشرة عشرة ..وزادها محاولاتك الغبية انك ترص ليك رسومات توضيحية من غير الإشارة الى مراجعها ومصادرها..في خيوط رصيتها في المنبر ده..الأزهر ما كان كضاب يا عبد العظيم..!!

يا كبــر
أمشي جيب من ويـن أنا قلت محمد الفكي قريبي ؟
وإلا إنت زوول كضاب وبتتبلي ( رمتني بدائها وإنسلت)
وما حتقدر تجيبها لأني ما قلت قريبي (شفت كضبك دا كيف يا كضاب)

عشان ما تضلل الناس أنا ذكرت إتحاد محمد حسن التعايشي (2003 اذا لم تخني الذاكره)
وقتليك انا ما خريج جامعة الخرطوم عشان أحفظ تاريخها .. وريني الكضب ويــن في الكلام دا
جامعة الخرطوم علي مر تاريخها مر عليها رئيس واحد بإسم محمد حسن التعايشي ( ودا الأنا القاصده)
ووضحت ليك الكلام في البوست المعني ..

أسألك بالله يا كبــر ما تجي تكتب كلام كثير وتقعد تذكرني بي صاحبك منو كدا ما بعرف
ومطر الرشاش الرشة المرق ناس عشة ( وكلامك الكثير داك عليك الله حلني منه) ..

رأيك شنو يا عبد العظيم في سرقة حاتم ابراهيم؟تقول نعم تكون من
غير اخلاق وحرامي ورباطي وبلطجي..تقول لأ..عليك بادانة سلوك شيخك حاتم..ومن عجب اتحادي يكون شيخو امثال المسخ المشوه حاتم ابراهيم..!!
غريبة يا عبد العظيم وانت بتسال من طقطقة..

يا كبــر إنتوا لافين صينية وعندكم غباين قديمة مع حاتم
لي هسي مافي زول قدر يثبت الكلام البتقولوا فيه دا
يلا أتشطر وجيب معاك فردوس وهاتوا البينة بتاعتكم
مش أحس بدل اللولوة البتسوا فيها دي ...
لحدي ما تجيبوا البينة بتاعتكم (كلامكم وإتهاماتكم دي فش غباين ليس إلا)

بي بساطة عدم إتيان حاتم بالمصادر لا يعني أنه سرق المعلومات وغير مطالب
بإحضار المصادر وشوفوا ليكم شغله ساي

Quote: البوست عن الأخلاق وصراع الأجيال يا عبد العظيم..فكرتك شنو؟

وهل من الأخلاق يا كبـر تقعدوا تتكتلوا كدا وتطاردوا في الزوول دا طول السنة
معقول , يعني يا يرضي عنه الحرس القديم في البورد أو المطاردة
هل الكلام دا من الأخلاق ...

وصراع أجيال شنو يا كبــر بطل هضربة بقيت زي بكري المدينة
بكري المدينة كهربته عاليه وإنت كهربتك 2000 فولت
بكري المدينة وقت يلعبوا ليها الباص خلف المدافعين بيجري ويسبق الكوره
ويصل مري الخصم قبل الكورة وبيطلع برا الميدان ويرجع تاني ويجلي الكورة ..

Quote: كنت بحترم الإتحاديين. جخنون الإتحاديين شنو تكون اتحادي. اعاين للأتحاديين اهلنا الإتحاديين ما لاقاني اتحادي والأتحاديين الجد عجب اتحادي

يا كبــر أمنت بالذي حش الكلام حش
الدخل السياسة في الموضوع دا شنو؟
إنت عندك إسهال في لسانك وكهربتك عالية
معقولة تدخل "الإتحادي" في مداخلة واحدة 8 مرات
دا حش من أمه يا كبـر

يا كبر صدّقني اول مرة تجليها واقفة و تكون غير موضوعي في طرحك !
و تخلّي الحاجات الشخصية و تاراتك مع حاتم تعلو علي صوت المنطق جوّاك !
قاعد تساكك بمعلومة انو حاتم استخدم كمية من الصور و المواد و قعدت حسبت عددها و مأخذك عليه انو لم يشير لمصادر الصور و الوسائل !
و كأنو لقيت ليك فٓرٓقة في الراجل !
علما بإنو مشروع البحث او الدراسة كان و ما يزال في بدايته
و من حق حاتم او اي زول تاني انو يرتب عملو بالطريقة التي يرتضيها
و يحدد متين يخت المصادر و اين يضعها ، هل عقب كل باب او عند اكتمال العمل و يضعها في الآخر كما جرت العادة !
صبراً يبل الآبري مافي ؟!!
بعدين أي زول يقول حاتم سرق من الحتة الفلانية و باقي قدر كلامو ، مُطالَب يجيب لينا الكتاب او الموقع السوق منه حاتم
و اسم الكاتب و رقم الصفحة و يعمل high lightening علي الحتة المسروقة او المنتحلة لتتم مقارنتها بالجزء الكتبو حاتم و نسبو لنفسه !!
غير كدا ، الشغلانة بتكون هرجلة ساي و فش غباين !
...
اما فردوس جامع دي ، بصراحة ما عندها سالفة ! بل يبدو انها تعاني من عقدة ما !!
رمت ليها اتهام حزافي بدون اي سند او دليل
و بعد داك الظاهر عجبتا الجرجرة و الشوشرة العملتا و إستمرأت الشغلانة !
ماسكا ليهم في كلمتين ، citation و simultaneous referencing قاعدة تجتر فيهم
و كأنها الوحيدة العارفاهم و عارفة أهميتهم !
أذكر انها كان جات في بوست كاونتربوينت ، مدت راسها ، رمت ليها كلمات لا تخلو من شتارة ثم إنزوت !!
الظاهر الكلاس الواحد بتاع الموسيقي القرتو دا ، أداها احساس كاذب أرضي بعض تطلعاتها !
...
يا فردوس بالله ما تجيني بفرمالة اننا اتباع حاتم او مساعدين يايات و سفينة و باقي الكلام الفارغ دا
لانو بقي مسيخ و مستهلك و ما بيخدم ليك فكرة !
بطّلي المساككة الساي دي ، لو عندك دليل علي انو محتوي بوست الموسيقي مسروق
جيبي مصدرك بالاسم و رقم الصفحة و تحددي لينا الأجزاء المسروقة
غير كدا تبقي ما عندك موضوع و بتضبعي زمن الناس ساي ! و صاحبة غرض !
ملاحظة اخيرة يا فردوس جامع ، محاولة الدخول في شخصية البت الشفتة و المقرّمة و تفتيحا ، ما اعتقد محلها هنا ، ارجو ان تضبطي خطابك تجاه الزملاء
و ان تتركي هذا ( الكاراكتر) ، لانو ما لايق عليك ! و له تبعاته !!
...
الكلام البقول فيه د. محمد الامين دا كلام موضوعي و سليم و جدير بالاحترام !


....

سلام

يا حاتم بالله تعال سكت الخشامة ديل ...
ما ممكن تجي تخت رابط وتمشي ...
يا ما تجي كلو كلو عشان نعتبرك مشغول ...
ولا تعال سوي فيهم سواة العاصفة بساق الشتيل الني ...
.
.
.
يا فردوس نمشي وين ؟؟؟
انا هاهنا قاعدون ...

.
.
يا بشرى انا كاتب بعد علامة المرسيدس "غير متأكد تماما" ...
اخوك حريييييف :)

ياخي أفضل إبتكار في العالم بعد الإنترنت مطلوق في الهواء في Open Source Code
والعمله ذاته مافي زوول عارفه ولغاية هسي في أكثر من 2500 شركة شغالين بالكود
دي العلوم البتغيير العالم ... وهكذا تحدث الثورات

خير يا قسم!
سنفرغ ليهم الثقيلين ديل

اللباطي دا ما بفهم وقضيتو إنو ماكلاهو (امسودان) وداير يرجع يقدنا بيها
جاوبناهو في اكتر من محل لكن الظاهر كلما يشوف كلمة ميز يقوم يجفل
ختيت ليهو الرد في المداخلة الأخيرة يمشي يتعلم كيف يطلع المصدر من الصور.

فردوس لسعناها قبل سنتين يمكن وحارقاها
بس شوية كمان تغير النغمة بتاعة سايتيشن لأنها سحكت الشريط وأكلت الهيد
الخلاعة بتاعة (انا قريت) و (ناقدة) طلعت fuss ساكت الظاهر الكرتونة ما مجيهة
والبتهم الناس المفروض يكون مالي يدو، ما دايرين نفضح أمات كورس واتنين ديل

الكيك دا كضاب! وما قاعد بفهم كلامي، عايش بعقلية ذي الرمة هههه
العرضحال والاسترحام العملو كان ممكن ننظر ليهو بعين الاعتبار
لكن طالما قرر يمرق من الكهف بتاعو دا براهو تطور
بس رحمة ماكو
نظامنا كدة.

قبة لسة ما نوى؟

اووووو
كبير الظماء أمير بوب حالة كونه متضايق جداً جداً جداً
ما حأديك شرف آي رد.... معليش!
أخد ليك لفة لفتين تلاتة في الصينية دي بعد داك أجري حصل السفينة 😂😂😂

ثم الشكر أجزله لقسم جاب لينا حاتم من إيدو ...
بعد ده ننتظر المصادر برواااقة :)

تحية طيبة لك

واصبحت لقوقل قبيلة اسمها القوقلاب

يا فردوس ياخ مش قلت ليك الكلام الميت دا خليه !!
عارفك ح تجيني بالأسطوانة بتاعت الظماء و الحيران و السفينة و تخلّي جوهر المداخلة !
بالله بلا ظماء بلا ظباء معاك !
ركّزي لينا في المهم و سيبك من الإستظراف السّمج دا !!
غايتو بلاوي بس ربنا إبتلانا بيهم !!

....
قومي علي حيلك
و ما أظنّك تقومي 😜

يا بوب
جوهر المداخلة لا ترقى لمستوى الرد...
مستوى منحدر و بائس جداً...

ف شنو أخد ليك كم لفة كده و بعديها ألحق السفينة ....
شبهك و مستواك و تليق بك تماماً 😜

ثم
يا جماعة السفينة دي حتقلع
نسينا راكب ولا كلهم جوه 😂😂😂😂

Quote: لو ما جادي ياهو مكانك السفينة 😂 الحق قسم الفضيل!

عارفة يا فردوس إذا الناس الغيرو العالم كانوا بفكروا زيك كدا , ما كان حنلقي أكسس للإنترنت
ولا حنلقي أي مدخل للمعلومات والكم الهائل من البيانات والداتا
بس نعمل شنو ما إنت دقة قديمة old school " شبر والقبر"
تعرفي في الناس في العالم دا بعد كم سنة ما حيكون ليهم أي لازمة
ما حيفهموا العالم الجديد وما حيقدوا يستوعبوا سرعة التطور الهائل
عشان كدا عقولهم لسة مجمدة في فترة زمنية محددة وما قادرين يطلعوا منها
سقطتت كثير من القواعد القديمة وأصبحت بالية
(مع الشير أكونومي والشير داتا والشير سيرفر والشير نتورك )
وإنتي جاية من مجاهل التاريخ وبتقابضي في الناس وين مصدرك الإنترنت حطم
الأسوار وحطم إحتكار المعرفة ووفر مدخل مجاني للجميــع للبيانات وإنتي هسي جاية
تشتغلي بوليس
قومي لفي

Quote: يا بوب جوهر المداخلة لا ترقى لمستوى الرد... مستوى منحدر و بائس جداً... ف شنو أخد ليك كم لفة كده و بعديها ألحق السفينة .... شبهك و مستواك و تليق بك تماماً 😜

البت دي خترية لاكين !
تفتيحة و شايلة مفاتيحا 😜
....

صدقيني يا فردوس ، ما عندك موضوع !
...

يا حاتم اضرب الفلول او كما قلت ،بس اعمل حسابك ، كراعك من الأبنص شوية
( السفنجة) دي ما تسيّح مكنة !


* السفنجة مقصود بيها العربية

يا بوب
منذ متى و أنت كان عندك موضوع؟
سؤال جاد...
أول مداخلة لي هنا أقل من أسبوع ...
راجع مداخلات خلال السنة الماضية و جيب لينا موضوعيتك عشان نآمن...
😂😂😂😂
ثم قارنها بعدد مداخلاتي و نخلي عزيز بشاشا الحصيف يحكم ؟
أقبل لي التحدي ده لو متأكد من روحك أنك عندك موضوع ...
ما تزوغ ... سمح!

تعديل للمداخلة السابقة...
راجع مداخلاتك*

Quote: بس نعمل شنو ما إنت دقة قديمة old school " شبر والقبر"

يا عبد العظيم ياخ المستوى النزلت ليهو ده واطي شديد

Quote: يا عبد العظيم ياخ المستوى النزلت ليهو ده واطي شديد

أيمن خليني أشرح ليك أنا قاصد شنو

old school = طريقة تفكير عشان ما تفهم غلط وتشب لي في حلقي
بعدين إنت ما شايف ردود فردوس
"ياهو مكانك"

Quote: لو أنت جادي تبقى مصيبة 😳 لو ما جادي ياهو مكانك السفينة😂 الحق قسم الفضيل!

هي الإختارت إسلوب الهتر والسخرية
أمشي قوليها المستوي النزلتي ليه دا واطي شديد