|
كتب الكاتب الفاتح جبرا المتوفرة بمعرض الدوحة
|
|
 Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Nada Amin)
|
Quote: العزيز معتصم..
ســـلام..
أنطس في نظري كان فهمتا حاجة.. وده كلو عشان بس منتظراك تجاوب لي عن علاقة قصد البوست ده وفهمو بمجرد دخول الزميلة إشراقة.. وكمان الزميلة سلوى السعيد.. العلاقة شنو بالضبط.. نفسي افهم.. وبعدها حاعرف اقول شنو..
|
الاخ معتصم
انا برضو مافهمت حاجة من ردك
مازلت فى انتظار رد مباشر وواضح عن قولك: وبدخول اشراقه تكون الناقصة كملت؟
ولك الود
ام واصل
| |
 
|
|
|
|
|
|
|
|
سايكلوجيات (Re: Raja)
|
اها يارجاء دا واحد من السايكولجيات البوردية
لكن انا بسميهو انحياز سايكلوجى حميد
وانت عارفا انحيازاتى المبدئية
| |
|
|
|
|
|
|
|
|
 Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Raja)
|
الاستاذة رجاء
بالرغم من وجود علامة ممنوع مرور الرجاله الا اننى من منطلق (وهن رحمة لنا ) دخلت البوست
وما تنسى كمان تحتفلوا بالرجال العملوا بوستات اختفاءا بالكوكبة الجديدة
تخريمة على منوال(رجاء العباسى )
الاخ معتصم
شكرا جزيلا على المداخله وجميعا تؤاقون الى الاستفادة حتى نكسب المنبر الحر الرياده فى الشبكة العنكبوتية .
تحياتى
ولك يا صاحبة البوست كل الاحترام والتحايا
| |
|
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Outcast)
|
الأخت الأستاذة رجاء..
انا شخصيا وبدون تمييز حاولت ان ارحب بكل عضو او عضوة جديدة للمنبر وقع فى عينى ولكن وللكم الهائل للذين انضموا للمنبر فى لحظة واحدة تقريبا فالواحد قد تكون فاتت عليه كتير من الأسماء التى انضمت حديثا..
لكن ملاحظتك فى محلها وليس فقط فى الترحيب بالأعضاء الجدد ولكن حتى فى البوستات المفتوحة والردود عليها والردود على المداخلات فالردود على النساء تكون هبطرش حتى لو قالت الواحدة فيهن هاتى هاتى يانخلاتى تلقى الردود عليها تطاقش مؤيدة ومعجبة ومشجعة اما اذا اتى احد الضكورة بمقال او بتعليق اروع من قول امرؤالقيس (وليل كموج البحر ارخى على سدوله بانواع الهموم ليبتلى ) لمر المقال بدون تعليق او حتى مرور عابر..لك ان تتخيلى انه واحد يكون كاتب ليه بوست ويقوم الواحد فينا بالقراية وبالرد والتعليق وتقوم واحدة من الأخوات بالتعليق على نفس البوست فيقوم كاتب البوست بالرد على الأخت ويتجاهل الرد على مداخلتك كأنه لم يكن والكلام دة انا اقوله عن تجربة ..لكن حقيقة هناك من يقومون بالرد على كل متداخل رجل كان او امرأة فلولئك عظيم احترامى وتقديرى..
اخت رجاء..كدى شوفى الذين ردوا على موضوعك دة بس كم ؟ وعلى ذلك قيسى .
مع تحياتى وتقديرى.
| |
|
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: قلقو)
|
رجوية
انا غايتو ان شاء الله اتقلب فايرس لو ما رديت عليهم راجل ومرا القدرت عليهم..... لكن النصيحة لك يا الله.... انا راجل في العقد الرابع....وديل عندهم مراهقة متاخرة.... كدي عليكي الله عايني كويس....يحننو مش؟...اها....وانا طبعي شين... ما اشوف لي توب وعلا اتكسر وادشدش فيهو..وبتكسر وبتكسر....وان ما عجبك كمان برضو مكسر فيكي......
| |
|
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: سجيمان)
|
سيجيمان العزيز..
سلامات وتحيات..
جيتك هنا بتعني الكتير.. والحمد لله انو البوست ده ما هجا فيك ولا في بوستاتك.. هو ملاحظة للرجال المرحبين بي عندك وفي البوستات التانية..
طبعا مافي زول بينكر "تكسيرك" الظريف.. ويا ريت تفتح بوستات تكسير لأي واحدة انتا مكسًر فيها.. لأني عااارفة انو أم الخير قاااعدة بي جنبك.. ومافي واحدة بتابي الشكر والكلام السمح.. لكن لما الكلام ده يبقى زي الشفناهو داك.. وحاتك بناباهو.. كما لينا للبنيات المعانا.. لأنو كده حيبقن زي حلاوة المولد.. زينة من غير فايدة.. وانحنا راجين منهن الكتير.. لأنهن ما حلاوة مولد ولا عروسة باربي.. ولا رايك شنو..؟
غايتو تكسيرك فيني ده أول مرة أعرفو.. وبسطتني والله.. هو أنا طايلة سيجيمان ذو العقد الرابع يتكسر فيني..؟
هعععععععععععع
| |
|
|
|
|
|
|
|
|
 Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: قلقو)
|
العزيز قلقو..
سلام وتحايا..
ملاحظاتك سليمة مية المية.. ولقيت نفسي اطلق على البوستات التي لا تجد قبولا رغم ارتفاع مستواها بالبوستات الشهيدة.. وكم من خاطرة أو قصيدة أو قصة قصيرة أصبحت بوستا شهيدا.. لا لشئ إلا لأن كاتبها او كاتبتها - بالمناسبة في بنات مافي زول شغال بيهن - غير معروفين او تغيب صورتهم..
لدي عشم في انه لا يصح إلا الصحيح حتى ولو غلب طابع المجاملة والاعجاب بالكاتب أكثر من المكتوب.. ففي النهاية سيظهر الصالح مهما طال الوقت..
ومن لم يسلح نفسه بالمعرفة والفكر حتما سيخسر الكثير.. وأولها صورته..
تحياتي..
| |
|
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: Outcast)
|
الحبيبة أوت كاست..
مرحب بيك وألف حمد لله على السلامة.. وفعلا افتقد وجودك كثيرا..
جميل انك لم تقرأي البوست ده قبل الاطلاع على البوستات النماذج.. وبصراحة البيشوف الترحيبات المشار لازم تلفت انتباهو.. خاصة من بعض العضوية التي ظللنا نتعامل معها هنا بكثير من الوقار.. صديق لي علق على ذلك بـ "غايتو الترحيب ده وقًع كترة شنبات"..
كنت اتوقع من الزميلات الجديدات تعليق على البوست ده.. لأنه واضح انه لا تقليل او لوم عليهن وانما هو محاولة للانتباه لأن يتم التعامل معاهن بنوع من الاحترام والتقدير لمساهمتهن أكثر..
سؤالك عن لماذا لا تعبر النساء عن مشاعرهن بحدة و بحرية كما يفعل الرجال ..فهو أكيد سببه الرغبة فى المحافظة على صورة يجب على المرأة دائما الا تحاول الخروج عنها و الا كتبت نهايتها (الادبية طبعا) بيدها ...
وده بيرجعني لبوست قديم كنت كتبت تساؤل عن عدم وجود قيم للرجل يخاف عليها..
بصراحة.. النتيجة بتنطبق على النساء والرجال.. لأني لا أستطيع ان احترم رجلا يتعامل مع المرأة كشكل وكمرفًه وليس كعقل وفكر..
تخريمة: بالنسبة لـ STING.. شرحو..
لوووووووووووووووول
ودي..
| |
|
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: بدرالدين شنا)
|
سجي مان ...
بركة الجيب بى جاى ... لانه كنت عايزة أرد عليك فى واحد من بوستاتك و ما لقيت طريقة .. ما بقدر على المدافرة مع العمم و الجلاليب القافلة الدرب....
| Quote: لكن النصيحة لك يا الله.... انا راجل في العقد الرابع....وديل عندهم مراهقة متاخرة.... |
أمانة فى ذمتك ...عقد رابع؟؟ أنت رايح ليك عقد باين!!
و ما ليك غير المودة و الحب منى و الله ..رغم انتمائى لقدامى المحاربات فى هذا البورد الجميل. وزى ما بقولوا المصريين "الدهن فى العتاءى" ...
تخريمة(يا قولك يا رجاء): شكلك كدة دايرة تقفلى على الموضوع لانى كله مره أرفعه أجى ألقاهو مشى الصفحة التالتة .. معليش يا زميلة ....
| |
|
|
|
|
|
|
|
|
|
thanks raga (Re: Raja)
|
iam new member male. my name abedalhamied mamoun resident in usa. i wrote a post to welcome the boad members and introduce my self no one (male or female) did care about my post. any way again welcome for every one and you will see more posts later. thanks raga
| |
|
|
|
|
|
|
|
|
|
Re: thanks raga (Re: abedalhamied mamoun)
|
الفاضل عبد الحميد..
مرحبا بك معنا في المنبر..
ولك العتبى حتى ترضى للتقصير من الجميع..
مشيت بحثت عن رسالتك ورحبت بك مجددا.. المشكلة في استخدام اللغة الانجليزية التي تضع حاجزا لا يحب الكثيرون تخطيه..
وفي انتظار ما ستجود به لنا..
| |
|
|
|
|
|
|
|
|
|
Re: سؤال لنساء المنبر: لماذا لم نحتفي بالزملاء الرجال الجدد..؟؟!!! (Re: abedalhamied mamoun)
|
مرحبا بك أخى عبدالحميد مأمون .. و أكيد سنسعد بمشاركاتك بهذا البورد ...
فى غاية الاسف أنا لاننى لم أستطع الترحيب بك أو حتى بغيرك فى هذا البورد لاسباب فنية بحتة (تعطل النت) ... و لاسباب أخرى أيضا ....
العزيزة رجاء :
Quote: سؤالك عن لماذا لا تعبر النساء عن مشاعرهن بحدة و بحرية كما يفعل الرجال
و الله يا رجاء قريت لى بوستات كدة الظاهر حتخلينى اغير رأى فى الحتة دى .... ..لكن بالجد لقيت لى كلام "خترى" خلاس يضحد مقولتى الموضوعة فى الكوتيشن.... و لا يمكن أكون أنا من المدرسة القديمة (old School) ؟؟
| |
|
|
|
|
|
|
| |
Raja
خالد عبد الله محمود
Ishraga Mustafa
مدثر الشبلي
mohmmed said ahmed
خال فاطمة
Mohamed Elbashir
بلدى يا حبوب
Outcast
قلقو
سجيمان
بدرالدين شنا
فيس بوك
تويتر
انستقرام
يوتيوب
بنتيريست