كتب الكاتب الفاتح جبرا المتوفرة بمعرض الدوحة
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: ود شاموق)
|
والله الامور في الدنيا جاطت شوية يا محمد نحنا هنا في جدة والله لو رد عليك واحد السلام تكون اتحلت مشكلة الوطن العربي. ومرات بكون كل زول شايل حالوا وهموموا وماشي وانا كتير بمشي وامكن مرات يشوفوني اصحابي وما اكون التفت عليهم وانا في نفس اتجاهم. اصبحنا نحمل اكثر من ما نتحمل وتحملنا في النهاية نعيش كاالالات وتمر السنوات والمناسبات وحالنا ياهو نفس الحال
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: ود شاموق)
|
الأستاذ الكريم ود شاموق لك التقدير والإحترام لإبداعك وهكذا أخي الكريم يصدقنا الشاعر قولاً : لعمرك ما ضاقت بلاد بأهلها ولكن أخلاق الرجال تضيق أو الذي قال: بلادي وإن جارت على عزيزة وقومي وإن ضنوا على كرام. وبلادي لم تفعل ولن تفعل وكذلك حال قومي ، لقد نقلت لنا أخي صورة واضحة المعالم وجسدت لنا معنى الغربة بآلامها وآمالها. لك ودي وأمنياتي الطيبة ببزوغ فجر عام جديد كله نجاح وفلاح
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: كيمو)
|
الرائع كيمو
والله حالة متأخرة فعلاً أمبارح كان شفتا منظري وانا متحير تقول انتا زاتك علي جننيتر، لكن أسوي شنو، والله اسلم وبسلم وبسلم كان دارو كان أبو، وكان ما نفع معاهم اكيد بينفع معاي، لنو عدم الرد بيعود برداً وسلاماً على قلبي، ويشعرني بعدم الأهمية والضآلة التي أحتاج إليها كي أعلم أن كل ما فوق التراب تراب.
تسلم يا كيمو
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: ود شاموق)
|
اخونا ودشاموق كل سنة وانت طيب ربنا يكون في العون امبارح انا مخطط اطلع علي الشباب ونشوف البرنامج كيف وقبلها خاتي هدومي في الغسيل وجالس خارج الغرفة وبعدين قلت اطلع الغسيل واها شغال اغسل وكانت الساعة 10 مساء وقلت اديها سندة طهر صغيرة واذا اخوك يصحي 12:30 مساء ولا راس ولا غيروا وقلت يعني اطلع امشي وين احسن انوم ونمت منغير عشاء لانوا ممغوس وصحيت 2 صباحاالجماعة يسالوا عني وقلن ليهم خلاص السنة دي خلوها في البيت وواصلت نوم لكن عنيزة نوعا ما احسن من بريدة ربنا يعونك علي الجماعة والله يرزقك بعمل انشاء معانا في جدة قول امين لانوا الرجعة غير معروفة للوطن الحبيب
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: مهاجر)
|
أخي العزيز المهاجر
فعلاً حاجة تمغص والله يا خوي
أنا امبارح - أخير انتا - نايم من الساعة 9 بالليل، لا راس سنة ولا قعر سنة، البدار من خوف الفوات أحسن، تنوم بدري وتمشي تصلي الصبح من بدري مع أصحابك المطاوعة تحس انو الدنيا دي ما فيها شيء يستاهل، والله يا المهاجر ياخوي عنيزة دي أروع من بريدة بي مليون مرة، لكن قل لي أين اجد مدينة مثل بحري، حليل السودان.
تسلم
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: ود شاموق)
|
عزيزي ود شاموق اخدتنا معاك فى هذا السرد الرائع لصباح يومك فى اخر العام و هو يشبه ليلتي من نفس اليوم و قد كنت وحيدا طفت فى الدروب لا اعرف احدا و لا احد يعرفني و قد وددت لو يكلمنى اى احد حتى لو هندي حتى لو يسالني عن السودان وددت من يسالني عنه لافك زهجي و احكي له حكاوي حتى الصباح و اشرح له كيف اني خرجت من جنه ينقصهافقط بعض البنكنوت ليتنا التقينافى ركن او زاويه او مسطبه كان نفكها فى بعض و كل سنة و انت طيب
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: Dafi)
|
بعد ان تدشدت عربيتى فى حادث حركة، صرت اركب البص، من مدينة نائية صغيرة اسكن فيها لمدينة اكبر منها اعمل فيها ، الرحلة تاخد حوالى الاربعين دقيقة. لما ركبت اول مرة، السواق حيانى بابتسامة مرحبة، وبدا يحاورنى عن الطقس وهل يعجبنى وكيف كانت عطلة نهاية الاسبوع، وكان كل من فى البص يتابع حوارنا وتبادلنا القفشات وعندما جلست اقرا كتابا ، لاحظت ان البت القاعدة فى المقعد الاول قبالة السائق العجوز تهتز من الضحك وهو يونسها، طوال الرحلة قلت يالهما من اصدقاء، تكررت رحلاتى مع نفس السائق ورايت النساء ياتين له بالفطائر والهدايا بمناسبة الاعياد، ورايته يدس الهدايا والحلوى للاطفال ركاب بصه، فى كابينة السواق
وعندما اجلس فى مقعد قريب له يجعلنى افرقع من الضحك وانسى كتابى،
وفى كل يوم وفى نهاية كل رحلة يتمنى للجميع فردا فردا ،يوما سعيدا وعيدا مباركا وبسالهم بان يعتنوا بانفسهم وان يظلوا دافئين فى البرد او مظللين من المطر
وهذا انا ذى الان اشعر باننى سالف له فطيرة او هدية بعد العودة من عطلة راس السنة
كناية عن تقديرى لجعل الرحلات معه...نهرا من الوداد
والراجل شيخ امريكى ابيض والركاب يتباينون من انجلو ساكسون لغاية انا الدنقلاوية
دة كمان تقولوا عليه شنو ياود شاموق؟؟؟
ويادافى اختيارك دافى
| |
|
|
|
|
|
|
Re: واحد سلمتا عليهو ما ردا السلام، والتاني قال لي تاريخ الليلة كم ؟ (Re: Tumadir)
|
والله يا تماضر البلد الانتي فيها
احنا زاتنا وقت نقعد نقارن
بين أي دولتين
بنمرقها برة وبعد داك بنقارن
لأنها الأولى بدون منازع
عشان كدا، ما قاعد ندخلها
في منافسات مع ناس قريعتي راحت
عندنا ناس هنا يا تماضر
بيقلعوا شباطتهم قدام باب الأسانسير
ديل الكويسين
والكعبين ما قاعد يلبسوا شباطه خالص
تلقي الواحد راكب عربية
BMW
جديدة من الورقة موديل 2003 وما لابس
شبط، طبعاً ديل الكبار في السن
الصغار شوية كدا مرات بيكونو احسن
لكن الحال من بعضوا
زي جنس الشي دي بيحصل عندكم بي هناك ؟
| |
|
|
|
|
|
|
واحد سلمت عليهو (Re: ود شاموق)
|
يا ودشاموق والله اتجهجنا وشفنا بلاد عجب انا اشتغلت فى ليبا فى مدرسة كنا نحنس الطلبة عشان يقعدوا لانو بعد اليوم الدراسى ما بشوف انسان الا تانى يوم مشينا اليمن مافى قروش وفى سعادة وونسه وقات جينا الخليج ناس بومباى اكتر من ناس البلد قايتو نقول مع الشاعر يانفسى ذليتينى الله يذلك وديتينى للمابعرف كتيرك وقلك اتعذرتى والعذر ما كملك اتوكرتى شوفيلك طريقة تحلك
| |
|
|
|
|
|
|
|