|
انتشار باتع فى سيرة الحرف
|
بقراك من اخر الحرف من فجة الصمت العميق من بصمة فى كفى اليمين بتدل على الخطو الهميم من اهة جرتقت الحزن زفت نهار الاسئلة وجع الطريق الانكتم مليان بحس الناس غبار فوضى الملامح فى الفهم ضد الدساتير الصراح كمين صباح من اشبهك جاورنى فى خاطرى الحنين اتوهج الضوء الشهيد قربان خلاص المسالة شوف الملاحم يبقى سر معنى اعتبار المرحلة بعركتها وديسا اللى مال مرسوم على اثرك هنا جوة الكهوف الفى دماي محل تخت النجمة ضيلا مع النسيم شباك مناحات الحبيب رقص المساخر فى اساي اياك كونى لادخلك غصبا عن الذكرى الجبال فوق من حدود الامثلة بين المواسم والرحال كونى كما الشجر الوريف صاحى وممدد فكرتو قائم على الامر الشفيف مرسال مراكب الازمنة نبض التواريخ اللجوج سيرة مدارك الانفعال بين قلنا ماقال الضلام ومشينا للبحر الحريف اياك احب واستجم واقالد النظر الكثيف حرفة دروب المبتدا ملتقى الوعد الخبر شبال هواك اطرزوا ابنيلو من جسري الوجود اقراهو اول محتواى اياك احب واحتدم فى الصح اذا سكن الميعاد فى المرقة فى نص الودار فى الغابوا من عينى ظروف فى الشفتو من حيل البحر فى الموجة ام حجما عراض استنى فاض بى الحنين ادانى سكة اشبهك من ضحكتك انسج مناى من وقفتك اهوى الشجر من مشيتك ارسم رؤاى فى القلب اديك المحال
|
|
|
|
|
|
|
|
Re: انتشار باتع فى سيرة الحرف (Re: zumrawi)
|
الأستاذ زمراوي تحية وسلام كتابتك بالعامية فاتنة! كما أن لك حسا نقديا عاليا لاحظته عند قراءة تعليقاتك علي كتابة الآخرين. شكرا لك، وأتمني لك التوفيق في مسارك إيمان
| |
|
|
|
|
|
|
Re: انتشار باتع فى سيرة الحرف (Re: zumrawi)
|
ياسر سلام لسة رجا, لسة حي يا زمراوي , لسة منتظر
وعن قصيدتك :
فعلا تشبه كتاباتك الرايعة وده الخلاك تكون رقم يرغم علي وصالك وإن كانت ضريبتو زي ما وضحت ليك صفا وبياض نية .
همسة تاني أو تذكرة : الأعمار بيد الله . اها منتظر .
سلام
أبنوسي
| |
|
|
|
|
|
|
|