|
Re: جدية (Re: Deng)
|
الحبيب بروف معز... أنت تعطي المثل المفقود في هذا البورد وغيره من نواصي حياتنا السودانية... كثير من الناس يعيش حالة إنفصام شخصية عويص جداً كونه لم يقل ولا كلمة واحدة تعبّر عن حبه لزوجته... أو إن وجد فتجده تعبير خجول (بوجه قاعد يتلفت)...
حقيقة ما لفت نظري للبوست، هو أحد الأخوة، الذي قال لي عقب حديثي الأسبوع الماضي في رحلة الرابطة في كوريا السنوية أمام جمع غفير من الناس (رجال ونساء وأطفال)، والذي ذكرت فيما ذكرت فيه: أنني أحب زوجتي
قال لي يعني عايز تعمل زي معز عمر بخيت؟
وصراحة ما كنتا شفتا البوست ده...ولو أنو شفتا بعيني وسمعتا بأضاني دي، إلقاءك لقصيدة جدية عند زيارتك لنا في كوريا، وأرجو أن تتكرر. وحتى كان سجلناها ضمن قصائد أخرى بالصوت وانزلناها في الإنترنت.
أها بقى أحنا ما عندنا موهبة الشعر...فبنقول بلساننا ترجمة الحاصل في القلب، في كل حركة وكل سكنة.
وقلت لأحد الأعزاء: أنني أعبد الله عبر حُبي لزوجتي...
أليس كذلك؟
لديّ مجموعة في الفيس بوك بعنوان: أنا أحب زوجتي...I love my wife
تسلم يا سيدي وصديقي، وربنا يحفظ ليك الأسرة الكريمة.
أنور
| |
|
|
|
|
|
|
Re: جدية (Re: AnwarKing)
|
Quote: قدمت للشوق المقدس في عيونك توبتي و مشيت نحوك عابراً كل الحواجز و الجسور فلقد وجدتك في الشواطئ زورقاً طوقاً يصد البحر عني يحتويني في جيوب الصبر يزرعني رحيقاً في بساتين الحبور |
المعز انت جميل ياخي ..
| |
|
|
|
|
|
|
Re: جدية (Re: باسط المكي)
|
غايتو عملت مشكلة كبيرة يا بروف للرجال و النساء معا ..
طبعا البداية دايما من النساء : بقولوا ليه ما حبيتونا قدر ده ، ولو حبيتونا قدر ده ليه ما فتحتوا بوستات منفصلة بأسامينا ...
بعدين الرجال يقولوا: حرم حتى لو حبيناكم بنخليهو مدفون ... و تحرم صوركم على المنتدى ...
أها المسألة دي نحلها كيف ؟؟؟
| |
|
|
|
|
|
|
Re: جدية (Re: محمد ابراهيم قرض)
|
كل عام وانت حبيبي,,وكل عام وانت بخير
كل عام وانت نصيبي,,,مهما في الدنيا يصير
والما عندها راجل زيك ,,,,ماااااا عرست
اقولها وانامثلكم احياها تجربة وواقع معاش,,,,ويحيا الحب
الزيها منو ,,,راجلا منزل بوست باسمها,,,,,وانشاالله ما حد حوش
نجاح دايم يارب
د:سلافا العاقب
| |
|
|
|
|
|
|
Re: جدية (Re: Solafa Alagib)
|
ياسلام على جدية العلم
بيعجبنى السمح لبنات بلدى المجتهدات
اللى بيشقن طريقهن بثبات وثقة
ربنا يغطى عليك يالسمحة
ويحفظكم يارب
| |
|
|
|
|
|
|
Re: جدية (Re: عبد اللطيف بكري أحمد)
|
إني أحبك هكذا جيم ٌ و دال ٌ ثم ياء ٌ ثم تاء ْ إني أحبك هكذا يا جدية الأمل المضاء إني أحبك هكذا
يا شاعرا صادقا مرهفا وهب "الجدية" حبا صادقا لا هراء
د. معز متعكما الله بالصحة والعافية، وأدام الله حبكما، والباريء يحفظكما
| |
|
|
|
|
|
|
Re: جدية (Re: إسحاق بله الأمين)
|
التهنئه الحاره
للاعلاميه المطبوعه والمميزه جديه
وللدكتور معز
ومنابع الابداع تنتج التميز والتألق
ودمتما مفخرة للسودان
| |
|
|
|
|
|
|
Re: جدية (Re: عفاف ابوكشوه)
|
الرائعة عفاف أبوكشوة،
شكراً لك يا سيدة الحس النبيل
والقلم الرفيع
لك الشكر المقدر والعظيم
ولك الود والمحبة ابحر وجبال
ولك احترامي
وكل إجلالي
| |
|
|
|
|
|
|
Re: جدية (Re: إسحاق بله الأمين)
|
الحبيب اسحق بله،
شكراً لأحرفك الأنيقة وهي تلون دواخلنا بالفرح
وتجعل الإحساس مفعماً بالندى ومشرقاً بالضياء
لك الحب والتقدير
ولك الإحترام الكبير
| |
|
|
|
|
|
|
Re: جدية (Re: Ishraga Mustafa)
|
الحبية الغالية إشراقة،
وأنت أعظم مثال لبنت بلدي
صاحبة الطموح والنجاح والعلم والتفوق
مثلك من يجعل قامتنا تطول الشمس في كل مكان وكل زمان..
شكراً جميلاً لك يا إشراقة
| |
|
|
|
|
|
|
Re: جدية (Re: Solafa Alagib)
|
الدكتورة الحبيبة سلافة العاقب،
لكم أسعدتني أحرفك
ولكم أجابت على ما وددت الكتابة عنه فأغنيتني
هو زمان قلما ياتينا بالرائعين مثلك
فكوني هكذا نجمة لليل يهتدي بك
تحياتي وشكري ومحبتي
| |
|
|
|
|
|
|
Re: جدية (Re: محمد ابراهيم قرض)
|
محمد ابراهيم قرض
Quote: طبعا البداية دايما من النساء : بقولوا ليه ما حبيتونا قدر ده ، ولو حبيتونا قدر ده ليه ما فتحتوا بوستات منفصلة بأسامينا ... |
كلامهم صاح 100% يا أبوحميد..
Quote: بعدين الرجال يقولوا: حرم حتى لو حبيناكم بنخليهو مدفون ... و تحرم صوركم على المنتدى ... |
يا عم ناس حرّم وتحرم وحرمة ديل ناس متخلفين ومعقدين ولا يعرفون قيمة المرأة ومخهم قدر البكتريا
وفهمهم قدر الفيروس وما خاتي عليهم نزار قباني
Quote: أها المسألة دي نحلها كيف ؟؟؟ |
المسألة محسومة إما تكون زول حضاري وواثق من نفسك ومن حاجاتك وفخور بيها وتقد بيها عين الشمس
أو متخلف زي ناس البلد ديك.. (غمزة)..
تحياتي ليك يا قرض
وبالجنبة كدة مشتاقين والله
| |
|
|
|
|
|
|
Re: جدية (Re: باسط المكي)
|
Quote: المعز انت جميل ياخي .. |
الحبيب باسط المكي،
ياخ انت سيد الجمال كلو
ربنا يديك العافية يا حبيب
| |
|
|
|
|
|
|
Re: جدية (Re: AnwarKing)
|
الملك أنور يا حبيب،
أنت تدري مدى محبتي ومعزتي وتقديري لك
ولقد كان لقائي بكم في كوريا لحظة من لحظات الزمان النادرة
صدقاً ووعداً وروعة وبهاء..
دعنا يا صديقي نعلم الآخرين سمو العواطف ونبلها
ونزيل الفهم المتخلف ومتاريس الحياء العام البليدة
هذه رسالة
وهو وعد صادق أن نعلم الناس الغرام
ونجعلهم يفهمون الفرق بين الحياء العام
وبين دفء المشاعر
وأنت أحد أصحاب هذه الرسالة..
تحياتي واشواقي الحارة لك
وكل احترامي
| |
|
|
|
|
|
|
Re: جدية (Re: مازن الجمّال)
|
ألف مبروك هذا التميز الذي ليس بغريب على الأستاذة / جدية والتقدير موصول لك بروف/ معز مع تحياتي خالد / جدة
| |
|
|
|
|
|
|
Re: جدية (Re: Deng)
|
الحبيب دينق،
تحياتي الحارة
وحقيقي مشتاقين
شكراً كتير ليك يا زول يا جميل
مع مودتي العميقة
| |
|
|
|
|
|
|
Re: جدية (Re: Abuelgassim Gor)
|
بروف طابت كل أوقاتك
مليون مبروك لنا ولكم
نموذج سوداني يفتخر به الوطن
اتمنى ليها ولشخصكم الكريم المزيد من التوفيق و النجاح
| |
|
|
|
|
|
|
Re: جدية (Re: Abuelgassim Gor)
|
الجميل أبو القسم قور،
عظمة على عظمة يا حبيب
باااااالغت والله في الهرولة دي شكراً كتير ليك
وبرضو ح نستفيد من رؤيتك الجميلة
| |
|
|
|
|
|
|
Re: جدية (Re: Abuelgassim Gor)
|
الحبيب د. معز... أنت والأُستاذة جدية "حفظكما الله" وجوه مشرقة من بلادي بلا شك...
حفظكم الله وسدد على طريق النجاح والصلاح خطاكم...
لكم صادق المودة...
أبو الحُسين...
| |
|
|
|
|
|
|
Re: جدية (Re: أبو الحسين)
|
الحبيب أبو الحسين،
شكراً منيرا لك
وتحية حارة ومودة واحترام
ونورتنا والله
ربنا يديك العافية يا حبيب
| |
|
|
|
|
|
|
Re: جدية (Re: Abuelgassim Gor)
|
الموهبة عندماتقترن بالدراسة ................ ثم تجلى وتغطس في ماء الابداع .... في النهر المقدس .... ليظلها المعز تتوهج جدية ...... جدية هي كلنا كما نحلم .... دمت لها يا معز وجعلها الله لك نبعا لمزيد منالابداع
| |
|
|
|
|
|
|
Re: جدية (Re: امادو)
|
الحبيب امادو،
كم أنا سعيد بحضورك الأنيق
وانت من أوائل الحضور بهذا المنبر
وقلما تطل أحرفك
شكراً نقياً لك
وتحية واحترام
وأرجو أن يمتد التواصل الجميل
ولك تحياتي الحارة
| |
|
|
|
|
|
|
Re: جدية (Re: Raja)
|
الحبيبة الغالية رجاء،
شكراً كتير ليك ست الناس
وبالجد مشتاقين
تحياتي الحارة
ومحبتي لك
| |
|
|
|
|
|
|
Re: جدية (Re: Giwey)
|
حبيبنا Giwey
معقولة بس؟
ذوات اداء ضعيف عديل كده؟؟!!
بااااااالغت..
عارف ذوات دي ذكرتني حصة العلوم زمان
المهم يا سيدي دلوقت هي من «ذوات» الأداء العالمي
وليتك تابعت تغطيتها لقمة العشرين من لندن..
ولك التحية
وصادق المودة
| |
|
|
|
|
|
|
Re: جدية (Re: abdulhalim altilib)
|
الحبيب عبد الحليم التلب،
ونحن يا ميمو نموج محبة لك
ونشرق بوجهك الصبوح
ونفرح بك كثيراً..
كلماتك تلون النفس ببريق العافية
وتسطر في دواخلنا أحرفاً متوهجة
وتزرع بساتيننا عذوبة
وسحرا..
شكراً لك يا عبد الحليم
شكراً مقدراً وجميلاً مثلك
| |
|
|
|
|
|
|
Re: جدية (Re: ALGARADABI)
|
الغالي القرضابي،
ياخ أنا مستني من متين عشان أوصلك
ما تتصور مدى سعادتي بلقائك في دبي
دائماً أنت حاضر في كل أمسيات الفرح الجميل
أيها الجميل
لك محبة لا تنتهي يا غالي
| |
|
|
|
|
|
|
Re: جدية (Re: عبدالله الشقليني)
|
الحبيب الجميل عبد الشقليني،
لك من فضاءات المحبة نجمة
وقمر
وسحابة حبلى بالشوق العظيم
تسلم سيد الناس
مع كل الحب والود المقيم
| |
|
|
|
|
|
|
Re: جدية (Re: abas)
|
حبيبنا الغالي عباس
في الأول كدة مشتاقين والله
ومشتاقين كتير
ومليون شكر يا زول يا جميل
تحياتي الحارة
| |
|
|
|
|
|
|
Re: جدية (Re: أحمد عبدالوهاب الأحمدى)
|
الحبيب أحمد عبد الوهاب،
عينك باردة
وعينا باردة
وقل أعوذ برب الفلق
وقل أعوذ برب الناس
وقل هو الله أحد
وبرضو عين البتريدك بتزيدك
ولاّ ما كده يا حبيب
مليون شكر ليك
| |
|
|
|
|
|
|
Re: جدية (Re: ALZOLZATOO)
|
الزول زاتو يا حبيب،
مليون شكر
وسعيد جداً والله يا حبيبنا بمداخلتك اللطيفة
تحياتي الحارة ليك
وصادق المحبة
| |
|
|
|
|
|
|
Re: جدية (Re: عبدالله شمس الدين مصطفى)
|
الحبيب عبد الله شمس الدين،
يدخل المدى من ظلال حبه إلى بريقك المقيم
ويمنح الزمان لون حرفك الأنيق فرحتي
ويستعيدني الزمان كرتين
قبل أن يعود خافقي لصدري الذي
ببوحك الجميل احتفى
وقد هفا
وقد تعلم الطلوع من مداخل الأسى
ليحتويك نجمة وشمعة ووردة وبحر
..
شكراً لك ايها الحبيب الغالي
على كلماتك النبيلة
وشكراً لك لأنك أزلت وجع من جاء بعدك
بكل كآبة النفس وسوادها الكثيف
محبتي واحترامي العظيم لك
| |
|
|
|
|
|
|
Re: جدية (Re: خالد العطا)
|
الحبيب خالد العطا،
شكراً جميلاً وحميماً لك
كلماتك تمنحني سعادة عظيمة
وإحساساً نقياً بالأشياء
كل الأشياء
لك الحب والإحترام
| |
|
|
|
|
|
|
Re: جدية (Re: Dr. Moiz Bakhiet)
|
حليلك يا جدية
يا مطر الرشاش الخليتني لينا الغباش
ثقافة و حضور ذهني ما شاء الله
نتمنى تكوني امتداد لبت البدوي في البي بي سي و بقية المبدعين في الميديا العالمية
| |
|
|
|
|
|
|
Re: جدية (Re: مجاهد محمد عباس)
|
العزيز الدكتور المعز عمر
نجاح حرمكم المصـــون .. ومانتابعه لشخصكم العزيز
من نجاحات علمية .. قلادة تشحذ الهمم ..ونباهى بها
فى زمن نضـــب فيه معين الإبداع وتوارت فيه الأقراح ..
أفـــرحوا.. ومننا مليـــون مبروك
| |
|
|
|
|
|
|
Re: جدية (Re: طه كروم)
|
بروف طابت كل أوقاتك
مليون مبروك لنا ولكم
نموذج سوداني يفتخر به الوطن
اتمنى ليها ولشخصكم الكريم المزيد من التوفيق و النجاح
| |
|
|
|
|
|
|
Re: جدية (Re: Hala Hassan)
|
سلامات يا دفعه ...ماشاء الله على جديتك ربنا يخليها ويحفظكم ويحفظ عيالكم ...
معليش كان لقاءنا الأخير عابراً وأنت تسأل عن مكان (لا أذكره) وأنا فى طريقى لمريض على طاولة عمليات ساهرون نهار ذلك اليوم ...
تحياتى لمن معك وأطيب أمنياتى
للتواصل [email protected]
| |
|
|
|
|
|
|
Re: جدية (Re: محمد حيدر المشرف)
|
العزيز وغالي / دكتور المعز
لك كل الود
زي مازمان حليتني بي قصيدة والحنان بقي ام العيال ، داير اجاملك بي شخبطة في ام عيالك
الجدية ما جدية نصاح يا الله الهمنا الصبر الجدية ماطلة صباح نسمات شمال عند الفجر اداها للدكتور صلاح ابواتو في ليلة قدر مبروك عليك جدية هواك وجيدا عليك ود ناس عمر
| |
|
|
|
|
|
|
Re: جدية (Re: وليد التلب)
|
Quote: المسألة محسومة إما تكون زول حضاري وواثق من نفسك ومن حاجاتك وفخور بيها وتقد بيها عين الشمس أو متخلف زي ناس البلد ديك.. (غمزة) |
ده الكلام يا بروف .. الله يدينا المروة !!!
Quote: يا عم ناس حرّم وتحرم وحرمة ديل ناس متخلفين ومعقدين ولا يعرفون قيمة المرأة ومخهم قدر البكتريا وفهمهم قدر الفيروس وما خاتي عليهم نزار قباني |
أها .. نزار قال شنو ؟؟؟ أمتعنا بيهو يا راجل ...
| |
|
|
|
|
|
|
Re: جدية (Re: عفاف ابوكشوه)
|
ليت لى هذه الملكة السحرية التى تمتلكها يا بروف فى تطويع
الحرف لتعلن على الملأ حبك الخالد ..
أستمع لك منذ الثمانينات أنا وزوجتى الحبيبة بغاية الإعجاب
من سلاسة اللفظ وحلو المعانى.. كم مرة جلسنا نشاهد ونستمع
بالتلفزيون السودانى قبل هجرتك..
أول مولود ذكر لنا أسميناه معز لتكون قصيدة بيننا للأبد
لك ولزوجتك كل الود ومزيد من النجاح
| |
|
|
|
|
|
|
Re: جدية (Re: شمس الدين ساتى)
|
هى جدية و انتا جدى فى بلد قرفانة انشاء الله بالتوفيق مع تمنياتى بمزيد من التقدم و النجاح
........................................... شكراً يا وطن على ناس فى قامتك
| |
|
|
|
|
|
|
Re: جدية (Re: Yasir Aloob)
|
Quote: إني أحبك فانظري هذا امتداد الحب عندي دون حدٍ دون سدٍ دون بدءٍ و انتهاء إني أحبك هكذا جيم ٌ و دال ٌ ثم ياء ٌ ثم تاء ْ إني أحبك هكذا يا جدية الأمل المضاء
|
د. المعز
ربنا يهنئكم ببعض
جدية ... ربنا يخليك ليه وتتوفقى كمان وكمان
| |
|
|
|
|
|
|
Re: جدية (Re: فادية اليمني)
|
الحبيبة فادية اليمني،
تغمرنا سعادة ويملؤنا فرح بكلماتك الطيبة
لك الشكر الجزيل والأماني الطيبة
مع صادق الود والمحبة
| |
|
|
|
|
|
|
Re: جدية (Re: شمس الدين ساتى)
|
الحبيب شمس الدين ساتي،
سعيد بك وبمعز
جعله الله غرة اعين لكم
وحفظه من كل شر..
رسالتك العظيمة هذه تجعلني أشعر تماماً
أنني لو لم افعل شيء في الدنيا
سوى ان يكون اسم ابنكما معز
لكفاني..
تحياتي ومودتي وتقديري العظيم لك وللأسرة الجميلة
كل الحب
| |
|
|
|
|
|
|
Re: جدية (Re: محمد ابراهيم قرض)
|
حبيبنا قرض،
والله نزار قال كلام كتييييييييير
بس خايفين نجيب سيرة البحر
الجماعة يقوموا علينا
عشان كده أديك إهداء قصيدة امرأة حمقاء:
يا سيدي العزيز هذا خطاب امرأة حمقاء هل كتبت إليك قبلي امرأة حمقاء؟ اسمي انا؟ دعنا من الأسماء رانية أم زينب أم هند أم هيفاء اسخف ما نحمله ـ يا سيدي ـ الأسماء يا سيدي أخاف أن أقول مالدي من أشياء خاف ـ لو فعلت ـ أن تحترق السماء فشرقكم يا سيدي العزيز يصادر الرسائل الزرقاء يصادر الأحلام من خزائن النساء يستعمل السكين والساطور كي يخاطب النساء ويذبح الربيع والأشواق والضفائر السوداء و شرقكم يا سيدي العزيز صنع تاج الشرف الرفيع من جماجم النساء لا تنتقدني سيدي إن كان حظي سيئاً فإنني اكتب والسياف خلف بابي وخارج الحجرة صوت الريح والكلاب يا سيدي عنترة العبسي خلف بابي يذبحني إذا رأى خطابي يقطع رأسي لو رأى الشفاف من ثيابي يقطع رأسي لو انا عبرت عن عذابي فشرقكم يا سيدي العزيز يحاصر المرأة بالحراب يبايع الرجال أنبياء ويطمر النساء في التراب لا تنزعج! يا سيدي العزيز ... من سطوري لا تنزعج ! إذا كسرت القمقم المسدود من عصور إذا نزعت خاتم الرصاص عن ضميري إذا انا هربت من أقبية الحريم في القصور إذا تمردت، على موتي ... على قبري على جذوري و المسلخ الكبير لا تنزعج يا سيدي ! إذا انا كشفت عن شعوري فالرجل الشرقي لا يهتم بالشعر و لا الشعور ... الرجل الشرقي لا يفهم المرأة إلا داخل السرير ... معذرة .. معذرة يا سيدي إذا تطاولت على مملكة الرجال الأدب الكبير ـ طبعاً ـ أدب الرجال والحب كان دائماً من حصة الرجال والجنس كان دائما ً مخدراً يباع للرجال خرافة حرية النساء في بلادنا فليس من حرية أخرى، سوى حرية الرجال يا سيدي قل ما تريده عني، فلن أبالي سطحية.. غبية.. مجنونة.. بلهاء فلم اعد أبالي لأن من تكتب عن همومها .. في منطق الرجال امرأة حمقاء ألم اقل في أول الخطاب إني امرأة حمقاء ؟
| |
|
|
|
|
|
|
Re: جدية (Re: وليد التلب)
|
الحبيب وليد التلب،
شكراً يا زول يا رائع على كلماتك الحلوة زيك
ربنا يخلي ليك الحنان (أم العيال)..
ويفضل حنان طول الزمن..
تحياتي ومحبتي
وسلامي للأسرة الكريمة
| |
|
|
|
|
|
|
Re: جدية (Re: sourketti)
|
سوركتي يا حبيب،
تحياتي الحارة لك ومودتي العميقة
فعلاً ذلك اليوم كان لخمة شديدة لأنو كان معاي الوالد ربنا يديه الصحة
عشان بعض الفحوصات وكنت سايبو في العربية
تسلم سيد الناس
وإيميلي
[email protected]
مع جزيل الشكر
| |
|
|
|
|
|
|
Re: جدية (Re: Hala Hassan)
|
الحبية هالة حسن،
مبروك لنا انتِ
وهنيئاً لنا كلماتك الرقيقة..
لك الحب
ولك المودة
ولك التقدير العظيم
| |
|
|
|
|
|
|
Re: جدية (Re: طه كروم)
|
الحبيب طه كروم،
شكراً جزيلاً على كلماتك اللطيفة
ولكم والله اسعدتني
لك الود والتقدير
ولك خالص المحبة
| |
|
|
|
|
|
|
Re: جدية (Re: مهدى الصادق السيد)
|
الحبيب مهدي الصادق،
ربنا يبارك فيك ويديك العافية
وسعداء جداً بيك
وبكلماتك الطيبة
تسلم مليون يا حبيب
مع جزيل الشكر والتقدير
| |
|
|
|
|
|
|
Re: جدية (Re: Dr. Moiz Bakhiet)
|
د معز تحياتي
ياخي انت راجل فنان تعرف ما اظن في واحد هنا
يقدر على اللي انت بتعمل فيه هنا... كاني بك
تتمرد على واقعنا المعاش ...
| |
|
|
|
|
|
|
Re: جدية (Re: اسامه هاشم)
|
الغالي أسامة هاشم،
شكراً عظيماً لك يا حبيب
لدي رسالة لهذا الشعب المحروم من كل أشكال الجمال
والحياة الكريمة
ولابد من ابلاغها
وقد بداتها بكل عام وأنتِ حبيبتي
ولا زالت القافلة تسير
برغم خفافيش الحياة وثعابينها
لكن أرى التغيير بائناً في كثير من الأحوال
وسنعلم الناس المحبة والجمال
والفرح..
ولك شكري وتقديري العظيم
| |
|
|
|
|
|
|
Re: جدية (Re: Dr. Moiz Bakhiet)
|
تاني فووووووووووووووووووووووق
وتعظيم سلام
للكلام الجميل
والداعم لمواقف المرْاة المبدعه
تسلم يادكتور
تحياتي ومودني
| |
|
|
|
|
|
|
|