اجتماع الجالية بمنطقة واشنطون لدعم اهل دارفوربين حماس الاقلية وعزوف الاغلبية،،، 1+1 = 100 الف$

Quote: بيناتك دى بلها واشرب مويتا لانها لا تنفع فى ادعاء الا عند الحكامات مش المحاكم تعرف منو الحكامات يا النذير سمعت قبل كدة بعمر كتاوت طيب خلينى احكى ليك قصة عمر كتاوت ونشوف وجه الشبه بينك وبينو عمر كتاوت واحد شغال فى الامن ودا كان زمن نميرى ، هو مش شغال فى الامن بالظبط هو كهربجى عربات فى الامن ودا سر تسمتو بعمر كتاوت . المهم عمر كتاوت قرر يشتغل فى السياسة واترشح فى احدى الدوائر الانتخابية وعندو دعاية انتخابية لطيفة بالظبط زى دعايتك دى وشعاراتو مابختلف كتير من شعاراتك زى : انتخبوا عمر كتاوت رجل القانون والامن السابق انتخبوا عمر كتاوت الصديق الشخصى لعمر محمد الطيب عمر كتاوت الانقليزى شاربو شراب والفرنساوى ماتماهو لظروف عائلية العفريتا رفعت اللورى والارض جربت الحجر انتو حسع جربو عمر كتاوت فانت حسع يا النذير كتاوت شايل صكوك وتمنح فى الناس الاوصاف حسب مزاجك تحدد منو المناضل ومنو الطابور السادس وكمان منو العميل والمتهم. وتعال نشوف بيناتك الخطيرة واحدة واحدة Quote: تدعو اللجنة التمهيدية لمشروع دعم وأغاثة مواطنى دارفور جميع أعضاء الجالية الكرام الى اجتماع عام لمناقشة اللجنة التمهدية يا النذير كتاوت تعنى اللجنة التى دعت لاجتماع عام لمناقشة المشروع وتنهى صلاحيتها بعد الاجتماع العام وذلك بعد ان ينتخب الاجتماع العام اللجنة التى سوف تقود العمل عشان كدى سموها باللجنة التمهدية Quote: وبهروبك كما هربت من قبل فى تظاهرة دارفور - الدليل الأول لم اكن اعلم بانك الالفة فى ذلك اليوم والذى اوكل اليه تسجيل الحضور والغياب ، لو كنت اعلم ذلك لبحثت عنك لتسجيل حضورى واولادى واصدقائى الذين تصادف وجودهم ذلك اليوم عشان نضمن لينا وصفة وصفتين بتاعت نضال وكدة Quote: وأحب أن أحيط جميع القُراء والوسطاء الشرفاء علماً لسوء طالع متهمنا المجاهد عفيفي هذا و الذى أظنه قد أُعطيَّ لقب مجاهد أو قد ترقى لمرتبة أمير المؤمنين حتى الآن من قبل الكيزان ياراجل والله كدة حقرتا بى عديل مجاهد وامير بس والله انا ما بقبل بحاجة اقل من شهيد انت قايل انا لعبة ولاشنو Quote: قانوني ضليع Quote: وإتصالاته التلفونية الدائبة للبحث عن وسطاء يا النذير كتاوت طالما عرفت بانى قانونى وضليع كمان واتصالاتى التلفونية دا معناها انك خطير ومناضل من الطراز الاول ومن هنا ورايح حا نعمل حسابنا منك مساكين ناس دارفور ومسكين السودان الطلعو عيونهم ناس النذير كتاوت ديل