كتب الكاتب الفاتح جبرا المتوفرة بمعرض الدوحة
|
Re: ركن الدوبيت السودانى (Re: نادية عثمان)
|
لسان الجن يا ناديه الخلي ناس الحوش كومين كوم لي ناس روضه وكوم تاني لي علاء الدين جنس فلهمه غايتو وعاملين فيها ناس فاهمين صح القلم ما بزيل بلم قول يا لطيف يا معين
| |
|
|
|
|
|
|
Re: ركن الدوبيت السودانى (Re: Mohamed A. Salih)
|
العزيز محمد صالح
قلت:لسان الجن يا ناديه الخلي ناس الحوش كومين كوم لي ناس روضه وكوم تاني لي علاء الدين جنس فلهمه غايتو وعاملين فيها ناس فاهمين صح القلم ما بزيل بلم قول يا لطيف يا معين
وبقول:
محمد يالعزيز والله محزونين
عشان الحوش أكيدقصدوه ناس حاقدين
بس يبقى العشم فيك ياجنا الصالحين
تدوبى تنادى حتما برجعوا السمحين !!
| |
|
|
|
|
|
|
Re: ركن الدوبيت السودانى (Re: Mohamed A. Salih)
|
الغالى محمد صالح
قلت: سيد الحوش صبر حرم صبر ايوب سوولو المغص وشيتا وجع عرقوب حار بيه الدليل وعلي الامر مغلوب ما فضللو علا يقفلو ويقول الروب
وبقول :
سيد الحوش اخوى بكرى البنالنا الجنة
منبر زى وطن فيهو الاراك والحنة
السودان عزيز واولادو شالو محنة
يابكرى الصبور الحوش ده فيهو اهلنا !!
| |
|
|
|
|
|
|
Re: ركن الدوبيت السودانى (Re: نادية عثمان)
|
ابو تقى العزيز
قلت :
(نشهد بالله انك مبدعة )
وبقول ليك انا :
كتابة الشعر بدأت معاى أجمل هواية
فصحى وعامى بكتب ومن كل الزوايا
ببكى ومرة اضحك وأعيش عمق الحكاية
وتبقى قصائدى قصة تتحول رواية !!
لك التحية الغالى ابو تقى وشهادتك وسام على صدرى ماحييت !
| |
|
|
|
|
|
|
Re: ركن الدوبيت السودانى (Re: عبود احمد النصيح)
|
الاخ عبود احمد النصيح
تسلم على الهمة ..واسمع منى :
يالهم القبيل اختاناماتغشانا
زمن كانوا الخواجات بالسلاح راكبانا
وخلينا النعيش حلو الوعود طربانة
السودان ولدنا نصونو بالجبخانة !!
| |
|
|
|
|
|
|
Re: ركن الدوبيت السودانى (Re: نادية عثمان)
|
طريت الليله محبوبتي الزمان السمحه زنوبه طريت القعده في ضل العصر والقهوه في الراكوبه زمن ننزل للجروف ونحش للغنم عقاب اللوبه بي فراقك الجسد انهلك والروح بقت مسلوبه
| |
|
|
|
|
|
|
Re: ركن الدوبيت السودانى (Re: Mohamed A. Salih)
|
العزيز محمد صالح
قلت:
طريت الليله محبوبتي الزمان السمحه زنوبه طريت القعده في ضل العصر والقهوه في الراكوبه زمن ننزل للجروف ونحش للغنم عقاب اللوبه بي فراقك الجسد انهلك والروح بقت مسلوبه
وهاك منى قول :
عولمة وثورة تطور وفى المفاهيم انقلاب
بالموبايل والاتارى اتغيرت لغة الشباب
اختفت روح المحبة والاحاديث العذاب
المواكبة شئ ضرورى الا كعب الاستلاب !!
| |
|
|
|
|
|
|
Re: ركن الدوبيت السودانى (Re: نادية عثمان)
|
الي فطومه .....
كيفن نسيتي العشره الكانت بينا رسلتك كم رساله علا ما رديتنا الوحده والغربه خاربات بيتنا علي العلي جيتي انتي كاويتنا
لا تقوليلي جاريه والجري ملحوق مركز مني حداك بس خطوتين لي فوق الكسل وعدم الهمه ماهن من الزوق الا بقول يا جمل الشيل اصبر روق
خصمتك بالله شماركم ده قللي منو الدين العليك عبر الاثير قوم تمو اناالحال العلي ماك ظني غايب عنو الملل الشديد من الكؤوس شاربنو
ما فضللي علا ارسل المرسال طال الانتظار علي الكلس اب شال صحيح طيب الصبر علا الولف كتال ومن جفاكم نال اب شنب ما نال
الحنين بين الحبايب اصلو غريزه غاليه انتي وكمان لي قلوبنا عزيزه سلامي للحبايب من الدقي للجيزه واوعك ترجعي من دار المعز دون فيزه
في الختام سلامي للقريب وبعيد اغريهم تحياتي لزوم العيد مشتاق كتير وحبي ليكي شديد وشكري الجزيل لمحمد الصنديد
| |
|
|
|
|
|
|
Re: ركن الدوبيت السودانى (Re: Mohamed A. Salih)
|
العزيز محمد صالح
قلت :
خصمتك بالله شماركم ده قللي منو الدين العليك عبر الاثير قوم تمو اناالحال العلي ماك ظني غايب عنو الملل الشديد من الكؤوس شاربنو
وهاك منى دى :
مليعينة الحياة ولاايمكن انا ملعونة
الدنيا الغرورة الخاينة والمجنونة
سرقت حظى منى ونزّفتنى سنونها
عضتنى بضروسها وحمرتلى عيونها !!
| |
|
|
|
|
|
|
Re: ركن الدوبيت السودانى (Re: عبود احمد النصيح)
|
Quote: أكيد المال بيسعد صحبو من دون شك
بيهو الضيقة توسع والعقد تنفك
تجيب بالمال سعادتك والجلود تنحك
تعيش عز القبيلة وينصّبوك المك!! |
ما بجيب السعادة المال وكلو شبك بفك الضيقة ساعة الدنيا تبقى لبك ويوم تتكبس الحاله و قروشنا برك تضيق الواسعه يصبح مالنا لينا شرك
| |
|
|
|
|
|
|
Re: ركن الدوبيت السودانى (Re: عبدالله وداعه الامين)
|
العزيز عبد الله وداعة الامين
قلت:
ما بجيب السعادة المال وكلو شبك بفك الضيقة ساعة الدنيا تبقى لبك ويوم تتكبس الحاله و قروشنا برك تضيق الواسعه يصبح مالنا لينا شرك
وهاك منى برضو:
لقيتك زول بسيط رغم الهيلمان
نظراتك عميقة ومليانة بحنان
الله اداك عظمة وسلطة وصولجان
وخير ماهل مدفّق لى آخر الزمان !!
| |
|
|
|
|
|
|
Re: ركن الدوبيت السودانى (Re: نادية عثمان)
|
نادية كيف حالك السودان وطنا كيف يهون والله تقرير مصير ده بداية العلة جنوبنا الحبيب ارح تعال نتلمه ملوال اخوى خليك معنا ابان دقون ياما كشفوا حالنا الموت الحصل اصلو مافى بالنا جلابة الحرب تعال نكشف حالهم فى سودان جديد مصيره ينسوا احلامهم
تحياتى
| |
|
|
|
|
|
|
Re: ركن الدوبيت السودانى (Re: Abdelrahman Elegeil)
|
ناديه اسمحي لي بان اشارك بما كتبته في بوست الامير نقد الله
هنا
متيمن اقيف واشكي الظلم.. لي الله يرفع ده المرض. من الامير نقد الله الزول الهميم الاصلو ما.. بينذله والكان السبب ان شالله يوم يتشله
| |
|
|
|
|
|
|
Re: ركن الدوبيت السودانى (Re: بلدى يا حبوب)
|
العزيز بلدى ياحبوب
قلت:
السودان وطنا كيف يهون والله تقرير مصير ده بداية العلة جنوبنا الحبيب ارح تعال نتلمه ملوال اخوى خليك معنا ابان دقون ياما كشفوا حالنا الموت الحصل اصلو مافى بالنا جلابة الحرب تعال نكشف حالهم فى سودان جديد مصيره ينسوا احلامهم
وهاك قولى :
خير بلدنا الكان مدفّق هسة قام أكلو الجراد
حتى دارفور العروس لبست أكفان الحداد
حبة من أولادها قاموا لمّوا خيلهم والعتاد
بالسلاح طلبوا العدالة وحاموا بين ليبيا وتشاد!!
| |
|
|
|
|
|
|
Re: ركن الدوبيت السودانى (Re: نادية عثمان)
|
تسلم الموصلى العزيز وتمر دائما مرورك طيب
وهاك اسمع منى :
دناقلة اولاد بلد مجد الجدود حفظوه
بالتقى والورع شعب البلاد حكموه
لاهتكوا العروض لازول برئ ظلموه
هم فخر الوطن ساعة الوطيس يحموه!!
| |
|
|
|
|
|
|
Re: ركن الدوبيت السودانى (Re: نادية عثمان)
|
كتر خيرك كتير يا بت كرام الناس اماتك حفلنك بالدهب والماس وليكم سلام كلكم من لى تحت ولى الراس شاحد الله الكريم دايما تكونو اساس بى علم بى فهم بى راس وتسوو كل جميل وتبطلو الدواس
قدوم الخير قدومكم يا بدور الظلمه ابطال الكفاح رجال الظلمه لو لاكم يا عقول الوعى ما فهمنا معنى الكلمه حريتنا كانت تبقى لينا فرحه وحلمه
| |
|
|
|
|
|
|
Re: ركن الدوبيت السودانى (Re: anwar abu gaidaa)
|
انصر السبوع واتن جميع اماته باللتنين عزمنا على ضبح تسماته اجتمعو الاحبه الجمله عزو حماته واقفين كالكهارب يضووا لى مهماته
يات من كان حدقلو اسم بقت العباره جسيمه سميناها امنه ان شاء الله حاقه اسيمه بت ارباب تحضر لو وتختو وسيمه قبل المايقين يلمع كانو قسيمه
| |
|
|
|
|
|
|
Re: ركن الدوبيت السودانى (Re: نادية عثمان)
|
الغالى انور ابو غيداء
قلت: انصر السبوع واتن جميع اماته باللتنين عزمنا على ضبح تسماته اجتمعو الاحبه الجمله عزو حماته واقفين كالكهارب يضووا لى مهماته
يات من كان حدقلو اسم بقت العباره جسيمه سميناها امنه ان شاء الله حاقه اسيمه بت ارباب تحضر لو وتختو وسيمه قبل المايقين يلمع كانو قسيمه
وهاك منى قول :
آمنة انشاء الله تكبر وتلحق الكلية
سليلة دار جعل وابوها صافى النية
تورين يوم سمايتك جد عليكى شوية
ناقتين منى ليك يابت اخويا هدية !
| |
|
|
|
|
|
|
Re: دناقله يا رسول الله (Re: Mohamed A. Salih)
|
الاكرم محمد صالح
قلت:
دناقلة يارسول الله
ثم:
يقولون للرحمن أرتي وللجزيرة آرتي وللغنمايه برتي وللدقيق نورتي
واسمح لى ان اسألك مامعنى هذا الكلام عشان اقدر ارد بالدوبيت المناسب ..!!
| |
|
|
|
|
|
|
Re: دناقله يا رسول الله (Re: نادية عثمان)
|
دناقله يا رسول الله: ده طبعا نكته في اهلنا الدناقله. في اتنين مشو الحج ومن الضمن مشو لزيارة قبر الرسول صلي الله عليه وسلم.. فيبدو ان حارس القبر تحدث اليهم .. ما متأكد قال ليهم شنو بالضبط لكن اخوانا الدناقله ردو عليهو بقول "دناقله يا رسول الله" .. يعني افتكرو المتحث الرسول صلي الله عليه وسلم.
بلغة الدناقله:
أرتي تعني الله آرتي تعني الجزيره برتي تعني الغنمايه نورتي تعني الدقيق
| |
|
|
|
|
|
|
Re: دناقله يا رسول الله (Re: Mohamed A. Salih)
|
العزيز محمد صالح
بالمناسبة يعنى انا دنقلاوية ابا عن جد
واما عن حبوبة
وتانى هاك اقرأ كلامى ده :
انا بتك أبوى فارس قبيلة دنقل
بالمال والرويحة الغالية ماك بتبخل
شامخ زى نخيلك وحادى زى المنجل
فى الحارة الشديدة يمين عدوك يتفنقل !!
| |
|
|
|
|
|
|
Re: دناقله يا رسول الله (Re: نادية عثمان)
|
Quote: انا هسة كلمت الموصلى ود خالى كان جايب عكازو وجاييك عدييييييييييل |
يا جماعه مافي داعي للعكاكيز والخبيط وبقول:
انا البحر الكبير المالح كدي ادوني عصا وحمارا فالح شوفوني اكان ما اروح للموصلي في بكانو اصالح
اي والله ارتي كريمن
| |
|
|
|
|
|
|
Re: دناقله يا رسول الله (Re: نادية عثمان)
|
جات تماضر ياجماعة الرسول تأكلو الكرامة
بت شيوخ الدين أصيلة مافى زول بلحق مقامها
ياتماضر ياأميرة حاشا مافوقك ملامة
ابتسامتك لون بهاك وشامخة زى النخلة قامة ..!!
هذا مع وافر حبى وتقديرى
نادية
| |
|
|
|
|
|
|
Re: دناقله يا رسول الله (Re: نادية عثمان)
|
ههههههههه لكنتك ظريفه بماسبة شافه ذكرتيني اغنية:
ووو شافيد إنكي تونجقي ار اودقرنا ووو شافيد إنكي بوبي تلقرنا اكي ثانوير دابونادن ووو شافيد ثانوي عالير دابونادن ووو شافيد
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: زى ماقالو مثلا حب الناس مذاهب
بحب حريتى واكره ظلمات الغياهب
ترتيل شيخ بجوّد وترتيل قس وراهب
حكمة رب معظّم هو الخلق المواهب ! |
الحريه بندورا وما بياباها الا زولا خايب عجيبه الدنيا قاعدين فوق روسينا مصايب لا بحنو علي الصغير ولا حتي بدو احترام للشايب كاتمين انفاسنا ومن المغص مالين بطوناهبايب
| |
|
|
|
|
|
|
Re: ركن الدوبيت السودانى (Re: انا بنت النيل)
|
العزيزة انا بت النيل
Quote: جذبني الركن وشميت ريحة البطانه الماطره عديل اتحيرت واتفكرت في ناديةالضليعة وقادره تب عجبتـني وفكرتها من دار جعلنا الزاخره بس عجبي اللقيت مسداره برطانة وحلات سماره |
دار جعل العزاز بلد الملوك والسادة
يامهد الحضارة ودولة فوق العادة
لو يهجم عدوك بلقى الرجال سدادة
يرحبوا بالردى وحوّة جعل ولاّدة !!
وحوة بنى دنقل برضو ولادة وكل حواء السودان باتجاهاته الاربعة تسلمى على المرور الراقى ولازم تجى تانى ياغالية.
| |
|
|
|
|
|
|
Re: ركن الدوبيت السودانى (Re: انا بنت النيل)
|
Quote: جذبني الركن وشميت ريحة البطانه الماطره عديل اتحيرت واتفكرت في ناديةالضليعة وقادره تب عجبتـني وفكرتها من دار جعلنا الزاخره بس عجبي اللقيت مسداره برطانة وحلات سماره |
مرحبتين حبابك يا السمحه بت النيل بت العز والكرم الفي طباعك أصيل كالثري للثري منك بنوت الجيل شرفتي الديار فالقومه ليكي عديل
| |
|
|
|
|
|
|
Re: ركن الدوبيت السودانى (Re: Mohamed A. Salih)
|
الغالى محمد صالح
قلت:
Quote: ركننا الحبيب لازم يكون لي فوق تعالو ندوبي يا اصحاب الزوق ولا تقولولي اصبر ويا زول روق المهم ندوبي والباقي ملحوق |
تسلم ياعزيز سيد الفهم والذوق
يالزول اللطيف لالصقة لا لايوق
الراجل المؤدب حاشا مو صعلوق
ود صالح تعال ناداك رسول الشوق !!
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: عبد الرحمن العجيل الغالى
فوق كده ساى مابينفع |
قال ابو وضحه في قول الشعر مالو نصيب وبفول انا في قول الشعر تب هو نجيب صادق في كلامو وبرضو في التعقيب موزون شعرو وفي فهم الاشاره لبيب
| |
|
|
|
|
|
|
Re: ركن الدوبيت السودانى (Re: Abdelrahman Elegeil)
|
الغالى عبد الرحمن العجيل
بركة الجيت ..بركة الجيت
Quote: حنتك دي مافي شك حنة دامر المجزوب الحبيبة
الزول السمح برة لا بد يكون سمح جواه
لابس حنتنا تاج نحن نموت عشانو والجميع يفداه |
وهاك منى قول :
صدقت القول وتسلم دامر المجذوب
جلابية شال وجلد البقر مركوب
الوطن الاصيل معدول ومو مقلوب
نغنى عشانو نقدل بلدى ياحبوب
| |
|
|
|
|
|
|
الحنة (Re: نادية عثمان)
|
جمال الحنه في الايدين وحلاة رسمه يمين بالله ابدعت الحنانه بت قسمه زول رتينه في الشفاه حلاة بسمه بديع الخالق الجبار بديع رسمه
| |
|
|
|
|
|
|
Re: الحنة (Re: Mohamed A. Salih)
|
بحلف ليك قسم بى حبى ليك والخوّة
عرسك يالأمير فى يوم أكيد بتسوّى
تفرح بالجديد وعدوك الم يتلوّى
تحبك وتشتهيك فى الدنيا أجمل حوّة ..!!
الاهداء لمحمد صالح وكل من تمنى العديل والزين..!!
| |
|
|
|
|
|
|
Re: الحنة (Re: نادية عثمان)
|
Quote: بحلف ليك قسم بى حبى ليك والخوّة عرسك يالأمير فى يوم أكيد بتسوّى تفرح بالجديد وعدوك الم يتلوّى تحبك وتشتهيك فى الدنيا أجمل حوّة ..!!
الاهداء لمحمد صالح وكل من تمنى العديل والزين..!! |
انا من قم صغير مكتوب لي شقيان لا قرايه لا علم وقدمايا حفيان جاري وراء الابل الديمه جربان ومن قل البرود انا جسمي هلكان
اها باقي ليكى بترضي بي حوه ??!
| |
|
|
|
|
|
|
Re: ركن الدوبيت السودانى (Re: osly2)
|
اوسلى 2 العزيز ومرحب بالطلة الغالية
قلت:
Quote: غبت وجيت معاك يا ناديه نمشى دروب نفتح كل باب فى بلدنا كان مـــزروب الا الريح ابت وفى البوست هابه هبوب ضاع منى الطريق وراح منى درب ادروب |
وهاك منى قول :
درب ادروب دوام ياوسلى فينا لهيب
اوشيك الجميل دبايوا زولى حبيب
الباب انفتح لو حتى جابلو دبيب
البكا والنواح تب مابكتل الديب !!
| |
|
|
|
|
|
|
Re: ركن الدوبيت السودانى (Re: Elmosley)
|
موصلى ود الخال .. بركة الجيت وهاك اسمع منى :
موصلى يالعزيز ود خالى قلبو حنين
مالك غبت عن بوست الاحبة سنين
يوسف يالصدوق ومعروف نزيه وأمين
زعلانة وأكيد بشكيك لشرف الدين !!!
| |
|
|
|
|
|
|
Re: ركن الدوبيت السودانى (Re: انا بنت النيل)
|
بت النيل الغالية
Quote: عذرا نادية ما ان جات سيرة الحنة ودامر المجزوب حتي هاجني الشوف والحنين الدافق لهاواقول |
..
قولى زى مادايرة ودوبى مع كل زول هنا البوست بوستيك والبيت بيتك ياغالية
| |
|
|
|
|
|
|
Re: ركن الدوبيت السودانى (Re: انا بنت النيل)
|
الحبيبة بت النيل
قلتى :
Quote: جيتك تاني يااختي العزيزة ونادية يالزهرة وحلاتـك باديــة بالشب واللبـان ياراقيـة ارقيك من حسودا عينه جافلة وباغية |
بت النيل حبابك ديمة طلى تعالى
جيتك يالعزيزة تسر تريح بالى
ياالرائعة الودودة ويالمقامك عالى
بالزيك أكيد بصبح بلدنا مثالى !!
| |
|
|
|
|
|
|
Re: ركن الدوبيت السودانى (Re: عبد الرحمن الشبلي)
|
العزيز عبد الرحمن الشبلى
قلت:
Quote: احب من ايدك اتعلم واكون فيني الكلام والنم عشان اقدر اعيش واحلم وافيض زي الجمال والنيل |
وهاك اسمع منى :
تعال ياشبلى نتعلم ونعمل لى زمنا حساب
ندرس عظمة التاريخ ذكرى المهدى والأحباب
علوم الحب سلام للناس ومعنى العشرة والأنساب
منّ المهد وحتى اللحد وبرضك راح نظل طلاب !!
| |
|
|
|
|
|
|
Re: ركن الدوبيت السودانى (Re: نادية عثمان)
|
ود الخال يوسف
وهاك منى قولا :
شرف الدين شكيتلو وقال اكيد زعلان
عشان القسوة تب مابتشبه العثمان
قال ليك لااتصال لاجية للحبان
ماكان العشم والسينما ليها زمان !!!
| |
|
|
|
|
|
|
Re: ركن الدوبيت السودانى (Re: نادية عثمان)
|
ياتماضر شوفى زولنا جاى شايل ليك هدية
بت شيوخ الدين حلاتها بتى من يومها الرضية
غنى يازول دوبى ليها بالنغيمات الشجية
قلنا مهما قلنا فيها برضو ببقى القول شوية !!
| |
|
|
|
|
|
|
Re: ركن الدوبيت السودانى (Re: نادية عثمان)
|
يا نادية نحن قوم لا نعرف الهدّ دحين هاك
جفلت بي عيونك صيدة وردت نيله وجهرت من ضياها القمره في عز ليله الزوق والجمال عن حنتك وتشكيله محنانات عديل طالبين يعرفو دليله
الدليل دا الكتلوج
| |
|
|
|
|
|
|
Re: ركن الدوبيت السودانى (Re: nazar hussien)
|
الغالى نزار حسين
قلت:
Quote: سواد الحنه مو خته ورقاد ونشاف ونقش الحنة ما بظهر بلا كشاف
الا اللونو فاقع زي حرير او شاف
دحين شفتو القمر وكت الكسوف بنشاف؟ |
وهاك منى قول :
سواد الحنة أبيض فى قلوب عشاق
ريد وحنان والفة ومجمل الاشواق
روح الحنة للمرض الخطير ترياق
عشقوها العرب ناس لطفى ود بوشناق
| |
|
|
|
|
|
|
Re: ركن الدوبيت السودانى (Re: nazar hussien)
|
نزار حسين الغالى
قلت:
Quote: جفلت بي عيونك صيدة وردت نيله وجهرت من ضياها القمره في عز ليله الزوق والجمال عن حنتك وتشكيله محنانات عديل طالبين يعرفو دليله |
وهاك قولى :
ياغالى الأماسى الحلوة يأخى حليلها
فى السودان سماحة وفأل حسن وعديلة
حنة وصندلية ووريحة طيبة جميلة
حنانة البلد ترسم طريق لى جيلها !!
| |
|
|
|
|
|
|
Re: ركن الدوبيت السودانى (Re: Elmosley)
|
الموصلى ود الخال
قلت:
Quote: كان ياناديه صح شرف الحبيب.. زعلان يبقي اكيد ولد خالتو الحبيب غلطان كيف انا انسي ....اشلاق بحري ياخلان حليل وطنيه.... والحلفايا والدكان |
وهاك منى قول :
صاح يايوسف الزول الجميل زعلان
شرف الدين ولد موسى وجنا الفرسان
قال ليك كيف نسيت العشرة والتحنان
وقال ليك يالحبيب متى ترجع السودان.........؟!!
| |
|
|
|
|
|
|
Re: ركن الدوبيت السودانى (Re: أحمد الشايقي)
|
العزيز احمد الشايقى
Quote: بت عثمان حبــاب
الحـاشــا ما بتـضـارا
أتعبتــي الشـعـر
مـا لقـينـا ليـه بصــارة
أخجـلـتي العنـب
زيـنـة شـبـاب ونـضـارة
جـهـرتني الكهـارب
بـس بـدور نـضـارة |
وهاك منى قول :
يااحمد حباب الكلمة منك سارة
وطنى وود بلد مابترضى بيها حقارة
زول معروف كريم راجلا عديل دبّارة
شاب بالحيل وسيم ليهو البنات تتجارى !!
| |
|
|
|
|
|
|
Re: ركن الدوبيت السودانى (Re: نادية عثمان)
|
سمحات البنات سمح الغنا القطعنّو نايرات زي حرير توب العفاف لبسنّو بي قلبا كبير همّ الوطن شالنّو قادلات زي نجوم السما الوصلنّو
ينفع ده يا نادية ؟؟؟ أصلو أخوك من أهل العوض ..
| |
|
|
|
|
|
|
Re: ركن الدوبيت السودانى (Re: ودقاسم)
|
الغالى ود قاسم ..مرحب بالطلة الحلوة جدا
قلت:
Quote: سمحات البنات سمح الغنا القطعنّو نايرات زي حرير توب العفاف لبسنّو بي قلبا كبير همّ الوطن شالنّو قادلات زي نجوم السما الوصلنّو |
وهاك منى قول :
فرسان الرجال فى بلدى قيمة وهيبة
لافيهم سفيه لازول فعول للعيبة
ود قاسم ربيت شابا وبعد الشيبة
شايفاك يالعوض فيك رجفة الحبّيبة !!
Quote: ينفع ده يا نادية ؟؟؟ أصلو أخوك من أهل العوض .. |
وانا دنقلاوية اهل العوض بتاع دنقلا وقولك يالعوض ود قاسم حلو جدا الرسول تخليك معانا هنا دائما ..
| |
|
|
|
|
|
|
Re: ركن الدوبيت السودانى (Re: نادية عثمان)
|
يا ستنا طولت الغياب حزنان انا اليوم بمر ذى السنة اه انا ما كل يوم ساكى الرهاب امكن القاك انا سافرت فى البحر البعيد قلقان انا شايل معاى شوق السنين طالب اشوفك انا ما نظرة بس تشفى الجراح القاتلنى انا وعذاب البعاد لمن القاك بجن انا ويقول على مجنون بعاد ما ده انا يا حلوة بس كيف الوصول معيون انا قالوا الشفاء لمن اشوف عينك انا ما دواية دموع ولوح الصبر راجى انا وحروف كتاب حبك دواى انا يا روعة بين الزهور اكليل شايله انا ونسمات جروف وقت الغروب مناى انا تجيب الدعاش وجواه شوق لى انا تحياتى
| |
|
|
|
|
|
|
Re: ركن الدوبيت السودانى (Re: بلدى يا حبوب)
|
الغالى بلدى ياحبوب
قلت:
Quote: يا ستنا طولت الغياب حزنان انا اليوم بمر ذى السنة اه انا ما كل يوم ساكى الرهاب امكن القاك انا سافرت فى البحر البعيد قلقان انا شايل معاى شوق السنين طالب اشوفك انا ما نظرة بس تشفى الجراح القاتلنى انا وعذاب البعاد لمن القاك بجن انا ويقول على مجنون بعاد ما ده انا يا حلوة بس كيف الوصول معيون انا قالوا الشفاء لمن اشوف عينك انا ما دواية دموع ولوح الصبر راجى انا وحروف كتاب حبك دواى انا يا روعة بين الزهور اكليل شايله انا ونسمات جروف وقت الغروب مناى انا تجيب الدعاش وجواه شوق لى انا |
وهاك منى قول :
هيلى الصندل المعجون وهيلك سيفك البتار
هيلى الفركة والسوميت وانت هناك تخوض النار
بغنيلك واجر النم وادعو يصونك الستار
بحرسك بى رموش العين وتحرس جيشك الجرّار .!!
| |
|
|
|
|
|
|
Re: ركن الدوبيت السودانى (Re: نادية عثمان)
|
نادية السمحة جابت نمة فوق نماتنا
جرست الفؤاد خلت لحمنا رفاتنا
ها جنوي تعالوا نعز رؤوس أماتنا
سمحة العرضة وسط أخوانا أدروباتنا
أكان مو دا البحر والقهرة في ريالاتنا
حفايا نجيكم إن بندوربهن نعلاتنا؟؟
أنا أخو السمحات لي حدهن
| |
|
|
|
|
|
|
Re: ركن الدوبيت السودانى (Re: Mahmoud Mustafa Mahmoud)
|
العزيز محمود مصطفى محمود
قلت:
Quote: نادية السمحة جابت نمة فوق نماتنا
جرست الفؤاد خلت لحمنا رفاتنا
ها جنوي تعالوا نعز رؤوس أماتنا
سمحة العرضة وسط أخوانا أدروباتنا
أكان مو دا البحر والقهرة في ريالاتنا
حفايا نجيكم إن بندوربهن نعلاتنا؟؟ |
وهاك منى قول :
سمحة العرضة وسط الحوش مع الحبان
سمحة اللمّة ساعة الفرحة فى السودان
يامحمود ارح دوبيتنا فيهو حنان
وهاك اشرب معانا القهوة فى الديوان !!!
| |
|
|
|
|
|
|
Re: ركن الدوبيت السودانى (Re: نادية عثمان)
|
بس يا نادية بسلم ساي الزيِّ أنا بكاي خلاص نقاي قُوليِّ ما مهم لكن برضو لي راي في النم يا نادية شاشاي حريف في القول وكمان حاحاي كان مشيتي كدا بجيك بي جاي ويا نادية في النم اخوك بكاي
| |
|
|
|
|
|
|
Re: ركن الدوبيت السودانى (Re: ود الشيخ)
|
الغالى ود الشيخ
قلت:
Quote: بس يا نادية بسلم ساي الزيِّ أنا بكاي خلاص نقاي قُوليِّ ما مهم لكن برضو لي راي في النم يا نادية شاشاي حريف في القول وكمان حاحاي كان مشيتي كدا بجيك بي جاي ويا نادية في النم اخوك بكاي |
وهاك منى قول :
البنوت بغنولك حلاتو جناى
وكت تقعد يجيبولك كبابى الشاى
كان قبّلت يلتفتو ويقبّلو جاى
ومن فرحن يضيع اسمك وينادوا هناى !!
| |
|
|
|
|
|
|
Re: ركن الدوبيت السودانى (Re: نادية عثمان)
|
فـوق شوفتنـا ديـك
جيب آنزار دوبيت
أنضـم سبحتــه,
أرويه زين, بيت بيت
مـن زي (حنّـتــه)
ال (كيــف) مرقـد السوميت,
حـالاً جــاز علي,
حـال (ال تقولّـك), أبيــت
| |
|
|
|
|
|
|
|