الأديب محسن خــالد هل تقبل المناظرة مع الحبشي ؟؟

فى القرن 21 طالبات فى الخرطوم يصلن من اجل ان لا تقع فيهم المدرسة
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-08-2018, 08:11 PM الصفحة الرئيسية

مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-01-2007, 06:32 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)
                   |Articles |News |مقالات |بيانات

27-01-2007, 06:42 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    Quote: بس ما لازم تعرف لينا وللقراء جميعا
    مفهوم القيادة الربانية تعريف واضح

    هو الشيعي فينا مين يا جدعان؟
    راجع كتاب، محمّد كاظم محمّد جوّاد: (القيادة الربانية)
    كانوا بوزعهو مستخدمين للإيرانيين في شندي مجاناً، وأنا أقول ليه الراجل ما يشيل مني قروش في الكتاب دا؟
                   |Articles |News |مقالات |بيانات

27-01-2007, 06:45 AM

Ashraf el-Halabi
<aAshraf el-Halabi
تاريخ التسجيل: 08-10-2006
مجموع المشاركات: 5507

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    Quote: ما بزعل
    أبو حميد دا ما سؤال دا إقرار
                   |Articles |News |مقالات |بيانات

27-01-2007, 07:00 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Ashraf el-Halabi)

    الأخ Ashraf el-Halabi
    شكرا على التوضيح
    السريع
    ------------------------------------------
    Quote: راجع كتاب، محمّد كاظم محمّد جوّاد: (القيادة الربانية)

    مشكور يا محسن على الرد السريع!!
    صدقني لم أقرأ هذا الكتاب يا محسن!!
    بس عشان نستفيد مفروض
    تلخص لينا مفهوم (القيادة الربانية)
    حتى يستقيم السؤال
    وينضبط المصطلح!!!
    أنت وضعت سؤالك كشرط لتقبل أسئلتي
    والسؤال يرتكز على المقصود بـ(القيادة الربانية)
    وعلى فهمك ليهو !!!
    إنت تعال عرف (القيادة الربانية)
    وأعدك بالجواب!!!
    قصرت معاك!!!!
    ----------------------
    خارج البوست :
    أخطأت في تقدير سني
    لكن مع ذلك لك الشكر على تقديم الاحترام
                   |Articles |News |مقالات |بيانات

27-01-2007, 07:22 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    يا محمّد أمشي أقرأ الكتاب وتعال،
    وألا دايرني أشتغل ليك داعية مجاني لمذهبك؟
    بالمناسبة، عندي صاحبتي اسمها إقبال حلوة جدا، من جبال العلويين في سوريا،
    تتخيّل صاحبتي البت دي، شيعية، إنت قايل شنو! البوليص ولا قبضها
                   |Articles |News |مقالات |بيانات

27-01-2007, 07:48 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: محسن خالد)

    والله يا جماعة اسمحوا لينا
    غايتو البتسوى فيه ده ما مناظره
    ياخ نحن طشينا معاكم عديل وبقينا ما فاهمين اي شي
    فناقشوا لينا حاجة حاجة
    وخلونا قلتليك زمان وقلت لي هسع

    عشان نستفيد معاكم يا جماعة


    مع كل الود
                   |Articles |News |مقالات |بيانات

27-01-2007, 07:49 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: محسن خالد)

    Quote: يا محمّد أمشي أقرأ الكتاب وتعال،
    وألا دايرني أشتغل ليك داعية مجاني لمذهبك؟

    يا محسن عيب الكلام ده
    جماعتك حريصين على زمنك
    وأنت قلت إنك حريص على معرفة الحق
    فياخ بطل مراوغة
    أنت كتبت
    Quote: أجوبتك المتعلّقة بالشورى، نجاوبها ليك نقطة نقطة، وتعزل من وين كمان
    بس بعد تجاوب إنت السؤال أدناه:
    هل تؤمن بالقيادة الربانية؟
    الإجابة ساهلة جداً، يا "أيوة" يا "لا"طيّب ليه السؤال دا بالذات،
    لأنو أي كلام في الشورى، مع زول بيؤمن بالقيادة الربانية
    ببقه بُندق في بحر
    حابب الحوار يستمر أجب عن هذا السؤال
    وبعد داك أتمنّى علي محسن خالد الدايرو من الأسئلة، ولومني كان نطّيت

    قلت ليك خذ الإجابة نعم
    وقلت لك:
    هل هذا تحد منك لنقض
    مذهب الإمامية لو كانت الإجابة بنعم؟؟
    تعال مفترضا الإجابة بي نعم
    عشان تنقض مذهب الإمامية
    بس ما لازم تعرف لينا وللقراء جميعا
    مفهوم القيادة الربانية تعريف واضح
    لأنك انت جبت هنا وما أنا الجبتو !!
    ((على بياض كده )) ما نفع معاك
    أسوي ليك شنو شكلك نطيت من التعهد؟؟
    أنت سألتني :
    Quote: هل تؤمن بالقيادة الربانية؟

    ولم تعرف القيادة الربانية هي شنو
    وإنت فهمك ليها شنو !!
    دي ما عدالة ياخ!!!
    أسوي ليك شنو شكلك نطيت من التعهد؟؟
    زي ما نطيت وزغت من أسئلتي الكتيرة
    ومنها التناقض المزعوم بين القرآن وحديث البخاري!!
    تعال وضح المقصود بالقيادة الربانية
    عشان تنسف مذهب الإمامية لو بتقدر!!!
    ده تحدي إنت جبتو لي نفسك ما جبتو ليك أنا
    على الأقل تبين الحق و ما تكسف الجماعة الواقفين معاك وفي صفك
    ديل قصدي ناس الصادق وسعد الدين وفيصل نوبي والنذير وعبد الكريم
    والزول الأخير ده
    وناصر البطل من خارج البوست
    -------------------
    قصة شغلي ورزقي وأكلي ده خاليهو على الله
    عندك رأي في دي!!!
    بالمناسبة فعلا ذهبت إلى دبي والرياض بدعم سعودي
                   |Articles |News |مقالات |بيانات

27-01-2007, 08:14 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    Quote: والله يا جماعة اسمحوا لينا
    غايتو البتسوى فيه ده ما مناظره
    ياخ نحن طشينا معاكم عديل وبقينا ما فاهمين اي شي
    فناقشوا لينا حاجة حاجة
    وخلونا قلتليك زمان وقلت لي هسع

    يا وليد كلامك صاح
    من ناحيتي في مساحات
    كثيرة شاسعة وفجوات كبيرة
    في مداخلاتي وردودي لي محسن هنا
    وده أسلوب مسيطر على معظم
    مشاركاتي في المنبر ده تقريبا!!
    اعتمد على ترك فراغات
    يربط بينها الإيماء والتلميح!!
    يبقى العزاء أن محسن متابع جيد و يملك من الذكاء ما يكفي
    لاستيعاب مداخلاتي وربطها بكتاباته هو حول مسائل النقاش!!!

    Quote: فناقشوا لينا حاجة حاجة
    وخلونا قلتليك زمان وقلت لي هسع
    عشان نستفيد معاكم يا جماعة

    الكرة في ملعب محسن الآن!!!
    يجي ينقض مذهب الإمامية حسب ما تحدى
    ولو زاغ
    أجتهد وسعي عشان نستفيد كلنا
    مع كل الود
                   |Articles |News |مقالات |بيانات

27-01-2007, 09:34 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    Quote: ومنها التناقض المزعوم بين القرآن وحديث البخاري!!


    وإنت القرآن وحديث البخاري شن خصّاك فيهن؟ خلالاص يعني من غيرتك عليهن؟
    دي مرجعية سُنّة، اخلع عنك جلد الأصلة، وشوف مرجعيتك وين؟
    مش زماان قلت لرأفت ميلاد تعال ورينا رأيك في القرآن والإسلام

    كدي تعال قول (الرسول والنبي محمّد صلي الله عليه وسلّم، خاتم الأنبياء والمرسلين، شفعينا يوم القيامة، وصاحب الحوض)
                   |Articles |News |مقالات |بيانات

27-01-2007, 02:23 PM

محمد حسبو
<aمحمد حسبو
تاريخ التسجيل: 10-10-2005
مجموع المشاركات: 365

للتواصل معنا

FaceBook
تويتر Twitter
YouTube


شكر و عرفان (Re: Mohamed E. Seliaman)

    مُحسِن خالد
    الله و بدري الياس (و أشكو طول خصومته لي) –أنت على معرفة بكليهما- يعلمان كم أحبُّك.
    و أعيتني الدبارة، كيفن أقول ليك السلام
    مرات أرسى على الكتابة عن محسن خالد، ذلك الذي أظن –آثما- أن لا أحد يدركه مثلي
    تتصوّر، حتى لما قلتَ إنك داير تتم مشروعك بتاع المعجم، قلتُ بقلبي: الولد محسن دة حافر للحاصل دة حفر غرييق، إنت يا محمد حسبو خليك في الترابي و شوية معتزلة و توماس هوبز. الولد دة سِرّه باتع. قلتها و أضمرت اتعلّم منّك ما ينفعني استعماله (هسة عاين لي حرفي تلقاه انعدل بي إصلاحك)، و قلت كمان أوسّع ليك مجراك من حيث تتواضع السياسة لتخدم الأدب و الفكر و الكتابة

    و أنا يا محسن ما إثّاقلت عليك، بس كنت متأفّف من الزحمة بتاعت المهنئين الذين جاءوا للروائي فيك: "يااااااااه يا مدهش! و ما أروعك و أنت .."، و أنا احترم وجهة نظرهم إليك و أراها وجهة مشروعة كونك تبذل فلسفتك في صحن الرواية فتسوغ لقمتها (استطيع من وحي كلمات نيقولاي ستروفسكي التي أوردتها آنا كرافايفا في مقدمة "كيف سقينا الفولاذ" أن أقدِّر أهمية هؤلاء الناس "الرائعين" للكاتب، فنيقولاي الأعمى المكسّر أحسّ أنه يراهم رأي العين محبةً)
    نهايتو، قررت أكتب حين يحين الحين عرفتي لمشروعك، فلسفته و أهدافه-حسبما ظهر لي- لكن الله دة لحكمة يعلمها هو، حائل –بآلات متعددة- بيني و بين الكتابة كلّها، أظنه يعلم مبتغاي منها، و لم يهن عليه بعد افتضاح زيف كل ما حدث مُعَلّلاً به
    المهم يا سيدك، بقيت أقرأ ليكـ، و أقنع من المحبة بكثرة المشاهدة، و انت لابد عارف بهذا الباب، الذي أكرمه ابن حزم و أطال مقامه فيه بل و عيّنه مذهبا له

    تاني نوبة حين حدث أنك كتبت مكتوبك عن الغياب و بصدده، تصدِّق يا محسن، -و أنا المُخامر بشوق الونسة معاكـ- وجدتُ في ذلك النص بالذات (و أرجو أنك تعذر ذوقي) بعض مبتغاي، كلمات أقدر أنجُر بيها ونستي معاك، قصدي كلامك عننا كتجلٍ للغياب، و سلسلة الله – الغياب – الوجود (بكتب من ذاكرتي و لك تصحيح إيجازي لعباراتك).
    (و فكّرت أنا أنو أول ضحايا هذا الكلام، هم أصحابكـ الذين قلت بتصحيحك لهم، من يقولون: الوجود هو الله، و"تصحيح" هذه تجلٍ للطف ممارضتك لهم، بعدما دهستهم بشاحنة الغياب تلك)
    أنا لأني عارض برّة الدارة دي كلها، ما اقتنعت بفكرتك، و قلت في سري: ياخي قول جاب الغياب ختاهو في الآخِر، و انت مالك؟ يللا انصراف، شوف ليك سانحة تانية.

    أها دة كلّو، و أنا قايل نفسي متشيطن عليك، جيت الصباح دة المكتب و عاينت كالعادة لي نضم السودانيين و أخبارهم، و لمحت طلب الحبشي لمناظرتك لسة في الصفحة الأولى، قلت و مالو؟ نشوف الجرتق دة يمكن يعقبو رقيص عروس، لقيت سيرتي على لسانك، و لعلمك كلمت بيها أصحابي طوالي، و لعلمك دي مصيبة دي، هسة من الليلة الواحد ما يقدر ينشر ليهو كتابة إن ما صابَر فيها، عشان ما يجي يوم تقول فيهو حسبو دة ما عاد عاجبني، دي خسارة لا تُطاق و الله. و انت محل تقع على ما لا يسرّك، تحلق لي طوالي و ما تمهلني في الغلط (يا العايزين يشوفو تواضعي، أها هنا في حضرة المعرفة تلقوهو).

    محمد سيليمان دة أنا أصلا ما وديتو للشيعة، تصدّق؟ رغم أنو الإمام جعفر عُرف بزهده و اعتداله، ما ينفي عنه مغالاة بعض فرق الشيعة –شايفو ما ورّانا شايت وين بعد الإمام جعفر- لكن برضو لي هسة أنا مشتبه في كلامو عن مذهبو دة، الزول دة عندو الاستهتار و المراهقة، رجل في مثل عمره تقع كل أفعاله في خانة الصبيانيات!

    كنت عايز أقول شنو بخصوص موضوعكم دة؟
    الثقافة العربية- الإسلامية مستعلية على الناس السود، حبشا و زنج، و كلامي دة ما متضاري وراء البراح العريض لمفردة الثقافة دي، لا لا، كلامي دة مثبوت في القرآن الكريم نفسه، من كلام "يوم تبيضُّ وجوه و تسودُّ وجوه" لغاية "ويوم القيامة ترى الذين كذَبوا على الله وجوههم مسوَدّة اليس في جهنم مثوى للمتكبرين". أنا كنت بديت السيرة دي لي سيليمان دة في بوستو دة

    سنــاء وهنــادي وريــم وهــالة: نماذج متباينة في الانغ...حرية المرأة في جسدها

    لكن هو عرف السكة مزروعة و أبى يطاها، و كلامي دة جزء برضو من قولة أن النص القرآني ما كان له أن يجتاز الواقع الثقافي للجزيرة العربية لحظة نزوله، يعني كان لا بد له من استخدام المواضعة اللغوية – الثقافية الموجودة و المتفق عليها عند المتلقين ديل، عرب قريش و ما جاورها، و ديل ناس مكانة الأسود عندهم دون، و لذلك نجد تمسُّك النص القرآني برمزية الأسود للسوء، و الأسود هنا ليس لوناً فقط، الأسود هنا هو تمثيل لتاريخ طويل استخلص علاقة العبودية تلكـ بين العربي "النقي" و الأسود

    أها أنا جيت أشكرك قبلما يبقى اللوم في الوش يا محسن، و تاني حُسن ظنك أنا بحفظو لأجده تجاهي، و على سبيل المزيد من الانتفاع داير أسألك: كنزا ربه دة لقيتو وين؟ أنا الناس ديل مشيت كستهم لقيت كتابين بس عنهم، بتاع سليم برنجي و بتاع الست نفسها الليدي دراوور و أظنها هي نفسها مترجمة كنزا ربه دة.

    شيء أخير، الحياة من الموت ما معروفات، أنا في حضرتك داير أبِِر الخالة دوما، و أقول ليها أنا بعزّك بما أنت أهل له، و حمداً لله على عودة ولدك محسن، و لا حرمك الله و أيانا من معرفته.
                   |Articles |News |مقالات |بيانات

27-01-2007, 04:33 PM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    السلام عليكم.... الوليدات المطاليق
    فرحان الليلة بي نهاية السمستر و شمة الطراوة شوية...
    تعرف يا محمد و يا محسن في قصة المحبة دى الواحد احتار ذاتو، تحب منو و لا منو؟ و هم وهن ما كتار... لكن بزيدو كل يوم.. تعرف انا في الاول اصلو ما كنت داير محسن يخش لى م.اى.س, ياخى كلمة المناظرة دى براها تضرس، لكن احيانا لابد من فعل بعض الاشياء، تعرف واحدة من الحاجات العاجبانى فيكم الاتنين نوع من القطامة و اللؤم الضرورى جدا (يبدو انو غضبك احيانا بخليهو ينفلت) ... فى حاجة لازم تتقال و ربما لازم تتعمل برضو و تعلن للخصوم الرافعين سكاكين و سيوف ايا كانت اقنعتها و حجبها، انو انحنا (وانحنا دى ما عندها اطار او حدود تنظيمية او ايديولوجية بل بتشمل اى زول بدافع عن حياة يعيشوا فيها متساويين في الحقوق والواجبات مافى شئ على وجه الارض يدى امتياز لى زول على التانى .. و لا اى شئ) انو لؤم الكلام والنقاش ده ممكن جدا يتحول لى لؤم تانى في ظروف تانية (يسموها توازن قوى و لا جن احمر) .. كلامى ده يبدو خارج سياق حديثكم، لكن شوفو اللسه حايمين عينك عينك و بعد الحصل ده كلو بكتلو تانى و تالت و رابع في محمود محمد طه؟ و كانو من 1985 لى 2007 الدنيا دى ماشه لى ورا، او هى فعلا ماشه لى ورا... الناس دى مفتكره انو الباقيين ما بعرفو يكتلو؟ و لا ما عندهم الاسباب و الدوافع اليكتلو بيها؟
    تتناقش كيف مع زول خاتى سكينو فوق رقبتك؟ تعيش جنبو و لا معاهو كيف البفتكر انو روحك دى حلال عليهو و حقتو ؟؟

    ...........

    صحى
    الهارب من دم لا يهرب الا للدم...

    ده كلو كلام مغسة و قلة حيلة و انعل ابو الكان السبب ...
                   |Articles |News |مقالات |بيانات

27-01-2007, 10:04 PM

Balla Musa
<aBalla Musa
تاريخ التسجيل: 30-12-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: esam gabralla)

    Quote: بالمناسبة، عندي صاحبتي اسمها إقبال حلوة جدا، من جبال العلويين في سوريا،
    تتخيّل صاحبتي البت دي، شيعية، إنت قايل شنو! البوليص ولا قبضها


    يامحسن بطل طمسة

    يازول البت دى عايز تبقى إنت والبوليس عليها؟ دا أولا

    ثانيا البت دى فيها شين واحدة والبوليس بقبض عندما تجتمع الشينين الإتنين إن لم تجتمع شينات كتيرة.

    ماتحته خط أعلاه يدخل حتى الشيعة فى أنهار العسل واللبن والخمر, ومحمدE سليمان عليه أن يحتمل دونية اللون حتى فى القرآن أو يبطل مناظرات حتى لايحاسب يوم تبيض وجوه وتسود وجوه.
                   |Articles |News |مقالات |بيانات

27-01-2007, 11:14 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Balla Musa)

    ..

    محمّد حسبو،
    أيوووة، أهو الليلة قبضت عليك، وكلامك سمح بالحيل وعليهو مشكور ، بجيك بكرة بالمهلة عشان أتونن الكلام معاك
    سؤالك عن كنزا ربّا (دا رمى ليك كنز في عبّك وتستاهلو، لأنّي متأكد إنك جدع وبتخدمو)
    حقّو من هنا لبكرة تذلّ لي بدري الياس دا، كان ينفع فيهو
    أبقه طيّب ولبكرة،

    يا عصام،
    محمّد دا محيّرني بإنو هو بيقصد كدا؟ وألا هو كدا؟

    بلّة موسى،
    متوحشك آسيدي بالجد وحرّم
    عاد الطمسة دي ما بقدر أخليها
    البت البوليس ما بقبضها ذاتو، الكلام علي صاحبي محمّد الأزيرق وشين طبع دا
    كن بخير، وتحاياي لأسرتك الجميلة
    تذكّر كلامك عن الفنّان ود النزيهة، سيد أغنية الكنينة البي ناره انقلينا
    في زول أشتر اسمو ود كسبة، رسلوهو يجيب "ود النزيهة" عشان يغنّي ليهم في عرس، قال ليه:
    والله آود النزيهة مشينا للفنّان الشيخ الكنزي، ودفع الله ود الزوين، والسر الجلال، وحميراء، ومنو ومنو، حمنا الفنانين ديل جت عليهم، ما لقينا زول، أها بالعدم جيناك،
    ود النزيهة قالو، حرّم وكتين جيتني بالعدم ما بمش معاك
    ود سليمان دا، جابني ليهو العدم سااي وقل الشغلة
    القصة دي تهديها معاك لعصام جبر الله


    ..
                   |Articles |News |مقالات |بيانات

28-01-2007, 07:06 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: محسن خالد)

    كنت قد قررت الانقطاع لأمور أهم
    لكن سنحت لي هذه الفرصة
    لأعقب على المداخلات الأخيرة!!
    -----------------------
    يا محسن محنتك مع أصحابك أكبر
    من محنتك مع الحبشي.....
    أبعدنا لك النذير فابتليت بحسبو
    الذي اندفع إلى هنا يضرب كعشواء!!!
    كتب محسن خالد:
    Quote: لو كلام عمر علي ما عاجبك، نديك غيرو، وشايت في نفس الاتجاه، رأيي إنو الأحاديث دي كلها كتبوها العرب براهم، القرشيون ومن لفّ لفّهم،


    Quote: طيّب يا الأديب محمّد الحسن، باقيلك أحسن ننسب الكلام العنصري القبيح دا، الذي يقوم ضد مفاهيم التقوى نفسها كمعيار للحكم بين الناس، وضد مفهوم الشورى القرآني {وَالَّذِينَ اسْتَجَابُوا لِرَبِّهِمْ وَأَقَامُوا الصَّلَاةَ وَأَمْرُهُمْ شُورَى بَيْنَهُمْ وَمِمَّا رَزَقْنَاهُمْ يُنفِقُونَ}الشورى: الآية: 38، وضد الآية {يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ}الحجرات: الآية: 13،.. وألا باقيلك أحسن ننسب كلمة (الزول براهو ما سمعها من الرسول بأضانو) ونطلّع الزول الساي دا صاح لمجرّد إنّه ورد لدى البخاري، يا زول دا كلام عنصري الرسول ما بقولوا ، إلا يكون ما رسول،...

    Quote: دي كلها أمور بتاعة قرشيين عشان تتسَلَّط في رقاب باقي المسلمين، وكفاية استهبال لهنا،...
    الله ورسوله لا يستقيم أن ينحازا إلى جهة،

    ورأي محسن هنا واضح جدا فهو ينكر نسبة
    الأحاديث التي تبدو عنصرية إلى الرسول صلى الله عليه وسلم!!
    والقرآن ليس محل شك عند محسن
    حسبو أطربه مدح محسن فكتب دون
    أن يتبين اتجاهات الحوار:
    Quote: الثقافة العربية- الإسلامية مستعلية على الناس السود، حبشا و زنج، و كلامي دة ما متضاري وراء البراح العريض لمفردة الثقافة دي، لا لا، كلامي دة مثبوت في القرآن الكريم نفسه، من كلام "يوم تبيضُّ وجوه و تسودُّ وجوه" لغاية "ويوم القيامة ترى الذين كذَبوا على الله وجوههم مسوَدّة اليس في جهنم مثوى للمتكبرين". أنا كنت بديت السيرة دي لي سيليمان دة في بوستو دة

    يا حسبو أحرجت محسن وشبهتك هنا مردودة !!
    ولقد رددت هذه الشبهة بالقرآن من قبل !!
    ولو عندك مشكلة فهم مع اللغة العربية فده أمر يخصك
    حدثني صديق من شمال السودان
    أن رجلا من تلك الجهات زعم أنه لا يجوز للمرأة
    أن تذهب إلى الحج بدعوى أن القرآن يقول ((يأتوك رجالا))

    ننتظر تعقيب محسن
    وبعده أرد شبهة حسبو
    ---------------------------------------------
    Quote: وألا دايرني أشتغل ليك داعية مجاني لمذهبك؟

    يا محسن ده استقطاب رخيص لإخوانا من أهل السنةمن المتابعين عشان
    يقفوا في صفك وأنت أصلا ما محتاج تستصرخ جماعتك ديل
    وهم وقفوا معاك لأنك في نظرهم غالب والحق معك!!
    حتى لم ينكر عليك أحد منهم قولك إن القرآن لا يدل
    على محل الجماع ((دبر وللا فرج)) بل لم ينكروا عليك
    اتهامك لمخالفيك ((في الحتة دي)) حتى ناس الجامع
    من أهل السنة بممارسة الشذوذ!!

    قصة ما داير تروج لمذهبي د حجة واهية
    أنا ما جبت سيرة قيادة ربانية
    أنت من أثار الشبهة وتعهد بنقض المذهب
    الآن بتهربك هذا تبدو عاجزا عن نسف المذهب
    ولا تقوى على ذكر المفهوم ساي أو ذكر حججه
    ربما لأنك لا تملك أدوات هدم المذهب ودفع حججه !!!
    هذه فرصة كبيرة أمامك لتبين أنك على حق وأني على باطل

    ---------------------------
    يضاف إلى حسبو بله موسى

    (عدل بواسطة Mohamed E. Seliaman on 28-01-2007, 07:10 AM)

                   |Articles |News |مقالات |بيانات

28-01-2007, 11:04 AM

محمد حسبو
<aمحمد حسبو
تاريخ التسجيل: 10-10-2005
مجموع المشاركات: 365

للتواصل معنا

FaceBook
تويتر Twitter
YouTube


مواصلات (Re: Mohamed E. Seliaman)


    نفترض:
    محسن خالد يؤمن بأن الإسلام يساوي بين الناس و بيديهم كنجالات كمان
    محسن خالد يرى أنو محمد حسبو زول ما بطال
    محمد حسبو يرى أن محسن خالد زول خطير شديد لامن غلط

    ما الذي يقتضي يا سيليمان أنو محمد حسبو يؤول إلى محسن خالد؟ يعني أنا المفروض اتبيّن اتجاهات الحوار و أشوف محسن قال شنو أقول ليهو إقبلني في التابعين؟
    أنا طبعا هسة خاليك تاخد عفّيصك حق محسن كلّو، و آخر شلوت حا تاخدو في البورد دة راجيك مني، يا محمد الحبشي كان ما أعمل ليك بوست
    (محمد E سيليمان هل تقبل المناظرة؟) عشان الما يشتري يتفرّج، محسن دة أنا ذاتي طريقتو معاك و مع غيرك ما عاجباني، لكنها طريقتو اكتلو عاد؟ قصة طبع الانبياء دة ما بنفع مع المستهترين الزيّك ديل، يجاوبك بالتي هي أحسن و طولة بال و يعتذر ليك كمان كان افتكر أنو غلط في حقك. و الله دي رفاهية شديدة دي، أيّامك

    الاحترام دة يا سيليمان، عندي دوناّ عن باقي المشاعر، يتوقّف على العلّة الخارجية، بلا يخليك الزول تحترمو ما بتحترمو، و وكت يستدعيك لي عدم احترامو تديهو السفّاية، ولّى زمن الانبياء

    أنا ما طرف في منظرتكم دي، و القلتو دة رأيي، و بقدر أجي أقيف هنا و أدافع عنو و أجيب شواهدو و قصصو و أسبابو، داير تضرب ريسيننا أنا و محسن يعني؟ فاهم غلط يا سعدون، هسة أنا ممكن أجي أشارك فيها للنهاية –هي ما انتهت؟- و استعمل لغة عدييلة مع محسن خالد، و لمّن تمر بيك كلماتي يحصل فيها انثناء (و تتقعّر كمان) زي ما بيحصل للفراغ القالو آينشتاين. ما تكبِّر كومك ساي

    و شوف الطُرفة دي، تمثيل متأخِّر للثقافة القلت ليك باطنها يميّز الناس على أساس اللون و النسب، و شوفو واقع علي منو، جبتو ليك مخصوص، واقع على "علي (الرضا) بن موسى (الكاظم) بن جعفر الصادق" ذاااااااااااااااتو، مالو؟ قالليك مشى الحمام العام، اتقدّم لي غلمانو و حاشيتو –سبقهم يعني-، أها في زول غشيم هناك في الحمّام ما عرفو الإمام ود الائمة، قال ليهو: "يا زول ها، ناولني البتاعة ديك"، متخيلو عبد عشان لونو أسود، الإمام الرضا اتصرّف زي محسن خالد دة، ناولو البتاعة ديك بكل أدب، مشت شوية و جاءوا غلمانه –الإمام علي الرضا- يتحلّقوا حوله، فعرفه صاحبنا الغشيم داك و عرف تجاوزو العملو، جاء قال ليهو: حقّك علي يا الأكرم بن الأكرمين. الناس قالوا الإمام الرضا قال ليهو: لا لا ما غلطتك، غلطة اللماني في اللون الأسود دة "يقصد أباه"

    دي ونسة ساي حوالين موقفي المنماز –شفتها عند محسن- من موقفك و من هيل محسن، الونسة دي هنااك في نهاية الموقف، كان داير تركب تتوصل أمشي الحافلة القدام فاضية، تعال بنوصلك، و محسن كان داير بينزلّك هناك محطة الماسورة، مع الأسد

    يازول انساني، كمِّل حديثك مع الأخ محسن دة، و ما تنشغل عنو، غرضك التاني الأهم دة كان بنفع أنا بقضاهو ليك. و سلام يا عصام
                   |Articles |News |مقالات |بيانات

28-01-2007, 12:39 PM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: مواصلات (Re: محمد حسبو)

    Quote: يا سيليمان

    Quote: يا سعدون


    إنت أمرك انفضح زمان!!
    نحمل عليك تلهث نتركك تلهث
    رفعت ليك بوست باسمك يفضح جهلك
    امش انكتو من الأرشيف

    (عدل بواسطة Mohamed E. Seliaman on 28-01-2007, 12:54 PM)

                   |Articles |News |مقالات |بيانات

28-01-2007, 04:27 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: مواصلات (Re: Mohamed E. Seliaman)

    يا محمّد حسبو، إزيك
    أولاً رأيي فيك، إنك مش (زول ما بطّال) أبداً، بل كاتب ممتاز عديل ومجتهد وذكي، وعلائمك في بوست (العلمانية) بشارة كنتُ أنتظرها طويلاً، في مجال خدمة الفكر السياسي وترقيته، الضعيف عندنا حد الوفاة وشيل الفاتحة، أعمامك ناس السياسة الكُبار ديل –كلهم- ما معتنين أبداً إنو يكون عندهم كتابة فكرية ذات يوم، كلو غلاط في غلاط، مع إنو السودان بمشاكلو دي أكبر "مسغبة" في إفريقيا محتاجة لفكر سياسي، غايتو لو قدرت أقنعت الناس ديل بإنو السياسة علم مش غلاط، ببقى من الممكن بعد داك تحويل أحزابن دي كلها لاتحادات لواري وجامعات ومزارعين... إلخ، من تخيّلنا لوطن،
    فاكرب بطنك وانهر، واعرف إنو قضيتك "التفكير" بالأساس، البعود بالفائدة علي الناس كلهم، مش علي الحزب الشيوعي وحيدو،..
    لامن قريت ورقتك قصاد بياناتن، والله ضحكت زييين، وقلت خلي بالك "الأعمام" ديل وقعت عليهم حكاية "اللّقوا التمساح في أب عشرين"، أها اللي يدّلوا يغرفو مويتن، فاهمني إنت.
    اكتب كتابتك، وجوّد علي نار المهَلَة، ونصيحتي ليك أبرد شَرَش العبارة براك، بمبردك قُبّال مبردن، لأنو حكمة السودانيين ديل غريبة خلاص، يتوطّوا فضايلك ونفايلك كلّها، وما يلاقوك بمرحبن إلا من باب عللك، وكان ما لقوها بنجروها، سد الباب دا، والداير يألّف بمشهادو،..

    -------------
    كتابتي، راجي أسمع رأيك فيها كتابةً، زي ما قلت هي في حتّة والعوّة في حتّة، أمّا الذين استطاعوا قنص شاردها وواردها، فشوييية، موافقك تب، فاروِ عنها وحَدِّث كان طقشنا مترو أنفاق في لندن دي، وإن بخيتين نسمعك بالحياة، كان عن الغياب كان عن غيرو، ما شايف إنت النقد قصتو بايلة كيف؟
    النسخة العندي من كنزا ربّا أُنجزت بواسطة لجنة كاملة، على ما أذكر المسؤول منها الشاعر العراقي "بدر عبد الرازق"، وهو من الصابئة ومجيد للآرامية، اللجنة كلها من مجيدي اللغة الآرامية، وهذا بالنسبة لي يجعلها أكثر وثوقية، من عمل شخص مفرد، بأي حال ودا (الكنز) عندي كم صندوق كتب خلّفتها ورائي في أبو ظبي، تنتحني إيميل علي دا: muhsinkhalid(at)hotmail.com عشان أديك تفاصيل تلقى الصناديق دي وين واستلامها، تلمّها عندك لامن ربّك يهون، فيها بتلقى نسخة من (كنزا ربّا) مصوّرة، وتلقى هوايل،..

    ------------------
    ضوأ قلبي برّك لخالتك البتولا، بالسلام في الخالدين،
    وكمان بلّغ بِرّي لخالتي الجابتك، ووالله ما بتندم

    ------------------------
    كلامي دا ما داير أخلطو بكلام لود سليمان بجيهو براهو،..
                   |Articles |News |مقالات |بيانات

29-01-2007, 06:57 AM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    يا محسن خالد سلام ومتابعين ونضحك، بوستكم ده كان ونستنا يوم الجمعة الفات أنا وتنقو والشرغوف،،، لو ده
    Quote: محمّد الأزيرق
    المن مدني خريج آداب الخرطوم في بداية التسعينات الأنا عارف إنو في UK بالله بلغو من نادر عباس مليون سلام وتحايا وأشواق ولمني في رقم تلفونو ... والله زول سمح بالحيل وكان لينا أيام خوالي ما بتتنسي ... سلام يا محمد إي سليمان.
                   |Articles |News |مقالات |بيانات

29-01-2007, 07:13 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: نادر)

    نادر وعليك السلام
    لقد أفلح محسن في استقطاب
    حتى ذباب الجمهوريين وشحذه
    لقتلي ....
    هنيئا لك ولتنقو ولشرغوف الضحك!!
    طبعا تكون عجبكم تفسير محسن إنو الجماع ما واضح في الدبر
    وللا في الفرج ّّ!! وده يتفق مع كلام الاستاذ محمود!!!!
    ----------------------------------
    نادر أنت ومن ذكرت فهمتو من الداير هنا شنو؟؟
    ممكن تلخص النتيجة المعرفية لما دار هنا
    محسن خالد
    كلمة أخيرة:
    أنت ترفض الرد على أسئلتي
    وترواغ!!!!!!
    اذا لم ترد على أسئلتي
    يكون من الواجب علي أرجع
    للرد المفصل عليك
    لأنو جماعتك ديل لم يفهموا بالإشارة
    والرد المفصل يحتاج وقت لإدخال النصوص
    فيا تجي ترد وتبين الحقائق
    أو تصبر حتى أعود بالرد المفصل

    (عدل بواسطة Mohamed E. Seliaman on 29-01-2007, 07:52 AM)

                   |Articles |News |مقالات |بيانات

29-01-2007, 08:16 AM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)


    انته اتعقدته ولا شنو؟؟ مش يمكن بنضحك في محسن خالد ده؟؟؟ منو القاليك بنضحك فيك؟؟ !!!
                   |Articles |News |مقالات |بيانات

29-01-2007, 08:33 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: نادر)

    انته اتعقدته ولا شنو؟؟ مش يمكن بنضحك في محسن خالد ده؟؟؟ منو القاليك بنضحك فيك؟؟ !!!
    ليه ما ممكن تكونو بتضحكوا فرحا
    بالمخرج اللغوي الجابو ليكم محسن
    كجمهوريين يرون أن معاشرتهم لأزواجهم يشار إليها
    بالآية، في حق قوم لوط الذين مارسوا فاحشة الشذوذو
    حيث يقول محمود:
    Quote: فلكأننا نباشر الرجال في النساء، من دون النساء، وإلى هذا، في هذا المستوى، اللطيف، الدقيق، تشير الآية، في حق قوم لوط: (( أإنكم لتأتون الرجال، شهوة، من دون النساء.. بل أنتم قوم تجهلون))

    باقي النص كاملا هنا:



    المعاشرة الزوجية الحالية تشبه الشذوذ الجنسي (فاحشة قوم لوط



    وقد كتب محسن خالد في تفسير (ويسألونك عن المحيض، قُل هو أذىً فاعتزلوا النساء في المحيض ولا تقربوهن حتى يَطْهُرن، فإذا تطهَّرن فأتوهن من حيث أمركم الله، إنَّ الله يحبُّ التوابين ويحبُّ المتطهرين(222) نساؤكم حَرْثٌ لكم فأتوا حَرْثكم أنَّى شئتم، وقَدّموا لأنفسكم، واتقوا الله واعلموا أنكم ملاقوه، وبَشِّر المؤمنين(223) -البقرة،...
    كتب محسن الآتي :
    Quote: هسي في ذمتك آود البدوي الآيات الفوق ديل كلهن، بشبهن من بعيد وألا من قريب "الفرج" وألا بعند السروال ساي بجن؟ في رأيي إنو بتوع اللغة يحلوا مشكلتن بمرق الحد للناس فوق السروبة، ويخلوا بتوع الدين والمفتتين يحلوا مشكلتن بطريقة تانية، غير تخريب اللغة، ولو ما عاجبن يقعوا قِدَّام بس، زولاً واحد عازمن ورا مافي،.. الغريبة كلهم يحاجوك في الجامع إنها (قِدّام) وبعد يصلوا العشا يتراوحوا بيوتن ناس ورا ساااكت ،

    اضحكوا علي ما مشكلة
    لكن هذا الفهم للمعاشرة الزوجية خطير وأرجو يبتعد عنه المسلمون

    وسأرد على شبهات محسن خالد بالتفصيل إن شاء الله

    (عدل بواسطة Mohamed E. Seliaman on 29-01-2007, 08:37 AM)
    (عدل بواسطة Mohamed E. Seliaman on 29-01-2007, 08:41 AM)
    (عدل بواسطة Mohamed E. Seliaman on 29-01-2007, 08:44 AM)

                   |Articles |News |مقالات |بيانات

30-01-2007, 06:06 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8586

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    الحبشي عاد دا كلام

    Quote: (عدل بواسطة Mohamed E. Seliaman on 29-01-2007, 07:37 ص)
    (عدل بواسطة Mohamed E. Seliaman on 29-01-2007, 07:41 ص)
    (عدل بواسطة Mohamed E. Seliaman on 29-01-2007, 07:44


    دحين يا خوي لسة كلامك داير ليهو تعديل كتير، المشكلة مُو في الإملا المشكلة في الفهم ذاتو
                   |Articles |News |مقالات |بيانات

30-01-2007, 05:42 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: الصادق اسماعيل)

    ..

    الحبشي في هذا النهار الذي بلا شمس، كيفنّك
    أراك لم تتحرَّ (خلاصة) كلامي في موضوع "أنّى" كما ينبغى، وتركت شاغراً يُحلِّل الشبهات،..
    منتهى كلامي فيها (في بوست إصلاح الكتابة) كان كالآتي:
    Quote: تخليص ذمة،..
    أنا كلامي هنا دا، لا يدعوا إلى أي اتجاه موقفي، مع الأحكام أو ضدها، مع ما تعارف الناس على أنّه صحيح أو ضده، بل هدفي الأول والأخير هو محاحاة اللغة،...
    لأني في النهاية ما ح أشبّلي زول من بتوع قِدّام، ولا كمان ماشي أحجز لي زول من بتوع ورا...
    (وكلٌّ آتينا يوم القيامةِ فردا)...

    وقلت:
    Quote: الغريبة ناس كتار جوا يتأكدوا تلفونياً، غايتو الدنيا دي فيها كترة مستهبلين،..

    قلتيلهم ياناس هوي، أنا لا مُفتي ولا إمام جامع، أنا روائي،...

    والشغلانية دي حرام بالشرع والتذوق وبقوانين الطبيعة،..

    أنا مجرَّد زول داير يقول بس إنو (أنَّى) دي ظرف مكان،...

    إنت ليه ما أمين يا محمّد، المُسَمَّى على الأمين؟
    هذا مما تركته وراءك، فدع عنك التدليس يا رجل، وإن واصلت فيه فبرضو مسامحك،
    لكلٍ منّا أخلاقه التي يتعامل بها مع المعرفة، ومع الناس
    أقول للمرة المليون، "أنَّى" إعرابها في كتب النحو، ظرف مكان جامد،
    وأنت لم تُبطل هذه الحُجّة ولم تمسّها بمساءلة، (لأنك ماك ضهبان من الكلام دا)
    وهي عديدة النُّحى والمعاني في تفسيرها لدى المعجميين والمُفَسّرين،
    الذين دبَّرتُ لهم الكثير من النَّبْل في معجمي (القاموس التاريخي)،
    وهذا الاشتباك بطوله ليس مقامه هنا،
    وإن هناك علاقة وثيقة بقراءتنا لمعاني (أنّى) في الشعر الجاهلي المحقّق،
    أي استخدامها قبل الإسلام، ومرجعيتها الأصل،
    يازول دا كلّو خليهو،
    تعال واختر لـ"أنّى" المعنى الذي يناسبك مع توفير مرجعيته،
    ودعنا بعد ذلك نتحرّى معنى الآيتين مرتبطتين ببعضهما بعضاً، ولنرَ،
    إن كنتَ محقّاً في نفي الربكة عن هاتين الآيتين،
    والله إنّي لأقصّر بعلمي كي لا يختلط الأمر على العامّة، وأنت تعرف ذلك،
    تعرف تجاوزي للمماحكة العلمية الحادّة مع كتب التراث،
    وإن شئت السير في هذا الصوب سرتُ معك،
    وكل النصوص في هذا الأمر ملغوثة،
    وبالمناسبة وين حديث (من أتى امرأةً في دبرها فقد كَفَر)؟
    أها دا التكفير البلا شغلة،
    أتذكر يوم سألت صديقي خالد عويس عن سبب ربطه للتكفير بمحمّد بن عبد الوهاب،
    ووضعت في الهامش (على خلاف مزاعم محسن خالد) يا زول ياتو مزاعم؟
    أولاً لا أذكر لي أي مزاعم هنا، في هذه النقطة،
    لكن هسّع أعرف ابن عبد الوهاب يبدأ كتابه (التوحيد) هكذا:
    أولّ باب (ما يُكفّر من الذنوب)،
    ترك كل شيء، العقيدة والأسماء والصفات والإلحاد في الأسماء والصفات،
    وشرع يكفّر الناس بالذنوب، راجع الكتب الستة المعوّل عليها فوق دي،
    هل تجد في أي واحدٍ منها باباً يقول، (ما يُكَفّر من الذنوب)
    أتحدّاك من هنا ليوم القيامة لو كانت الذنوب تكفّر،
    وإيّاك أن تأتي وتنفي علاقة هذا بموضوعنا، فردّي إليك مقدّماً،
    إنّه رد على بهتانك السابق لي، وحشري غيبةً واختلاجاً في حوارٍ لم أكن طرفاً فيه،
    وهو أيضاً قصدٌ مني لإسقاط ذلك الحديث الموضوع الذي يُكَفّر من يأتي امرأةً في دبرها،
    إذن يصبح هدفنا الحالي نفي الكفر أولاً عن أي شخص يأتي امرأةً في دبرها،
    ولتعرف أن ما نتفاهم حوله ذنباً إن ارتكبه الشخص،
    وما هو بكفر، حتّى لو استطعنا إثبات وجهة نظرك،
    أمّا وجهة نظري أنا فقلتها وأكرّرها لك هنا:
    (أنّى) دي ظرف مكان جامد، والباقي حريقة فيهو،..
    تعال واختر لأنّى المعنى الذي يناسبك،
    ودعنا نجرّبه على الآيات، في نسق موحّد ومتسلسل حسب ترتيبها في السورة،
    أرجو أن تراجع شيخ المفسّرين القرطبي، والبخاري ومسلم، قبل ما تدقس،
    أهو بشففك لكي تكون محاوراً يستحق،..
    ستجد خلاصة معانيهم إنّو (أنّى) ظرف مكان،
    مع إضافة مفردة (الصمام –أو- السمام) لإزالة لبس الموقع بالضبط،
    (ياخي هن الحفرتين وراء وقدام ديل ذاتن ما بيناتن سنتمتر، ما تصدّع رأسنا ساي،
    داير تعمل لـ(أنّى) دي وظيفة تانية وفي الصعيد، بالله أتقول "الكسء" دا في رأس المرأة)
    كُسْء كلَ شيء، وكُسُوؤه: مؤخره. قاموس "المحكم والمحيط الأعظم"
    الآيات ديل لو ما دفرتهن بالأحاديث يا ود سليمان، اللولوة حاصلة،..
    وكان مكاضب، اختر لأنّى المعنى الذي يناسبك، ودعنا نُجرِّب


    ...

    (عدل بواسطة محسن خالد on 30-01-2007, 06:05 PM)

                   |Articles |News |مقالات |بيانات

30-01-2007, 07:16 PM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: محسن خالد)

    كيفك يا محسن !!
    خطوة جيدة !!
    بي كده نرجع للخيط
    (أتمنى خروج النذير وحسبو ونادر وأزواجهم من هذا الخيط مهم بالنسبة لي!! )

    نتوقع منك تعقيبا على إشارتي إلى الاشتباك
    بينك وبين حسبو ((حول العنصرية في النصوص))
    Quote: هذا مما تركته وراءك، فدع عنك التدليس يا

    هذه النقطة سأعود لها بالتفصيل .......
    Quote: وأنت لم تُبطل هذه الحُجّة ولم تمسّها بمساءلة،

    قد فعلت تلميحا لكنك لم تدرك
    وسأفرد لهذه النقطة خيطا منفصلا إن شاء الله
    وكما قلت أنت:
    Quote: وهذا الاشتباك بطوله ليس مقامه هنا،

    Quote: وبالمناسبة وين حديث (من أتى امرأةً في دبرها فقد كَفَر)؟

    Quote: وهو أيضاً قصدٌ مني لإسقاط ذلك الحديث
    الموضوع الذي يُكَفّر من يأتي امرأةً في دبرها،

    أين وجدتني استشهدت به؟
    شوفت ياهو ده التدليس يا محسن !!
    Quote: أتذكر يوم سألت صديقي خالد عويس عن سبب ربطه للتكفير بمحمّد بن عبد الوهاب،
    ووضعت في الهامش (على خلاف مزاعم محسن خالد) يا زول ياتو مزاعم؟
    أولاً لا أذكر لي أي مزاعم هنا، في هذه النقطة،

    كن أنت امينا هات الاقتباس والرابط لنرى !!
    -----------
    Quote: وشرع يكفّر الناس بالذنوب، راجع الكتب الستة المعوّل عليها فوق دي،
    هل تجد في أي واحدٍ منها باباً يقول، (ما يُكَفّر من الذنوب)
    أتحدّاك من هنا ليوم القيامة لو كانت الذنوب تكفّر،

    الكتب الستة دي مرجعية سنة !!
    أنا بجيب لك دليل من كلام زول أنت مقتنع بيهو !!
    Quote: وإيّاك أن تأتي وتنفي علاقة هذا بموضوعنا، فردّي إليك مقدّماً،
    إنّه رد على بهتانك السابق لي، وحشري غيبةً واختلاجاً في حوارٍ لم أكن طرفاً فيه،

    أنا قبلت وما بعتبرو خروج عن موضوعنا!!
    جيب الاقتباس والرابط لنرى !!ونشوف !!
    Quote: لكن هسّع أعرف ابن عبد الوهاب يبدأ كتابه (التوحيد) هكذا:
    أولّ باب (ما يُكفّر من الذنوب)
    ،

    شوفت دي خرخرة عديل!!
    دخلي شنو أنا بالشيخ محمد بن عبد الوهاب؟؟
    Quote: إذن يصبح هدفنا الحالي نفي الكفر أولاً عن أي شخص يأتي امرأةً في دبرها،

    ده ما موضوعنا إطلاقا يا محسن !!
    جيب كوت واحد لنقاش من طرفي حول نفي الكفر
    أولاً عن أي شخص يأتي امرأةً في دبرها..
    جزء من خلافي معك حول زعمك إنو " أنى " في الآية المعنية ظرف مكان...
    راجع الصفحة الأولى.....
    Quote: ودعنا نجرّبه على الآيات، في نسق موحّد ومتسلسل حسب ترتيبها في السورة،

    Quote: أرجو أن تراجع شيخ المفسّرين القرطبي، والبخاري ومسلم، قبل ما تدقس،
    أهو بشففك لكي تكون محاوراً يستحق،..

    ده شنو يا محسن ؟؟؟؟؟
    موش أنت كتبت لي فوق :
    Quote: وإنت القرآن وحديث البخاري شن خصّاك فيهن؟ خلالاص يعني من غيرتك عليهن؟
    دي مرجعية سُنّة، اخلع عنك جلد الأصلة، وشوف مرجعيتك وين؟

    أنت كتبت :
    Quote: والشغلانية دي حرام بالشرع والتذوق وبقوانين الطبيعة،..

    أنسألك سؤالين:
    1-أي شرع تعني (والدليل)
    2- بالقرآن حرام أم حلال
    إجابة ساهلة (يا نعم يا لا)


    -----------------------------------------------
    Quote:

    أيوة
    دي  بمفهومي أنا  عشان تجاوب لكني ما شيعي  



    أجوبتك المتعلّقة بالشورى، نجاوبها ليك نقطة نقطة، وتعزل من وين كمان
    بس بعد تجاوب إنت السؤال أدناه:
    هل تؤمن بالقيادة الربانية؟
    الإجابة ساهلة جداً، يا "أيوة" يا "لا"طيّب ليه السؤال دا بالذات،
    لأنو أي كلام في الشورى، مع زول بيؤمن بالقيادة الربانية
    ببقه بُندق في بحر
    حابب الحوار يستمر أجب عن هذا السؤال
    وبعد داك أتمنّى علي محسن خالد الدايرو من الأسئلة، ولومني كان نطّيت

    الإجابة أيوة
    تعال واصل ورد على الأسئلة الفوق دي كلها !!!
                   |Articles |News |مقالات |بيانات

30-01-2007, 11:58 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8586

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    Quote: أتمنى خروج النذير وحسبو ونادر وأزواجهم من هذا الخيط مهم بالنسبة لي!! [
                       |Articles |News |مقالات |بيانات

31-01-2007, 01:44 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4838

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: الصادق اسماعيل)

    ...


    محمّد أقوليك حاجة؟ إنت زول "سفيه" بمعناها الفصيح، وما عاد عندي شك أنّك تجد متعةً، في هذا العبث، وما أسهله، لمّا الكلام وصلّناهو ليك محل البارود عشان تشرب جبخانة ما تروى، وقلنالك هلمّ إلى القرآن، وجيب معاك المعنى البعجبك داك وفي رأسك، لـ"أنَّى"، رجعت تاني تفتح باب الشيعة وتعترف بإيمانك بالقيادة الربانية، وبأنّك شيعي، وتنكر مرجعية أهل السنة، وتعيد كل العلقنة الفاتت، عشان ما تتصلب في القرآن وتتشرّح، وهذا امتداد لجبن اخفائك اسمك، ومِلّتك ونِحْلتَك،..
    دا كلامك مع خالد عويس، الما عندك منطق في الدنيا دي كلها، بجيز ليك تورد فيهو اسمي، كذباً، وبلا شغلة، من بوستك "دعوة لتوثيق أدبي للتكفيريين":
    Quote:
    أخ خالد أنت من كتب من قبل:

    Quote: أعرف تماما المدرسة الفكرية التي ينتميان إليها، وأحاول أن أحذر من تداعيات هذا الفكر. لم يعرف الشيخ محمد بن عبدالوهاب، النتائج التي يمكن أن تفضي إليها رؤاه الدينية.

    وبعد كتب:

    Quote: لم أقرأ أبدا مؤلفات للشيخ محمد بن عبدالوهاب،

    أولا أشكرك على الصراحة والوضوح.
    بس عيب تكتب :
    Quote: لم يعرف الشيخ محمد بن عبدالوهاب، النتائج التي يمكن أن تفضي إليها رؤاه الدينية

    عن شخص لم تقرأ له قط*.

    ____
    على خلاف مزاعم محسن خالد.

    هسّع محسن خالد دخلو شنو هنا؟ ومزاعمو ياتها؟
    ودا الرابط بتاعو:
    خالد عويس وصبري الشريف وهاشم نوريت : دعوة لتوثيق أدبي للتكفيريين

    الأجوبة على أسئلتك التحت:
    Quote: 1-أي شرع تعني (والدليل)
    أعني شرع السنيين والدليل يجده (السنيون وليس أنت) بالعودة إلى البخاري ومسلم -يا مسطِّح.
    Quote: 2- بالقرآن حرام أم حلال
    بالقرآن بس، الكلام مش مفهوم، وفيهو شيل وخت،
    بالنسبة للسني الملتزم (يا أيها الشيعي)
    البخاري ومسلم، بحبسوهو زيهم وزي القرآن. يعني يا أبزيد ما غزيت.
    دي إجاباتك، الطلبتها فوق

    ---------------------------------------------
    ولك أن تواصل في سفهك، إلى ما لانهاية،
    عندي مشهاد كتير أقضاهو، يا أيها "العاطل" "السفيه"
    وكمان معاهو جيب الرابط، يربطك في سيالة للعزيمة،
    عمري كلو أعديهو في غلاط سفاهتك دي، وفي شرح أنّى، منعول أبو أنّى وين ما تقبل،
    ما ياهو دا جيناك لشرحها، مالك ما ركزت؟
    (احترمناك وقلنا كبير، جريت فتحت بوستات تسخر فيها من تقديرنا "لعمرك"، إنت زول علق وعجيب، وما عندك أدب، قلت سبعينات –تمانيات، قابلت ناس مسيكتاب، يعني أكّدت وجودك في السبعينات، وبالعمر الممكن تسافر فيهو وتجي المسيكتاب، افترض 20 سنة، زول كبير نَاضَم البطحاني وقيمو إنو زول كويس، من سبعين ليوم الليلة 37 سنة، ما ياها طاقشت الستين؟)
    وألا إنت كضّاب؟
    ----------------------------------------------
    كنت قنعت من الغلاط معاك، دا ما حوار ولا شيء، دا هَبَل
    عودتي للبوست والآيات لأنو في مراقب خارجي، طالبني بالعودة لآيات القرآن المعنية،
    أكّدت له بأنّك إمّا عابث، أو فيك حاجة غلط في رأسك، لأنّ مُبتغاك وما هو من صميمك العبث الغريب، لا تريد حواراً ولا شرحاً ولا خلافهما،
    بعد مداخلتي الأخيرة، جيت إنت براك، أكّدت: بقولك (خطوة جيدة !!)، ومع ذلك، ورغم ذلك، وفوق رقبة ذلك، عدت لعلقنة بعيدة عن الآيات؟ ولم تختر المعنى الذي تريده لأنّى، بل رجعت تترد في الشيعة والقيادة، وتاني نمشي الصفر، وأمشي معاك الصفر، تاني تجي الواحد،
    يا محمّد هووي.. حَرّم، يا إنّك مريض نفسياً، يا مختل ذهنياً
    إنت قصتك كلّها، ياها سودانيز أون لاين، تتلاعب، تتصرمح، تفتح في العشر دقائق، خمسة بوستات، وتفرّق علي روحك في الدنيا دي، ياخي بعتذر، عندي قصص تانية مفروض أكتبها، وواحدات تانيات أسويهن، وحبيبة ما اتلقت لاهسّع دايره الكُواسة،..
    أتجدّع

    ------------------------------------------
    وبالمناسبة دي، صلّي علي النبي الفوق دييييك، البتشبه مساككتك لرأفت ميلاد، مالك ما عزّيتها؟
    يا محمّد حسبو، الإمام جعفر الصادق معتدل بالحيل، بس ودسليمان نَسَب نفسو لراوية من رواتو مش ليهو، مين هذا الراوية؟ الله وسليمانه أعلم
    ---------------------------------------------------
    بعدين شنو محمّد حسبو أحرج محسن، وأحرجني وأحرجتو، وعنصرية نصوص، إنت مطرطش؟
    أنا وحسبو علمانيين تاح ترااح، اللّتنين، لا ناكرنها لا خايفين من زول -يا هَرّار
    نقاشي ليك بدايةً بالنصوص الدينية، عشان أدحرك بالتناقض الفيها، وكان بافتراض إنك مسلم علق ومتطرف بس، قوووم يا الراجل أطلع شيعي! يعني ما شرط أكون مقتنع بالنصوص البحاجّك بيها، هذه النصوص تقع حجّتها على المقتنع بها، مش علي أنا، (سمعت بالمثل البقول يصرّروها ببعرها) بتعرف الصُرار؟
    إياك تاني أشوفك منغز في بوست بتكلّم عن الشورى أو الديموقراطية
    الزَنَّة دي خليها، القناع دا، أجدعو، شوف مرجعيتك وين؟
    والحتّة دي، أهم شيء

    ---------------
    نداء خاص إلى حلفاء ود سليمان، وإلى مفضّلي كتابته
    وأخص بالذكر، الله يطراهو بالخير، حسين ملاسي
    أها زولك قال: أيوة،
    أيووووووة
    خمّوا وصرّوا عاد

    ..




    ..
                   |Articles |News |مقالات |بيانات

31-01-2007, 07:22 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: محسن خالد)

    إنت يا محسن قلت :
    Quote: أجوبتك المتعلّقة بالشورى، نجاوبها ليك نقطة نقطة، وتعزل من وين كمان
    بس بعد تجاوب إنت السؤال أدناه:
    هل تؤمن بالقيادة الربانية؟
    الإجابة ساهلة جداً، يا "أيوة" يا "لا"طيّب ليه السؤال دا بالذات،
    لأنو أي كلام في الشورى، مع زول بيؤمن بالقيادة الربانية
    ببقه بُندق في بحر
    حابب الحوار يستمر أجب عن هذا السؤال
    وبعد داك أتمنّى علي محسن خالد الدايرو من الأسئلة، ولومني كان نطّيت

    أنا جاوبت ليك بــ: أيوة صريحة
    أنت تعهدت ما تنط تعال جاوب السؤال ده:
    طيب جاوب السؤال الجاي ده:
    أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّىَ يُحْيِي هََذِهِ اللّهُ بَعْدَ مَوْتِهَا فَأَمَاتَهُ اللّهُ مِئَةَ عَامٍ ثُمَّ بَعَثَهُ قَالَ كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ قَالَ بَل لَّبِثْتَ مِئَةَ عَامٍ فَانظُرْ إِلَى طَعَامِكَ وَشَرَابِكَ لَمْ يَتَسَنَّهْ وَانظُرْ إِلَى حِمَارِكَ وَلِنَجْعَلَكَ آيَةً لِّلنَّاسِ وَانظُرْ إِلَى العِظَامِ كَيْفَ نُنشِزُهَا ثُمَّ نَكْسُوهَا لَحْمًا فَلَمَّا تَبَيَّنَ لَهُ قَالَ أَعْلَمُ أَنَّ اللّهَ عَلَى كُلِّ شَيْءٍ قَدِيرٌ (259)
    أرجو أن تشرح لنا كيف تكون "أنى" هنا ظرف مكان؟
    وهل قاصد بي"ظرف مكان" إنها زي "أين" وللا شي تاني؟؟
    يعني هل الذي مر على هذه القرية يسأل:
    وين الله يُحْيِي هََذِهِ القرية بَعْدَ مَوْتِهَا ؟؟؟
    بالعقل كده ده سؤال؟؟
    حتى شوف البيان الرباني والإجابة العملية
    ما فيها إشارة لــ((مكان)) :
    لِّلنَّاسِ وَانظُرْ إِلَى العِظَامِ كَيْفَ نُنشِزُهَا ثُمَّ نَكْسُوهَا لَحْمًا

    الرجل اقتنع ((فَلَمَّا تَبَيَّنَ لَهُ قَالَ أَعْلَمُ أَنَّ اللّهَ عَلَى كُلِّ شَيْءٍ قَدِيرٌ))
    وين ظرف المكان هنا؟؟
    تعال فسر الآيات ديل باعتبار (أنى) ظرف مكان!!
    -----------------------------------------
    Quote: هسّع محسن خالد دخلو شنو هنا؟ ومزاعمو ياتها؟

    محسن في إصلاح الكتابة زعم
    أن جملة: لم أفعله أبدا
    صحيحة
    وقد بينت لك أنها غير صحيحة!!
    وبينت ذلك لخالد قائلا:
    Quote: عن شخص لم تقرأ له قط*.

    بوضع قط (في مكان) أبدا !!
    لمن خالد كتب :
    Quote: لم أقرأ أبدا مؤلفات للشيخ محمد بن عبدالوهاب،

    يعني دي محاولة مني لإصلاح
    ما أفسده بوست إصلاح الكتابة !!
    موش إنت قلت للمكاشفي اطبعوا ووزعوا
    عشان تلقى أجر!!
    أنا قلت أشاركك الأجر بتصحيح ما ورد فيه من أخطاء (بالكوم)
    وبيان ذلك على أوسع نطاق!!!
    شفت كيف ؟؟؟
    أنا ما حشرتك ساي
    زي ما إنت حشرت الأخ ملاسي
    تستخف قومك وجمهورك وتشتت الكورة
    -----------------------------
    حسين ملاسي ده أقحمتوه في المناظرة ساي
    وغلطتو بتاعة حذف حرف العلة في غير مقام التعليم
    قارنها بالمصيبة الجاياك دي:
    Quote: وهذا الكلام أنا لا أهدّدك به، بأنني عالم وكذا وكيت، بل أنا بالفعل مقدّد الموضوع دا لي دينو، وأوّلها إني حافظ القرآن دا ذاتو موضوع الكلام، وبالألسن، مش لسان واحد، فأنا متأكد من أنني أعرف في هذا الموضوع أكثر مما تعرفين بحيث لا مقارنة، وأنا لا أتحداك، فالفلاحة التي تحدثتي بها تجعلني متأكداً، وبالغيب، كفرضيتك، من أنك لن تأتي بجديد في هذا الموضوع مطلقاً، وستضيعين وقتي ووقت هذا الإصلاح لموضوع أخر لا علاقة له بالقرآن، وبدون شك

    Quote: وتاني اعتذار، لكون ردي جاء جافياً، لأنك لم تأتِ هنا من باب اللغة موضوع الكتاب،....

    حسين جز حرف علة
    علا زولكم جز الفاعل ذاتو شوف
    لم تأت بقت بلا فاعل
    وقام شال الفاعل (ياء المخاطبة )
    ولصقو لــ:تحدثتي بقى عندها كم فاعل ؟؟
    تاء المخاطبة وياء المخاطبة !! (دي غايتو عنده مخرج)
    ومحن زي دي في إفساد الكتابة بالكوم

    ---------------------------
    Quote: نداء خاص إلى حلفاء ود سليمان، وإلى مفضّلي كتابته
    وأخص بالذكر، الله يطراهو بالخير، حسين ملاسي
    أها زولك قال: أيوة،
    أيووووووة
    خمّوا وصرّوا عاد

    دقست كبيرة يا محسن !!!
    إنت قلت لي جاوب وبعدها تتمنى علي الأسئلة
    أنا جاوبت ليك وقلت ليك أيوة!!
    وإنت نطيت !!!
    بالمناسبة قاصد منو بي حلفاء ود سليمان، ؟؟
    -----------------------------------------------------
    Quote: إياك تاني أشوفك منغز في بوست بتكلّم عن الشورى أو الديموقراطية
    الزَنَّة دي خليها، القناع دا، أجدعو، شوف مرجعيتك وين؟

    هددت بأنك تنقض مذهب الإمامية ولم تفعل!!!
    دي براها ما هزيمة ليكم ؟؟؟
    موش إنت قلت :
    Quote: لأنو أي كلام في الشورى، مع زول بيؤمن بالقيادة الربانية
    ببقه بُندق في بحر

    وين بحرك ده؟؟؟
    عندك نهج البلاغة يا محسن ؟
    -------------------------------------
    Quote: عن أمير المؤمنين عليه السلام:
    " .. وإنَّما الشورى للمهاجرين والأنصار، فإنِ اجتمعوا على رجُلٍ،
    وسموه إماماً ، كانَ ذلك لله رِضي .."
    نهج البلاغة (جمع الشريف الرضى)

    ---------------------------------------------------------------------------------
                   |Articles |News |مقالات |بيانات

31-01-2007, 03:16 PM

ياسر احمد محمود
<aياسر احمد محمود
تاريخ التسجيل: 19-07-2006
مجموع المشاركات: 2545

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    /IMG]
    الأديب القدير محسن خالد:
    *اذا أراد هذا (الشبح) منازلتك فعليه بالخروج من (كهوفه) الى رحابة المنتديات.
    * حتى حينها أقول لك أعرض عن هذا.
                   |Articles |News |مقالات |بيانات

01-02-2007, 02:58 AM

Ashraf el-Halabi
<aAshraf el-Halabi
تاريخ التسجيل: 08-10-2006
مجموع المشاركات: 5507

للتواصل معنا

FaceBook
تويتر Twitter
YouTube


Re: الأديب محسن خــالد هل تقبل المناظرة مع الحبشي ؟؟ (Re: Mohamed E. Seliaman)

    عذراً للمقاطعة لكني أبحث عن هذا البوست:
    Quote: إصلاح الكتابة
    سمعت عنه منذ فترة ولكن فشلت محاولاتي في إيجاده.
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de