تموليلت: سيرة وحَجَر

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 00:32 AM الصفحة الرئيسية

مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
15-10-2005, 04:56 AM

اشرف السر
<aاشرف السر
تاريخ التسجيل: 06-12-2003
مجموع المشاركات: 1563

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    آلسي خالد

    لأجل وجه الكتابة والناس الكتّابين أداوم الحضور هنا... لعل وعسى أن تفتح مذاريب الحي عندك..
                   |Articles |News |مقالات |بيانات

15-10-2005, 06:05 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: اشرف السر)


    ..

    أشرف السر،..

    يا صديقي في الغار،..

    ما بالعمر حيلة،..

    إن بقينا حيين بنجي ونواصل مشهادنا الأول،..

    كن بخير، أبداً بخير،..


    ومحبة ليك في لوجه الكتابة والنشيشيبة،..

    .
    ..
                   |Articles |News |مقالات |بيانات

21-10-2005, 02:39 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..




    طارق جبريل،،...
    شكراً يا عزيزي طارق، وآسف جداً لأنني لم ألمح مداخلتك هنا، فعفواً طويلاً وحنيناً،..
    إن شاء الله الجيَّة علي المغرب يبقيها ربك، ولا بد أنني سأعاود... تلك بلاد لا تُلتهَى من أول لهو، ولا ينفد اشتهاؤها بعد مذاقتها،..
    لك الحب يا عزيزي، وكن بخير أبداً بخير،..
    وتحياتي لعبد الواحد كمبال، الزول العسل بالحيل،..
    وغاية الود والاحترام لك ولأهلك،..



    ..
                   |Articles |News |مقالات |بيانات

22-10-2005, 06:02 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الرائع محسن خالد
    كي داير آصاحبي توحشناك بزاف

    قرأت لك حوارا في الشرق الاوسط وآلمني جدا عملية المنع هذه ولا زال ماسكي زمام الامور في هذا البلد السعيد يمارسون علينا الوصاية
    اسعدتني جدا اجاباتك في الحوار واحتفظت بالعدد.
    الحياة في العشيرة لها ثمنها ولها ايجابياتها ايضا كما قال الطيب صالح (ولم جئتهم كانت لحظة عجيبة. فرحوا بي وضجوا حولي . احسست كأن ثلجا يذوب في دخيلتي . كأنني مغرور طلعت عليه الشمس. ذلك دفء الحياة في العشيرة فقدته زمانا في بلاد تموت من البرد حيتانها)
    كنت امازح احد السودانيين هنا في المغرب فقلت له ليت أن عملية التجنيد الاجباري هذه تكون في شكل ارسال أبناءنا الى احد الدول ليتخلصوا من عبء العشيرة ويتعلموا فن التعامل وهذه من ميزات الغربة. على كل تلك قصة اخرى.

    حاولت الحصول على كتبك هنا فلم يسبق لي أن قرأتها ولم اجدها حتى اللحظة ولكن ساكرر المحاولات . لو نظر مانعوا كتبك الى جمالية اللغة وتطويع الكلمات لديك وروعة الصورة لاحتفوا بك لكن هذا قدرنا في السودان نبدع خارج الوطن ويحتفى بنا بعيدا عن نيله . انا لست ناقدا ولكن احسب نفسي قارئا جيدا فهذه اللغة الحية لم اجدها الا لدى الطيب صالح واحمد ابراهيم الفقيه.
    نكاية في المنع يا سيدي اكمل رواية تيموليت وانا سوف اقوم باخراجها واصمم الغلاف شفت كيف. تحياتي
                   |Articles |News |مقالات |بيانات

23-10-2005, 02:43 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..


    طارق جبريل،..
    كيفك آسيدي، وماك طيّب،..
    ولو تدري ما بي من شوق إلى المغرب،..
    وتحياتي يا عزيزي الجميل، أردتُ أن أنبهك إلى أنني حملتُ معي في رحلتي تلك نسخة من (إحداثيات الإنسان) و(الحياة السرية للأشياء) طبعة القاهرة، وأظن أن عبد الواحد معه أو ربما أخوك الآخر، أو "نزار"، اسألهم لأنني متأكد من أنه كانت معي نسخ من هذه الكتب،...
    وأرجو أن تكمل تيموليلت في المغرب لديكم/ كان ربنا هوَّن،..
    وتحياتي ليك يا طارق الجميل، وما أجملك،..



    ..
                   |Articles |News |مقالات |بيانات

23-10-2005, 04:24 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..



    آه يا بت، يا تيموليلت، كم متوحشك،..
    وضحكتك الفي الصورة دي أطول من أي لسان يحكي عنها،..
    أمرق من بيتك دائماً أسكَرُ من النبيذ سُكْراً،..
    وشوقي الكان صَمَّة، يمرق معاي مفكوك، جنيهات جنيهات،..
    اتوحشتك بزَّاف آلشريفة،..
    وين نروحو آدروك؟
    والدنيا نهار،..




    ..
                   |Articles |News |مقالات |بيانات

23-10-2005, 09:38 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..




    الصدق لا يحتمله إلا الله، هكذا هو الله الذي ليس أحداً غيره، حين نجلس في الليل ونقول له نحن فعلنا وفعلنا في الحقيقة نستغفره، لأنه يعرف ما فعلنا، ويحتمل الحقيقة، الحقيقة لا يحتملها إلا الله،..
    هناك حكاية قديمة ومحزنة، ولد يحبُ بنتاً وبينهما من سوء التجسُّس ما بينهما، كل بناءات الأمة الكذَّابة والمتقنّعة والمستخفية،..
    هو يعرف من هنا وهناك، أنها كانت مرتبطة بفلان، أو لها علاقة بفرجكان من الناس،..
    يُلقي بخطبة طويلة، من أنَّه لا يحبُ الكذبُ ويحب الوضوح والحقيقة مهما كانت جارحة، ولكنه ليس الله بأي حال من الأحوال،.
    ماذا كان يقول لك فلان ذلك أثناء علاقتكما، وغيره بمن ارتبطتِ؟ ومع من طلعتِ؟ وإلى أي حد بلغت علاقتكما؟
    عَصَّرك مَصَّرك؟ باسك، نام معاك، عملتو كيت وكيت؟
    وتنطلق فيه نار الجواسيس ومواهبهم، والكذب ليس بالدابة التي تذهبُ بصاحبها بعيداً،..
    لا تعرف المسكينة ماذا تفعل، إن صارحته بالحقيقة سيهرب وسيترك علاقته معها، ليعقبه جاسوس ومستجوب جديد، يأتي بعده ليزرزرها هو الآخر حتى تخرج رائحة الماضي من إبطيها، ليعرف عن آخر هارب منها،..
    وإن لم تصدقه، وأخفت عنه الحقائق، هو بإحساسه سيعرف، ومن صورتها مع فلانة وفلان، أو تلك التي أخذها فلان سيعرف، ومن صديقات كثر سينجزنهن المستقبل خصيصاً لأجل أن يجاوبن حبيبها ويهدمن علاقتها، الكذب دابته لا تذهب بصاحبها بعيداً كما قلنا،..
    هي ستصارحه بشيء وستخفي شيئاً، وحين يتم خلط الكذب بالحقيقة، عليك أن تعرف أنك خسرت الإنسان إلى الأبد، لأنَّ الحدود بين الصدق والحقيقة ستغيب، وسيصبح كلُّ شيء جائزاً، ولن تعرف لاحدي وين تصدّق؟ ولاحدّي وين تكذّب؟ وأولئك التافهون الذين عرفتهم "البنيَّة" في سالف حياتها، سيفتخرون بعلاقتهم في الظلال معها كثيراً، وأنهم "دون جوانون" لا يُشق لهم غبار، وستبلغه الأقاصيص من خلال فلان وعلان،..
    ستقول بعض الأشياء فقط، المرأة ليس بوسعها أن تقول كل الأشياء، وسيمرض صاحبنا من جراء اختلاط الحقيقة بالكذب، سيبدأ العنف يدخل إلى علاقته ويجاورها، الريبة، المراقبة، والمقتُ يبدأ يتسلل رويداً رويداً، حتى تستحيل الأمور إلى كراهية في وضح النهار،..
    والحب أين الحب؟ الحب كان يجب الانتباه له سابقاً، والانتباه لكوننا الإنسان ولسنا بملائكة،..
    يختفي هذا الجاسوس والمحقِّق والمستجوب، ويترك البنيّة المسكينة لرمض خلوتها، ولمقترح أن تصبح كاذباً لا يشقُّ له غبار، إن كانت تنوي خوض علاقات جديدة، أو أن تصبح مستعدة لتطاولات جاسوس جديد؟
    كدا عاجبكم يا أمة الأقنعة والأكاذيب، كأنكم أقمتم علاقات مع الشجر، وليس مع بنات الناس، الإنسان يخطئ ويصيب، حتى في اختياراته، والمرأة هي الإنسان تربيع، فكُفُّوا أيها الجواسيس،..


    ..
                   |Articles |News |مقالات |بيانات

31-10-2005, 02:15 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..

    دايرين تبقوا كتاب، أكفروا بكل شيء في البداية،..
    كتير بشتغلوا، كتير بعرسوا، كتير بلدوا شفع وسحالي، كتير مؤدبين وصلايين،..
    بس كاتب محترف ياما الدنيا تدعم وتطحر وتتعسم وتفتح وتشرط كم من المهابل عشان تلدو،..

    أنا في تمام الخط الأبيض من الأسود من الكتابة، من الفجر،..

    أتوضوا حنانكم وغيبوا


    ..
                   |Articles |News |مقالات |بيانات

31-10-2005, 02:50 AM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    إتوحشناك آلشريف.. وإتوحشناها الشريفة..
    كل سنة إنت وتيموليلت طيبين
                   |Articles |News |مقالات |بيانات

31-10-2005, 03:28 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد السر)

    ..




    محمد السر،..
    أريتك إنت طيّب وكل لحظة،...
    عارف لو أنا كان عندي ذوق مفروض تيموليلت تحتفل بصداقتها معاك، لأنك عينك معاها مش طائرة، وياها صاحبتك وإنت صاحبة بدون انقطاع أو تلاعب، أو حتى تلاوم ولو من باب الحنان،..
    كل تيموليلت وإنت بخير،..
    وكل تيموليلت صاحبك السي خالد بخير،...
    وكل تيموليلت وعمنا الحاج بخير،..
    أنا كتير بحبك وبقدّرك يا محمد، وأتمنى أن نرى بعضنا في هذه الحياة الأولى قبل الثانية،...
    واتوحشناك بزّاف آلشريف،..




    ..
                   |Articles |News |مقالات |بيانات

31-10-2005, 06:16 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    العزيز محسن خالد
    مع تباشير العيد كل سنة وانت طيب وربنا يحقق الاماني
    يا اخوي أتأسف للانقطاع لكن خلف ظهري طفلين وفي السودان كوم لحم تاني بي شيوخه واطفاله يحتاجون العناية والقوت عشان كدي يا اخوي مرة مرة بنغيب عشان نوفر لهم عيشة كريمة والحاجة عندي تعبانة شوية سكري مع ضغط مع شيخوخة وربك يستر ويشفيها لينا اصلنا محتاجين شديد لي دعواتها اصلو الفقراء والمساكين لا يملكون غير الابتهال والحياة في طفولتها التي لا تنتهي.
    أن تكون كاتبا او حتى سارد للاحداث من حولك هي امنية قديمة ومتجددة لكن ضغوط هذه الحياة والعشيرة التي تكلمنا عنها سابقا تصعب الأشياء بشكل كبير لذلك تبقى لنا خيار واحد وهو ان تكون قارئا جيدا.
    لك التحية
                   |Articles |News |مقالات |بيانات

31-10-2005, 06:44 AM

Sabri Elshareef

تاريخ التسجيل: 30-12-2004
مجموع المشاركات: 21083

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    المراة هي انسان تربيع صدقت وكل منا حول المراة يفكر ان ياتي

    وطره ويذهب ومن لم يستطع يبهت الرؤية يكتنفها طشاش الرغبه

    والحياة السرية للانسان اه .... كم مفعمه بالوحيح والصريح من


    دهشه القبله الاولي في تكتيل العيون وبشري الفاضل يقول وكان

    بعيري يحب ناقتها ويخرج من دهشتها لدهشة اخري تقف بالقرب

    من بوابة عبد القيوم او جامعة القران الكريم لا يفرق المكان


    ياهو المكان واحد بائعي الهوي يصر علي الحبيبه بان تخبر


    اهلها بشرعية الارتباط لكي يجد شرعية الاشياء وبعد ما عز المذاق

    يبحث عن ضحية والانثي عطايا للحنان كما تجد هذا لبعض الناس

    لدي السائل المذيل للكابه عند قعده الامسيات ويا حبذا لدي

    علايل ابو روف ,

    سلامي لتيمو فهي من اعطت للمنبر بهجة ولون ونتنزه بها


    ونتسيح معاها علي شواطي طنجة او عند مقاهي دارها البيضاء


    واعود بزواده تقيدني لصراع ظلمات عصري فقه اوراك البنات ونقائض

    وضوء عسس مهوسي منبرنا لي ولك وللكل تيمو وهو اسم دلع لبتك

    التي سهل المشي معها ل الرقم تسعه في الصفحات واكثر من 32000

    زائر وزائرة في جميع اوقات اليوم بس تيمو بتجهز في لبس

    العيد وتبحث في اسواق فاس ومكناس عن الناس الذين لديهم الجديد لك حبي ساتصل بي صاحب وحبيب تيمو .
                   |Articles |News |مقالات |بيانات

31-10-2005, 10:50 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Sabri Elshareef)

    ..


    طارق جبريل،..
    يا زول طاب مساؤك، وكل عام ونحن إخوة،..
    عارف؟ ندّمتني إنو ما اتقابلنا،..
    والله لو باليد حيلة، كان بكرة تلقاني معاك في البلد الثمارو كتير، وجنسو فردوسي،..
    والحاجَّة ربنا ياخد بيدَّها، ويزيل البيها، ويديكم من دعاها مَثْمَرَة الأم ومنزلة قلبها الطيّب والودود، آمين،..
    والكتابة إن شاء الله تجن بدربها دها، قُبَّال تجننا معاها، غايتو أشرد من يومك جاي وجاي وحنّسها، وشوفك كيف تقاسمها فتنتها عشان تتناصصو للعنق بالفتنة،..
    حَبّيت أستفسرك وفي نفسي بعض الخجل، من كرم وجمال أخينا (نزار) أظنّه نزار الشريف كما قال "نزار عثمان السمندل"، وأتمنَّى عليك أن تمدّني بتلفونه لو أمكنك ومعه تلفون الأخ عبد الواحد كمبال، فقد اتوحشتهم بزّاف، وأيامهم،..
    وكن بخير، وكن أخانا وصديقنا في كل عام، ولك الحب، الحب كله،..




    Sabri Elshareef،..
    إزيك يا أجمل السائحين إنت، وما أجملك،..
    وهاك العيد من هنا، تحزموا في شنط القلب، وتدّلى لاقار الحبيبة ومحطاتها، ويدّلى من ونستك كم قطر في ختراتك طوالي،..
    تووووت، يا زول قلنا إزيك، وكل عام وإنت أجمل السيّاح،..
    عارف؟ كل ما تهبش الورق هنا، يرنّ في رأسي السموأل وسبانا، وغلاطي مع الحاجَّة حول مكر سبانا وجمال صديقي السموأل، كنتُ أنحاز ضدها دائماً، من باب مكر الرجال المضاد، سأهاتفهم قريباً؟
    وتيمو بتسلّم عليك، وعلي العقاب، نبقى أشطر من الطيور نحن، وأبداً ما نقول يا مسيد الأعشاش، يا مسيد الضحى لصق بيباناً نعرفها، يا مسيد البنات في مَجرّ رحط نطفّرو زي شخيط،..
    قلنا كل عام وإنت بخير،...
    يا صبري، تسلم، وتسلم الحاجّة الجابتك،..


    ..
                   |Articles |News |مقالات |بيانات

01-11-2005, 00:54 AM

ابوعبيدة النعمان
<aابوعبيدة النعمان
تاريخ التسجيل: 28-11-2004
مجموع المشاركات: 755

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الإنسان هذا الشيء... هل نستطيع كفراً بكل شيء؟
    لا أحد...
    احد اصدقائي الخرافيين كنا نطلق عليه المعتوه... بتصريفات مختلفة
    قال لي ذات غير مناسبة، و قد كنا في الطريق الي الداخلية بعد يوم مضنى
    (انت عارف ليه المرة مازوشية - و الراجل سادي؟) اجبته بغير إهتمام (لا)
    قال( لانو المرة هي بتولد الناس و بتجيبهم للحياة دي، هي معبرهم للدنيا، لذلك تنشأ علاقة
    انتقام بينهم و بين مدخلهم للحياة، و المرة ماسوشتية لانها عندها
    عقدة ذنب...قلت له( يعني الشغلة دي كفارة)... لا بأس
                   |Articles |News |مقالات |بيانات

01-11-2005, 00:56 AM

ابوعبيدة النعمان
<aابوعبيدة النعمان
تاريخ التسجيل: 28-11-2004
مجموع المشاركات: 755

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الإنسان هذا الشيء... هل نستطيع كفراً بكل شيء؟
    لا أحد...
    احد اصدقائي الخرافيين كنا نطلق عليه المعتوه... بتصريفات مختلفة
    قال لي ذات غير مناسبة، و قد كنا في الطريق الي الداخلية بعد يوم مضنى
    (انت عارف ليه المرة مازوشية - و الراجل سادي؟) اجبته بغير إهتمام (لا)
    قال( لانو المرة هي بتولد الناس و بتجيبهم للحياة دي، هي معبرهم للدنيا، لذلك تنشأ علاقة
    انتقام بينهم و بين مدخلهم للحياة، و المرة ماسوشتية لانها عندها
    عقدة ذنب...قلت له( يعني الشغلة دي كفارة)... لا بأس
                   |Articles |News |مقالات |بيانات

01-11-2005, 01:02 AM

ابوعبيدة النعمان
<aابوعبيدة النعمان
تاريخ التسجيل: 28-11-2004
مجموع المشاركات: 755

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الإنسان هذا الشيء... هل نستطيع كفراً بكل شيء؟
    لا أحد...
    احد اصدقائي الخرافيين كنا نطلق عليه المعتوه... بتصريفات مختلفة
    قال لي ذات غير مناسبة، و قد كنا في الطريق الي الداخلية بعد يوم مضنى
    (انت عارف ليه المرة مازوشية - و الراجل سادي؟) اجبته بغير إهتمام (لا)
    قال( لانو المرة هي بتولد الناس و بتجيبهم للحياة دي، هي معبرهم للدنيا، لذلك تنشأ علاقة
    انتقام بينهم و بين مدخلهم للحياة، و المرة ماسوشتية لانها عندها
    عقدة ذنب...قلت له( يعني الشغلة دي كفارة)... لا بأس
                   |Articles |News |مقالات |بيانات

02-11-2005, 03:21 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: ابوعبيدة النعمان)

    ..

    أبو عبيدة النعمان،..
    تحياتي يا رجل وعامك أجمل وأنضر،..
    ووينك؟ قارين لوحك نحن قبّال ما تديهو مَقَرَة، أهو رمضان ربنا تاتاهو لا بَرَّه، نبقى نشوفك، قبل يوم شافني صديق ليك في محل شراء وبيع، طوالي جاء سلّم علي –بجمال- وقال إنو صاحبك، سألتو إنت قبل كدا شفتني وين؟ قال بس من صورتك العلي النت، وزول جميل جداً وراقي وونستو عندها طعم ما زي حقة السودانيين المسيخة والقطيعة دي، عشان ما تلخبط القصة دي بقصص تانية الزول اسمو (محمد خالد)، مهندس كمبيوتر، صاحبك دا حلو وأبقه عليهو عشرة،..
    بعدين المرأة دي يا صاحبي أبو عبيدة والله مسكينة الله والرسول، الرجل –السوداني- هو السادي والمازوشي وحاجات تانية وكتيرة مسرفة في المرض والعوارة،..
    المعبر للوجود دا مش ياهو الأم؟ يا خي ما أرحبها الأم وأجملها وأفنَّها! أها ليه لامن تستحيل الأم إلى الحبيبة بنت الجيران، بقوم النبز، وتقوم علالتو؟
    أقوليك بصراحة، الراجل هو الماعارف داير شنو من المرأة لو بقت راقية وعندها حركونيات وحلوة وممتعة في الأنس والشغلات التانية بقول جابتن من وين؟ أنا داير إمرأة (البان جديد –تقول هي سعوط، وألا خلقها منبتة وعلي ضهر جزيرة، وأتقول قلة أدبو الزمان دي كلها كان بسويها مع الشدر والحيط، مش مع نساء)، ولو بقت المسيكينة من ناس (اتبلَّمنا –وبدع بدع) يقول ياخي دي زولها (خام) وطيرة ساي، دي مش ممتعة، الحياة في نومة واحدة تكمل معاها، الوجود دا طويل وعويص وداير ليهو واحدة فنّانة ووناسة، وفي مواضيع مشتركة معاها تانية غير يمسى الليل وتصارعني وأصارعك،..
    الراجل دا خليهو يبقى راجل بالجد ويعرف هو داير شنو؟
    أها، كل عام وإنت بخير، وجميل،..


    ..
                   |Articles |News |مقالات |بيانات

02-11-2005, 03:47 PM

عبدالماجد فرح يوسف
<aعبدالماجد فرح يوسف
تاريخ التسجيل: 06-05-2004
مجموع المشاركات: 1178

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يا إسي محسن لاباس خويا وكي داير, والعيد أمبارك عليك وعلي الدرية الزوينة تيموليلت وكل الدراري الكيحوصو في الزناقي ديالك.
    علاش هادي الغبرة ياخويا؟ أرانا صدعناك وطلعلك الدم في الراس, والله حشوما علينا.
    عيدك مبارك وإتهلا في راساتك وأنت أراك كتعرف أيش حال كنبغيك آخويا ,إنت الله يعمرها سلعة وربي يحفضك.

    (عدل بواسطة عبدالماجد فرح يوسف on 02-11-2005, 03:50 PM)

                   |Articles |News |مقالات |بيانات

02-11-2005, 04:13 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: عبدالماجد فرح يوسف)

    ..

    عبد الماجد فرح يوسف،..

    تحياتي يا محبّتنا، الرجل الرائق وموزون الكلام، كل عام وإنت أسعد وأجمل وأحقَل من سواقي كاملة،..
    أهو برضك من المجاورين في اللاقار ويا حليلها أيام ودريات، وشاي أخضر،..
    يا ريت لو وجودنا في الخاطر والليد، وقفّينا هادي الصحاري المنصوبة كفخاخ للعمر، مهبط الوحي والأنبياء الذي أصبح مهبطاً لفرق الكوماندوز وطلبة الجازولين،..
    يسعد دهرك، وأبقه إنت بس طيّب،..
    وتحياتي ليك،..
    وكل تيموليلت وإنت بخير،...
    وكلكم الأحباب هنا ما قصّرتو معاي ولا مع الدريّة لو في لوم مني أنا براي، باقي الليامات دي مستوحش من نفسي وما قادر أحنّسها علي الورق، راجيها تروق، باقي متعكّرة،..
    واتهي الله في رأسك، والله يعاونك،..
    بالسلامة آلسمح،..


    ..
                   |Articles |News |مقالات |بيانات

02-11-2005, 04:35 PM

Eng. Mohammed al sayed

تاريخ التسجيل: 16-10-2005
مجموع المشاركات: 1181

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    حبيت في الساعات الاولي من يوم العيد(حسب توقيتنا)
    أقول كل عام وانت بخير أخي الأستاذ محسن خالد
                   |Articles |News |مقالات |بيانات

04-11-2005, 08:41 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Eng. Mohammed al sayed)

    ..

    Eng. Mohammed al sayed،...
    تحياتي يا رجل، ويطيب عيدك ودهرك،..
    وكل عام وإنت أورق وأنضر،..
    وكن بخير، أبداً بخير،..


    ..
                   |Articles |News |مقالات |بيانات

04-11-2005, 09:54 AM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12091

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    حبيبنا وحبيب القلم المُنضد
    محمسن خالد

    لك التحية وأنت تكتب ،
    هادماً السقوف من فوقك .

    لم أزل أقتعد مجلسي من الدهشة ،
    على بسُط المتعة الحالمة وأنا أقرألك .

    أحتاج لزمان للقراءة المتمهِلة ،
    ومن ثم نعقب .

    تمجدت سيدي وطيب ما تكتب يخرج علينا من
    المساحة البلورية التي أراها أمامي .

    كل سنة وأنت دوماً الأجمل ،
    وأن تعطيك الدنيا مثل ما وهبتها

    عبدالله الشقليني
                   |Articles |News |مقالات |بيانات

04-11-2005, 10:37 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: عبدالله الشقليني)

    ...

    عبد الله الشقليني،...
    تحياتي يا مفضال الخُلق والقلم،..
    وطابت أيامك، وأسعد اللهُ مساءك،..
    كن بخير،...
    وخذ راحتك في القراءة وأرجو أن لا تحرمنا، من متعة المفاهمة والحوار، فأنت قلم يشير بالطرق الحسنة في الكتابة، ولك التقدير،..
    كل عام وأنت بخير وأسرتك بخير،...
    وتحياتي لك يا عزيز،...


    ...
                   |Articles |News |مقالات |بيانات

04-11-2005, 11:49 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ...


    يا ناس الدنيا كلها عيد عليكم، والحياة خدمة ضراعكم، عيّدوا عيدكم، الغافل من ينتظر أعياداً يدبّرونها في نهاية كل عام، والفطن له من كل لحظة عيد، العمر سدىً ووهمٌ لا يُختبر بانتظارنا به نهاية كل عام،...


    أنا مفتون بالتعصّب للعدالة والحياة والمنطق، لكم أعجبني فيلم (RAY) عن حياة الموسيقي راي شارلس روبنسون،..
    في تقديري أنَّ الفيلم له ثلاثة أحداث أو منطلقات فكرية ينطلق منها، المخزون التاريخي –العنصرية ضد السود، والمخزون -الشخصي لراي كطفل عاش معذّباً وغرق أخوه (جورج) أمام عينيه ليمّثل له عقدة لم يتخلّص منها إلا في أواخر حياته، إضافة لإدمانه الهيروين، والمنطلق الثاني موقف راي عندما رفض أن يغني في ولاية جورجيا العنصرية ونقض عقده مع منظمي الحفل، لأن شروط المسرح كانت تسمح بدخول البيض وحدهم، أما المنطلق الثالث فهو مدرسته الموسيقية الشجاعة التي بناها ضد تعاليم الكنيسة، بمعنى أن موسيقاه التي ابتكرها كانت تمزج بين موسيقى الـ GOSPEL وبين موسيقى الـBLUES ، الغوسبيل تعني (الحقيقة المطلقة –"التأكدية العويرة يعني"، أو موسيقى الترتيل الإنجيلي، أما البلوز فتعني الكآبة والناس السود –انيين وموسيقاهم، يا الله! شوف التركيبة بتصبح كيف عميقة وضاربة في جذور الاستكناه للإنسان ولصراعه السماوي والجواني، وهناك صديقنا الجميل عاطف خيري قد لمس هذه التفصيلة وقال شعراً: (أنزل مسافة تهبشك غنوة ونناولك كأس)، خلط السماء بالأرض، لكي تصبح الأرض سماء والسماء أرض، نفس الروح التي سبقهما إليها (بيتر بروغل) قبل قرون كثيرة، فقد كان الرسم في الإجمال مكرّساً لبيوت الدين والرب، فكان (بيتر بروغل) هذا أول من قام برسم الناس العاديين –غير القديسين، وبرسم الأسواق والدنيا في مداها الطبيعي والأرحب، الحياة بكل ما فيها من أشياء غير سماوية ونساء أمهات –غير العذراء والعذارى، نساء مفضوضات لكي تظل الحياة ولوداً وخالدة، الحياة بما فيها من شغف وعرق ونوم وخطيئة واستغفار، رسم لهم بيتر بروغل الأرض على كونها الأرض، وليس لكونها مجرّد مرايا مكرّسة لمن هو في السماء، كي يرى فيها نفسه ووجهه كلما نظر أسفل قدميه، الأرض كمرايا مستقلة لنفسها ولمن فيها، وأيضاً لُعِن الرجل، كما لُعن راي شارلس وعاطف خيري،...
    الموقف الأجمل والذي دعاني لهذه الحكاية المطوّلة كلها، أن موسيقى راي كانت تصدح والناس في آخر حارات المزاج، نعاس الشراب الطفيف، وعيون الحبيبات يبقّن هنا وهناك بالرغبة وصلاة السرير، القلوب متخففة من أحزانها وكآباتها مصطولة بالجو، والأنامل مصطولة بالشراب وبما هي فيه من ملمس الحبيبات،..
    يقف جماعة كنيسة إنجيلية ما، ليحرضوا ضد راي الشيطان الذي يسوِّق موسيقى بيوت الرب في بيوت المرايس والشراب والحب، وكأنّ الرب كانت له عَرَق نوتة من الغوسبيل أو البلوز، يبدو أنه على ربهم ذلك أن يستمع فقط، وإلا فليغدو موسيقاراً ويكتب موسيقاه بنفسه، ولا يتسلبط في موسيقى الناس،..
    يقف أحدهم، وأحلى ما فيهم أنهم ينادون بعضهم بكلمة نقر، زي أخوانا في البورد النقر وبقولوا لأخوانن التانين يا نقر، ليقول لراي والموسيقى مدوّرة: أيها النقر الفاسد، يا صنيعة الشيطان، أوقف هذه الفوضى، كيف تأتي بموسيقى الرب إلى بيوت الحب والشراب،...
    والحفلة تجوط، وقُبّال الركاس والبني يتطايرن، يقول راي بصوته الواثق والساخر في آن، لنحتكم للجمهور: يا شباب، الذي يرغب في استمرار موسيقانا وحفلتنا هذه:
    يقول آمين،...
    وانظر إلى موقع: آمين –الساخرة- هنا، آمين بتاعة الكنيسة والجامع ينطلق بها صوت آلاف الجموع من بتوع الإنداية، آ مين –الإنداية،..
    آميييييين، أقوى من آمين بتاعة كنيسة روما وصلاة الحرم والأقصى،...
    وتدوّر موسيقى راي من جديد، موسيقى، موسيقى،....

    يا ناس الدنيا كلها عيد عليكم، والحياة هيلَة ضراعكم،....


    ..
                   |Articles |News |مقالات |بيانات

04-11-2005, 04:58 PM

Eng. Mohammed al sayed

تاريخ التسجيل: 16-10-2005
مجموع المشاركات: 1181

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    آمين
                   |Articles |News |مقالات |بيانات

04-11-2005, 08:35 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Eng. Mohammed al sayed)

    ...


    Eng. Mohammed al sayed،...
    يلا آميييين، والرقصة دي حقتكم إنت وحبيبتك،...
    خشو و"اشطحو" كما يسمي المغاربة الرقص،..



    ..
                   |Articles |News |مقالات |بيانات

07-11-2005, 09:29 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ...



    نَدْأَة القمر ولَمَّة الصحاب...
    الميرام فدوى بت آحمد....
    وددتُ أن أكتبَ لك رسالة طويلة، فوجدتُ رأسي خالياً من الأفكار، وممتلئاً بك أكثر من امتلائه بالتعبير عنها،...
    تذكرتُ حكاياتك وندمتُ لأنني لم آخذك معي في الطريق...
    تلك حكاية، واليوم أنا عاجزٌ عن صنع الحكايات، هذه فرصة الحكايات لتصنعني،..
    شكراً على هذه الخاطرة...
    وتحياتي،..
    إلى الميرام فدوى،..
    ندأة الشمس ولَمّة الوجود


    ..
                   |Articles |News |مقالات |بيانات

08-11-2005, 02:30 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    سلام رائعنا محسن
    أأسف لعدم الطلة مجددا والحياة انت عارفها براك تقهرك الله يقهرها
    يا اخوي جيتك للمغرب اصبحت ضرورة على الاقل على المستوى الشخصي ان تجالس المبدعين هي امنية في حد ذاتها اتمنى ان تتحقق معك
    نزار الشريف دة تليفونه 0021261654977 اما رائعنا عبد الواحد فهو كل اسبوع عنده موبايل والتليفون العندي هو فقده ولكن سوف احاول الحصول عليه قريبا وامدك بيه وعلى كل حال دة تليفوني لو احتجت لاي حاجة لا تتردد في طلبها 0021267445928
    في الختام لك اعطر التحايا
                   |Articles |News |مقالات |بيانات

09-11-2005, 05:22 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..

    طارق جبريل،...
    تحياتي يا رجل، وكل عام وأنت بخير،...
    لا بد من العودة إلى ديار تيموليلت، وشكراً جزيلاً على التلفونات التي تفضّلت بها، وسأدق عليها ما وسعتني الحيلة وخليك طيّب،..
    وفي نفسي أمنية أجالسك أنا أيضاً، هناك أشخاص تقالدك أرواحهم حباً قبل أن تراهم، وتبادلهم روحك المعانقة، وأنت منهم،...
    تحياتي يا طارق، وإلى لقاء قريب.....




    ..
                   |Articles |News |مقالات |بيانات

09-11-2005, 12:32 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ...


    رسالة،...
    (امرأة من كمبو كديس) قصص قصيرة، إصدار دار عزَّة للتوزيع
    إلى الأستاذ خالد، محسن
    وعندما لم ترسل لنا كتبكم الجميلة، أرسلنا لكم كتبنا الشينة...
    عبد العزيز بركة ساكن،...
    خشم القربة أكتوبر 2005م




    يا عزيزي بركة، لأنت صاحب المحتوى والنخاع، أنا أبارك لك كتابك الجديد، وبحق ما تمنيت رؤية قاص كما تمنيت رؤيتك وبشرى الفاضل وشيخنا عيسى الحلو وعادل القصاص،...
    مباركٌ لك وعليك، هي زواجاتنا في كساد الأيام وعُطب الجسد، وفقر القلب، وهروب النساء،....

    يا بركة يا ساكن، ما أجمل ما حكى عنك عاطف خيري، ولك سلامي وتحياتي، ووفائي،...
    كن بخير، وليتها الأيام تجمعنا، فلك السلام
    أخوك محسن خالد


    ...
                   |Articles |News |مقالات |بيانات

10-11-2005, 12:02 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..

    يا ليتني أكن ما بوسعي أن أكونه، يصاحبنا دائماً النقصان عن مقاديرنا، الحكمة المزعجة لوجود الإنسان،...




    بالتراحم بيتك منعرش
    والقلب لافَاح الدروب
    يا صاحبي، وين ما تمش
    ننزل معاك باطن الصور
    والعين تطش
    يتمولص القلب الزمان
    ودميرتو من حُرَقَك تتش
    أبقه فاكر
    عقلاً لا تعب.. لا غَمَّض مرة ولا غِبِش
    والفكرة إنك من ولاد النحت
    وأناملك علي الإزميل نَقِش
    خليك مني، وخليني منك،..
    اختف ضُحاَكا وانسرق
    علي أنبياء الروليت..
    تنزل ديانات الشمش
    يا صاحبي ليك من كل الطيور..
    إتاوة جناح
    والوجهة بينكم تتفقش
    نُصَّك يرفرف رايات في السماء
    وهاك جيهة المغارب
    أمشيها عِش

    محسن خالد

    ..
                   |Articles |News |مقالات |بيانات

10-11-2005, 08:27 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8609

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن
    مررنا لنلقي التحايا.... ليس إلا
    لك الحب والشوق
    دمت
    الصادق
                   |Articles |News |مقالات |بيانات

10-11-2005, 08:43 PM

Sabri Elshareef

تاريخ التسجيل: 30-12-2004
مجموع المشاركات: 21083

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    وكيف هي هل زارت ناس مليكة افقير واخواتها اللائي تنكر

    اصدقائهن بعد اغتيال والدهن بعد عملية من الملك الحسن تجد

    ذلك في السجينة ولفاطمة افقير الزوجه ,

    تيمو يا فاتنة واصلي اصطياد حسناواتك واذا زادت انفحينا


    بعطر احداهن
                   |Articles |News |مقالات |بيانات

12-11-2005, 09:02 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Sabri Elshareef)

    ..



    الصادق إسماعيل،...
    يا حبابك ومرحباً بتحاياك الغالية، فاكرنك والله في الغياب، وسألين عنك وما أجملك....
    غيب ونحن فاركنك علي الدوام...
    لو تسعفنا الصور.... والأغاني..... وباحات الحب،..
    أيوة كدا نكون شاكرين


    Sabri Elshareef،...
    هي لم تزر، ولكني فعلت،..
    فالقلب أولُّ ناهضٍ في الطريق، والقلب يمشي رحباً وقاصداً كالطريق،...
    أنا هنا، في كساد هذه الساعة، كبيزترون، ومن قبل قال بسطاء المتصوفة، (الله كان في كل مكان) ورد عليهم السلفيون (بل الله ذاتٌ واحدة، في مكانٍ واحد)، واليوم بعد تقدم ميكانيكا الكم، نضحكُ من القولين معاً،..
    فيا صاحبي لا تغيب ولا تنتظر في آن،..


    Quote: بالتراحم بيتك منعرش
    والقلب لافَاح الدروب
    يا صاحبي، وين ما تمش
    ننزل معاك باطن الصور
    والعين تطش
    يتمولص القلب الزمان
    ودميرتو من حُرَقَك تتش



    ..
                   |Articles |News |مقالات |بيانات

12-11-2005, 09:17 AM

عبدالماجد فرح يوسف
<aعبدالماجد فرح يوسف
تاريخ التسجيل: 06-05-2004
مجموع المشاركات: 1178

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)
                   |Articles |News |مقالات |بيانات

12-11-2005, 09:48 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: عبدالماجد فرح يوسف)

    ..


    يا عبد الماجد صاحبي،...
    يا صديقي العزيز ويا صديقي في الغار،..
    ياخي إنت مدخور لحاجات كتيرة، ونفعك ما واقف علي دي، يعني دي لا بتجدعك ولا بتركزك، قطعة نثرية جميلة،..
    ولكنها ليست بالشعر النثري، وحاول أن تتفادى نظام البايونري في خلق الصورة أو مقلوبات الصور ما وسعتك الحيلة، لأنها فكرة تصلح للمسرح الاجتماعي وليس للقصيدة النثرية، فقد تُجوزت كمفاهيم جمالية في الكتابة،...
    انظر..
    حين يشتعل الثلج..... الصورة (الثلج ماء) مقلوب الصورة (الثلج يشتعل)،...
    حين تنبت الأشواك وروداً... الصورة (الأشواك ليست الورود) مقلوب الصورة (الأشواك هي الورود)،..
    وكل القطعة أنت بنيتها بهذه الطريقة
    الموكب = مقلوبه الفرد...
    الطفل بسرير= مقلوبه طفل آخر بدون سرير..
    وتتغير اللغة بعض الشيء قرب الخاتمة، لتحاول صنع صور أخرى،
    وتعود في القطعة الثانية لترجع لنفس النقطة الأولى،..
    الهلال= في عتمة النهار،..
    ثم تكون النهاية للقطعة أفضل من صدرها بكثير،...

    وتحياتي يا عزيز، لو لم تكن هناك كتابة ولم تكن صديقاً رائعاً، لما كتبت لك بهذا الوضوح، فالأسهل علي هو أن أكتب لك سطر مديح غامض،..
    وكن بخير يا صديقي في الغار


    ...
                   |Articles |News |مقالات |بيانات

17-11-2005, 03:51 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)


    ..

    في الكتب تعاملوا مع حياتكم كقصة حقيقية، وفي الواقع كقصة خيالية...
    ليه؟ للاندماج أكثر مع الجمال، لدرجة استلافه لتشجير الروح، ولتفادي ألم اليومي، وكونه يجرح


    ..
                   |Articles |News |مقالات |بيانات

17-11-2005, 05:40 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..


    إزيك يا عبد الماجد صاحبي، وماك طيّب،..
    لقد حاولت تثبيت هذا الكلام في بوستك ولكني فشلت في ذلك، الشيء دا أرشيف وألا الحكاية شنو ما عارف،..

    (عارف يا صاحبي فرح، أنا لامن كتبت كلامي داك، ما كان شفت و-يمين قلب- غير المقطعين في البداية، يمين قلب مطبوق، وافتكرت إنو الباقي مداخلات وردود من أحبابك وأصحابك في المكان، كنت مستعجل وما حبيت أفوت من دون كلام، فياخي دي كل الفكرة والله، الدنيا تاريها عامرة وأنا ما جايب خبر، فياخي سامح وكن الأكثر تمهلاً في الجمال مني)،..

    وكن بخير أبداً بخير، ومحبتي لك يا عزيز

    إنت عارف؟ أنا مزحوم زحمة شديدة، وبقيت أشوت الحاجات ضفاري، التلفون في يدي وأفتّش ليهو، والقلم في الجيب تهبشو يدّك وتركيزك يجليهو،..

    اتكلمت مع أخينا "نزار الشريف" في المغرب، لقيت إني أنا كنت قاصدو هو في القصة بالفعل، لأنو حقاً اتقابلنا واتحاومنا مع بعض، بس كمان سيد القصة الأصلي، المتزوج والتاجر، والمشيت معاهو البيت، طلع هو "أمير عمرابي"، فعفواً، لكم جميعاً، وسامحوني كلكم في الخرف المبكّر دا،...
    وأنا حريص جداً ما أعمل حاجة خاطئة بالقصد، لأنها دي ببساطة فكرة الإنسان إجمالاً، الممكن يخطئ وينسى ويخلط وما ينتبه، ولأنو الإنسان لو أخطأ بالعمد وعن قصد، بفارق الإنسانية فوراً، والبغلط بالتوهم والنسيان عليهو يعتذر بشجاعة، ودا اعتذار مني ليكم كلكم، وربنا يسامحني ويزيد فضلكم،...


    ..
                   |Articles |News |مقالات |بيانات

17-11-2005, 12:18 PM

عبدالماجد فرح يوسف
<aعبدالماجد فرح يوسف
تاريخ التسجيل: 06-05-2004
مجموع المشاركات: 1178

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الزول الزوين أخونا السمح بالجد محســـن
    أقول ليك حاجة؟ ياخي إنت اغلط وأنسى زي ما عايز , ياخي إنت الفيتو ذاتو.
    تعرف يامحســـن أنا لمــا قريت تعليقك علي الخواطر بتاعتي كنت عايز أوريك إنو صاحبك ممكن يكون عوير وإني مسكون بي حاجات كتيرة بس أطلعها من حلقومي كيف دي المشكلة.
    والله يامحسن بكري أبوبكر راجل مو هين, يعني بعد ما انقطعنا من العربي أكثر من عشرة سنوات بالتمام والكمال, لاكتابة ولاقراية, رجعنا ليهو تاني وبقينا نفتش لي سنة 1993 (يوم ما اتخارجنا من بلد اللاقارات والمسمنات والحرشة والللات الزي خبز الدار) , لكن العافية درجات وأكيد الخط حايفتح.
    إنت قايل نفسك خرفت براك؟, كلنا خرفناوربك يستر مانجوطها أكثر من كده.
    عزيزي شكرا جدا جدا علي تعليقك الفوق ده وربنا يخليك يا الزين.

    مودتي
                   |Articles |News |مقالات |بيانات

20-11-2005, 02:22 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    لاباس آسي محسن سمح لينا غبرنا عليك بالزاف
    البحث عن الخبز ومرقد عنزة ينسيك حتى اسمك
    يا سيدي اخيرا لميت في عبد الواحد كمبال ودا ّآخر تليفون لقيتو عنده فحصلوا قبل ما يضيع منه تاني (0021269680949)
    انا اتابع منابرك جميعا ولكن لا اعلق لانه من وجهة نظري ان تعيش في الظل يجعلك تملك اكبر قدر من المتعة فان تتسيد المائدة فيه شئ من الارهاق احيانا لذا بشئ من الخجل سوف اعلق مرة مرة كدة
    لك كل الود
                   |Articles |News |مقالات |بيانات

23-11-2005, 02:38 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..


    عبد الماجد فرح يوسف،..
    أمانة ما إزيك وأمانة ما مشتاقين،..
    كلامك دا ينشل الزول من وين وين في القاع، أحياناً بجيني إحساس إنو أنا شخص غول، ومرّات لا، أكون أرقّ من نسمة، وهذه كلها تباشير الخرف، والانسهاك المبكّر للحس والذاكرة وحتى العقل، من هنا تتوالد الجوطة،...
    ومعك حق، الكتابة تحتاج لاشتغال يومي، ربما، كي تتحقق، وكلنا بنجابد فيها مجابدة، وأحياناً الناس لا تُحب الصور المتقنة فيها، وقد تميل للصور المباشرة وترى فيها جمالاً تقريراً فاتن الوصول،..
    لتكن بخير، ومادمت قد قرأت هناك، فأنت أدرى بشعاب أقاليم تيموليلت مني، هناك حيث حيث ذاك المطر الرحيم، والجمال المنتشر بكل لون،..
    وكتّر خير بكري، فينا جميعاً، الخلانا نتعارف، وأنت بحق ممن ينشرح لهم صدري،..
    فكن بخير أبداً بخير،..

    طارق جبريل،..
    تحياتي لك يا حبيب،..
    واشنو قد تدير آدروك؟ آخر انبساطة في سماء المحبّات كلها،..
    وشكراً يا رجل على تعبك معاي، وأريتنا نتشاوف، قريب،..
    ما قدرت أدخل ذلك اليوم، بالرغم من رؤيتي لاسمك، لأنّ جهازي متجنن وما يزال، أنا هسع بشوف المداخلات واحدة واحدة، وبطلب من سيادتو مشاركات في شكل مستقيم ورافض يستجيب، طبعاً بضيّع زمنك وبخليك تحرد بسرعة،..
    بأي حال لك التحايا والشكر، وبحاول أحصّلو وأحصّلك، ولو تتخيل مجرّد ما اتصلت علي نزار الشريف سلّم علي بالاسم، ولساهو متذكر صوتي، شايف الشباب؟
    يلا آسيدي في رعيتو،..
    وبنبقه نتناضم،..


    ..
                   |Articles |News |مقالات |بيانات

23-11-2005, 03:53 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن العزيز تحياتى

    اؤمن تماما بان الذين يجلسون على ضفاف الانهار يستمتعون بمياهها اضغاف الذين

    يغرقون فيها...فلذا استمتع ثماما بالجلوس على ضفافك الوثيرة لاستاف من ارج

    شكوين نفسك ونفسك.

    امر يوميا على هذا البستان اتفيا ظلاله اتوسد حرفه وجرفه ميقنا ان الكلام الجميل

    لايستحم الا فى مياه الموضوعية ولايستظل الا بدوحة العقل وهذا ينطبق هنا تماما

    ولكم تحدثنى نفسى الامارة ان اكتب مثنيا على هذه الموهبة شاكرا المتعة التى

    يمنحنا يراغك الرشيق وتجدنى اصفق دون ان انبث ببنت اى شىء،واعلم ان لاشى يبعث

    على الملل فى تلك الصفحات غير حروفى العرجاء تلك ولكن لا اظنها عاجزة الكلية

    عن توصيل اعجابنا بما تكتب..فاقبل تشكراتنا وعميق ودنا وكفى.

    رعاك الله من نسمة لطيفة(ليس كلطائفك فى بوست اصلاح الكتابة فى المنبر) والذى

    نتابعه بعينى صقر وتحنان تتفل..دمت،،،،
                   |Articles |News |مقالات |بيانات

23-11-2005, 04:35 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: صديق الموج)

    ..


    صديق الموج،..
    والله لو تصدّق القلوب عند بعضيها، الراجل الحلو بالحيل،..
    هسع إنت حلاتك دي وروحك المليانة إنسان وجمال من أولها لآخرها دي، كان قسّموها علي خلوق الدنيا دي كلها ما بتطعّمن وتشربتن،..
    ودا كلام جد، أنا واقف عندك مطولاً وفاتناً منذ زمن، بس داير لي فيك فرقة بوست كدا، وأجيك مطفّر بالكلام السمح دا، إلا دائماً سابقني علي السماحة،..
    ولا زينة لهذا المكان إلا بحرفك وحروف الصحب هنا،..
    وأنا ذاتي داخرك لكتبة، الأيام دي الدنيا عاضاني في الرقبة، وهسّع مساهر عشان ما يتلفت كلام الناس السمح دا وأنا مافي،..
    إنت داير ليك جيّة بالدرب، وبنتشاوف إن بقينا حيين،..


    ..
                   |Articles |News |مقالات |بيانات

26-11-2005, 07:03 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    صباحك نادي يا شيخ محسن (شيخ روائع اللغة)
    يبدو انه هاتفي النقال تآمر على هو الآخر بعد ّأن تآمرت علينا الغربة لقد انهكت كلماتك العذبة بطارية الموبايل لذا لم تقو على الاستمرار وفضلت الانتحار ونحرتني معها لذا تجدني في قمة الأسف لانقطاع المكالمة.
    تكلمت مع كمبال اليوم وذكر لي فعلا انه وجد اتصال منك فلعن النبيذ والنوم معا وهو يبدو اسفه لذلك
    قريبا سوف ارسل لك غلاف تيموليلت بعد ان اضع عليه اللمسات الاخيرة
    لك كل الود
                   |Articles |News |مقالات |بيانات

27-11-2005, 10:28 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..



    طارق جبريل،..
    إزيك يا زول حلو،..
    تحياتي يا جميل، لقد تهاتفنا إذن؟ ما تبقى هو المشاوفة، خليك صاحي ومتوقّع أي كوكيوة باب تستولدني أمامك كجني المصباح، فكن بخير،..
    الأخ كمبال عدتُ وهاتفته وتحادثنا طويلاً -مشرقاً ومغرباً،..
    غلاف تيموليلت داير منك شفتنة كبيرة، لأنو مسابقتو وسعت جداً، محمد حارب ودا خليجي، ونونة تانية فلسطينية، وتشكيلية سودانية اسمها سناء إدريس عملت لوحة الغلاف، والتشكيلي ناصر بخيت، بالإضافة لشفوت كبار زي "علي الجاك" المخرج الفني بالمجمع الثقافي، و"الشائب" المخرج الفني بدار المؤسسة العربية، يعني طلّع كل جنك، والريشة السنينة تكسب،..
    وبالمناسبة دي جاييكم فصل من حلاتها تيموليلت هسّع دي،...



    ...
                   |Articles |News |مقالات |بيانات

27-11-2005, 10:48 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..


    تيموليلت ... يتسلسل






    "المحطة ظلال"





    عصفور عادي، يقفز إلى الفضاء من ذلك الغصن فوق الشجرة،..
    هو لم يقفز في الفضاء، بل قفز في استعمال يومه. الآن هو يستعمل يوماً طازجاً وبروح طازجة. تماماً مثل الرجل المضغوط بروتين حياته وبظروف عمله، يأخذ إجازة ويذهب إلى بحيرة بعيدة، يشم المكان بخلجات وروده وضَوْع أنحائه ويتمسرح كمادة أصيلة من ديكور خشبته، يخلع ثيابه، خدر جسمه السابق، وكلّ ما يرتديه من معرقلات وروتين قطعة قطعة، ثم يقفز في إجازته، يقفز في إجازته وليس في البحيرة.
    وكذلك المرأة الباهية، ومشتَغَلٌ عليها، المصوبنة ومعطّرة حتى باطن عينيها والفؤدين، من بوسعها أن تحشي سندوتش ليلٍ كامل، ونزع وحشية فارطة عن مجمل تفاصيل غابتها وجوعها عبر مكاتبة،..
    تقفز تلك المرأة في استعمال ليلها، وكحال كل الأشياء التي تعمل لكونها وجدت نفسها بداخل مهمَّة وقدر، تعمل وتدور،...
    وكيفاش حال الصحيحة؟ والدراري...
    يا زول كيفها صحّتك؟ وكيفنّو حال الوليدات،..
    هكذا الأسئلة، تؤسِّس على الدوام لحقبة قادمة من هَرْش الجلد تمحّناً فحسب،..
    المرأة التي بوسعها حشو سندوتش ليلٍ كامل، الخارجة لقفز حواجز الليل، في رهان نساءٍ أخريات، على خمسين درهم مغربي لا غير،....
    ورجال وسوّاح دبغون، عائر ليهم ذب في روسينهم،...
    من استحالت نوافيخهم لمجرّد دباشك في آخر رشاشات المني،..
    وطاخ طاخ، يكوركوا العوين في كل اتجاه من دون والدين، وبوسط ملاجئ من برد الليل وريحة البارود في العطن، ومن كرتة المطاعم ونفايات الهدوم، تُعلَف وتُكسى –تلك الملاجئ- في مبادرة حنان غير مكلّفة،..
    آلزوينة ما نشفكش؟
    وإيش بغيتِ إنتِ يا؟
    واشنو بغيت، زعمه نهدرو وبروحك تقولي ليا...
    ثم يضحكان خارج حدود المجتمع، داخل حدود بعض، في محاولة جديدة لترسيم حدود عذراء وبِكْرَة،...
    فتبدأ المكاتبة بالعيش والذل ومُضي الحياة بأي حال،..
    ويا دَرَبكّة بنات السماح في الدم، وسواقي القلب مربوبة حليب،..
    شوارع من خُطا مُذَهَّبَة، خَطْ.. خَطْ من دم الرجال، وتك تك تك مموسقة، من كعب عالي البنات، أورغ، أكورديون، أو فلوت رخيم الحنان،..
    كيف يعود الرجال هنا إلى بيوتهم مرة ثانية، أسأل صديقي كريم، فيضحك ويدفعني بعيداً،..
    واشنو بغيتنا ندير آلسي خالد؟
    تمشوا ساي وتمشوا وتمشوا وراء الجمال دا، إلى أن تسبقوا الجنّة بميل،...
    هنا جمال! آآآخ، كل رجل يخرج إلى الشارع فهو مفقود،...
    وحتى إن عاد، واستلمته زوجته لدى المغارب فهو في أكفان المفقودين،..
    يا الله خالق هذه الشوارع، يا ليتك خلقتني مساماً للبيوت، بدل هذا المفقود،...
    أنا المفقود كلّه والفقد بتمامه،...
    يتلخم من دَقَّات القلب ضُلّي
    يبرالو زول تاني
    مَرّ من جنبي

    من مدى لمدى، ندخل الحياة، ومن لدى حواف العمر نعبر دون أن تتبعنا ظلالنا،..
    الذي يعبر منّا هو ما لم يكن، والظلال التي كانت تبقى،..
    وشَلْ شَلْ كُب لي جالون،..
    ولا لا لا أنا ما بدّيك،...
    وشل شل المحطة قريب
    ولا لا لا المحطّة هديك،..
    المحطة ظلال،..
    في مجمّع "الرازي" فخر الدين، ما يحوي كلية الطب والصيدلة والحاسوب، وما كان يُسمّى سالفاً بمُجمّع الإعدادية، أمر ليلاً من هناك، وأرطال من لبن الشجر في رأسي، مخلياني أشوف الناس تمشي وتجيء في حالها، وأنا أمشي وأتتعتع في حالي،...
    رائحة شجر الحناء، طاغية وعجاجة شجر متسابق، متشاعلة قُرب منتصف الليل نَدْ، والليل رااائق خد صبيّة،..
    شارفتُ في مشيي آخر مبني يطل على الظلام الخاتم للمشهد، من هنا وأدخل "اللُّقُد"، الشجر الحرشي الذي يفترع المسافة من آخر الجامعة وحتى أوّل حي عووضة، لا أدري وأنا بعمق ذلك الهدوء وتلك الخصوصية كيف لمحت ظلين يرتميان خارج تلتوار المبنى، كانت ظلالاً كبيرة تتقاطع وتتداخل في حركة مضطربة، لم يكن بوسعي رؤية الشخصين، إذ يغطيهما الجدار، وأنا أسير بزاوية غير مستقيمة مع موضعهما، فقط ظلالهما كانت تمتد عملاقةً إلى أمام المبني، وتقع في حصيلة رؤيتي،...
    الظلال التي ينتجها اقتراب منتصف الليل تكون كبيرة ومتطاولة، ظل الشخص يساوي ظل شخصٍ يحقّق أسطورة عماليق "العنج"، وظل شجيرة الحناء يساوي ظل شجرة اللبخ، وظل عصفور الجنّة يساوي ظل الرخ الخرافي،...
    قُرب منتصف الليل، وقبل انقضاء مواعيد الليتLate Permission هل ترجع حينها أجسام الكائنات إلى حقيقتها، أم تستورد أقنعةً لها من الخارج تناسب تلك المواعيد الفاتحة على "إمكان" الإنسان الخرافي،..
    يلا.. "سير في حالاتك"، كما يقول المغاربة، شاب وشابة، عارفين الله عارفم هنا، يخافان النار بالتأكيد، ويرجوان الجنّة ما من شك، لكن نار الجسد هنا وجنّتو برضك ليها أحكام، الله يعرف غيابهما النائي هذا ولم يكسره، فكن جميلاً كربّك وسير في حالاتك، كنتُ بوسط الأشجار وفي القطاع المظلم من ذلك الواقع المخروطي،..
    وأنا أُشارف لحظة أن أعبر، تنهض المواعيد الثانية والغائبة، الغائبة في مكانٍ أبعد من الجامعة، وأبعد من الدنيا كلها، تنهض الفتاة وتتمطى تحجّجاً كي تلاحظ الطريق من بين كوعيها المرفوعين بشكل مائل، ومن فوق علو تلّة الحليب، التي تنفر إلى أمامها كثيراً، مع حركة فَتْل الساعدين ودفعهما إلى الأمام بقوة،..
    يطفّر نداء:
    أبوا لَيْ بي.. أبوا لَيْ بي.. يا اللبن،..
    أهلو في العُشَرَة
    نسيرلوا في المطره
    ندهوا لي الصُلّاح ولمّوا لي الفقراء
    أبوا لَيْ بي.. أبوا لَيْ بي.. يا اللبن،..

    ولكن.. هذا ما لم يأتِ به نردك، شوف حظك نزيل ياتو طاولة، لا بُدّ أنّ في صحبتها ولد طب، ربما صيدلة، أو حاسوب، وسيم، أطول من قِصَرك بكثير، ومعه مستقبل، وفوق ذلك أمه د. فلانة وأبوه د. فلان، مجتهد وبستحمّ كل يوم، ولد خرطوم متمكيج أكتر من أي عروس يسيرون إليها في ناحيتكم، تنتظره السيارة دائماً لدى الباب، إذا ما فرغ الأستاذ الخصوصي من دروسه،..
    قاه قاه قاه، كج كج كج،...
    أتوضأ حنانك يا عربي المسيكتاب المبشتن، وغيب، أو وجّه صلاتك حيث طريق القبلة يسلكه الحجّاج وليس تُجّار الحرير،..
    وبين أغيب وبين تغيب ذكرى، يطفّح قَدَر زي دولفين، ينفخ الملح من شدقيه، ويضرب بطن اللجّة من جديد، رأسي اصطفّ مجراتٍ من التساؤل، فقد خرجتْ فتاة أخرى، لتتمَطَّى معها، أو كما يقول الخليجيون: شو السالفة؟
    يعني الظلال التي كانت تعبث بظلال، ما هي إلا انعكاس الذات في بئرها، إيييك... وألا كيف يا بنقو؟
    لم يكن بوسعهما أن ترياني، لذا عادتا بعد تمطّي الاستطلاع ذلك، فيما يشبه نفض الجسم من خدر المذاكرة، لأجل نشاط مذاكرة ثانية، ثم عادت الظلال لتتداخل وتتقاطع في مكانها النائي والمنعزل من جديد، بما يرصد عفريتة لصورة حياة غامضة، ستتحمّض غداً وسط الزملاء والزميلات صوراً مختلفة وواضحة من نواحٍ أخرى،..
    هنا مقلوب للسينما البشرية، فالسينما الآلية تدفع بظلالٍ تتخلّق إثرها الحياة على بقعة وسط حشود، صياح، جمهرة، ظلال السينما تنتج الحياة والصور في بقعة منبريّة تتقاطع وتتداخل أمام الجماهير ناسجةً للقُبَل والحنان،..
    ولكنني كنتُ المتفرّج الوحيد، كحال كل شخص من الوجود، أيمّا شخص في الوجود هو متفرّج وحيد على الوجود من خلال عمره كله، وحين يُدفن الشخص تُدفن معه "فُرجة" لا يمكن أن تسعها شاشة عرض، ولا تكفي أي كمية من العمر ولا قدرات من اللغة أو الرسم، لروايتها أو حكيها لفرد مهما بلغ قُرْبَه،..
    ولذلك أنا لا أتعامل مع اللغة إلا بوصفها نوعاً من أنواع التاريخ المُمَارس. أما بوصفها مُسْتَكْشِفَاً ونبوءات، فذلك ما أنا ناذرٌ عمري له،...
    هنا إذن مسرح عرائس في وضعه الصحيح، أنا أرى حركة أصابع المسرحي المدرَّبة في العَلَن، الأرنب يشاكس البطّة، يطوّح برأسه الذئب ويتحرّك الثعلب بمكر، بينما المسرحي هناك –في العماء- متعته سريّة وغامضة، ومختبئة معه، ومع أوراق النص،...
    ويوم قامن القطرين... الليلة يا حليلو..
    وخشّن علي الجبلين.... حبيبي يا حليلو...
    يا كوستي والجبلين.... الليلة يا حليلو..
    وأنا ليلي انطبق ليلين... حبيبي يا حليلو،...
    قطر الخميس الفات، الليلة يا حليلو
    الفرّق الأحباب، حبيبي يا حليلو

    "حبيبي –دَوْري، يا حليلو" أنا في عرض دورٍ عاطل وعلى مقعد خائب، بينما آخرون يخدمون الما خدمتن ولا نصيبهم، ريحة الحناء، عجاجة شجر متسابق نص الليل، وريحتي سَكَر سَكَر، لبن الشجر عاد إلى ضروعه، وقطيعه، ليتسابق أكثر، في رأس منتصف الليل، ذاك رأسٌ للوحي،..
    يستطيل الظل الأطول وينعرج، على الأقصر منه قليلاً ويلتف عليه، يقضمه،..
    لم أكن أراهما، فقط الظلال، أندروس الأنثى فائراً في ماء الأنثى،...
    لقد استعارني حزن، من ذلك النوع الذي ينكت القلب بخنجر، كأنَّ تتذكر خيانة حبيب لك، أو فقدك له، موت صديق غالٍ، غياب أحد الوالدين، "الخريف شيءٌ لا يُرى"، لذا تذكرتُ مقطع الرجل الذي استطاع أن يرى الخريف ميّتاً ومصوَّحاً في البحر، الخريف غريقاً ويتلاعب به زبدُ المحيط، الخريف الشيء المعنوي، والوصفة الغامضة لتحديد الفصول الأعلى منه في مراتب الغموض، ورؤية الشمس -الفتاة، تنفض وحل رجليها لدى المدخل وتغيب في منزلها البعيد والغارق:
    أرى الخريف نافقاً في زبد البحر
    بأوراقه ونوّار الشجر
    والشمس تمسح خُطاها على مصطبة الغروب

    هكذا حشرتُ نفسي في لقطة فوتوغراف مع امرأة ما عدتُ أذكر منها.. سوى أنني ما نسيتها، ولم يعد يجمعني بها إلا هذا الفوتوغراف،...
    بظلال الفتاتين، وهي تتقاطع وتضطرب وتتحاضن، بينما رائحة شجر الحناء عجاجة شجر متسابق منتصف الليل، رأيتُ الخريف من جديد بجثته المخضوضة في الماء والملح، ولا أدري في أي نوعٍ من أنواع الفوتوغراف ستتحمّض صورتي هذه المرّة!
    آآآه و"الخريف شيءٌ لا يُرى" أنا رجل راديو تتقاطع موجاتي في أوهام وتفاهات ما كان يُعرف سابقاً بالأثير، الفكرة المضحكة قبل تطور الفيزياء، بل لنقل تتقاطع في روح الوجود، الوجود كائن منفصل عن كينونتنا وله روح مثلنا،..
    كادت رجلي أن تنزلق من على السلّم، انتبهتُ لظلال تيموليلت من تحتي وهي تتقاطع وتتماوج مع ظلال سيمو، الأباجورة الصغيرة لم تكن كافية بالنسبة لي، مع ضعف بصري وكل تلك الفناطيز من لبن الشجر في رأسي،...
    ترجّلتُ عن السلّم، تطوُّر الأحداث من هنا ليس بقضيتي، أو قضية يمكن متابعتها حتى النهاية من أي فيلم بورنوغرافي تمّ تصويره بمراعاة كافّة زوايا الظلال وهي تتقاطع وتندغم وتتماهى،..
    الجسد لا يعنيني، المهم هو نهر الحنان الذي يركض في غير مجراه هذا،...
    منذ نهار القصب البعيد ذلك، ونهنهة الإنسان بوسط الظهيرة والقيظ، مروراً بظلال فتاتين جامعيتين، قُرب منتصف الليل، وحتى المساكنة الرسمية بين إيتل عدنان وسيمون، وبين تيموليلت وسميرة،...
    أو بالإجمال فكرة الكائن حينما يطلب حقّ لجوء لدى كائن آخر من تركيبته وجنسه، أهو رُعب النوع من النوع الموازي له، أم مجرّد عادة الكائن في تقبّل صورته التي ألِفها؟
    وهذا التصوّر يمكن النظر إليه بحياد، من جانب أنَّ كل طرق الحياة لا يمضي فيها الإنسان إلا حسب التشويه الذي ألمَّ به.
    أُعيد السلّم إلى مكانه، إلى القبو، ومن فرط الإعياء أعود وأتمدّد على الأريكة،..
    لأسمع الديكة تستبشر بالصباح، من سقوف منازل بعيدة، ومن حارات خُصِّصت بكاملها للحمام، وطيور عابرة تزعق ثم يبتلعها الغبش المعلّق بين خواتيم الليل، وقريباً من فِرْك فِرْك كي تطير فُلّة يوم جديد،..
    أشعر بنفسي تنسحب عميقاً، في البرزخ الطامي والموحل، تحت وطأة خدر الشراب، والتعب البدني، تعب الأفكار والرأس الذي يخدم دون توقّف كما الشمس، إما أن يخدم في هذه الناحية من الأرض، وإما أن يتركها تنام قليلاً بينما هو يذهب ليضيء دنيا شعوب أخرى،..
    أدخل في وساوس وصور ما قبل الغرق الكلي في النوم، تلك الهنيهة التي تتكرّر يومياً، وبرغم ذلك تظل لحظة مبهمة وغامضة وغير مكتشفة بالنسبة لنا، لحظة انسراقك من وجود صاحٍ لوجود نائم، حين تتداخل الأصوات في رأسك وتتقاطع وتتشوّش مثل سماء بعيدة يصطرع فيها النجم والغيم، تتقاطع مع أماكن إدراك بعيدة مطمورة بداخلك، وتَصِرُّ بوضوح صريراً متنقلاً، ثم تتشوّش مرة ثانية كما الإذاعات بدماغ الراديو الخَرِب أواخر الليل والنعاس، أسمع صوت أصدقائي من ماضٍ سحيق ومن مدارس بعيدة ومقفرة،..
    يا محسن، يا دين، ما تباصي الكورة معاك لعادل يا "أناني"، إلا تجيب خمسين قون براك يعني،..
    ويخزُّ جسدي وينتفض بعدما ينوف عن العشرين عاماً، من اليد التي أيقظتني بين الفجر وانقشاعه: قوم يا ولد، أمّك ماتت الله يرحمها، أجري لفضل الكريم جيب الحاجات عشان يبرّدوها،..
    شعوري بسقوط القيمة دفعة واحدة، وأنا بصدد يوم جديد، خروجي لتتلقفني النساء بالعويل ولأعوم ويجدّف ساعداي بين أضلعٍ وأحضان من تُرَع الدمع، رؤيتك للكفن يُسحب من الدولاب كالطبنجة، خطاك الطائشة بجانب بص ترحيلها والجسمان بوسطه ينتظر غيابه التام، الغطاء الأبيض تهفهف به الريح، وتتكرّر العبارة: الغطاء الأبيض تهفهف به الريح، تتكرّر بشكل أبدي حتى يحلّ الشِّعْر بكل أحزانه النزيهة والطاهرة لأجل كائن سامٍ، ويُطرد ذلك الحزن الرخيص والشحّاذ كله، أو يُترك حتى يجفّ على أحضان نسائه السطحيات، من يبكين دابّةً نفقت، وليس أمي، فقد ماتت ابنة الموفَد كأفتن ما يكون، وبباقي ضحكتها تملأ غمازتي خدّيها، ولدى أجمل طقس يمكن أن يتوفّر في السودان، المرأة المتدينة، الواثقة طوفان وحلوة جنّية، من خبأتْ أكفانها بدولابها لمدى سنواتٍ سبع، وأنت تضحك من هذا التخزين للموت وهذه الملاطفة والصحوبية، ولطالما قلت إنها امرأة كما البحر، لا تحصدها الرياح،..
    خناجر ما قبل النوم كلها تنقلب إلى قطيع جائعٍ وضارٍ، وأنت أخضر يترامى في المدى وينزلق نحو بلاد الماروتيين البعيدة، "ليميريا"، بلادك الحقّة والمخبأة في دولابك الخاص، لكم هو مؤلم هذا الانزلاق المتدرّج نهنهة فنهنهة، للكائن المستوحد في طمي المنام، بصيرة تغزو بصيرة، وأقدار تعري أقدار، مصائر تركبُ ظهور مصائر، باصي الكورة يا أناني، وصوت فضل الكريم يهمهم: لا حول ولا قوّة إلا بالله، أو فرح مبتور، محسن خالد الفائز الأول في القصة على نطاق ولاية الجزيرة، الثاني في الشعر، كاظم الزعيم الفائز الأول في الشعر، ولا يكتب القصة، ويُستبعدان في الخرطوم لمجرّد أنهما يتابعان الشيوعيين، وعلى طول انغلاق جفن على جفن، ترتقي سُلّم الحسد الشرس والدامي من بيروت ودمشق والقاهرة وعواصم المغاربة وعواصم الخليج إجمالاً، مبتعداً نحو قرارة نومٍ وحيد وطامٍ، وتَبْرَعُ عيناك في الحفر والحياكة، عيناك دودتان في تطاريز اللحد،..

    لكِ ناذراً أيامي كالمنام
    لا أحلُمُ بل تجازف رغبتي
    في نوم خبأتُه عن تَيَقُّظٍ وعن منام
    بعيداً تنفيك عن المنام منافٍ كالمنام





    ...

    (عدل بواسطة محسن خالد on 27-11-2005, 02:00 PM)

                   |Articles |News |مقالات |بيانات

28-11-2005, 02:37 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8609

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    لكِ ناذراً أيامي كالمنام
    لا أحلُمُ بل تجازف رغبتي
    في نوم خبأتُه عن تَيَقُّظٍ وعن منام
    بعيداً تنفيك عن المنام منافٍ كالمنام

    إنت عارف يا محسن مافي زول بقدر يعيش اكتر من عمرو، لكن وين نلقي عمرنا القصير دا عشان نعيشو.
    لك الحب
    الصادق
                   |Articles |News |مقالات |بيانات

28-11-2005, 07:20 PM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    صديق الموج حرَّك بحرك!!!
    بركاتك يا حسن ود حسونة
                   |Articles |News |مقالات |بيانات

29-11-2005, 04:30 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    سلامات شيخ المبدعين الجدد
    خانتني اناملي للرد عليك وان كنت استمتع اكثر بتسلسلك الجميل فاستحلفك بالله أن تواصل.
    يا سيدي الفاضل أنا منسحب من الغلاف من الآن ورحم الله امرئ عرف قدر نفسه من ذكرتهم هم فطاحلة وتشكيليين حقيقيين وما أنا الا مصمم غرافيكي اتيت من البيطرة وانا نفسي لم اجد رابط بين المهنتين ولكن على وزن اضعف الايمان فلنا اجر المحاولة وان لم نصب
    لك مودتي الاكيدة
                   |Articles |News |مقالات |بيانات

30-11-2005, 04:29 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..


    الصادق إسماعيل،..
    قلنا مشتاقين،..
    صحيح يا صاحبي؟ العمر ما درزينة سنين، ولا تلّة أيام، يمكن لمحة بس من عيون حبيبتك تشوفها أو تعانقها فيها، تبلغّك الثمانين عاماً، أو شبع العمر
    مرَّات مدى البوسة بس يشوتك في سيرة ذاتية لديناصور،..
    ربنا يدّيك يا صاحبي زمن نوعي وبهجوي،..
    ويمكّنك من عمرك القصير دا بإنك تمسكو من حيث يصبح بوسعك رميه في الصراع
    كن بخير، أبداً

    محمد السر،..
    ود الموج دا لاحق، ودربو تتونّس فيهو قلوب الصالحين
    كان جانا تاني بنمرق كتاب القصة دي،..
    أبقه بخير، يا صديقي في الغار..

    طارق جبريل،..
    إزيك يا أحلى زول بناضمنا من بلد حلاتها تيموليلت،..
    ياخي بنَّادي في الهظار نحن، عشان دائماً تتحاوم معانا بهنا، وإنت زول فنّان في روحك دي خليها يدك، اليد دي ما مأمورة ساي،..
    عارف؟ أختنا هميمة محامية، ومطالبه شيخ المبدعين دا ذاتو باللايسنس، في بوست إصلاح الكتابة، عشان أنا بتاع اقتصاد، شايف؟ أهو شيخ المبدعين بعذرك الفوق دا بيطلع شيخ الجربنديين، يعني تيموليلت إخير ليها الجربنديين زيها ديل، ما من صلة بين أرواحنا ودراستنا الرسمية، ما من صلة بين ما أعطانا له -الله- باني الوجود ومعلمه الأكبر، وبين ما يُعطينا له –البروفات- بناة الجامعة ومعلميها الكبار، فواصل في درب الطوب الجاك من السماء دا وابني طوالي، أنا منتظرك،..
    وكن بخير، أبداً بخير،..


    ..
                   |Articles |News |مقالات |بيانات

01-12-2005, 07:47 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..





    بين يدي التي أخذت، وبين قلبي الذي طَعِم،..
    ضاع محبون كثيرون، وضاعت مني أشياء لم تُبرِق بلمحة فراق فيما مضى،..
    بين يوم ويوم تتآكل، مبتنى ومعانٍ،..

    ياخي بس يا نور، كيف نجيك وألا تجينا؟
    وضحكتك، بكل نشاط التلفونات علي الأرض: "ياخي خليك هناك، بس كمان خليك فاكرنا"،..
    كيف بس، تعبت أتذكركم ذاتو، ما تخليك جدعة، وتتلِّبي بالنعمة في بطن السرير،..
    "أهو دا الشاغلك؟ غايتو!"،..
    لا يا عجيبة، الشاغلني كتير، بس أنا بديت من آخر حاجة شاغلاني وبعرف أعبِّر عنها،..
    "أهو كدا، طمع في طمع، كنت فاكره إني عزيزة عندك، ومشتاق لي، مش مشتهيني"،..
    لا حولالا إنت غايتو بتقصدوا للزول كترة حاجات هو ما قاصدها، بعدين بصراحة الله كدا، الأجهزة الإنتو بتفرزوا بيها الشوق من الاشتهاء دي، أنا ما عارف بجيبوها من ياتو دكان، بطّلي دلّع بالله وتلِّبي بالنعمة في بطن السرير،..
    فتخف ضحكتها كثيراً، وتتجه نحو بادرة ملاك في التخفُّف وبإزاء فضاء الروح، أحس بشيء لا يُقارن أبداً بأطنان من اللحم ستحلِّق في فضاء السرير، كي تتلب،..

    بطّلوا دلع، وتلّبوا بالنعمة في فضاء الروح وليس السرير،..



    ...
                   |Articles |News |مقالات |بيانات

01-12-2005, 11:23 AM

Waly Eldin Elfakey
<aWaly Eldin Elfakey
تاريخ التسجيل: 27-07-2005
مجموع المشاركات: 2139

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الاح محسن
    مليون سلام
    والف مبروك علي الابداع
    استطعت اخيرا ان افتح الص فحة و افرا الرواية فقط لاني
    خارح السودان لان هذا الامر تعذر علي في السودان
    و حتي سفرة اخري لك كل التحايا ووفقك الله للابداع
    ..........................د. والي
                   |Articles |News |مقالات |بيانات

02-12-2005, 06:10 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Waly Eldin Elfakey)

    ..


    Waly Eldin Elfakey،..
    تحياتي يا عزيز،..
    وكن بخير،..
    وألفين مبروك علي روحك حبيبة الإبداع،..
    بعدين ياخي ما ترجع السودان تاني، محل ممكن تقرأ الدايرو وتسوي الدايرو أقعد فيهو طوالي، وطنك ياهو حريتك، السودان دا حالياً ما بيشبه حتى يكون بلدنا، الله يهديك يا صاحبي، محل بتقرأ تيموليلت دا خليك فيهو،..
    غايتو شوربنا معاك ساي، أعفي لينا،..
    ودا كل محبتنا ليك وللخير عشانك،..

    كن بخير، وبُركت يا صديقنا في الغار،..


    ..
                   |Articles |News |مقالات |بيانات

03-12-2005, 02:13 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..




    ما ما.. ماما... ماااما... أيوة كدا، أنطق، لأني أمك، ولأني انتظرتك سنين،..

    وما هو بمقتبس من سيناريو، بل هو مقطع من وجود لإمرأة بلحمها ودمها،..

    أعلاه، حُلُم، لبنية ليست كبيرة جداً، تهاتفني دائماً، وتُسِرُّ إلي بأمنيتها التي أصبحت تشعر بأنها أخذت تستحيل إلى أحزان،..
    كل ما تقول، أهو أمسك خطيب أو حبيب، مش مهم، المهم يطلع بينفع يكون أب للحُلم بتاعها دا،...
    ويطلع دجّال، طامع، أو كذّاب، أو رايحالو حاجة تانية لقلة الأدب أقرب، وما أبعدها عن الأُبوّة،..
    يا أولاد الناس، البيت –الأسرة- الحب، أشياء تعني الكثير بالنسبة للمرأة، وليست بالمزحة، إن لم تعد تعني لكم شيئاً، فكونوا سفهاء بحق –شجعان وغير مخرّبين ودنيئين- واطلبوا المتعة لدى العاهرات، لو بتوع شوارع بصحيح لاقوا بتوع الشوارع الزيكم، ودعوا الدجل والضعف،..
    لا تعبثوا بأحلام الناس، وبحاجتهم للأمن والهدوء، وحتى بحاجتهم إلى الله..

    صَدَق من قال واصفاً شجاعته: قلبي قلب بت الليل والحرامي والراجل المرخي،..



    ...
                   |Articles |News |مقالات |بيانات

06-12-2005, 09:55 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ...


    بلادك ندفع فيها كدا، خليك موهوم متلنا في اللحظة دي،...
    ندفع فيها عقولنا، ونشتري لي روحنا بلاد تانية من أقرب مصح،..
    بيع يا زول، علي بركة الله، ساليا والفول المدمس، سا سا ساليا والفول المدمس،..
    يا حريف إنت، بينما تركن الدرَّاجة إلى الجدار، وتصيح، تعالي يا بت،..
    تبوّز هي، وتعرفك ما بتشبه شراء ولا بيع، مجرّد طمّاع حايم نص النهار،..
    تحاول هي تحرجك: الكيس بخمسة، تخليك وتتلفت في جيهة عابرين، سا سا ساليا والفول المدمّس،..
    ليشنو بخمسة، تمر شام هو؟ وتخمش إنت من وش الطبق وتجري،..
    هووي، والله أنا أعمل ليك يا بتاع ويا بتاع وو.. وبتشوف بكرة لما يجي أبّكر،..
    يا بالله، تووت توت، تصفّر وتتناول العجلة سدّاري، وتغيب في جيهة محاذية للنهر،..
    عالم بدائي صغير، عالم متدهور الأخلاق،..
    أيوووة، بعد تمشي بعيد:
    يا طيرة، خليك في أبّكر بتاعك دا، جيبيهو وتعالوا ألحقوني عوم،...
    كيفك وإنت ماشي مع حيف الغرق، أنا ما كنت فاهم النقطة دي بوضوح اليوم،..
    ولا كنت فاهم إنو عالمنا استهبالي خالص ومنعدم الضمير،..
    كنت مفتكر إنو ما يمكن مقايضته بحوش التجاني الماحي وبعشر، حاجة تانية ما ممكن تكون الوطن،..
    فاكتشفت أنّك كنت بالغباء الكافي، كي تعتمد على نظريات الناس في تحديد ماهيّة الجنون، والأخلاق زي الغربة كلها ختل في ختل، وحاجات تقع منك بطول درب العمر دون تحس،..
    أنا كنت لا أفهم الضمير، ولا أي فكرة صغيرة في مدى العقل الأخلاقي، بس ما كنت بختف حاجات الناس، كنت مستني أفهم في يوم من الأيام،..
    مش الزول العندو "ضب" في رأسو، لما نجي من الكورة، بشاغل البنات قدامنا كلنا، وبصوت يربك المارة المحترمين، ولما نصل السبيل بيشرب وبطفّق كوز المزيرة بعد يروى،..
    ترجعوا كلكم منو وراء، أنا كنت أقوى منكم وما قاعد أخاف، يدفرني من تحت حنكي، ها شافع إنت عامل فيها بطل يعني،..
    بعد يمشي أقوليكم: الزول دا ما عندو أخلاق بتعريفة، وتقولوا لي ياخي الزول دا عندو "ضب في رأسو ساي"، وأقوليكم دا زول ما عندو ضمير،..
    لأنو كان نفس الزمن الأنا عندي فيهو (تمساح عشاري) عديل في رأسي، وكنت بطفر من رأس النخل في النيل، وأنوم في المقابر بالليل، وأعبر من تحت كباري سكة الحديد أثناء مرور القطر، كتعبير أخلاقي عن الجنون،...
    وتتغالطوا معاي، عشان كدا نسيت إنو كان عندي أصحاب زمان، وهسع ما قادر أعملن،..
    أنا ما كنت حزين علي ناس بلد زي دا في يوم من الأيام، لأني ما حصل شعرت بانتمائي ليهم،..
    أنا عمري ما كان واحشني موت، زي ما اللحظة دي،..
    لحظة إنك تملص بلد وما تعرف تلبسها تاني، وما تطلع أي بلاد غريبة قدر مقاسك وتسترك،..
    أنا ذاتي ما فاهم بحكي في شنو، بس قصة الأخلاق في الزمن دا بقت تشبه الحكاوي، وأهو بنحكي،..



    ...
                   |Articles |News |مقالات |بيانات

13-12-2005, 04:32 AM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    وكان كبرت خطاوي البال
    أكيد الممشي مابكمل
    وكان طعم الزمان القيح
    رافق لي خطاوي الفال
    نضيع في سكة الاحزان
    زي نجمات وسط صحرا
    ولاكان ضهر التعب أنشق
    ولا الايام بتستني


    وماك طالبني حليفة يامحسن للحظة فكرت أسوي كلامك ده ( لحظة إنك تملص بلد وما تعرف تلبسها تاني، ) أقلعا ياخينا وأحوم ساي ساي دي بالمناسبة مابتاعت الصعاليق والناس البفتكروا أنو الهدم لساهو بستر عورة . ده كلام ونضمي ماجايب حقوا يامحسن .
    وحكاية البلاد البتحكي فيها دي طاعمة وماضقناها الا في حروفك دي .
    يامحسن أحكي ولاتقيف .

    خضر
                   |Articles |News |مقالات |بيانات

17-12-2005, 04:05 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: خضر حسين خليل)

    ..

    خضر حسين خليل،..
    يا سيدي سلام ومصدّقك،..
    ودا الحاصل علي الناس دي كلها، البتزوع ببره دي، يسمهن تاني في السترة أم دمورية، ولا حتى كمان أم جينز، يفصلوا بعد دا أبعدا تانية لجسد، أبعاد تانية لبلد،...
    كن بخير أبداً بخير، ومشتاقينك شديد


    ...
                   |Articles |News |مقالات |بيانات

06-12-2005, 11:16 AM

ahmed haneen
<aahmed haneen
تاريخ التسجيل: 19-11-2003
مجموع المشاركات: 7977

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    صديقي المجنون ود خالد

    احبك واحب جنونك اللذيذ دا

    احكي وواصل

    بس اعمل حسابك في شعرة بسيطة بينك
    وبين تركب الطرورة
    وتسوق عربية القصب

    وتباري السكة وتلقط الورق في الشارع

    وفي النهاية لا تلقي بعشر ولا التجاني الماحي
    وينتهي بك الأمر ،، في صينية حركة لافة غلط

    ونحن هنا نبكي حزنا علي مبدع مات غبنا علي وطنه

    عم مساء يا صديقي

    ودمت لنا فنحن نراهن علي ابداعك كثيرا،، وسوف ننتظر
                   |Articles |News |مقالات |بيانات

07-12-2005, 01:48 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: ahmed haneen)

    الرائع محسن خالد
    لا زلت مرابضا تحت بوستك دا ولا اود ان افسد عليك الهام الكتابة لكن للاسف الشديد كان لا ابد ان اخبرك ان والدة الاخ نزار الشريف في رحمة الله وهو سافر الى السودان ولن يعود الا بعد العيد وان توفر لي موبيلو في السودان سوف ارسله لك. الامر حدث بسرعة مزهلة عليها رحمة الله.
    كن جميلا كما عهدناك
                   |Articles |News |مقالات |بيانات

11-12-2005, 05:15 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..




    ahmed haneen،...
    يا زول كيفنّك في البر والبحر،..
    ماك طيّب وبعيد في السلام،..
    وهسّع أنا ما راكب الطرورة؟ يا راجل ويا صاحبي الحلو، هسّع بلدكم المجنونة دي أنا مدينها كتير من نصاحي،..
    والله ضحكتني، ومشتهيك تناغم، أبقه بخير وحلو دائماً،..
    ذاكرك أبداً ما ناسيك،..

    طارق جبريل،..
    إزيك يا صاحبي طارق،..
    يا رجل تحياتي، وتقبّل الله الراحلة في زي النبيين ومصافهم، ونسأله لها السلام والعافية،..
    وأنا منتظرك، لا بد تلقى التلفون وترسلو لي،..
    خليك بخير، وسلّم على من بطرفك،..


    ..
                   |Articles |News |مقالات |بيانات

12-12-2005, 03:33 AM

عبدالغني كرم الله بشير
<aعبدالغني كرم الله بشير
تاريخ التسجيل: 06-12-2005
مجموع المشاركات: 1082

للتواصل معنا

FaceBook
تويتر Twitter
YouTube


جزااااااك الله خير،،،، يا محسن اخوي... (Re: محسن خالد)

    جزاااااااااك الله خير (ما زي بتاعت الجماعه إياهم)، يا خوي محسن، فإنا حديث عهد (بسودانيزاولاين)، ويادوب بديت أقرأ في هذا القطار الطوييييييييل الجميل، عبره محطاته المجهولة، الجرئية، ما عندي حق التذكرة (وحق الفول وحق الحياة ذاتو)، لكن حرم ما بنزل، ولكن بيني وبينك ما شايف لي كمساري في قطركم الطويل ده (دعه يفعل دعه يرسم، دعه يترنح)، والله تاني جزااااا الله خير، كتير ووفير...
    ومعاكم،معاكم....
                   |Articles |News |مقالات |بيانات

12-12-2005, 05:26 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: جزااااااك الله خير،،،، يا محسن اخوي... (Re: عبدالغني كرم الله بشير)

    ...

    عبد الغني كرم الله بشير،..
    يا زول عسل، إنت ذاتك جزاك الله خير، عشان لبيت دعوتي طوالي، وليك مليون ترحاب، وشكلنا موعودين بقلم حلو وطاعم، خليك في مدى المناغمة دائماً،..
    الأيام دي هي ذاتها بت الحلال تيموليلت متخاصمة معاي،..
    والكتابة كلها متجننة،...
    مع إنها حبيبتي علي الدوام، ويوافيها مني أبداً ما ورد في حماسة أبي تمام، عن ذلك الشاعر الذي تصبّحه وتمسيه تلك الحبيبة، باختصار هي صبوحه وقبوقه،..
    أأخرُ شيءٍ أنتِ عندَ كلِّ هجعةٍ.... وأولُّ شيءٍ أنتِ عندَ هُبوبي

    فكن بخير، أبداً بخير،..

    ..
                   |Articles |News |مقالات |بيانات

12-12-2005, 04:44 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8609

للتواصل معنا

FaceBook
تويتر Twitter
YouTube


Re: جزااااااك الله خير،،،، يا محسن اخوي... (Re: محسن خالد)

    محسن
    شكراً على السؤال عن احوالنا
    عارف يا محسن الدنيا دي غريبة مرات تملاك فرح ومرات تكون زهجان وتقعد تفكر وتقول يا ريتني لو بقيت (زوربا)، او هندوسي في اسوأ دورات حياته، (حالماً بدورة أخري يكون فيها على أقل تقدير إله).
    المهم كان معاي صاحبنا أبكر آدم لمدة إسبوع، إستعدنا بعضاً من طعم الأيام القديمة، وتأكدنا أن الأشياء لم تخرج كثيراً عن توقعاتنا ونبؤاتنا.
    المهم ما في غياب، ولكنه حضور آخر حتماً سنحكى عنه يوماً.
    صادق
                   |Articles |News |مقالات |بيانات

13-12-2005, 04:09 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: جزااااااك الله خير،،،، يا محسن اخوي... (Re: الصادق اسماعيل)

    ..


    الصادق إسماعيل،..
    يا سلالام، والله فرحت ليكم بحضرة بعض،...
    آخر مرة قابلت فيها أبَّكر مَرَّن عليها كمين سنين، مشينا شارع النيل حضرنا كمية من الحفلات، أظنها كانت احتفالات "أكتوبر" أو ربما "رأس السنة"، لم أعد أتذكر، في ود مدني، ود الأمين يغني بجاي، أبو عركي بهناك، عقد الجلاد صعيد، وحنان النيل شروق.. ومين ومين،..
    كتلنا الحفلات دي كلها، وشاغلنا البنات كلهن –دفعة واحدة- بقراءة الشعر، ومشينا كتلنا حفلتنا الخاصة في بيت واحد صاحبنا، وقرينا شعر للصباح،..
    يا زول أنا خايف عليك تكوّن متورط في أحاسيس مش حلوة، خوفي عليك خوفي.. من القرف الوجودي، فمبروك والله مادام سارقك أبّكر، وفعلاً دا قمّة الحضور، وأبداً ما غياب،...


    ..
                   |Articles |News |مقالات |بيانات

17-12-2005, 08:07 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    أسي محسن كي داير
    طولنا عليك الغيبة شوية نرجو المسامحة
    الطموح احيانا يهدك واحايين كثيرة يودك
    كان علي انا ما عايز افارق تيموليت ألتك دي
    لكن هناك افواه تكبر وتكبر متطلباتها عشان كدي
    بغتس لي غتسة غتستين كدي عشان حق الملاح وكدي
    وزي ما قال الشاعر سالم حميد:
    عيشن كمهو وديشن هانقدور

    ابقى طيب وانا لابدلك تحت بوستك دا
                   |Articles |News |مقالات |بيانات

19-12-2005, 03:47 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    عايز انزل ليك صورة الغلاف بس غلبني اسعفني

    (عدل بواسطة طارق جبريل on 19-12-2005, 03:51 AM)

                   |Articles |News |مقالات |بيانات

19-12-2005, 03:16 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ...

    طارق جبريل،..
    تحياتي يا رجل، وخليك عشرة علي الأفواه الصغيرة دي، الفارغة ملحوقة، ويضحك نهارك آلشريف،..
    بعدين نزيل الصور دا، إن شاء الله الشباب يلحقونا كلنا، أخوك مسطّح عظيم،..
    غايتو بتأمل يجيك ود السر يدلك، ياهو صاحبي وبقدر أتلكم باسمو، إن شاء يسمع كلامي دا ويفزعك، ومشتاق جداً أشوفك عملت شنو؟
    يلا في الوداعة وكدي باصر الصور تاني،..
    كن بخير، يا عزيز، وشاكر لك على هذا الجمال،...

    ...
                   |Articles |News |مقالات |بيانات

19-12-2005, 06:12 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19154

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    بس كاتب محترف ياما الدنيا تدعم وتطحر وتتعسم وتفتح وتشرط كم من المهابل عشان تلدو،..

    أنا في تمام الخط الأبيض من الأسود من الكتابة، من الفجر،..

    أتوضوا حنانكم وغيبوا



    تعرف يا محسن أنا لا أؤمن بالتناسخ ولكنك تمتلك قدرة عشره مهراجات وأنت فى ريعان إبداعك يحفظك الله ولك من السلام ما يستوجب عليك زكاة وذكاة لمستحقيها من عابرى سبيلك...................



    منصور
                   |Articles |News |مقالات |بيانات

20-12-2005, 04:30 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    صباحك نادي آسي محسن
    غلبني ارسل ليك صورة الغلاف وهي محاولى اولى متواضعة جدا لانه التانية اكيد حا تكون افضل المهم بحاول ارسلها ليك في الايميل
    دمت
                   |Articles |News |مقالات |بيانات

25-12-2005, 06:46 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ...



    munswor almophtah،...
    يا ود المفتاح، يا صديقي في الغار، أمانة ما مشتاقين ليك، ياخي إنت زول حلو،...
    مرات أقول المكان دا جنن "سكوني، تأملاتي، وعزلتي"، بس أقوم طوالي أتذكر الناس السمحين في المكان دا، والما بقدر أعدهن، وأنت من شَرْب مقدمتهم، يا نديم الحبر،..
    وأتذكر كمان تيموليلت، وأقول يا سلالالام يا محسن، يعني الصحاب وتيموليلت ديل ما أجمل من أنانيتك وتفاهتك، يا سلام أنا أبداً بحبكم، وأبداً ما عايز أكون أناني،..
    تسلم يا صديقي في الغار،..

    طارق جبريل،...
    أها شوف يفوتك ود المصباح يعتّر ليك زول زي الحلو ود المغرب دا، وكمان يجيك بأغلفتو وبتعبو وبعرقو يشولب معاك محبة صحاب تيموليلت، ويشولب معاك تيموليلت من هي حكي لاحدي ما تدخل في قراطيس وتحوم في ريف لا تبلغه الكهرباء والانترنت،..
    ياخي أنا بحبكم جداً، وأجمل شكر ليك يا طارق علي الغلاف، استلمتو من البريد، وما عارف بس كيف أشكرك، أهو لو بقيت حي، بجيك بقدمي لاعن بيتك وأسوقك معاي تحج في تيموليلت، غير كدي ما عارف لي شكرانية بتليق بيك،..
    يا لك الحب، يا نداء إيليتس يا لك المجد


    ...
                   |Articles |News |مقالات |بيانات

05-01-2006, 02:25 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يبدو ان صديقتي تيموليلت لا تضاهى. بلاد بحجم جنوب افرقيا ولا نظير لها. شغلتني سندي وودز مان واحاول ان اعود باقل رهق ممكن فالذي حمله ظهري حتى الان يعجز عن حمله ظهر النهر
    يا للحزن او بجرؤ علبنا المصريون لهذا الحد
    عفوكم ما من عربي لدي سنعود ان ظللنا احياء
                   |Articles |News |مقالات |بيانات

08-01-2006, 02:37 PM

Siddig A. Omer
<aSiddig A. Omer
تاريخ التسجيل: 06-04-2005
مجموع المشاركات: 3818

للتواصل معنا

FaceBook
تويتر Twitter
YouTube


كلمة لمن أحببت....... (Re: محسن خالد)

    جيتِك......
    انظر فى عينيك
    ابحث عنى....
    لعلنى تخبيت
    روحى
    وعمرى
    و ما مضى
    و ما سياتى
    لك


    قاعد معاك.........يا صديق الحب
                   |Articles |News |مقالات |بيانات

06-01-2006, 03:12 AM

ahmed haneen
<aahmed haneen
تاريخ التسجيل: 19-11-2003
مجموع المشاركات: 7977

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    وينك يا زول رائع

    كيف عامل مع السمراويات طويلات القامة

    وكيفك دايش

    في بلاد مانديلا

    لك التحية حتي العودة
                   |Articles |News |مقالات |بيانات

06-01-2006, 03:39 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    العزيز محسن
    كل عام وانت بخير والسنة الجاية زي ما عايز..
    مبروك العيد وبالصحة الشربوت والذي منو..
    شوف ايميلك هناك محاولة اخرى.. خجولة جدا..
                   |Articles |News |مقالات |بيانات

06-01-2006, 01:15 PM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الأخبار الجات بتقول إنو فطورك في بيت ناس عمك مانديلا وغداك في بيت ناس عمك مبيكي وشاي مغربك في بيت ناس عمك دي كليرك وكمان معاهو لقيمات!
    بعد دا بشاشا ما خاتي عليك لو نعتك بالأبارتيدي
    أيامك ساكوبيس..
    أتمنى إنو الرحلة تكون ناجحة..
    في انتظار حكاوي جنوب أفريقيا
    وكل سنة وانت طيب.
                   |Articles |News |مقالات |بيانات

16-01-2006, 09:21 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد السر)

    ...

    يسعد مساءكم الأصدقاء في الغار،...
    Siddig A. Omer،...
    ahmed haneen،...
    طارق جبريل،..
    محمد السر،..

    يادوب ركينا، بتكونوا عارفين طبعاً المره لمن تمشي تلاقي في بكا بتاع حِلَّة تانية، أها بتاخد النهار كلو، دا طبعاً من زمن الدنيا كداري، ولمن تجي راجعه بتكون غبشه وكرعيها غُبر،...
    محتاجة لزمن تضاير البيت،...

    يسعد مساكم،...
    أنجم شوية وأضاير البيت وأجيكم،..

    ..
                   |Articles |News |مقالات |بيانات

16-01-2006, 01:13 PM

Siddig A. Omer
<aSiddig A. Omer
تاريخ التسجيل: 06-04-2005
مجموع المشاركات: 3818

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يا صديقى فــى الغار

    مشتاق بزاف الشريف لمعرفة الخير و الفخر بما سطرته فى قلوبنا المرتجفة من حب الحب فى زمن التعب........شكراُ لهذأ الابداع.........متمنياً من كل قلبى لك و لك مبدعى بلادى .... الخير ...و الحب....و كل سنة و الجميع بخير و صحة وأبداع......تمنياتى الطيبة بالعام الجديد و كل عام و الجميع بخير

    امنيتى أن أمتلك المجموعة الكـــــــاملة........هل موجودة فى الدوحـــة؟؟؟؟؟؟

    أرجو الافادة لك ...... العز ة و الرفعة... والى الامام


    أخوك صديق عبدالمنعم عمر-الدوحة

    (عدل بواسطة Siddig A. Omer on 16-01-2006, 03:22 PM)

                   |Articles |News |مقالات |بيانات

24-01-2006, 04:43 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    نحن في انتظارك يا رائع
                   |Articles |News |مقالات |بيانات

24-01-2006, 07:09 AM

serenader

تاريخ التسجيل: 14-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    عزيزي محسن..
    كل سنة وإنت طيب..
    "كيتاً فيك".. أتممت بحمد الله وتوفيقه موقعي الخاص ومنتداي..
    متين حتبغر وتعمل زيهم؟
    الموقع: http://www.khatim.net
    المنتدى: http://www.khatim.net/vb
    منتظرك هناك
                   |Articles |News |مقالات |بيانات

25-01-2006, 02:39 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: serenader)

    ..


    Siddig A. Omer،...
    يا سلام يا زول، وإزيك وأريتك بخير، يضحك دهرك
    وأنا كمان ذلتي مشتاق بزّاف، بس والله أيامي بقت دح لا منو لا عليهو، ربك يهوّن
    عن كتبي لا أعرف إذا كانت موجودة بالدوحة أم لا!
    ولكن يمكنك مراجعة موقع المؤسسة العربية للدراسات والنشر، لأن إميلهم الان ليس معي، أنا أكتب من خارج مكتبي، فكن بخير،..
    يا صديقي في الغار، لك كل الحب، والله بقيت أريدك وأشتاق ليك، ويمكن أجيكم قريب في الدوحة كما وعدت الأخ معتصم، كلها الدوحة فركة كعب من هنا،..
    وكن بخير

    طارق جبريل،...
    يا زول كي داير؟ اتوحشناك بزاف،..
    زيد آسيدي سيد، محلك ودارك
    أخوك الأيامات دي شقيان بالحي، وأيامو ضنك، ربك يهون


    serenader،...
    إزيك يا خاتم، يا زول ألف مبروك وأنا خلاص عجبتني الفكرة بزاف، وأريتك عاد تساعدني في موقعي، وكن بخير أبداً،..
    وألف مبروك ليك


    ...
                   |Articles |News |مقالات |بيانات

25-01-2006, 08:46 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    آسي محسن كي داير
    واش شوفتي الغلاف في الايميل ديالك ولا لا
    خليتك بخير
                   |Articles |News |مقالات |بيانات

26-01-2006, 09:04 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ...


    طارق جبريل،...
    واحشنا آلشريف، كيفها المغارب في ها الأيام، مزيانة ياك؟
    آسيدي الغلاف الثاني دا وين/ كدي رسلو لي آنشوف،...
    سلّم على أهل الديرة وبلغهم تحياتي، وإياك أن تنسى
    كن بخير



    ...
                   |Articles |News |مقالات |بيانات

26-01-2006, 09:16 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..


    يُحكى أنّ الشاعر الصادق الرضي "رضي الله عنه" حين رحلته الأخيرة للندن، كان يسير والدنيا شيء تلج وشيء رذاذ، فلمح من بعيد كائنين جميلين يتدفأان ببعضهما بعضاً، حين اقترابه منهما وجد الكائنين فيما يشبه سيمو وتيموليلت، وكان في رفقة أصحابٍ له، يا أخوانا دا شنو؟ سألهم،...
    قالوا له ألم تقرأ صديقك محسن خالد،...
    أجابهم، قرأتُ، لكن من بلدنا البعيد داك كنت قايل الشغلانية غموتي غموتي،..
    قالوا بل هنا هي في وضح النهار ووضح الليل، فتساءل: يعني الجماعة ديل...
    أيووووة –أجابوه- قلنا: ليسبيان،...
    فأجابهم بسخريته الطاعمة، متلاعباً باللغة، ولكن بحرفنة الشاعر:
    لَسبيَ الله ونعم الوكيل،...


    ...
                   |Articles |News |مقالات |بيانات

27-01-2006, 06:26 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    سي محسن سلامات
    الغلاف أرا رسلتو ليك في الايميل ديالك
    كن بخير
                   |Articles |News |مقالات |بيانات

28-01-2006, 03:01 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    ..

    طارق جبريل، ..

    إزيك يا حلو، عارف ضحكتني وقلت أعمل ليك إصلاح كتابة مغربي "رسلتو" أم صفّتو؟

    يا سيدي شكراً، طلع إني هبشت الرسالة في جنوب إفريقيا الظاهر، ولما لقيت داون لود وما داون لود خليتها، بالتالي افتكرت إني قريت الرسالة، وأخوك بجي بلقى بريدو ملالان...
    أها ألف شكر وتحايا ليك،...

    وإن شاء الله ريشتك عامرة، وربنا يقدرنا علي جزاك،..

    بالسلامة آلشريف،..
                   |Articles |News |مقالات |بيانات

30-01-2006, 01:13 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    العزيز محسن
    تنخاف غير ندورها هدرا موالين المنبر هادا ما يقشعوا والو آصاحبي
    وخا عليك آدراوي
                   |Articles |News |مقالات |بيانات

30-01-2006, 05:16 PM

عبد الحميد البرنس
<aعبد الحميد البرنس
تاريخ التسجيل: 14-02-2005
مجموع المشاركات: 6891

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: طارق جبريل)

    تسجيل حضور ومتابعة ومحبة!.
                   |Articles |News |مقالات |بيانات

31-01-2006, 05:33 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: عبد الحميد البرنس)

    ..

    طارق جبريل،...
    شكيتك علي الله، الليلة خليت قلبي دا يضرب تف تف تف،..
    بجملتك "واخا عليك آلدراوي"- ما يعني بلسان بعض من أهلنا "اصطبر آلزيريق"،..
    دي جملة "حسناء المفضّلة بخصوصي" لما أزعلها،...
    الزول دا إن بعيد نادوا لي...
    ولو كان قريييب وينو لي...
    الزول دا..

    يا كيف الوجع متكيفين بالإبار والجِلْد السعف.. ومصنقرين في السهلة سوق القُفاف...

    يا محجان الله حِتْ المطر خلي القش يقوم... والبوادي تنقر علبة تمباكها وتستمخ






    البرنس،...

    جميل يا ولد ورود إنت الواحد يتعثّر في عطرك ونداك من الصباح، حقيقي بيتنا نوَّر، وكلو زينة،...

    فرحان غاية الفرح بزيارتك دي،...

    وتسلم يا أمير،...
    ولك الحب،...

    ..
                   |Articles |News |مقالات |بيانات

31-01-2006, 05:56 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..



    يا د. الطيب مصطفى إزيك وأخبارك معانا،....
    الانتباهة قالوا طلعت، وكمان شعارها "خريطة الانفصال" غايتو ما بقول عليها "قوة عين"، اللعوج وجهة والعديل وجهة، مش رأي، لأنو الرأي يبنى على المعرفة والعلم والمنطق، يعني ما -قوة عين-،...
    أها قوة العين ياها دي، بالنسبة للشبان والشابات بقول ليهم الطيب مصطفى دا كان معزوم قبل أيامات لعرس حق ناس مأمون حميدة، فسأله العريس: شنو ياخي إنت انفصال وما انفصال الفالق بيها الخلق وجايط بيها الواطـة دي؟
    فردّ الطيب مصطفى بكل قوة عين: هسع شايف ليك جنوبي في عرسك دا؟
    طيّب نسألك، ليه ما ينشاف جنوبي هناك؟ ليه ما عزمتوهم، عَلّ المانع خير؟!
    أما "قوة عين"،...

    وألا ياكا فاتح وكالة لتشويه ما بقي من عقول الأطفال، أطفال زمانكم، البجروا وهم ينادوا، جون قرنق جااااكم،..

    والله سلامات يا وطن، وألا أقوليك –يا أيها المؤمن بالرقابات والترصد- وين الرقابة البتمنع "إصدارة" ضد الوطن؟ إصدارة لأجل الفتنة! وتشويه الوعي الوطني؟

    والله سلامات يا وطن،..


    ...
                   |Articles |News |مقالات |بيانات

31-01-2006, 12:10 PM

هوارى

تاريخ التسجيل: 17-05-2002
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن خالد
    لم اجد في حياتي شخص ممتلي بتراكم التناقضات مثلك..ولم اجد شخص يعطشني حتى الموت ثم يسقيني بلهفة..اتيت لهذا البوست لاقول لك نفس الجملة التي بدات بها روايتك هنا

    (هاهنا، سنمحو ونكتب سيرة تيموليلت، في رهان مع محو وكتابة سيرتي، وسأكف وإيّاكم عن الخوض في حالها وحالي،...)

    و أقول لك هنا أيضا ساكون انا في رهان اخر مع محو وكتابة سيرتي..وانا احاول ان اتناول روايتك بالتحليل المنطقي )

    اتيت فقط لاحشد لك مقاطع من روايتك سوف اخوض في تحليلها

    * ما ضرّ الشجر لو جلس حين أحبّ، ولكني لم أجلس،...
    * لم أتوقع طولها تحديداً، فقد رسمتها في خيالي بعلو "الروضة" السحاقية السودانية وبائعة البروش، المرأة التي كتبتُ عنها في روايتي: (إحداثيات الإنسان) –الكتاب الثاني، تداعي الفليل.
    * لاباس، هانية؟ تساءلت من ناحيتي، صوتها مخشوشن قليلاً، ليكون شبه بحّة ساحرة، قريباً من التي تميّز صوت المغنية عابدة الشيخ.
    * را السيد المزيان ما يهتم بالقحاب واللي بحال هدي الشيطان. را هدي السيدة تحوي البنات، والله ما تطال منها شيء آلسي خالد).
    * قلت له: قد ندورو معاها. بمعنى سأمنحها مالاً.
    - لالا، هدي نفسها تدوّر. بمعنى أنها من حالي، تدفع للبنات المال أيضاً كي تُغريهن بمزايا الرجل.
    * لماذا وما الحكمة؟ ستجيب تيموليلت بأجوبة لن تخطر على بال إبليس.
    اضطربت قليلاً، مع أنني كنت شيطاناً جداً كما يصفني أولاد الحلّة،
    * هوي ما تعملي لي فيها كركية وما كركية، حشرتُ يدي في ملابسها، ياها الكركية دي بس.
    يخصي عليك، ووب لان، ناس القش بجوا بشوفنا،..
    * وحتى جامعة الجزيرة كنت غبياناً وأفلتت مني (الفحلاية)،
    * قلت لها سأكتب عنك علناً يا تموليلت،...
    * فأمها امرأة مزعجة ومملّة، تحدّق فيّ أحياناً )ديرتيها آلدراوي)، بمعني: سوّيتها يا الأسود! كانت تعتبرني على الدوام قد أخذتُ منها شيئاً ما كان يجب أن آخذه،..
    أما ما يغيظها أكثر فهو أنّ ابنتها قد تسودنت مائة بالمائة، الذين عرفوها يحتارون في كونها سودانية بعيون بنيّة وبيضاء كأنها (نصرانية). لأنها تتحدث عامّيتنا مثلي مثلك وأكثر، وطبخنا وثوبها ويا حليل وسجمي وكُر.
    * دخلت عليها يوماً، بعد يوم لئيم في العمل، فقابلتني مهرولة عند الباب،.
    "أقيف أقيف".
    "في شنو؟ مالك؟".
    "في واحدة صاحبتي بندّخّن".
    *جارتنا اليمنية
    * كان منظراً عجيباً، ودُرامياً بشكل لا يُوصف، الخُمرة والدلكة يقطران من شعر أشقر هذه المرّة، ومعاها ظرافة الخواجية، لا خجل ولا يحزنون،..
    Hi Mr. Muhsin It's so nice, my husband admire this and so so
    دخلت إلى الصالون والضحك يفج جنباتي ليفقعني، تذكرت قول ابن عمي لي:
    "ها زول ما أحسن ليك الناس الغُلف ديل تختاهن".
    * ترد حسناء: عليك الله؟؟ بحسبانها تحليفتنا الشهيرة.
    *وبحق لم تستطب لا الغناء السوداني، ولا الموسيقى السودانية، سوى أغنية واحدة، كانت ترددها النهار بطوله حتى تُضجرني،..
    يا عازّة الفراق بي طال، وسال سال مني الدمع وشّال،.. مع لكنة،..
    * لا زلت أذكر انعكاس الشخص الدراوي والحزين، أنا، في عينيها البنيّتين، لا أدري كيف طلّقتها، كانت بنيّة رائعة لي، فعمرها لم يعتّب الـ19 بعد، ولم تكن تتحدّث عن الناس بسوء أبداً،.. هيّا، أنا ذنوبي كثيرة يا ربي، ومَلَكا التدوين خاصتي، أسلما يديهما لتُوضعا على رأسيهما تمحّناً، وسقط قلماهما منذ زمن بعيد، ليخلو الجو لقلمي وحده،..
    أنا رجل خرجت في الكتابة، فالله وأهلي ومعارفي ومن تتزوجني، عليهم أن يعرفوا ذلك،.. فلا فائدة مني إلا بصدد كتاب
    * - كاتب ياك؟
    "نعم، ياني".
    *"عبد الواحد كمبال"،
    * جائزة "ابن بطوطة" لأدب الرحلة
    *كاتب يمني وآخر سوري وثالث عمّاني
    *منا "الشاعر محمد الحارثي
    *وكنتُ أحد أعضاء لجنة تحكيم منح الجائزة، لكوني روائياً غالباً
    *فعبد الواحد كمبال هو علم السودان في المغرب، وهو القصة التي "حندَكت" كل كاتب ذهب إلى هناك بكتابتها المستحيلة.
    فكان تعرّفي به، والرجل يحفظ صحافة العالم كلّها، مؤسسيها، أعلامها، صعاليكها، زبانيتها،...وووو فهو مثقف فذ وصندوق كتب صلد، ورجل كريم.
    *إدمون المليح
    *لا أظنك قد رأيت عبد الخالق محجوب؟
    ضحكت وقلت له لماذا؟..
    "تبدو صغيراً،..".
    *ضحكتُ وقلت له صحيح، حتى إنهم في هذا المؤتمر احتاروا مع أي مجموعة محاضرين يضعوني، فقد كان الحد الأدنى للأعمار 47 سنة، وضحكت..
    * مختار العبادي-الحسن بن شاهد-عبد العزيز بن بنعبد الله-محمد ولد عبدي-قاسم وهب
    * ما أريده هو أن أكتب لي قصة قصتين لأموت بعدها "في بلداً دامشيقو مُرّاً يشق"، كما يجب أن يكون الحال مع "منطلق وسعلوق" مثلي.
    * كانت متحرّرة في لبسها ولا غبار على ذلك، أمّا مع تحرّر حركة رجليها فيصبح الموضوع "يا ديني"،.. فخذاها متورّدان كخد ملاك، النوع المستدير في إحكام وامتلاء، وموزون في منتهى الوزنة والهندسة،.. (قلت في سري، ماله لو تركني في مكاني؟ كنت مؤدباً).
    *لقد أعدمتوه لتفتقر سياستكم؟؟"، يعني عبد الخالق محجوب.
    * سألني: أنت شيوعي؟؟
    "أنا؟ لا لا، أنا محب للروح الثورية والاشتراكية عندهم فحسب". فأخذ الرجل راحته أكثر في الحديث.
    * قال حسّان بورقية: لو كان الرجل عائشاً لتحوّل الحزب الشيوعي السوداني لشيء آخر، يناسب هذه الأيام
    * إجابات مشتتة من قِبَلي (عشان خاطر) فخذي تلك الفتاة. كانا يأخذان سَمعَ الزول من أضنينو، وشوفو من عيونو.
    * وكريم كاتب معروف وحائز على جائزتهم الوطنية في الكتابة، وحسّان بورقية رسّام "عالمي" كما نقول، ومترجم متمكّن نقل أعمالاً كثيرة للعربية من ضمنها كذا مؤلَّف لفريدريك نيتشه أبرزها (العلم المرح)، محسن خالد كاتب شاب وإنْ معه سمعة لا بأس بها عند العرب
    * "سُرَّة الكتابة ولتحت
    * أنّ الموقف الفكري فوق الموقف السياسي، بل ربما فوق الموقف الأخلاقي نفسه
    * طلحة جبريل ---- سيرة محمد شكري
    *البيير ديشي" في حق سيرة "جان جونيه
    * ما هو الوطن؟
    أهوَ سلام العيش أم أرض لذكريات قديمة؟
    * فلم أعِ نفسي إلا وقد توقّفت لدى بنطال الجينز مباشرة، بالانشحاذ نفسه وفي تمام مواعيد الأنوثة والفتنة
    * يعجبني فيها انعكاسكم،.. هكذا تقول أسطورتي القديمة والتي أخترعها الآن،..
    * لم يصادفني طعمٌ كهذا، إلا مع نبيذ امرأة أخرى، وكنتُ عابراً من خلال مطار "ميلانو"، فاضطررت للانتظار يومين بصالة المطار، المقلب الذي وقعت فيه هو نفس المقلب الذي أنا واقع فيه منذ ميلادي، كنت بلا مال.
    * لن أموت لهم في قلب أوروبا جوعاً---تلك المترهّلة من الشبع،...
    * يتجمّد معه البول في مثانته
    * تسوّلتها بلغة راقية فهشّتني كالذباب،..
    * عمّا هو استثنائي وليس جديداً
    * أفلحت الخواجية في جعلي أتوقف، تضمّني بقوة، وأنا أتفلّت، حتى انتبهت إلى حيث تضمني، فسكنت ليتسلّقني العطر الفاتر كاللويس
    * تشبه من يعرضونهم في نشرات الأخبار
    *تقصدين المتمردين؟ أم خَرَج المفقود والمدعو فلان وهذه صورته.
    ضحكتْ، كانت ذكية وإبليسة،..
    * الشعراء التأصيليون من أمثال وليم بليك وطاغور ووليم باتلر ييتس وبابلو نيرودا، لن يخدموا قضيتي،..
    * ، رائحتها تخرج وهي تتلوّى في بخار
    * وإلا لكنتُ مع استعدادها ذلك قد فعلت بها ما لم يفعله وحشي بهند بنت عتبة.
    * فالحياة الحقيقية عندي هي مصادفة هذه الواقعة فحسب، أمّا أي استتباع أو استطراد لاحق فهو يتم في خانة التمثيل والتخطيط، ولا حاجة بي للأمرين.
    * "إمكن تحشم،.."،...
    * وأجسادهن المُبهرة، أخذت تتلاوع مع صوت "الداؤودي" وتتملّص من عظامها، وبدأت كل واحدة منهن في التشكّل من جديد، تبني جسدها هذه المرة، من الجنس كله، ومن الغواية كلها،...
    * أهو دي السفاهة البعدها نار الله بتبقه نيشان،.. مادام عمري كلو عدّيتو مدني مسروقة حيكومتو، ناركم دي يا ناس جبريل أجدعوني فيها جنرال، إمكن أسرق حيكومتكم،...
    غايتو، أستغفر الغفران، أستغفر الله،.. أستغفر الناس،.. أستغفر أُمي،.. وأستغفر الفيافي، هذا عواءُ قلبٍ خالٍ وفي الخلاء،..
    * شعرت بالرهق العميق، الذي يغازل الراحة في نخاعها، جسدي يبوّخ صبايا البارحة مثل جنيّات تطير في ستيانات مزركشة، يتّرّع، عااااع، لولا أنّ الجنس جشاؤه توسيعٌ للمزيد.
    * في تمام مواعيد عقدتي،...
    *جااااهل، ومقسّم هِيِن فوق هِيِن، يااااخي عليّ ضنين
    * بل أصعب امتحان إلهي يمكن توجيهه لأخيلة الداخل، لصُنع أندر توليفة فتنة عميقة، عصيّة على العرض، تستخدم الخارج كرفوف فحسب،...
    * فما من أكفرَ من شخص بلا رغائب وبلا أمل،...
    * أنا لا أذكر شيئاً من ليلة الأمس، إلا عيوناً وسيمة بنزواتها تلمع في كل اتجاه، أفواه وأصابع تذرع جسدي، تأكلني، والتنميل بهار اللّذة، دوريات شرسة وكثيرة، لحارة فيها قتيل، أسفلاً وأعاليا، رؤوس الشوارع، الأزقة والصهريج،... (يبتّقن) البنات نحوه من كل جهة عطش، وهو باسلٌ في وقفته، يُحَمِّم الصبيّات بـ"المح"،...
    *أقوم أخلّيهن، اللتنين، يتّرّعن شنبورة يا ربي؟ وبرضك "جَلْدة" طيري، فالشاعر الجاهلي، يوصي بممارسة الجنس مع الذات، بجلد الأخيلة:
    * رنّ تليفوني، الحاسد، والمشّاء بنميم،...
    فينك آلسي خالد، من البارحة نحن ندورو عليك!
    ضحكت متلمّساً الخفوت ما وسعتني الحيلة: إنتو بس البتدورو؟ عليكم الله كان لقيتوني قولوا عووك!
    * فتّشتُ الأشياء التي يمكن تفتيشها، الأوراق، السيجار، النعلات، السروال،... "بس لو راجل أعرف قلبك ملصتو وين!"،...
    * ورائحتي هذه، هي الشيء الوحيد الذي كافأني به الله على صعيد المحسوس، بشهادة ألسنة نساء كثيرة مضغتُها،... وهرّبت الأغاني من فوقها لفوق لساني،..
    *خرجت، والدنيا لا يزال بفمها طعم قهوة صباحها، الوقت في تحضّره للضحى، والظلال تغزل حنانها لصق الحيطان
    * وانعدام هذه الأشياء لن يجدّفَ نهرَ وجودي محتّلاً، لن يغزوني من قِبَله أي دفتردار أو كتشنر، عاطل، ليس لديه ما يفعله في بلاده،...
    *أنا واحد وهم، لا أستطيع أن أتداخل وأتقاطع مع هذا الوجود إلا من خلال نظريتي: حياة الشخص لن تكون الخرافة التي يموت بها، إلا على حسب نوعية الشخص، فأيضاً يمكنها أن تكون الخرافة التي يعيش بها.
    * يضحك صديقي كريم، "شرموطة آسي خالد بغيت تحويها؟"،...
    * "أنا ذاتي خليتو النيك، وداير في رقبتي دي، تنيكني تيموليلت، لا حول ولا قوّة"،...
    *الله ينعل دينك، ودين شياطين سماحتك يا تيموليلت،..
    *من أنا يا ربي؟ طَوال عمري ندمان، سكران، جَنّان في جَنّان،...

    محسن زي ما قال صاحبنا عاطف خيري
    خليني اقراك مره صاح
    عكس احتشادك في الحروف
    وونشوف ما تمارسة من قلق كتابي مجنون هنا......سوف تكون القراء كاملة قريبا على منتديات مشاعل السودانية
    www.mashm.com/vb
    مع حبي
                   |Articles |News |مقالات |بيانات

01-02-2006, 09:36 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: هوارى)

    ..

    هواري،..
    إزيك يا رحب،...
    كن بخير،..لقد شَوَّقتني لأرى كلا الأمرين: ما تعد به أو ما تتوعّد، لقد اضطررتني لأقرأ كل هذه العبارات، ثم حاولت التخمين والاستبطان والتأويل،... أخيراً خلُصت لكوني سأنتظر فحسب،..
    طيّب يا سيدي أقدِم، أنا أنتظرك،...
    ومباركٌ لكم وعليكم "مشاعل"، نتمنى له ولكم التوفيق،..
    وكن بخير، أبداً بخير،..


    ...
                   |Articles |News |مقالات |بيانات

01-02-2006, 09:47 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..


    ورد في "قلب الظلام" لجوزيف كونراد،...

    Going up that river was like traveling back to the earliest beginnings of the world, when vegetation rioted on the earth and the big trees were kings

    ما يشبه حال البورد هذه الأيام،..

    وكنّا الملوك -بكل فخر- كعبارة تليق بنبي عَيَّن نفسه، ولا يتلقى المنح،...

    وكنَّا المجالدين الذين يُبَوِّلون السيوف نيران الحدَّاد،...


    ...
                   |Articles |News |مقالات |بيانات

01-02-2006, 11:47 AM

منوت
<aمنوت
تاريخ التسجيل: 18-03-2002
مجموع المشاركات: 2637

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    و مازلتَ " القلاديتر " ..



    كيف هي سويتو ، و عمنا الشيخ المغتسل بمياه التسعين ؟




    * و ... ؟؟؟؟؟؟؟؟؟؟؟؟؟؟؟؟؟؟ .
                   |Articles |News |مقالات |بيانات

04-02-2006, 04:11 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: منوت)

    ..


    واه واه واه .... يا داووووووووووود

    تحشرج صوته قبل أن يُغشى عليه صريعاً: وتشهّد بها "سندي وودز مان"، وكانت تقف لدى بوابة مانديلا، والقوارب تنقل الناس في قلب اللجّة إلى روبن آيلاند، يا الكاب تاون عوووك، وممبو.. ممبو نانجي، ممبو... ممبو ناننجي،...
    أمرق يا زول من هنا ما تخرب موضوع البوست الجايي، وما تخليني أدلي الصور كلها، من قلبي ومن قلب اللاب توب،..
    أتوضأ حنانك وغيب، لساهو ليل المرافعين ما دخل، لسانا –خارج نص الطبيعة- وفي حواشي الجبال،..


    ...
                   |Articles |News |مقالات |بيانات

05-02-2006, 08:43 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..



    كتب العبقري محسن خالد:

    Quote: تحشرج صوته قبل أن يُغشى عليه صريعاً



    بالله يا صحاب أنا كتبت جُملة ممضوغة زي دي، قالوها أقلّ شيء هكتار مرة؟
    أيوة.. حبيت أقول إنو الكاتب لا بُدّ له من غربلة لغته وتنقيتها، هذا هاجس الكاتب الخالق للجُمَل والتراكيب، أمَّا نَقَلَة الجُمل الجاهزة مثل هذه الجملة.... فتوبة منهم ومني!

    تحشرج صوته....
    يغشى عليه صريعاً...
    مما يؤسف له...
    أصابه مرض عُضال...
    بصوت متباطئ النبرة
    التفت ذات اليمين وذات الشمال
    .......... إلخ،...
    أها التوبة....


    ...
                   |Articles |News |مقالات |بيانات

07-02-2006, 01:51 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ..


    في الغابة التي وهبتني صدق ما فيّ من حيوان
    في المعبد الذي طهّرني بالأقنعة
    وذكرى كلّ ما ساقني في اتجاه
    حُبّها معبدي الغابة
    قُبْلَتُها بالنهر نفسه تشقُّ معبدي
    بحبك كلي اتزان...


    ...
                   |Articles |News |مقالات |بيانات

07-02-2006, 02:12 AM

تيسير عووضة
<aتيسير عووضة
تاريخ التسجيل: 20-12-2005
مجموع المشاركات: 7136

للتواصل معنا

FaceBook
تويتر Twitter
YouTube


جنس الكتابة دي ما بشتتوها كدي (Re: محسن خالد)

    إزيك يا محسن ود البتولا ..

    أنا مش قلت ليك تخيّر لكتابتك
    فإن العقل دساس ..
    يحيك الدسائس لصاحبه
    ويتآمر عليه
    يزين له سوء الفهم
    ويجمل له فكرة أنه يعيش الحياة الفاضلة فقط
    يقنعه بأن هذه الكتابة قلة أدب
    هو الأدب شنو
    وقلة الأدب شنو
    أليست مقاييس وضعية
    هفّت لي زول إنو يختها
    قاموا الناس مشوا معاهو
    أها نحن ماشين معاك
    في البتكتبو
    لأنك بتكتب الحياة
    ومن يريد الحياة
    يقرأ كاتبها ..
                   |Articles |News |مقالات |بيانات

07-02-2006, 03:45 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: جنس الكتابة دي ما بشتتوها كدي (Re: تيسير عووضة)

    محسن خالد
    قبال ماتغيب شمس ايامنا مناي العين تشوف العين ,,وأيامك زاهيه وعامك ممدود في البخاته
    كنت في السودان وسط ناسوا الحلوين وعشت زيهم نشوف النشوفوا والباقي ما خصانا ,لمن اقرا كلامك احس اني ماشي حفيان على الارض المشققه بعد خريف ,,وسط ايامي الفاتت والجايات.
    ماسك شهقة الذكريات وطفولتي راكبه الفرحه حصان ,,في البلد اولاد وبنات بكتبوا من دمهم وبقروا كل حرف بتولد في الدنيا العريضه والباب البنقفل عليهم بعرفوا لي فتحوا ,,لسه بشيل معاي اخر الروايات وبتلف على كل الناس ,,ومناي تصلنا أعمالك ,,والشوق والريد لي ونسه معاك ,ومعانا كل شخصياتك نتفن في الارض ونمد الحجى للصباح .,
                   |Articles |News |مقالات |بيانات

08-02-2006, 06:38 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4905

للتواصل معنا

FaceBook
تويتر Twitter
YouTube


Re: جنس الكتابة دي ما بشتتوها كدي (Re: محمد سنى دفع الله)

    ..

    تيسير عووضة،..
    إزيك يا تيسير بت سميرة، تيسير العيد...
    نمشي نغيّر يعني ونجي؟
    شوفي، الكتابة هي حَقّة الخلاء، وشكراً علي إضافتك إني: "بكتب الحياة". لأنو الخلاء ياهو الحياة، والحياة ياها الضهاري وصقايع العمر، والأيام ما هي إلا صقيعة تلي صقيعة، والنّاس ما هم إلا أشباح دافرة دوابها وشاقّه الصَيْ دي،..
    في ناس منتبهين، وفي ناس شاغلن التلفزيون، تربية الأولاد، أو أي ملهاة تانية وآلة تخدير للوعي واليقظة،..
    هل "العبثيون، ومدارسهم" مفتكرين إنهم تفاتيح أكتر من القرآن وأوَّل من أشار للعبثية؟ أبداً، القرآن ناقش اللعبة دي من قبل 15 قرن. في آية حريفة بتقول: (أفحسبتم أنما خلقناكم عبثاً، وأنّكم إلينا لا تُرجعون)... أها جوا الملاحدة المسلمين زي ابن الراوندي، وشاتوا "الجزء التاني من الآية، -وأنّكم إلينا لا تُرجعون" لاحظي الملاحدة المتحدّرين عن البيئات المسلمة في الزمن القديم كانت مشكلتهم الأساسية هي عدم اقتناعهم بـ"البعث"، يعني ضمناً اليأس من الحياة باعتبار لا جدوى "كرامة الإنسان"، فإن كان "الإنسان" هو مجرّد شيء زائل، فما هو الشيء المهم بعد ذلك؟
    شوفتي الآية دي بتقول شنو: اليأس من الحياة يقابله على الفور "العبث"، بالتالي عَرَّف الفقهاء الإيمان بمعنى التسليم، لا أسئلة ولا يحزنون، لما كنت أنصاري سُنّة كنت مروّق كيف ودعول، عارف إجابة أي سؤال، حافظ جنس حفظ، الله بس،..
    أها الكتابة مطالبة بقول ذلك كله، مناقشة ذلك كله، "الإيمان وعدم الإيمان" ماهي الحياة وما هي معايير قبولها، وموقع كرامة الإنسان غير التسليمية، نحن بصدد الكتابة الأمينة لو قدرنا، ونحن كُتّاب لا تراجع معنا، لغة الحياة بنجيبها نكبّها هنا، أسئلة الوجود، إفلاس الروح، فَقْد الكائن لإرادته، زندقة الجسد، الزول العندو إجابة في رأسو لأي سؤال كان ناقلها من دينو وألا من والدينو وألا من غباوتو وقِلّة مروّتو المعرفية، (يقطع كراعو ووشو من هنا وبس)، يعني يا تيسير هو اليمشي يتخيّر ويدينا نحن "ناس ود السر ومحسن ونادوس وتيسير وتماضر وصديق عمر وود السني وطارق جبريل" فرصتنا كمان نتخيّر زيّو، وألا كيف؟
    كوني بخير يا شابّة، وسلّمي علي أبوك المسخوت الكبير، وعلي أمك الراقية،..

    يلا باي يا تيسير العيد، باقي جاييني ضيف مهم خلاص، ود السني ذات نفسو،..


    محمد السني دفع الله،...
    الللله مافي ناس حلّة كاملة كدا يسلفوني قلوبن كلها أفرح بيها، دي فرحة عشان تعمل ليها thumbnails بس، دايرة قلوب كتيرة خلاص، قلبي المتوَّك بناس تيموليلت وسندي ومين ومين ما بقدر يظهرها براهو كدي يا ود السني أخوي،...
    ياخي تسلم، والقصة فعلاً دايره العين تكون في العين، ونتَّفن ملء بطن التراب، ونفلّي الكلام بالتن تن، والمهلة، ولمعة عين الصديق مترقرقة في عين صديقو -المرايا، والليل يكون هادي بال ورايق زي بنات "ناس الحلّة الفوق ديل" الأدوني قلوبن عشان آخد المَلَك في فرحتي بيك،..
    خبارات البلاد أهو بقت محزنة كلها، وأيما قلب تورّط في تلك البلاد: إن خلاها متوّك، وإن حاننها متوّك،...
    دايرين ليها زي بلاد الناس، اتخيّل إنو المسارح في جنوب إفريقيا أي كومة بيوت وسطن مسرح، والمسرح زي مصنع النسيج، شغّال 24 ساعة، شوف بتاعة الجمال كيفنها في بلاد سنة 1994 القريبة دي كانت أقبح بلد على وجه الأرض، ما أظن والله حتى أوربا وأمريكا يكون المسرح فيهن شغّال 24 ساعة، أها لامن أشوف حال بهي زي دا، ويجي يطقشني نبي زيك مهموم بـ"السماحة والجمال" طول عمرو، يقعن مني سنتين تلاتة في بير بكا غريييقة إن دنقرت تجيبن تروح فيها، بلدنا يا ود السني أخوي بقت مشاكل وملاقطة سااي، الزول كان جرى منها من زمن العكاز أخضر وفي شجرتو، ما يمرق من فلّيقها
    البركة في جنياتها الزيكم، وبناتها الزي ناس تماضر بت أبونا شيخ الدين،...
    تسلم آلشريف، وياكَ عمدة التربيعة الفي الصورة دي "في قلوبنا" قبل التلفزيون والمسرح والسينما، وياكَ ود السني وبس، إن شئنا قُصر الكلام،...
    سمّعنا صوتك يا أمير، تلفوني بتلقاهو بهناك في البروفايل، عندي معاك كلام كتير بالحيل ودُقاق، وشان نخبر جناح الغربة رفرف بيك مننا لاعند وين؟..
    كن بخير، أبداً بخير،..
    ولك أشرق مافي المودة من نهار،..
    كتير فرحان بيك يا نبي


    ...
                   |Articles |News |مقالات |بيانات

08-02-2006, 07:56 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: جنس الكتابة دي ما بشتتوها كدي (Re: محسن خالد)

    محسن خالد
    منو الاسلفك قلبووانت قلوب الناس عندك مفاتيحها,,
    مشتهي الونسه معاك.. وفي ضل ضحوية والناس فراجه,,والاطفال ضحكم واصل السما..وعصافير الجنه طربانه., ودأبرق، عليهم ألفا,,وانت،حبوبه، ماسك مفاتيح الحجى ،،ونحن نوسط تيموليلت عشان تفك لينا ود النمير وفاطنه السمحه وأخضر عزازوفراشه شايله ألوان على جنحاتاتلون في أحلامنا,,وانت الحلم الممتد في الجمال وانا الجمال كاتلني ,,,والله يا محسن حبيت ليك تيموليلت جنس حب تقول بعرفهاألف سنه ،وحكمة ربنا قابلت صديقة في الايام الاخيرة وأنا جاي ومعاها جمال مش موديل لي لوحه ،لا جمال اكتبوا فيه مواضيع انشاء اقولوافيه اشعار ,,وأنا بعد ما قلبي اتوقف ودق تاني سألتها والروح في حالة شحتفه دي منو؟ وجاني جوابه ::دي حمامتي !!!!من الصدمه ، صحيت وقلبي انتظمت دقاتو وروحي المشحتفه ؟بقت روح عاديه !!ولمن شافتني اتبكمت وشكلي بقى اهبل ,,قالت لي حمامه ده مصطلح جديدوما سمعت الباقي بقيت صقر وريحتو عفنه وطوالي الحمامه شفت ليك غصن زيتون في خشمها وهالة قديسين حولها وعرفت نحن بقينا قدام نصوص جديده ولازم من اعداد الروح والشوف لي زمن الحمام ..
                   |Articles |News |مقالات |بيانات


[رد على الموضوع] صفحة 7 „‰ 10:   <<  1 2 3 4 5 6 7 8 9 10  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de