تموليلت: سيرة وحَجَر

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 11:50 AM الصفحة الرئيسية

مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-01-2005, 04:41 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يتسلسل


    تيموليلت (الجمال غول الجمال)


    تيموليلت (الجمال غول الجمال)

    لا أذكر في أي بحر تكسّرت مجاديف ذاك اليوم كمُجْمَل الحال مع عمري،...
    ولكن مساءً نزل مطرٌ حنين راقت له أدمغة الأرض والناس، ووجدتْ به الطواقي المثبّتة لقفا جلاليب المغاربة مبرّراً لوجودها في كل الفصول والأحوال،...
    طواقيهم التي أزعجتني تلك "أُتيحت لها الفرصة، أخيراً، وفي تلك السانحة" كما يقول أغبياء التلفزيون السوداني، وإن كانوا عباقرة وأنا كذّاب، فليتيحوا فرصة أو يجدوا سانحة، للجيب المثبّت في قفا جلاليب السودانيين،...
    هذه هي نوعية التأملات التي تستعمر عقل البشري حينما تجعله تيموليلت يُفلس مثلي ويخوض في سيرة الحال،...
    "فمنذ زمن وأنا مرهق منّي ومن حنين، لا أعيش أيامي، بل "أُضايرها"، يوم فوق رف، يوم فوق شوّال بذرة، ويوم لا أجد له مكاناً،... أتأمّله طويلاً ثم أعضّه بأسناني، يومي لا يصرخ ولا يتألم، فقط يفرقع كبالون"،..
    جلست أُراقب الناس ببهو الهوتيل، العزف الموريسكي الملتاع يعتبر الجالسين في ذلك المكان أخيلته، فيجلدها، يمارس معهم عادته السرية، في إبكائهم وإقصائهم، ويقودني أنا على وجه الخصوص من خلال ذكرياتي فحسب، إلى عمق لعبة "مضايرة" الأيام تلك، لتصطف أيامي "المضايرة" كلُّها، في موجز عُمُر واحد، عُمُر أعضه بضجري هذا كلّه، فأخسره بفرقعة واحدة وخاتمة،...
    "يا ربي هذه النادلة مالها؟"،...
    يضحك صديقي كريم، "شرموطة آسي خالد بغيت تحويها؟"،...
    أضحك ولا أقول له:
    "أنا ذاتي خليتو النيك، وداير في رقبتي دي، تنيكني تيموليلت، لا حول ولا قوّة"،...
    أقول في نفسي، متمادياً في السفاهة، لماذا لا أصيدها بلعبة كهذه، أنا ما حلو صحيح، لكن هي حلاتها بتكفّينا اللتنين، أقوليها عندي ليك سر يا تيموليلت، أنا شاذ ومغروض فيك شديد،...
    أضحك، أفو آلجعلي،.. وتراودني نفسي من جديد، ياخ هو بصّح ما شَرَك وبس، وبعدين حديد يلاقي حديد، العندو برمندي يغزو في التاني، أها الخسران منو آلجعلي؟
    أضحك، برضك ما لَفَقَت معاك، المرأة النادرة هذه، فتّش دكان قطّيعها في الحشا وين، وأشتريلك منّو لوريين قَرَض، قرض عَيْنَة المرارة طعمو تخلي حَلْقَك أحوَل، ولمّن تجي تبزقوا تبزق عينك بدلو، كلام زي دا تاني ما تجيبو فوق خشمك تب، لأنو هو ذاتو نتيجته ما مضمونة، وحتّىً كان مضمونة برضك ما بتقولو ولو رغبتك فيها بدل المني منّك اتشتّتتْ رصاص.
    وكونك تفكّر كدا بس، إنتَ مليان محبّة للجمال والرجالة لود عين النيل،...
    بس برضك غَرِّق مراقدك في جَبّانة القَرَض،..
    الله ينعل دينك، ودين شياطين سماحتك يا تيموليلت،..
    نهضتُ أقصرَ من قامة قَرَفي بكتييير، فلكي تنتهي أسطورة تيموليلت هذه، فلا بد أن تبدأ أسطورة الكأس، أسطورة الأعالي والأسافل، الأفعى والنّسر، كما لخّص الموضوع نيتشه،...
    نظرتُ هنا وهناك فلم أجد أحداً، كريم الجويطي لا يشرب،...
    قال لي هو لنذهب إلى "حسن نجمي" في بيته، أُريد أنّ أُسلّمه غرضاً،...
    قلت له أنا عروقي نعست شديييد، وهسي دي شايفك جرر جرر شلشيل كأس وراء التاني،...
    ولكنه أصرّ عليّ، فذهبنا لـ"حسن نجمي"، وأنا قبلاً أعرفه، ولكن ضجري خَرَّب ما كان يمكن أن ينتج من أُنس جميل –ساعتها- مع شاعر بحجمه ورئيس اتحاد كتّاب المغرب "الحر".
    اعتذرت له كثيراً، وأخذ مني وعداً بأن أزوره في مكتبه أوّلاً، وأن لا أنقطع عنه ما دمت بالمغرب، قال لي تعال، أنت رجل رائع، ابقَ هنا وستعمل معي في الصحيفة، وأنا ندمتُ لاحقاً، كما ندمتُ من قبل مع عرض ضاحك لي من "طلال سلمان" بالذهاب للعمل معه في بيروت، من أنا يا ربي؟ طَوال عمري ندمان، سكران، جَنّان في جَنّان،...
    على كل حال سنعود لفصول "حسن نجمي" وسفير السودان بالمغرب، "حسن نجمي" ووالي أزيلال، وكلّ ذلك لمعاونتي في إجراءات التزوُّج بحسناء التي طلّقناها وكنّا مذنبين، فيا لني من رجل وقح ولا يدري أين وقع منه حياؤه!
    رجعنا إلى الفندق، ولحسن حظي، وجدتُ الشَّرْبَ مجتمعين،...
    في غرفة "جهاد قبّاني" ومع عوده الفهيم،...
    دخلت، ضاحكاً، فالمحفل كان سيركّز شِراكه نحو لهجتي وسحنتي، كما يبدو، وأنا بي توق لتحدّي غريزة الاستغراب لدى الناس،...
    د. لطفي اليوسفي، بصفائه المناضل والمرحاب،..
    "أتمنّى أن أسمعك تتكلّم بدارجة السودان القحّة آخالد!"،... تونسي هو، وواضع جوهرة النقد الحديث، كتابه "فتنة المُتَخيَّل"،...
    يشاكسني "نوري الجرّاح"، ياله من موحّد هذا النوري، إنّه –مُوَطِّن عقله وقلبه وشعره- يقع اختياره على الإله في مثل هذه الأمور وليس العكس، مفَارق دنيا الأوثان منذ زمن طويل، يا نديمي أوّلاً في "كأس سوداء" من سِمّ الشعر،...
    يقول نوري الجرّاح، أكرم "حَلَبي" –كما أُناديه حُبّاً، قابلني في حياتي، مبتدع مجلة الكاتبة والقصيدة:
    "محسن خالد بدّو يقنعنا إنو هيك بحكوا في شوارع الخرطوم"،... يعني شبه الفصيح، أو لغة أوانطة المثقفاتية، الهجين،...
    لا أتلاعَن أنا، ولكن محسن خالد لسانو كأس، شيء شراب، ونتمّو موية،...
    "لا هو يتحدّث مثل المصريين"، يضيف اليوسفي ضاحكاً،...
    "أنت لا تصدّق أنني أتحدّث معك بلساننا، ها؟"، أسأله،...
    "لا أصدّقك يا خالد"،.. يقول وهو يضرب على كتفي ضاحكاً،...
    أندمج معهم، فهم فنّانون وأشخاصٌ في الوجود،...
    نجلس ونتآنس وينفض الشَّرْبُ،...
    ولا تنفض تيموليلت أبداً، مشاجرتها ما تزال تقع وتتقاذف لها الأشياء بداخل رأسي،...
    موبايلي،.. هاهو "أضرب وألا ما أضرب؟".
    يدي تذهب وترتد،..
    يصبح الموبايل، كشيء حي، كحشرة تتحرك لقربك في الظلام، يدي تذهب وترتد: ياخي يا تلفن يا نوم، موبايل هو وألا عقرب؟".
    عقرب "الكَسْفَة"،...
    لا أعي جيداً، ولكنّها السلالم التي تجرّ الكراع صعوداً ونزولاً على أقدَارها وليس على الدرَج،...
    "ألو،.. لا باس؟ ما زال ما نعستي،.. ياك؟"،...
    هم يستخدمون كلمة النعاس بدل النوم، وأنا أستخدم بدلهما الاثنين الشراب، وحتّى هو أصبح عاجزاً عن إغلاق عينيّ، عن رؤى، وفي الصحو، لتيموليلت،...
    تجيبني بشبه فصيح: أنا مساهرة اليوم، أكتب آلسي خالد، بغيت تجي؟
    تكتبين ماذا؟
    اللّي تكتبو إنت دا،.. يا! تضحك وتضيف: وأفضل شوية،... بإمالة ياء شوية هذه لأعلى قليلاً، مثل لسان المغاربة عموماً، وبمثل لكنة تيموليلت الشهيّة خاصةً،..
    بالأصل كنت لابساً، لم أنتظر المصعد، في طريقي للأسفل، وقريباً من الردهة العامة، قابلني د. شاكر لعيبي، فزحمتُه إلى أضيق الطريق كموقع يليق بالعنصري، د. شاكر لعيبي هذا، مع حذف أن يُكنّى شاعراً، فتلك كنية يُنجزها من هو فقط شخصٌ في الوجود،...
    المتأخر حين فهمت على الشط جيادُ الركب أنّها نابتة من لسان البحر للبحر،...
    المفارَقة العرجاء لتتأخّر عن جيلها من الشاعرين،...
    "نوري الجرّاح"، "سوركن بولص"، "عباس بيضون"، "أمجد ناصر"، "بسّام حجّار" "وديع سعادة"، "هاشم شفيق"،...
    وأنا أعتذر لهم، أصدقائي، عن ذكر أسمائهم في مصادفة هذا الرجل، لتغفروا لله أوّلاً وللصحافة ثانياً ولي ثالثاً، ما كان علينا جميعاً، أن نخلط مصير أيام ذلك الرجل مع مصير أيامكم،...
    كان علينا أن نبحث في سجلات المواليد وخلاصات القيد، بأحكم ممّا فعلنا، لنُجَيّلكم فيمن هو من نبوغكم وحالكم، ولكي نُجيّله في حيث لا نعرف أين يسقط،...
    ذلكم الرجل عنصري كحال زمرةٍ منّا في السودان،..
    الفنان هو الشخص حين لا يعد يذكر حاله، الفنان أنظف من أن يتسخ قلبه بالخوض في الحال،..
    الفنان من هو في شاغل عن التبسيط، التبسيط سقفٌ لرؤوس الأغبياء ولرؤوس نلمحها من فوق سياج الحظيرة،...
    التبسيط إن كان نرداً، لما وقع على طاولته أبداً في مظهر الكُتَّاب،...
    التبسيط للبسطاء أقرب إليهم من ملجة الخضار،...
    أعرف أنّي هكذا أجعله شهيراً، ولكن في أي خُرجٍ جِلْف يرنّ اسمه،...
    ذاك أمر مهم، لمن يعرف أحوال الحال،...
    الرجل رغم ودّي له، ولأيام خلت في أبو ظبي، كانت تضيق أمامه كتب الشعر كلها كما ضاقت منابعه القحط بداخله، فلا يجدني إلا ويجد لي:
    (إنّ "العبد" كالدخان وإن علا ..... لمنحطٌّ إلى الأرض سافل)
    ولأنّ الموضوع لا يعني أحداً على الأرض، خصوصاً أنا، أعف ولا أخبز له في حاله من نفس العجين،... لا أقول له،.. أليس رجلك هو المادح:
    (أتيتُ إنسانَ عين زمانه ..... وتركتُ خلفي بياضاً ومآقيا) لنار نَفْس الدخّان،...
    ولا أنّ سيف عنترة مقابل كلّ السيوف التي تخرج من دُكّانة الحدّاد، لأيادي من تظنّهم مفخّروك في الوجود لمجرد أن تلدك نساؤهم،...
    لا أقول له إنّ آل ياسر كفروا، بينما بلال ساكتٌ في إيمانه أحداً،.. أحداً، أحد،...
    أنا لا أقول ذلك، لأني أؤمن بالحظ لا بالقَدَر الظالم والطائش،...
    لندع الجاهلية، فصاحب القَدَر نَفْسه من نصّب الكافرين من آل ياسر أبطالاً، في كتابه، ولم يأمر لبلال في رمضائه حتّى بجُرعة ماء،...
    الشجاعة كبيرة ولا بدّ لقتلها من خيانة كبيرة،...
    أنا قلّة الأدب نفسها وليس قليلاً للأدب حين أُريد، ولكني أعف،...
    لا أفتح معه باباً حول المفردات "أسود" أو "عبد"، ولا أفتح معه باباً حول موقف المتنبي من الوجود كفنّان،....
    فالمتنبي عندي كفنّان وكموقف من الوجود، عاش عبداً رخيصاً وليس شحّاذاً، الشحاذ رجلٌ شريفٌ لأنّه يشحذ وكفى، ولا يخوض في حال الشعر،...
    أنا سأترك متنبيه هذا، في حركات بهلوانياته تلك، لتلقّي دنانير في طريق إذلالها له بتمريغه على التراب، منافساً أيدي العيال، فرجلك يا شاكر "صبّ" الدنانير من أحرار ذلك الزمن المعني بـ"أسود" و"عبد"، ومن كافور،....
    كافور، المكروه في مصر "بلاده" وتاريخ السود آلهة النيل،...
    كافور، الباسل والمتفوّق رغم عنصرياتٍ ثلاث، لكونه من الشيعة، ولكونه أسودَ، ولكونه من النابغين،...
    كافور هذا بِكري لصبوح رجال أنت لن تستطيع شرابهم،...
    رجال يُقَطّعون القَدَر في الطريق بسيوفهم، ويمشون قَدَراً يفتلونه من حبال لجم الراحلة،...
    يا طريق يا طريق وليس يا دم، يا طريق:
    "عبد الخالق محجوب"، "الرفيق فهد"، "غيفارا"، "مانديلا"، "باتريس لوممبا"، "إستيف بيكو"، "مارتن لوثر"، "ماتيلدا نيوبور"، "فرج الله الحلو"، "الياس مرقص"،... يا طريق المدركين وليس الثوّار،...
    وأأأخ، يا تيموليلت، "الجمال غول الجمال"، الناس تخالف، كما خالفتِ أنت عادة أن يكون الجمال غول القبح،....
    كنّا في أبو ظبي يا تيموليلت، وهذه الواقعة ليست مهمّة بالنسبة لي مطلقاً،...
    تقاطعني تيموليلت بتأثّر:
    "تكون اتقلّقت من دراوي ياك؟"،...
    أعرفُ قلبك يا تيموليلت، أنت فنّانة وشخص في الوجود، أنت تخوضين في الهظار وليس سيرة الحال،...
    قلتُ لك إنّ هذه الواقعة ليست مهمّة بالنسبة لي مطلقاً، و"أسود" و"عبد" هذه، لا دخل لها في حال الموضوع إلا بأقل أواقي الحال، فلو كان يجيئك شخص كل مرّة، وبدون أي فرز لحالة مزاجك، ليكرّر "يا برتعول لول لول"، وهذا صوت بدون معنى، مختلَق،...
    ويتكرّر الصوت، ونَفْس الشخص في صحبته، تخرج "يا برتعول لول لول"، تدخل "يا برتعول لول لول"، تنيكه في محدودية ثقافته "يا برتعول لول لول"، يقارن وَفْق أمراضه الخاصة موهبتك إزاء موهبته "يا برتعول لول لول"،...
    وبأكل الأيام لبعضها ولك، وفي شح المزاج الحسن، سيتخلّق لهذا الصوت معنى، ألا وهو الازعااااااج،.. سيترقّى الصوت من خانة عدم لخانة وجود،...
    وستتواجَه لغة وجود مع لغة وجود آخر،....
    هنا يا شاكر، شخص من وجود جِدّي وباسل، وأمّه ولدته ليكون زريبة حوشها بدل الشوك،...
    هاهو يأتيك، الوجود النائم الذي هززتَه طويلاً، أفاقَ هاويةً ولحد، في عالم اللغة الجديدة الذي ابتكرته له في التوّ:
    غِرتُ فيه صفعاً وركلاً مختصراً للبلاغة، جَلْدة طيري، خلّيتو يترّع ناس شَمالية وجنوبيين وغَرّابة وناس شَرق وهوي وحَلَبة، خلّيتو يترّع سودان،...
    ولم تُفلح محاولات نوري الجراح كلُّها لإنقاذ جُبنِه الخسيس منّي،...
    هاناس إنتو بتعقلوا متين؟ وديمة عليكم متكاتلين في سيرة الحال ليه؟،...
    أهو الجهل؟ أم عقدة القصور، لجسمٍ كان متحرّكاً وسَكَن، للانتماء إلى مكان وناس، لا تنتمي إلا للخلاء وما أجملك نمراً،....
    ألم تسمعوا قول الأُحيمر السعدي:
    عوى الذئب فاستأنست بالذئب إذ عوى ..... وصوّت إنسانٌ فكدتُ أطير
    الحنين هو الموطن،...
    مالكَ وحال المكان والناس،..
    يا شخصاً في الوجود، كُن عادلاً أبداً، مهما ظُلمت، فأنت ضد الظلم لا ضد أن تكون أنت المظلوم، وأنت مع العدل لا مع حقوق بسيطة لك، بأي حال لستَ في طريقك لوقوع مظلمة ثانية،... لم أشتم أحداً لشاكر ذلكم مطلقاً، لا والديه ولا قبيلته ولا الأشخاص الآخرين في بلد العراق، ولا ميّزتُ حالي عن حال الأكثر سواداً مني في بلاد السودان، أهل العراق وأهل السودان، قوم في حالهم، وأنا رجل في حالي ولن أدخل حالَه،...
    العنصري يجب تركيز سَحْلِه بنتائج العنصرية، وليس بعنصرية مضادة،...
    حتّى ولو لم تكن لي صحبة نبيلة و"فنّانة" مع عراقيين أمثال المخرج "جوّاد الأسدي" ومع مثقّف وفنّان كبير مثل "منذر العكيلي" مبتدع "الموسوعة الشعرية"، لما تجاوزت عدالتي، ولبقيت في إطار "منهجي الكتابي".
    أوَ لستُ أنا الطالب أعمقاً منك بين يدي مدارس الكوفة والبصرة؟ أوَ لستُ أنا الابن الأكثر نجابةً لأنسابي في النبوغ وليس الدم والحال "بدر شاكر السيّاب"، "سُعدي يوسف"، "صلاح فائق"، "فاضل العزاوي"، "مؤيد الراوي"، "جليل القيسي"، "يوسف الحيدري"، "جان دمو"،...
    فأنا عبدُ الفن ولستُ عبدَ حالِ شاكر السراب،...
    هناك أشخاص يلجؤون في مثل هذه الحالات إلى شتم الدين، هؤلاء ضعفاء فحسب، أنت تدفع عن نفسك الأذى، ولا تنتظر حتّى الله ليدفع عنك العنصريين وعابدي الجهات والدماء،...
    الذي يظن أنّ الإنسان يطابق دينه، هذا أبلد شخص في الوجود،...
    الإنسان هو الإنسان، وليس الدين، وسيظل على الدوام شخصاً في الوجود، وليس بمقدوره أن يكون الدين، مهما خصّمه الله، وخصّمته نصوص الدين،... افهم، الإنسان شخص في الوجود،...
    وحين يعتدي عليك شخصٌ في الوجود، يجب أن تعتدي/ أو تُربّي شخصاً في الوجود، وليس من المنطقي ولا من المقدرة أن تعتدي على الوجود أو أن تُربيه،...
    فما أنت إلا شخصٌ في الوجود، شخصٌ واحد، من الوجود كله في الوجود كله،...
    ينعل دينكم ودين الوجود،...
    لا تجبروني على الخوض في أحاديث الحال،..
    لولا أنّ ذلك الشخص يدّعي فِرية قرابة لعالَمي، أنا الشخص الكاتب "منهج" الكاتب، ابن "منهج" الكاتبين، لولا ذلك، لما خاض لساني بلاد غربة، وأسَفَّ في عالم ذاك الشقي،...
    تهدئني تيموليلت،...
    "ما تتقلّق آلسي خالد، تضحك،... وتكمل: نحن نحبّك آلدراوي، تعرف علاش؟ لأنك ما شيء بحالنا،... بمعنى فأنت مختلف.
    ليحكم الله بيني وبينك يا تيموليلت، لأنك أخطأتِ أن تكوني زوجتي ولكنّا قارّين في دارنا بجذورٍ للجبال، أنت منّي ومن القلب الذي غرامه المختلف والمبتدَع لتوّه،...
    تنهض لتأتيني بنبيذ، في بيجاما هذه المرّة، والأرداف منها لا تزن حالتي إلا بحال، الحركة المُلْغَزَة والفي كل اتّجاه دون أن تُرى، حركة الكدايس بداخل جوّال مكموم الفم والشفاه،...
    الأرداف منها لا تزن حالتي إلا بحال،...
    أقول ذلك وطعم تحاشي حرمان الحرمان، يفرقع كم بالونة يوم جديد، أُغنّي يائساً منّي أو مفتّتاً حموضتي في حموضة الدهر والشعر،...
    (جاااهل، ومقسّم هِيِن فوق هِيِِن، ياااخي عليّ ضنين،...
    وبابورو مشى التن تن ياااخي، وين في وين،...)
    "التن تن" هذه، تشرح –لحرماني- قوانين السرعة والمسافة معاً، بحنكة لسان الشعر الذي لا يمتلكه "ود إنشتاين"، أمّا "وين في وين" فهي مقادير الجاذبية الغامضة بين نجم ونجم، بين كوكب وكوكب،... وإيّاك أن تقول "وين لي وين"،...
    البرت إنشتاين لكي يُغَنّي هذا البيت، غنّاه بمجلدات نظريتين ضخمتين، (النسبية الخاصة: Special Relativity،.. والنسبية العامة: General Relativity)،...
    ود إنشتاين تربال كبير ولا شك، وهو حاله من حال الشاعر، متتربل في حِسّه ووجدانه وفي الأرض، ود إنشتاين والتربال من بلادي يرويان حقولهما بالأفلاك، ويخطّطان لمواسمها البعيدة بمراقبة السماء والأجرام، كما يحدّقان في الأرض كثيراً، والأرض من الإنسان والإنسان من الأرض، فلا بدّ أنّهما يحوزان الكثير من غموض السماء وحكمة الإنسان ومعرفة بَذْر الوجود،...
    أمّا تيموليلت فمطلق جمال متفرِّد "Singularity"، لا نسبية منه. فهو حالة البدء نَفْسها،...
    يُحكى أنّ الشجر بنات كُنّ مشرورات في مواعيد،...
    لذا تيموليلت ليست في انتظار أحد، ولا حتّى النيل،...
    تضع تيموليلت النبيذ على الطاولة وتتحرّك من حولي، بقلق وبين غبار القارو، مع كونها معتذرة عن حال المواعيد،...
    هاهنا ينتظر شخص كتابةً يكتبها ويقلق،...
    تُغريني عبقرية أغنيتي، بالحالين، بما هو تيموليلت النادرة هذه -ولا بد أنّ ذلك الشاعر من ناحيتنا قد حلم بها بطريقة ما، وبما هو عبقريته هو الفذّة التي خلّدها بها كما لا تعرف ميكانيكا الكم Quantum،...
    أضحك فيُطبخ بيننا السؤال،...
    "لا أبدا أبدا، لا شيء، هذه مأساة خاصة"،.. أقول لها.
    مأساتي هي أنّ متوارث تلك الأغنية حالياً، يغنيها ويحرّفها متظارفاً أو متعبقراً، لا أعرف وجهة نظره،...
    يقول بلسان أخضر ومتطحلب، ولا بدّ أنّه في هذه اللحظة يعبر في خاطره حقل برسيم،...
    وبابورو مشى التن تن، ياااخي بِرا الوزين،...
    يفسد الأمر، يفسد الأمر، النيّات المقطوفة من الشجرة الخطأ على الدوام تُفسد الأمور،...
    كانت هناك حفلة قريبة من بيتنا، وكنتُ مخموراً أقوقي، جاءتني بنت مَحَنّة سالفة تركض، تعرف مودّتي مع الأغنية:
    "يا محسن ألحق ألحق، أغنيتك بغنوا فيها".
    فلحقت بالرجل ووزّينه يرعى ساقية ود إنشتاين وساقيتي على حد السواء، لم أتردّد مطلقاً، كما هو الحال، أنا رجل يلتقي بالحياة من ناحية إيمانه دون تردّد، أو لأكن متهوراً وأروشاً، بلغتُه من مكاني ذلك وشياطيني تركض أمامي، عاجلتُه، لم يشعر إلا والميكروفون في يدي، وليده فراغ "العويش"، كما هو الحال مع خيال المآتة "الهنبول" الطارد للعصافير بتلويح الجنائز، يضج الساوند سيستم، طبقات طبقات، تتعالى، بينما أقول به:
    الوزين إن شاء الله اللّي يقلّع بيضاتك من عروقن، يا عنبلوق، الغنا بغنوهو زي ما قالوا الشاعر، والمريسة بشربوها بعبّار ستّها، والله تاني أسمع لي بوزينة منّك في الغُنية دي إلا تبقه أشتر مني!
    الصعاليك الذين يعرفون سكرتي من جركانتهم ومن جنس هذه الأمور،.. يكاونني من بعيد، من الظلام، وبـ"تن تن" لسان الخَمْر...
    "طيّب مااا تم الفاصل مرّة واحدة، تُعوولِم فوقنا ساي".
    بنتمّوا الفاصل، لمّا الشجر يدّلّى من شجرو، والطير يصن،...
    ولمّا تخرجوا من "رسمة" الحياة تلك، إلى فارط الحياة والعُمُر،...
    تحدّوا كلّ شيء،...
    جوع المطارات، الغناء الخمج،..
    وعوج البلد،..
    فكيف سيُخرج أحد زكاته للكيزان؟ وغالب طعام أهل البلدة مبيت القوى،...
    كيف سيغني مغني كما يجب؟ وغالب طعام أهل البلدة قَطْع الجِرّة،...
    كيف سيرشُد أحد؟ وغالب دماء أهل البلدة الجنون،...
    من رائحة الخيل سنعرف، أيُّ يومٍ كان لرايتنا، وأي يوم يرنّ على الأرض من حلق صريعهم،...
    بقلب تلك العاصمة الجاهلة، التي تعدّ قناعها لتتنكّر عاصمةً للثقافة في عام الرمادة،...
    القناع،.. القناع،.. لها ولهم،....
    فالقناع لا يُخفي وجه القاتل من الشرطة، بل وجه القاتل من أن يكون بداية لذكريات الأموات،..
    بداية السكّة إلى.... الخرطوم،...
    المدينة الطرماج، تسير إلى قفاها بأسرع من سيرها في الأمام،....
    عيناها في طيزها، وبصيرتها الفساء،...
    إلى أي خرطوم ذهبتَ يا "ويلفرد ثيسجر"، يا ابن أمي وابن أم منوت،...
    يا من جئت لتراضعنا همجية الحياة وشعلة كهف، يا من قاسمتنا بردف واحد بنبر حبالٍ في الظلام،...
    يا من جئتنا "ويلفرد ثيسجر"، وعدت لقومك زائغ الاسم والقلب، لتُنادى فيهم "مبارك بن لندن"،...
    يا كاتباً بالتوهّم والخطأ "الرمال العربية"، وخائضاً في سيرة البلاد النمل، والناس النمل،...
    أما راجعتَ ابن أمّك "شِنَوا أشيبي" في تحري سيرة البلاد النمل، والناس النمل؟...
    شنوا أشيبي يدلّل اسمه، أو اسم كتابه، لا فرق: "كثبان النمل في السافنا"، والناس من ناحيته، بنيجيريا، يُعدَمون لتسلية مارّة السوق المتبطّلين،...
    ذاك كان يا "شنوا أشيبي" بينما ابن أمّك "المبارك" يكتب عن المدينة الطرماج:
    (ذهبت إلى الخرطوم في مطلع العام 1935م، وكنت يومها في الرابعة والعشرين. لقد قضيت نصف عمري تقريباً في إفريقيا، لكن إفريقيا التي أعرفها تختلف عن هذه. فالخرطوم تبدو كما لو كانت ضاحية في شمال أوكسفورد، مرمية في وسط السودان. كنت أكره الزيارات والبطاقات، وأشعر بالنفور من رؤية الفيلات المنسّقة والطرق المعبّدة والشوارع المرتّبة بدقة في أم درمان، وإشارات المرور ووسائل الراحة العامة، واشتقت إلى الفوضى والروائح والحياة العشوائية في أسواق أديس أبابا. كنت أريد التنوّع والتوحّش والمشقّة والمغامرات، وهو ما كان ممكناً لو كنت توظّفت في واحدة من المدن الصغيرة. لكني بدأت أتذمّر وقرّرت أن أترك السودان في غضون أشهر قليلة)- Quotation of (Arabic Sands) Book
    اليوم، ودون أن نزايد على التاريخ، فأيّما Outsider –لامنتمٍ، يبحث عن الفوضى والروائح والحياة العشوائية، ليلحق بالمدينة الطرماج، سيناله الكثير من الفساء بنكهة اللوبيا والفجل المحلومان بهما،...
    ويا "شنوا" لا تغالطني طويلاً كالنيل، لأني ما فاضي أروِّح عمري معاك رحيح،..
    لأني مشغول يا "شنوا أشيبي"، مشغول جداً، بالعمل على خلق جسم مبتكر في كيان الرواية، بالله يا شنوا كروائي قديم، أنقر معانا صاحبك "ويلفرد ثيسجر" شاف خرطوم المحن ديك وين؟
    خمّن بحدسك الروائي، شاور ستّات الودع، ناس الأرصاد، والطير الخلقو الله عشان يكوس،.. آآخ، مَدَنْكَلة العذاب، يا تيموليلت،...
    سأفرط هذا الوريد عن طريقه، فتبلغك الروح منّي، فجسدي الدراوي هذا شامةٌ من ذاك الحريق، وغُرّةٌ سوداء تصدّ الصلوات عن جبيني كلاعب "الضَقَل"،..
    أنا الهارب من المعركة، كما ليس هو "الهارب" عند فالنتين راسبوتين، أنا ما تكسّر غَرَيناً على صفحة النهر، شائكاً كالنهر، من "صورة الفنان شابّاً" كما لم تملأ بالجبخانة كما يجب مقبرة "جيمس جويس"، من قال إنّ "عطيل أكذوبة؟"،...
    أنا ألف عُطيل غير خفيف العقل،...
    عطيل رجل فارط القلب والحنان، يخرج على الناس من العشش أو أقرب "عَشَرَة بيوت"،...
    الكتاب ماعونٌ للمحو، مثلما هو ماعونٌ للكتابة،...
    هاهنا، سنمحو ونكتب سيرة تيموليلت، في رهان مع محو وكتابة سيرتي، وسأكف وإيّاكم عن الخوض في حالها وحالي،...
    سرحت لزمن طويل، حتّى تكرّفست البيجاما على جسد تيموليلت، لعامل اللدونة، ولعامل أن تزيد النتوءات منها وفي قلبي،...
    قلت لا بد أن أفسد هذه الأسطورة لكي أعيش،...
    إنّها فاتنة من الدنيا بأي حال، وحتّى لو كانت من الخيال، فالخيال نفسه كالرؤى موضوعة دنيوية، ما الذي يمكنك أن تأتي به في خيالك وأساسه ليس من الدنيا، البنت الخيالية جداً مثلاً، أو بنت الخيال، هي ليست فتاة مبتكرة في أساسها، وإنما فتاة سوبر بمقارنتها مع فتيات من فَريق حِلّة فوق وطبيعيات،...
    فاطمة بنت الجيران –في طريقها إلى المدرسة، حلوة، لولا آفة القِصر،....
    سميرة تمدّ يديها فوق طاولة دكّان منصور لتتناول الدقيق، فارعة وحلوة، إن لم يكن صدرها يكاد يسقي منصور بطول تبهُّله،....
    سلمى يا الله، "أتجمّع أنا لها من كل ناحية مني ومعي أولاد المدرسة"، مكمَّلة، لو ما كانت فيها حبّة عوارة "خفيفة العقل"، وتُكثر في استخدامها لكلمة "هناي"،...
    وما بنت الخيال؟ الطول الغائب عن حال فاطمة + التكوّر الغائب عن حال سميرة + سلمى + رأس لسلمى،....
    ونحن لا نخوض في معيارية الجمال، وكذا باقي الحال،...
    أنا نبي جاهز، فافهموني، افهموني، واملؤوا قِرَاب الماء والسيف، وكونوا جاهزين،...
    فما خلعنا بيضتيّ ذلك المغني السخيف، إلا لإخصاء خِفَّة العقل والتكرار،...

    (عدل بواسطة محسن خالد on 30-01-2005, 05:46 AM)
    (عدل بواسطة محسن خالد on 30-01-2005, 06:34 AM)
    (عدل بواسطة محسن خالد on 30-01-2005, 06:56 AM)
    (عدل بواسطة محسن خالد on 30-01-2005, 07:23 AM)
    (عدل بواسطة محسن خالد on 10-05-2005, 02:20 AM)

                   |Articles |News |مقالات |بيانات

30-01-2005, 06:22 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    وانا محننانى الكتابة عندك...يا محسن
    كل ما اشوفها مزرورة تراوغ بين اصابعين قلمك واتذكر حال ال"نيتو" فى الحجوة...
    ويقوليها كيف عيون النيتو...تقولو كديسك الزريتو...

    الكتابة عندك كديس مزرور بينات الفداحة والقنص ...المؤبد...

    اخلى هذا المكان دهرا....ويخاطبنى صديق..بال"مسرة" قاعد تقرى محسن خالد..?

    ;كنت قايلانى قريتك "وخلصت عليك" وجيت لقيت سوناميك يكسح من طرف...تواريخ ونبوءات واحزان واصدقاء..وحاجات فى النص...
    .ماخلى دربا ما سلك
    ماخلى دربا ...ما سلك

    بقراك...بقيت...وبمشى اهلى...

    ماشة اهلى...خلاص قريتك...
    وتانى برجع..لما الدنيا .. تصن...والكلام ينشف فى حلوق الطمبارة برجع...لى سوناميك ..الكتابة...

    بس انت اكتب.....

    (عدل بواسطة Tumadir on 30-01-2005, 06:25 AM)

                   |Articles |News |مقالات |بيانات

17-06-2006, 08:24 AM

احمد ضحية

تاريخ التسجيل: 24-02-2004
مجموع المشاركات: 1871

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Tumadir)

    up up up up up up
                   |Articles |News |مقالات |بيانات

01-06-2006, 10:50 AM

Wathig Makki
<aWathig Makki
تاريخ التسجيل: 15-05-2006
مجموع المشاركات: 394

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن خالد ..

    .. أتمنى أن تراعي الله في كل كلمة تكتبها فأنت محاسب !!
    واتقي الله في ابناء وطنك ..



    Quote:


    HI Mr. Khalid Mohsin,
    Please stop writing this mess or you and your followers, will change our world to a forest and our humanity to something close to the animal part from human part.
    try to respect your religious, society and too many things ......and when i talk about your religious I mean your religious not (Al kezaan religious) because all of us knows how corrupted they are ???? but unfortunately you are starting another type of corruption worst than them......................
    Sorry for that but I will not reply to any messages from you (as i know what type of messages will be) and because i will escape from any other link related to you .....



    يضحك صديقي كريم، "شرموطة آسي خالد بغيت تحويها؟"،...
    وكنتُ مخموراً أقوقي،


    تنهض لتأتيني بنبيذ، في بيجاما هذه المرّة، والأرداف منها لا تزن حالتي إلا بحال، الحركة المُلْغَزَة والفي كل اتّجاه دون أن تُرى، حركة الكدايس بداخل جوّال مكموم الفم والشفاه،...

    "أنا ذاتي خليتو النيك، وداير في رقبتي دي، تنيكني تيموليلت، لا حول ولا قوّة

    (عدل بواسطة Wathig Makki on 01-06-2006, 12:18 PM)

                   |Articles |News |مقالات |بيانات

30-01-2005, 07:29 AM

وانجا

تاريخ التسجيل: 01-03-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    تسجيل حضور ..
    ومتابعة ..
                   |Articles |News |مقالات |بيانات

30-01-2005, 08:37 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: وانجا)

    يا تماضر، يا جدعة،...
    وأنا سأقرأك، فما كتبتِه فاتناً كالخد من تيموليت،.. ويُكمل ملامح النص أعلاه،...
    كوني هنا دوماً، وإيايّ أن أفتقدك،...
    ذاك فقدٌ بدد،...

    وانجا،...
    يا شاطر، سلام وتحية،..
    أنا معاك وما معاك، في اللفتة المقترح،...
    لأنو كلام الناس بضبطك وبغذيك وبهوّشك،...
    وكمان بطرطش كلامك وكتابك، معاك ومع الكلام الحلو الكتبوا الشباب،...
    اللتنين مفروض يحصلن، دي الحقيقة،... وكلو زول يختار،...
                   |Articles |News |مقالات |بيانات

30-01-2005, 10:17 AM

منوت
<aمنوت
تاريخ التسجيل: 18-03-2002
مجموع المشاركات: 2637

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    " ... و لكنها تلقفته بسرعة و تعلقت بعنقه :
    - سأفتقدك أيها العاق . لا تنسى صلة الرحم و الدم الذي بيننا .
    قبلها شادي بعاطفةٍ قاسية و كأنه يقتلعُ شوكةً من خدها بأسنانه . ثم أفلتيديها و اندفع هاربا ، قبل أن ينسفها العويل .
    لمحت أمه الفلوت ملقى على الأرض بجرابه . فركضت ناحية الباب بعجلة و نادت فيه :
    - الفلوت ، فلوتك يا شادي . لن ترميه هنا ! ؟
    أجابها و خطاه تدكك الأرض مبتعدةً كخفيّ البعير :
    - انفخي فيه حين تشتاقين إليَّ , سأعرف ... "
    ( محسن خالد ، الحياة السرية للأشياء ، صفحة 97 ) .

    * يا محسن ،
    كما دعوتني للخروج و ( المروق ) ، ها أنذا آمرك بالهروب نحو اكتمال ( قمر ) هذي الحسناء !!
    فالدنيا يسيطر عليها - اصلاح الكتابة في المنبر - ، و ( الكدائس ) تتكدس و هي تموء قاصدةً ( مشلعيبك ) المفارق - كتابةً - و المسكون - جنّاً - أمازيغياً تنصلح به الحروف العصية . و يبدو أنه قد ( ترخرخت ) حباله - أي المشلعيب - دوا الكديس ، و صار أقرب للمخالب ... أكمل الحكاية ، أو أهرب مكملاً لها في أو قبل العاشر من فبراير !!!
    أمرق آ زول ، محتقباً حسنائك أنثى تتجلى في كتاب ، يا بن أمي و شقيق شادي !!!
                   |Articles |News |مقالات |بيانات

30-01-2005, 11:00 AM

قريب الله محمد الحسن

تاريخ التسجيل: 29-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    صديقي الرائع والمتألق محسن
    كل سنة وانت طيب
    اسف للمقاطعة ولكن بي شوق فاض واثرت ان التقيك عبر هذه الزاويةواصل فانا ايضا متلهف لقراءت كتاباتك والتي غبت عنها زمانا
    قريب الله
    جدة
                   |Articles |News |مقالات |بيانات

30-01-2005, 10:38 PM

salam

تاريخ التسجيل: 05-06-2002
مجموع المشاركات: 224

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: قريب الله محمد الحسن)

    اها ...
                   |Articles |News |مقالات |بيانات

31-01-2005, 01:32 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: salam)

    يا... منوت،...
    يامنوت، نحن في الغار، أنا وأنت، فلنوصي نفسنا "الشيرنغ" بأن لا تحزن،...
    وإن طردوني من هنا، فلا تحزن علي عليك،...
    تماماً كما لم أحزن علي عليك، حينما طردني البوليسان "إسحق فضل الله" و"علي يس"، من بلدي كله ومن ذمة الكتابة،...
    يا منوت، نحن الله نفسه تورّط فينا، بأنّ قرّبنا من الذمة شديد، فلم يعد بوسعه طردنا،...

    يا قريب،...
    الحمد لله، أنك حي،...
    ظننتك مت بنسيانك لأيامنا، فتلك أيام تقتل من ينساها،...
    يا شريك أول ركنٍ للنقاش، لوجه الثقافة العلمانية، قبل أن تجتهد
    أنت أكثر في السياسة، وقبل أن أجتهد أنا أكثر في الكتابة،...
    يا شريك الدرب، معتقل شندي المضحك،..
    بيوت أشباح "حلّة حسن"، وسرايا 114 بمدني،...
    كنّا ندلّعها 4 نوفمبر يا قريب لو فاكر،...
    بالله كاظم الزعيم مات وألا متذكّرنا، الذي ينسى أيامنا تلك واجبٌ عليه الموت،..
    ماذا فعل "الصحابي الصادق الشريف الهاشمي" –الشيوعي المتحوّل إلى "حق"، وصاحب نكتة أطول اسم ضد الشيوعيين، ماذا فعل وصحبه "كمال مصطفى" و"عصمت الدسيس" و"موسى حسن" بعد أن خانهم "الحاج ورّاق"؟،...
    قالوا لي اركب معنا،...
    قلت لهم لو فيها "الخاتم ود عدلان بس" حبابكم، لكن ورّاقكم دا ني، وبتشوفو شوف،...
    كُن هنا، فأنت تشهد على هذه النبوءة، يا شريك أحيا أيام حياتي، صحبتنا لأزهري محمد علي وشعره، حين كنتَ أنت ركننجياً اتحادياً، "صحبة كاظم الزعيم"، و"إبراهيم حسن"، و"محمد مصطفى"، و"محمد الطيّب"،...
    أنا أقول كل هذا لأذكّر نفسي بأشياء معيّنة وسريّة، لا أنت ولا أي شخص آخر،...
    فأرجو أن لا يتلّب لي أي سياسي هنا، فهذا كلام محنّة قديييمة، قريب الله الببسّط في كتابو لي هنا دا، فاااهمني وفاااهمو تمام، هذه رسالة خاصة، ولا يجوز قراءة رسائل الناس الخاصّة ولا مناقشتهم فيها،...

    ياسلام، تحياتي،..
    وطرّقي إضنيك تمام، بهزّني الغنا فأجوط، وراجع لمّن أقدر علي القلب أروقو،...
                   |Articles |News |مقالات |بيانات

31-01-2005, 04:55 AM

هشام المجمر
<aهشام المجمر
تاريخ التسجيل: 04-12-2004
مجموع المشاركات: 9532

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن

    بالإضافة الى فضيلة الكتابة
    أضفت اليك رزيلة....أقصد فضيلة البوح.
    البوح عن ما هو مسكوت عنه دهورا طويلة..
    و مغضوب على من يدخل قبوه و يسرق من حلوته الحرام و يعطيها للشفع..
    الشفع كان ولاد(بكسر الواو) ساهلة لكن كان معاهم صبيَن تبقى صعبة.
    أصلن حكاويك دى حكاوى ولاد.
    انا متاكد فى ناس راجنك بره و حالفين مايخلوك..
    كيفن يعنى تورى البنيات الحياة (السرية) للرجال .
    ما الرجال بسووا كل حاجة وحالهم مستور
    (دائما مبتليين و مستورين) والحمد لله.
    ولمن يجى الكلام لى عند البنيات نضاف و عفيفين
    تجى أنت تفتو مرة واحدة وتكشف حالهم

    محسن
    بوح وما تقيف
    خلينا نعرف كيف نحنا نبوح.
                   |Articles |News |مقالات |بيانات

31-01-2005, 07:54 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: هشام المجمر)

    يا هشام،،،

    ياخوي تسلم، وبجيكم راجع بالمقدّر،
    ومشكوووور،...
                   |Articles |News |مقالات |بيانات

31-01-2005, 10:51 AM

قريب الله محمد الحسن

تاريخ التسجيل: 29-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

                   |Articles |News |مقالات |بيانات

31-01-2005, 11:09 AM

قريب الله محمد الحسن

تاريخ التسجيل: 29-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    [IMGa:[/IMG]
    لك مني التحية
    الجمع بخير وكاظم حاليا في القاهرة وعصمت في استرالياواتمني ان وجد وسيلة اسهل للتواصل ومعرفة اخبارك وهامل شنو في الدنيا
                   |Articles |News |مقالات |بيانات

01-02-2005, 00:34 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: قريب الله محمد الحسن)

    يا قريب، خليك قريييييب،...
    الهيئة وما الهيئة، قلت شنوووو؟ لسّاك فيها ولسانا فيها،...
    عن سؤالك الحريف: هامل شنو؟
    هامل سااااي؟؟
    خليك قريييب، نحن ماعونا كبير: 00971503229060

    (عدل بواسطة محسن خالد on 01-02-2005, 03:14 AM)

                   |Articles |News |مقالات |بيانات

01-02-2005, 03:32 AM

محمد ابراهيم قرض

تاريخ التسجيل: 29-11-2004
مجموع المشاركات: 1871

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    المرأة النادرة هذه، فتّش دكان قطّيعها في الحشا وين،
    وأشتريلك منّو لوريين قَرَض، قرض عينة المرارة طعمو تخلي حلقك أحوَل،
    ولمّن تجي تبزقوا تبزغ عينك بدلو، كلام زي دا تاني ما تجيبو فوق خشمك تب،
    لأنو هو ذاتو نتيجته ما مضمونة..
    بس برضك غَرِّق مراقدك في جَبّانة القَرَض ..


    محسن:
    لوريين قرض ما بيكفوك .. و أقول ليك الجبانة كلها ما بتكفيك ..
    عارف ليه ؟؟؟ لأنك من النوع الختري يا محسن ..
    ياخي تيموليلت قامت و كبرت و لقت نفسها سحاقية ...
    يعني فقط بنات جنسها يقدرن على استنهاض شهواتها الجنسية ...
    تقوم أنت من حلاوتك و شقاوتك تعطل فيها كل هذا (الإرث) الضخم
    و تعيدها للوضع الطبيعي ؟؟؟ خطييير يا محسن ...

    بعدين ياخي إنت من زمن القرض المر ...
    القرض في الزمن ده أصبح كالسكر و العسل
    و نتيجته مضمونة مية المية

                   |Articles |News |مقالات |بيانات

01-02-2005, 04:06 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد ابراهيم قرض)

    محمد إبراهيم قرض،..
    يا زول يا ظريف إنت،... أريتو حالك يحجّو في، كان بينفع!..
    بعدين وحاتك لا، خشمي بصّمتو وقريفتو لا الفاصل البكتب فيهو دا، (أصبر) داير تكسّر القصة مالك؟؟؟ أنا فعلاً ختري، بس ما بالشارع دا! هاهاها
    بعدين ضحّكتني، قبّال ألاحظ اسمك،..
    ومش لورييين من جِدّك بس، كان تقنجر وتحاحيها، من السايلة وأم شديدة، والهواد والسواد، وود قِفَيْ، ووادي ربيلة وبطاين ود أب قنجة وود أب سن وود موسى والرحلاية، وتقطع القرض كلو من كدنبس خلا لكدنبس خلا، برضو فَشَنك،...
    إلا غلبتني بي إنّي قدّيِّم ومن زمن القرض،... دي طقطقة تمام،..
    كان أقول لوريين من الدفاع الشعبي، رأيك شنو؟؟ ما بطمموا البطن منها؟؟؟؟
                   |Articles |News |مقالات |بيانات

01-02-2005, 10:21 AM

محمد ابراهيم قرض

تاريخ التسجيل: 29-11-2004
مجموع المشاركات: 1871

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    (محمد إبراهيم قرض،..
    يا زول يا ظريف إنت،... أريتو حالك يحجّو في، كان بينفع!..
    بعدين وحاتك لا، خشمي بصّمتو وقريفتو لا الفاصل البكتب فيهو دا، (أصبر) داير تكسّر القصة مالك؟؟؟ أنا فعلاً ختري، بس ما بالشارع دا! هاهاها
    بعدين ضحّكتني، قبّال ألاحظ اسمك،..
    ومش لورييين من جِدّك بس، كان تقنجر وتحاحيها، من السايلة وأم شديدة، والهواد والسواد، وود قِفَيْ، ووادي ربيلة وبطاين ود أب قنجة وود أب سن وود موسى والرحلاية، وتقطع القرض كلو من كدنبس خلا لكدنبس خلا، برضو فَشَنك،...
    إلا غلبتني بي إنّي قدّيِّم ومن زمن القرض،... دي طقطقة تمام،..
    كان أقول لوريين من الدفاع الشعبي، رأيك شنو؟؟ ما بطمموا البطن منها؟؟؟؟)

    محسن:
    و الله شفقان عليك من الرد على كل من قرض و دب ...
    كفاية عليك بتغصر لينا في الرحيق المدهش ده .. و زمان
    حكوا لينا عن وجع الكتابة ...
    لكن نسبة لموسوعتكم الواضحة في (العائلة القرضية) سوف نوصي
    بتعيينكم وزيرا لشئون القرض في ديمقراطيتنا العاشرة ..

    هام لكل المعجبين و المعجبات:
    بصفتي الناطق الرسمي بإسم جمعية معجبي و معجبات محسن خالد ،
    أود أن أعلن لكم أن أحداث هذه الرواية و أبطالها لا يمتون لأية
    أحدا منكم بصلة(سمعت يا السمندل ؟؟)
    كم أعدكم بأن جعبة محسن غويطة جدا جدا و مليانة بالدرر ..
    بس ساعدونا بالصبر
                   |Articles |News |مقالات |بيانات

02-02-2005, 01:43 AM

هشام المجمر
<aهشام المجمر
تاريخ التسجيل: 04-12-2004
مجموع المشاركات: 9532

للتواصل معنا

FaceBook
تويتر Twitter
YouTube


البيضاء (Re: محسن خالد)

    محسن

    مالك عوقت كدة

    اظنك حزين زىً

    مأساة بورسودان نزلت علي كعب شديد.

    خاصة و إنى قضيت فيها سنتين فى المعتقل.

    فنمت بينى وبينها و اهلها الكرام الجسورين محبة

    مفتولة من حبل عشميق غليظ

    فى المعتقل تعرفت على أهلنا البجة عندما أتى بهم ذات ليل بهيم أمن النظام

    وكان جلهم قد قضى بعض الوقت فى زنازين الأمن او بيوت الأشباح تعرضوا فيها لما تعرضوا

    قبل ان ياتوا بهم للسجن

    استمتعت بصحبتهم الفكهة

    وشربت معاهم لبن الأبل

    وغنينا غنا هدندوة وبنى عامر

    هؤلاء قوم بسالة

    لم يسبحوا قط بحمد النظام

    ولم يوطوا رؤوسهم

    ظلت هامتهم عالية و نضالهم جسور

    اللهم أ رحم شهدائهم
    بقدر ماضحوا به لرفعة اهاليهم ووطنهم.


    ولا نامت أعين الجبناء.

    (عدل بواسطة هشام المجمر on 02-02-2005, 04:22 AM)
    (عدل بواسطة هشام المجمر on 02-02-2005, 04:23 AM)

                   |Articles |News |مقالات |بيانات

02-02-2005, 04:10 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: البيضاء (Re: هشام المجمر)

    محمد إبراهيم قرض،..
    يا ود قرض، يا خوي نمرق الحد فوق السروبة من هسي، مالية "جمعية معجبي ومعجبات محسن خالد"، بمسكها براي، وإنت أستاذ ويا أستاذ وكبير وسكرتارية، دا كلو ما حنك ليك معاي،...
    الجكس خليتو ليك،.. قسمة وألا ندى؟؟؟

    يا هشام،..
    تلك مأساة وليست كارثة يا هشام، تلك مأساة، للذي أحزن وأعمق في الوجود،..
    ونحن من طور الرجولة إلى طور قراءة الأخبار،..
                   |Articles |News |مقالات |بيانات

03-02-2005, 00:13 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: البيضاء (Re: محسن خالد)

    سنضيف جميعنا وجودنا لهذه السيرة، باستخدام ردودي عليكم وحضور إلهامكم في النص، بعد زمن طويل، وفي عمر الكتابة الإسغيرية حين تتحوّل لدليل من ورق، سيجد كلٌ منّا شيئاً يقصده من هذا النص،.. لم يعد هناك شهود، الكل مذنب،..
                   |Articles |News |مقالات |بيانات

03-02-2005, 09:36 AM

منوت
<aمنوت
تاريخ التسجيل: 18-03-2002
مجموع المشاركات: 2637

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن ،

    واصل يا حبيب ..
                   |Articles |News |مقالات |بيانات

04-02-2005, 11:10 AM

منوت
<aمنوت
تاريخ التسجيل: 18-03-2002
مجموع المشاركات: 2637

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن ،

    " ... إن كل المصائب تهبط علينا من الفقر ، و هذا الذي يسمونه بالقانون . إن الأغنياء يتوارثون الدنيا و الحياة . أما نحن ( السباريت ) فنتوارثُ الفقرَ و القانونَ !!! . المؤسفُ أنهم ينشئون المحاكم و السجون كأنها يجب أن تنشأ . و الأقبحُ من ذلك أنهم يسمونها بالمؤسسات التربوية . و مثلما يلدون أطفالهم للمدارس ، و يلقمون فقراء العمال لمداخن المصانع ، لا يهدأ لهم بال إلا إذا أوجدوا مجرمين للمحاكم . فليصرفوا علينا ما يصرفونه على هذه المؤسسات التافهة لينامَ الجميعُ في الهواءِ الطلق ... " .

    ( محسن خالد ، إحداثيات الإنسان ( 1 ) ، صفحة 28 ).

    * يا بن أمي ،
    واصل الحكو عنها ..
                   |Articles |News |مقالات |بيانات

04-02-2005, 11:24 AM

Balla Musa
<aBalla Musa
تاريخ التسجيل: 30-12-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: منوت)

    واصل يا محسن
                   |Articles |News |مقالات |بيانات

05-02-2005, 02:00 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Balla Musa)

    منوت،...


    بلّة موسى،...

    يا أبناء أمي، أتفضلوا...............
                   |Articles |News |مقالات |بيانات

05-02-2005, 02:13 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يتسلسل


    تيموليلت (الوردة في دور شوك)



    الكِتَاب ماعونٌ للمحو، مثلما هو ماعونٌ للكتابة،...
    أقول لتيموليلت،..
    يا إيد القوي قلمي،..
    الكُتّاب الطوب لقوالب غيرهم،... الكتّاب محلولات الكُتّاب
    الكُتّاب وإنْ كانوا وبتمامهم،..
    والكتّاب محلولات الكُتّاب، بجركاناتهم،...
    من يتوتي في ضُلّ الحيط الدواش، وقُبْلَة خشيمو علي الرمل،..
    يا فراش توتي الحريق، وبَصِّم الفم الجمر،..
    ما قرأتُكم إلا وواطأتني الرغبة..
    لأكتبكم بنفسي من جديد،...
    جوطتكم تتوالد، وتُفَاقَد السماء في جوطتها، ما يهمّني،...
    أنا أُفتّش لكم عن عِيّالٍ من رَوّاق القلب لا من شِبَاك السروال،..
    فالجسد ليس بوسعه احتباس الظل أكثر، إن عصرت مثانته الشمس،..
    لترفع رأسك، نحو تكاليف الشمس،...
    فالسماء هباءٌ فوق هباء،...
    والأرض مهما ترفع حجراً من حجارتها لتختبئ
    يسبقك "فاشي" ويلدغك،...
    انتظروا حتّى ينبت شجر السُّموم،..
    فالكيزان شوكاتهم في جذر الحجارة كلها،..
    انتظروا، فإنّ الحجارة في منام الأرض لا يضمنها أحد،...
    قد تنام، فتهلوس، فترجم نفسها،..
    وتهدئني تيموليلت أيضاً، بعد أوجاع رجال التنقيب، من يظنّون أنّ "الشخص في الوجود" عناصرَ يُدْخَل إليها من باب اللحام، زول خارصين وزول صافي ذهب الخزانة وزول رملة ساي، عناصرَ، يُفكّكونها ليعرفوا أسعار جدودهم بعيداً عن مضاربات العقل والروح،.. أأخ يا تيموليلت من النخّاسين الجُدد، والمتدينين الجُدد، والبلاد البدد، يااا تيموليلت لو تجنّسيني حضنك فأنجو من بلاد تتقصّفها حركات الازدوال اليوم، كأنّ الزول يصحو توّاً في بلاد لا يعرف اسمها،..
    لو تجنّسيني حضنك، ويبقى شمالي نهد وجنوبي نهد! وارضع شمال وجنوب،..
    تهدئني تيموليلت، من أوجاع الرجال القرمصيص،..
    عيناها تشتغلان بروفين عندي، ولكل وجعة منّي، إلا أم الوجعات،..
    لا يسعني مثل هذا الكلام البجَرِّم يا تيموليلت، وليس بوسعي التودّد إليك،..
    "أأخ يا تيموليلت، بس لو ما كانوا قُباح ودقونن سِدْرَاً ترعى فيهو الجُمال، كان أشتريلك تذكرة يا تيموليلت، وأخليك تضوقي مُوديَّة سودانير، المخيّرة زي ربها، البِتْرِك علي كيفها وبرضو ما بتطير إلا إذا حَكَمت معاها زهْجَة الطيور، أودّيك السودان يا تيموليلت، وتِّمي مزاجك الغريب دا فيهم"،..
    فالرجال هناك يا تيموليلت، عجزوا عن نيكهم،...
    آآآخ، يا جبل الهُرار الما بنطلع، وبحر الزُراق الما بنقطع.
    يقفز نداءٌ في الليل، مجرد صوت منفلت، لا مغزى له إلا حيث انطلق، إن لم يصادف شيئاً من ذاكرة نداء لديّ ولدى المكان،..
    "الله يرحم الوالدين، آآآلشريفة،.."،..
    فيشتد الحال بي، مع البرد الذي أخذ يرصّع النوافذ، ندف الثلج الصغيرة.. صغيرة.. صُغر، تصبح كلمعٍ لعيون قطط تترصَّد بالناس والمكان، فينادي الشعر ويُغلظ في عوائه:
    الليل برد وكلّو زول طَبَق بُرِّيبتو
    وخلو المتلي راقد في السَقَط.. وا صيبتو،..
    الشعر إن لم ينادِ،.. سابع سماء وسابع أرض فيك،.. فدعه وتكلّم بالموبايل، فقد استوى الحال إذن،...
    القدماء كانوا بدائيين، وضاعوا بين أعالي السماوات كلها، وأسافل الأراضين كلها، وبين أعالي وأسافل خرافاتهم الخاصة، لذلك نادوا ونادوا، أو تساكنوا هم والنداء، الجوّة بالجوّة،..
    وبما أنّ المرأة أقدم كائن من بلد الخرافة والضرورة، فغناؤها بالنداء الأكثر عمقاً، بئرُ عَنَجٍ لا تَقَط،..
    شَلْ شَلْ كُب لي جالون
    ولا لا لا، أنا ما بديك،..
    وهَيْ هَيْ المحطة قريب،..
    ولا لا لا، المحطة هديك،..
    بالطبع، لن يفرح أي بائع بنزين في محطة أو متجوّل، بميلاد فتاة إعلانات لهم،..
    المحطة هديك، توصيف يقيس بُعد اللّمس،..
    وإن لم تفرز الحال وسرتَ في جهة "المحطة قريب"،.. فكُب بنزين عربيتك ودوِّر،..
    وإن قمتَ بمماحكات لتعيين جهة "أنا ما بديك" عن جهة الطلمبة، فهذا عين ترقية التوصيف إلى رتبة،...
    وشَلْ شَلْ شَلْ، كب لي جالون.. ولا لا لا أنا ما بديك،...
    الهجيج يحمى، والناس تنملص منها شباطتتها وشيء طِرَح وشيء خجل، الغناء عيونو حُمر،...
    المفطومون في الوراء ينادون أيضاً، بينما الأصابع المعلومة منهم وغير المعلومة بصَلَبة البنات، تجتهد في العِبَار: اللبن اللبن أبوا لي بي، اللبن اللبن الرسول كُبّي،..
    وهكذا يعود بي الحال، مع كلّ النداءات، كنّا صغاراً، نكتب ونمحو على ألواح الخلوة، وما زلنا، وفي المساءات نُحضّر أرواحنا وأجسادنا، لنتساكن نحن والخرافة وذاكرة النداء، فلا نغيب عن جيرة الجوّة بالجوّة،..
    وكان "بعاتي" النداء، يناسب عمرنا، بتنكّره في اللعب،..
    هولبلب،.. ويا الحارس، كم في الخط،... 17، كضباً كاضب،..
    هولبلب، ويا الحارس، كم في الخط،... 15، كضباً كاضب،.. هولبلب،..
    "هولبلب" تركيبة لنداء يتبنّى (هو لبَّ لبَّاً) أمّا تفصيلته فهي "فاعلٌ ما احتضن مفعولاً به من الخلف احتضاناً يسمح بطرب النتوءات في النتوءات". ننادي "هولبلب" وإن وقع نِردُ اللسان، على رقم النداء المطلوب، يكون النداء –الآخر- المُطْلَق من الحارس: شِدْ واركب،...
    نحن وتوأماة الأيام، كنّا ندق الباب، نُراهق تُراهق، تبلغ نبلغ، نحاذيها العورة بالعورة، حتى نصطّف أمام سامية الفاتنة والشرسة، لنلقّبها "الحلو مر" لموجب مساختها، كانت من حلاتها، تصل إلى بيتهم فتتحمّم من النداءات قبل أن تنام،...
    بين الطاحونة والصهريج، فضاء ومَقْنَصَة، ألحق بها لأُشاغل وعمري المستهبل قريباً من شنبات النداء،..
    ويا قصب السكر، كم في القلب؟
    فتلتفت إليّ بالحاجب المقرون وعنجاوي: واااحد وغيرك، ولو قلت كضباً كاضب، بجي بأكّلك السفنجة دي"،...
    فأُحبط وأنال: قاه قاه قاه، ثم ينادي الأولاد فيّ: أفرشْ وصَدِّقْ،..
    وإن لم تتذكّر معي كل ذلك، فذنبك وذنبي يكفياني، الشخص في الوجود وفي السيئات يُكَفِّر عنه وعن أخيه، وينادي ويذنب عنه وعن مطمورين فيه بلا عدد،..
    "فتح السيد"، موظّف البلدية، كلما تمر من باب مكتبه تسمعه في نداء، هذا قبل "كَفْ" سهام المهندسة المدنية طبعاً،..
    فآخر نداء له كان: إنتِ أوّوول حاجة مهندسة حلاوة بس، وترووقي علي كدا، للخريف الجاي الحيط ملحوقة،..
    يرن جرس الباب، تفتح تيموليلت،.. آه، آويلي آويلي المتغنّجة جاءت، عيناها من الباب تسألان عمّا أفعله في تلك الساعة من سكون الوجود، مع تَرِكَتِها بالطبع وأوسم رجل يمكن الحصول عليه في الدنيا، تُقبّلها تيموليلت "بتوفحل" على فمها، وتجذبها بتحريك دائري، فيما يمسح الحضن أب لارنجة بالحضن أب قريد،..
    يقفز صوت جدّي، شاشة العرض المحايدة، فقد خلط ذلك الرجل كسرته بالماء وبالحكمة والتقبّل، تُعينني شاشته من جانب اللغة،.. فأي نوع فكرة له نوع لغة،..
    "دامَراً" لا جدوة لا عنجاوي! تتبطّح الجُمَال في سوقها،.. وهو لا ينتقد الناس، بل المدينة،.. أو المدنيّة كما يمكن التمدّد على نحو شخصي بالموضوع،..
    ود الحرتي "الرجل المتخلّف، بمعنى غير المتقبّل للجديد بداخلي"، وهذا لقبي الوهمي لشخصه الوهمي بداخلي، أُعيّنه كي أستطيع محاربته،.. تراني في الشارع، وفي سيري الوحيد أقول: قلت لك يا ود الحرتي ما تكاجرني، يا ود الحرتي صياعة شنو بالله، أها قلت كيف؟ لا دي تهمة يا ود الحرتي"، يقول لي وأقول له مدوِّرة طول النهار،..
    تعرّفني تيموليت بالدريّة لأول مرّة،.. "سيمو"، اسمها سميرة ندلّعها هكذا،...
    فيقفز نداء آخر في ليلي، "هناكَ: في ضياء وظلمة النفس والآخر"، يا لجنون الأقدار معي، دائماً سعيت لأن يكون قدَري ومصيري لا يطابقان أحد، المصادفات تخدمني،..
    "سيمو" + حرف واحد من نداء مطمور بداخلي "نون"، تصبح "سيمون"، وما أربَط تلك السيرة بما نحن فيه من عصائد العذاب،..
    سيمون إمرأة الشاعرة السورية الشهيرة، والفحلة، "إيتل عدنان" رفيقة تيموليلت في درب الموت عُذريةً، وكلتاهما من سوريا، "إيتل عدنان" الفحلة، و"سيمون" المتمددة تحتها،..
    إيتل عدنان، صاحبة الإيعاز بـ"دامر" أخرى، لا يسوسونها بالجدوة والعنجاوي:
    مدينة ثُمانيَّة الأضلاع
    فقاعة تحمل ذكورة الجسد
    وأنوثة الدلالة
    ......... (قصائد الزيزفون – إيتل عدنان، ترجمة فايز ملص)

    أُكرّر، جدّي لا يقصد الناس بل المدينة، لذا لن يستدل بالأنثى هكذا فحسب، جدّي خلط كسرته بالماء وحكمة خصوصيته، بتقبّله للرقيق والحلب والبدو والخمسي ضكر وكل شخص في الوجود، وكان مَكّاً كبيراً،..
    البلاد التي تُبنى من مسيرة الجوَّة بالجوَّة، ومن تقسيمها لشوراع "ود حرتي" وشوارع أخرى غير ذلك، فلتتحاور:
    إيتل عدنان:
    ها عذابي يُفعمني في فجرِ ولادتِه
    ولا يبحثُ أن يُشْبِعَ رغباتِه
    إنّ حبي كنه وجودي،
    وأنتِ النبع الحقيقي للضوء
    أنا العنصرُ السيولة
    والمرايا وماءُ المرايا،
    أنا الموضعُ الذي من خلاله تُعْجَبُ بوجهك
    وتتكاثر،
    لأنّ الحب هو النظام الأقصى،
    تتقدم أمواجُ اليم، حركةً بلا توقف
    حركة تجرؤ أن تُسَمِّيَ الاياب ولا التروّي
    لكنها تمضي نحو المستقبل، شيئاً مجرّداً
    إن الواقع الخفي كله يكمن في هذه الأنهار
    ("كتاب البحر، كتاب الليل، كتاب الموت، كتاب النهاية" -إيتل عدنان، ترجمة عابد عازريه)
    "ود الحرتي" لا قِبَل له بمحاججة هذا الكلام الهواوي والفوقاني كله،..
    تتكاثر، يخطُّ "ود الحرتي" تحتها خَطّاً، ليقول: رُبَط برسيم إنتِ بتتكاثري من أختك وألا زرّيعة!؟ جَمَل فوق جَمَل بمشوا وكمان بصلوا! عاد بصلوا وين؟
    إيتل عدنان، لن تسعى لجعل أحد يُدرك، هذا غباء، الإدراك إمّا أن يتمّ بآلية نفسه، وإلا فلن يتم، تقول:
    أين نحن؟ أين؟ هناك ثمَّة أين
    لأننا بكلّ عناد، موجودون
    وكان لنا وجود،
    فمن نحن إن لم نكن أنا وأنتِ
    أين نحن؟ خارج التاريخ، خارج قصته أو قصتها
    وعوْداً إليها، خارجاً في الفضاء، وعوداً إلى الأرض
    خارج الرحم وبعدها إلى التراب، من نحن؟
    أين الأنين، أين الرعب، الحب، الألم؟
    أين الكراهية؟
    أين حياتِك، وحياتي؟
    ... .. (هناكَ: في ضياء وظلمة النفس والآخر – إيتل عدنان... ترجمة سركون بولص)

    طغيان الخطاب الأعمق في استولاد الوجود يستظلُّ إصراره، ومشاغبته مع حركة أهداب تيموليلت:
    رحى الطاحون مخيّلتي
    تواجه هذا الزيغ
    الآتي من وراء الحدود.. ليحرق الكون
    بحيث لا يبقى منه شيء
    سوى ذرة وحيدة
    تساوي الكون كله

    *

    "كل إمرأة عذراء إلى الأبد"،..

    ... (قصائد الزيزفون – إيتل عدنان، ترجمة فايز ملص)

    محسن خالد، نصف "ود الحرتي" الآخر، الأظرف قليلاً: الأبد دا يا ربي أتوبيسو واقف وين؟ العذراء زجاجة نبيذ بفلّتها،..
    ولكنني أنقلبُ لهامش كبير، ونافلة تُولم للجعليين كلهم، تجلس "سيمو" حيث موقعها، وترجع تيموليلت ندّاً لي، تتمرعف،..
    (العُشَر قام ليهو شوك)،..
    يا نور يا نور، تتبدّى تيموليلت، (الوردة في دور شوك)، وما زلتُ باسلاً، فنيازكها في قصفها لي، شموسٌ أحصل عليها، تتبدّى تيموليلت، شرسة ووقحة، كحال الفحل في حضرة حوضه، جلافة الأنهار تحطتب الدربْ،...
    هلكت مفاحة الياسمين، هلكت،.. هاهي الجنس تحت الطبيعي، الجنس بخصيتين من عالم الشيطان، يا نور يا نور، يا اللولية يا اللولية،..
    بنات حبش، بنات أمازيغ، بنات باريا، بنات حَمَر، بنات مورسكيين،... ودَقْ دَقْ دَقْ، اللول اللووول اللولية..
    وخُشّي الدارة أخمجيّا – يتكرّر النداء،...
    ... تتمَّة...
    يا بت يا ضابطة وحربية
    تتمَّة ثانية، تترَجَّل عن ظهورنا الكائنات كلها بساق الصلف،...
    رَجُلان، تركيبتهما "حلومر"، وإمرأة واحدة وبيننا الشراب وعلب القارو،.. فتصبح رغبتي حينها في تيموليلت الرجل، وتيموليلت المرأة بعامل التذكّر فقط ترغب في "سيمو" المرأة الوحيدة والمتوفّرة حالياً، يغرقنا بحر الجسد بتمامنا، يأخذنا التيار بين موج وموج، ونطفّح كلنا في جزيرة شواذ،..
    أزيح لتيموليلت وسادة المقعد لتجلس بعد قُبلة فحل جديدة وأكثر تفنّناً، تأخذها تيموليلت من المتغنّجة بعد أن تناولها علبة القارو، والجنس يتقطّع تُرَع، الحُفَر في وجه الحُفَر، استفذّتهما حركة دفعي للوسادة، انحشار الكوريق، فحنبّكت الأرداف من كليهما، الحارس ومن يحزر الرقم،..
    أمّا أنا فحسدي وحرماني يُقَوِّلان قلبي:
    أيَّما أنثى سَقَتْ ردفها كيما يطول
    تخون النبات،..
    أيَّما أنثى لا تنفلت لمواعيدي من حبال قوس..
    تتأخَّر،..
    ولسّاك في دور الحبيب!؟.. "الحريم ديل بصحّهن؟"،...
    دا صِح الصِّح العميق، ها وليد ما تشوفلك أريكة تطفر بين شخوطها! هنا الشخوط سماء وقوس قزح.
    نجلس، وتنقلب تيموليلت لشبه مذيعة سودانية بلهاء، لولا مغفرة حلاتها، تسألني،..
    "حدّثنا عن السودان،... الفنّانون والثقافة، والكُتّاب"،..
    فيقفز نداء جديد، لا أذكر رقم كم، فقد جُرِّدت ليلتها من امتيازات "هولبلب" كلها، حسن ود حلتنا الكضّاب، وهو ليس بكذاب غريب ولا أجنبي، بل نفس حسن ود حلّتكم الكضاب، نفسه نفسه، فالدنيا مخلوقة بتكرار شديد كي لا تعاني من نقص في أي جهة من جهات غبائها، الحكمة وما هو ضد الحكمة واحد، لا تنوُّع ولا ضراط،..
    عوير حلتنا/ عويركم، وهسّه شكلة النسوان الفي خشم الباب دي، ما سببها فاطمة القوّالة بتاعة حلّتكم؟ ونفيسة البوبارة دي، البقدر عليها منو غير نفيستكم،..
    أليس حسنكم الكضّاب أوصافه: يلقى بنائين يتشعبط في سلّمن هواء، أقول ليك كم درجة بتاعة معلّمين مَهَرَة، إلا ينزلوهو ببرشوت،..
    ناس الكهرباء يحاحوهو بالشديد القوي، "يا زول ما تسوينا في رقبة!"، ناس اللجان والجمعيات، شيوخ عجائز بالطبع والتكرار ينجزون أعمالهم كلّها بالشفاهة والمغالَطَة، وما تيسّر ممّا يحتاج الكتابة يعودون به لبناتهم في البيوت فيكتبنه،.. حسن الكضّاب جاءهم بنظرية "فيلهلم" للتعاونيات، شرحتها له أنا عصراً وأراد هو تطبيقها مع "الكينزيين الشيوخ" أولئك مساءً، غايتو ضارباه جنس عَجَلة وشفقة،..
    أمّا ناس الثقافة ديل فهو متخصّص فيهم،...
    كنتُ ضحيته على الدوام، فقط لأنّني امتلكت مكتبة مُرهبة بوسط ذلك الريف الميّت والخانع،..
    يأتيني بشعره لأُصحّحه بسبب –كوني لميض في اللغات، يصف هو-، التصحيح الذي ينقلب في النهاية إلى نهزرة بحتة لي من قِبَله،..
    نقصد صاحباً لنا، في قرية ثانية، فيستوقفني هو في الطريق لقضاء حاجته، ويؤخّرها قليلاً لينقل حالة وجوده لحالة وجودي، أنا لا أكذب ولا أُزيِّف أبداً، ولا حتّى أتجمّل الأكثر غباءً، بل أنا أتفنَّن، ولكم أصابتني الغَيْرَة من الباسل (نصير الدين الطوسي) لأنّ البحّاثة المكين (أبو الفدا إسماعيل بن علي) قد نعته بـ"المُتَفَنِّن"،...
    ياخي ياخي يا محسن، قصيدتي دي ما فيها كلام، ما تقول لي فكرة وبناء ونحو ووجهة وتشيل فوقنا النهار دا كضب ساي!!!
    أسكت أنا ولا أُخاصمه دفعاً عن صدقي ولا علمي، إذ لا فائدة،...
    يتعورب في لغته ليهين آرائي أشطَر:
    يا زول أنا أمور الجَهَلة المتفلهمين دي جت عليها خابرها، إنت قايلها هادي برّيكَة ناقتي من الخَلا وألا شنو؟...
    أغضب أنا، هذه ليست قصيدة يورّط الشخص فيها نفسه، كما يسعى لتوريط آخرين،...
    خليهو الكضب المشيّلو ضهري زمان، هسّه تعال، جيب القصيدة،... أتخلَّى عن حكمتي لخاطر حكمة الشعر،...
    يُعَلِّي هو صوته قليلاً، بطولته إن لم يسمعها أحد، فما هي؟ فأعرف أنا الذي أُعطي ظهري لبداية الشارع، أنّ رأس الشارع قد غُوزل ولا بُد، بمرور بنات يقصدن جهة، أو حبيبته سمر تحديداً، التي يتشعبطها غصباً عنها، فما هي إلا سُلّمٌ لبنّائين آخرين يصادفونه، "حنانه" نزولاً عند لغته،...
    تُشارف قامة صوته البيوت، فأكاد أجزم أنّها سمر،...
    يطير صوته قمرية من فوق البيوت، فأتأكد أنا من كونهنّ "حنانه" فحسب،...
    أتوقّف له عند أوّل بيت في القصيدة لأُحاججه، مساعداً له، كي يثبت بطولته في حيث يجب أن يذهب به الحال وينتهي عند حسمه بيد مارزبّة مُشْ شاكوش،...
    يجرُّ هو الورقة من أسفلها، ويدفع بأصبعي إلى جوّة القصيدة، وعيني وإن كانت بالفعل كعين العنكبوت، ولكن لا يمكن الاستفادة من ملكاتها المعروفة، إلا حين صيد حقيقي، كما تخلو من أي نتوء أو حفرة فارغة، تُمَكِّنه من حَشْر إصبعه فيها لأجل جرّها إلى جوّه القصيدة التابوت، يتمحّن وينحك،...
    يستوي "حنانه"، متجاوزاً، فيما يقصدنا من طريق، فيعود مرّة ثانية لبطولة الكلام المرتفع بأعراض أخرى، جدري البقر سُعار الرتيلة، لا أعرف، ولكن الشعر من أعراضه تلك مسافة نمشي دنيا تانية ونغيب:
    يا محسن الفكرة في البيت الأوّل دا خليها، عااارف إنّها قريبة وهينة خالص، وبدون باكورد بجيبها، شوف كلامي التحت دا كيف، أنا داقي فيهو تمانيات جنس ربّك،...
    أقول له أنا لعامل الملل وليس الغضب: دينك ياخ، قصيدتك المخوزقة دي قلنالك ملصتها من جعباتك، ولو داير تكتب قصيدة بالجد، واصل من "تمانيات جنس ربي دي" تحديداً، وقصيدتك البتتوحّم فيها من سنة للتانية وفي زمن الولادة تحسى منّك "خور عنجة" الناشف داك!، بتجرّها بي مشيمتها من العبارة الناشفة دي، بس لو خَلّيت حَكْ رأسك البرّاني دا، لأنّو سمر فاتت، وُبِقيت تحك رأسك دا من جوّة، ياخي النادي دا... بأدبخانتو، شُور رأيك، تقضى غرضك وألا نمشي؟...
    يحدجني بشراسة، فسمر بقلب الراهن تُلهم كذّابين شوارع أخرى، فتنالني أنا مكافأة انفشاشته، يصيح في الشارع:
    خلااااص يا بطل، يا ناس هوووي محسن بطل،..
    محسن ليس "الباقات ولا الخيش ولا الحبال" ليصبح بطلاً هكذا، هو لا يعترف بك ولا بهم، ولا بأبطالكم القدماء والمكرورين أولئكم،..
    المنتخبون لعامل جبنهم، ومن تنجزونهم أبطالاً بمجرد تهديد، كونوا أبطالاً في أعيننا وبمواصفات بطولاتنا، وإلا فأنتم أبطالٌ في نظر من؟،...
    أنا البطل الذي ينتخب ذاته وفي نظر الخلاء، أنا البطل الساقي والحاصد نفسه في حقل شجاع، ونفسي كلها أبطالٌ، تنازلهم نفسي، في بطولة المرايا..
    وعلى صفحة النهر،..
    يلعنك ويلعن طاريك، أعُد للمذيعة تيموليلت، بعيون تطلب استكناه السؤال وليس إعادته،..
    فين إمشيتِ يا؟ تسألني، والضحك منها مخشوشن قليلاً، لا بُد أنّ دور الرجل الملعوب هذا، وبدون ثعبان في السروال، إن لم تتحرفن فيه جيداً، فسيثبت لها كم من أواقي الحال تساوي في الميزان، بينما الكَفّة الأخرى يصنقر فيها حسن الكضّاب،...
    "نتسولوا عن السودان ودرياته ودراري يا؟ تقول هي، نسأل عن أبناء وبنات تلك البلاد القديمة،..
    "الله ينعل دين السودان الكضّاب زي حسنو دا!"،...
    "الفنّانون والثقافة، والكتّاب"،..
    يُفَلِّي سؤالُها رأسي بالتُهم،..
    كان لنا أفراد يا تيموليلت،..
    أفراد فحسب، حلويييين، فمضغناهم ومضغناهم ومضغناهم،...
    حتّى تركوا حالهم، ودخلوا حال اللبان،..
    تضحك المسخوطة،..
    "علاش، را شفت هاديك التصويرة حلوة بزّاف، ديال.. ديال،.. اللـ..."،..
    تقصد حضورها لمعرض تشكيلي، لفنّان سوداني، وأعجبها، وإن لم تعد تذكر اسم الفنّان، سألتُ عنه الشاعر "أحمد بالمسيح"، فاتضح أنّه "راشد دياب"، ورووا لي أنه تفلهم عليهم كثيراً أوان معرضه، وأنا انبسطتُ لذلك، فبعض منّا يذهبون للخارج مجرورين بحبل الدونيّة والمعيز، عفارم عليك يا راشد،...
    أنا مثلك بالخارج كلّه، أتفلهم علي من يتفلهم عليّ، وأركبهم بكل ما أمتلك، بقلمي ورأسي وشيتي ولغير المهذّبين كَفّي قريييب، ومع الطيّب طَيْبة الرسول بمآذنها وقِبَابها،..
    أنا لستُ الفنّان المسكين، المتروك للجراثيم تتعيّش عليه، المضايَق ومضايَر في أطيَز ركن بالخارج، يا إيد القوي قلمي، ويا إيد القوي إيدي، وعمري سطر واحد، ودغري، يمرق من كتاب ويدخل في التاني،...
    يحكى أنّ رجلاً ذهب محزوناً ويتعثّر في أحزانه إلى القيامة،..
    قيل له مالك يا مالك الحزين؟
    قال يا ربي أحزنني البشر.
    قال له ربّه ولماذا حزنت لهم!؟ كان بوسعك أنّ لا تفعل، أنت خوزقت نفسك،..
    فحزن الرجل الذاهب بحزنه إلى القيامة من جديد.
    وإيّاك أن تسألني، من أين أتيتَ بقصتك هذه؟؟ إنها قصة، فمن أين يأتون بالقصص!؟
    تتكوّر تيموليلت في جلستها الإذاعية،.. تقول:
    غير الطيب صالح، لا أعرف أي كاتب آخر؟؟
    نعم الطيب صالح، الطيب صالح،.. أقول أنا هارباً من إزعااااج هذا الرجل، فقط الإزعاج،..
    وغيره، ألم يتبقّ أحد؟؟ تسألني،..
    أُتمتم في سري، غيره!؟؟ ومتى سأل الآخرون ليعرفوا غيره، هم فقط يسألون ليثبتوا معرفتهم له هو، ثم توصيفنا، أنتم كُسالى، لم تبلغونا بعد،... ولكني أُجيبها:
    غيره؟؟ سآتيكم بالصور لغيره، فقد قتلوا وما أبقوا إلا الصور، منها ما يهم، ومنها ما هو لألبومات الصور في المَلَمَّات والمُلِمَّات، الأعراس، والبكيات، ابتداء ديموقراطية، إلغاء ديموقراطية، اتفاق على حرب، إلغاء حرب، انقسام حزب، ترتيق حزب، الألبوم الذي أصبح نيلاً في طوله وجريانه وأبديته،..
    ومن ناحية أخرى للحقيقة ومُعَاكِسَة، الألبوم الذي "يجك" في مكانه،..
    ثم نخوض في سيرة العارف "محمود محمد طه"،...
    الشيخ الذي يهشّ الموت بمسبحته، ليدرس، طَرَقْ طَرَقْ فوق راسو، أقعد آلمبروك، والموت يِمِلّ داير اللعب، طَرَقْ طَرَقْ كَمّل شَرَافَة لوحك آلمبروك،..
    الموت سقفُ البيوتِ الواطئة والرجال الواطئين
    الشوقُ قيامة الموت، هيّا فقُمْ، والغروب عودة مَنْ بالحقل تأخّروا
    ونحن العيال، أبخُرجِك الرحيم فينا "دِفِّيق التمور"؟،..
    ها إنِّي أنتظر لا باب لي، ها إنِّي أنتظر وعِرْقي في الأصيص
    مثلك لن يرميَ عليه جبلٌ ظِلَّه ولن تطأه ريح،...
    أبداً، ضد شلل الجبال المقعدة، ولجة بحر محفوظ الخطو والحافر
    لولا الإنترنت لما صدّقت تيموليلت أنّ البورتريه، للعارف محمود، هو لمفَكِّر حقيقي قُتِل في الثمانينات، فقد ظنّته في البداية نظام "أتفلا –أهظّر" معها، وأخيراً سأقول لها، هييييه، غشّيتك،... هذا أبي،.. وسيأتي لزيارتكم،..
    أهديتُه لها، وما يزال يُزَيِّن صالة شقّتها حتّى بيان هذا الراديو المضاد،..
    الثمانينات،.. كيف؟ كأنها تسأل، أوَ في زمن فيه الدنيا حاضرة!؟ هي مثقّفة طبعاً، وتتوقّع أن يكون تموين القرون الوسطى حينها قد انقطع عن السودان أيضاً،..
    لا أعرف كيف، كنتُ في الابتدائي،..
    الابتدائي "ديالي -تبعي" والقرون الوسطى، يا تيموليلت، كانا يأكلان بفمٍ واحد، ويتغوّطان بدبر واحد، و"أدروك – الآن"، شحموا المغول،..
    عينا سيمو، زرقاوان بمزاجية الحبيبة ونهنهة، لم تصالحاني حتّى هذه اللحظة، متخّصصتان في الدلع على تيموليلت، وتيموليلت لا تبخل على "حنانها" بالتدليع،..
    اصبري يا سيمو عليّ، هنا رواية فحسب، وأنا في النهاية روائي ومنصرف،..
    الصبر الصبر، يُعطي النساء أولادهن، ويُعطي الأرض والأنهار والجبال معانٍ تجعلها شهيرة في الوجود بشيء،..
    يقفز نداءٌ آخر في أطول ليل للنداءات، شقة تيموليلت المكان الأكثر قرباً لمنجم النداءات من باقي الأرض كلها، شقّة المُخْتلِف مُحِبّ المُخْتلِف،..
    ندائي بالصبر في عينيّ "سيمو"، يُدخلني في نداء "الصبر وعلي كنعان والقواميس"،..
    علي كنعان الشاعر السوري، لا يمكن إعرابه في الوجود إلا كحالٍ بين الصبر والقواميس،..
    يقول: يا لعين، عامان ولا تعثر لي على عنوان محي الدين فارس!
    أنا وهو شيخان من زمن المحنّة، وأنت وأمثالك الجفاء في زمن الجفاء،..
    لطالما وقفت معه ضد نزار،..
    لماذا تناصره على نزار قبّاني؟، أسأله أنا،..
    "لأنّ محي الدين فارس الشاعر، ونزار قبّاني العاشق"،..
    أُهدّده مبتزاً، انتظر حتّى أشيل حالك لفاطمة، يسمّي ديوانه الأخير "نخلة اسمها فاطمة"، زوجته. لا أقول له أنت مثل سليمة بائعة اللبن، تَغِشُ كرمك يا رجل، تُهدي العناوين إلى فاطمة، بينما القلب في إهدائه الأبدي إلى الشعر.
    يعرّفني على محي الدين كفارس، بالفعل لا بالاسم، أجهله أنا من زمنه هو، ويمنحني فرصة التعرّف على أصدقائه "عبد الكريم قاصد" الشاعر المتلندن، و"فائز خضّور" الشاعر المجذوب، الذي إذا ما قُرئ الشعر يتحمّم بالشراب، والراحل "ممدوح عَدوان"، الشعر، والدراما، والترجمة، خصوصاً كتاب "تقرير إلى الإغريق"، لنيكوس كازانتزاكيس،... فذاك كتاب من فارط الكتابة،..
    كما هو بصبره أيضاً مساهم في الوجود، على نحو عائلي،..
    بنيّتان، والبنون حدود شخصية، بين حدودنا وجيرة الوطن،..
    شاميّتان من معمار حلوتهم النابغة،..
    يدس فوتوغرافين لهما على الدوام في جيب قلبه،..
    كوداك تغازل غزلها وتنصرف، يحلُّ سفيه،..
    من هذه يا علي كنعان؟
    "هذه رؤى".
    والأخرى؟
    تتلكأ عيناي غمزتين، وتتأخر إجابته في الرد عليّ ثلاث بسمات،..
    أقول: لا لا انتظر، هذه الحسناء أعرفها، أستغرق، وأستغرق أكثر، حتّى ينمو فوق عينيّ قوسا قزح إثر غمامها، وأنا صعيق الغمام إلى الأبد، والشارد من برق السماء في فراغ،..
    يضحك هو ببشاشته، وكان يتّهِمني دائماً بأنّه بلقائي إن لم يكن قد قابل "الفليل" شخصياً، فلا بدّ أنّه قابل الناطق الرسمي باسم "الفليل"،..
    تعرف من؟ يا زنبور خجل السيدات، يسألني هاشّاً لي،..
    هذه،.. أتكون هي؟ أنا رأيتها في مسلسل مع أيمن زيدان،.. لا أذكر اسمه،..
    يستغرق أعمق في الشاعر الصبوح،..
    "يا محسن شو بدّك، هذه الأماني من عمّك كنعان، هذا النشيد"،.. رُبى كنعان،..
    لا حولالااا، يا غتيت، ما كان تقول لينا زمان، عشان نتوصّى فيك أكتر، وما نتغابى العرفة في وسامتك.
    "يا شيخ روح، شو بدّك من ها الصبية؟".
    ما بدّي شيء وحياتك، سلامة الجمال،..
    لتأتيه في زيارات له، تُرتِّق بها صدع القلوب، لأقسمها معه بحنكة فَقَير في جيبه "فتّاحة" قَسْم النبقة بين المتصوفين، بـ"فتّاحة" القلوب مُش البيبسي،..
    رُبى كنعان، النظرية المناهضة لتيموليلت، والدليل مسلسل "جميل وهناء"، فقد لعبت (الوردة في دور "وردة")،...
    لا أدري أيهما الأقدم والأعرق، (الوردة في دور شوك) أم (الوردة في دور وردة)،..
    وفي الأحوال كلّها، النيل أبلغُ من مطرٍ قديم،...

    (عدل بواسطة محسن خالد on 05-02-2005, 02:51 AM)
    (عدل بواسطة محسن خالد on 05-02-2005, 03:45 AM)
    (عدل بواسطة محسن خالد on 07-02-2005, 06:37 AM)
    (عدل بواسطة محسن خالد on 12-02-2005, 05:17 AM)

                   |Articles |News |مقالات |بيانات

05-02-2005, 03:20 AM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ممتع
                   |Articles |News |مقالات |بيانات

05-02-2005, 07:22 AM

أبوالريش

تاريخ التسجيل: 23-03-2004
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد السر)

    الفن!..
    ليس كل تعبيـر عن الحياة يعتبـر فنـا.. وإلا لكان الذهاب إلى بيت الخلاء فنـا أيضـا.

    (عدل بواسطة أبوالريش on 06-02-2005, 09:02 AM)

                   |Articles |News |مقالات |بيانات

05-02-2005, 06:32 AM

المكاشفي الخضر الطاهر
<aالمكاشفي الخضر الطاهر
تاريخ التسجيل: 08-08-2004
مجموع المشاركات: 5628

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يا زول امسح الكلام الفارق الكاتبو دا

    ما بتخجلوا تطبلوا للزول دا ويكتب فى الكلام الكعب

    هذه الألفاظ السوقية تكتب هنا وأنتم تطبلوا


    أعوذ بالله


    المطبلاتية
                   |Articles |News |مقالات |بيانات

05-02-2005, 12:01 PM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ألحق يا محسن
    هذا البوست الجميل أصابه الفايروس السوداني
    الكرام أبو الريش والمكاشفي الرجاء سحب مداخلتيكما وتغييرها لـ UP لأنها تشوِّه هذا البوست
                   |Articles |News |مقالات |بيانات

05-02-2005, 11:04 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد السر)

    محمد السر،...يا زول يا فنّان، وسلطة بكونك فنان، تحياتي ليك وشكراً – خليك أخوي ودم طيّب
    وما تهم،...



    العزيز أبو الريش،...
    أولاً تحية،... وسلام،..
    أُريد أن لا أخوض في حرب معك، ولا مع غيرك، فاحفظ هذا الود..
    لذا لن: (1) أتحدث عن فهمي للأدب ولغة المثقفين التي رفضت أنت أن يتحدث بها إليك أحد،.. لا حظ كونك تحدد اللغة التي يجب مخاطبتك بها والتي يجب أن يكتب بها كاتب،...
    (2) لن أطالبك بقليل اجتهاد لمعرفة من أنا سياسياً الماضي والحاضر،..
    (3) لن أتعرّض لتهديدك لي بـ(أعمل حسابك يا محسن، نحن سنلصقك بالجبهة، أنت جئت في زمن أحداث بورتسودان)،... راجع تاريخي أولاً قبل تاريخ البوست والأحداث،..
    ( 4 ) لم أطالبك بقراءة القصة لتعرف هل هي تحارب أم تُوالي،....
    (5) لا أُريد تشتيت الخط الوطني هنا ولا في أي مكان آخر، وهذا رجاء إليك، لا تضطرني لأضع نفسي وإيّاك في محل خراب وتشتيت جهود،..
    واستعفافي عن حربك هذا لعامل واحد، (هو أننا في المنتهى نرمي لمحاربة من يحارب الفكر وحريات الناس –نظام الجبهة الإسلامية باعتباره نموذجاً، ويمكننا حفظ مقعد هاهنا لكل من يمنّينا بنظام هذه آخرته، فأنا ما قاتلت مع الأحزاب سابقاً إلا لأجل أرض أرضي وليس ليعقب الكيزان محتلٌ آخر لي)،... وانظر بنفسك إلى الطريق الذي تريد أن تقودني فيه لو أنا تركت قصتي هذه وانصرفت إليك،...
    وانظر إلى الأصوات التي عارضتك، بلّة موسى وغيره،... ولا أظنك إلا قد استعجلت، مع أنني أحفظ لك حق تحفظك على لغتي ولكل من يعترض عليها، ولكن إقصائي المطالب به وتهديدي بالتجريم الذي حاربته طوال حياتي فيمكنك مراجعة هذه النقطة مع نفسك، ولو كانت آخر ما لديك بعد تجريد كل نزاهتك فافتح كتاباً منفصلاً (بوست) وأنا سآتيك،..
    ألفت نظرك لنوعية التداخلات التي صفّت معك في وجهة واحدة، ولا أستخلص من ذلك أنك كوز، حاشا وكلا، لست ولداً صغيراً، بل ألفت نظرك مرّة ثانية لكونك ستخلق بِركة للهوام،.. وأنت رجل سياسي كما يبدو لي، فامعن التدقيق السياسي، كي لا تُسرج الفرص للانصرافية التي تريد اتهامي بها، لذا رجوتك أن تحفظ الود والخط الوطني، لو تقاتلنا أنا وأنت، فمن الرابح؟ أنت لن تزيلني ككاتب وأنا لن أُزيلك كسياسي،... فانتبه،..



    المكاشفي،..

    المكاشفي، يا زول إنت وكت ماك من ناس المرايس، بتتكبّس مالك؟ المحل هنا زرّيعة، شوف الحولية وين؟
    إنت قلت كلامي (فارِِق) وبالصح فارق ونادر والرجال البكتبوهو ذاتن فارقين، ما زيكم،..
    أما كان قاصد (فارغ)، وخانك عدم العرفة والفرز بين السمح والكعب، بقوليك شوف محل الكلام المليان وين، معانا هنا بتضيّع يومك ساي، هنا في إدراك ما معلومات، والإدراك قسمة الخالق،..
    بعدين شايفك في البروفايل كاتب شيخك البرعي، أسأل شيخنا الجليل وبلّغوا سلامي، قوليهو في كلام خواص وكلام تاني؟؟ كان قاليك في، أعرف كلامنا دا عِبارو ما قدر أضانك،.. وكوس عِبار أضانك وين،..
    وربنا ذاتو قال لو لقيتو الكفّار ديل بخوضوا في كلام كعب، ما تقعدوا معاهم، لا من يجوا للكلام السمح تعالوا،.... أها نحن الكلام السمح ما ماسكين شارعو تب، عشان كدي فوت وما تجينا تاني هنا لامن ربنا يهدينا للكلام السمح،..
                   |Articles |News |مقالات |بيانات

02-05-2006, 10:28 AM

شادية عبد المنعم

تاريخ التسجيل: 24-08-2005
مجموع المشاركات: 1298

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    عفيت منك يا جنى
    عفيت منك
    الزول يمشي وبس
    لا ملزوم يسمع لا ملزوم يفهم ولا ملزوم يتمتع بالدهشة
    لا ملزوم يشهق من الجمال
    فهذه منحة الله للخواص من خلقه
    واصل التر يا محسن ÷ذه اللفظة مقتبسة
    من وين؟؟
    بقول ليك
    لكن انت خير من يعرف المترار وتر الخيط حتى لا ينسرب راسه من اللفة
                   |Articles |News |مقالات |بيانات

06-02-2005, 02:43 AM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    Quote: الشعر إن لم ينادِ،.. سابع سماء وسابع أرض فيك،.. فدعه وتكلّم بالموبايل، فقد استوى الحال إذن،...
                   |Articles |News |مقالات |بيانات

06-02-2005, 03:28 AM

محمد الواثق
<aمحمد الواثق
تاريخ التسجيل: 27-05-2003
مجموع المشاركات: 1010

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    استاذنا
    محسن خالد

    الإبداع في رأي المتواضع وبخاصة في الرواية ان تنقل الواقع حتى بسخافاته واسقاطاته بلغة ترفع ذلك السخف وتلك الإسقاطات الى عوالم جديدة يستمتع بها الجميع دونما خجل أو استحياء وبأدب حقيقي - وأعتقد ان في يسرده الأخ محسن خالد مشروع رواية ولكن اقول يا محسن قد جانبك التوفيق في العنوان وانت الذي تمتلك من اللغة والفصاحة والكتابة القدر الذي يمكنك من ايصالنا لما تريد ولما نريد ان نسمعه منك ، فلتدخل علينا وعلى بيوتنا واطفالنا برفق يا عزيزي حتى لا نلجأ الى مقصات الرقابةوانشاء تلقى الرايح ليك .
                   |Articles |News |مقالات |بيانات

06-02-2005, 04:59 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد الواثق)

    محمد السر،...
    يا زول يا فنجري إنت، هاك دي إهداء،...

    Emancipate your self from mental slavery
    None but our self can free our minds
    Have no fear for atomic energy
    Cause none of them can stop the time
    How long shall they kill our prophets
    While we stand aside and look
    Some say it's just apart of it
    We have got to fill full the book
    Won't you help to sing- these songs of freedom
    Cause all I ever have
    Redemption songs
    وما تقسم معاك إلا لزول بعرف الحلاوة دي اسمها شنو!! حلاوة حارّة يا ربي!!!

    محمد الواثق،....
    شكراً يا محمد الواثق علي نصيحتك الظريفة،... مع إني ما فهمت كيف يكون إبداع وبنقل الواقع؟؟؟
    بس قلت ما دام بشهادة لسانك، رأيك في الرواية متواضع، خشمنا نوفّرو لملاواة الرواية في رقبتها دي،...
    لكن تنبيه، ما دام إنت بديت كلامك عن أُسر واحترام، وسممممح، كان تواصل بدون تعريضات، وكان رديت عليك بنفس المستوى من الأسرية والاحترام،...
    لأنو التعريضات دي، فن، أنا مارق ليهو روائي كامل وكلي، والرايح لي دا إن شاء الله ألقاهو من خشمك لـ ألله، لأنك ما شفت تيموليلت وحلاتها، وتاني سبب: نعمني آود أخوي واثق من البرمدي حقي، كعب تلم فيك إنت البدّاعي وشاتر اسمك دا،....
    وبدون زعل يا ظريف،....
                   |Articles |News |مقالات |بيانات

06-02-2005, 05:18 AM

المكاشفي الخضر الطاهر
<aالمكاشفي الخضر الطاهر
تاريخ التسجيل: 08-08-2004
مجموع المشاركات: 5628

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)
                   |Articles |News |مقالات |بيانات

06-02-2005, 05:47 AM

المكاشفي الخضر الطاهر
<aالمكاشفي الخضر الطاهر
تاريخ التسجيل: 08-08-2004
مجموع المشاركات: 5628

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)
                   |Articles |News |مقالات |بيانات

06-02-2005, 08:21 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: المكاشفي الخضر الطاهر)
                   |Articles |News |مقالات |بيانات

06-02-2005, 01:41 PM

محمد خليفة محمد جميل

تاريخ التسجيل: 01-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: يازولyazoalيازول)

    محسن...
    سلام يشبهك....
    واٍستمر تتهجي في ابجديتك طفولتها...
    دعنا نقرء...
    شفتان تفتران من شغب السواقي...
    جيدا الي المجهول...يعانق السماء...وتيموليلت...
    نهدان مترعان بالحكايا...
    فيا صديقي...
    هذا النص/الابداع أشبه بأنثي راغبة وعصية علي الهتك....
    تحاورك برغبة قطة قامة من أرواح الشيق..واستقبالات قيامة لم تبدء بعد...!
    وتصد عنك_كفرس لم تروضه شهواته بعد ولا ارتمي لـــ رسن_تصد أظافرهم الطويلة التي تحاول أن تحك دمك/مدادك...
    وهذا الادراك في اللغة كل مرة....
    أمنحنا أناشيد سردك فتأكد باننا لن نلحنها بخفة...
    لانهمل هوامشها...لاننتهي منها سريعا...
    ولاتلتفت.......دعهم......وغني..
    أكتب بذاتك ولذاتك......ولنا..
    حتما سنقرؤك هذرا وهذيانا ....وبوحا..
    واصل..........
    أدر كاسك هذيانا تحت ستار الوعي...
    دعنا نستمتع بنهريتك المتدفقة...
    ودعهم يحاكمــــون......
    "الجسد العاري للمرأة العربية"
    أو....
    "الخبز الحافي"..
    أو....
    ........
    سلملم....
                   |Articles |News |مقالات |بيانات

06-02-2005, 11:07 PM

هشام المجمر
<aهشام المجمر
تاريخ التسجيل: 04-12-2004
مجموع المشاركات: 9532

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    محسن

    الزول بتاع يا يوم عشرة ماتسرع ما نجمتو كويس

    الله ينعلو داير يطمم بطنا من البوست

    لكن فى الأمور الزى دى بطنوا بطم منو اكتر

    الغريبة الزول ده فى كل موضوع تلقاهو ناطى إكنو متفرغ للبورد

    كت داير اقول غريبة والله ولكنى إستدرك و اقول: ما غريبة والله

    (عدل بواسطة هشام المجمر on 06-02-2005, 11:10 PM)

                   |Articles |News |مقالات |بيانات

07-02-2005, 01:28 AM

DEEK_ALJIN

تاريخ التسجيل: 07-04-2002
مجموع المشاركات: 1622

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: هشام المجمر)


    الاخ محسن خالد .. تحياتى


    لله درك يارجل فقد نصبوا لك المشانق .. قديما وفى هذا المنبر اقاموها

    على الروائى المتميز عماد براكه حتى كره وغادر المنبر واحسبه الان

    يتاوق ليك .. ويرى السيوف التى ابعدته تسن لك ...

    رجاء اخى اكتب .. واكتب حتى يتعب اصابعك الكيبورد .. واستجم وارجع لينا

    تانى اكثر حيويه .. اكتب ولا تلتفت الى الخلف فلن يضيرك العواء

    اكتب حتى تريهم خبز السودان الحافى وشطاره ... فلغة الجسد وهمسات الشفاه

    من اكثر اللغات شيوعا .. تعقد لها المؤتمرات فى كل ساعة

    وكل دقيقه وهى اكثر اللغات حميمية .. وانى اعزرهم ان علموهم عدم التعامل

    بها الا حينما تطفأ الانوار وكتبوا عليها دوما (( سرى للغايه ))

    محسن خالد

    نحن فى انتظارك

    ولك التحايا وقبلات الصبايا


    ديك الجن
                   |Articles |News |مقالات |بيانات

07-02-2005, 04:04 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: DEEK_ALJIN)

    يازول يا زول،...
    يا زول يا بطل،.... أريتك طيّب،...
    مثلك أحترمه بحق، هذا الوجود كله هو موقفنا فيه،...

    ولك صادق تحاياي ومودتي

    هشام المجمَّر،....
    هو لكن زولك دا يا هشام ينجموهو من وين؟ النجام في جنس مواضيعنا دي ماداير ليهو زول عندو زراعة وصَدَف ومشهاد، الخلا بتنجم كيف يا هشام أخوي؟ شفتلك زول شال نجامتو وألا منجلو وقال بسم الله يا خلا الله راجيك نجام وحش!!!!
    لا حدي هسي شايف الكلام دا كلو هرجلة وليدات ساي، ومتعيّشين صغار على مادة هذا البوست،... راجيها تصب كان بتصب،.. وهي كان قِبلي ما كان من بروقها بنعرفها وبتعرفنا،...
    وكل الكتّاب الراكبين (حداثة- مقعد سياحي) ما يهمّو أنا بخلّص حق تذاكرم كلهم والبص البعدو كمان،...


    محمد خليفة محمد جميل،....
    يا سيدي سلملم،...
    وخليك في هذا الفضاء،...
    تحياتي المتفّحة والمعنّبة،...

    ديك الجن،....
    تحياتي يا زول تمام،...
    كما أوضحت لهشام المجمّر،... (خفّة العقل المحاربة)، تديها راسها تديك شلوت،...
    تبقالها سمعة تدّرّعك فضائح،..
    ويا ديك الجن بمعزّة والديك : لا تناقش لا تناقش لا تناقش،..
    هكذا سيتجه النقاش إلى مكان، مكان هو في الأصل غير متعيّن،..
    وليك تحاياي،..
    بمناسبة (ديك الجن) دا،...
    سامي يوسف – قاص سوداني راحل- من قتله؟؟؟؟ يقول عنه محمد نجيب محمد علي في ديوانه (ضد الاحباط):
    (أتخيّلك الليلة يا سامي،..
    تُؤذّن بالرؤيا لصلاة منفردة،...)،..
    بس أنا ما بموت ليهم بأخوي وأخوك،... هاهاههاههاااها
    شفت بسالة أهلك البجة مع الإنجليز؟؟
    البجاوي بدوهو 100 طلقة من مدفع المرسين وبعد داك حربتو تأكل ضلوع الخواجة،...
    راجع فيلم The 4 feather،...
                   |Articles |News |مقالات |بيانات

07-02-2005, 03:42 AM

aboalkonfod
<aaboalkonfod
تاريخ التسجيل: 04-05-2003
مجموع المشاركات: 534

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)


    صديقي الحميم ديك الجن .. والله مشتاق ليك كتير
    فاقدنك وفاقدين طلتك البهية .. سألت عنك وما لقيت
    خبرك .. كيفك يا غالي .. خليك قريب
                   |Articles |News |مقالات |بيانات

07-02-2005, 05:16 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: aboalkonfod)

    محسن ود خالد .. علي بالدين إنت مسحور في عضمك ده. ياخي سلاسة السرد ابتلعتني جُب: يعني Chub وما لاحظت حتى للكلمات "الخرْشاء" التي أجفلت خيل القادحين. أعدت القراءة مرة أخرى فعثرت على تلك "السرائح" الناتئة على جنبات صولجانك العظيم .. فراقت لي فكرة البحث عن "ضِبب"، ففي الضبة صون للعكاكيز وحفظ للسرائح من ان تصيب بعضهم بين الظفر ولحمته. شوف ليك ضِبب يا ود خالد.

    إنت بالجد مسحور. ما هذه الرشاقة (لولا السرايح). وحتى السرايح نفسها، بعد أن لاحظتها ذكرتني بالمرحوم محمد شكري وقلت ربما أراد محسن سودنة محمد شكري. أنا ما دايرو يتسودن.

    هل يوجد كاتب سوداني لا يتقـعّـر في لغته، باستثناء الطيب صالح؟. لماذا لا أرى تقعراً في لغتك يا محسن؟. ما قلت ليك إنت مسحور يا محسن؟. ليك علي أرسل ليك حجاب في أقرب وقت.

    ما تنسى الضِبَب. أغشى الجزر ولملم ضـنـُـبـّـة البقر كلها .. لزوم التقية.

    بالمناسبة أنا أكتر زول شاققت في قراءتي لروايتك الفورية دي. جزى الله المشاققة كل خير.
                   |Articles |News |مقالات |بيانات

07-02-2005, 06:22 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Shinteer)

    أبو القنفد،..
    إنت وصاحبك ديك الجن إزيكم،... وأدخلوا لاجوّة آناس،...


    شنتير،...
    يا زول كدي أتفضّل،..
    وأنا في رقبتي دي الجن المضبّب، وقلمي ذاتو مضبّب،.. والبنكعو والله إلا بس نخلي محلو مروي (حتحات القزاز)،...
    بعدين السرايح دي ذاتها عشان تتاور الزول، ما ينسى مشكلتو ومرضو ويقعد يتفلهم علي الممرضين ويشاغل الممرضات بلا صيبة،...
    وأقوليك ياشنتير أخوي الناس كلهم يا قاسمني يا جامعني يا طارحني مع محمد شكري، لكن وحات الخوّة ظلموني، أنا ضربي هنا جنسو براهو ومميّزو تمام، وليهو حُفَر، مازي ود شكري المرّات يهوبي ومرات جلاخي، أنا عكازي والله من سرهيتة البتلم فيها كلها تبوّلها مريسة أمس، رأيك شنو في السريحة دي؟؟ طنضدب وألا سدر وألا سرهيت؟؟
    وأنا ذاتي والله مبسوط منك ومن مكاواتك مع صاحبك بشاشة، يا خي داك ما نَفَس سمح خلاص، مالن الناس ديل أكان نضموبوا، ما كان جاملناهم!؟.. عِلّ دايرين الغلط واللوم،... واللوم بجيب اللوم،..
    وشاقق يا صاحبي شاقق، بالخلا وبالشقيانة،... الخلا دا حق زول؟؟؟
    وتسلم،..
                   |Articles |News |مقالات |بيانات

07-02-2005, 06:40 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    Quote: أنا عكازي والله من سرهيتة البتلم فيها كلها تبوّلها مريسة أمس، رأيك شنو في السريحة دي؟؟ طنضدب وألا سدر وألا سرهيت؟؟
    يا محسن .. شكيتك على أب عشة التور. اظن أن عكاز الطنضب (السروب) أقوى رغم عدم معرفتي بعكازٍ كهذا .. لكن قوة السروب ثابتة منذ الأزل الجاهلي: يا عَوَج السروب الـ ما بْـتَـعَـدْلو النار. وفي رواية أخرى ضعيفة السند: يا عود السروب الـ ما بتعدلو النار.
    يا زول أنا بخليك تواصل. أنا زاتي كلي سرايح وحاتك.

    أها .. أبقى سادر
                   |Articles |News |مقالات |بيانات

07-02-2005, 09:30 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Shinteer)

    شنتير،...


    يا زول يا فهيم ورايق،...
    شكيتك علي تيموليلت،... صاح الطندب ناشف وشافي، وبرضو السرهيت، وهو نوع من أنواع السمُر،.. تاني ما ترعى في وش الفريق، أبعد ردّك يا زول لي جوّة الخلا، الخلا قِللو كتيرة وشدرو كتير،..
                   |Articles |News |مقالات |بيانات

07-02-2005, 10:25 AM

Abo Amna
<aAbo Amna
تاريخ التسجيل: 01-05-2002
مجموع المشاركات: 2199

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)


    محسن خالد

    يقول محي الدين بن عربي:

    الذي لا يعول عليه:

    التجلي المتكرر في الصورة الواحدة لا يعول عليه
    جميع ما يرد عليك وأنت تجهل أصله لا تعول عليه
    كل حال يدوم زمانين لا يعول عليه
    كل حضور لا يتعين لك في كل شيء لا يعول عليه
    كل تمكين لا يكون في تلوين لا يعول عليه
    كل كلام لا يؤثر في قلب السامع مراد المسمع فهو قول لا كلام .
    كل سكر لا يكون عن شرب لا يعول عليه
    كل بقاء يكون بعده فناء لا يعول عليه
    كل فناء لا يعطي بقاء لا يعول عليه
    كل نفس لا تنشأ منه صورة تشاهدها لا يعول عليه
    كل عبودية لا يتعين سيدها لا يعول عليها
    كل بلاء لا يكون ابتلاء لا يعول عليه
    كل معرفة لا تتنوع لا يعول عليها
    كل صدق يُسأل عنه لا يعول عليه
    كل شوق يسكن باللقاء لا يعول عليه
    كل محادثة لا يكون العبد فيها لا يعول عليها
    المعرفة إذا لم تتنوع مع الأنفاس لا يعول عليها
    كل مشهد لا يريك الكثرة في العين الواحدة لا تعول عليه
    كل امتزاج لا يعطيك أمراً لم يكن عدنك من قبل وجوده لا يعول عليه
    الحكمة إذا لم تكن حاكمة لا يعول عليها
    الأدب إذا لم يجمع بين العلم والعمل لا يعول عليه
    السماع إذا لم يوجد في الإيقاع غير الإيقاع لا يعول عليه
    المكان إذا لم يكن مكانة لا يعول عليه .


    اذن نحن نعول عليك وفق رؤية بن عربي/رؤيتنا ...
    لا تنحني ابدا حتي مع النسيم فقصار القامة لن يستطيعوا بلوغ رأسك طالما ظللت منتصبا كحد السيف ... ليس قلوبنا فقط كلنا معك.

    كل الود
                   |Articles |News |مقالات |بيانات

07-02-2005, 11:27 AM

serenader

تاريخ التسجيل: 14-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يا(...)* محسن خالد..
    لا حولاآآآآآآ!!
    (بقية الشهقة أبثك إياها عند فراغي من قراءة ما استخلصته بالكوبي وبيست مما تدفق بعاليه، وعند تلبدي بالأركان المضلمة وغموتي من هذا المنبر: شكليز أونلاين).
    ـــــــــــــ
    * تركتها فارغة عمداً لحيرتي في التوصيف.
                   |Articles |News |مقالات |بيانات

07-02-2005, 04:37 PM

Ahmed Elmardi
<aAhmed Elmardi
تاريخ التسجيل: 14-01-2004
مجموع المشاركات: 1663

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: serenader)

    العزيز محسن

    تحايا معطرة بالياسمين

    استمتع بهذا النص الرائع

    وأقف مع حقك فى التعبير. كاملا وبعيدا عن أى نوع من السنسرة والحجر..
    اللغة "الجارحة" بالقطع موجودة خارج هذا المكان فى ما رايت.
    مع مودتى
                   |Articles |News |مقالات |بيانات

08-02-2005, 00:50 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Ahmed Elmardi)

    Abo Amna،.....
    (التجلي المتكرر في الصورة الواحدة لا يعول عليه)
    (الحكمة إذا لم تكن حاكمة لا يعول عليها)
    هذا لا يُعلّق الشخص بعده، كي لا يفقر مثل هذه الإدراكات بالثرثرة،... هنا لا شروح،...
    تحياتي لك يا رجل،... وشكراً لك جزيلاً،...
    وأُقدّر وقفتك،...


    serenader،....
    قُل: (كالخد من تيموليلت،.. لأنو جنسو براهو،...)،..
    وراجي بقية الشهقة،...
    وكان ما نوعك دا، المسلّط وبفهم ليك كتابتك أحسن من كتابتك، كان بقينا فوّالين كتب زمااان، وكتبنا للناس بالطلبات، واحد قصيصة وصلّحها، بدون شطة بالله لأنو عندي المصران، زي الزول الفوق القال يكتبو ليهو عن كدا وعن كدا،... شوف الزول عديم الشهيق دا!!



    Ahmed Elmardi،....

    شكرا يا زول،...
    والكلام كان الطماطم ما بحشّها ساعنو لشنو؟؟؟
    كترت هرجلة؟؟؟ وألا من قِلّ المهرجيلن!!!..
    ودم طيّب يا جميل،..
                   |Articles |News |مقالات |بيانات

08-02-2005, 02:27 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    شوفة- الوداعية،..
    شوفة شوفاااة،..
    شوفي لي المصطفى،..
    شوفي لي المصطفى،...
    عيونو خضرا والفة،...


    الوالدة الوالدااة، سامحيلي يا،....


    <mcg /><br><mcl /><bgsound src="http://www.bayanit.com/upload/protected/shofa-dawoodi-muhsin2.ra"><mcg /><br><mcl />






    ماجولي ماجولي، حبيبتي ماجولي،................. وإيش حال نغير عليها،...
    وإيش حال نغير عليها،...


    ...... ... وفي اللاقار بستناكِ، ولو ما جيتِ خسارة عليك،..

    واو واو واو ...................... أااااااااااه دق دق دقدقها،....
                   |Articles |News |مقالات |بيانات

08-02-2005, 03:29 AM

nada ali
<anada ali
تاريخ التسجيل: 01-10-2003
مجموع المشاركات: 5258

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    Dear Ustaz Muhsin Khalid

    up

    in Solidarity

    Thank you for writing

    nada
                   |Articles |News |مقالات |بيانات

08-02-2005, 03:43 AM

nadus2000
<anadus2000
تاريخ التسجيل: 05-02-2002
مجموع المشاركات: 4756

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: nada ali)

    Quote: كل سكر لا يكون عن شرب لا يعول عليه

    يعني الحالة التي نحن فيها دي خارج الإختساس ولا تعويل عليها.

    الأخ محسن
    هأنذا أقرأك للمرة الثالثة، وفي كل مرة أخطط تحت ما أستوقفني أو أثار مجسات تذوق الإبداع عندي
    حتى وجدت أنني "لم أفط سطر".
    قرأتها إحدى الصبايا من "لبنان" فحلفت أن "تكسكلك"، وأخوك ما قصر وقلت ليها ممكن تكسكسي ليهو زي ما عايزة وبعدين تفكسيها ليهو.
                   |Articles |News |مقالات |بيانات

08-02-2005, 05:14 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: nadus2000)

    ندى علي،...
    عليك السلام يا زولة،..
    واملؤوا قِراب الماء والسيف،..
    تحياتي، وود


    نادوس،...
    كيفنّك، وتحاياي
    الحالة النحن فيها دي، خليها ساي،..
    منو الجرحك إنتِ
    وما نزفت غيمة....
    وطعنت وجه الأرض بذرة
    منو المابعرضك إنتِ
    في محل سطر مفطوط عشان يقرأ – الحنين بوصفه الموطن،... السي خالد،..

    نحن نروّب ونهز، وإنتو تختفو السمن،... ما بيناتنا،..
    بعدين كلام اللبنانية دا، فرزتو تب وبتمامو، لكن لو مشيت أردليك خايف أترجم متل المتصوفة، حييها بدلاً عننا وما تغرّق في التحية،...
                   |Articles |News |مقالات |بيانات

08-02-2005, 04:19 AM

benyya
<abenyya
تاريخ التسجيل: 09-03-2003
مجموع المشاركات: 774

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: nada ali)

    Mr Mohsen 7alid
    icame to the mnbr looking for smoething interesting smoething differentand there was your great astonishing

    story


    لك التحيه



    وواصل





    لى قدام

    (عدل بواسطة benyya on 08-02-2005, 04:20 AM)

                   |Articles |News |مقالات |بيانات

08-02-2005, 08:49 AM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: benyya)

    الاستاذ محسن خالد
    تحيه وود وتسجيل اعجاب بما تكتب

    وتمني بالاستمتاع به لاخر قطره فيه
                   |Articles |News |مقالات |بيانات

10-02-2005, 01:30 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Rawia)

    benyya،...
    تحيات،.. ونحن كمان جينا هنا نفتّش فتّاشين المحن،.. شبعنا من الحافظنو والمكرور وقصع الجِرّة،..
    راسيات الجبال كيفن رحيل حَجّارن
    والبِلْد المحن لا بد يلولي صغارن
    ...، هكذا قال جدّك ود ضحوية

    Rawia،....
    وكمان تحية وود،..
    وعساك بخير أبدا،..
                   |Articles |News |مقالات |بيانات

10-02-2005, 02:12 AM

domdom

تاريخ التسجيل: 04-12-2004
مجموع المشاركات: 422

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يا محسن
    كان صمتي عن التعليق تعلقا بانتظار السرد
    لان ايقاع قرع طبولك الذي شرخ أذين المهوسين
    ايقظ في الانتباه الي التعليم الجامعي المجاعة
    و الحفر الاجتماعي الي ما تحت القاع
    و الرجوع الي ؤد الانثي بالانثي
    ايقظ في ايضا
    كيف يوظف المبدع صاحب القضية عينيك الي شاشة ابداع يعرض فيها فنه
    و يفقدك المقدرة علي الخروج من سحر ابداعه الي ابداعك كمتلقي
    فتعيش جنونه و جنونك
    أستمر يا مجنون
    مزق استار الزيف الاجتماعي
    لنري عورات نسترها باسم التقليد و بأسم الدين
    لنتمكن من نكون حقا طبيعيين
    لك الود و سالقاك رغما عن انفك
    انا جاي ابوظبي علشان اشوفك حاشوفك و ما عايز اعرفك
    لانه يكفيني جنوني
                   |Articles |News |مقالات |بيانات

10-02-2005, 05:46 AM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    سيلد ابليس آلاف الغوايات
    التي لاحقتنا طويلا
    وقضت على جانب
    من جسد انتظر بياضا آخر .



    مزيد من غواية الحياه يا محسن
                   |Articles |News |مقالات |بيانات

10-02-2005, 06:39 AM

Ali Alhalawi

تاريخ التسجيل: 10-02-2004
مجموع المشاركات: 1467

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: esam gabralla)


    محسـن يا مجنون

    تخبّل .. تخبّل .. تخبّل .. هكذا يقول أهلى العراقيون تعبيرا للأعجاب .. سردك يخبّل

    هذا إبداع يبهر العقول .. إذن نحن موعودون برواية جريئة و مجنونة

    دعنى أفيق من سكرة ذاك "الرجل الكلوروفيل" .. و أغتسل من روائح الطلح و الكليت و آتيك لأشتمّ هذا العطر التيموليلتى



                   |Articles |News |مقالات |بيانات

10-02-2005, 07:08 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: esam gabralla)

    domdom،....
    شكراً، شكرا مطوّلة رقبتها ناقة،... ترعى المافي رزقها،...
    ولو ما زعزعني خاطر، تلقاني هنا، بأبوظبي في رجاك،..
    وحبابك،...

    esam gabralla،...
    أنا هناك، بدافع أن أختطف لكم مشغولات سريّة كثيرة، بينا الذكرى،...
    خليك هنا يا زول، مذنب معاي بفت كتف،...
    وتحياتي
                   |Articles |News |مقالات |بيانات

10-02-2005, 07:38 AM

محمد ابراهيم قرض

تاريخ التسجيل: 29-11-2004
مجموع المشاركات: 1871

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    يا محسن خالد ...
    أفردت بعض الجهات (بوستات) كاملة (تشجب) و (تدين)
    بعض المفردات التي وردت في كتاباتكم ... و التي يرون
    أنها مخلة (بالنظام العام) ... فما رأيكم ؟؟؟
                   |Articles |News |مقالات |بيانات

10-02-2005, 10:20 AM

hala alahmadi

تاريخ التسجيل: 23-02-2004
مجموع المشاركات: 1398

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد ابراهيم قرض)

    الأخ محسن خالد

    تحيه و احترام

    هذا البوست واحه خضراء نستجير به من هجير البورد.

    ما اعزبها من "غنيه" - بكسر الغين و تشديد النون -


    واصل


    و لأ لمشنقه الأبداع

    لك الود

    (عدل بواسطة hala alahmadi on 10-02-2005, 12:29 PM)

                   |Articles |News |مقالات |بيانات

11-02-2005, 04:54 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: hala alahmadi)

    Ali Alhalawi،.....

    يا روح الروح، كُن بخير غصباً عن كل شيء،..
    دعنا نملص هذا اليم عن حالنا، نتخفّف نتخفّف، وتمر بنا نسائم طيّبة فنتذكر رائحتنا وفوقنا الشمس ويغطينا الموج والسمك يتقافز برائحة عطبه من حولنا وفي المياه،...
    تحياتي وشكراً،...

    محمد إبراهيم قرض،....
    يا ود قرض أخوي، رأينا لو بقه تحريري ما بكون أحلى؟...
    وتحيات وأريتك طيّب،...

    hala alahmadi،....
    شكراً يا سيدتي، وكوني بخير،..
    سنظن ظننا بالقلم ونترك للآخرين ظنونهم،...
    وتحاياي
                   |Articles |News |مقالات |بيانات

11-02-2005, 05:05 AM

محمد الامين احمد
<aمحمد الامين احمد
تاريخ التسجيل: 28-08-2004
مجموع المشاركات: 5112

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الكاتب / محسن خالد

    تحية طيبة

    ما رآيك فى الزنا و الترويج له ؟

    شكرا
                   |Articles |News |مقالات |بيانات

11-02-2005, 06:10 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد الامين احمد)

    محمد الامين احمد،...
    تحيات وافرة وكل تقدير،...
    وبعد:

    أنا ممكن أسألك وأقوليك الزنا يعني شنو؟؟؟
    لأنو الزنا كلمة دينية، التوارة/ الانجيل/ القرآن فحسب،...
    وهناك ثقافات أضخم من الثقافات المتشكّلة من هذه ال 3 كتب، لا تعرف هذه الكلمة ولم تسمع بها أبداً (يعني النوم بالرضا)،..
    نامت معاك بختك، ما نامت معاك راحت ليك،.. اتزوجتها بعد داك التجاوز اسمو خيانة، والخيانة فكرة شمولية لأنها فكرة إنسانية مش دينية، وأنا ضد الخيانة جملةً وتفصيلاً،...
    وممكن أجيك في دربك، وأقوليك الزنا ياتو؟ الزنا خشم بيوت،...
    1- الصحوبية صحوبية- ودا اسمو نظام آخر، وراجع كل الثقافة الغربية، فيهو أطفال وأُسر وزي ما إنت عارف وشايف، ورأيي هنا زي عدمو، لأنو نظام تاني في محل أول ورئيس،....
    2 - والبدفعو فيهو القروش، ودا اسمو الشرمطة، وأسأل منو من له علم به، لأني بالجد ما بعرفو كويس، وثق لو أنا مجضمو بكلمك برأيي فيهو عيني عينك،...
    3- والبشحدهو شحدة، لإزالة ضرر واقع بالبدن والنفس، ولقطع الطريق أمام وحش سيتخلّق من الحرمان،.... ودا لاهسي أنا ما عارف رأيي فيهو شنو،..
    وفي النهاية أنا ما واعظ، أنا كاتب يكتب قصةً، هل تتوقع لهذه القصة أن تلغي الزنا في الدنيا مثلاً؟؟؟ هل تتوقع لي أنا شخصياً أن أكتب هذه القصة لأُناقش الزنا؟؟؟ وهل هو الزنا قضية معلّقة منذ افتراع الأرض تنتظر محسن ليدلي برأيه فيها؟؟
    تكون مخطئاً لو ظننت ذلك،...
    ولك سلامي مرّة ثانية،..
                   |Articles |News |مقالات |بيانات

11-02-2005, 06:49 AM

Balla Musa
<aBalla Musa
تاريخ التسجيل: 30-12-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد الامين احمد)

    الأخ محمد الأمين
    سلام و تحية

    هذه شهادة من أحد أعضاء البورد مكتوبة فى هذا الرابط:


    http://إصلاح الكتابة في المنبر

    Quote: الأستاذ محسن خالد

    تعلم فك طلاسم اللغة العربية وحفظ القرآن الكريم بثلاث قراءات قبل دخوله المدرسة الابتدائية، لذا فهو عدا كونه فأر كتب وباحث وقاص وشاعر يعد كذلك عالم في مجال اللغة


    فأتمنى أن توحى لك بغير ما ظننته من سؤالك أدناه كما أتمنى أن يكون ظنى فى كثير مما تكتب فى هذا البورد خطأ يجانب الإثم.


    Quote: ما رآيك فى الزنا و الترويج له ؟
                   |Articles |News |مقالات |بيانات

11-02-2005, 06:42 AM

محمد الامين احمد
<aمحمد الامين احمد
تاريخ التسجيل: 28-08-2004
مجموع المشاركات: 5112

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    الكاتب / محسن خالد

    تحية طيبة،

    Quote: أنا ممكن أسألك وأقوليك الزنا يعني شنو؟؟؟


    ما قصدته بالزنا هنا هو الممارسة الجنسية بين اثنين
    (رجل و امرأه) لا يجمع بينها عقد (اشهار) حسب ما ورد فى
    التوارة او الانجيل او القرآن.

    Quote: وفي النهاية أنا ما واعظ، أنا كاتب يكتب قصةً، هل تتوقع لهذه القصة أن تلغي الزنا في الدنيا مثلاً؟؟؟ هل تتوقع لي أنا شخصياً أن أكتب هذه القصة لأُناقش الزنا؟؟؟ وهل هو الزنا قضية معلّقة منذ افتراع الأرض تنتظر محسن ليدلي برأيه فيها؟؟
    تكون مخطئاً لو ظننت ذلك،...


    اذا اعتقد اننى مخطئ فلقد ظننت ذلك، شكرا على ردك، و سؤالى اعلاه

    وصلتنى اجابته من مداخلتك السابقة فقط احببت ان اعيده لابين ما قصدته

    بكلمة (زنا).
                   |Articles |News |مقالات |بيانات

11-02-2005, 07:54 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد الامين احمد)

    بلّة موسى،...
    إزيّك يا ضو، تحياتي ليك،..
    وكُن بخير أبداً ودائماً،...

    محمد الأمين أحمد،...
    تحياتي وسلام،..
    أنا سألتك لأُذكّرك فحسب بـ"اتساع ماعون الكلمة" والمرونة المأمولة حول ذلك،..
    فما يسميه البعض زنا، يندرج عند آخرين في خانة (علاقة طبيعية جداً ومحترمة)،..
    وحتّى السودان كمثال بلد كبير جداً، وافر الديانات والأعراف والتواضعات،... وهذا مجمل قصدي،..
    وشكراً،..
                   |Articles |News |مقالات |بيانات

12-02-2005, 09:51 AM

خالد عويس
<aخالد عويس
تاريخ التسجيل: 14-03-2002
مجموع المشاركات: 6332

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    في قصة هذه المغربية الفاتنة، تداعيات هي الأخرى فاتنة للروائي الصديق محسن خالد. فليست قصة (تيموليلت) وحدها تنشأ منفصلة عن عوالم أخرى تبرز في ثنايا الحكي، مندغمة في النسيج المحكم لهذه (.....) التي تصلح كرواية شديدة الشبه بـ"خبز" شكري "الحافي" وعوالمه المفضوحة الجميلة. هنا، يأخذنا محسن إلى المغرب، (مغربه) هو كما هو شأن (جان جينيه) و(تينيسي وليامز) لدى زيارتهما المتكررة لهذا البلد (المجنون) ولاحظ شكري بعبقريته الفذة (مغرب) كل منهما.
    لست أعيب -من زاويتي كروائي- على محسن خالد هذه اللغة، إذ هي ابنة بيئتها، ولازمة من لوازم الكتابة حين تكون معجونة بالحياة ومحاكية إياها بعيدا عن الفرضيات الساذجة القائمة بأن الكاتب إنما هو "مصلح اجتماعي". محسن هنا يحفر عميقا ويكتب أدبا رفيعا بالفعل، لا يراوغ ولا يتورع عن استقطار جمال الكتابة حتى من قبح الحياة. لكن من قال إن تيموليلت تمثل قبحا ما؟ إن جمالها الإنساني و"قصتها" التي يسردها محسن، لم تصبح هكذا رائعة في نظرنا إلا لأن كاتبا فذا كمحسن أمسك بخيوطها وبرع في استكناه عوالمها وتفكيكها كتابيا.
    محسن.. يا صديقي واصل، فنحن في الانتظار نرسم تيموليلت في خيالاتنا ونصطحبها -ملهمة- لكتاباتنا في أزقة طنجة وحاناتها حيث كان يقصد محمد شكري ويتعرف إلى شخوصه.
    لم تقل لي .. هل ألتقيته، أم سبقتك يد الموت إليه؟
                   |Articles |News |مقالات |بيانات

13-02-2005, 02:01 AM

DEEK_ALJIN

تاريخ التسجيل: 07-04-2002
مجموع المشاركات: 1622

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: خالد عويس)


    شحتفتنا .. بس نادوس شحتفك باللبنانيه .. وكيفنى 24 قيراط

    يا محسن ماتواصل .. اشكيك لى منو ؟

    ديكو
                   |Articles |News |مقالات |بيانات

13-02-2005, 08:07 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: DEEK_ALJIN)

    الصديق خالد العويس
    مرحب يا كاتب وروائي، يا زول يا ذوق إنت...
    هووي يا خالد أمسك دربك، وتلفوني دا تاني ما تقسموا لعزّابة (العربية) بتاعتكم دي، وألا كمان قسّموا بالتساوي، للأنثى مثل حظ العزابيين،... هاهاها
    كانت فكرة جيدة من شكري، أن يرى من مغربهم الواحد مغارباً كثيرة يأتي بها الكتّاب عبّارو الأطلسي،..
    شكري، والذي لم ألتقه، فقد رحل دون أن أراه، كنتُ مصممّاً على استشفاف أشياء جِد صغيرة ومبعثرة بداخل عوالمه، وذاك لم يكن،...
    لأنني أظنه قد فشل فشلاً كبيراً في تفهّم تينيسي وبول بولز، وإن اقترب كثيراً من جونيه لعوامل كثيرة في تقديري، أولها أنّ جونيه كان جاهزاً للانحياز لقوم وفكرة، وتعلم أنت "أسير عاشق" حول المقاومة الفلسطينية وأشياء أخرى، وموقف صلب يصب في نفس الاتجاه اتخذه الرجل ضد سارتر وخوالف الاشتراكيين في فرنسا،..
    وفي بالي شيء من مكان آخر، بخصوص عدم التفهّم وبخصوص السيرة، أذكر دائماً (حكايات إيطاليا) لمكسيم جوركي، بأنّه من أهم الكتب التي أثّرت في حياتي، خاتمة الكتاب هي سرد للسيرة يقوم به مكسيم، لثلاثة رجال، لينين، وليف تولستوي، وشيخوف،... وهذا بقفز ذاكرتي على سيرة (هنري ميللر) التي كنت قد قرأتها بعد كتابين له هما (الصُلب الوردي –الوشيجة) وكتاب المدار،.... سيرته فقيرة ولم يكن هناك داعٍ لكتابتها، هذا رأيي، فقد جاءت في شكل مسلسل لن أعيش في جلباب أبي، قصة لا تصلح إلا لمسلسل مصري سخيف،...
    ولكني اشتعلت ناراً مع مكسيم، وتحديداً في سيرتي تولستوي ولينين، كان عملاً مفزعاً ومرعباً بحق،...
    السخرية أنّ مكسيم كان يبادل تولستوي الكره والاحتقار، أو لنقل سوء التفاهم بأقل تقدير،.. وشيخوف كان الزول البصالح بيناتن وكان المحبّة الكبرى في قلب مكسيم، وفشل في أن يكتب عنه جيداً، وما كتبه المخرج ستانسلافسكي في مقدمته لمسرح شيخوف، تحديداً، كان أبرع وأعمق مما كتبه مكسيم بحيث لا مقارنة،.. شوف حكمة الكتابة لما تدور نفسها،.. ولما تغوي ذاتها،...
    أنا لم أرغب بكلامي هذا في التملّص من شكري فحسب، فالسيرة كتبت قبله وحينه وستُكتب بعده، ولكن لألفت الجميع أنّ كل علاقتي بشكري أنّ تيموليلت معاها جواز مغربي مثله ومثل حسناء طليقتي، هاهاهاها..
    وأنا أخالفك الرأي يا خالد، في أنّ شكري لم يكن عبقرياً، بل هو كاتب متواضع جداً، لأنّه لا يتعاطى في الفلسفة ولا في الوجود، ولا في تقنيات الكتابة والسرد وتجليّات هذه الناحية لأجل نحتها وتقويمها من جديد،... شكري ليس إلا كاتب جمالي بسيط وختّاف لحظة فقط وفقط،...
    وشكراً جزيلاً يا صديقي، وتحياتي لك ولأسرتك،...

    ديك الجن،...
    أنا ذاتي والله نادوس كيّفني، أسمع وأنا بعتبرو خاتفلو مني حاجة، اللصبر الغتيت،...

    (عدل بواسطة محسن خالد on 13-02-2005, 08:38 AM)
    (عدل بواسطة محسن خالد on 06-02-2007, 11:56 PM)

                   |Articles |News |مقالات |بيانات

14-02-2005, 06:19 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    ما ضرّ الشجر لو جلس حين أحبّ
                   |Articles |News |مقالات |بيانات

15-02-2005, 12:49 PM

بدري الياس

تاريخ التسجيل: 29-11-2004
مجموع المشاركات: 904

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    والله يا محسن خالد يا دوبك فشيتني ... طيب من زمان ساكت على ده مالك؟
    كلما تداخل أحدهم وأجرى المقارنة غير المتكافئة (كما أراها) بينك وبين محمد شكري
    تشعبطني امتعاض كاللذي يصيب المرء حين تتجاوزه كف امرأة ينتظر تحيتها..
    حينما تصدر المقارنة من شخص لا علاقة له بالكتابة يكون ذلك الشعور
    غير الجميل أقل .. ولكن أن تصدر من شخص ذي علاقة وطيدة بالأدب أو/و النقد (تصدر أحياناً كتغريظ وكان في ذلك تعلية من شأن الكاتب الذي هو هنا محسن خالد) فذلك ما يفتح زريبة الأسى وتتبين ندوباً فظة كنت لا تراها خلال رضاك المغشوش عنهم.
    ياتو محمد شكري ده البتذكرم ليهو؟
    محمد شكري يا سادتي كتب سيرته بوضوح مفضوح مافي ذلك شك، ولكنه كتبها بطريقة عادية وبرؤية مسطحة لم يكن لها قدرة على الحفر ولا حتى إضاءة تلك الأمكنة الغائرة المملوءة باحتمالات اللغة والأفكار ذات الأجنحة والحواف ، وقد خط تلك السيرة باللغة المدرسية التي تعلمها على كبر ، أو هو (كان فرحان بتعلمه للكتابة والقراءة) كما قال ذلك صديقنا القاص عثمان حامد سليمان حين سمع بالمقارنات التي تجرى بين كتابة محسن خالد وشكري وأضاف (الناس ديل عورة واللا مالم؟) . ولكن محسن خالد يكتب تجربته ، وهذه أيضاً حقيقة ، ولكن التجربة هنا ليست هي الغرض من الكتابة وهي ليست بذات بال ولا حتى المسخوتة (تيموليلت) ، ولكن محسن يفتح بكتابته دروباً جديدة للكتابة ، الكتابة حمالة الأفكار الكتابة التي لا تحتفي بالحكي بقدر ما توجد جمالها حفراً.
    والمؤسف أن هذه المقارنة تهتم فقط بسيرة الجنس (المحرمة) التي وردت في بعض نواحي سيرة شكري، وبنفس القراءة الخاطئة لما يعتبره هؤلاء المتداخلين جنساً وإباحية والذي ورد في كتابات الطيب صالح ، وقد قارن بعضهم أيضاً بين محسن والطيب صالح. وأنا لا أفترض ذلك افتراضاً فتلك المقارنة لم تأت لأن شكري مغربي ومحسن يكتب عن قصة جرت احداثها هناك. أو لأن الطيب صالح سوداني ومحسن المسخوت كذلك.
    وأنا أتساءل ، أين الجنس في كتابة محسن ؟ وأين الجنس الذي يظنونه في كتابة شكري ؟ وهل ما كتبه الطيب صالح يعتبر سرداً إباحياً ؟
    بالله عليكم ايها السادة ، بدلاً من هذه المقارنات أجيبو على تساؤلاتي أعلاه ولكم جزيل شكري ، ومحبتي..
                   |Articles |News |مقالات |بيانات

15-02-2005, 01:29 PM

وانجا

تاريخ التسجيل: 01-03-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    وين انت؟
                   |Articles |News |مقالات |بيانات

16-02-2005, 03:18 AM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    Quote: بدأتُ أحترمها، هذا الشيء في نفسها ما هو بتهتّك، وإنما قدَر يجب تقبّله من جملةة (مُرَاح) الأقدار، القدر الأبرق، والقدر المحُومر، وأب غُرّة، وكيت وكيت،...
    محسن خالد

    هذا منطق صوفي!!
    أين تصوفتَ وجسمُكَ ينضحُ لذات خُضر
    كيف تخمرتَ وأنت من الطينِ الفجِّ
    وتعشقُ طلع الصُبحِ ولا يؤنِسكَ الليل بلا جسدٍ
    تتركهُ في الصُبحِ تنوح الأغصان عليه وبالضِدين يضيُ

    مظفر النواب
                   |Articles |News |مقالات |بيانات

16-02-2005, 02:04 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محمد السر)

    بدري الياس،...
    إزيك يا زول،... إنت دا المسخوت، وتاني أوعك تنبزني، هوي يا مسخوت ما تجر كراعي، براها محندكة بقص الدرب،..
    أبقه عافية، وإنت خلّيت الكلام هنا تور مركب، البلاويهو منو؟ رفستو يتمّها البحر،..
    وأريتك بالسلام وبيوتو،.

    وانجا،...
    أنا في اليانصيب ربحني منو؟؟ وأنا مارق الشارع أدخّن حشيشة الجن وأجي، أجرد جنازيرك كم في السلْسلْة للكتاف، وكم في السِّلسلّة من درويش،...

    محمد السر،...
    إنت يا زول ذوقك حيّرني، تتلبد تتلبد، وتغمتلك عقرب -بتعرفها براك- من ضنبة وتجي،..
    والله غايتو ما قدرت تب أرسم ليك صورة، صدقني،..
                   |Articles |News |مقالات |بيانات

18-02-2005, 12:10 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)




    أنا ما أنقصتموه لتكتمل حياتكم
    ما ألقيتموه رشوةً للبحر
    ليكون لكم سفين
    أنا الهالك وحدي، خالعاً عمري،
    لتلبسوا أعماركم،
    يا ناجين بي،..

    رواية المراسيم، عشق إدريس للضابطة اليونانية- محسن خالد
                   |Articles |News |مقالات |بيانات

18-02-2005, 03:18 PM

وانجا

تاريخ التسجيل: 01-03-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    Quote: سأكتب قصة أجمل امرأة وأجمل قصة عرفتها في حياتي
                   |Articles |News |مقالات |بيانات

20-02-2005, 01:06 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: وانجا)

    الا ايها البوست الجميل و الذي اتلصصك كثيرا
    اذهب الي الصفحه الاولي
    الان
    ماعوز نقاش كتير
    قلت الان


    اذهب













    صحبتك السلامه و بلغ عني التحايا لكل الغث
    الذي ستصادفه هناك
                   |Articles |News |مقالات |بيانات

21-02-2005, 01:52 AM

بدري الياس

تاريخ التسجيل: 29-11-2004
مجموع المشاركات: 904

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: خدر)

    يعني يا محسن يقعد شغفنافاتح خشمو كدي لامن تجي من الجزاير؟

    ...
    أها لو جيت من هناك
    ومعاك تييييييييييييمو (الجزائرية)

    نمشي بي عقاب تيموليلتنا دي وين؟
    ***
    يخرب بيت الفكي اليمرق سختتك ...
                   |Articles |News |مقالات |بيانات

23-02-2005, 11:07 PM

بدري الياس

تاريخ التسجيل: 29-11-2004
مجموع المشاركات: 904

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: بدري الياس)

    هوي يا زول
    بالطريقة دي الجماعة يقولو الراجل شرد!!
    *
    *
    *
    ما تكبر فرحتن ..

    والشمات يعاينولك
    ...
                   |Articles |News |مقالات |بيانات

26-02-2005, 04:48 AM

nadus2000
<anadus2000
تاريخ التسجيل: 05-02-2002
مجموع المشاركات: 4756

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: بدري الياس)

    الأخ محسن خالد

    كفاية شحتفت روحنا، وروح الصبية، ويبدو أنك عايز تسترد، ما أدعيت وصاحبك ديك الجن أنني "ختفتو"

    Quote: أنا ذاتي والله نادوس كيّفني، أسمع وأنا بعتبرو خاتفلو مني حاجة، اللصبر الغتيت،... ...
                   |Articles |News |مقالات |بيانات

27-02-2005, 04:05 AM

بدري الياس

تاريخ التسجيل: 29-11-2004
مجموع المشاركات: 904

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: nadus2000)

    خدر كتب:

    Quote: الا ايها البوست الجميل و الذي اتلصصك كثيرا
    اذهب الي الصفحه الاولي
    الان


    بدون أي تأخير بالله
    ...
    ..
    .
    لكن الزول ده يكون مالو؟
                   |Articles |News |مقالات |بيانات

27-02-2005, 06:52 AM

عثمان فضل الله
<aعثمان فضل الله
تاريخ التسجيل: 22-03-2005
مجموع المشاركات: 529

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    بعد ان لملمته تلك التى فتنته جاءنى يمشى على قدمين ومستحمى كمان الصادق الرضى الح على كثيرا ان اقراء لمحسن خالد والله الولد ده خطير اه اه اه انت بس حاول والله ما حاتندم واستمر الحاح ود الرضى وكنت اتشاغل عنه لا لسبب لا لثقتى فى ذوق ود الرضى ولعلمى ان من يقول عنه مثل هذا الحديث سيزيدنى رهق على رهق وقد كان ولم يخيب ود الرضى ظنى ولا محسن خالدوكان رهقى كم انت كاتب مبدع تقطع النفس تقطع نفس خيل القصائد ناهيك عن خيولنا المتعبه
                   |Articles |News |مقالات |بيانات

27-02-2005, 08:25 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: عثمان فضل الله)

    ولا هنا ما موجود!!!!. جيتك دايرة ليها فزعة. يا خوي أوعى تكون اتقلبت بيك المركب؟
                   |Articles |News |مقالات |بيانات

27-02-2005, 09:31 PM

yumna guta
<ayumna guta
تاريخ التسجيل: 07-04-2003
مجموع المشاركات: 938

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Shinteer)


    *
    *
    *



    ان الله جميل يحب الجمال!!!!!!!!!


    *
    *
    *
                   |Articles |News |مقالات |بيانات

28-02-2005, 05:54 AM

Isam Widaa
<aIsam Widaa
تاريخ التسجيل: 02-08-2003
مجموع المشاركات: 317

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: yumna guta)

    السيد محسن خالد
    لك التحية
    القصة ممتعة غاية الامتاع
    هل تأذن لي بطباعة هذه القصة حين اكتمالها
    حتي يقراها اصدقائي ؟ فقد اكثرت من الحديث عنها
    و في انتظار النهاية
                   |Articles |News |مقالات |بيانات

04-03-2005, 11:14 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Isam Widaa)

    يسلم السلام من تكنيك النضم، يسلم السلام ويطيب من عَوَجة مقاصدنا حد يكون السلام،..
    السلام متعافي، عليكم،..
    يا أحباب خليكم متلخبطين بالحزن، وبالرماد، طوّالي طوّالي، في الحزن معرفة وخَرَس جميل،...
    اخرسوا من حزن،..
    أو قولوا من طول صمت الأصدقاء، سنعبر،...

    وانجا،...
    لا تخشَي شيئاً يا عزيزة، نرجو للسعف حُسن البلل، من أجل حبل لا تسهتبله المعيز،..
    تحياتي وكُوني صبورةً،... نسعى في الأمر، برغم الشيب والصلع البادي وسوء الأحوال كلها،... سنعبر،..

    خدر،...
    شكراً يا عزيز، وتحياتي لك، ومحبتي،...
    شكرا،...

    بدري الياس،...
    نمشي بي عقاب تيموليلتنا دي وين؟
    والله بطريقتكم، أمشوا تموها من "الروضة بائعة البروش"،...
    أنا شخصياً جيت بتيموليلتات أُخر كثريات،...
    وبرضو بنهظر،...
    شكراً على محبتك، وكُن بخير أبداً،...

    nadus2000،....
    نادوس إزيك، وما تبقه حرامي وعينك قوية، والصبية تقع منك في لفة قول آمين،...

    عثمان فضل الله،....
    تحياتي أبداً ليك ولصديقي الصادق، أرجو أن لا يُطيل في حمّاماته ويخرج علينا بواحدة من مبدعاته النجيضة،..
    وأرجو أن لا يستسهل محسن الأشياء أو تستسهله هي،...
    وشكرا على قدومك، وتأكد من محبتنا لك،...
    وشكراً ففي أمثالك عزاء،...

    Shinteer،....
    سلامات، وأهو قافينا الخلا وجينا، أرجو أن تكون بخير، وتحياتي لك يا ود ود ضحوية وود جماع ود شوراني وأبقه طيّب دوام، عِش حُر ومت بشهامة،...

    yumna guta،...
    وما أجملك يا ستي، تحياتي وشكري الجزيل لك،...
    وكوني بخير،...


    Isam Widaa،...
    تحياتي لك وعلى المحبة،...
    طبعا الإذن معك،... وحين تكتمل سأخطركم جميعا بذلك، وستمهلوني حتى أراجعها وأضعها في شكلها النهائي، ويومها هي لكم وليست لي،...





    نمشي بي عقاب تيموليلتنا دي وين؟





    أصدقائي كلكم،...
    يبدو أنني متعب جداً، على غير العادة، فالتعب والألم الحزن المؤجلون بتمامهم، لحقوا بي عند هذا الحد من الدنيا والدهر، لذا أعتذر منكم، فاليومي أصبح مثل كأس لئيمة جدا، وبحال إمرأة لا تدري هي ولا أنت ماذا تريدان من بعضكما، الحب ينهار في طريقه إلى الحب، ودرويش وصديقه نوري الجرّاح يتحاوران منذ زمن: الطريق إلى البيت أجمل أم البيت؟
    سأعتني بكم، رغم تعبي، وأنتم هنا هنا هنا، الآن أؤشّر ناحية القلب،...

    (عدل بواسطة محسن خالد on 06-03-2005, 10:43 AM)

                   |Articles |News |مقالات |بيانات

04-03-2005, 02:24 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    نــــــــــــــــــــــوم يا قرْد القِلوع .. وتعال قالِب. نحن في رجاك. النوم شفتو يا قرْد القلوع شِن سَوّى؟ ما سَوّى التكتح

    ليك وحشة .. عليْ بالحلال
                   |Articles |News |مقالات |بيانات

05-03-2005, 01:01 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Shinteer)

    شنتير،...
    وعلي بالحلال ليك وحشة،...
    راقد في البعيد فوق البروق تتلوّى
    ماهمّيتو كان جبخانة كان الفزع والعوّة

    (والنوم شفتو يا قرد الطلوح شن سوه؟)
                   |Articles |News |مقالات |بيانات

05-03-2005, 01:15 PM

وانجا

تاريخ التسجيل: 01-03-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    Quote: وانجا،...
    لا تخشَ شيئاً يا صديق، نرجو للسعف حُسن البلل، من أجل حبل لا تسهتبله المعيز،..
    تحياتي وكُن صبوراً،...






                   |Articles |News |مقالات |بيانات

05-03-2005, 01:23 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: وانجا)

    وانجا،....
    أوكي يا ستي، وهنا كمان برضو آسفين،...
    وليك علي من صباح بكرة أجي أصلحن كلهن، عشان هسي نعسااان، وناس واقفين لي في رأسي،...
    وأصلك ما تزعلي، سمح؟؟؟
                   |Articles |News |مقالات |بيانات

06-03-2005, 03:08 AM

nadus2000
<anadus2000
تاريخ التسجيل: 05-02-2002
مجموع المشاركات: 4756

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    كتب العزيز ديك الجن

    Quote: شحتفتنا .. بس نادوس شحتفك باللبنانيه .. وكيفنى 24 قيراط

    تسلم وإنشاء الله ما نجيك في شحتفة لديكم.

    Quote: ديك الجن،...
    أنا ذاتي والله نادوس كيّفني، أسمع وأنا بعتبرو خاتفلو مني حاجة، اللصبر الغتيت،...


    والله كان للختف أنا سأحتمي ببيت الطيب ود ضحوية الإنت عارفه داك "بيت شعر بكسر الشين"
    أما الصبر يا هو هووولنا، باقي لك الصبرنا على ال16 وال15 ما بيصبرنا عليك.

    Quote: nadus2000،....
    نادوس إزيك، وما تبقه حرامي وعينك قوية، والصبية تقع منك في لفة قول آمين،...



    باقي ليك جنس تيموليلتك دي غير قوة العين وخفة اليد شن بجيب رأسها.
                   |Articles |News |مقالات |بيانات

06-03-2005, 11:07 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: nadus2000)

    نادوس،...

    ياخي الروب، أو ما بيناتنا، بعدين مالك؟؟ أرجو أن لا تكون في وضع مواجه لمشكلة "من ناحية البنوتة"،..
    بعدين نظام هظار، لو زانقنك في تلفون الولد الكتيتيب-الكتيكيت، بنديك ليهو، مافي عوجة، وبتحل دينك، أو ترجّع ختفتك أختار! هاهاهها
                   |Articles |News |مقالات |بيانات

10-03-2005, 10:58 AM

Isam Widaa
<aIsam Widaa
تاريخ التسجيل: 02-08-2003
مجموع المشاركات: 317

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: محسن خالد)

    شكرا
                   |Articles |News |مقالات |بيانات

10-03-2005, 11:47 AM

Amin Mahmoud Zorba
<aAmin Mahmoud Zorba
تاريخ التسجيل: 09-02-2005
مجموع المشاركات: 4553

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Isam Widaa)

    الاستاذمحسن
    التحيات النواضر
    مابيننا تعتق قبل ولوجك هنا
    انا مازلت في انتظار هاتفك
    ولعلها المساحة تتسع

    زووربا
                   |Articles |News |مقالات |بيانات

10-03-2005, 05:01 PM

EXORCIST7
<aEXORCIST7
تاريخ التسجيل: 05-02-2002
مجموع المشاركات: 1103

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: Amin Mahmoud Zorba)

    لعن الله المجاهرين ، يكشف أحدكم ما يستره الله من معاصى وغسيل وسخ ، على أمثال هؤلاء الخوف من سوء الخاتمة إن كانوا أصلا يرجون اليوم الأخر

    والسلامس
                   |Articles |News |مقالات |بيانات

12-03-2005, 05:21 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: تيموليلت: المغربية السحاقية، الفاتنة وصيّادة الفتيات (Re: EXORCIST7)

    Isam Widaa،.......
    تحياتي، وخلاص اتفقنا،..
    خليك طيب

    أمين زوربا،...
    ياخي تحياتي، بعدين يومك اللتكلمت معاي ليلاً، أنا باصرت تلفونك عشان أسجلو وما قدر، نعمنو التلفون جديد وأخوك قديم، بس أعمل لي رسالة برقمك،..
    وتحياتي ليك يا عزيز،...
                   |Articles |News |مقالات |بيانات


[رد على الموضوع] صفحة 2 „‰ 10:   <<  1 2 3 4 5 6 7 8 9 10  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de