|
|
|
 Re: { مصيبة } في بيتنا (Re: Emad Abdulla)
|
أهلآ بالعماد الحبيب { بورقيبة }
قال:
| Quote: إفتكرت دكين معيد معاك .. |
لا ، دي مصيبة تانية ح يفطر معانا بكرة
غايتو ربك يستر
وقال:Quote: القابلة " حجة كبيرة " ..
|
يازول ها ، انا من زمان عندي عقدة مع القابلات
التي سحبت كراعي وورطتني في هذه الدنيا لم تكن مرخصة
فطلعت انا من دون أخوتي ماعندي شهادة ميلاد
أمي عندها وانا ماعندي
عشان كده ماتجيب لي سيرة القابلات
بعدين ياخ صغر لينا الحجة دي شوية
حجة وعمرة دي انا مابقدر عليها
يا إما حجة أو عمرة
او خليها حجة وزوغة
المهم ، لك مثل ما تمنيت لصاحبك وأكبر
واتمنى ذات المصير لفيصل عباس
| |
 
|
|
|
|
|
|
|
|
Re: { مصيبة } في بيتنا (Re: أبو ساندرا)
|
الشاهد
ان الترام الذي باعه لي عادل سالم
كان ضمن 4 خراف اخرى
خروفنا خامسهم
والخمسة عبارة عن هجين سوداني استرالي
لكن ماعارف تركيبة الخلطة دي كيف
يعني ما عارف الطرف المذكر من عندنا
واللا من عند ناس خالد العبيد
لكن إستقراءآ لرعونة وحماقة خروفنا وتحرشاته
قدرت ان الوالد من كبوشية
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
كتب الجنرال محمد فضل الله المكي :
Quote: أوعى تقول لي مات!
لأنو في خروف كفيلو نادر سالم راح في حق الله
يعني نفطر في سوق واقف ولا شنو؟ |
لا لا يا سعاتك
الكارثة ده انا خايفو بكرة بعد الضبح ذاتو ما يموت
طبعآ انا خرخرت لمن نزلوه مع خراف عادل الماكنة
بدأ لي زي كلب
لكن بعد ما هلك واحد من عتاولة عادل امام ناظري
ظننت ان بتاعنا لن يصمد طويلا
لكن هل تصدق ان الأحمق ده بمجرد ما فكيت قيده
ركض بسرة وفتوة زي المركب مكنة قبرا سلاسي
ولم يتوقف إلا عند نافذة لنا ذات زجاج عاكس
طالع صورته المنعكسة فظنه الغبيان كبش أخر
فراح ناطحو
ولو ان الزجاج مصقول
لتتطاير حتة حتة
منذ تلك اللحظة أدركت أن ظني حول كبوشية لم يخب كثيرآ
طلع من الحوش
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
Quote: حوش بكري ده ؟؟؟
قول و الله !!
|
خلاص عايز تودينا التوج يا عماد
وكمان جابت ليها حليفة ؟
انت قايلني انا ذاتي من الحوش !
حوش العمدة الكبير يا عمدة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
و متحرش كمان :
--------------------
تستعين الست رشيدة بمعاونة منزلية
مليحة من بنات الهضبة
من الهضبة جات منتدبة
حملت معها هضاب وسحر اديس ابابا
كانت تنشر الغسيل
تنحي تأخذه من السطل
وتعتدل على أمشاطها للشرحبيل
في احدي إنحناءاتها تلك
شب فيها المتحرش وأضعآ ساقيه الأماميتين على ظهرها
فركضت مذعورة تصرخ
والتافه من خلفها يعدو بسرعة عجيبة
وتوشك فتحت باب الصالة التي نضع فيها بعض
المصنوعات الزجاجية واللوحات
ودخل وراها مقدمآ قرونه
وشهوته
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
دارت معركة سريعة
فشرفنا كان في المحك
الحبشية تحت مسئوليتنا المباشرة
غير رهط من العوين في الدار
إنجلى غبار المعركة عن خسائر محدودة
وأوامر مستديمة
كان أهمها حظر تحرك { ذوات الثدي } في الحوش
دون حماية مرافقة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
ابوساندرا كل سنة وانت طيب وجميع افراد الاسرة الكريمة
انت ما خايف والله شنو رعونة وحماقة الخروف قلت ابوه من كبوشية
ناس كبوشية وما جاورها انتاجهم محلي
كنا ناوين نجي الفطور لكن حذرونا من المهجن
وعيدك مبارك
| |
|
|
|
|
|
|
|
|
|
Re: { مصيبة } في بيتنا (Re: كمبورة)
|
| Quote: انت ما خايف والله شنو رعونة وحماقة الخروف قلت ابوه من كبوشية |
ما انا معتمد على وشيجة قربى تربطني بالمنطقة
وقال صديقنا كمبورة :
| Quote: كنا ناوين نجي الفطور لكن حذرونا من المهجن |
ما تخاف يا استاذ
فالتحذير صادر عن سبابة مناوئين في السوق
كما ان الخراف كلها خضعت للفحص الطبي
وانت عارف ناسنا هنا ما بيلعبو في الحتة دي
يازول تعال الفطور ساكت
خاصة والفطور محضور من عدد من الأصدقاء الرائعين
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
طفقت ابحث عن تفسير
وعن سبب
وعاينت للموضوع من زاوية خلل الجينات
وتسائلت ، هل العلة في الجينات السودانية
ام الأسترالية
اهي الجينات
ام التربية
أم حالة الحرمان حيث لم تكن في المراح انثى واحدة
أعياني البحث
حتى هدتني رشيدة إلى السبب
وفقآ لملاحظتها الذكية
حيث لاحظت ان معاونتها المتحرش بها
كانت وبسبب الأجواء الباردة في الدوحة
عقب امطار امس ، تلف نفسها بعباءة من الصوف
ولونها أقرب للون الكبش المتحرش
فظنها نعجة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
اليوم لن تنوم نواطير مصر عن شواردها
وضعت سريري قدام الباب
وتحته ساطور
وطلبت من المعاونة ان تعد لي قهوة تعينني على نوبة الصحيان
حتى اكون على أهبة الاستعداد
لمواجهة أي محاولة أخرى
| |
|
|
|
|
|
|
|
|
|
Re: { مصيبة } في بيتنا (Re: Nana)
|
Quote: حتى اكون على أهبة الاستعداد
لمواجهة أي محاولة أخرى |
قول حرست الخروف ..
سيد الخروف البحرسو منو ؟؟
غايتو يا مؤمن يا مصدق بنمشيها ليك ..
لكن ما تتغطى بأي حاجة فيها ريحة صوف في البرد ده ..
إنت نومك تقيل .
....
دكين معزوم فطور من لحم هذا الكبش الفحل ؟؟
إنا لله .
| |
|
|
|
|
|
|
|
|
|
Re: { مصيبة } في بيتنا (Re: Nana)
|
(شب فيها المتحرش وأضعآ ساقيه الأماميتين على ظهرها
فركضت مذعورة تصرخ)
خروف كيتاوى الرغبة , الله يكافينا شرك وشر خروفك
الخروف ده جابو ليك واحد من أولاد سالم الزينين , والله
جابو ليك الخال .
عيدك سعيد يا ناثر الفرح يا جميل , لرشيدة والبنيات
الأمنيات الطيبة بعيد سعيد .
| |
|
|
|
|
|
|
|
|
|
Re: { مصيبة } في بيتنا (Re: فيصل عثمان الحسن)
|
أهلآ بالمناضل الصلب فيصل عثمان الحسن :
قال:
| Quote: خروف كيتاوى الرغبة |
كيتا ده صاحب صاحبك عماد عبدالله
وأول من عرفني به أخوك الكبير حسن عثمان الحسن
كان كل يوم بيحكي لي نادرة وطرفة جديدة من مصائب كيتا
حتى رغبني في معرفته
زكمان عشان الواحد بآمن الشر
خاصة والآيام ديك كنا بنكتل حفلات المايقوما
وكان معنا عثمان الحاج
وبيحرسنا الزين ، اتذكره يا فيصل ؟
Quote: الخروف ده جابو ليك واحد من أولاد سالم الزينين , والله
جابو ليك الخال .
|
واحد صاحبنا لذيذ ومستهبل
سألني تلفونيآ : انت خروفك ده قعد مع كمال سالم كم ساعة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
كتبت نانا
Quote: ابوساندرا ،، كل عام وانتم بخير
خروفكم يشبه ده
بالله لمن تضبحو ادونا خبر
|
شكلك كده جيتي صورتي البلوة بتاعنا ده
بعدين ماتعملي الخروف سبب وتتأخري إلى مابعد الذبح
رشيدة بنت تقديراتها كلها على مساعدتك
وأي حاجة تقول : دي ح تعملها نانا
يازولة أطمني ، الخروف بنضبحو عقب الصلاة مباشرة
لو في حاجة مفروض تعملي ليها حساب
هي شربوت رشيدة
قاتل
وكل عام وانت والأسرة في أحسن حال
ومتخققة لكم كل الأمنيات الممكنة
والمستحيلة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
بركوتة
.....................
.....................
.....................
.....................
.....................
.....................
____________________________
كل عام وأنت بألف خير
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
الله يجازيك
وينولك الفي مرادك يا عمدة
قديتنا بالضحك
مع إني كنت مغتاظ جدآ
من التافه القابع في الحوش
يا زول اليوم
مافي نوم
وأكان في خوف ولوم
بيجينا من جيهة رشيدة
القادة ليها شملة
وبلعت فاليوم
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
سألني عماد عبدالله متوجسآ ومهجسآ :
Quote: دكين معزوم فطور من لحم هذا الكبش الفحل ؟؟
إنا لله .
|
ده غايتو بعد الفطور مباشرة
بنشربو الشربوت
وبنشحنو في هيلكوبتر
وبنفكو قبالة سواحل جدة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
كتب حبيبنا عاطف عمر :
Quote: بركوتة
.....................
.....................
.....................
.....................
.....................
.....................
____________________________
كل عام وأنت بألف خير |
ما أبلغك يا عاطف
انا فهمان عليك
لكن المشكلة في الخروف
ولك اطيب الأمنيات بمناسبة العيد السعيد
اعاده الله علينا وانت ترفل في حلل الصحة والسعادة والحب
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
كتب عماد عبدالله :
Quote: غايتو يا مؤمن يا مصدق بنمشيها ليك ..
لكن ما تتغطى بأي حاجة فيها ريحة صوف في البرد ده ..
إنت نومك تقيل . |
بفكو
وبدفرو من كرعينو الورانيات
وبدخلو عند صلاح عبدالله
أو بدرالدين الأمير
او عند كيكي الامريكي
أو ، إمكن أقطع ليهو تذكرة للسودان
و أوصف ليهو مكتب حسين ملاسي
وده طبعن عكس النوامين الثلاثة أعلاه
بيكون صاحي
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
Quote: عُلم يُنفذ
ولو ما خروفكم الخطير ده
كان جينا صبحنا الواطة معاكم
بس ياروح ما بعدك روح
خليها بعد (الضبح) احسن |
هسع بقوم أضبحو
يا نانا نحن عايزين الساعة 8 نكون فطرنا
فبلاهي ما تعملي الكورة حيلة وتتأخري
| |
|
|
|
|
|
|
|
|
|
Re: { مصيبة } في بيتنا (Re: Aymen Tabir)
|
| Quote: { مصيبة } في بيتنا |
أبو ساندرا ... الله إقطعك, قطعت قلبنا.
طيب ... لمن إكون فى مصيبة بالجد جد,
الواحد إكتبا كيف؟
بعدين شايف بقى في وزنة سوداني/أسترالية,
فيما أراه تقدم ملحوظ لجهة الهوية السودانية,
ومتعلقاتها من حيوانات وبضائع وأخلاق.
بقى نحن من كندا ما ظنيتنا نقدم ليكم خرفان,
لكن ممكن جدا نقدم تلج عينة, ليس له مقابل سوداني
البتة, وربما هي مناسبة لفرض تحديات أكبر على من
يحبذون ... تكسير التلج.
حافظ على { المصيبة } ... وأشكر الحضور الإسفيري على
صلاتهم وضحياتهم, وقل لهم بأنك سوف تضحي بإحدى السالمين.
إن شاء الله ما إنفعكم ياخ, تصدق ده ما بحصل فى كندا, لأن
{الحكومة} فقط لا غير هي التي تتولى الذبح, وبغير طريقتنا
طبعا, ثم تتخلص أول ما تتخلص من المحتويات الداخلية, الكمونية,
تصدق, وبعتبروها نفايا غير صالحة للإستخدام الإنساني, زيها وزي
أبو كبيرة, وواحسرتي على تلك { الكباد } الضائعة, والمصارين
الملتوية ألما وحرقة, والفشفاش النفاش . والغريبة راس النيفة
... حلال كنديا.
أسمع ... حا تودي الجلد وين ... الجامع ول الميدان؟
| |
|
|
|
|
|
|
|
|
|
Re: { مصيبة } في بيتنا (Re: HAYDER GASIM)
|
سلام يا ابا ساندرا، وانت والأسرة كل عام بالف خير..
طبعا دى عقوبتها الجلد..
أوع تعدموه..
لكن الشايفو حتعدموه وتمثلوا بيه وكما تاكلوه.. المسكين الله ليه.
وبعد دا تلوموا ناس الأمن أنهم بيراقبوا الجرايد.
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
ابو ساندرا العزيز
كل سنة وانتا والاسرة طيبين..
وتعود ايامكم بي خير تاني وبيت دافي جميل..
ـــــــــــــــــــــــــــــــــ
| Quote: إفتكرت دكين معيد معاك .. |
دكين عندو اربعة كرعين ياإقدننودي؟؟
| |
|
|
|
|
|
|
|
|
|
Re: { مصيبة } في بيتنا (Re: عاطف مكاوى)
|
إنت البخليك تدس الفياقرا فى الضهريه شنو ؟؟
تعرف ياعماد صاحبك خاتى ليهو علبة فياغرا فى ضهرية العربيه وأظن الخروف
مع المشوار الطويل لم ليك فى العلبه وراح قارش ليك الاربعه حبات مره واحده
يعنى ده لو ماضبحتو ياأبوساندرا بليلك ده , حيفضحك فضيحه ,
مسكينه المعاونه تلقاها من الخروف ولا منك !!
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
كتب ياسر طيفور:
Quote: سؤال جادي
___
بتعرف تضبح، ولّ راجي الضبّاح |
يازول انا بتاع مغنى
وإجتماعات ساكت
ضبح وشليخ دي ما معانا
بس اليوم عانيت معاناة مبالغة
عشان اجد ضباح
وبعد خراج روح
اصلآ العملة دي ممنوعة في قطر
الضبائح في المقصب الآلي للدولة بس
الكيري صعب
لكننا بنركزظ عليه عشان تحافظ على عدة خروفك كلها
لزوم المرارة والكمونية والباسم الفتان
الدوحة قاطة وعدمانة اسم الضباح
عشان كده اول مرة أفكر جادي ان أتعلم النحر
او
السنة الجاية بضحي ب بسبوسة
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
أها يا صديق الخروف ده قبل ماتضبحو , لبيت ليهو
رغبتو والله ضبحتو بى حسرتو , لكن بينى وبينك
الخروف كلو نظر , بكون قال اليوم خمر وغدا أمر .
انشاء الله كل أيامكم أعياد .
| |
|
|
|
|
|
|
|
|
|
Re: { مصيبة } في بيتنا (Re: فيصل عثمان الحسن)
|
أبوساندرا
كل سنة و انت طيب
سمعنا إشاعة أن الخروف قد تم ذبحه مساء يوم الوقفة
بعد إحباط إحدي محاولاته ... الإشاعة لم تفصح عن طبيعة
هذة المحاولة ... !!!!!!
__________
فيصل عثمان الحسن
ماذا عنك يا فيصل ؟؟؟ !!!!
كل عام أنت وأسرتك بخير
| |
|
|
|
|
|
|
|
|
|
Re: { مصيبة } في بيتنا (Re: محمد صالح علي)
|
بوستيك "شربوت" يا ابو ماهيتاب
لم أجد ما يضحكني من القلب منذ زمن بعيد
بركات العيد عليك يا بركات
وعلى أهل البيت جميعا
وكل ضيوفكم
بما في ذلك دكين ويعوضنا الله 
ذكرتني "الحبيب!!" ابو حريرة ، ما عرف ليه ؟؟؟ 
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
سلام يا ابو ساندرا
بعد الصلاة ذهبت وجاري ايوب ومعنا العيال الى مزرعة الخواجة لاري
سواقة خمسين دقيقة في الطريق السريع !!
كنا حاجزين خروفين وشددنا عليه في التلفون ان الخرفان ذكور
وبعد ان قام ايوب بعملية الذبح
شمرنا لمساعدة لارس في السلخ
وكان يشير لنا في كل خطوة :
الكرشة محتاجين ليها
ونجيبه بالايجاب
الفشفاش ؟
نجيبه بالايجاب
المصارين ؟
برضو محتاجين ليها
امسك لاري " بيوض " الخروف وقال :
دي محتاجيت ليها؟
فلنا له لالالا
فالتفت الينا مستعجبا :
طيب وليه انتو عايزين خروف ذكر !!
المهم قضيتا وقتا ممتعا مع السيد لاري ودهشته
وكل سنة وانت طيب
| |
|
|
|
|
|
|
|
|
|
Re: { مصيبة } في بيتنا (Re: عبدالله كع)
|
العزيز عبدالرحمن (ابوساندرا)
كل عام وانت وأسرتك ومن تحب بصحة وطمئنينة .. ويبعدك الله
من المصائب واعوانها ويضرب لكم بينهم حاجز متين ..
وعيد مبارك
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
Quote: كل عام وانت وأسرتك ومن تحب بصحة وطمئنينة .. ويبعدك الله
من المصائب واعوانها ويضرب لكم بينهم حاجز متين .. |
المهم يا أبا ساندرا،،،وبمناسبة سيرة الخراف الاسترالية لعلك تذكر خراف الوزير ابو حريرة التى إستوردها أبان العهد الديمقراطى الأخير،،،والكاريكاتيرات الجميلة: خروف أسترالى متحير كتبت بجانبه: "ولا تدرى كل نفسٍ بأى أرضٍ تموت"...! *** وخروف آخر يغازل فى نعجه سودانية "آى لَف يُو"....النعجة ترد عليهو "يلَفْلِفْ يا يمه مصارينك"...! *** طبعا يا ابو ساندرا الكلام ده ما حاضروا،،،حكاهو لى جِدّى...
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
كتب اسامة محمد:
Quote: المستحيلة ..... السودان ده يبقى سالم وواحد ....
والناس تبطل ( الحركات ) المسلحة منها والمشلخة |
المشلخة لا ورا ؟
بشوية إرادة ممكن يستمر السودان واحد
أي لا مستحيل
وبرضو شكرآ على { الشينات }
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
يا باشمهندي الحل ساهل جدا لي مصيبة كمال دي
تخت الخروف و دكين مع بعض في غرفة واحدة
البمرق منهم حي .. تضربو رصاص بدون تردد
كده تكون ضربت (لذيذين) بحجر 
اما المعاونة و خاصة بعد نفوق دكين .. فــ الفاااااااااتحة
__
| |
|
|
|
|
|
|
|
|
|
Re: { مصيبة } في بيتنا (Re: خدر)
|
يعتذر الأخ أبو ساندرا للذين شربوا مقلب الخروف( الأسترالي) بالأمس
ويؤكد لكم بأنه قام بحركه تصحيحية في زريبة البهايم، وطبعاً البرنامج
عباره عن يوم مفتوح، خروف ( سوري) شية جمُر، وخروف سوداني شية( صاج)
هيع....أبوكي يا ساندرا.
| |
|
|
|
|
|
|
|
|
|
Re: { مصيبة } في بيتنا (Re: DKEEN)
|
(كيتا ده صاحب صاحبك عماد عبدالله
وأول من عرفني به أخوك الكبير حسن عثمان الحسن
كان كل يوم بيحكي لي نادرة وطرفة جديدة من مصائب كيتا
حتى رغبني في معرفته
زكمان عشان الواحد بآمن الشر
خاصة والآيام ديك كنا بنكتل حفلات المايقوما
وكان معنا عثمان الحاج
وبيحرسنا الزين ، اتذكره يا فيصل ؟)
يا بركة ما تحاول تشوه صورة عماد , يا خى كيتا نحن جيرانو كنا
فى حالة استنفار دائم , لو الواحد فينا سهى , واكتشف فجأة أنو بالقرب
من بيت ناس كيتا بقوم جارى زى المجنون ومعاها واى واى , تقوم تقول
لى كيتا صاحب عماد . غايتو يا عماد بركة ورطك
انت عارف يا بركة كيتا عندو طرف بس ما كلها بتتحكى هنا , واحدة من طرف
كيتا , فى شباب بتاعين الدعوة دقو باب ناس كيتا , من سوء حظهم فتح ليهم
الباب الخال ذات نفسو , تفرس فى وجوههم وبخبرته ركز على أحدهم لا يخلو
من وسامة رغم الدقن المفتعلة , فبادره ذلك الشاب قائلا لدينا درس فى الجامع
وعايزنك تحضر , وتلى على مسامع الخال بعض الآيات , فعندما انتهى ذلك
الشاب من تلاوته , عاجله الخال بالآية القائلة (قد أفلح من زكاها وقد خاب من
دساها فألهمها فجورها وتقواها ) طبعا الخال كما تحلو لنا تسميته عندو تفسير
خاص به لهذه الآية .
هاتفت صديقك أبو على قبل اسبوعين ووجدت عثمان الحاج بمعيته
وكانا عائدان للتو من جبل الأولياء , وقد درجا على قضاء العطلة
فى اصطياد السمك بتلك النواحى .
الزين أتذكره تماما , كان يسكن وأسرتهم الكريمة بالقرب من مركز صحى المايقوما
لكن يا بركة لو كان بحرسكم الزين مهعناه كنتو قاعدين فى السهلة ساكت , ياخى الزين
ده رجل طيب ومسكين لأبعد الحدود , وما حصل أنا سمعتو بتكلم , يمكن اخوانو الصغار
كانوا شرسين , ومنهم عادل الذى كان فى المرحلة المتوسطة فى تلك الأيام وخرج من منزل
الأسرة ولم يعد حتى غادرنا المايقوما فى نهاية السبعينات .
| |
|
|
|
|
|
|
|
|
|
Re: { مصيبة } في بيتنا (Re: DKEEN)
|
(فيصل عثمان الحسن
ماذا عنك يا فيصل ؟؟؟ !!!!
كل عام أنت وأسرتك بخير)
محمد صالح ود أختى , سلامات يارجل
وعيدك سعيد وكل أمانيك محققة باذن واحد أحد
سألت عنك صلاح حفظالله , وأفادنى بأنك موجود
فى السودان , كيف الأسرة الكريمة عساهم بخير
البركة فى خروف أبو ساندرا الجابك لينا.
| |
|
|
|
|
|
|
|
|
|
Re: { مصيبة } في بيتنا (Re: أبو ساندرا)
|
في محاولة لتتبع خطوات أبو ساندرا ...
توجهت للمقصب الحكومي (السلخانة) وحصلت على هجين من نوع تاني ..
قال لي البائع أن الأب والأعمام جميعاً قدموا من أرض النيلين ..
أمّا خؤولته فمن قراصنة القرن الحادي والعشرين في الشرق الإفريقي ..
حسمت أمره بالمقصب قبل أن نتعرض لقرصنة من أي نوع
| |
|
|
|
|
|
|
|
|
|
Re: { مصيبة } في بيتنا (Re: محمد أبوالعزائم أبوالريش)
|
Quote: لو الواحد فينا سهى , واكتشف فجأة أنو بالقرب
من بيت ناس كيتا بقوم جارى زى المجنون ومعاها واى واى |
الجرية و الويواية هينين .. كويس يا فيصل الما بقيت من الناس الكملوا سُكر ناس عوض كيتا .
....
الله يهديهو " بركوتة " ..
زي ما اتهدى كيتا .
| |
|
|
|
|
|
|
|
|
 Re: { مصيبة } في بيتنا (Re: Emad Abdulla)
|
(الجرية و الويواية هينين .. كويس يا فيصل الما بقيت من الناس الكملوا سُكر ناس عوض كيتا .)
حلوة يا عمدة , ما بعرف أجيب الوجه الضاحك أخوك ما بوليس
وكيلك الله حالة الحذر والزلعة الدخلت فينا من الزمن داك لى يوم الليلة ما مرقت مننا . قابلت الخال
كيتة فى منزل عزاء بالديم فى العام 1988 وكنت حينها لا أزال بالخدمة وكان الوقت منتصف النهار
وبعدما أديت واجب العزاء وهممت بالمغادرة طلب منى الخال توصيله , قمت بتوصيله فطلب منى
الدخول لتحية ناس البيت , قلت ليهو يا خال دى تلقاها عند الغافل , ضحكنا كثيرا ونزلت حييت أفراد
الأسرة الكريمة ويدى اليمنى على الطبنجة وأخبرته أن بها عدد 8 طلقات , الخال كيتة أفضل من يصنع
الضحكة ويدخل البهجة فى النفوس له الصحة والعافية والعمر المديد .
| |
|
|
|
|
|
|
| |
أبو ساندرا
شكرى سليمان ماطوس
محمد فضل الله المكى
Emad Abdulla
Badreldin Ahmed Musa
كمبورة
عاطف عمر
Amjed
طارق جبريل
Yassir Tayfour
Osama Mohammed
Aymen Tabir
HAYDER GASIM
Abureesh
Ashraf el-Halabi
عاطف مكاوى
كمال سالم
nadus2000
فتحي البحيري
خالد العبيد
عبدالله كع
محمد الجزولي
mekki
خدر
محمد أبوالعزائم أبوالريش
عصام علي أحمد
فيس بوك
تويتر
انستقرام
يوتيوب
بنتيريست