مطلوب معلومات عن رائدات سودانيات

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 11-12-2018, 07:55 AM الصفحة الرئيسية

مكتبة الدراسات الجندرية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-03-2007, 10:49 AM

علي محمد علي

تاريخ التسجيل: 04-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: altahir_2)

    up
                   |Articles |News |مقالات |بيانات

16-06-2007, 04:41 PM

Dia

تاريخ التسجيل: 02-06-2004
مجموع المشاركات: 383

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: altahir_2)


    اضيف الاستاذه سعاد عبدالنعيم زوجة الاستاذ مكى شنتوت وكان لها دور كبير هى والحاجة نفيسة كامل فى تعليم النساء بالابيض

    وكذلك امنة السيد مكى حفيدة الشيخ اسماعيل الولى والتى ساهمت فى توعية المراة وتعليمها بكردفان

    يرجى مراجعة كتاب الاستاذه نفيسة كامل
                   |Articles |News |مقالات |بيانات

04-03-2007, 07:43 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخت أماني :
    ده بوست فات حد الرقي ..
    ده حاجة تحفة خلاص..
    وبيخلي الواحد يعاين للمرأة عموماً بزاوية مختلفة عن الرؤيا التقليدية للمرأة ..

    سأضيف إسم واحدة من نساء بلادي أعجبت بها أيما إعجاب وهي تتحدث في كل أمور بلادي السياسية والرياضية والثقافية والإجتماعية ..

    من الرائدات إمرأة سودانية تمشي في الظل وبعيدة عن الأضواء ..
    لو لم تخني الذاكرة هي أول إمرأة تدخل في مجلس إدارة نادي الهلال السوداني ..
    إنها الأستاذة سكينة الجزولي ..
    وهي والدة مريم عثمان البشير عازفة البيانو ..
    وزوجة الحكم الدولي السابق عثمان احمد البشير..
    ظفرت بجلسة معها في طريقي من رفاعة للخرطوم فحكت لي عن المرأة السودانية ما لم يكتب في الكتب ولا في المقالات ..
    ليتني حينها كنت أملك جهاز تسجيل للتوثيق ..
    وليت الفرصة تتاح لي مرة أخرى للجلوس مع هذه المرأة الرائدة فقد كنت صغيراً يومها وانا أجالس هذا الهرم المعرفي..

    Quote: هى الاستاذةاسماء حمزة بشير

    الأخ الطاهر :
    ياخ إنت زول راقي والله ..
    عايز أتكلم عن الزولة دي وما عندي عنها معلومات لكن كل البعرفو إنها أعظم ملحنة في الوطن العربي وربما في العالم ..
    والله ووالله ووالله الزولة دي لو كانت في أي بلد تاني غير السودان كان إتعمل ليها تمثال وطابعات بريدية وعملة ورقية ومعندية ..
    أسماء حمزة دي زولة ما طبيعية فنانة من الدرجة الأولى لا تقول لي ود اللمين لا تقول وردي لا تقول جن احمر ..
    لو ما خانتني الذاكرة الزولة دي ملحنا ليها عمل لي أسامة الشيخ قدر ما اسمعو ما بصدق ده تلحين مرا !!!
    أغنية " جمال ما عادي " ..بالجد ده لحن ما عادي ...
    انا الزولة دي مبسوط منها شدييييييييييييييييييييييييييييييد ياخ ..

    تخريمة :
    في واحدة إسمها طاير لي اعتبرها من رائدات لعبة الإيكروبات كانت تمشي على الحبل واذكر ان الرئيس جعفر نميري كرمها وهي في شبابها ..
                   |Articles |News |مقالات |بيانات

04-03-2007, 08:17 AM

عبد العظيم أرباب

تاريخ التسجيل: 21-11-2005
مجموع المشاركات: 143

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    اول عازفة عود في السودان هي الاستاذة جدية موسى
    اخت الفنانة عائشة موسى ( الفلاتية ) ولاسرتها ما يثبت ذلك وهي
    بطاقة عضويتها في فرقة الاذاعة كاول امراة سودانية في ذاك الوقت
    واعتقد انهاقبل الاستاذ اسماء حمزة .
                   |Articles |News |مقالات |بيانات

04-03-2007, 08:32 AM

Ishraga Haimoura
<aIshraga Haimoura
تاريخ التسجيل: 24-01-2004
مجموع المشاركات: 1463

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    العزيزة الجندرية
    الأخ بكري

    Quote: اول امرأه ساقت سياره هى بت نميرى والده الاخت الابنه آسيا النميرى وكانت معلمه فى مدرسه المعلمات فى امدرمان
    .

    أول إمرأة قادت سيارة هي الأستاذة آسيا علي نميري نفسها وهي تعيش حتى الآن في منزلها بود نوباوي ، وهي أيضاً من رائدات الكشافة السودانيات "وهي جدتي" أطل الله في عمرها.
                   |Articles |News |مقالات |بيانات

04-03-2007, 08:57 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: Ishraga Haimoura)

    الجندرية

    إستمعي وشاهدي ما بداخل الرابط

    توثيق لتاريخ التلفزيون السوداني


    http://www.youtube.com/watch?v=0TXmxCTQIQI

    حمدي بدر الدين اول إعلامي يظهر على الشاشة

    خوجلي صالحين اول من قرأ نشرة اخبار

    رجاء احمد جمعة اول مذيعة بالتلفزيون
                   |Articles |News |مقالات |بيانات

04-03-2007, 09:54 AM

kofi


للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    تحياتى
    اول طبيبه سودانيه اعتقد ان اسمها ايمان ويمكن سؤال الاستاذه سعاد ابراهيم احمد عنها!!
    اول سباحه سودانيه (هدى حمدى)فى منتصف الستينات
    اول سباحه سودانيه تفوز بكابرى نابولى (سهام سمير سعد)فى اواخر الستينات
    التحيه لنساء بلادى دوما
                   |Articles |News |مقالات |بيانات

04-03-2007, 09:54 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الاخت الجندرية
    هذه ترجمتى للحوار الضافى مع سارة جاد الله، اول امرأة سودانية تدرس السينما، وتعمل مخرجة. وهو حوار يلقى الضوء على كثير من جوانب ازمة المرأة والابداع فى السودان.
    ___________

    شلل الاطفال اصاب قدميها ولكنه لم يعطل ابداعها
    اجرى الحوار اوقوفا اونديقو
    نشر فى 10 ديسمبر 2006
    سارة جاد الله جبارة
    سارة جاد الله جبارة اول امرأة سودانية تدرس السينما. تعمل مخرجة سينمائية وسباحة عالمية حازت على عدد من الجوائز الدولية، وترقص الباليه. وهى، لعلمك، لا تستطيع السير دون مساعدة. فقد اصابها شلل الاطفال مبكرآ. اوقوفا اونديقو يحاورها هنا عن عملها واسرتها وسياسات الجندر فى السودان، البلد الاسلامى المحافظ.

    لو سمحتى قدمى نفسك وتحدثى لنا عن عملك ايضآ؟
    انا سارة جاد الله جبارة. مخرجة سينمائية سودانية. تخرجت فى معهد السينما التابع لاكاديمية الفنون فى القاهرة عام 1984 حيث درست فن الاخراج السينمائى والرسوم المتحركة (افلام الكرتون). بدأت العمل عام 1985 فى تلفزيون السودان. كنت مسئولة عن قسم الرسوم المتحركة. وانجزت حوالى 3 او 4 افلام كرتون بالطريقة التقليدية المتمثلة فى الرسم باليد على الورق لا استخدام الكمبيوتر. بعدها اسست استديو خاص بى. حيث اعمل مصورة ومخرجة. وانا ادير كذلك استديو والدى السينمائى المخضرم جاد الله جبارة الذى فقد بصره. وافكر فى انشاء معهد او كلية للسينما فى السودان الذى يفتقر الى واحدة.

    كم عدد المخرجين السينمائيين فى السودان؟
    11. حوالى 5 منهم فقط يخرجون افلام وثائقية. والافلام الروائية نخرجها انا ووالدى جاد الله جبارة وعبد الرحمن وانور هاشم.
    كم يبلغ عدد الافلام التى اخرجت فى السودان؟
    منذ الخمسينات والى 2004 انجز السودانيون 7 افلام روائية فقط.

    ما هى المشاكل التى تواجه السينما فى السودان؟
    فرض قوانين الشريعة الاسلامية له تأثير سلبى على السينما، الى جانب ان اغلبية العاملين فى مجال السينما ليسوا مدربين تدريبآ مهنيآ مناسبآ.
    هل تدعم الحكومة السينما والمخرجين؟
    لا. التلفزيون يعانى من رقابة صارمة، ولكن قد ينجو فيلم من هذه الرقابة الخانقة. وفى جو مثل هذا، من الافضل الا يكون المرء سينمائيآ محترفآ.
    كم عدد محطات التلفزيون فى السودان؟
    ثلاثة محطات. واحدة تبث فى ولاية الخرطوم واثنتان قوميتان.
    كم عدد المخرجات السينمائيات؟
    واحدة. انا. فالاخراج السينمائى عمل بالغ الصعوبة. على المخرج ان يعمل ليل نهار، وليست كل الاسر مستعدة لقبول هذا.
    كيف توفقين انت بين متطلبات العمل فى السينما وبين اسرتك؟
    اسرتى متفهمة ومتعاونة. والدى منذ البداية شجعنى على اخراج الافلام.

    وماذا عن زوجك، هل يدعمك مثل والدك هو الاخر؟
    فى الواقع زوجى رجل ممتاز. من قبل زواجنا كان على علم اننى سوف اعمل فى السينما واخراج الاعمال السينمائية. نحن نعمل فى نفس المجال. هو يعمل فى المونتاج وتحرير الافلام. ويقوم بمنتجة افلامى. فى الاستديو نعمل كأسرة. اولادنا درسوا فى مجالات اخرى ولكنهم ايضآ يعملون معنا فى الاستديو.
    اين وكيف التقيتى زوجك؟
    التقينا فى مصر حيث كنت ادرس السينما وكان هو يدرس الطب.

    لاحظت انك لا تمشين على نحو طبيعى. ماذا حصل لك؟
    ولدت وانا مشلولة فى قدمى. فى الظروف العادية كنت سوف اكون عالة على الاسرة ومحبطة. ولكن والدى ساعدنى مساعدات جمة وشجعنى على دراسة السينما. انا مشهورة جدآ فى السودان حيث كنت بطلة دولية فى السباحة. وفى تقديرى ان المرء لو تمتع بالشجاعة والجسارة فلا شئ يستعصى عليه. لا استطيع المشى على نحو طبيعى ولكن حالما ادخل الماء، هذه قصة اخرى. وارقص البالية كذلك. انا مغرمة بالماء واتدرب بانتظام. كنت البطلة الثانية فى السباحة على النطاق العالمى. وحزت على قصب السبق 4 مرات بين الاعوام 1975 الى 1980. ولقد كتب والدى سيناريو عن انجازاتى سماه (تعيش سارة) (فيفا سارة) وباعه فى ايطاليا حيث صنعوا منه فيلمآ عن تفوقى وانجازى. ولقد شجعنى هذا الاهتمام وجعلنى اشعر ان تفوقى وانجازى اكبر من الاشخاص الذين يتمتعون باجسام سليمة.
    انا ثانى امرأة تدرس السينما فى السودان. الاولى كانت نصف مصرية نصف سودانية، ولذلك انا اول امرأة سودانية تدرس السينما وتعمل بها.

    كم فيلمآ انجزتى؟
    ثلاثة افلام روائية. وفيلم رسوم متحركة طوله 15 دقيقة، اسمه (فاطنة السمحة)، وهى النسخة السودانية من قصة سندريلا. وانجزت فيلمآ ثانيآ على الفيديو. وتبلغ جملة الافلام التى اخرجتها حوالى 20 فيلمآ وثائقيآ. فى السودان صناعة الافلام الوثائقية اسهل من الافلام الروائية. انا احب ان تكون الممثلات فى افلامى جميلات. لهذا بنتى تشارك فى افلامى. هى ممثلة جميلة تبلغ من العمر 20 عامآ، وتدرس السينما الان.
    ما هو تأثير الاسلام على السينما فى السودان؟ هل يعيقها ام يساعدها؟
    لا ارى ان يستغل الاسلام تبريرآ لقمع السينما. ايران دولة اسلامية ولكنهم يصنعون افلامآ سينمائية جميلة ومعروفة على نطاق العالم. يجب ان تساعد الحكومة العاملين فى هذا المجال. فالسينما وسيلة هامة من وسائل الاتصال والاعلام. علينا ان نضغط الحكومة لتقديم العون لنا وتفهم رسالتنا كسينمائيين. لو تركنا الحكومة لحالها فلن تقدم لنا اى مساعدات.
                   |Articles |News |مقالات |بيانات

04-03-2007, 02:25 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: Adil Osman)


    رجاء احمد جمعة، أول مذيعة فى تلفزيون السودان عام 1963
                   |Articles |News |مقالات |بيانات

04-03-2007, 06:09 PM

شذى بله محمد

تاريخ التسجيل: 03-12-2006
مجموع المشاركات: 0

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: Adil Osman)

    تحياتى يا امانى

    لكن وحياتك سبقتينى بالفكرة

    احنا برضو بنجهز لى احتفل فى جامعة الخرطوم

    وكانت ناثصانا حاجات كدة

    بس الواضح هسة انو الناقصنا كتير خلاص


    جاية احتل معاك فى بوستيك دة
                   |Articles |News |مقالات |بيانات

04-03-2007, 07:19 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: شذى بله محمد)

    كتب الاخ باريك مادوت عن بعض رائدات النساء من جنوب الوطن.
    Quote: I want to commend you on this great project and your quest to acknowledge the contrbution of our women pioneers

    I would like to suggest this names from Southern Sudan
    Pioneering SudanTV announcer Mary Sirisio Iro
    The first Southern woman to graduate from University of khartoum
    and later parliamentary leader (who happens to be my mother, Victoria Yar Arol
    Salwa Gibril, Economist and senior UN official

    1 مذيعة التلفزيون ميرى سيريسيو ايرو
    2 فكتوريا يار ارول، اول خريجة من الجنوب فى جامعة الخرطوم.
    3 سلوى جبريل، اقتصادية وموظفة كبيرة فى الامم المتحدة.

    لم اجد معلومات او صور لهؤلاء الرائدات. فقط وجدت هذه المعلومة المختصرة عن المرحومة فكتوريا يا ر ارول:
    توفيت عام 1980 بعد علة لم تمهلها طويلا
    اول خريجة جنوبية من جامعة الخرطوم وكانت سياسية وبرلمانية وناشطة نسائية
    Victoria Yar Arol, ( - 1980)- Politician, Member of Parliament, Woman Activist and the 1st Southern Sudanese woman to graduate from University. Died in 1980 after a brief illness.

    الاخ باريك قال المرحومة فكتوريا والدته. هل يمكنك ان تكتب معلومات اوفى عنها وان تنشر صورتها هنا؟
                   |Articles |News |مقالات |بيانات

04-03-2007, 09:21 PM

حسام يوسف
<aحسام يوسف
تاريخ التسجيل: 16-02-2005
مجموع المشاركات: 2204

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: Adil Osman)

    الاخت العزيزة الجندرية

    ارجو اضافت الاستاذة الجليلة ذكية سليمان تادرس

    وهي جدة زميلنا يالمنبر الاخ رافت سليمان

    وكذلك اضافت الدكتورة عدله شاشاتي
                   |Articles |News |مقالات |بيانات

05-03-2007, 06:34 AM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19833

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: حسام يوسف)

    اعتذار/شوقى بدرى
    سعدت بمكالمه تلفونيه من الابن وجدى الكردى ومسئول التحرير , والسبب كان الموضوع الذى نشر فى حكايات وجدى الكردى وتطرق للراحل المقيم البروفسير على المك الذى كتبته فى وفاة على المك . ووردت الفقره المذكوره ادناه .



    (((( و كما تأثر علي المك بالوسيله. كان مكاوي سليمان اكرت هو الاب الروحي للاثنين. و مكاوي هو أول مدير لمديرية كردفان و اول ضابط لمجلس بلدي ام درمان و دفعة خليفه محجوب في مدرسة الاداره ة هؤلاء هم جيل الثالث في مدرسة الاداره و الذين استلموا ادارة السودان بعد السودنه منهم العم حسن قرين الذي يرجع اصله للابيض. مكاوي هو خال الوسيله و عرف بحبه للإطلاع و قراءة الأدب الإنجليزي و هو الذي شجع الوسيلة و علي المك لدراسة شكسبير و لورد بايرون و كان هنالك بارا باسمه يأمه المثقفون في الخرطوم. و الوسيله بدوره خال الدكتور خالد مبارك مصطفى و الدكتور مصطفى مبارك مصطفى الذي هو مؤلف مجموعة القصص القصيرة الدرس الأخير للبصيرة ام حمد و الذي اعتبره خير من يكتب القصة القصير ))))



    ولسوء الحظ ان الغلطه اتاحت فرصه لان البار يمكن ان ينسب الى مكاوى سليمان اكرت . وطبعاً المقصود هو لورد بايرون الذى كان هنالك بار باسمه فى الخرطوم .

    لورد بايرون الشاعر الذى اثار ضجه فى حياته ومماته. كان مثالاً للمثقفين فى بريطانيا وخارج بريطانيا وتأثر به كثير من السودانيين مثل شكسبير . الاستاذ عبد الله رجب ( اغبش ) فى سيرته الذاتيه مذكرات اغبش . ذكر انه عندما ترك سنجا عبد الله فى بدايه شبابه وأتى الى العاصمه يحمل صندوقاً اذ لم تتوفر له حقيبه وقف امام لورد بايرون مندهشاً . فقام احد الجرسونات بطرده . وعندما تغير الحال وصار اغبش من مشاهير السودان وصاحب ورئيس تحرير جريده الصراحه اورد اغبش ان نفس الجرسون صار صديقه ويخدمه فى البار لورد بايرون .

    كانت هنالك اربعه اماكن للنخبه فى الخرطوم من بريطانيين وسودانيين وارمن واقباط وايطاليين . وحتى الضباط الامريكان بعد الحرب العالميه الثانيه عندما كان لهم معسكر فى وادى سيدنا مثل قوردون ميوزيك هول . وكانت عندهم كاسات مكتوب عليها بالانجليزى سرق من قوردون ميوزيك هول . وكان الغرض التحفيز على السرقه ودعايه للمحل . كان هنالك محل اسكارابى . سانت جيمس وهذا محل ضخم له فرق موسيقيه وشو كامل وفتيات اوربيات يرقصن ويقدمن عروض استربتيس . السودان كلب وعضويتهم للبريطانيين فقط ولكن يسمح لهم باصطحاب ضيوف .

    كما علمت من الابن وجدى ان دكتور خالد المبارك قد لفت نظره للموضوع . وكنت اظن ان الدكتور كان يمكن ان يدافع عنى ويوضح الامر . لان مكاوى سليمان اكرت بمثابه احد كبارنا الذى نجله ونحترمه . وعندما عملت فى صيف 1963 فى المجلس البلدى امدرمان لفتره قصيره وزاملت لاعب المورده الكابلى وبكرى الصغير كنت اشاهد السيد مكاوى سليمان اكرت يحضر للتحيه ويهرع كل الناس لتحيته بود خالص والبعض يناديه بالخال . وعندما كان نميرى يطوف الاقاليم النائيه فى بدايه حكمه ذكر انه ذهب الى اماكن فى كردفان وقالوا له انه منذ زمن مدير المديريه مكاوى سليمان اكرت لم يأتيهم اى مسئول .



    الاستاذ مكاوى سليمان اكرت كان مشهوراً بالكدوس وشخصيته الكرزيماتيه . مثل مأمون بحيرى محافظ بنك السودان الذى ظهر اسمه فى العمله الاولى ثم صار وزيراً للماليه ولقد قال سينه عندما جعل نميرى بعض الهلافيت مسئولين ووزراء ( يا حليل مأمون بحيرى كدوسو كان بيشيلوهو ثلاثه مساعدين وكيل وزاره . ) .



    استميح الجميع عزراً واعتزر عن ان مضايقه قد اكون سببتها . وكما اخطاء سيدنا عمر يخطى الآخرون .

    عن الثعلبي في تفسيره قوله ( و السابقون الاولون من المهاجرين و الانصار و الذين اتبعوهم باحسان ) يروي ان عمر بن الخطاب رضي الله عنه قرأ ( و السابقون الاولون من المهاجرين و الانصار الذين اتبعوهم باحسان ) بغير واو مع ( الذين ) . فقال له ابي بن كعب انما هو ( و الانصار و الذين ) فعاوده عمر مرارا . فقال ابي ( لقد قراتها علي رسول الله صلي الله عليه وسلم و انك يومئذ تبيع القرصه ببقيع القرقد ) فقال ( صدقت ، حفظتم و نسينا و تفرغتم و شغلنا و شهدتم و غبنا ) . ثم قال ( كنت اظن انا قد رفعنا رفعة لا يبلغها احد بعدنا ).

    و الحقيقه ان هذه الواو غيرت المعني كلية و يكون الله تعالي قد فضل المهاجرين علي الانصار و الله و نبيه قد ساووا بينهم . فكم من تفسير او حكم كان مختلا بسبب واو او حرف جر .



    اللذين عاشوا السودان القديم كانوا يعرفون انه يستحيل لاى سودانى مسلم ان يمتلك باراً , لان هذا ممنوع حسب القانون . ولان جمعيه محاربه الرق التى كانت لها قوه مخيفه فى يريطانيا وتتحكم فى الحكومات . كانت تمنع بيع المشروبات الروحيه للوطنيين او السلاح النارى حتى لا يستعبدوا بعضهم . وفى السودان كان يحرم بيع الخمور للسودانيين حسب القانون . كلنا يذكر المثل الذى يقو ل( ما قلتوا مصريون ) وهذا المثل اطلقه برعى الذى كان سكيراً ويتواجد امام بارات الخرطوم يستجدى معارفه او من بتوسم فيه خيراً . وعندما رفض صاحب البار ان يبيع بعض السودانيين الخمر هددوه وقالوا نحن مصريون . وفى نفس اللحظه ربط كومر البوليس فتراجع المشاكسون بانكسار فقال برعى ساخراً ( ما قلتوا مصريون ) . برعى اشتهر بالسكر لدرجه ان كل من يحب السكر كان يطلق عليه برعى .



    الغريبه ان فى نفس اليوم لمكالمه وجدى تصادف ان كتبت موضوعاً رداً على الاخت الجندريه . التى كانت تحاول حصر السودانيات الرائدات . فاوردت لها اسم الخاله كيكونه وذكرت انه عندما هاجم اشداء المورده المفتش ريد تخارج هارباً جارياً فقامت الخاله كيكونه بحمايته ولقد حباها الله بقوه فى الجسم وضخامه واضحه وشجاعه فكرمها المفتش ريد الذى يطلق اسمه على الحى غرب منتزه الرفيره فريق ريد . وسجل لها منزلاً واعطيت مكان لبيع الخضار فى سوق المورده معفياً من الرسوم طيله حياتها .

    والقصه ان ريد كان يخطط لكشه لبنوك الدم . وهى المنازل التى تبيع المريسه والعسليه والعرقى لان المريسه والعسليه كانت جزء من الغذاء اليومى لكثير من السودانيين . فهوجم المفتش ريد بواسطه معلمات بيوت الدم ومن العاده ان يكون لكل واحده منهم بابكول . وهو رجل قوى يتصدى للمشاكسين ويقوم بحمل الجرار الثقيله والماء بالجوز على اكتافه .



    ولهذا قلت قديماً على البابكول .



    ما تقنع من اصيل حتى اللكان بابكول

    درب الخير قصير حتى أكان يكمل حول

    ودرب الشر طويل لو اخدلو قلبه قول

    والرجال ً ما بقيسوها بالعرض والطول



    ولقد تداخل معى الاخ ابو خالد فى سودانيز اون لاين ذاكراً ان التى تعرضت لاشداء المورده هى الخاله الحاجه الصبر التى لها مظله امام سوق المورده وكانت تأوى كثيراً من الايتام وتساعد بجهدها ومالها .

    والحقيقه ان كيكونه هو اسم الشهره للحاجه الصبر . وهى ام صديق الصبا بنضر لاعب الشاطى والذى كان فخر الاستاذ الرياضى الكبير طه حمدتو الذى كان مع ابارو يذيعون الكوره . ويذيع طه حمدتو الشوط الاول ثم يقول والان اترك المكرفون الى زميلى ابارو وصارت هذه الجمله تردد فى السودان عندما يأتى شخص اثناء انصراف آخر . بنضر اشتهر بالعباره ولولا براعه الشبل بنضر فعندما انهذم الشاطى بخمسه اهداف فى بدايه الستينات كتب احد الصحفيين ولولا براعه الشبل بنضر لكانت النتيجه اسواء .



    شوقى ...



                   |Articles |News |مقالات |بيانات

05-03-2007, 09:11 AM

عبدالوهاب همت
<aعبدالوهاب همت
تاريخ التسجيل: 27-12-2002
مجموع المشاركات: 851

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الصديق ضياء الدين ميرغني
    أرجو ان تكتب عن تجربة الاستاذة أسماء حمزة فتجربتها تحتاج لتوثيق وأنت الانسب للكتابه عنها وعن جدتكم والدة المرحوم حسن بشير أرجو أن تفعل
                   |Articles |News |مقالات |بيانات

05-03-2007, 10:12 AM

السمؤال بدرالدين
<aالسمؤال بدرالدين
تاريخ التسجيل: 17-02-2007
مجموع المشاركات: 1989

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الاستاذةآمنة عطية
    من رائدات التعليم النسوي
    اول سودانية تنال رخصة قيادة
    صاحبة ومؤسسة مدرسة الاماني سابقا المقرن حاليا
    مواليد 1928 وحية ترزق
    دمتم
                   |Articles |News |مقالات |بيانات

07-03-2007, 07:08 PM

altahir_2
<aaltahir_2
تاريخ التسجيل: 17-11-2002
مجموع المشاركات: 3949

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الاخ عبد الوهاب همت والاخ عمر الفاروق
    تحياتى
    ربما تكون شهادتى مجروحة اذا تناولت سيرة الاستاذة اسماء حمزة وعماتها
    واخص بالدكر المرحومة الشاعرة فاطنة بشير نصر والمرحومة الشاعرة
    زينب بشير نصر التى تحتشد الاذاعة باغانيها دون معرفة من نظم هذه الكلمات
    بل هما احسن من وثّق للجندية السودانية ابان الحرب العالمية .
    ويعود السبب الى انهن قريباتى .
    ولكن اعدكما ان ارتب افكارى واكتب عنهن فى اقصر وقت ممكن.
    وياحبذا لو شاركتمونى بالانطباعات عنهن
    مودتى
    ضياءالدين ميرغنى
                   |Articles |News |مقالات |بيانات

07-03-2007, 10:38 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: altahir_2)

    الجندرية
    جاء 8 مارس هذا العام وانتى حزينة لفقد شاعر اليمن. عزاءنا ، ويوم للمرأة جديد تكتسب فيه انتصارات ومواقع وحريات جديدة.
    بحثت عن الرائدات الباقيات الصالحات ولكننى لم اقع على صور او معلومات....


    كل عام وكافة النساء بخير والانسانية فى تقدم وحرية وكرامة. والتحية لنساء دارفور اللائى يعانين الاهوال فى معسكرات النزوح واللجوء.
                   |Articles |News |مقالات |بيانات

07-03-2007, 10:41 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)



    نفيسة عوض الكريم

    • أول سودانية مساعد وكيل لتعليم البنات .
    • أول معلمة سودانية بدأت فكرة المسرح المدرسي للبنات.
    • أول سودانية في هيئة تدريس المرحلة الوسطى لبنات عام 1940م
    • من مواليد مدينة رفاعة بوسط السودان.
    • تخرجت من كلية المعلمات بامدرمان عام 1927م
    • كانت مؤلفة ومخرجة قديرة للمسرحيات والتمثيليات المدرسة .
    • لها كتابات في تعليم البنات في السودان .
    • تقلدت في وزارة المعارف منصب مفتشة للتعليم ثم اصبحت مساعد مراقب تعليم البنات وهي اول سودانية تصل إلى الدرجة الوظيفية .
    • حازت على نيشان الأمبراطورية البريطانية للخدمة الممتازة .
    • اسست مدرسة نفيسة عوض الكريم الوسطى للبنات بمدينة رفاعة عام 1965م .

    &&&&&&&&
    لعناية الاخت سودانية الفين
    مع المودة وامنيات بالتوفيق في الورقة التي تعدينها

    (عدل بواسطة الجندرية on 07-03-2007, 10:44 PM)

                   |Articles |News |مقالات |بيانات

08-03-2007, 05:37 AM

mekki
<amekki
تاريخ التسجيل: 15-06-2003
مجموع المشاركات: 3233

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    أبشرى أبشرى يا الجندريه
    طبعا عارفه اليومين ديل اسبوع المرأه فى جامعة الأحفاد مولع نار...
    معارض وملصقات...وحاجات كتيييييره...
    غايتو القدرته عملتو ليك كلمت الأخ ناجى الملك عشان يصور ليك...ما غلى ثمنه وخف حجمه لزوم (الأبلود...والداونلووود)...
    قلت ليه بالأسم صور ديل عشان الجندريه...
    بالإسم والله...
    ****
    بالمناسبه بورداب الخرطوم مدعووووون لزيارة اليوم الختامى لإسبوع المرأه فى الأحفاد (الخميس 8 مارس)...
    تخريمه: الوسيمه شذى بله....يا سلااام لو شفتك على رأس قائمة المدعوين...
    سلام للجميع..
    وتحياتنا للمرأه السودانيه..
                   |Articles |News |مقالات |بيانات

09-03-2007, 01:57 AM

nour tawir
<anour tawir
تاريخ التسجيل: 16-08-2004
مجموع المشاركات: 16213

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: mekki)

    الجندرية الفنجرية..



    نتآبع البوست بأهتمام..

    خاصة فى مثل هذا اليوم..

    8/مارس..

    فاين انتى؟
                   |Articles |News |مقالات |بيانات

09-03-2007, 09:47 AM

Elmoiz Abunura
<aElmoiz Abunura
تاريخ التسجيل: 30-04-2005
مجموع المشاركات: 5910

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    UP
                   |Articles |News |مقالات |بيانات

09-03-2007, 05:51 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخ وليد صفوت

    شكراً على تصويب المعلومة حول اول سودانية تعمل في هيئة الاذاعة البريطانية
    وبما ان البوست اخذ منحى التوثيق وتوفير المعلومة للباحثات والباحثين على الشبكة
    ارجو ان تدخل هنا مرة اخرى ومعك معلومات وافية عن الاستاذة عفاف صفوت وصورتها .
    واشكرك مرة اخرى على المعلومات عن السباحات السودانيات ، وارجو ايضاً ان تتكرم بمدنا بمزيد من التفاصيل حول سيرتهن وصورهن .
    بالطبع استفدنا مما وفرته انت والاخ عادل عثمان عن سارة جادالله ، ولكن نطمح في المزيد .
    لا تعرف يا اخي كم اجهدنا البحث في المراجع او الشبكة ، وكم كانت شحيحة في توفير ما نود معرفته عن هولاء الرائدات .


    الف شكر اخي وليد وبانتظارك .
    *************


    سارة جاد الله
    • اول سودانية تعمل بالسينما
    * .

    • أول سباحة سودانية تحاول عبور المانش.
    • أول من مثل السودان في مسابقات السباحة الدولية مع مها منديل وآمال شريف ، وذلك في البطولة الدولية للسباحة بالصين عام 1977م .
    • تخرجت في أكاديمية الفنون بالقاهرة حيث درست فن الإخراج السينمائي والرسوم المتحركة عام 1984.
    • عملت في تلفزيون السودان.
    • أنشأت أستديو خاص بها وتعاونت مع والدها المخرج السينمائى المخضرم جاد الله جبارة.

    (عدل بواسطة الجندرية on 10-03-2007, 00:22 AM)

                   |Articles |News |مقالات |بيانات

09-03-2007, 06:20 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    العزيزات والاعزاء

    كنت قد استهللت البوست بهذه العبارات :

    Quote: نحتاج لاستكمال معلومات عن رائدات سودانيات لبرنامج احتفالنا في الجالية السودانية في صنعاء باليوم العالمي للمرأة


    وتسارعتم خفافا كعهدي بكن وبكم

    ولطلب بعض الاصدقاء هنا ان نوثق للاحتفال هنا صورة وصوت

    ما حدث ستجدونه هنا في هذا الرابط
    تفتيش الافكار : هدية رئيس الجالية السودانية للمرأة في يومها


    على العموم أرجو ان نواصل في هذا البوست لانه اخذ محنى التوثيق ، واعرف معاناة الباحثات والباحثين عن المعلومة خاصة في الشتات والمنافي حيث تقل المراجع عن السودان
                   |Articles |News |مقالات |بيانات

09-03-2007, 06:51 PM

عبدالوهاب همت
<aعبدالوهاب همت
تاريخ التسجيل: 27-12-2002
مجموع المشاركات: 851

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الصحافة 9 مارس
    الملف الساخر - ونسة
    ونسة مع أول فنانة غنَّت للاستقلال (لا تعريفة ولا ملين عاش الشعب مع اسماعين)
    حواء الطقطاقة: الإنجليز سجنوني وحلقوا

    اتونس معاها: محمد شريف مزمل

    شعر رأسي وكسَّروا أسناني وضربوني بالرصاص
    ضيفتنا اليوم تعد رمزاً من رموز بلادنا الفنية والغنائية بل والنضالية، فقد جاهدت ضد المستعمر الإنجليزي البغيض ولا تزال وصمة الشرف التي وصمها لها المستعمر تجسِّد وتحكي عن ذلك، كما تجسّد ملحمتها الوطنية ولاءها القومي وعزة وطنها.. العلم السوداني بألوانه القديمة يرفرف عالياً خفاقاً على مدخل منزلها.. وتعتبر الضيفة الأم الروحية للفن السوداني، فهي حلقة وصل ما بين زمن ماضي وزمن حاضر وزمن جاي، كما تعتبر إرثاً أصيلاً لتاريخ الفن السوداني الأصيل وما زالت تواصل مسيرتها العطائية الفنية بنفس الحماس والنشاط في كل المحافل والأنشطة.. التقيتها في افتتاحية المنتدى الثقافي لمحلية ام درمان، وكانت فكرة اللقاء، وسجلت لها زيارة لمنزلها بام درمان حي الضباط ووجدتها تحتفل مع جاراتها وصديقاتها باليوم العالمي للمرأة وما بين حلاوة قهوة العصاري والبن المعتّق خرجت كلمات ونستنا هذه مع ضيفتنا الفنانة المناضلة حواء الطقطاقة..

    * أول حاجة يا «الطقطاقة» ورينا اسمك الحقيقي؟
    - أنا اسمي حواء جاه الرسول محمد حمد.
    * انت أصلاً من وين؟
    - أنا من مواليد الرهد ابو دكنة ولاية شمال كردفان، لكن والدي جاه الرسول من العركيين ووالدتي آمنة حسين من الجوامعة.
    * متين بدأت تغني؟
    - بديت أغني وأنا طفلة صغيرة لكن أهلي منعوني وشاكلوني قمت هربت من الرهد لام درمان مع الدكتور بابكر بشير من أولاد بيت المال وسكنت مع زوجته فاطمة حسين من بنات ود نوباوي وبقيت أغني في الحفلات وعمري كان «14» سنة.
    * لقيتي منو من الفنانات بغنن في الفترة ديك؟
    - لقيت صديقتي الفنانة عائشة موسى طبعاً عشان أهلها منعوها سمَّت نفسها عائشة الفلاتية، ولقيت آمنة خير الله سمَّت نفسها منى الخير، ولاقيت مهلة العبادية، وفاطمة خميس ودي أول فنانة سجَّلت اسطوانات، قمت غيَّرت اسمي من حواء جاه الرسول لي حواء حمد.
    * كنت بتغني تقولي شنو؟
    - يعني بغني أغاني مع بنات الحلة في الحفلات وأغني أغاني رقيص العروس ذي: (اللول لولك يا العروس)، و(من فريع البان)، و(العديل والزين)، و(الشيخ سيرو)، و(المقدرة)، و(يا عيني يا عيني سمحة المقدرة يا عروسنا عروس الهنا)، و(يا عيني حلاة البنية مهرة دنقلا المسافة ثابت، دسا لي أكتافا يحيى لي عريسنا الشافا)، و(الكابي ديسا العروس العجبت عريسا)، و(يا عروسنا الغزلية عينك ساحرة وفنية سنك فضة طليانية شلخك جدول المالية)، و(المهندس رسم البنا والدكتور نسيب ستنا سد مالها مية مدبسة).. والمية المدبَّسة دي أغلى مهر في الزمن داك لأن السيد عبد الرحمن كان يعقد لي بنات الأنصار بي (12) قرش ونص!
    * أول مظاهرة شاركت فيها كانت وين؟
    - سافرت عطبرة مع الدكتور أبو بكر واشتغلت في شركة سويرس بخيّط زراير البدل كان بدوني تمانية قروش وكان معانا الفنان حسن خليفة العطبراوي، أها، حصل إضراب العمال وقامت مظاهرة طلعت أهتف وأقول: «يسقط الاستعمار» اعتقلوني ونفوني لي بربر والفنان العطبراوي نفوه للدامر وسجنوني ستة شهور بعدها رجعت ام درمان.
    * الوقف معاك منو في بداية مسيرتك الفنية؟
    - ساعدني ووجهني الفنان ابراهيم الكاشف ودا الأب المربي لي أي فنانة أهلها طردوها أو منعوها الغناء، وكان فاتح لينا بيتو وكان ساكن في شارع الحرية محل بنك البركة وكان أي حفلة يسوقنا ليها ويسوق معانا زوجتو.
    * قالوا أسنانك دي كسروها ليك الإنجليز الكلام دا وين؟
    - كان في مظاهرات في الخرطوم شاركت فيها مع العازة زوجة البطل علي عبد اللطيف وخالدة زاهر أول طبيبة سودانية والأزهري ومبارك زروق وإبراهيم المفتي.. أها طلعت المظاهرة أهتف أقول:«يسقط الاستعمار يسقط الحاكم العام لا حاكم عام على السودان».. لاقاني القائد العام للجيش الإنجليزي اسمه مستر دروين قال لي: «الحاكم العام دا سيدك».. قلت ليهو: «لا سيدك إنت ويسد عقابك».. طوالي مسك البندقية كسر لي بيها أسناني وضربني رصاصة واحدة في الرقبة -تشير بيدها- ياها دي لي هسه ظاهرة، وواحدة في رجلي -تشير إليها قائلة- «ياها دي أثر الطلقة شوفو عشان تعرف الخواجات ديل عذبونا كيف».
    * تسمية الطقاطقة جات من وين؟
    - في الخرطوم كان في شجرة.. التمر بتاعها كتير فيه صوت طقطقة وكنت محل ما ألقى مظاهرة أشارك فيها يوم يسجنوني ويحلقوا لي شعر رأسي لاقاني المفتش الإنجليزي قال لي إنت محل ما نمشي نلقاك في الخرطوم وبحري وام درمان انت عاملة زي الشجرة الطقطاقة ومن ديك الاسم سار عليَّ.
    * عائشة الفلاتية غنَّت للجنود السودانيين في الحرب العالمية إنت غنيت ليهم؟
    - الخبر لما جاء كنت مع الفلاتية جاتنا صاحبتنا اسمها ذلال عبود من كسلا قالت لينا: «انتن يا حواء حمد وعائشة الفلاتية قاعدات هنا والطليان احتلوا كسلا أمشن غنن وشجعن الجيش».. طوالي سافرنا ولقينا من الضباط طلعت فريد ومحمد البحاري وحسن الزين وإبراهيم سميحة وعوض عبد الرحمن صغيرون وحسن بشير نصر ومعانا الفنان حسن عطية كان لابس هدوم الضباط. عائشة الفلاتية قالت: «شوف الطليان وسختتهم في باب الضريح جبخانتهم طلعت فريد اثبت جريتهم».. والضريح دا الفلاتية قاصده بيه ضريح سيدي الحسن.
    * دا غنا الفلاتية انت غنيتي قلتي شنو؟
    - انا قلت: «غني ليهم يا حوة ديل الاظهرو القوة ساعة السلاح دوى عدوهم خاف واتحوى». وغنينا ليهم «السوداني الغيور ما يقبل الذلة والراجل بموت بي حمى أو علة سمح الزول يموت بين قنبلة وجلة».. وأغنية «الراديو يا الضربو جاب خبرهم قال ما جروا وحات روحي العدو استلموا».. وقلت: «في بيوتنا ونوادينا في قرانا وبوادينا أثبت لي يا جندينا أمّن لي وادينا».
    * وأغنية «يجوا عايدين غنيتوها متين»؟
    - بعد ما الطليان دخلوا حته اسمها بارنتو جنب كرن ونحن انتصرنا وجابوا الأسرى عملوا ليهم سلك شايك.. عشة الفلاتية قالت: «يجوا عايدين إن شاء الله عايدين يا الله.. يجوا عايدين الدخلو كرن بينين».. «فكري انشغل دمعي النزل أسبابي السهر السهر أبقى كنبة جوه القطر أبقى ساعة في ايد اب عكر».
    * ابو عكر دا منو العشة الفلاتية عايزة تبقى ساعة في إيدو؟
    - ما بتعرفوا؟ دا كان ضابطاً كبيراً وسودن السلاح الطبي بعد ما مشوا الإنجليز وعشة غنَّت وقالت: «ريدي الشديد أملي الأكيد قائد الفرقة طلعت فريد».. وقالت:«يجو عايدين بحاري وعثمان حسين» ديل ما بتعرفهم ديل ضباط كانوا في الحرب وكان معاهم عبد الرحيم شنان ومحيي الدين محمد عبد الله.. طبعاً هسع بنات الزمن دا بقن يغنن يقولن: «يجوا عايدين أحبابنا المغتربين».
    * غناء البنات الزمن دا بنرجع ليهو بعدين، انت شاركتي وين بره السودان؟
    - أيام مؤتمر الخريجين كنت دايرة أسافر مصر مع الأزهري لكن قالوا: «مافي بت تسافر» مشيت براي على حسابي ركبت القطر سمعت بي عرس الملك فاروق والأميرة ناريمان قالوا لي ما بدخلوك القصر ما سمعت كلامهم مشيت الحسين اشتيرت لي طبلة طبعاً مافي «دلاليك» وركبت تاكسي ودخلت مع الصعايدة وأول مرة أشوف لي فستان زفاف وبديت أغاني السيرة وقلت «يعيش الملك فاروق» و«ناريمان ملكة تمام».. وبعد ما سيرتهم أدوني دهب وملابس و(500) جنيه.. بعدها غنيت في عرس ناس حسن إبراهيم مالك ورسّل لي الباقر بتاع جريدة الخرطوم والسر قدور وسجلوا لي أغاني هناك.
    * يا الطقطاقة كلمينا عن اليوم الرفعوا فيه علم السودان؟
    - قبل يوم الاستقلال سألت عن ألوان العلم قالوا لي: اللون الأخضر يرمز للزراعة والأصفر للصحراء والكحلي للنيل قمت مشيت اشتريت القماش وفصلتو توب ومشيت شارع النيل بالرجلين وبتنا اليوم داك ونمنا في الشارع عشان الزحمة.. وكنت لابسة توب عادي لما أصبح الصبح مرقتو ورميتو في النيل ولبست التوب الفيه العلم.. المذيع قال المرأة دي لبست العلم قبل ما يرفعوه في السارية وجاء صورني المصور العم جاد الله جبارة.
    * يجيبوك في التلفزيون رافعة يدك وتهتفي كنت بتقولي في شنو؟
    - كنت بقول: «حررت الناس يا اسماعين.. الكل بقى سيد يا اسماعين.. ولا تعريفة ولا ملين عاش الشعب مع اسماعين.. وابوكم مين اسماعين».
    * كنتِ وين يوم رحيل الزعيم الأزهري؟
    - الأزهري كان معتقلنو ناس نميري في سجن كوبر أنا غنيت ليهو والمعاه وقلت: «الأسود ساعة الجد بناديهم الرسالة أدوها والشجاعة أبدوها في الميدان تحدوها».. بعد ما فكوه عشان يحضر مأتم اخوه علي الأزهري وقع ونقلوه مستشفى الخرطوم مشينا معاه أنا وزوجته وبناته وابنه المرحوم محمد الإزهري ومحمد دا ذي ولدي إنا حضرت ولادتو ورضعتوا البزازة المهم رحل الزعيم وشيعوه ناس الاسماعيلية والشيخ الفاتح بن الشيخ قريب الله وجيت معاهم بالإسعاف والشيء الزعل الناس انهم ذاعوه وقالوا الأزهري كان معلماً بالمعاش.
    * قلت شنو بعد رحيل الأزهري؟
    - عملنا مظاهرة ومشينا وزارة الإعلام ومسكت الميكرفون وقلت:
    «يا زعيم الوطن حارقة القلوب نارك..
    عظماء الرجال حين يسمعوا أخبارك..
    بدموع الحزن بكوك لأفكارك..
    لأنك غيور للضعفاء تتدارك..
    والوطن إتحرم من درة أفكارك..»
    وبعدها اعتقلوني أنا ومجموعة من المناضلات عشان قلت القصيدة دي في الأزهري.
    * الفرق شنو بين الخرطوم زمان والآن؟
    - زمان الأحزاب ما كتيرة كدي يعني في حزب الأشقاء والشيوعي الجبهة المعادية للإستعمار فيه ناس عبد الخالق وأحمد سليمان وواحد من أولاد عطبرة الداخلة نسيت اسمه.. والجرائد ما كتيرة في (الصباح) الجريدة البتجيب أخبار الفن.. والعمارات دي بنوها الخواجات اشتروا أراضي ناس المقرن وما قدروا على ناس توتي وبنوا الهيلتون.. في محلو دا كان في بساتين كنا بنجيب منها الخضار «بالقفاف» ونعدي بالمراكب.. ودار الرياضة الخرطوم دي كانت سلخانة والمطار كان جملون زنك وما في شوارع ظلط إلا شارع الحاكم العام والشريف الهندي، وام درمان ما فيها عمارات إلا سرايا الحاكم العام والسيد علي والسيد عبد الرحمن.. وأول سرايا بنوها سرايا ابو العلا دي اشتراها الإمام الصادق المهدي عملها دار الأمة والعربات شوية.. ومن الشعراء حسين عثمان منصور وعمر البنا وعبيد، ومن الفنانين ابو داؤد وعثمان حسين والخير عثمان ورمضان حسن، ومن العازفين بدر التهامي وبرعي محمد دفع الله وحجازي والسر عبد الله. والآن يعجبني إنارة الشوارع في ام بدات والحاج يوسف وعد حسين والبلد هسي بي خيرها وبناكل ثلاثة وجبات نحمد الله!
    * غنيتي لي منو من الرؤساء الزاروا السودان؟
    - قابلت الملك فيصل والأمير عبد الله بن عبد العزيز وسالم الصباح وصلاح سالم وغنيت للقذافي ويوم مشيت القصر الجمهوري قابلت الرئيس ياسر عرفات وهتفت قلت ليهو: على استعداد يا عرفات نحن وراك يا عرفات» قام شال الشال بتاعو رماه فوقي وقال لي:«انت قلت على استعداد شكراً يا امي على هذه الكلمات».. ولما جمال عبد الناصر جاء غنيت ليهو وقلت: «مرحبتين يا جمال مرحب يا بطل القتال
    مصر الكانت قفار عماها النيل والخضار
    أضحت بهجة ونضار».
    وقلت: «يا الرئيس جمال زرتنا هتف حياك شعبنا والمحبة ليك برهنا».
    وقلت ليهو: «التلاتة الجوك أعادي عشان يسرقوا خير الوادي لقوك بالضرب بادي».
    * لاقيتي الفنانة ام كلثوم لما زارت السودان؟
    - آي كنت لافة معاها وحضرّتها عرس عند ناس السيد علي وناس ابو زيد أحمد أبو زيد وعجبها العرس السوداني ورقيص العروس وضاقت ملاح الروب والتقلية بالملعقة ولما ودعناها سألوها فنانك منو قالت: النعام آدم وحواء «الطأطائية».. كانت مسمياني الطأطائية.. بالمناسبة عجبتني زيارة الممثلة ليلى علوي وانها جابت اللبن لأطفالنا وكنت أتمنى أشيلها حاجاتنا السودانية البخور والدلكة ذي ما شيَّلت ام كلثوم.!
    * إنت مع منو مرة تغني للهلالاب مرة تغني للمريخاب؟
    - أنا هلالابية من عمري (25) سنة لكن ما مختلفة مع ناس المريخ.. زمان اللعيبة ناس حسن عوض الله أول وزير داخلية وترنة وابو الريف وود ضيف الله وود الديم لما الهلال يغلب المريخ يضبحوا الخراف ونجي أنا والفلاتية ناكل المرارة ونغني ونبتهج ولما ناس المريخ جابوا كأس الشارقة ختوه لي في رأسي وسيرتهم وغنيت ليهم رغم أني أحترم المرحوم الطيب عبد الله كنت أغني ليه «هلالك هلا يا ود عبد الله».. وبَقدِّروا من كان في وزارة الداخلية.. كذلك غنيت للحكيم طه علي البشير وغنيت لي جمال الوالي مهتم بالأزهري.. وغنيت لي صلاح ادريس وأتمنى يصل لحل لمشاكل نادي الهلال.
    * رأيك شنو في غناء البنات الهابط البغنوه الرجال؟
    - في أغاني ما بتشبهنا ما بنقولها يعني مثلاً أغنية «راجل المرة حلو حلا زول مدرّب راجل المرة زول مجرّب». دا كلام فارغ وأغنية باسم دكتور الأسنان عوض دكام دا راجل فاضل عرض عليَّ طقم أسنان مجاني وبحب المساكين يجي فنان يقول: «بنات الاحفاد كلهن فاشلات بركبوا الأمجاد بيجكسوا الأولاد» ويجي فنان تاني يغير الكلمات يغني في التلفزيون سنتر الخرطوم يا عوض دكام وللمعلومية بنتو د. سارة متألمة جداً من أغنية طه سليمان.
    * بتغني أغاني السيرة في الأعراس ولا وقفتي؟
    - بغني وغنيت «العديل والزين» في عرس بنت الدكتور حسن الترابي.
    * منو من المسؤولين وقف مع المناضلة الطقطاقة؟
    - ناس السودان ما مقصرين كرمني الرئيس المشير البشير كان ماسك الحكم جديد بي وسام الجمهورية ولبسني الدبوس -كدي نجيبوا ليك تشوفو-، وأدوني معاش ولما رقدت في سرير المرض كتبت الصحافة والناقد البكري انو الطقطاقة عيانة «لا حيلة ولا قدرة».. أين وزير الإعلام طوالي جوني وقفوا معاي الوالي والمعتمد وهارون والدقير والسماني الوسيلة وغيرهم يا ريت أرد ليهم الجميل.
    * منو من النساء شايفة إنها تستحق التكريم؟
    - في نساء فاعلات خير كتار جداً والإعلام ما جايب ليهن خبر.. منهن حرم الرئيس الأزهري، وبنات الشيخ قريب الله، وبنات ابو العلا، وسيدة سنهوري، وناس البرير، ونسوان عبد المنعم محمد وزوجة يوسف شبيكة، وزوجة أمين محمد سعيد اخو بشير محمد سعيد، وبنات حاجة حياة زوجة مجذوب علي حسيب القاضي، وبنات النفيدي، وأعمال النساء كثيرة ياما شيَّدن مساجد وياما وقفن مع المحتاجين والفقراء وأتمنى أن اتحاد المرأة يتعاون مع النساء في ام درمان ويعرف أخبارهن.
    * في النهاية أمنية تتمنين تحقيقها في 2007م؟
    - أنا فنانة ميرغنية العقيدة ومن زمان أهلنا مع السيد علي، وحزب الأشقاء ونحن مع السيد محمد عثمان لأنو ماشي على الدرب دا.. راجل لا عدمان بيت لا عدمان جاه لا عدمان محبين، لكن مشى المعارضة نتمنى الحزب الاتحادي يتوحّد وما نتفرّق وأتمنى برضو ناس حزب الأمة ما يتفرقوا لأنهم من بيت واحد.. وعجبني الكلام عن جمع الصف الوطني وأتمنى أن أزور دارفور وأغني للنازحين.. وبقول لي ناس نقابة الفنانين نحن لو عملنا حفلات ممكن نساعد بي القروش المحتاج ودارفور دي بلد السلطان علي دينار، دارفور الكانت بتجي منها كسوة الكعبة.. وأتمنى السلام للسودان والله يكفينا شر الإنجليز والأميركان وكل الخواجات الدايرين يدخلوا بلدنا وياخدوا خيراتنا.


                   |Articles |News |مقالات |بيانات

09-03-2007, 11:49 PM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21259

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    أظن سارة جاد الله أول سودانية تدرس في الكرتون Animation
    وأن الراحلة حورية حاكم درست السينما قبلها
    وعملت مخرجة بالتلفزيون
    كما أسست تلفزيون وراديو العرب ART
    لصالح زميلة دراستها صفاء أبو السعود

    هل من معلومة حول القاضية الشرعية
    خريجة مدرسة اليونتي التي كتب عنها عبد الله على ابراهيم

    الباقر موسى

    (عدل بواسطة Elbagir Osman on 09-03-2007, 11:57 PM)

                   |Articles |News |مقالات |بيانات

10-03-2007, 00:40 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الاخ بارك

    سلام وشكراً للمشاركة

    ذكرت ان الاستاذة ميري سيرسيو ا ول مذيعة لكن هناك من يقول بأن رجاء جمعة اول مذيعة

    ارجو ان تأتي لينا بسيرة ميري وصورتها
    وكذلك سيرة السيدة والدتكم : فكتوريايار ارول وصورتها( اول فتاة من جنوب السودان تدخل جامعة الخرطوم وبرلمانية )
    وايضاً سيرة سلوى جبريل
    التحية لهن ولكل نساء الجنوب
    الف شكر مرة اخرى وبانتظار
                   |Articles |News |مقالات |بيانات

10-03-2007, 01:15 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)


    زينب محمد محمود عبد الكريم
    •أول سفيرة سودانية يتم تعيينها سفيرة بوزيرة الخارجية السودانية عام 1999م.
    •أول سودانية تترأس بعثة تمثيل دبلوماسي عندما تم تعيينها سفيرة السودان في السويد .
    •من مواليد أمدرمان.
    •تخرجت من جامعة الخرطوم كلية الاقتصاد والدراسات الاجتماعية.
    •حصلت على دبلوم عالي في الدراسات دبلوماسية.
    •التحقت بالعمل في وزارة الخارجية عام 1977م تدرجت في وظائفها المختلفة فعينت مديرة لإدارة الشئون الأوربية وإدارة التخطيط برئاسة الوزارة .
    •عملت في عدد من سفارات الســودان بالخارج.
                   |Articles |News |مقالات |بيانات

10-03-2007, 06:55 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الجندرية وكل جندريات بلدنا كل سنة وانتو طيبين ... بوست قمة في الروعة متابعة باهتمام شديد بس في الايام الفائتة استعصى على الدخول ...

    وكل عام والمرأة السودانية بالف خير ..
                   |Articles |News |مقالات |بيانات

10-03-2007, 09:08 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: انعام حيمورة)

    مؤسف يا جندرية ان يتعامل معكم رئيس الجالية على هذا النحو القمئ والتسلطى.
    هل هو رئيس جالية ام ضابط فى قلم المخابرات؟
    هذا زمانك يا مساخر..
    عليكم ان تستعيدوا جاليتكم.. حتى تعبر عن كل السودانيين والسودانيات
    دون وصاية او علاقات مشبوهة بدعوى الحياد والاستقلال.

    عاش نضالكن من اجل عالم اكثر حرية وسعة افق واحترام للمرأة وحقوقها..
    وكل عام وانتم بخير وصحة وتماسك وتوق للتغيير..
                   |Articles |News |مقالات |بيانات

11-03-2007, 03:17 AM

عبد العظيم أرباب

تاريخ التسجيل: 21-11-2005
مجموع المشاركات: 143

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)
                   |Articles |News |مقالات |بيانات

11-03-2007, 03:30 AM

عبد العظيم أرباب

تاريخ التسجيل: 21-11-2005
مجموع المشاركات: 143

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

                   |Articles |News |مقالات |بيانات

11-03-2007, 03:34 AM

عبد العظيم أرباب

تاريخ التسجيل: 21-11-2005
مجموع المشاركات: 143

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الدكتورة خالدة زاهر

                   |Articles |News |مقالات |بيانات

11-03-2007, 03:37 AM

عبد العظيم أرباب

تاريخ التسجيل: 21-11-2005
مجموع المشاركات: 143

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

                   |Articles |News |مقالات |بيانات

11-03-2007, 03:39 AM

عبد العظيم أرباب

تاريخ التسجيل: 21-11-2005
مجموع المشاركات: 143

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

                   |Articles |News |مقالات |بيانات

15-03-2007, 04:51 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخ خالد العبيد

    شكراً للمشاركة مرة اخرى ، انزال مشاركة عشة بت فاطنة التي افتقدها بحق

    كانت الفكرة التوثيق للرائدات السودانيات ، ولكن اضافة اي معلومة حول الحركة النسوية السودانية اجده مفيداً خاصاً بعد ان اخذ البوست منحى توثيقي

    وطبعاً كتاب حاجة كاشف مرجع مهم ، على فكرة ، هو المرجع الوحيد الذي حصلت عليه في مكتبة جامعة صنعاء المركزية عن الحركة النسوية في السودان ، يبدو ان كتاب نفيسة كاملة ولحداثة صدوره لم يضاف للمكتبات المتخصصة في الجامعة او حتى المركزية
    المهم ان مديرة مركز دراسات النوع الإجتماعي بجامعة صنعاء طلبت مني ان ازودها باسم الناشر حتى تتواصل لاضافتة للمكتبة المركز . وارجو ان اجد هنا من يزودنا بعنوان الناشر
    ****



    آمنة صالح ضرار
    •أول سودانية تترأس حزب سياسي بتوليها الأمانة العامة لمؤتمر البجا
    •نائبة رئيس جبهة الشرق التي تكون من حزب مؤتمر البجا والأسود الحرة.
    •تخرجت في كلية الآداب ـ جامعة الخرطوم .
    •عملت مساعدة مفتشة بديوان شئون الخدمة المدنية وزارة الخدمة والإصلاح الإداري .
    •علمت مساعدة وكيل ديوان شئون الخدمة المدنية .
    •أحيلت للتقاعد الإجباري عام 1989
    •عملت أستاذة بكلية الأحفاد الجامعية.
    •مثلت المرأة السودانية ومؤتمر البجا في مؤتمرات وإجتماعات عديدة .
    •اعتقلت واستجوبت عدة مرات منذ عام 2005م .
                   |Articles |News |مقالات |بيانات

15-03-2007, 09:34 PM

حسام يوسف
<aحسام يوسف
تاريخ التسجيل: 16-02-2005
مجموع المشاركات: 2204

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)



    الدكتورة حاجة كاشف بدري

    عملت مندوبة للجامعة العربية بالهند في الثمنينات

    ونالت كذلك درجة الدكتورة من جامعة راجستان الهندية
                   |Articles |News |مقالات |بيانات

04-04-2007, 07:34 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    العزيزة بيان

    شكراً لك على المشاركة الوافية بهذا البوست.
    وأشكرك على وجه الخصوص على سيرة الست سكينة أحمد الأمين ، ولفت الانتباه إلى ضرورة الإلتفات إلى الرائدت في المناطق الطرفية من السودان . وليت الأخ حاتم الياس يأتينا بسيرة السيدة أم كنن التي ترشحت للبرلمان .

    ذكرت أن :
    Quote: اول ممثلة ممثلة سودانية هي سارة محمد اذا لم تخن الذاكرة..


    هذا ايضاً ما ذكرته الممثلة بلقيس عوض في حوار معها منشور على الإنترنت
    وأرجو أن نحصل على معلومات اخرى عن سيرة السيدة سارة محمد.

    ******

    فاطمة طلب إسماعيل

    • صاحبة فكرة تكوين اول تنظيم نسائي إجتماعي .
    •من مواليد مدينة الرنك .
    •تخرجت من كلية الآداب جامعة الخرطوم .
    •أول سودانية حصلت على درجة البكالوريوس من جامعة لندن .
    •عملت بالتدريس وتلقيت تدريباً في التربية والتعليم وتنمية المجتمع بالمملكة المتحدة ومصر .
    •أول سودانية تعمل مديرة لمدرسة ثانوية عليا.
    •كونت مع خالدة زاهر أول تنظيم نسائي ( رابطة الفتيات المثقفات ) 1947م .
    •شاركت في تكوين جمعية ترقية المرأة بأمدرمان عام 1949م .
    •عضوة مؤسسة للاتحاد النسائي السوداني ، ومن العضوات المؤسسات لهيئة نساء السودان التي تكونت 1962م.
                   |Articles |News |مقالات |بيانات

04-04-2007, 08:00 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخ حيدر حسن ميرغني

    شكراً على إدراج رابط الحوار مع الممثلة بلقيس عوض والذي اشرت إليه في مداخلة سابقة مع الأخت بيان .
    فقد ذكرت الأستاذة بلقيس أن :
    Quote:
    البدايات لحركة الابداع النسوي مع سارة محمد وفرقة السودان للتمثيل والموسيقى.

    http://www.alsudani.info/index.php?type=3&id=2147502012
    واتمنى ان نحصل على المزيد من المعلومات عنها وعن فرقة السودان للتمثيل والموسيقى.

    ****
    العزيزة بيان ( مرة اخرى )

    تحدثت عن إصدار مجلة صوت المرأة وصاحبة الأمتياز الأستاذة فاطمة احمد ابراهيم

    وهاهو ما جمعته عن الأستاذة فاطمة باختصار ارجو ان لا يكون مخلاً :


    فاطمة أحمد ابراهيم
    •أول برلمانية سودانية ، دخلت البرلمان بفوزها بدوائر الخرجين في انتخابات عام1965م.
    •من مواليد مدينة امدرمان ، ديسمبر عام 1934.
    •من الدفعة الأولى التي قادت أول إضراب عرفته مدارس البنات .
    •عملت في اللجنة التمهيدية بعد تأسيس الأتحاد النسائي وتولت رئاسته في عام 1956.
    •أسست مع عدد من عضوات الاتحاد النسائي مجلة صوت المرأة في عام 1955 ، التي اصبحت منبراً معادياً للحكم العسكري ، وأغلقت المجلة مرات عديدة، وكانت صاحبة الامتياز ورئيسة التحرير .
    •إشتركت في تكوين هيئة نساء السودان إبان الحكم العسكري عام 1962م وكانت عضواً في اللجنة الأولى للهيئة .
    •كانت مع ثريا امبابي أول سودانيتان تترشحان للبرلمان .
    •أصدرت كتابتها " طريقنا إلى التحرر " في عام 1966م .
    •وضعت تحت الاقامة الجبرية لمدة عامين عقب انقلاب 1971م على نظام النميري وإعدام زوجها الشفيع احمد الشيخ .
    •اصدرت كتابها ( حصادنا خلال عشرين عاماً ) في 1978م.
    •غادرت السودان إلى لندن في عام 1989م .
    •عادت إلى السودان في 2005م العودة عقب الانفراج السياسي في السودان .
    •عضوة في المجلس الوطني الحالي ( البرلمان السوداني ) .
    •عضوة في اللجنة المركزية للحزب الشيوعي السوداني .
                   |Articles |News |مقالات |بيانات

09-04-2007, 04:32 AM

elsharief
<aelsharief
تاريخ التسجيل: 05-02-2003
مجموع المشاركات: 6242

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)


    الأخت الجندرية

    تحصلت على هذه المعلومة من اصدارة(رؤى فصيلة تعنى بحقوق المرأة وقضاياها)

    المعلومة كالاتى:-

    اول امرأة تنضم لفصيل مسلح فى الجنوب أنانيا(1 ) وبعدها الجيش الشعبى لتحرير السودان هى المناضلة ديبورا أقيرقوم من مواليد رمبيك قضت سنوات عديدة فى ميدان القتال برغم كبر السن والمرض, تقول ان امراضها تهون بالنظر الى مرض الوطن
                   |Articles |News |مقالات |بيانات

09-04-2007, 05:45 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 03-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: elsharief)

    Quote: 10)صورة سعاد عبد الرحمن
    11) صورة عائشة حسن
    12) صورة نفيسة كامل
    13) صورة زينب عبد القادر
    14) صورة ثريا امبابي
    15) صورة كريستينا أيان فري


    وديل مين بالضبط؟
                   |Articles |News |مقالات |بيانات

12-04-2007, 05:36 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    العزيز عاطف عمر

    سلام واحترام

    شكراً كثيراً على ادراج الرابط من موقع رفاعة
    فقد حصلت على صورة الأستاذة نفيسة عوض الكريم وسيرتها .
    كما ان الرابط حوى سيرة عدد من الاستاذات الأوائل ، امثال حرم الفكي والاستاذة زهرة والمعلمة الشول وغيرهن .
    وهو رابط جد مفيد للذين / اللواتي يبحث عن معلومات لإحتفال بمئوية تعليم المرأة وقرن على انشاء اول مدرسة لتعليم البنات في رفاعة في العام 1907م .

    ********

    بتول محمد عيسى
    *أول سودانية حصلت على المعاش ، عندما منحت معاشاً بصفة استثنائية في وقت لم تمنح فيه أي امرأة عاملة ، وذلك في عام 1962م .
    *إحدى اول سودانيتين تستخدمان الدراجة في مجال عملهما، عندما استخدمت الدراجة هي والست حنينة في التنقل بين مكان سكنهما والبيوت اللائي كن يزورنها، وقد بدأت تستعملها في عام 1937م .
    *من مواليد مدينة رفاعة بوسط السودان .
    *تلقت تعليمها بمدرسة الشيخ بابكر بدري برفاعة (اول مدرسة لتعليم البنات)
    *التحقت بمدرسة الدايات ( الدفعة الثالثة ) ، وبدأت تدريبها في التمريض والتوليد في 11/11/1924م
    *عاصرت ثورة 1924م وتم القبض عليها وحبست في الباخرة التي اعتقل فيها طلبة الكلية الحربية .
    * أخرجت من الوابور مع زميلاتها بتدخل المسز ولف عميدة مدرسة الدايات .
    * تقلدت منصب ناظرة مدرسة الدايات بام درمان عام 1946م

    * تطوعت بعد المعاش للعمل في مدرسة الداية في عام 1965م .
    * أم لأبن واحد .
                   |Articles |News |مقالات |بيانات

12-04-2007, 06:04 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخ عبد المنعم الرزوقي
    سلام

    شكراً لك على ايراد المعلومة عن أول سودانية حكم لكرة القدم ، الأستاذة منيرة رمضان .
    اذكر صورها على الصفحات الرياضية ، وارجو ان نجد المزيد عن سيرتها وصورها .
    وقد اضاف الأخ ميرغني علي الأمين بأنها كانت لأعبة سلة في رائدات المريخ ، واكد المعلومة التي عارضها الأخ عصام دهب بقوله ان اول حكم هي السيدة سميرة رمضان وليس منيرة.
    كما اطلب من كل من يملك / تملك اي معلومة عن السودانيات اللواتي ارتدن المجال الرياضي ان يثَرى بها البوست ويُوّثَق لهن .

    (عدل بواسطة الجندرية on 12-04-2007, 06:48 AM)

                   |Articles |News |مقالات |بيانات

12-04-2007, 06:30 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)





    منيره رمضان أبكر محمد ورشه

    * أول سودانية تعمل حكماً لكرة القدم ، مارست التحكيم لكرة القدم الرجالية ، منذ عام 1975م حتى عام 1980، وكانت اول امرأة ترتاد هذا المجال في افريقيا والعالم العربي .
    * أول فتاة سودانية تشترك في سباقات المائة متر ثم رمي القرص والجلة .
    * مثلت السودان في محافل كثيرة فكنت بطلة السودان في رمي القرص والجلة في الدورات المدرسية والشبابية والمحلية والعالمية.
    * نالت شهادة في مجال التحكيم لكرة السله وشهادة تدريب كرة السلة بالسودان.
    * من مواليد أم درمان العباسية 1955م.
    * حصلت على دبلوم التربية الرياضية ، من المعهد العالي للتربية الرياضية في الخرطوم ، عام1981م.
    * بدأت نشاطها الرياضي في العام 1970م.
    * عضوة اول فريق نسائي سوداني لكرة السلة ، الذي أسسته الاستاذة هدى زين العابدين.
    * عضوة فريق المريخ النسائي بامدرمان .
    * عضوة اتحاد العاب القوى .
    * عملت بوزارة الشباب والرياضة.
    * علمت مدرسة للسباحة بجامعة الخرطوم.
    * عملت مدربة لكل من : الاتحاد النسا ئى بالخرطوم ، والاتحاد العسكري النسائي بالخرطوم.
    * سكرتيرة اتحاد السباحة وسكرتيرة اتحاد العاب القوى.
    * أنشأت معهد الرشاقة بالخرطوم والخرطوم بحري 1980م .
    * غادرت السودان عام 1984م الى المملكة العربية السعودية عندما تزوجت من رجل أعمال سعودي.
    * انشاءت مدرسة لتحفيظ وتعليم القرآن الكريم.
    * تعمل الآن معلمة ومشرفة بمدارس تحفيظ القرآن الكريم بمكة المكرمة.
    المصدر : موقع سودانيزهوسا.
    http://www.sudanesehawsa.com/forum/viewtopic.php?p=804&...bd9d9bb1e53489768[/B]

    (عدل بواسطة الجندرية on 12-04-2007, 06:39 AM)

                   |Articles |News |مقالات |بيانات

12-04-2007, 08:08 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخ عبد المنعم

    شكراً لمشاركتك .
    قلت ان أول أمرأة تتقلد منصب والي او حاكم ولاية هي السيدة السيدة اقنيت دوال
    واظنك تقصد السيدة اقنيس لكودو ، وذكر اخونا عادل عثمان ان اسمها اقنيست لكودي. وورد اسمها في عدة مواقع انترنت بهذه الطريقة اغنيس لكودو ، وهو اسم يشبه اسم القاصة السودانية المعروفة ، ولا اعرف ان كانت ولاية ولاية بحر الجبل هي نفسها القاصة الجنوبية .وقد كانت اول امرأة تعمل والي لولاية بحر الجبل، وذلك في الفترة من 1994، الى 1998 ، ثم عملت وزيرة الخدمة العامة والقوى العاملة 1998 الى 2000. وتعمل السيدة اغنيس الآن مستشارة لحكومة الجنوب لشئون التنمية .
    ليتنا نحصل على معلومات اخرى عنها او سيرتها كاملة .

                   |Articles |News |مقالات |بيانات

13-04-2007, 08:41 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    العزيزة ام وضاح

    سلام ومحبة

    شكراً لمداخلتك هذه والأخرى الأستاذة زكية مكي ، هل هي شقيقة الأستاذة عزيزة مكي ازرق ؟
    أرجو ان تعود لنا بصورتها المزيد عن سيرتها . هي وكل من تمليكن عنهن معلومة . فالبوست كما ترين اصبح بوست توثيقي ويهدف لوضع كل المعلومات التي يملكها أعضاء وعضوات الموقع على الانترنت ، وتعرفين اهمية هذه الخطوة للباحثين والباحثات خاصة خارج السودان .

    شكراً يا ام وضاح وانتظر عودتك لهذه البوست كثيراً .

    ********
    ذكر الاخ سفيان ، ان الدكتور علي عبد اللطيف عضو بهذا الموقع وانه يستطيع مدنا بصور للسيدة العازة محمدعبدالله زوجة الشهيد علي عبد اللطيف قائد ثورة 1924م ، وأرجو و ان يعتبر الدكتور علي هذا البوست بمثابة دعوة شخصية له للتوثيق للسيدة العازة واضافة اي معلومات وصور عنها .

    العازة محمد عبد الله

    *أول سودانية تشترك في مظاهرة سياسية ، بخروجها واشتراكها مظاهرة طلبة الكلية الحربية 1924م .
    * أول امرأة سودانية تحضر محاكمات سياسية وهي محاكمة 1924 .
    * أرملة علي عبد اللطيف قائد ثورة 1924م.
    * من مواليد امدرمان .
    * لا تعرف القراءة والكتابة .
    * لم تلتحق باي عمل خارج المنزل .
    *حضرت الاجتماع التي عقدها زوجها في المنزل منذ عام 1921م ، ولكن لم تشارك في النقاش.
    * ساعدت زوجها في الحفاظ على سرية هذه الاجتماعات .
    * كانت هي وعبيد حاج الأمين يقومان بدور الاتصال بين القائد ( علي عبد اللطيف ) وباقي والمجموعة .
    * تعرضت للتفتيش من قبل سلطات الإحتلال مرات عديدة بمنزلها .
    * عندما سجن زوجها عام 1924م اصطدمت مع ضابط انجليزي جاء لتفتيش منزلها ، وضربته .
    * عذبت ، وربطت على الشعبة ( عامود داخل المنزل ) وهددت بإطلاق الرصاص عليها.
                   |Articles |News |مقالات |بيانات

14-04-2007, 03:13 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأستاذ الباقر موسى

    سلام واحترام

    الف شكر على مداخلتك والأخريات.
    ذكرت
    Quote: الشهيدة بخيتة الحفيان
    من شهداء ثورة أكتوبر


    ارجو ان تعود لنا بشي من سيرتها ، وصورها .

    *****


    فرتوناتا كواشي

    * أول راهبة سودانية .
    * من مواليد منطقة جبال النوبة بغرب السودان عام 1840م.
    * قدمت إلى الخرطوم مع أسرة شمالية .
    * لجأت إلى الإرسالية الكاثوليكية بالخرطوم عام 1851م.
    * أرسلت إلى أوربا للتعليم والتدريب عام 1851م.
    * تم تعميدها في مدينة فيرونا بإيطاليا عام 1854م.
    * تدربت في معهد المعلمين والمعلمات الذي أسسه الأب كموني في مصر لتدريب الرهبان والراهبات السودانين ، وكانت في دير البنات بالقاهرة .
    * عملت مدرسة بمدارس الإرسالية الكاثوليكية بالخرطوم و بالدلنج .
    * إلتحقت فورتوناتا برهبنة كمبوني ووهبت نفسها للرهبة عام 1881م ، واتخذت لنفسها اسم فورتوناتا، ويعني الأسم في اللغة الايطالية ( المحظوظة )
    * اعتقلت من قبل انصار المهدي بعد فتح الأبيض في عام 1882م .
    * هربت من معتقلها إلى القاهرة .
    * توفيت بالقاهرة في 1899م.
                   |Articles |News |مقالات |بيانات

14-04-2007, 04:31 PM

Dia

تاريخ التسجيل: 02-06-2004
مجموع المشاركات: 383

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)



    الاستاذه سعاد عبدالنعيم زوجة المرحوم مكى شنتوت وكذلك الاستاذة ملكة الدار وقد قامتا بتكوين جمعية تعليم المراة مع الاستاذه نفيسة كامل وفقا لما ذكرته الحاجة المرحومة نفيسة كامل رحمها الله وتوجد بمدينة الابيض مدرسة باسم ملكة الدار شارك رواد التعليم فى تعميرهاواعادتهاوهنالك الكثيرات ز
                   |Articles |News |مقالات |بيانات

21-04-2007, 01:18 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    فوق
    إلى أن اعود
                   |Articles |News |مقالات |بيانات

09-05-2007, 06:25 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    فوق لعناية الأخت مهيرة
    ولحين عودة
                   |Articles |News |مقالات |بيانات

09-05-2007, 10:41 PM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: الجندرية)

    الأخت الفاضلة الجندرية سلامات,

    أرجو أن أكون قد أضفت القليل لموضوعك العامر دوما بأسماء الرائدات اللائى أوقدن بعض

    الشمعات فى زمان مضى فأضئن الطريق لمن أتين بعدهن,


    Quote: المرحومه الحاجه سكينه محمد ابراهيم عالم
    " بنت البراري "

    شاعره نشرت لها الصحف قصائد في بعض المناسبات , أتمت تعليمها الاولي ولكنها لم تقف عند هدا الحد بل جعلت تقرأ الكتب والمجلات الادبيه واحبت الشعر كثيرا فحاولته مرات عديده حتى انتجت شعرا لا باس به ثم تحسن مستواها الشعري نسبيا حتى وجد طريقه الى صفحات الجرائد وهدا مثال من شعرها .

    قصيدة القتها بمناسبة حوادث الجنوب الداميـه نشرت في جريدة الاخبار "اكتوبر/ 1955":

    صبرا على القتلى

    يانكبة السودان في ابنائه
    فى حين حوجته الى الابناء
    حملوا المشاعل للمجاهل قصدهم
    تبديد ليل الجهل بالاضواء
    يحدوهم الامل الكبير لرفعهم
    وكسائهم وشفائهم من داء
    يا ويح شعبي تلك نار اضرمت
    لزوال صرح شامخ الارجاء
    فصل الجنوب عن الشمال دسيسة
    قد حاكها المطران بالايحاء
    الى ان تقول :-
    وغدا يردد باسم عيسى غاضبا
    مستنكرا للفعلة الشنعاء
    صبرا على القتلى فان دمائهم
    ثمن لرفعتنا الى الجوزاء
    قد سار موكب مجدهم فى عزة
    ستظلهم فى جنة الشهداء
    ____________________________________________________________________________________________

    جزء من كلمة قيلت فى رثاء الفقيدة الحاجة سكينة فى ذكرى رحيلها,

    إلى من الهمتنا كيف نطفو فوق أمواج الصقيع


    فقد كانت تعـالج امور الحياة الصلده الجافه باسلوب رائع لم نلمسه في غيـرها وما صعب تـتركه على الله وتستعين عليه بالصبر والصلاه , لم تحمل هما في هده الحياه بل حملت و احبـت الكثـير في قلبها الكبيـر . عاشت بسيطه وماتت بسيطه وكنت مثالا للمرأة المتعلمه الراقيه التي تكبر مع الكبير وتصغر مع الصغير و التي تكون اسعد ما تكون عندما تاتيها بكتاب او مجله .
    فقد كانت العارفه بنسب العائله وشجرتها ليس دلك فحسب فقد كان طبقات ودضيف الله احد مطالعاتها
    المتواصلة حتى أصبحت خبيرة بأنساب الأهل و الجيرة و المنطقة .

    كانت صاحبة المشوره للاقارب والاغارب صاحبة الراي الصائب تعطي الامور حقها دونما انفعال . كانت نعم الام المـرشده في امور الدنيا و الدين فما دكرت ايه او حديث ال او كان لها الشــرح الوافي المنمــق وما دكرت السياسه الا وكان لها فيها دلو و ما ذكرت الثقافه الا وجدتها المثقفه الناضجه وما ذكر الشعر الا و وجدتها عنده كم اكمـلت بيتا وذكرت شاعره ومناسبة قوله , ومـا ذكرت القفشه و النكته الا و وجدتها صاحبة الروح الجميله اللمـاحه سريعة البديهه حاضرة الفكاهه .
    فكم نحن سعداء بالانتماء اليك , و تعساء لفقدك .
    و لكن على حد قولك الما بموت وين يفوت .
    نسال الله لك ارفع الجنات مع الصديقين والشهداء ..........


    كانت من رائدات تعليم و محو أمية النساء فى منطقة البرارى وقامت بكتير الأدوار التى تخدم

    إنسان المنطقة و خاصة النساء.




    أحترامى لك الأخت جندرية

    (عدل بواسطة أيمن الطيب on 16-06-2007, 11:41 AM)

                   |Articles |News |مقالات |بيانات

25-05-2007, 09:51 AM

مهيرة
<aمهيرة
تاريخ التسجيل: 28-04-2002
مجموع المشاركات: 464

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: أيمن الطيب)

    العزيزة امانى

    أشكرك على رفع البوست

    فعلا هو بوست مهم وتوثيقى

    أعتقد أن أول فتاة تدخل كليةالهندسة جامعة الخرطوم: هى منيرة حمد النيل ( هندسة المعمار) وليس

    زينب شبيكة كما ذكر أعلاه.

    كانت دفعتناأكبر دفعة من البنات تدخل كلية الطب وكنا 36 طالبة دفعة 1981

    طبعا حاليا البنات بقوا غالبية فى كليات الطب

    *أول مدرسة شاركت بالتدريس فى مدرسة بابكر بدرى فى رفاعة 1907م هى : النسيم عبد الرحمن وهى والدة

    زوجة جدنا المرحوم بشير الريح وجدة المرحوم عبد الرحمن البشير مؤسس مكتبة البشير فى أمدرمان ولها

    قصة طريفة وهى: أنها كانت ضمن حملة عبد الرحمن النجومى التى هزمت فى واقعة توشكى1889. وأخذت هى

    ضمن الأسرى الى مصر حيث تبناها تاجر فاضل من تجار صعيد مصر وأحسن مثواها، وذهب ابن عمها مالك بدرى

    الذى كان يتاجر بين مصر والسودان وتزوجها وعاد بها من مصر الى السودان حيث استقرت معه فى مدينة

    الدويم ثم انتقلت بعد وفاته الى مدينة رفاعة حيث كان يقيم آل بدرى قبل انتقالهم الى مدرمان.وقد

    كانت تعلمت القراءة والكتابة والخياطة والتفصيل فى فترة تواجدها فى مصر، فكانت أول سودانية تساهم

    مع الشيخ بابكر بدرى فى تعليم المرأة السودانية.

    وكانت أوائل التلميذات :
    سارة بابكر بدرى، قمرطيبة بابكر شبيكة، بتول محمد عيسى، آمنة محمد الحسين، نفيسة حميد، زينب معنى،و غيرهم من الرائدات
    تحياتى

    تحياتى

    (عدل بواسطة مهيرة on 25-05-2007, 10:20 AM)

                   |Articles |News |مقالات |بيانات

16-06-2007, 11:28 AM

عمار عبدالله عبدالرحمن
<aعمار عبدالله عبدالرحمن
تاريخ التسجيل: 26-02-2005
مجموع المشاركات: 8677

للتواصل معنا

FaceBook
تويتر Twitter
YouTube


Re: مطلوب معلومات عن رائدات سودانيات (Re: مهيرة)

    حياة رضوان
    اول موظفه سودانيه
    من مواليد 1925م
    تخرجت من مدارس الامريكان
    التحقت موظفه بوزارة الزراعه والاغذيه عام 1950
    وذلك عقب انجابها لابنتها الثالثه (نادية محمد اسماعيل والدة عضو البورد هيثم علي)
    اطلق عليها لقب الملثمه لانها كانت تذهب الي العمل متحجبه
    تردجت في السلك الوظيفي الي رئيسة قسم الحسابات بوزارة الزراعه..
    زوجها محمد اسماعيل (رحمة الله عليه) يعمل بالسكه حديد
    توفيت في 8/8/1988م بالسكه حديد الخرطوم
    كانت رحمة الله عليها كثيرة التلاوة للقرآن الكريم ,
    لها من الابناء 10 ابناء

    مصدر المعلومات ابنها خالد محمد اسماعيل

    (عدل بواسطة عمار عبدالله عبدالرحمن on 16-06-2007, 11:30 AM)

                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de