الفآآآآآآآآآآتحة على الذوق والرجالة !

Quote: الكلام القلتي في الحكومة دي كله صاح ولن ادافععنها وهي أسوأ من كدة . فقط الذي اود ان اقوله انه يجب ان نتحمل مسؤوليتنا تجاه أبناءنا واسرنا ومجتمعنا ولا نحاول ان نجد شماعةنعلق علينا أخطاءنا. وقد ذكرتني هذه الحكايات بتليذ بليد وشقط في الامتحان بجدارة عندما حاول الوالد ان يسأله قال له الاستاذ بليد يا بابا .... ونحن ما دايرين نكرر حكاية الاستاذ بليد دي تاني. واتذكر في بداية انتشار الشيشة حاولت هذه الحكومة التي نعاديها كلنا وأحيانا لا نرى حسناتها حاولت الحكومة منع الشيشة قامت الدنيا ولم تقعد وهاج الناس حريا حريات حريات...وهم ناسين انه الحكومة سالبه حريتهم الاساسية في المشاركة في الحكم وفي حرية التعبير, بالله عليكم ايهم أولى بان نرفع اصواتنا . نحن شعب متناقض دايرين حفلات للصباح ...دايرين شيشة ...بعد شويه دايرين بارات .. نفتح كل ابواب الشيطان ونقول ليه ما تخش ..نعمل شنو بالله عليكم. لذلك انا اقول دا دور المجتمع يعني البار لو فتح والشيشة بقت متاحة حتى للآنسات_ حسب رواية تبلدينا وانا لغاية الآن ما شفت لي بنات بيشربوا شيشة والله لا توريني _ يبقى المجتمع هو البيشوف الغلط ويجعل المعروف معروف والمنكر منكر. المجتمع هو البحدد شنو المعروف وشنو المنكر وبيحاسب بيه افراده. ما نخلي عداوتنا للحكومة ما تخلينا نشوف الصاح والغلط ونفرزهم. إذا كان الوالد للأبناء في الرواية السابقة_رواية الموسيقى وبيت البكا_ إن ما يفعله أبناؤه هو صواب منو يوزن لهم القيم منو اليقول ليهم دا صاح ودا غلط.... الحكومة؟ *الظاهر انو بقت في مشكلة في ماهو المعروف وما هو المنكر. *واعني بالمعروف ما تعارف عليه في المجتمع بأنه صحيح ومقبول ومستحسن بواسطه العقل الجمعي للمجتمع والمنكر عكس ذلك. افرزوا الكيمان كوم معارضة الحكومة علشان نكون معارضة جادة وملتزمة وفاعلة.مش زي الوضع النحن فيه دا. وكوم الدور المفروض نلعبه بغض النظر عن الحكومة الفوق راسنا عشان نحافظ على قيم المجتمع.