|
|
 Re: الإسـتـعداد لرمضان قبل الدخول فيه..هكذا علم الأستاذ محمود تلاميذه (Re: منصوري)
|
والله يامنصورى انا محتفى ببوستك العميق ده, ولو فى مرادى يكون دائما فوق ,وبعدين انت تكون شايف تصرفات تحسها, وتلمسها مجسده قدامك وما تكون عارف قيمتها يجى زول عظيم زى الأستاذ محمود يقول ليك معناها ببساطه متناهيه وبى ضو كده يعلمبو الله وحده ...زى قيمة الصمت , والنيه فى العمل , والتسامح, والرب رب قلوب , وشوف هنا برضوعن الصحه الروحيه والنفسيه كان يوصى بقلة الطعام وقلة المنام وقلة الكلام في رمضان
اذكر جد لى اسمو الخدر ود الفنجرى من اهالى الحجير سيد شباب قرى النيل(ماعارف الزومه دى انت جبتها من وين)ماها بعيدى مننا كنا نمشيلا بالكرعين وقت يكون فى لعب ونقولها الزومه (الحنينى) عشان فيها الخير راقد, نملا بطونامنها,ونغنى ونشاغل أهلها ونرجع أمانى ماهم طيبين يامنصورى ....جدى الخدر عندو تعاليم فى رمضان ياها الفوق دى كلها الناس تلقاهم مجضعين راقدين والخدر يحفر, ويعافر وما بينضم مع زول,يساعد الكبير والصغير وخصوصا النسوان ,الناس يقومو للصلاه بعد جرعة مويه وهو يتمهل, حكمة ربنابعد رمضان يبقى جن أحمر بمعنى جمال الروح وروعتها, ومؤكد ما قرء اى حاجه فى كتاب ....اها شنو ليك ؟
شكرا ليك يامنصورى ...وفى مره جايه بحدثك وحدثنى
ان شاء الله
طبعا انا من ناس الحركه شمال الوصف ده عاجبنى قالو عسكرى أمن يوصف فينا للضابط بعد ما قبضونا فى اجتماع نقابى سنه 93 وشفنا نجوم عز الطهر من الكيزان, ده موضوع تانى بقول ليك عنو.... المهم الراجل فكه ماداير يقول شيوعيين عديل كده
تحياتى
ويبقي( الـصـوم ضـياء والصلاة نور)
(عدل بواسطة عمر ادريس محمد on 10-04-2005, 10:23 AM)
|
|
 
|
|
|
|
عمر ادريس محمد
فيس بوك
تويتر
انستقرام
يوتيوب
بنتيريست