|
|
 Re: وزير المالية يعلن تخفيضات كبيرة في ضرائب المغتربين .. (Re: almulaomar)
|
المثل بقول اضربو بالموت عشان يقبل بالحمى
ياخى لماذا الضريبه فى ذاتها
ولماذا الزكاة فى ذاتها
هذا اولا
ثانيا ماهو العائد للمغترب فى شكل خدمات من هذه الضرائب والزكاة
فى البلاد البتقدر الناس لما المواطن يقول ليك انا دافع ضريبه الكلام كمل اجعص مسئول ينحنى ليك ويرجف عشان يشوف مشكلتك شنو ويحلها ليك
وبعدين المثل عندهم بيقول no taxation without representation لكن ناس قريعتى راحت ديل الرئيس يقول مافى رسوم طريق بين الولايات مافى رسوم عبور مافى رسوم قبانه لكن ناس الولايات مايشتغلو بيهو الشغله وناس الطريق حدث ولاحرج هسع كان الواحد قعد فى الواطه وحسب الرسوم والضرائب والزكوات البدفعها المواطن مباشره وغير مباشره حايصيبو الذهول كيف الزول السودانى قاعد يتحمل ده كلو ما باقى الا الدقنيه وافتكر انها موجوده بصوره او اخرى .
خلاص عمر االقشير ووزير ماليتو قايلين بالتخفيضات العملوها دى جابو الديب من ديلو , وزير الداخليه ضرب ضربتو ونفد لا من شاف ولا من درى لافى زول بحاسبو ولا يسألو بل الادهى والامر كرم ودبجو فيهو الشعر بعد شويه كمان الترابى وعمر البشير يدبجو فيهم المعلقات والزبير وابراهيم شمس الدين اخدهم الله وهسع مسمين باسمهم الشوارع والقاعات وهم كلهم قتله وسفاحين اياديهم ملطخه بابناء الشعب السودانى العجيب فى ناس يقولو ليك الزبير ده كويس كويس بتاع ايه ياخى ده قالو شخصيا اشرف على اعدام مجدى والمعاهو بتاعين العمله ولم يرف له جفن ولم يرق لتوسلات امه كويس كويس شنو اما ابراهيم فحدث ولا حرج القصص عنه كتيره يكفى قصه واحده ذكرها اروك طون فى قناة الجزيره انه رمى اخوهو من الطياره شوف كمان الترابى فى مؤتمره الصحفى يتمحلس ناس كيف يتباكى على الحريات والله عجيبه وغريبه هو قايل الناس دى ماعندها ذاكره ولا شنو لحسن الحظ كلامه كله موثق فى الجرايد والاذاعه والتلفزيون لما كان هو الآمر والناهى يمشى فى الاض ويقول ياارض انهدى مافيش ادى ولسع فى حركاته بيديهو وضحكتو الصفراء .
اها الدستور اجازوهو بعده هلا هلا على الجد والجد هلا هلا على عايزين المحاكمات قضايا التعذيب لا تسقط بالتقادم والناس ما يتكاسلو الناس البره اتشردوا من اهلهم واسرهم تضحياتهم دى ماتكون بالمجان عايزين المحاكم الفتره الجايه تنشغل بالقضايا ومنظمات حقوق الانسان يكون عندها الشخصيه الاعتباريه التقاض بيها وتدعم المحاكمات والقانونيين يقدمو العون عايزين الجلادين وبتاعين الامن يرجفو فى سرايرهم والنوم يطير من عيونهم ماتقول لى ده قريبى والواسطات ترقد هبطرش وده ود حلتنا وده نسينا نحن برا المجاملات الما فى محلها دى الكاتلنا شنو ومخلين كلو واحد بعد فتره ناطى علينا ومتآمن من المحاسبه والعقاب والمساءله زى الترابى ده يجيك كأنه يده بيضاء من كلو سوء انا خايف بقعد بكره كمان عمر القشير ده يرشحوهو لجائزه نوبل للسلام ولا على عثمان .
قال تخفيضات قال .
|
|
 
|
|
|
|
|
| |
wadalzain
فيس بوك
تويتر
انستقرام
يوتيوب
بنتيريست