كتب الكاتب الفاتح جبرا المتوفرة بمعرض الدوحة
|
Re: أوتار وأشعار "9" - ياناس انتو وين انتو ما بنتو--- الفنان مح (Re: sympatico)
|
العزيز Sympatico
غير إفتتانى بأغنيات محمد حسنين على قلتها، زيه زى حسن سليمان الهاوى ومحمد الحويج، والناس العجيبين ديل، إلا انه عندى معاه ذكريات حميمة جدا
الوالد كان برضه من عتاق الترزية و"الخياتين" ونحن لسه فى الإبتدائى، بتذكر بكتير من السعادة والله، لمة مجموعة عجيبة من الناس المتميزين الفنانين فى محل الوالد، وعلى راسهم كان محمد حسنين، وعلى ما اذكر محله كان فى السجانة او نمرة تلاتةن ما متذكر
كان بتلم معاهم حسن عطية، وهو زميل الوالد فى الدراسة وجارهم فى السكن والبيوت كانت فى المنطقة بين الميريديان وكلية الصيدلة، ومعاهم بابكر على التوم بس ما عارف ايه صلته معاهم، وتانى كان فى واحد اسمه عباس، صاحب ورشة فى المنطقة الصناعية، وسيد عبد المحسن زعيم الترزيه الأفرنجيين، ويوسف موسولينى صاحب سفريات الركبى (الخرطوم مدنى)
مجموعة غريبة جدا جدا، وما تسمع الضحكات تعلو وتزيد الا لمن يجيهم محمد حسنين، كان زول بشوش ولطيف، لكن اكتر شى ملفت فيهو، كانت الاناقة، واذكر انى اول مرة اشوف الفنايل "نص الكم" المصرية، شفتها عند محمد حسنين
وكنت معجب بطريقة تسريحة شعره، وشكله المميز مع إضنينو ذات الشكل المتوثب
وقليبى عليك وديمه مساهر ليك يا الرساى
وكتير من الشدو الجميل عند محمد حسنين
عطر الله ذكراهم بمثل ما عطرو حياتنا
وتانى شكرا ليك يا سيمباتيكو
أبوذر
|
|
|
|
|
|
|
العنوان |
الكاتب |
Date |
أوتار وأشعار "9" - ياناس انتو وين انتو ما بنتو--- الفنان محمد حسنين | sympatico | 03-31-04, 07:12 PM |
Re: أوتار وأشعار "9" - ياناس انتو وين انتو ما بنتو--- الفنان مح | Agab Alfaya | 03-31-04, 09:25 PM |
Re: أوتار وأشعار "9" - ياناس انتو وين انتو ما بنتو--- الفنان مح | 3mk-Tango | 03-31-04, 09:26 PM |
Re: أوتار وأشعار "9" - ياناس انتو وين انتو ما بنتو--- الفنان مح | Giwey | 03-31-04, 09:38 PM |
Re: أوتار وأشعار "9" - ياناس انتو وين انتو ما بنتو--- الفنان مح | صديق الموج | 03-31-04, 10:58 PM |
Re: أوتار وأشعار "9" - ياناس انتو وين انتو ما بنتو--- الفنان مح | sympatico | 04-01-04, 07:03 AM |
Re: أوتار وأشعار "9" - ياناس انتو وين انتو ما بنتو--- الفنان مح | محمد عبدالقادر سبيل | 04-01-04, 11:05 AM |
Re: أوتار وأشعار "9" - ياناس انتو وين انتو ما بنتو--- الفنان مح | sympatico | 04-01-04, 12:23 PM |
Re: رحم الله ايام زمان واذاعة ام درمان | Agab Alfaya | 04-01-04, 04:35 PM |
Re: أوتار وأشعار "9" - ياناس انتو وين انتو ما بنتو--- الفنان مح | Agab Alfaya | 04-03-04, 05:48 AM |
Re: أوتار وأشعار "9" - ياناس انتو وين انتو ما بنتو--- الفنان مح | انا بنت النيل | 04-03-04, 08:00 AM |
Re: أوتار وأشعار "9" - ياناس انتو وين انتو ما بنتو--- الفنان مح | محمد عبدالقادر سبيل | 04-03-04, 09:11 AM |
Re: أوتار وأشعار "9" - ياناس انتو وين انتو ما بنتو--- الفنان مح | THE RAIN | 04-03-04, 09:15 AM |
Re: أوتار وأشعار "9" - ياناس انتو وين انتو ما بنتو--- الفنان مح | JAD | 04-03-04, 10:13 AM |
|
|
|