احباء الدرب الاخضر سلام ان تعلم الديموقراطية كسلوك لا زال بعيدا عن سيكلوجية الساسة السودانيين الا من رحم ربى وتشرب بفكر جبار يخلصه من امراض السودان المستوطنة(حقى سميح وحق الناس ليه شتيح) وده طبعا نجده فى برنامج فى الواجهة وضيوفه المبجلين وتصورو لاول مرة اعرف ان العرب فى السودان هم الزبيدية والرشايدة وحسين خوجلى كمان بعد الحلقة الاخيرة من برنامج فى الواجهة مع احمد البلال ..والزول ده لو ساق ناسو ديل واتونس معاهم فى البيت افضل من يجى يدبغ بيهم سودانيين الشتات ولاحظوه بستعمل كلمة (انا )كم مرة فى البرنامج
********** ان دكتور جون قرنق يقدم كل يوم دروس فى التواضع والاعتراف بالاخرين قد نختلف مع الحركة الشعبية فى بعض الاطروحات ولكنها تظل محل احترام الجميع لروح الديموقراطية التى يتمتع بها جون قرنق(لا حظو الناطق الرسمى لها من الشمال وهو ابن الجزيرة الخضراء ياسر عرمان) ونحن فى انتظار تحولها لحزب فى ظل فرص عادلة للوعى وحرية الاعلام..ستكون كظاهرة الثقب الاسود فى الفضاء....ستجذب كل ابناء السودان الحالمين بوطن جميل ضد العنصرية ويحلم بالسلام ومن اطرهم الزائفة والكئيبة فى كيانات واحزاب السودان القديم ******* وطبع نسيت ان اشيد بالاسطورة وردى وكلمات الشاعر الانسان محجوب شريف واعاف الصديق الما يهم بيك واخاف الطريق الما يودى ليك كمسك ختام لحلقة متميزة من برنامج فضائية السودان ***** معا ومع مؤسسات المجتمع المدنى من اجل سودان جديد ومن اجل حرية الكلمة والراى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
فيس بوك
تويتر
انستقرام
يوتيوب
بنتيريست